رواية اشواك العشق الفصل الثالث عشر 13 - بقلم سندس محمد

ياسين بمكر: يمكن عشان قاعدة دلوقتي في حضن أمها. كامل بصدمة: أنت بتقول إيه؟ ياسين باستفزاز: أوعى تكون اتصدمت، لا لا مينفعش تتصدم كده، ومتخافش عليها دي منورة البيت، أه والله زي ما بأقولك كده. كامل بعصبية شديدة: أنت فاكر إني كده هاخاف يعني؟ بنتي هترجعلي يا ياسين وبكرة تشوف. ياسين باستفزاز: أمم لا مينفعش تتعصب كده، العصبية غلط عليك ده أنت راجل كبير برضه.

كامل بعصبية: ماشي يا ياسين، بكرة الأيام تثبتلك الراجل الكبير ده هيعمل إيه. ياسين: أمممم هتعمل إيه يعني ولا هتـ... قتل حد تاني؟ كامل بخبث: آه يا ياسين هقتـ... ل، طب إيه رأيك في تميم وتمارا ولاد أختك صغيرين ومش هياخدوا وقت، إيه رأيك؟ ياسين بعصبية شديدة: أنا عايزك تقرب منهم كده وهوريك أنا هاعمل إيه. خلص كلامه وقفل السكة... وبص قدامه بشر وقال: حسابك قرب قوي يا كامل، قرب قوي.

عند كامل كان قاعد في الفيلا بتاعته وهو مش طايق نفسه بعد مكالمة ياسين. كامل بحقد وكره: ماشي يا ياسين أنا هوريك أنا هاعمل إيه عشان مش كامل المنشاوي اللي يتهدد. عند روان كانت قاعدة في أوضة فاطمة زي ما هي ومعاها اعتماد. اعتماد بهدوء: طب إحنا كده هنعمل إيه يا فاطمة؟ توحيدة مش هتسكت ويا عالم هي عملت وهتعمل إيه تاني. فاطمة بحزن: توحـ... يدة لسـ... ه وراها كتـ... ير يا اعتـ... ماد واللي جاي هيبـ... قى دمـ... ار.

روان بكره: أنا بأكرها قوي قوي. قطع كلامهم دخول تميم وهو بيصرخ بفرحة شديدة وبيقول: خالو أحمد جه هو ونور يا تيتة. اعتماد قامت بفرحة: بجد؟ ونزلت بسرعة على تحت... نزلت لقت أحمد ابنها واقف قدام السلم وبيبصلها بشوق... حضنته بفرحة شديدة وقالت بشوق شديد: يااااه يا أحمد هونت عليك كل ده يا ابني. أحمد بحب: غصب عني يا أمي والله. وبص حواليه باستغراب: أمال فين الجماعة وياسين فين؟ اعتماد بحب: ياسين في الشركة يا حبيبي.

وبصت لنور وقالت بحب: عاملة إيه يا بنتي؟ نور بحب: الحمد لله يا ماما وحضرتك عاملة إيه؟ اعتماد بهدوء: الحمد لله يا حبيبتي. روان نزلت ولما شافت اللي قاعدين قالت بخجل: السلام عليكم. كلهم ردوا السلام. اعتماد بحب: تعالي يا بنتي ده أحمد ابني ودي نور مراته. روان رفعت راسها ولما شافتهم قالت بصدمة: مش معقول!