رواية اشواك العشق الفصل السابع والعشرون 27 - بقلم سندس محمد

عندما وصل فتحي الفيلا بتاعته، لقى البوليس. فتحي بخوف شديد مخفي: احمم، نعم يا حضرة الظابط؟ الظابط بثبات: أنت مطلوب القبض عليك، اتفضل معانا. فتحي بعصبية: انتو مش عارفين أنا مين ولا إيه؟ الظابط: اتفضل معانا يا فندم من غير شوشرة. فتحي بخوف: طب بص بقى، كامل هو اللي عمل كل حاجة، أنا ما عملتش حاجة، أنت فاهم ولا لأ؟ الظابط للعساكر: هاتوه. فتحي بعصبية شديدة: ماشي، أنا هوريكوا كلكوا. في البيت. ياسين بحزن شديد: هي مش هتسامحني.

فاطمة بلطف: لأ هتسامحك بإذن الله، بس لازم تحاول معاها وما تستسلمش. ياسين: أنا والله كنت خايف عليها، ولما خلصت منهم كلهم قولت لازم نرجع، أنا بحبها أوي. فاطمة بضحك: طب اتكسف طيب، ده أنا أمها حتى. ياسين ببسمة: يعني أكدب؟ ما أنا بحبها فعلًا. أحمد بغمزة: أيوه يا عم. ياسين بقرف: ابعد عنيك بس واحنا هنرجع لبعض. أحمد بضحك: لأ أنا لازقلكوا أهو. نور بضحك: انتو مش هتبطلوا خناق بقى. أحمد بتذمر: هو اللي بدأ الأول.

نور: معلش معلش، أخوك الكبير. ياسين بإرهاق: أنا هطلع أنام شوية. كلهم بهدوء: ماشي. ياسين طلع أوضته وأول ما دخل غمض عينه بحزن. ياسين بحزن شديد: أنا عارف إني غلطان، وعارف إني ظلمتك كتير، بس غصب عني والله، غصب عني. في أوضة روان كانت قاعدة على السرير وبتعيط. روان بعياط: هو فاكر لما يقولي أنا آسف غصب عني هرجعله وهقوله يا روحي بحبك؟ هههه إيه العبط ده يا ربي! لأ وبعد ما كان بيضربني ويحبسني فاكرني هحنله تاني!

لأ زمن روان العبيطة راح وجه زمن روان القوية، ماشي ليك روقة يا ياسين باشا. في القسم، فتحي كان قاعد وبيبص للظابط بخبث عشان عرف يطلع منها ويلبس كل حاجة لكامل. الظابط بخبث: أنت فلت منها المرادي، بس المرة الجاية على موتي لو خرجت منها. فتحي باستفزاز: طب وليه المعاملة دي يا باشا، ده أنا حتى مواطن صالح ومليش في أي حاجة وماشي جوه الحيط. الظابط بصله بمكر: أممم، اتفضل بقى من غير مطرود. فتحي خرج من القسم وركب عربيته ومشي.

في كندا، وفي بيت شكله حلو أوي من بره لكن من جوه فيه ناس أقل ما يقال عنها ذئاب، كانوا قاعدين كلهم وبيتكلموا إنجلش. (أنا هكتب باللغة العربية عشان يبقى أسهل بس هما في الأصل بيتكلموا إنجلش.) البوس بشر: فتحي أصبح عقبة في طريقنا ويجب علينا التخلص منه. الرجل بهدوء رزين: نعم فهو أصبح يفتعل العديد من المشاكل وهذا سيؤثر على عملنا. البوس: حسنًا فليذهب للجحيم.