رواية اشواك العشق الفصل السادس 6 - بقلم سندس محمد

روان بصدمة شديدة: أنت متجوّز؟ بصلها ياسين بسخرية شديدة: آه، ليكي فيه؟ سكتت روان وهي حاسة إن قلبها وجعها. اعتماد بصتلها ببسمة وقالت: أنتي روان صح؟ روان بتردد: آه. اعتماد فتحتلها دراعتها وقالت: طب تعالي في حضني، أنتي شكلك كيوت وعسل كده. روان ما صدقت وجريت على حضنها، وأول ما حضنتها دموعها نزلت. هي أول مرة تجرب الإحساس ده، باباها قالها إن مامتها ماتت وفاكراها بس مش أوي. ياسين: ماشي، هنطلع نريح شوية لحد الغدا.

اعتماد ببسمة: ماشي يا حبيبي. ياسين وروان طلعوا. روان أول ما دخلت الأوضة عجبها ذوقها أوي. ياسين بجمود: نامي على السرير وأنا هنام على الكنبة. روان بهدوء: لا أنا هنام على الكنبة أحسن. ياسين بحزم: أنا قلت قراري خلاص. روان بخوف من نبرته: حاضر. تحت كانت اعتماد وتوحيدة قاعدين. توحيدة لما ياسين وروان جم ما كانتش موجودة. توحيدة بزعل: أنتي إزاي قابلتيها كده وهي أبوها اللي قتل بنتك وجوزك؟

اعتماد: بس هي مالهاش ذنب، وليه أصلًا آخدها بذنب أبوها؟ أنا كده أبقى ظالمة يا توحيدة، هظلم بنت مالهاش ذنب، طب وليه؟ توحيدة: عندك حق يا اعتماد. اعتماد عينيها دمعت: أنا ما أنكرش إن قلبي وجعني أول ما شوفتها، وكنت ناوية أعاملها وحش، بس أول ما شوفتها افتكرت ريماس وأنا ما كنتش هقبل عليها كده يا توحيدة. توحيدة بحزن: ربنا يرحمهم يا رب. اعتماد: يا رب. وكملت ببسمة عشان تغير الجو: أنتي مش عايزة تتجوزي برضه؟

توحيدة بضحك: يعني أنا ما اتجوزتش وأنا صغيرة، هتجوز وأنا كبيرة يا ستي؟ العمر عدى خلاص. اعتماد بضحك: والله يا توحيدة أنتي لسه صغيرة، فكري بس. توحيدة بضحك: والله ضحكتيني يا اعتماد، أنا مش عارفة أبوكي كان ماله لما اختار الأسامي بتاعتنا: اعتماد وتوحيدة، بس اشمعنا فاطمة هي اللي فلتت منه. اعتماد بضحك: تلاقي أمك هي اللي سمتها، لكن جت على حظنا إحنا وأبوكي هو اللي اختار الأسامي بتاعتنا. عند ياسين وروان في أوضتهم.

ياسين بهدوء: نمتي ولا لسه؟ روان: أحممم لا صاحية. ياسين: أحمم، إيه رأيك تروحي معايا أشوف خالتي فاطمة؟ هي في الأوضة اللي جنبنا. روان ببسمة: أيوه طبعًا. بعد خمس دقايق خرجوا هما الاتنين من أوضتهم ودخلوا أوضة فاطمة. ياسين أول ما دخل ابتسم بمشاكسة: بطتي عاملة إيه؟ فاطمة بصتله والفرحة بانت في عينيها، وكل ده وهي لسه ما شفتش روان عشان كانت واقفة ورا ياسين. روان وقفت قدامها وقالت ببسمة: أنا روان. فاطمة بصتلها

بصدمة شديدة ونطقت بصعوبة: بـ... بنـ... بنتي.