رواية اشواك العشق الفصل التاسع 9 - بقلم سندس محمد

ياسين ضحك بسخرية شديدة وقال لها: اه، أنتِ عايزة تتطلقي؟ هو أنتِ فاكرة إني متجوزك حب فيكِ؟ روان بوجع: أنت ليه بتعمل معايا كده؟ أنا ما عملتش حاجة، أنا مظلومة زي زيك، فجأة اكتشفت إن أبويا قاتل، أنت متخيل أنا حاسة بإيه؟ أنت أناني قوي يا ياسين. ياسين بص لها ودموعه في عينه: أنا أناني؟ أناني عشان موجوع على أبويا وأختي؟ أنا كده أناني عشان موجوع على ولاد أختي اللي اتيتموا، ولا على أمي اللي بشوف الحسرة والقهر في عينها؟

أنتِ متخيلة أنا حاسس بإيه؟ روان دموعها نزلت: إحنا الاتنين موجوعين يا ياسين، بس أنت متخيل إنك لوحدك اللي موجوع. اعتماد بصدمة: تتجوزي؟ توحيدة بخبث: آه أتجوز، أنا لسه صغيرة. اعتماد بصدمة: أنا مش متخيلة الصراحة، بس براحتك. توحيدة بخبث: ماشي يا اعتماد. اعتماد بحزن مخفي: ماشي براحتك. توحيدة: طب مش هتخديني في حضنك وتبركي لي؟ اعتماد قامت حضنتها وقالت بهدوء: مبروك يا توحيدة. توحيدة: الله يبارك فيكِ يا أختي. اعتماد باستغراب:

بس هو مين؟ توحيدة بصت قدامها وقالت بخبث شديد: كامل المنشاوي. عند كامل كان قاعد مع صاحبه. كامل بهدوء: أنا هتجوز. صاحبه: إزاي وبنتك مش موجودة؟ كامل بص قدامه بغموض: ما هو عشان أرجع بنتي لازم أعمل كده. صاحبه باستغراب: طب هتتجوز مين؟ كامل بهدوء: توحيدة الراوي. ياسين بحزن: طب هنعمل إيه؟ روان بدموع: هنحاول نداوي قلوبنا. ياسين بهدوء: أنا أخذت قرار لازم يحصل. روان بقلق: قرار إيه؟ ياسين بهدوء: ... روان بصدمة: إزاي يا ياسين؟