رواية اشواك العشق الفصل الثاني عشر 12 - بقلم سندس محمد

وبصت لفاطمة لقيتها بتبصلها بدموع وهي دموعها نزلت وقالت: أنا بنت فاطمة، الرواية فاطمة اللي ضحكوا عليها، فاطمة اللي توحيدة عايزة تموتها وتموتني. هاا عايزِين تسمعوا إيه تاني؟ ياسين بصدمة وصوت عالي: أنتي بتقولي إيه يا روان؟ روان بسخرية: إيه يا ياسين؟ اتصدمت صح؟ وطبعًا كلكوا اتصدمتوا، بس للأسف دي الحقيقة اللي اتخبت سنين، وأنا في يوم عرفتها. لا وعرفتُها إزاي؟ عرفتها وأنا داخلة الأوضة صدفة. شوفتوا إزاي؟

اعتماد بصوت عالي: لا مش معقول! إزاي توحيدة تعمل كده؟ مش معقول! توحيدة بتوتر: لا لا دي كدابة، انتوا هتصدقوها ولا إيه؟ اعتماد بتوتر: توحيدة، أنتي ما تعمليش كده مع أختك صح؟ انطقي قولي أي حاجة! ياسين بصوت عالي: ما تتكلمي يا خالتي وفهمينا إيه اللي بيحصل ده! توحيدة قربت من اعتماد ووقفت قدامها وقالت بدموع مصطنعة: أنتي هتصدقيها يا اعتماد؟ ده أنا أختك، هتكدبيني وتصدقيها؟

نطقت فاطمة وقالت بسخرية: هـ هي عنـ..دها حق فـ في كـ كل كلمة قالتـ..ها وما كدبـ..تش يا اعتمـاد. روان بنـتي. اعتماد بصتلها بصدمة وجريت عليها: فاطمة فاطمة! أنتي اتكلمتي صح؟ فاطمة ابتسمت وقالت: أه يا اعتمـ..اد. اعتماد دموعها نزلت بتأثر وحضنتها وقالت بدموع: آه يا فاطمة وحشتيني أوي ووحشني صوتك يا غالية. هونت عليكِ يا فاطمة؟

فاطمة دمعت وقالت: وأنـتي كـ كمان وحشتـ..يني يا اعـتماد. وبصت لروان لقتها بتبصلها بدموع. فاطمة فتحت لها دراعها. وروان جريت على حضنها وفضلت تعيط. توحيدة بتوتر: أنا عملت ده كله عشانك يا فاطمة. فاطمة بصتلها بسخرية وسكتت، أما اعتماد فـ ردت عليها وقالت بسخرية: أممم وبعدين؟ ياسين بعصبية: يعني روان بنت خالتي صح؟ اعتماد بابتسامة: آه يا حبيبي، حاجة حلوة صح؟ ياسين غمض عينه بحزن وفتحهم وبص لروان

لقاها بتبصله بحب وقالت: أنا مسامحاك يا ياسين وعارفة إنه كان غصب عنك. ياسين نطق بحزن: أنتي طالق يا روان. خلص كلامه وخرج من الأوضة بعصبية وحزن، وروان بصت في أثره بصدمة وهي بتحاول تستوعب اللي قاله. أما ياسين فهو خرج من الأوضة عندهم ودخل أوضته هو وروان وقعد على السرير بحزن وقال بهمس: سامحيني يا روان، سامحيني غصب عني يا حبيبتي، غصب عني.