رواية اشواك الماضي الفصل التاسع 9 - بقلم يارا عبد العزيز

رؤى جريت عليه و وقفت وراه و هي حاسة إنه طوق النجاة اللي جه يلحقها. مكنش همها رد فعله على قد ما كانت عايزة تخرج من المكان ده. تميم بصلها بصدمة و هو مش مستوعب. "تعالي يابت انتي هنا." تميم زاح إيد العسكري بغضب مفرط بعيد عن رؤى لدرجة إنها كانت هتنكسر. في إيديه و قال بهدوء ما قبل العاصفة: "ملكش دعوة بيه انت فاهم." العسكري بخوف: "حاضر يفندم." خرج تميم و هو ماسك إيد رؤى من غير ما يتكلم و ركبها معاه قدام. في قسم الشرطة.

رؤى ببكاء: "أنا غلطت في العنوان بس والله متخليهمش يحبسوني." تميم بصلها بإستهزاء من غير ما يتكلم. و دخل الناس اللي كانوا في البيت مع رؤى و صاحبة البيت أيدت كلام رؤى. دخل أدم صاحب تميم الأوضة. تميم: "كمل انت المحضر أنا ماشي." أدم: "طب براحة." تميم خرج من غير ما يرد عليه و هو ماسك إيد رؤى بقوة. راح وقف قدام عربيته و دخلها في العربية. أو بمعنى أصح زقها جوه العربية بعنف.

فضل سايق من غير ما ينطق حرف بس كان باين الغضب على ملامحه. و رؤى كانت بتبصله بخوف شديد. رؤى بخوف: "هو إحنا رايحين فين؟ ده مش طريق البيت. هتوديني النفق تاني؟ زود سرعة العربية أكتر و هو مش شايف قدامه لحد أما وصل قدام عمارة كبيرة. تميم بصرامة: "انزلي." رؤى نزلت بخوف شديد منه و من نظراته و سكوته. وصلوا قدام شقة في الدور الرابع. تميم فتح الباب و سحب رؤى وراه و دخل بيها أوضة من أوض الشقة و دفعها على السرير بقوة. تميم بغضب:

"كنتي هناك بتعملي إيه؟ رؤى بخوف و توتر: "هو هو." كمل بغضب مفرط و صوت عالي أرعبها: "انطقيييي." رؤى بدموع خوف: "ممكن مقولش؟ تميم بغضب مفرط: "والله! ليه بقى مكسوفة تقولي إنك روحتي هناك عشان إنتي بني أدمة خاينة. و أهلك معرفوش يربوكي." أتفاجأ بقلم قوي بينزل على وشه منها. بصلها بصدمة و غضب و مسك إيديها بقوة و قربها منه و إتكلم بحدة: "كنتي بتعملي إيه هناااااااك انطقيي؟ رؤى: "و انت يهمك في إيه حتى لو أنا خاينة زي ما بتقول."

تميم: "يهمني إنك مراتي فاهمة يعني إيه مرررراتي. حتى لو جوازنا كان غصب و حتى لو إنتي بتكرهيني. إنتي مراتي. في الأول كان أخوكي و دلوقتي إنتي أخوكي دبح قلبي زمان. و إنتي جاية تزودي عليه دلوقتي بعد ما رجع ينبض تاني بسببك." رؤى بصتله بإستغراب و صدمة: "يعني إيه! مش فاهمة يعني إيه رجع ينبض تاني بسببي." تميم بغضب مفرط و لأول مرة رؤى تشوف في عيونه الغيرة: "كنتييي هناك بتعملي إيه!

اخلصييي قولي و بردي النار اللي إدتيها جوايا من ساعة ما شوفتك هنا." رؤى: "................. بدأ يكسر في كل حاجة حواليه. و هي وقفت في ركن من أركان الأوضة و هي خايفة منه. جت تخرج من الأوضة مسك إيديها بقوة و قفل باب الأوضة بالمفتاح و دفعها على السرير مرة تانية. رؤى بخوف: "أنا عايزة أخرج من هنااا. كفاية كدا بقى و وديني عند أهلي." راح عندها و قعد قدامها على السرير:

"أنا مش عايز أأذيكي. لحد دلوقتي و الله متختبريش صبري أكتر من كدا." رؤى فضلت ساكتة و هي بتحاول تتجنب النظر ليه. تميم: "تمام إنتي اللي اخترتي." بصتله بخوف. قرب منها بكل قوته. حاولت تبعده بس معرفتش بسبب قوته. أستوعب اللي هو بيعمله بعد ما لاقى حركتها إنعدمت. بصلها لقاها أغمى عليها في حضنه. تميم بخوف شديد و هو بيهز وشها برفق: "رؤى رؤى ردي فيه إيه." خد كوباية الميه من جانبه و رش عليها بخفة لحد أما بدأت تفوق تدريجياً. تميم:

"قومي عشان هنروح القصر." هزت راسها بتعب و قامت. وصلها لحد باب القصر و مشي من غير ما يدخل. في المساء رؤى رنت على تميم كذا مرة. لأنها كانت خايفة يكون حصله حاجة بسببها. فضلت رايحة جاية في الأوضة. و جملة بعد ما قلبي رجع ينبض تاني بسببك مش راضية تروح من عقلها. قاطع تفكيرها صوت عربيته. بصت من البلكونة و أتنهدت براحة. دخل تميم و هو سكران و ماسك في إيده شامبانيا. رؤى راحت عنده و ساندته. رؤى: "إنت كويس؟ تميم بدموع:

"لأ مش كويس خالص. أخوكي خلاني مش كويس." حطيت إيديه على رقبتها و هي بتحاول تسنده. بعد عنها و هو بيروح على السرير و بيفرد جسمه عليه. مسك إيديها و شدها عليه. تميم: "تعرفي أخوكي إنتي دمر قلبي. و أنا معرفتش أأذيكي. انهاردة بخاف عليكي و كأنك قطعة مني. لما قولتلك إنتي خاينة. انهاردة كنت عايزك تدافعي عن نفسك و ترحمي قلبي." رؤى بصتله بإستغراب من كلامه بس أستغلت الفرصة و أتكلمت بتساؤل: "أحمد عملك إيه؟

إيه اللي حصل بينكوا وصلك إنك تكره بالطريقة دي."