رواية اشتغاله الفصل الثاني والعشرون 22 - بقلم ليل أدم

زين: يا بنتي ريهام انتي يابت ما تردي. ريهام: انت خضتني على فكرة. زين: يعني مش موافقة؟ أنا كنت عارف إنك هترفضى. سلام. ريهام: خد هنا ياعم، انت موافق طبعاً. أنا اتخضيت بس. زين: بحبك. ريهام: منا أتحب برضوه. زين: الله دي كلمتي دي. ريهام: حضن كبير بقا. زين: (بيضم ريهام في حضنه وبيضحك) في جانب آخر. عزيز: ل تاني مرة تتصرفي بغباء مع زين. مشيرة: ليه؟

عزيز: انتي متخيلة إن جودة هيروح يعمل اللي طلبتيه بكل سهولة ويرجع يقولك اتفضلي زين على طبق من دهب؟ مشيرة: الفلوس تعمل أكتر من كده. عزيز: مع أي حد بس مش مع النوع ده. العيال دي عاشت على جنيه وعلى مليون وعلى مليار، يعني رجوعهم الفقر حاجة عادية. انتي عمرك ما فكرتي إيه سبب قوة قلب زين وسطنا لدرجة إنه بقى أهم رجل أعمال في الشرق الأوسط؟

مش لأنه ذكي، لا، لأنه في نزهة بالنسبة لزين. الغنى الفاحش اللي وصل ليه ده نزهة عربية ركب فيها خده لفة وبعدين نازل منها، عشان كده مش الفلوس اللي تكسر الناس دي. مشيرة: لا يا بابا، أسفه. الفلوس تكسر أي حد، وخصوصاً الفقر بعد الثراء ده كله. عزيز: يبقى عمرك ما هتفهمي حاجة. في جانب آخر، وبعد انتهاء زين من زيارة ريهام، كان رجع إلى مكتبه. جودة: زين جوه يا ياسمين؟ ياسمين: جوه ومعاه أسماء. جودة: خلاص ماشي. (ودخل المكتب)

جودة: مساء الفل. زين: مساء الخير. اقعد. كملي يا أسماء. أسماء: كنت فين يا جودة؟ جودة: في شغل. أسماء: خف بقك بقى. والله يا جودة لو قفشتك تاني لأقطع شعرك اللي كل يوم بلون ده. زين: يا متخلف انت صحيح. هو كل يوم لون؟ خف علينا، بقيت شبه الإشارة. جودة: ولا حد منكم فاهم حاجة. دا شغل وفلوس ومجهود. زين: بس بس اسكت. كملي يا أسماء. أسماء: دا ورق الشركة اللي بكلمك عليها وكل المعلومات اللي تأكد كلامي جوه الملف.

زين: خلي الملف معاكي. طالما انتي اتأكدتي بنفسك خلاص مش محتاج أتأكد. الله ينور عليكي يا سمسمة. جودة: خف ها خف. زين: ولو مخفتش هتعمل إيه؟ جودة: هقعدها في البيت. أسماء: والنبي اتلهي. مش لما تكتب الأول. زين: انت مستني إيه؟ صحيح يا جودة ما تلخص. وعندي ليكم خبر حلو جدا. جودة: قول. زين: النهاردة طلبت إيد ريهام وموافقة. أنا بفكر أعمل الفرح مع بعض. انت وأسماء وأنا وريهام. جودة: بس بشرط. زين: إيه؟ أصبغ شعري زيك؟

جودة: لا يا حلو. مصاريف الفرح عليا. أسماء: سيبه والنبي يا زين. خليه يدفع. ده قتيل. زين: وأنا موافق. بس اللي نختاره تدفع حقه وانت ساكت. جودة: انت بس امضي هنا. وأنا هبقى معايا خمسين مليون جنيه. زين: هنا فين؟ وريني. ل تكون بتبيعني قرية ولا حاجة. جودة: يا عم قرية إيه؟ أنا هبيعك انت شخصياً. امضي بس امضي. زين: يخربيتك. دا نقل ممتلكات وعقود بيع استثمار مش تبعي أصلاً. دا انت هتحبسني. مش هتاخد فلوسي بس. (وبيضحك)

جودة: يا أخويا والله منا. دي مشيرة قالتلي أخليك تمضي. شوف بقا حل تمضي من غير ما نخسر حاجة وأنا آخد الخمسين مليون يا قريبي ونولع الدنيا. زين: أعملها إزاي دي طيب يا عم؟ جودة: لا شغل دماغك يا زين. بقولك خمسين مليون جنيه وربنا. الفلوس طلعت قصاد عيني. زين:

(بص لجودة مبتسم. رغم أن الرقم كبير جداً وزين متأكد أن مشيرة تدفع أكتر من كده عشان تدمر زين، وكان سهل جداً لجودة يختم الأوراق بختم زين، خصوصاً أن جودة الشخص الوحيد اللي مسموح له يمضي أي أوراق في عدم حضور زين والشخص الوحيد اللي يعرف مكان أختام زين. إلا أنه رفض المبلغ حباً في زين) أسماء: أصيل يا جودة والله. عشان كده أنا بحبك. فقر وجدعنة يا ض. جودة: انت ساكت ليه يا عم؟ ما تمضي. زين: يابني منا لو مضيت هتحبس. يخربيتك افهم.

جودة: طب أمضي أنا. زين: ياض انت متخلف. هي عايزة إمضت زين كامل. جودة: يا عم خلاص خلاص. بلاها. كده كده أنا مش محتاج حاجة ومرتبي كويس. زين: انت مرتبك كام يا جودة؟ جودة: مش عارف والله يا زين. أنا بنزل الحسابات آخد اللي عايزه وبمشي. أسماء: عشان كده كل شوية أكل من بره وعايش حياتك. والله يا زين لو قفشته ما حد منكم عارف مكاني تاني. زين: اتلم بقا يا عم. جايبلي الكلام على طول كده. جودة: خلاص بقا يا جماعة. أنا الوقتي محبط.

زين: خير يا عم المحبط؟ جودة: خمسين مليون طاروا. وتقولي ليه؟ زين: أنا ولا الخمسين مليون. جودة: انت طبعاً. انت عبيط يا زين. زين: عملت إيه في اللي قولتلك عليه؟ جودة: عيب عليك. كله تمام. زين: خلينا نركز على اللي اتفقنا عليه يا جودة. وصدقني أي حاجة خسرتها هتعوضها. أسماء: أقوم أنا أشوف شغلي. زين: أسماء أنا موافق أشتري الأسهم دي. اتفضلي. (وطلع دفتر الشيكات) . دا شيك بـ 8 مليون جنيه باسمك. أسماء: باسمي ليه؟

زين: عشان أنا شايف إن هو ده الوقت اللي تستحقي فيه تكوني سيدة أعمال. أسماء: انت بتتكلم بجد يا زين؟ جودة: وأنا؟ زين: بس ياض ياله روحي وتابعي معايا خطوة بخطوة. وأي حاجة تقف معاكي تتصلي عليا عشان أقولك تعملي إيه. واستاذ محمد في الشؤون القانونية يعملك دمج بين شركتك وشركات زين كامل. هيفيدك في شغلك الشراكة ما بينا. أسماء: ربنا يخليك ليا يا أحلى أخ في الدنيا. زين: ويخليكي ليا يا سمسمة. جودة: خف.

زين: هو انت مش عارف تفتح بوقك معاها عشان بتروقك؟ هتقعد تقولي خف خف. جودة: ركبتها علينا انت كده صح؟ زين: ياض افهم. هو ده الوقت اللي أسماء تطلع خطوة فيه. إنما أنت؟ أنا عايزك معايا. أنا أخاف أحط حد مكانك يا جودة. يعني لو حد مكانك في الموضوع بتاع مشيرة كان فكر لحظة. ولا كان باع زين واللي جابه زين. جودة: منا هبيعك كده. زين: (بيضحك) . تعرف تعملها؟ جودة: بصراحة لا. (وبيضحك) زين: ياعم امسك شيك بـ 10 مليون، حاجة تاني.

جودة: لا خليه معاك. أنا مش بحب أروح بنوك. أنا أنزل الحسابات آخد تلاتين أربعين ألف. فل أوي كده. زين: شوف والنبي الدماغ ياض. افهم. أنا عايز كل اللي حواليا يوصلوا. أنا هقع هقع. أنا الوقتي بقيت قصاد حل من الاتنين. ياخد جمب وأسيب السوق مع عزيز ومشيرة وأمشي ورا كلامهم. يا أقف على رجلي وسطهم وذاي ما تيجي. عشان كده أنا عايز أطلعكم كلكم. جودة: أول مرة أسمع منك الكلام ده يا زين. مالك في إيه؟

زين: اللعبة اختلفت يا جودة. عزيز مش كويس وتفكيره بعيد. أنا عارف عزيز ودماغه. واللي بيحصل ده معناه إن الناس دي تفكيرهم خرج بره نطاق الشغل. الكلام بقى على حبسه وتصفية حسابات للأبد. الحرب الوقتي بقت حرب بقاء يا جودة. جودة: واحنا معاهم لآخر نفس يا زين. هو انت متعرفش تلعب معاهم بره حدود شغلك؟ ما خطتك ماشية تمام. أي نعم هتاخد وقت لحد ما يبلعوا الطعم. بس اللي معاه ربنا يمشي على المياه. وإن شاء الله هننهي وجودهم خالص.

زين: عايز كل ده ينتهي قبل جوازي من ريهام. جودة: طب ما تشوف حل. نذق الدنيا ذقة. زين: مينفعش يا جودة. أنا عايز المزاد ده يمشي طبيعي خالص عشان عزيز دماغه مش سهلة. وغير كده أنا من دلوقتي خليت السوق كله يتكلم عن المزاد ده وإن قطعة الأرض دي مهما عندي جداً. وخلي بالك أنا كل ده وعامل حسابي إن منفذ اللي طلبته منك بالحرف. أوعى يا جودة تكون منيمني ومعملتش اللي قولتلك عليه. جودة: يا عم وكتاب الله حولتها سوق السلاح. عيب عليك.

زين: أما نشوف. كلها أسبوع والمزاد يتم. المهم انت هتعمل إيه مع مشيرة؟ جودة: مش عارف. زين: يابني انت كده تحت عين مشيرة. جودة: يعني أعمل إيه؟ زين: بص. بدل ما تعمل معاك الغلط. الجرد الوقتي يطلع ياخدك في العربية. يطلع بيك على السويس في المخزن. عشان اللي ماشي مراقب حضرتك يروح يبلغ مشيرة إني قفشتك. وتطلع من دماغها. جودة: وأنا هقعد هناك إن شاء الله. زين: يا عم بكرة بالكتير ترجع على البيت. تكون اتأكدت إني قفشتك بس.

جودة: إيه ده؟ انت طلعت الجرد بجد؟ انت كنت مظبطها بقا؟ ياعم زين. زين: خد اللوح ده. امشي معاهم يالوح.