رواية اسلام الفصل الثالث 3 - بقلم جاسمين محمد

اسر بعصبية: مش تفتحي. راح بيبص لقها وبصدمة: هو انتي تاني؟ اسلام بخوف: ارجوك مش وقته. بس ابعد الشاب ده عني. واستخبت وراه. : اسر ابعد وديني البت دي. اسر: امشي وسيبها يلا. : هو انت أي بت مزة تكوش عليها ولا إيه؟ متبعد مخلينا نتهنى زيك ياعم. اسر بعصبية: قولت امشي. هي تخصني. ومسك إيدها وشدها وطلع بيها بره. اسلام: آآآه! إيدي. سيبني! انت رايح فين انت تاني؟ اسر سابها وبعصبية: إيه!

متخافيش. أنا أصلاً مستحيل أبص للأشكال الرخيصة دي. اسلام راحت ضاربه بالكف على وشه وبعصبية: لا بقا انت تحترم نفسك. هو أنا عشان ساكتالك ولا إيه؟ لا اتلم عشان مستحيل أسكتلك. أنا أشرف من أي حد. سيف جري مسك اسر اللي العصبية مالية وعيونه حمرا جامد، ولسه كان هيتهور ويقرب من اسلام. سيف بعصبية: امشي من قدامه بسرعة. اسلام خافت من منظر اسر وطلعت جري على العربية وركبت ومشيت.

اسر بغضب: بقا أنا بعد ما أنقذها تضربني يا اسر الدمنهوري بالكف؟ طيب والله لندمها. سيف: اسر أهدي أرجوك. اسر بعصبية: تجبلي معلومات عن البت دي بسرعة. انت سامع يا سيف؟ سيف: حاضر. بس يلا نروح كفاية كده. اسر ركب عربيته وسيف كمان، وروحوا. **** اسررررررر! جه جه جه! اسر بضحك: ههههههه خلاص وطي صوتك. هو أنا جي من السفر؟ هههه. وراح شالها.

ريماس: هههههه. أصل حاجة غريبة. أبيه اسر يجي بدري الساعة واحدة. طمني يا برنس في حد زعلك ولا إيه؟ وأنا أروح أجيبلك حقك. معندناش حد هنا يزعل. دحنا ولاد الدمنهوري. اسر بضحك: هههههه. بقا انتي طفلة عندك تمن سنين؟ وأصلاً مبقاش غيرك انتي يامفعوصة اللي تجبلي حقي؟ هههههههه. ريماس اتقمصت: بقا كدا أنا مفعوصة؟ طيب اوعى نزلني. اسر: هههه. زعلتي يا صغننة؟ طيب خلاص انتي مش مفعوصة، انتي بنوتة كيوت وعسل. ريماس: بعد إيه يا خوي؟

اوعى كدا نزلني خليني أروح أتخمد. مهو أنا لو اتخمدت مكنتش شفت وشك ولا قولتلي كدا. عندهم حق في إنك قاسي قاسي أوي وقاسي قاسي وتعب أوجاعي. طيب قولت أسيبه بس أعمل إيه؟ اسر قعد في الأرض من كتر الضحك: يخربيتك! فصلت إيه يا بت انتي مجنونة ولا هبلة ولا إيه؟ بقا انتي طفلة؟ انتي هههههههه. ريماس سرحت في ضحكته ومن غير قصد: ما ضحكتك حلوة اهي. امال مبضحكش ليه؟ اسر سكت: بعدين تعرفي لما تكبري. المهم يلا روحي نامي.

ريماس: لا أنا كبيرة. عرفني دلوقتي والنبي والنبي يلا. : ريماس على أوضتك يلا. ريماس واسر قاموا من على الأرض. وريماس بخوف: حاضر. وزعلت. اسر: ريماس هتنام معايا النهارده. محدش ليه دعوة بيها. وشالها تاني. : هي مش صغيرة ومينفعش تنام معاك في أوضة واحدة. اسر بعصبية: هو انت في عقلك حاجة؟ دي بنت أخويا. وفين اللي مش صغيرة دي؟ دي لسه طفلة. وأنا قولت هتنام معايا ومحدش ليه كلمة عليا.

وراح طالع بيها على أوضته ودخل الأوضة وحطها على السرير وراح طالع يطلع لبس عشان يغير. ريماس: هو انتوا ليه دايماً مش طايقين بعض. اسر: بعدين هتعرفي ياقلبي. متشغليش بالك انتي. روحي نامي وأنا هغير وأجي أنام جنبك. ريماس: بس أنا عايزة أعرف دلوقتي. البيت كله بيقعد يتكلم وكمان جابوا في صف جدو عليك وبيقولوا إنك مغرور ومتكبر وقلبك حجر مبتحبش حد وكلام كتير. وانت مش كدا خالص. اسر قرب منها

وقعد جنبها على السرير: بصي ياقلبي الناس كلامها كتير ومش هتخلصي منه. حتى لو كنتي كويسة وملائكة مع الكل، الكل هيتكلم عليكي برضو. فانت الأحسن إنك تكبري وتسيبي اللي يتكلم يتكلم. ومتعمليش لكلامه اعتبار. عشان الكلب لما بينبح على شخص ويشوف الشخص ده خايف منه، بيسوق فيها ويزيد نبح. وبيبقى كدا خوف اللي قدامه وبقى ليه اعتبار وهو ملهوش تلاتين لازمة. فهمتي؟ بسيبهم يقولوا اللي عايزينه ليه. ريماس باستُه

على خده وبابتسامة طفولية: فهمت يا عمو اسر. بحب مسكها من خدودها: حبيبت عمو اللي طالعة بتفهم زيو دي ياناس. ريماس: هههههه. حصل. حتى أوقات بيقولوا لي انتي طالعة لـ عمك. ههههههه. اسر: هههههه. حصل. يلا أقوم أغير وأجي. ريماس قامت عمالة تتلفت في الأوضة وتلعب. وبصت لقت حاجة عمالة تلمع في جاكت اسر. راحت مسكته وبتبص لقته أسورة صغيرة شابكة فيه. ريماس بتفكير: بتاعت مين دي؟ أوع يكون الواد اسر بيخوني مع حد تاني؟

يا أيوه يا ما. لما يطلع لي بس. **** : اسلام فين الأسورة بتاعتك؟ اسلام باستغراب وهي عمالة تتلفت حواليها على الأرض: معرفش ياماما. كانت في إيدي من شوية. : بحزن. كيف متعرفيش؟ دي الأسورة اللي أنا جبتها لك. اسلام بحزن: اطمني هلاقيها. وقامت تدور عليها. **** اسر وهو بينشف شعره: حبيبتي نامت ولا لسه؟ وبيبص لقها واقفة على الكرسي وحاطة إيد في نصها وإيد ماسكة فيها أسورة وعمالة تلف فيها. اسر باستغراب: واقفة ليه كدا؟

وبتاعت مين الأسورة الحلوة دي؟ ريماس بعصبية: انت خاين يا اسر. اسر باستغراب: خاين إيه؟ في إيه؟ ريماس: اه خاين. وجايب لمين دي ياعيني بقا ها؟ بتخوني مع مين يا اسر؟ اسر قعد يضحك: هههههه. بخونك مين يا طفلة انتي؟ ومعرفش بتاعت مين دي. المهم يلا ننام عشان تعبان. ريماس: لا لم تقول دي بتاعت مين. اسر: لما أفتكر أقولك. وشالها وحطها على السرير ونام.