رواية اسلام الفصل الثاني 2 - بقلم جاسمين محمد

سيف... حاضر المهم يلا عشان أوصلك في طريقي. اسر... اممم فكرتني يلا وعشان أعدي على الورشة دي أشوف عربيتي وأجيبها. سيف... متخليها لصبح طيب. اسر... لا ويلا نروح. سيف... طيب يلا. *** عمي عبدو العربية دي جهزت أهي ولم صحبها يجي أبقى أديهاله ومتحسبش عليها! عبدو... حاضر يا إسلام بس رايحة فين كدا؟ إسلام... والله البت عهد جابت تقديرات حلو في امتحانات الدروس وكنت واعدها إني أجبلها هدية لو جابت تقديرات تعجبني. عبدو...

ميتحرمش منك يارب. إسلام... يارب يا عمي. أخ نسيت المفاتيح والعدة جوه العربية. أوصيك أجيبهم أحسن تنسيهم. عبدو... طيب يا ابني. اسر وصل هو وسيف. سيف... سلام عليكم. عبدو... وعليكم السلام. ازيكم يا بشوات؟ عربيتكم جاهزة. اسر بغرور... طيب كويس. الحساب كام؟ عبدو... حسابها خالص يا بيه. اسر بعصبية... لا مينفعش. قول الحساب كام. عبدو بخوف... ها طيب. أما الأسطى إسلام ييجي أبقى أسأله الحساب كام. اسر... تمام.

وراح ركب عربيته وسيف ركب عربيته ومشي. إسلام... عمي عبدو فين مفاتيح العربية؟ عبدو... أهي يا بنتي. في حاجة؟ إسلام... هروح أجيبه. مهو سكر وأنا أروح أجيبه. عبدو... معلش يا بنتي. أبوكي واستحملي. إسلام بحزن... يااا لحد إمتى يا عمي عبدو. المهم صاحب العربية جه خدها. عبدو... آه. إسلام... تمام. سلام. وركب العربية ومشت. اسر... يعني ملقيتش غير البار ونقعد فيه نتكلم؟ سيف... هههههه مين بيتكلم؟

دانت مبتحبش تتناقش ولا تروح مكان غير البار وتشرب براحتك. اسر... اممم طيب خلينا في موضوعنا. سيف... احكي واطربني يا أستاذ اسر. اسر... انت طبعاً عارف إني مهندس ميكانيكي بس مشتغلتش في المجال عشان اتشغلت بالشركة. سيف... اممم وبعدين؟ اسر... هبدأ أعمل شركة وأصنع فيها عربيات والكلام ده. يعني هرجع أحقق حلمي إني أبقى أكبر وأشطر مهندس ميكانيكي. سيف... طيب والشركة؟ اسر...

هحاول أوفق في الاتنين عشان مينفعش أسيبها. لأن لو سبتها عمي هيستولي عليها وحق أبويا يضيع. سيف... فعلاً. طيب دلوقتي لما تبدأ تشتغل هتجيب منين ناس تصلح ومهندسين يشتغلوا منين؟ اسر بحيرة... معرفش. وسكت شوية وبصوت عالي... لقيتها! سيف... إيه هي؟ اسر... الشاب اللي صلحلي العربية النهاردة. الراجل اللي كان هناك قال إنه مهندس ميكانيكي وشاطر وبصراحة تصليحه كويس وأنا عجبني. وأهو لقينا مهندس وهعمل دعاية وهلاقي مهندسين كتير. سيف...

اممم. هي فكرة حلوة. بس دلوقتي هنشوف الشاب اللي اسمه إسلام فين ونتكلم معاه. اسر... لما أدبر كل حاجة هشوفه وأشتغل معاه. سيف... أشطااا وأنا معاك يا صاحبي. يلا نسهر بقى الواحد تعبان من الشغل. اسر... ههههه يلا. إسلام وصلت ودخلت عاملة تدور على أبوها فين وسط الناس. وبتبص لقته قاعد بعيد على ترابيزة ومعاه واحد. راحت عنده. إسلام بحزن على حاله أبوها... بابا يلا تروح. كفاية كدا. _هش هش من هنا. إسلام بحزن...

يابابا يلا كفاية لحد كدا شرب. =انتي جيتي كويس. خدي أبوكي شرب كتير النهاردة. إسلام بحزن... حاضر. ومسكت إيد بابها عشان تقومه راح زايحها. راحت وقعت على شاب سكران. _إيه يامزة بقا تبصي لواحد خرفان زي ده وأنا موجود. إسلام... أنا آسفة والله وقعت عليك بالغلط. =ومالوا الغلط؟ واصلاً بحب الغلط. تعالي بس لما أقولك. وجت تمشي مسكها من دراعها. إسلام... ابعد عني قولتلك. سيف من بعيد... واد يا اسر شوف البت بتتقل على الواد كيف هههههه.

اسر وهو مديها ضهره... ياعم كلهم كدا. ولما بيقبضوا بيبقا زي العسل. سيف... بس دي أول مرة أشوفها هنا. حتى لبسها غريب بس باين عليها مزة. حتي شوف. اسر... قولتلك فكك وخلينا نشرب ونمشي عشان تعبانين ومليش نفس أسهر مع حريم النهاردة. _مش هسيبك أبداً وهديكي اللي عايزاه بس يلا نروح البيت. وشدها وجه يقرب منها راحت زايحه وضربه بالكف على وشه. _بقا بتضربيني يا بنت ال... وجه يقرب منها جرت رجلها خبطت في الكرسي اللي قاعد عليه اسر.

اسر بعصبية... مش تفتحي! وبص لقها وبصدمه... هو انتييي تاني!