رواية اسمي جميله الفصل السابع 7 - بقلم حروف كاتب

بسيوني: دول تذكرتين سفر لانجلترا. ده غير إني حجزت لكوا في فندق خمس نجوم لمدة أسبوعين. إيه رأيك بقى؟ اتسعت عيون جميلة من المفاجأة وابتسمت ابتسامة واسعة. جميلة: إنت بتكلمنا جد؟ بسيوني: أيوه. حضنته جميلة بعفوية، وبعدين بعدت عنه وخدت التذاكر. بسيوني: استني يا جميلة، خلي التذاكر معايا. لسه مقولتش لماهر. جميلة: أنا هقوله بنفسي. بسيوني: على فكرة هتسافروا بعد بكرة. جميلة: بالسرعة دي؟ بسيوني: أيوه.

جميلة: شكراً ليك حقيقي يا عمو. ضحك بسيوني جامد وقال: أهم حاجة تتحكمي في نفسك، أحسن تفضحينا قدام الأجانب. ضحكت جميلة. *** في أوضة جميلة وماهر. وقفت فاتن تساعدها في تحضير الشنط. فاتن: أول مرة تسافري شكلك. جميلة: أنا فرحانة أوي، مش مصدقة إني هسافر برا. ضحكت فاتن وقالت: نفسي أشوفك مرة مش متحمسة. جميلة: تعرفي، بتبقي أحلى لما تضحكي. فاتن بخجل: بتعاكسيني ولا إيه؟ ضحكت جميلة: ومعاكسكيش ليه بقى؟ إنتي حلوة وزي القمر.

ضحكت فاتن. فاتن: أنا عايزة أعتذرلك. جميلة: عن إيه؟ فاتن: أول ما جيتي معاملتي معاكي كانت مش ولا بد. متأكدة إني خليتك تحسي بعدم الراحة. جميلة: أنا مش زعلانة نهائي منك. فاتن: إنتي طيبة أوي يا مدام جميلة. جميلة: شيلي الألقاب وناديني باسمي بس. فاتن: لا مينفعش. جميلة: أنا راضية يا ستي. أنا مبحبش أبداً أكون أعلى من حد. فاتن: احم، أنا عرفت ليه دلوقتي ماهر بيه بيحبك جداً. احمر وش جميلة وقالت: بيحبني؟

فاتن باستغراب: إنتي متعرفيش؟ جميلة: معرفش إيه؟ فاتن: مش قولتلك طيبة أوي. ماهر بيه بيحبك جداً. جميلة: لا لا معتقدش. فاتن: إنتي متعرفيش قبل ما تيجي ماهر بيه كان عامل إزاي؟ إحنا قعدنا نحاول سنين نخرجه من دوامة الاكتئاب، لكن لما جيتي اتغير جداً. أنا واثقة إنه بيحبك أوي. وإنتي بقى مش بتحبيه؟ اتصدمت جميلة من طبيعة السؤال. هي نفسها متعرفش إذا كانت بتحب ماهر ولا لأ. هي اتجوزته أساساً عشان الفلوس، لكن تحبه؟ فاتن: جميلة.

جميلة بتوتر: إيه؟ فاتن: أنا خلصت تجهيز الشنط. جميلة: حقيقي؟ فاتن: أنا هخرج بقى، عايزة حاجة؟ *** سارة: كويس إنك خرجتي من بياتك الشتوي. بصتلها مي باستغراب وكملت شرب من الفنجان اللي في إيدها. قعدت سارة قصادها. سارة: سمعت إن ماهر ومراته هيسافروا بكرة. مي: آه، رايحين يقضوا شهر العسل. فيها حاجة؟ سارة: والله عال. بابا يسفر البنت أوروبا دي على حسابه وعمره ما فكر حتى يوديني مطروح. مي: وإنتي عايزة منه إيه؟

ما إنتي عندك فلوس تتصرفي فيها. ثم تكونيش غيرانة من جميلة. سارة: أنا؟ أغير من المفعوصة دي؟ إنتي هبلة ولا إيه؟ دي متجيش حاجة جمبي. هه، قال أغير قال. مي: امال مالك؟ سارة: مليش. مي: اتخانقتي مع محمود تاني؟ سارة: لا. مي: كويس. هتقعدي هنا كتير؟ سارة: إيه؟ زهقتي مني بالسرعة دي؟ مي: والله آه. سارة: طب أنا قاعدة على قلبك كتير بقى. مي: ربنا يستر. *** في أوضة جميلة. ماهر: جميلة جهزتي؟ جميلة: أيوه. هو انجلترا ساقعة صح؟

ماهر: أيوه. جميلة: كويس، أصلي لبست كل اللي في الدولاب. ضحك ماهر. مسكته جميلة من كتفه وقالت: يلا. خرجوا برا ونزلوا لساحة القصر. لقوا الكل واقف مستنيهم. مي: جميلة خلي بالك منه. جميلة: أكيد. فاتن: أنا جاهزة نمشي. ماهر: فاتن إنتي هتيجي معانا؟ اتلبكت فاتن ومقدرتش تتكلم. جميلة: أنا اللي قولتلها تيجي. ماهر: طيب، زي ما تحبي. مااااهر! جريت سارة وحضنته. ماهر: عمتو سارة؟ سارة: متنساش تجيبلي سوفينير من هناك بقى.

وباسته من خده. اتكسفت جميلة. مي بغضب: سارة! سارة: بودعه يا مي، مالك. وبصت لجميلة وقالت: جميلة، أتمنالك رحلة سعيدة. جميلة: شكراً. سارة: أهم حاجة بتعرفي تتكلمي إنجليزي؟ جميلة: لا. سارة: يا حرام. مش كنتي قولتيلي أعلمك. وبصت لفاتن وقالت بسخرية: خلي بالك منها يا فاتن، أحسن تعمل حاجة. اضايقت جميلة ومسكت إيدين ماهر وقالت بعصبية: يلا. ومشيت بسرعة وركبوا العربية. *** في العربية. ركب ماهر جمب السواق وركبت جميلة وفاتن.

جميلة: فاتن. فاتن: نعم. جميلة: إحنا هنسافر إزاي؟ فاتن: هنركب طيارة. جميلة: أبييييييييييييييه! فاتن: خرمتي طبلة ودني. جميلة: لا، أنا مش بتاعة طيران. أنا مش عايزة أركب. فاتن: متقلقيش، مش هيجرالك حاجة. جميلة: لا أقلق. إنت مش مستغنية عن عمري. إنت يا عم يا اللي بتسوق، نزلني هنا. السواق: مدام جميلة. جميلة: نزلني هنا. فاتن: جميلة اهدي. كان فاتن متابع الموقف من الأول وفطسان من الضحك. *** في المطار.

جميلة: ماهر، ارجوك يلا نروح. أنا خايفة. ماهر بضحك: إنتي المفروض طالعة معايا تحميني، وطلعتي أجبن مني. جميلة: أنا مش جبانة! أنا بقدر حياتي. فاتن: جميلة، ارجوكي اهدي. كل الناس بيبصولنا دلوقتي. *** بعد ما وصلوا الفندق. بصت جميلة من شباك الفندق لقت منظر الثلج المتساقط. جميلة: الله! أول مرة أشوف تلج بالمنظر ده. ابتسم ماهر وقال: أول مرة أشوفك فرحانة كده. جميلة: فرحانة؟ فرحانة دي قليلة أوي. إنت تقدر تقول طايرة من الفرحة.

ماهر: مع إني قولت العكس لما شوفتك راكبة الطيارة. جميلة: على فكرة دي كانت أول مرة أركب فيها طيارة، لكن هتشوف لما أرجع هبقى أشجع منك بكتير. ماهر: هنشوف يا ست جميلة. قعدت جميلة جنبه وقالت: تعرف إن جدك بيحبك أوي. ماهر: عارف. جميلة: وعمتك مي كمان بيحبوك جداً، لكن بالنسبة لسارة... ماهر: سارة دي لسه صغيرة جداً وتصرفاتها كلها طايشة. من زمان وهي كده. جميلة: الله يكون في عونكم بجد. ماهر: واضح إنك مش طايقاها نهائي.

جميلة: لا عادي. ماهر: تيجي نخرج؟ جميلة: نخرج؟ دلوقتي؟ ماهر: امال بعدين. جميلة: مش عارفة، أصل الجو برد أوي. ماهر: لا تعالي تعالي. *** جميلة: حرام عليك، أنا هتكتك من البرد. ثم إني مش عارفة حاجة هنا. هنروح إزاي؟ ماهر: شاوري لتاكسي بس، وسيبلي الباقي عليا. جميلة: طيب، امري لله. شاورت جميلة لتاكسي. ركبوا الاتنين. قال ماهر للسواق بالانجليزي: ودينا على مطعم... جميلة: إنت بتعرف تتكلم إنجليزي؟ ماهر: كنتي فكراني جاهل ولا إيه؟

جميلة: لا، العفو. نزلوا الاتنين بعد ما وصلوا ودخلوا. طلب ماهر من الجرسون ترابيزة وقاله على ظروفه. كل ده وجميلة مش فاهمة حاجة من اللي بيتقال. قعدوا على ترابيزة فخمة. جميلة: إنت قولتلوا إيه؟ ماهر: طلبت منه يتوصى علينا. جاب الجرسون المنيو. فتحت جميلة القايمة ومكنتش فاهمة حاجة. جميلة: ماهر، أنا مش فاهمة حاجة من المكتوب. ماهر: متقلقيش، أنا هطلب. جميلة: إنت عارف الطلبات هنا ولا إيه؟ ماهر: شوفي دي. وراها المنيو بتاعته.

جميلة: هي مخرمة ليه؟ ضحك ماهر وقال: لا يا جميلة، مش مخرمة. دي مكتوبة بطريقة برايل. جميلة: طريقة برايل؟ ماهر: أيوه، دي طريقة اخترعوها عشان اللي عندهم عمى زيي يقدروا يقروا. جميلة: بجد؟ ماهر: أيوه. جميلة: طيب الراجل شكله جي علينا. اطلبلي زيك بقى. جه الجرسون. طلب ماهر ليه ولجميلة. بدأ ماهر ياكل بهدوء. جميلة كانت بتتخانق مع الشوكة والسكينة. جميلة: إيه ده؟ أنا مش عارفة آكل. ماهر ضحك: براحة شوية يا جميلة، هتكسري الطبق.

جميلة: إيه ده؟ أنا هاكل بإيدي. ماهر بضحك: اعملي اللي نفسك فيه. *** بعد ما خرجوا. جميلة: عارف، رغم إني معرفتش آكل، بس المطعم حلو أوي. ماهر: مبسوط إنه عجبك. شافت جميلة قدامها ساحة كبيرة مليانة بالثلج. جميلة: ماهر! ماهر! تعالى نروح هناك. ماهر: نروح فين؟ جميلة مسكت إيده: تعالى بس. وراحوا هناك. مسكت جميلة كورة تلج ورمتها في وشه. ماهر: آه! رميتي عليا إيه؟ جميلة: تلج! هييهيهيهي. ماهر: إنتي بتستغليني بقى.

جميلة: ابقى قابلني لو عرفت تنشن عليا. ورمت عليه أكتر من كورة وماهر بيحاول يصيبها من غير فايدة. ماهر: خلاص، أنا مستسلم. جميلة: أنا كده كسبتك! ها ها ها. ماهر: خلاص، تعالي سنديني. جميلة: حاضر. وجت وقفت جنبه. قام ماهر بسرعة عمل كورة تلج وحطها على شعرها ووشها. جميلة: حرام عليك، دي ساقعة أوي. ماهر: واحدة بواحدة. جميلة بخبث: ماشي يا عم. *** في الفندق. في أوضة ماهر وجميلة. كانت جميلة بتعمل شاي ليها ولماهر. ادته جميلة الشاي.

ماهر: شكراً يا جميلة. قعدت جميلة جمبه. جميلة: كان يوم حلو أوي بجد. ماهر: فعلاً كان حلو. جميلة: م... ماهر. ماهر: نعم. جميلة بتوتر: عايزة أسألك سؤال. ماهر بابتسامة: قولي. اترددت جميلة قبل ما تسأله وقررت تخرج عن صمتها وسألته: ماهر، إنت اتعميت إزاي؟ اتصدم ماهر من سؤال جميلة وارتعش لأن سؤالها رجع لعقله ذكريات قديمة حزينة.