رواية اسميتها نغم الفصل الخامس 5 - بقلم نهي الحفناوي

"فى بيت عمر" أحمد: عمر. فين ياطنط. نايم ادخل صَاحيه، بس مش عوايدك يا أحمد تجى بدرى كدا. أحمد: علشان هنروح الجامعة. بجد ايه النشاط دا ربنا يهديكوا. أحمد. دخل أوضة عمر علشان يصحيه، وعمر نايم ومتغطى. أحمد: اصحى ياعمر، اصحى بقى، ياااااعمر، اصحى علشان. مجبش ماية وأحميك وانت نايم. عمر: عاوز ايه، هى الساعة كام دلوقتا. أحمد: الساعة سابعة، واخلص بقى. عمر: اعمل ايه الساعة سبعة مش فاهم.

أحمد: انا مش عارف أجبهالك ازاى، بس انا قررت نروح الجامعة. عمر شد الغطا من عليه وقعد على السرير وقاله: ناااعم. ياخويا، جامعة ايه الى احنا هروحها واحنا من امتى بنروح الجامعة، احنا بنروح على الامتحانات بسا. أحمد: لا انا قررت نذاكر وننجح. عمر نام تانى واتغطى. أحمد: ياعمر قوم بقى. عمر: انا كنت سهران وعاوز اكمل نوما. أحمد: يابنى قوم بقى،وبطل الكسل والإكتئاب دا هنذاكر وهننجح. عمر: لا مش هننجح.

أحمد: ياعم بطل بؤس بقى،اخر العتمة نور. عمر: حلو طفيه بقى علشان عاوز أنام. أحمد: اخلص بقى ياعمر. عمر: مش جاااى،روح انت. فى الجامعة. أحمد وعمر ماشين فى الجامعة. أحمد: لازم نشوف حد يعرفنا حوار الدكاترة والحضور وكل حاجه. عمر: انت بتتكلم بجد احنا هنذاكر ولا ايها. أحمد: اه، واخلص بقى علشان نروح نشوف الكتب والورق الى هنجيبة. عمر: انا عاوز اناااااام. أحمد: تفتكر هى جات الجامعة. عمر: هى مينا.

أحمد: اصحى كداااا وركز معايا،هتكون مين نغم يابنى. عمر رجع لورا كدا وباص لأحمد وعلى صوته: ايوة بقى ياخويا قولى كدا، انت جاى هنا علشان تشوف الدكتورة بتاعتك، وانا ذنب امى ايه اصحى من النوم ليا. أحمد: وطى صوتك الله يخربيتك هتفضحنا. عمر: يعنى انت تحب وانا أصحى من النوم،هو دا العدل ياحكومة. أحمد: لازم نذاكر ياعمر،مش يمكن لما انجح واتغير،ابوها يشوفنى كويس ويبقى عندي الجرأة انى اقولها انى بحبها واطلب إيدها.

عمر: انا أول مرة أشوفك كدا،بس انت عارف انا معاك فى اى حاجة هتعملها. أحمد: هتعمل ايه انت كمان فى حوار مى. عمر: هنروح نقرأ الفاتحة بعد بكرة بقى هعمل ايها. أحمد: انت غريب اوى ياعمر،يعنى انت بتحب مى وهى بتحبك واهلها موافقين عليك،وانت الى مش عاوز تروح علشان شايف نفسك.مش قادر تشيل المسؤليه،اومال اعمل ايه انا بحبها،ومش عارف هى فكرانى اصلا ولا لاع. عمر: ربنا يقدملك الى فيه الخير يا صاحبى.

أحمد: يلا بقى نروح نحضر المحاضرة علشان نجيب الكتب قبل منمشى. فى بيت أحمد. أحمد: ايه يالولا،ريحة الأكل الى تجنن دى. ليلى: اه هو انا مقولتلكش،النهاردا عزمين عمك عاطف. أحمد: عمو عاطف بس. ليلى: لا يا احمد يعنى هنسيب مراته وبنتها. أحمد: بيتكلم وهو مبسوط،يعنى نغم هتيجى. ليلى: مش عارفة،بس ابوك.قال لازم.نرد العزومة. أحمد: طب عملتى مكرونة باشميل. ليلى: لا بس عملت أكل كتيرا.

أحمد: لا اعمليها،نغم بتحبها،فاكرة ياماما لما كانت بتيجى عندنا وهى صغيرة،ودايما كانت بتقولك انك بتعملى مكرونة الباشميل احلى من مامته. ليلى: اه هى اصلا كانت بتحب أكلى كله، بس مش هنلحق. أحمد: هساعدك وهتخلصى بسرعة. ليلى: احمد ابنى انا الى مبيشلش كوباية من مكانها،هيساعدنى علشان نعمل مكرونه،عجيبة. أحمد: يلا بقى ياماما علشان منتأخرش. أحمد عمل المكرونة،ودخل أوضته وبيتصل على عمر. أحمد: الو ايوة ياعمر.

عمر: ايه ياعم احمد فى ايه، وبتتكلم وانت مبسوط كدا ليا. أحمد: روحت لقيت ابويا عازمهم وهيجوا عندنا. عمر: طب حلو،حاول تكلمها بقى وتعرف اى حاجة. أحمد: انا مش عارف ألبس ايه. عمر: متلبس اى حاجةياعم فى ايه واجمد كدا. أحمد: لا انا عاوز البس طقم.حلوا. عمر: انت حلو فى اى حاجة. أحمد: مس وقته تطبيل اخلص، ألبس القميص الأسود.على البنطلون الأسود،ولا ألبس التسشرت النبيتى، ولا ألبس التيشرت التانى الى جبناة مع بعض ولا البس ايه.

عمر: ايه ياعم الحيرة دى إلبس اى حاجة. أحمد: طب افتح واتس هقيس وأوريك وأحلى طقم قولى عليه. عمر: اشطا. ليلى دخلت لقيت أحمد مبهدل الأوضة والهدوم كلها على الأرض. ليلى: ايه يابنى في ايه،انت كنت بتتخانق. أحمد اتوتر وحط ايدة على راسة، مفيش ياماما، بدور على حاجة،روحى بس كملى اكل وشوفى،وراكى ايه. أحمد اختار طقم، وطلع يكلم مامته. أحمد: ايه رأيك.فى الطقم د. ليلى: حلو يا احمد انت اصلا قمرا.

أحمد: عمر بردو قالى حلو، طب ايه ياماما خلصتى كل حاجة. ليلى: اه وزمانهم على وصول. أحمد: جبتى مانجة. ليلى: مانجة ايه بقى مش لازم،فى موز وابوك جايب خوخ وتفاح وهو جاى. أحمد: ازاى يا ماما،مجبتيش مانجة، نغم بتعشق المانجة،ممكن تزعل دلوقت. ليلى: هتزعل ليه مرة تانية بقى. أحمد: طب انا نازل. ليلى: ابوك على وصول وهما كمان جاين دلوقت، يجوا ميلقوكش.

أحمد: مش هتتأخر،لو حد.سأل عليا، متقوليش حاجة قوللهم جاى فى الطريق، يلا بقى علشان متأخرش. أحمد نزل يجيب المانجة، وهو طالع على السلم لاقى نغم وعيلتها طالعة، اتكسف وقف لحد مادخلوا وبعدين طلع وراهم. على: ايه يا احمد كنت فين،مرضيوش ياكلوا الا ماتيجى. أحمد: انا اسف،هغسل ايدى واجى. أحمد سلم عليهم كلك،ولما جه يسلم على نغم. سلم عليها وهو باصص فى الأرض.

عاطف: ماشاء الله كبرت يا أحمد،كنت سايبك.لسة صغير،فاكر لما كنت بتعملها عليا. هدى "أم.نغم": خلاص بقى متكسفوش. عاطف: ابوك قالى انك بتتدرس فى تجارة. أحمد: اتوتر واتلغبط،اه بدرس فى تجارة. عاطف: كنت فاكر هرجع الاقيك فى طب زى ماقولتلك زمان. ليلى: ايه هنقعد نتكلم ولا ايه الإكل هيبرد.، دا انا عملتلك يانغم المكرونة الى يتحبيها وأحمد ابنى هو الى ساعدنى فيها. خلصوا أكل وطلعوا كلك، يقعدوا فى البلكونة. ليلى: عملتلكوا الشاى.

عاطف: تسلم إيدك. عاطف وعَلى قاعدين يلعبوا طاولة على التربيذة، وهدى وليلى قعدين بتفرجوا على التلفزيون، ونغم واقفة فى البلكونة، وأحمد جابلها عصير ورايح علشان يقدمهولها. أحمد: اتفضلى عارف ان ملكيش فى الشاى قوى،داعصير مانجة. نغم: شكرا، بس انا بحب المانجة أكلها. أحمد: انا عارف،ثوانى. دخل المطبخ جابلها طبق فيه مانجة متقطعة وشوكة. اتفضلى. نغم: بجد شكراااااا اوى يا احمد انا بحب المانجة جدا.

أحمد: بيتكلم وهو باصص فى الأرض،انا عارف بس قولت اجبلك عصير الأول،يمكن مبقتيش تحبيه. نغم: لا الى بيحب حاجة بيفضل يحبها،مش معنى انى سافرت انى هغير كل الى كنت بعملوا. أحمد: بجد، يعنى انت فاكرة كل الى حصل قبل متسافرى. نعم: ايوة يابنى طبعا،انا سافرت بس مش فقدت الذاكرة. أحمد: لا بس ااقصد انك كنت صعيرة.

نغم: ايوة بس مش صغيرة أوى لسه فاكرة كل حاجة،طب أقولك، فاكرة انك كنت بتحب الكورة جدا، وكنت بتلعبنى معاك،وفاكرة المصاصة الى بالفراولة الى انت بتحبها،والعروسة الى انت جبتهاالى، هى اه ضاعت بس غصب عنى. أحمد: باصلها تااانى يانغم. أحمد ونغم ضحكوا. نغم:مش قولتلك انى متغيرتش لسه بضيع حجاتى، وفاكرة،عمر صاحبك، كان بيحبك وبيكرهنى. نغم بتحكى وأحمد مركز معاها ومندمج.

نعم: مش قولتلك فاكرة،هو اه اكيد انت فاكر أكتر علشان انت أكبر بس انا فاكرة حجااات كتير. أحمد: لا كنت فاكرك نسيتى بس طلعتى مش ناسية. نغم واقفة بتبص من البلكونة،وبصت لأحمد،وبتقوله، انا فاكرة كنت دايما اقف فى البلكونة أكلمك كتير ونتفق اننا هننزل نلعب،ويوم العيد ننزل مع بعض،بس على فكرة انا اضيقت منك. أحمد: بصلها وهو مستغرب،لية انا عملت ايه.

نغم: كل متشوفنى بتحط عينك فى الأرض وتتطلع تجرى،بحس انى مضيقاك مع انى معملتلكش حاجة. أحمد: لا والله مقصدش،بس انا بخاف تتكسفى او كدا، ومبحبش احرجك،او اضايقك. نغم: ببقى لسة هقولك ازيك بلاقيك طلعت تجرى،كأنك مخاصمنى ومش عاوز تشوفنى. أحمد: أنا دا أنا. عاطف قطع كلامه وبينادى على نغم. عاطف: تعالى شوفى أبوكى وهو كاسب عمك على، علشان أقولك يا على مبتعرفش تلعب مبتصدقنيش. على: دا حظ.

عاطف: انا على طول بكسبك معروفة يعنى ، شوف ابوك يا احمد. على: نلعب تانى. عاطف: لا بقى الوقت اتأخر وعلشان نغم عندها جامعة الصبح،وتذاكر المادة الى مضيقاها دى. عاطف بيكلم على وأحمد راح لنغم. أحمد: ايه الى مضايقك. نغم: مادة كدا مش فاهمة منها حاجة صعبة والدكتورة مش راضيه تدينا الماتريال. أحمد: خير متقلقيش،ذاكرى انت بس واعملي الى عليكى. نغم: وانت كمان لازم تذاكر وتنجح علشان تتخرج بقى.

أحمد: ان شاءالله،انا حاطط الموضوع فى دماغى،حتى حضرت النهاردة وناوى أحضر كل يوم ورينا يقدم الى فيه الخير. نغم: ان شاءالله هتنجح وتتخرج وتتجوز بقى. أحمد: اتجوز فى حد يرضى بإنسان فاشل زى كدا. نغم: اه الى بيحبك هيرضى،وبعدين انت مش فاشل،انت قوتحرافر شاطر ،بكرة تاخد فرصتك وتبقى حاجة كبيرة،وابقى افتكرنى. أحمد: هو انا أقدر أنساكى. عاطف نده على نغم. عاطف: يلا نغم علشان منتأخر. أحمد دخل أوضته فرحااان وعمال يغنى.