رواية اسميتها نغم الفصل الثاني 2 - بقلم نهي الحفناوي

في بيت عاطف "سبوع نغم" اسمعي كلام أمك ومتسمعيش كلام أبوكي اسمع كلام أمك ومتسمعيش كلام أبوكي عاطف شاف أحمد واقف زعلان عاطف: مالك يا إحمد واقف زعلان ليه أحمد: علشان هما بيقولوا لنغم تسمع كلام الناس تلها ومش راضي حد يقول تسمع كلام أحمد عاطف: بس كدا تعالى معايا، ايوة اقعد هنا بقى على الكرسي وأنا أجبهالك بحالها تسمع كلامك أحمد ضحك وعاطف راح جاب نغم وحطها على رجل أحمد اضحك بقى يا عم أحمد علشان أصورك معاها

أحمد: الله الكاميرا حلوة علمني عليها ياعمو عاطف علشان أقعد أتصور كتير انا ونغم عاطف: ماشي وأنا موافق اعتبر الكاميرا بتاعتك، ومش كدا بس الصور إلى تصورها تبقى هاتها وأنا أحمضهالك أحمد: وأنا مش هكسرها ومش هخلي حد يلعب بيها بعد مرور سبع سنين نغم: أحمد عاوزة ألعب معاك كورة أحمد: مينفعش يانغم البنات مش بتلعب كورة، هو انت ولد، روحي العبي مع صحابك نغم: مش راضيين يلعبوني معاهم، علشان ضيعت العروسة بتاعتي وهما لازم يخلوا كل حد

يلعب يكون عنده عروسة عمر: يلا يا أحمد شوط انت هتفضل تتكلم هنخسر أحمد: بصي يانغم أقولك فكرة علشان متبقيش لوحدك وتزهقي اقعدي سقفى وشجعيني علشان أجيب جون نغم: يعني بردو مش فاهمة أقول ايه أحمد: مش عارف يانغم قولي أي حاجة بقى و روحي بقى علشان العب نغم: أحمد هات جون، يا أحمد هات جون أحمد وقع، ونغم طلعت تجري عليه والعيال إلى بيلعبوا معاه نغم: معلش معلش أحمد: متخافيش مفيش حاجة انت بتعيطي ليه نغم: علشان رجلك بتجيب دم كتير

عمر صاحب أحمد: قوم يلا روح وأنا كمان مش هلعب هجي معاك أحمد: أنا خايف أروح ماما تزعق، علشان قالتلي متلعبش كورة وأنا مسمعتش الكلام نغم: هقولها انا اللي وقعتك علشان متزعقليش أحمد: لا متقوليش كدا علشان عمو عاطف ميضربكيش عمر: احنا نروح الصيدلية عند بابا وهو يعملهالك يلا بينا في الصيدلية عمر: بابا تعال شوف أحمد علشان واحنا بنلعب وقع الدكتور ماهر: وريني كدا، مش تحاسب يا أحمد، بس مين الكتكوتة اللي بتعيط دي

أحمد: خلاص يا نغم اسكتي قولتلك مفيش حاجة الدكتور ماهر: انت بتعيطي ليه هو هيبقى كويس خلاص احنا حطينا شاش وقطن والموضوع خلص نغم: يعني أحمد مش هيموت ياعمو الدكتور ضحك: لا مش هيموت ياعمو متخافيش عمر: شكرا يابابا احنا هنمشي بقى الدكتور ماهر: خلوا بالكوا من نفسكوا في الشارع عمر: اوعي كدا انت ماشية معانا ليه يلا روحي العبي مع البنات، وملكيش دعوة بصاحبي تاني أحمد: بس ياعمر متقولش كدا نغم صحبتنا متقولش كدا

عمر: لا انت لو مكنتش بتبصلها وانت بتلعب مكنتش وقعت وخسرنا، أنا اصلا مش بحب البت دي نغم بتعيط: أنا مش عملت حاجة يا أحمد أنا كنت بشجعك زي ما قولتلي أحمد: خلاص متعيطيش نغم: انت هتخاصمني ومش هتخليني ألعب معاك أحمد: متخافيش، ويلا اطلعى بقى علشان مامتك متقلقش عليكي نغم طلعت بيتها وعمر طلع البيت مع أحمد ليلى أم أحمد: في ايه مانتوا متجوش كدا مع بعض غير لما تبقوا عاملين مصيبة خير يا أستاذ أحمد، ومخبي رجلك كدا ليه، وريني

أحمد: مفيش يا ماما، اوعي كدا ااااااااه بتوجعيني ليلى: كورة تاني يا أحمد أنا مش قولت بلاش زفت كورة تاني عمر: معلش يا طنط هدي كنا بنلعب ونغم أحمد وقف عمر علشان ميتكلمش هدى: أنا عارفة انت مش هتسكت غير لما أخد الكورة دي واقطعها وأرميها، كام مرة قولتلك كورة لا دخلت جابت السكينة وبوظت الكورة، يلا اتفضل ادخل على أوضتك أحمد دخل الأوضة بيعيط وعمر دخل معاه

عمر: معلش يا أحمد متزعلش هخلي بابا يجيبلي واحدة وأقوله اني ضيعتها وأديهالك متزعلش، كل من الزفتة اللي اسمها نغم أحمد: متشتمهاش يا عمر أحمد وعمر طلعوا يقفوا في البلكونة، ولقوا نغم واقفة بتبص على بلكونة أحمد عمر: يارب تكوني مبسوطة يانغم، طنط هدي قطعت الكورة لأحمد، وأحمد زعلان نغم: معلش يا أحمد هخلي بابا يجبلك واحدة مش تزعل عاطف أبو نغم بينده عليها، دخلت وقفت البلكونة عاطف: ازيك ياحلوة عاملة ايه، سمعتي

كلام ماما ولا دوختيها هدى: هي طلعوا من الشارع غير دلوقتي الأستاذة ليل نهار شبطانة وبتلعب في الشارع عاطف: تلعب براحتها يا ستي، اتفضلي يا ستي نغم جبتلك الحلويات اللي بتحبيها والچيلي كولانغم: جبت مصاصة بالفراولة عاطف: أيوه يا ستي وجبت اتنين كمان زي ماقولتي واحدة ليكي وواحدة لماما نغم: لا يابابا دي لأحمد هو بيحبها عاطف: ماشي يا ستي، المهم دلوقتي أنا قررت أجبلك عروسة بدل اللي ضيعتيها وعلشان تلعبي بيها في العيد

نغم: أنا مش عاوزة عروسة ينفع أغير يابابا عاطف: ينفع طبعاً بس انت بتحبي العرايس وكنتي بتعيطي علشان أجبلك واحدة نغم: أيوه بس أنا مش عاوزة عروسة، أنا عاوزة كورة عاطف: بس الكورة للولاد يانغم نغم: وفي بنات بتلعب كورة يابابا أنا عاوزة كورة عاطف: زي ما تحبي يا ستي انت اللي هتلعبي مش أنا في بيت أحمد عبير: يابابا لو سمحت أنا عاوز أشتكيلك من أحمد علي: عمل ايه أحمد

عبير: مش بيرضى يديني الفلوس بتاعتي وبياخد مصروفى كل مرة وبيقولي وقع مني، وأقوله هات امسكه يقولي لا أنا الراجل علي: صح الكلام دا يا أحمد أحمد بص في الأرض ووشه احمر ومكسوف أنا أسف يابابا علي: ليه كدا يا أحمد ياحبيبي هو أنا حَرمك من حاجة، ليه مش بتدي أختك مصروفها أحمد: بصراحة يابابا أنا بحوش علشان العيد علي: طب ما أنا بديك مصروف في العيد أحمد: أنا أسف يابابا

علي: متعملش كدا تاني يا أحمد علشان المرة الجاية هتتعاقب واتفضل روح على أوضتك هات الفلوس اللي أخدتها من أختك أحمد دخل الأوضة مضايق وجاب الفلوس أتفضل يابابا، ودخل الأوضة تاني أحمد: بيكلم نفسه "كدا مش هعرف أشتريها أعمل إيه" علي دخل عليه الأوضة لقاه مضايق علي: اولا انت مشيت قبل ما أقولك امشى، ثانيا اللي انت عملته دا صح، ينفع تاخد فلوس مش فلوسك أحمد: أنا قولت اسف

علي: وعشان انت اعترفت بغلطك هات اللي انت عاوز تجيبه الفلوس اهي بس متكررهاش أحمد باس أبوه وقاله، شكرا يا أحسن أب في الدنيا يوم العيد عمر: انت رايح فين يا أحمد استنى هاجي معاك، وايه الفلوس دي كلها أكيد هتجيب كورة ومسدس طلق أحمد: لا هجيب عروسة لنغم، ومش عاوزك تقول لحد دا سر بينا عمر: عروسة ايه انت أهبل تعالي نشتري كورة بدل اللي باظت ونجيب كاكولا وحاجات حلوة

أحمد: أنا قولتلها هجبلها عروسة وبابا قالي مفيش راجل بيرجع في كلامه يلا بقى قبل محد ياخدها عمر وأحمد راحوا المحل يشتروا العروسة صاحب المحل: اجيب مسدس طلق ولا بندقية عمر: عاوزين عروسة صاحب المحل ضحك: بس انتوا صغيرين على العروسة، مش أما تكبروا الأول عمر: لا ياعمو صاحبي أحمد قصد على العروسة اللي متعلقة دي صاحب المحل: بس العروسة دي للبنات انتوا عاوزينها ليه أحمد: إحنا عاوزينها اتفضل الفلوس اهي صاحب المحل: فاضل خمسة جنية

أحمد: مش معايا غير دول أحمد بص لعمر عمر: لا إحنا هنجيب بمصروفي شبسي وكاكولا أحمد: مش إحنا صحاب وانت لازم تساعد صاحبك عمر: اتفضل ياعم صاحب المحل: اتفضلوا العروسة أهي أحمد وعمر مشيوا من المحل وشافوا نغم جاية من بعيد عمر: الرخمة جات أهى أحمد: متقولش كدا علشان متزعلش نغم: غمضي عينك أنا عملالك مفاجأة يا أحمد أحمد: مفاجأة ايه نغم: غمضي بس عمر: غمضي يا عم أما نشوفها جايبة إيه نغم: امسك أحمد فرح: الله كورة بس انت جبتيها منين

نغم: قولت لبابا أنا مش عاوزة عروسة، أنا عاوزة كورة وهو وافق، بس إيه الكيس الكبير اللي في إيدك دا أحمد: وأنا كمان عملتلك مفاجأة، امسكي جبتلك عروسة بدل اللي ضاعت خلي بالك منها بقى ومتضيعيهاش نغم: أنا فرحانة دي أحلى من بتاعتي أنا مش هضيعها ومش هخلي حد يلعب بيها عمر: يلا يا عم علشان نلحق سباق العجل، روح هات عجلتك يلا نغم: هو انت هتسوق عجلة يا أحمد، ينفع أجى معاك

عمر: هو انتي كل حاجة تشيطي زي العيال الصغيرة، لا مينفعش، علشان انت معندكيش عجلة، وبلا روحي العبي بقى نغم مشيت زعلانة أحمد: تعالي يانغم عمر: تيجي فين معندهاش عجلة أحمد: هتركب ورايا عمر: كدا هتخسر، واحنا الاتنين أسرع ناس وبنفوز دايما أحمد: مش مشكلة، المهم نغم متزعلش، أنا اتفقت مع عمو عاطف إني أخلي بالي منها ومش هخليها تعيط ولا تزعل عمر: انت رخمة نغم: انت اللي رخمة ومتشتمش عمر: لبانة لازقة نغم: أبو شعر منكوش

أحمد: خلاص انتوا الاتنين علشان منتأخرش على السباق في السباق كله راكب عجلته، وأحمد واخد نغم وراه واستعدوا والكل بيسابق، أحمد أول واحد وبعده عمر، وقبل خط النهاية بشوية، نغم عروستها وقعت ونطت عشان تجيبها، ووقعت، وأحمد وقف علشان يشوف نغم نغم: روح انت علشان تكسب مفضلش غير شوية روح عمر: يلا يا أحمد يلا هنخسر نغم: علشان خاطري روح لازم تكسب أحمد استنى نغم على ما جابت العروسة بتاعتها، وركبت وراه وسابق، بس بقى في المركز

التالت وعمر الأول عمر: مش قولتلك اللبانة دي هتخسرنا انت مش بتسمع الكلام أحمد: مش مشكلة انت الأول يعني محدش كسبنا عمر: كان فاضل شوية وزياد يجيبك وساعتها كنت هضرب اللبانة دي أحمد: خلاص يا عمر، انت كويسة يانغم نغم: آه بس أنا قولتلك اني هاخد بالي من العروسة، ولما وقعت مني نزلت أجيبها علشان محدش يدوس عليها وتتكسر أحمد: مش مشكلة المهم انت كويسة، بس نفضي هدومك من التراب علشان طنط هدي متزعقلكيش

استلموا الجوايز، واتصوروا وأحمد اتصور هو ونغم، وهو وعمر في بيت عاطف، علي وهدى والعيال بيعيدوا عندهم علي: كل سنة وانت طيب يا عاطف عاطف: وانت طيب يا علي، كنت عاوزك في موضوع علي: موضوع ايه عاطف: جاتلي إعارة برة مصر وهسافر، اهو ألحق أعمل قرشين في الوقت ده علي: ليه كدا، ما كلنا مع بعض، أنا مقدرش أقف في طريقك بس يعز علينا فراقك عاطف: وأنا والله بس هعمل إيه، إن شاء الله أحاول أنزل كل إجازة، ولو معرفتش يبقى خير بس انت

أكيد متتنسيش ياعلي علي: ربنا يوفقك يا عاطف أحمد قاعد زعلان عاطف: مالك يا أحمد زعلان ليه مش بتاكل شوكولاتة ليه انت زعلان أحمد: هو انت هتسافر بجد عاطف: أيوه يا أحمد أحمد: وهتاخد طنط هدي ونغم عاطف: آه مينفعش أسيبهم أحمد: طب مين هيخاد باله منهم وانت في الشغل هدى: قوله يا أحمد قولها أحمد: ينفع تخليهم وأنا هاخد بالي منهم وأجب لهم كل حاجة، وهخلي بالي من نغم وأوديها المدرسة معايا ومش هخلي حد يضربها

عاطف: مش هينفع يا أحمد، بس متخافش هننزل كل إجازة المطار سلموا على بعض أحمد: مع السلامة يا نغم، خلي بالك من نفسك نغم: وانت كمان ومتلعبش كورة كتير علشان متتعورش، وأنا هخلي العروسة معايا وهنيمها جنبي أحمد: أنا هصوركوا قبل ما تمشوا نغم: يلا وأنا موافقة أحمد صورهم، وصور صورة لنغم أحمد: عمو عاطف صورني انا ونغم عاطف: حاضر يا عم، أحمد خلي بالك من الكاميرا بتاعتي أوى حد ياخدها منك

علي: يلا يا عاطف أحسن تتأخر على ميعاد الطيارة، مع السلامة بعد مرور عشر سنوات عمر بيخبط على باب أحمد ليلى: اتفضل ياعمر ياللي عامل دوشة، بجهزلكوا الفطار أهو تروحوا تصلوا العيد وتيجوا على طول عمر: الأستاذ طبعاً صاحي وواقف في البلكونة، أنا داخل أشوفه عمر دخل لقى أحمد واقف بيبص على بلكونة نغم عمر: انت يا عم الرومانسى، يلا علشان منتأخرش على صلاة العيد، أمك مجهزة الفطار يلا، وطبعاً علشان نروح مشوار العروسة بتاع كل عيد

أحمد: دا أهم منك انت شخصياً صلوا العيد، وراحوا المحل اشتروا العروسة عمر: طبعاً هاخد البلوة دي أعينها عندي أحمد: أكيد مش محتاجة كلام، كفاية المرة اللي فاتت أمي قفشتني وافتكرتني متوحد وقولتلها إني جايبها لبنت اختي عبير علشان تسكت عمر: انت تحب وأنا أشيل، ماشي يا عم الله يسهله أحمد: تفتكر ياعمر نغم دلوقتي شكلها دلوقتي عامل إزاي عمر: انت محولتش تبحث على صفحتها على الفيس

أحمد: انت أهبل أكيد طبعاً، بس المشكلة فيه كتير ومش عارف ألاقيها، ياترى ممكن تكون فكراني عمر: حلو حب الطفولة دا، اشمعنى أنا كنت معجب بواحدة كل أما تشوفني تقولى تبدل ساندوتش البانية بااتنين حلاوة أحمد ضحك وقاله يلا يا عم أحسن أمي هتقلق دلوقتي وتقول رحنا فين يلا أحمد: ماما معلش هاتي الفطار في البلكونة أحمد وعمر واقفين لاقوا في ناس بتنضف بيت نغم أحمد: ماااامااا يا مااما هدى: يابني بعمل الفطار أهو اصبر شوية عمر:

إيه يا عم في إيه أحمد: استنى بس، هو إيه دا ياماما والناس دي يتعمل إيه عند عم عاطف هو في حد اشترى البيت هدى: أه لسه نسيت أقولك، عمك عاطف كلم أبوك وقاله إنه جاي العيد دا، وأنا مس هقدر أنضف البيت فبعت ناس تنضفها أحمد: انت بتكلمي جد ولا زي كل عيد، ماهو كل مرة بيقولوا هينزلوا ومش بينزلوا هدى: ادينا نضفنا البيت جم جم، مجوش يبقى خلاص