رواية اسر العشق الفصل الخامس 5 - بقلم سلمى ابراهيم

عشق بقهره لكن مش مبينة.. وساكت لي .. متطلقني. آسر ببرود عكس اللي جواه: مهو دا اللي هيحصل فعلا. وسابها وخرج. حست إنها مش قادرة تتنفس وعيطت أوي وصوت شهقاتها علي. سمع هو صوتها مقدرش يزعلها كدا. راح لها بسرعة وأخدها في حضنه. عشق بتتنفض جوه حضنه بعياط: هتعمل فيا كدا يا آسر. آسر ابتسم لطفولتها: عشق، متفكريش كدا. نامي يا عشقي. عشق بعدت عن حضنه وبصتله: والله العظيم كان غصب عني. آسر: عشق، انتي مستهترة. ولازم تعقلي شوية.

بصتله بحزن: شكرا. آسر: يلا، كلي ونامي. عشق بحزن وعند: مش آكلة. آسر: خلاص نامي، عشان ترتاحي. عشق: مش هعرف أنام. آسر فهم إنها مش بتعرف تنام غير في حضنه. آسر بحنية: طب تعالي. وأخدها في حضنه وملس على شعرها بهدوء وحنية. وهي مسكت فيه أوي لحد ما نامت. آسر بعد ما اتأكد إنها نامت: أنا بحبك أوي يا عشق. بس انتي فعلاً مستهترة. ولازم تعقلي شوية. بس انتي وحشتني أوي. وقرب با.سها جنب شفايفها بحنية. ونام جنبها.

عدى اليوم وكان آسر روح البيت يجيب لها شوية حاجات من البيت وراجع تاني المستشفى. سمعت سارة صوت شقة عشق بتفتح. خرجت من شقتها ودخلت شقة عشق. لقت آسر بيجيب حاجة من الدولاب. سارة: آسر. آسر: إيه. خرجت من الشقة بتاعتك. سارة: في إيه. اتكلم براحة. آسر بنفاذ صبر: نعم. سارة بتنهيدة: هووف. عشق عاملة إيه. آسر: كويسة. هتخرج النهاردة إن شاء الله. سارة: طب انت، هتبات معاها النهاردة برضو. آسر: عاوزة إيه انتي.

أنا أنام في الحتة اللي تريحني. سارة بتنهيدة: طب ممكن تبقى تجيلي عشان عاوزاك. آسر: عاوزة إيه. سارة: لما تيجي هقولك. بس لو سمحت تعالي. مسألة حياة أو موت. آسر: للدرجة دي. خلاص، هجيلك. سارة ابتسمت: ماشي هستناك. ابقى سلملي على عشق. وقولها ألف سلامة. آسر: الله يسلمك. طلعت سارة شقتها. وهي ناوية على حاجة. خرج آسر وصل لحد المستشفى. آسر: اللبس أهو. وجبت لها شوية حاجات هتحتاجها. عشق: شكرا يا آسر.

آسر مردش عليها وراح وقف جنب كريم. عشق كانت مخنوقة من طريقته معاها وزعلانة جدا. وبدأت تحط في دماغها إن يعني الجنين أهم عنده منها. وزعلت أوي. حنان: هند، معلش يا حبيبتي انتي بقا اللي هتقعدي معاها وتاخدي بالك من صحتها. كويس إنك في تمريض. هند: طبعاً يا طنط حنان. دي عشق أختي. هند: يلا يا آسر، خد عشق معاك في العربية هي وهند. واحنا هنيجي مع كريم. آسر: ماشي. يلا. كانت بتمشي عشق وبتسند على هند وماشية براحة. آسر:

وسّعي كدا يا هند. عشق: هتعمل إيه. آسر شالها وهي حضنته أوي لما شالها ووصل بيها لحد العربية وحطها على الكرسي وهند غمزلها كدا. هند: طب خلاص. أنا هروح مع كريم يا جماعة. آسر: براحتك. أخدها ووصلوا لحد البيت. طلع لحد شقتهم وحنان راحت شقتها وبردو كريمة. هند: طب أنا هنزل أجيب حاجة من شقتنا وأجي. آسر: ماشي يا هند متتأخريش. نزلت هند لقت كريم واقفلها على السلم. كريم: عشان خاطري اقفي. عاوز اتكلم معاكي. هند: هوووف. هو انت مبتزهقش.

كريم: على فكرة انتي ظالماني. هند بسخرية: ظالماك. ده أنا قفشاك بنفسي وأنت في الـ بار. وقاعد تشرب. كريم: والله العظيم بطلته. هند: لحقت. بطل بقا أنا خلاص تعبت منك. عديتها مرة واتنين وتلاتة. كريم: هند، متصعبيهاش عليا. آسف. هند: بص يا كريم. أنا لو اتأكدت إنك فعلاً اتغيرت. أنا اللي هرجعلك بنفسي. لأني بحبك. فاهم. عن إذنك. الكلمة دي رجعت لكريم تاني الحياة وبقى متحمس أوي إنه يبطل نهائي. عشق: رايح فين. آسر:

هطلع أجيب حاجة من شقة سارة وأجي. عشق بغيظ: متقولش اسمها. فاهم. آسر: خلاص. طالع أجيب حاجة من فوق وجاي. عشق: متتأخرش. آسر: حاضر. عشق: آسر. آسر: نعم. عشق: بحبك أوي. آسر قرب منها وابتسم: وأنا كمان. عشق: مش باين. انت زعلان على الجنين أكتر ما زعلان عليا. آسر: أولاً كدا، الجنين أنا لسه مشوفتوش. صح. أنا بحبك انتي وبخاف عليكي انتي. ولازم تاخدي بالك. لو أنا مكنتش جيتلك بدري. كان هيحصل إيه. عشق: مش عارفة. آسر:

أنا مش هاممني الطفل أكتر منك. عشان كدا لازم تتعاقبي. عشق: إزاي. متعاقبنيش فيك انت. آسر اتنهد: طب بصي. هطلع بس أجيب حاجة وأجيلك. عشق: متتأخرش. آسر: ثواني وهجيلك. وسابها وطلع. دخل لقى سارة مولعة شمع كدا وعاملة جو رومانسي أوي. آسر: سارة. إيه اللي انتي عاملاه ده. سارة: أنا بحبك يا آسر. عشان خاطري. خليك معايا الليلة. حرام عليك تظلمني كدا. آسر كان لسه هيروقها ويهزقها لقى فونة بيرن. لقاها عشق. إسر محبش يرد. عن إذنك.

ونزل لعشق. عشق: اتأخرت ليه. عند البارده دي. آسر: عشق، أنا مكملتش دقيقتين. عشق: وكنت بتجيب إيه من فوق. لسه جاي يرد لقى سارة نازلة ولابسة روب فوق قمي.ص النوم وهند هي اللي فتحتلها لما خبطت. دخلت ناحية الأوضة بتاع عشق وآسر. سارة بدلع: إيه حبيبي، اتأخرت لي. يتبع.