رواية اسر العشق الفصل الثالث 3 - بقلم سلمى ابراهيم

بص آسر بصدمة من لبسها وخارجه مبتسمة ولابسة قميص نوم عاري. آسر لف وشه الناحية التانية. "إيه الهباب اللي انتي لابساه ده؟ سارة بدلع. "إيه يا حبيبي... هو مش النهاردة ليلة الدخلة؟ آسر. "بصي بقى... أنا عايزك تعرفي إني بحب مراتي. أنا بس متجوزك عشان أبوك." سارة. "بصلي بس وانت بتتكلم... أنا عايزة أعرف إيه الفرق بيني وبينها... هي مراتك وأنا مراتك." آسر. "لأ... الفرق إن انتي أنا اتجوزتك غصب من أبويا...

عشان أبوك حط شرط للصفقة إني أتجوزك. إنما بقى عشق أنا عشقتها واتجوزتها غصب عنهم كلهم. والكل قالي دي لسه صغيرة... بس أنا مقدرتش ع بعدها. يعني الفرق بينكم شاسع... فاهمة؟ سارة بغيرة شديدة. "أفهم من كده إنك مش هتقرب لي خالص؟ آسر سقف. "برافو... ده انتي شاطرة أهو. يلا ادخلي غيري الزفت ده." سارة بغل. "ماشي يا آسر." وسابته ودخلت تغير وهو نفخ بعصبية. لقى هند بترن عليه رد بسرعة. آسر بقلق. "إيه يا هند؟ عشق كويسة؟

هند بتهمس وسط زعيق من حنان وكريمة. "طنط حنان وماما ماسكين في بعض... وعشق تعبانة أوي." آسر بخضة. "طيب... أنا جاي حالا." سمعت سارة باب البيت وهو بيتقفل ولقيت آسر خرج. سارة بغل شديد. "ينهارك أسود... كمان سبتني... وربنا ماشي." كريمة. "الحق ع ابني إنه رضي أصلاً يتجوزها وهي لسه صغيرة كدا." حنان. "متسكتي بقى يا كريمة ابنك هو اللي كان هيموت عليها." هند. "يجماعة لو سمحتم... عشق حالتها وحشة." كريمة. "ما هي طول عمرها كدا...

تعيط وهو يصالحها... عاملالنا فيها طفلة." حنان. "لأ... انتي زودتيها أوي." عشق فقدت أعصابها وقامت بانهيار. "اطلعوا براااا..... حرام عليكم أنا مش قادرة." دخل آسر ع صوتها جري عليها وأخدها في حضنه. "مالك يا حبيبتي؟ عشق بعياط شديد. "طلعهم برا يا آسر." آسر. "لو سمحتم اطلعوا برا... عشق مش ناقصاكم." كريمة. "مهو ده اللي بناخده منها الدلع وبس." آسر بحدة. "أمي.... لو سمحتي." هند. "تعالي يا ماما... تعالي يا طنط حنان."

وأخدتهم وخرجوا. آسر فضل يمشي إيده ع شعرها بحنية وهي بتعيط أوي وشهقاتها طالعة. آسر بحنية شديدة. "حبيبتي...... اهدي يا روحي." عشق. "أنا تعبت يا آسر... ده لسه أول يوم وأنا مش عارفة أتاقلم." آسر بضحكة. "أتاقلم.... يبنت بطلي بقى كلامك ده." وبعد عن حضنها حاجة بسيطة. "يبنت انتي اللي في القلب... ده انتي متعرفيش أنا لسه قايلها إيه." عشق بفضول. "إيه." آسر بابتسامة وباصص في عينيها أوي. "قولتلها إني بحب عشق أوي....

وعمري في حياتي ما هحب غيرها. وإني اتجوزتها هي غصب إنما عشق.... اتجوزتها بردو غصب... بس غصب عن الناس كلها... حتى غصب عن عشق نفسها... لأن عشق مكانتش راضية وهي صغيرة كدا... بس أنا أصرت... عارفة ليه؟ عشان بعشق عشق." عشق كانت فرحانة أوي ودخلت في حضنه أوي. "بحبك يا آسر." آسر دفن وشه في شعرها بيشم ريحتها اللي بيعشقها وأخدها في حضنه وهي نامت في حضنه. هند. "يجماعة والله العظيم لازم تهدوا شوية." كريمة. "اسكتي انتي يا هند...

شايفه بقاله قد إيه بيهديها." حنان. "هو مش كفاية إنه اتجوز عليها." هند. "والله يا طنط عشان الشغل وبس." خرج آسر من الأوضة. "بصوا بقى... كل واحدة ع شقتها. ومحدش ليه دعوة بيها." هند. "متقلقش يا حبيبي." آسر. "هند.... خليكي معانا النهاردة." كريمة. "معاكو. هو انت مش هتطلع لمراتك؟ آسر. "ماما أنا مش متجوز غير عشق. فاهمة. يلا." كريمة وحنان مشيوا. آسر. "يلا يا هند. ادخلي انتي نامي في الأوضة دي. وأنا شوية وهنزل."

سمع صوت عشق وهي بتنادي عليه من الأوضة. دخلها وهند دخلت أوضة تانية. عشق بطفولة. "انت رايح فين؟ آسر. "أنا هنا أهو يا روحي." عشق. "طب تعالي نام يلا." آسر نسي أصلاً إن في واحدة فوق. آسر بخبث. "أنا كده مش هنام النهاردة." عشق بكسوف. "بس يا قليل الأدب." آسر. "متيجي نخاوي البيبي اللي في بطنك." عشق بضحكة. "هو لسه جه." آسر. "آه صحيح... معلش أصلي لما بشوفك وربنا بنسى الناس كلها." عشق بحب. "وأنا كمان والله."

آسر بحب وباصصلها أوي. "طب تعالي بقى عشان عايزك في موضوع كدا." عشق ضحكت. "ماشي يا عم." كانت قاعدة سارة هتموت من الغيظ وعمالة تخبط في إيديها. سارة. "ماشي يا آسر." ودخلت نامت. عدى اليوم وصحى آسر الصبح لقى عشق نايمة جنبه. باس راسها وقام طلع ع سارة. آسر. "صباح الخير." سارة بعصبية. "انت إزاي تعمل اللي انت عملته دا؟ آسر ببرود. "عملت إيه؟ سارة. "متشلنيش.... انت سبتني ليلة دخلتي." آسر مردش عليها ومشي بكل برود.

فتح الدولاب وأخد لبس ودخل لبس في الحمام وهي واقفة هتتشل. شويه وخرج. آسر. "أنا رايح الشغل. لما أخلص هاجيلك." سارة. "هتجيلي؟ تجيلي لي؟ آسر. "عشان لبسي الحلو هنا. الجديد يعني. هاجي آخد لبس وأنزل تاني لمراتي." وابتسم ومشي. هي بقت واقفة بتموت من غيظها. فكرت تقول لابوها بس قالت لأ. في الأحسن من كده. صحت عشق من النوم وقاعدة بتشرب شاي مع هند. عشق بفرحة. "بجد يا هند؟ هند. "وربنا أنا سمعته بودني... ده روقها." عشق. "أيوه كده."

هند. "نفسي أعرف انتي عملتي إيه لأخويا. ده بقى يعشقك." عشق. "وأنا كمان بعشقه والله." هند. "ربنا يخليكم لبعض يا حبيبتي." عشق. "وانتي... مش ناوية ترجعي للواد كريم أخوكي؟ هند بزعل. "ممكن متجيبيش سيرة كريم قدامي." عشق. "لأ... ده شكله مزعلك أوي. احكيلي." هند. "بعدين. بعدين يا عشق. هنزل كده أشوف ماما وأجيب شوية فاكهة وأرجع." عشق. "ماشي." عدى الوقت وهند قعدت مع أمها تحت.

وصل آسر البيت وبيفتح الباب لقى عشق واقعة ع الأرض ومغمى عليها وفي دم نازل من رجليها وووو.