تحميل رواية «آصرة العزايزه الجزء الثاني» PDF

رواية اصرة العزايزة الجزء الثاني2

الفصل الاول1

بقلم نهال مصطفي

"أتظن أن الحب لوحده كافيًا ؟!✨"

أصـدق ما كتب قيس بن الملوح في وصف حالة قلبـه :

”أَتاني هَواها قَبلَ أَن أَعرِفِ الهَوى فَصادَفَ قَلباً خالِياً فَتَمَكَّنا”

ج٢

•••••••••••

ماذا ولو كان لدينـا صفـة الحذف !! ..

حذف الماضي وأشخاصـه ، حذف الذكريات المزيفـة التي صنعها الكاذبون ، حذف الأصوات المميزة وضحكاتها التي سكنتنا على سهـوة ، حذف الرسائل التي لا يجرؤ القلب أن يدق بابها ولا يجرؤ حذفها بعد ..

حذف بعض السنوات التي فارقنا فيهـا من لم نتمنى فراقه أبدًا .. حذف الخوف من قلوبنا واستبداله بـ زر الشجاعـة .. الشجاعة التي لابد منها كي نكسر قاعدة المستحيـل واللا ممكن !! الشجاعة التي تؤمن بأن أقسى مصير ممكن أن يواجه المرء هو الموت النهاية الحتمية لكل شيء خُلق ، فـ لِمَ الخوف إذًا !!

~"بيـت خليفـة العزايزي .."

توارت رغد بقرب أحدى أشجار -البُرتقال- وبجوارها حقيبة سفرها الفضيـة ، قفلت زر معطفها الشتوي وهي تتفحص تفاصيل المكان الذي أدهشها من بداية دخولها نجعهم -نجع العزايزة- .. تنهدت بخوف يحمل الرعب من عاقبة تصرفها الطائش الذي لا تعلمه أمها حتى الآن .. فمنذ أن علمت من " ليلة" المنهارة بخبـر زواج "هاشم " جَن جنونها واشتعلت الغيرة في صدرها .. وتوقـد الحُب والكره بقلبها فـ آنٍ واحد .

على الجهـة الأخرى؛ وجه جابر تساؤله لهيثم الذي أنهى مكالمته عائدًا للبيت ليحضر كتب كتاب أخيه وهو يبحث عن مكان الحج خليفة :

-يا سي هيثم فين الحچ خليفة..لحق يخُش چوة ؟!

وضع الهاتف بجيبه بعد ما تابع أخبار ليلة التي اطمئن بذهاب أخيه لعندها وتفاصيل حلقتها التي باتت حديث المواقع :

-آكيد خش يشهد على كتب كتاب هاشم .. سيبني أروح ألحقهم يكش يجوزوني الليلة دي ويرتاحوا مني .. بدل الهم المتعبـي اللي شايلينـوه دهوت .

أوقفه جابر معارضًا ذهابه :

-استنى بس عقولك ، فـ واحدة هناك عاوزة الحچ خليفة أو هاشم بيـه ، أقولها أيه ؟

حانت منه نظرة حول البدوية الحسناء التي تتوارى بجوار الشجرة فأطلق صفيرًا معجبـًا ومسح على صدره غارقًا بسحرها :

-هي شجرة البرتُقان بقيت توقع توقع مانجا ليه !! يا وعدي يا جابر ، عروستي عتناديني وقلبي استجاب .. شوفت شوفت الفال لسه قايـلك أيه أنا !! شكلها لعبت والزهر لعِب !

عارض جابر طريقه وهو يمسك ذراعه مُقرًا :

-بس دي عتسأل على هاشم بيـه .. مش عتسأل عليـك .

سحب هيثم ذراعه وعيناه مقتنصة غنيمته :

-هاشم عيتچوز ، مش فاضي ، لكن أنا فاضي .

ثم قطع الخطاوي بعجـلٍ نحوها فلاحظت رغد اقتربه وعرفته من صوره مع هاشم ، سحبت نفسًا طويلًا وتمسكت أكثر بيد حقيبـة السفـر ، اقتحم المسافة الفاصلة بينهم وهو يقول مادحًا :

-شوفتي النحلة اللي حاطة رچل على رچل وسرحانـة تفكِر ؟!!

قفلت جفونها للحظة تستوعب سؤاله الغريب المُلطخ بالحماقة ثم رمقته ونظرات الحيرة تملأها ، فأتبع والضحكـة تسبق كلماته :

-هقول لك متستغربيش .

ثم دنا منها خطوة أخيرة وأكمل :

-عمالة تفكـِر كام كوباية عسل تساوي چمالك !! أنتِ چاية من الأرض ولا من السما ولا قرعـة اللي چابوكي فين !

تنهدت بكلل مدركة أنه يُغازلها بأسلوب مختلف ولكن لم يتناسب مع القنبلة الثائرة التي تحملها بصدرها ، تجلى حلقـها تساءلت بضيق :

-أنتَ هيثم ؟ مش كده .. !!

صاح فارحًا :

-يا دين النبي !! هو بشحمه ولحمه وقلبه اللي يسيع من الستات ألف .. قولي أنك جيالي وقصاداني .. بس عرفتي منين للدرچة دي سري باتع !!

ردت بخوف مدفون :

-ااه ماهـو هاشم حكالي عنك !!

-عليا الطلاق هاشم ديه مچدع وما في زيه في رچالة العزايزة !! أخوي وِلد أمي وأبوي ، وقال لك أيه عني ، قولي ؟

-قال لي أنك هجاص وبتاع كلام في الهوا .

رد مندفعًا :

-الواد ديه ولا أخوي ولا أعرفه ومتصدقهوش ديه قاصد يوقع ما بينا .

تأففت بنفاذ صبر لانها في حالة لا تسمح بالمرح ، قفلت جفونها تمنع انسكاب دموعها التي لم تجف طوال الطريق :

-طيب ممكن تنادي لي على هاشم أخوك .

-بس هاشم عيتچوز چوه ، لكن أنا صايع مالاقيش واحدة تلمني .. ما توافقي وأكمل نص ديني الليلة .

ثم أردف مكملًا :

-أياك كان عازمك على فرحه .. بس أنتِ جيتي لنصيبك ..وأنا اتلقيتك .

ثم انتقل مغيرًا مكانه وأكمل مداحًا :

-عيونك دي ما شوفتها على واحدة في العزايزة ، يخربيتهم جيباهم منين ؟! من نسـل الغزلان؟؟

لقد فاض بها الأمر فخرجت عن صمتها قائلة :

-هو مش عيب بردو تعاكس مراة أخوك !!

رد بعفوية محاولًا استيعاب ما قالته:

-هو أنا ليّ أخ رابع وأنا ما عرفش .. !!

~بالداخل..

-"اللي عِندي قولته ، وطبعا المأذون مش هيكتب على واحدة غُصبانيـة ، ومش عاوزة كلام كتيـر ، وأنا أسفة يا حچ خليفة ."

بعد ما فجرت قرارها النهائي على آذان الجميع وتدخلت النسوة بالأمر لتُصلحه محاولة إقناعها بأن لا يوجد أكثر من الخلافات بين الزوجين وألا تُكبر من حجم المُشكلة ..

اتسعت عيني "هلال" وهو يحذر أخيه من أي ضغط على الفتاة ، هذا لا يجوز شرعًا ، فأعقب الحج خليفة الذي ينظر لابنـه الصامت يراقب الموقف في هدوء تام:

-حُصل أيه لخطيبتك ياهاشم .. ما تتكلم يا ولدي ؟

رفع جفونه المُثقلة بحقيقة اعترافـه عن كونه متزوج من أخرى غيـرها ، فتحمحم بفتور :

-خلاص يا أبوي سيبها على راحتها آكيد مش هنغصبوها يعني .

ربتت صفية على كتفها :

-أيه اللي غيـر رأيك إكده يا بتي بس !! اكيد اتحسدتوا ..هي عين وقاصداني في عيالي أنا عارفاها .. استهدي بالله وأقعدي خليهم يكتبـوا ونخلصوا .

تدخلت "زينـة" التي لا تعلم بحقيقة رحيـل زوجها وسفره لحبيبتـه واختيار قلبه الأول ، جرت ذيل فستانها وهي تتمايل بكيد :

-خلاص يا عمتي ، متغصييش عليها .. هي أدرى بروحها .. ما يمكن ما چادراش .

ثم نظرت لهاشم وأكملت باستحياء حرباءة تتلون كلون الموقف :

-هي حُرة ، يمكن مستحملتـش أنها تكمل في الچوازة دي وهي عينها من أخوك ..يووه يقطعني هي عمتي نَست لتقـول لك أن .

ثم زفرت باختناق وأكملت :

-عينها من هارون اللي هو چوزي مش سهلة تتچوز أخوه بردك يا ناس .._ثم نظرت لهاشم_أنتَ ربنا نجدك يا واد عمتي .. متزعلش روحك بكرة نچوزك ست ستها دي غاوية فقر من يومها .

صرخت هاجر مدافعة عن أخوانها أولًا ثم ابنة خالتها بوجه زينة :

-أنتِ اتچنيتي !! هو أي كلام عشان تولعيها وخلاص!! الله يسامح أمي في الورطة المهببة دي ، فينه هارون كان عرف رد عليكِ .. لو كان قاعد زمانه خلى المأذون اللي كتب عليكم ، طلقك وارتحنا منك ..

ثم نظرت لأمها بعتب:

-هي دي اللي اختارتيها لهارون أخوي !! روحي ياما الله يسامحك !!

وقف هاشم مدافعًا عن ابنة خاله ليسبق أصوات الجميع ويقف بوجه "زينة " التي أشعلت فتيل الفتنة أمام الجميع :

-أقفلي خشمك .. كلمة زيادة وهنسى أنك مراة أخوي .. الهبل اللي عتقوليه ديه يخرب بيوت !! أنتِ اتچنيتي !!

كحلت الدهشـة الأعين حولهم وتفاقم التهماس بين الحاضرين ، لطمت صفية على خدودها وهي تشد زينة التي لم تتزحزح خطوة :

-أنتِ ادبيتي !! عتقولي أيه يا بت !! تعالي يخربيت أمك وبيت الدايـة الـ سحبتك من لسانك .

اهتزت قوة "نغم" أمام الجميع ، تحاول أن تتماسك وأن تُكذب مسامعها ،أن تتغاضى النظر عن الوجوه التي تحرقها بالاتهامات القاسية ، ألا تنظر للسقف فترى خيبتها تُحلق فوقها..

"واقع مرير أن يكون الحُب هو إقرار بذُلك وذُل قلبك مدى الحيـاة "

إلى متى ستُعاني من دقة قلبها الأولى ، إلى متى ستدفع ثمن حُبها العقيم الذي لم تنجب منه إلا الخذلان ؟!

تجاهلت صدح الأصوات المعاتبة بكلمات تحاول تبريئها عكس أعينهم التي نفذت حُكمها عليها ، وقفت أمام زينة وهي ترمقها بأبشع النظرات التي لا توصف :

-هو أنتِ أيه يا شيخة !! أيه السواد اللي چواكِ ديه !! أيه قِلة العقل والرباية دي !! حقيقي أنا مشفقة عليكِ من نفسك .. مش هرد عليكِ وعلى واحدة ناقصة زيك ؛ لأنك مريضة يا زينة مريضة.. روحي يارب ما تتهني في حياتك بحق كسرة نفسي ..

ثم مسحت دموعها الجارفة وأكملت:

-أنا هفضل عايشة بس مستنية اليوم اللي ربنا هياخدلي حقي منك ، وساعتها مش هشمت فيكي بردك ، ساعتها هتصعبي عليّ عشان رد الحق لما يچي من فوق واعرة قوي ..

قبض هاشم على معصمها لفض النار المتطايرة بينهم وهو يرمق زينة باشمئزاز :

-خلاص ..متعملهاش قيمة دي واحدة قاصدة تقول أي كلام ..

ثم تنهد متفهمًا باستحالة الجمع بينهما مُشيرًا لأحد الخفـر الواقفين :

-تعالى وصلها على بيتـهم .

سحبت ذراعها ودارت نحوه بعينيها المحترقة وهي تخبره بعجز وتمتمت :

-عرفت ليه أحنا مننفعوش لبعض يا وِلد خالتي !! على فِكرة كلامها صُح.. بس مكنش بيدي زي ما أنتَ مكنش بيدك.

ثم سحبت نفسها من أمامه وأعلنتها أمام الجميع :

-أنا هروح على بيت أبوي وعمامي ، تِشكر يا خال صالح لغاية إكده ، ربيتني وعلمتني بس شكلك اتلهيت فيّ ونسيت تربي بِتك لغاية ما فَچرت ..

ثم جرت ذيل فستانها الرقيق للغاية متجاهلة نداءات الجميع ، وفي لحظة خروجها دخل جابر من الباب يبحث عن "الحج خليفة" الجالس مكانه مستندًا على عكازه بخزى لا يعلـم ما سيقوله بعد .. فتسلل من بين الحشد متمايلًا على آذانه :

-يا حچ فـ عروسة برة چمالها موردش عليّ قَبل إكده عتسأل عليك ، ووقعت مع سي هيثم وشكله هيعُك الدِنيا معاها .

-بت مين دي يا جابر ؟!

اقترب هلال من زوجته الواقفة بجواره محافظة على المسافة الفاصلة بينهم وقال بضيق :

-لو مش مرتاحـة تِقدري تركبي على أوضتك لغاية ما أشوف هاشم ..

نظرت له بخجـل وأردفت بتلقائية غير مقصودة :

-لا عادي ، واقفة چارك ولا أنتَ رايح مُطرح !!

ثم توترت لتبرر :

-اه صُح ، خلاص هروح أقف مع هاچر مينفعش أسيبها في الحالة دي ..

فرك حاجبيـه ليحاول استيعاب كمية المصائب الناشبة بهذا اليوم وما تطلع على يساره وجدها اختفت تمامًا من جواره ، فلم ير إلا خطواتها تتسابق لتهرب من سطو عينيه وسطو خجلها منه منذ لحظة إعلانها رفض قُربه منها …

استغفر ربه ثم جهر مناديًا على أخيه الذي أوشك أن يُفارق الساحة :

-هاشـم !!! استنى …

خرجت "نغم" في صورة مثيرة للشفقة وهي تستقـل السيـارة التي يقودها الخفير ، لتطلب منه قائلة :

-وديني عِند عمامي ، بيت الچباس .

تحيرت عيني " هيثم " حول توافد الخارجيـن من الداخل ، والعربة التي تنقل نغم من بيتهم ، فنظر لرغد التي يسحب حقيبتها بعيدًا عن مرمى الأنظار متمتمًا ليستكمل حديثه معها :

-الخير على أقدام الواردين هو في ايه !! .. قولتلي أنتِ مراة مين في أخواتي !! أوعى يكون هلال ..بس مش ذوقه لا !! الفرسة العربي دي ذوق أبو دبورة .. أنتو متچوزين بحق ولا عتشتغليني!

ثم صاح بسؤاله مُشيرًا لأحد الخفر :

-هو فيه أيه چوه يا وِلد !!

ركض الخفير إليه مُعلنًا :

-الدِنيا مقلوبة چوة يا سي هيثـم ..

تقدم خليفة بهيبتـه مستندًا على عكازه وه جابر ، فتراجع هيثم خطوة للوراء احترامًا لأبيه وهو يهتف:

-خير يا بتي ، أنتِ ميـن وعاوزة أيه !!

فقدمه إليها جابر :

-أهو الحچ خليفـة بنفسـه قصادك ..

نظرت له رغد بأعينها الغزلاني وشعرها المنسدل وهي تطلب منه:

-عمو من فضلك ممكن نتكلـم لوحدنا !!

تحيرت عيني خليفـة بشك حول أمرها ، فتطلع لهيثم قائلًا :

-خُدها على أوضة هارون الورانيـة من غير ما حد يوعالك ، وخليك چارها لغاية ما أجيـلك .. أفض الليلة دي الأول.

حمل هيثـم عنها الحقيبة وهو يدلها على الطريق ورأسه تصدح بغرابـة ما سمعه ، ووقع نتيجته أن كان صحيحًا ، فمال متسائلًا بهمس :

-أنتِ واعيـة لحديتك طب وعارفه ديتـه ! !

•••••••••••

""فأنتَ وحدَك مَن بالحُبِّ يسكُنني

وأنتَ أجـمل ما ضـمَّتهُ أقـداري.""

ظلت تتأمـل تفاصيـل الجُملة التي تعثرت بها صدفة وهي تُفتش بصندوق خفايـا سيارته أثناء رحلـة العودة إلى الأقصر ، فالتفتت له مستفسرة :

-واو !! مين كاتب الكلام ده ؟

رد دون الإلتفات إليها :

-دي كراسـة هيثم .. تلاقيه نساها عندي، هو اللي غاوي أشعار وحـديت مذوق ..

-حديت مذوق !!

تأرجحت معالم وجهها مقتنعة :

-صح هيثم .. قولت كده ، أصلها مستحيـل تكون بتاعتك يعني ..

حانت منه نظرة خاطفة :

-أشمعنـا !!

لكت الكلمات بفاهها ، وهي تبرر له :

-أصلها كلها أشعار حُب وغزل ، وأنتَ ، قصدي أنت مش بتاع الكلام ده ، ده بتاع ناس قلبها مرهف قلبها داب في الحُب ، يعني بحس الحُب مش بيشغلك .. ولا يشغلك !! هو أنتَ عندك قلب زينا ؟

تلاقت أعينه الثائرة بعينيـها المتوترة للثانيـة ثم هرولت معبـرة بخوف :

-مش قصدي أكيد ، بس شايفة قلبك قاسي كده والحُب مش بتاعك ، ولا فارق لك .. هو ده مش كلامك !! ولا أنا بعُك كالعادة ولا ايه !! اسكت ؟!

تبسم بسخرية وهو يراقب الطريق متجاهلًا نظراتها التي تتلهف رده بفضول ، فأتبعت معترفة وهي تعود بظهرها لمكانها بالمقعد :

-يبقى بعُك .. أنا مش هفتح بؤي تاني خلاص…

رد بإختصار دون الالتفات نحوها وهو يركز بالطريق أمامه :

-سمعتهم مرة بيقولوا يا ويل الزمن وأيامه لو الحب زار قلب القاسي .. سمعتيها قبـل إكده !

-تؤ أول مرة اسمعها ..

دارت نحوه بفضول :

-بس ليه يعني ؟!

تطلع بعينيها الملونـة مُجيبًا :

-عشان ساعتها هيهد الدِنيا بجبالها لو فكروا ياخدوا منه حبيبه .. أصل القاسي قاسي في كُل حاچة ، وما يسبش حقه لمخلوق .

تبسمت ببطء بعيني تبرق متذكرة نصيحة أبيها :

-بابي مرة قال لي الحُب زي الحرب ، الاتنين محتاجين رجالة .

فأتبع مؤيدًا ولكن حسب وجهة نظره قال :

-الحُب أوعر حرب تقابل الرجالة .. بس الاتنين مختلفين خلي في بالك .

سبحت في عُمق الحديث معه الذي لا يعلم من أين أتى به قلبـه القاسي المتمرد على أعراف الحُب ، فسألته ليلة :

-أزاي يا عُمدة ؟!

عاد ليركز بطريق أمامه مُكملًا :

-على الأقل في الحروب ، عقلك سايقك وسلاحك بيدافع عنك خطوتك لقُدام مفيش حاجة مسكاك .. لكن في الحُب بتكون ممسوك من قلبك متكتف ، كُل خطوة وخبطة بتكون حاسسها في روحك .

تأملته مليًا ، فسألته:

-لو خيروك مثلًا ، تدخل في حرب ولا تحب هتختار أيه !

شغل مساحات العربية بهدوء ليُزيح أثر الندى من فوق الزجاج وهو يقول :

-في الحرب بنحاربوا عشان الحُرية

لكن في الحُب بيحاربوا عشان الحبس .

ثم نظر لها معلنًا قراره :

-مفيش حد عاقل هيحارب عشان يتحبس يا ليلة !!

-بس أنك تتحبس بين أيدين حد بتحبه دي حُرية يا عُمدة ..

امرأة غلبت قسوته بجملتها ، فطفق يهز رأسه نافيًا والإنكار يحوم حول ملامحـه :

-وأنا راجل حُر ، مش عاوز حاچة تكتفني ….

فزع من شروده على صوت صبي البنزينـة التي يملأ فيها تانك سيارته وهو يطرق على الباب :

-أنا خلصت يا هارون بيه .

فلكزته هيام برفق :

-هارون يا أخوي ، عيقول لك خلص .

أخرج حافظة نقوده وعد بعض الورقات الماليـة ووضعها بيد الصبي ثم ثقلت قدمه وضغطت على البنزين ليفارق المكان بسُرعة جنونيـة إثرها انطلقت صرخة خائفة من قلب أخته:

-هارون طب على مهلك يا أخوي .. إكده مش هنلحقوها هنكونوا عاوزين اللي يحلقنا !!

أردف على مسامعها آمرًا بحدة :

-تقفلي محمولـك ومش عاوز حد يعرفلنا طريق يا هيام .

•••••••••••••

~مديـنة الإنتاج الإعلامي بالقـاهرة .

فتح" سالم "واحد من فريق الإعداد وموظفي القناة باب مكتب " الشناوي " مهللًا :

-شناوي بيه ، مصر كلها ملهاش كلام غير عن برنامج ليلة الجوهري ، الحلقة عملت بوم في كل مواقع التواصل والاعلانات نازلة ترف علينـا مش ملاحقيين ..

دون اكتراث لحالة الفتاة التي نُقلت للمشفـى منذ قليـل ، تحمس الشناوي قائلًا :

-اديهم كلهم مواعيد على بكرة ، وانزل بحملة دعاية محترمة ، في كل مكان تنزل صورها والبرنامج بتاعها ..

شد سالم المقعد وهو يتساءل:

-تفتكر من يوم ما قعدنا مع اللي اسمه هارون ده قولت لك في بينهم حاجة .. مفيش حد عاقل يدفع مبلغ زي ده لمذيعة مغمورة زيها .

الشناوي وهو يعاود الاتصال بهِ :

-وأهي فلوسه رجعت له أضعاف ، بحاول اكلمه ليا كذا يوم مختفي يا سالم ..

فأتبع سالم:

-رشيدي أبو العلا على أخره ، وكان مظبط الضيوف أنهم يوقعوا المذيعة فـالكلام على الهوا ، بس البنت اديته كُرسي في الكُولب وخطفت الكاميرا من الكل .. حقيقي طلعت شاطرة ..

سخر الشناوي قائلًا :

-خلي عصافير الحُب تزقزق وخلينا أحنا ناكلوا عيش .

ثم أشار بأصبعه :

-تسيب كُل اللي في أيدك واشتغل على برنامج ليلة .. الفترة الأخيرة مفيش برنامج فرقع كده عايزين نستغل الفرقعة ونطلع معاها كمان وكمان .. ااه وابعت ورد للإعلامية بتاعتنا وقولها تشد حيلها عندنا هوا الخميس الجاي عايزين نجهزله ..

-أوامرك يا شناوي بيه .. سالم هيبهرك بالتقيل ….

~بالمشـفى …

تقف " جوري " بمحاذاة ناديـة وتطمئنها أمام غُرفـة الفحص التي دخلتها ليلة :

-متقلقيش يا طنت ، إن شاء الله هتبقى كويسـة ..

مسحت ناديـة دموع التماسيح التي تنهمر من مُقلتيها :

-كله بسبب المتخلف الرجعي اللي اسمه هارون ده ، ياما حذرتها منه يا جوري ، عاجبك الفضايـح دي !! وسيرتنا هتبقى على كل لسان !!

-معلش يا طنت ، حضرتك عارفة أن ليلة عفوية ومش بتفكر كويس قبـل ما تتصرف ، المهم دلوقتِ نطمن عليـها ..

وقف رُشدي بنهاية الممر وهو يُشير لناديـة أن تأتي لعنده ، تأرجحت عينيها بتردد وهي تقـول لجوري :

-خلي بالك منها ولو خرج الدكتور طمنيني ، حماها رشدي بيه جاي يطمن عليها بنفسه ..

ثم تنهدت بخجـل :

-مش عارفة هواجه أزاي بعد كل اللي حصل ..

انتظرت "جوري" حتى غادرت نادية المكان ثم أخرجت هاتف ليلة الذي تركته معها قبل الهواء، وحاولت الاتصال مرة آخرى "بهارون" ولكن خاب أملها عندما وجدت رقمه ما زال مقفـولًا .. لم تيأس بعـد استمرت في البحث بحذر من أعيـن " نادية" وفي اللحظـة التي قررت أنها تطلب رقم " هيام العزايزي " ، امتلأت شاشة الهاتف بالاسم وسبق قلب المُحب التواصل ، بللت حلقها وتوارت بأحد الجدران لتُجيب على الفور :

-ألو !!!!

على الجهة الأخرى ؛ يقف رشدي الذي لم يكف عن توبيخـه لنادية ولومه :

-مكنش ينفع تسكتي يا نادية !! المهزلة دي مكنش صـح تكون على الهوا ، أنا غلطان .. غلطان إني سكتت على المهزلة دي من الأول .

دمدمت بقلة حيلة :

-حاولت اوقف البث معرفتش ، ودلوقتِ نتيجة التحاليل هتطلع وهيكتشفوا انها كانت بتاخد أدوية جدول يا رُشدي .. وهيستدعوني عشان أقول أقوالي .. لازم اخرجها ، ساعدني يا رشدي ..

-نادية، لو طلبوكي للتحقيق عايزاك تطلعيها مجنونة رسمي ، هي دي فرصتنا الأخيرة خلينا نخلص من الأرف ده !! أنا مش ورايا غير ليلة ولا ايه ..

خرت الدمعة من عينها :

-رشدي أنا قلبي بقا يوجعني عليها ، كفاية عليها أوي كده ، أنا أول ما أبيع لك الأرض هبطل الأدوية دي.. حرام البنت تتدمر كده .

-تموتي قلبك يا نادية !! دي لا بنتك ولا هي من دمك ولا تقربك ، بنت جابها رفعت الجوهري من أي مصيبة وورطك فيها وكمان خدت الجمل بما حمل ، والأول كنا مستحملين عشان سامح عايش ، دلوقتي ملهاش عندنا حاجة ، أنتِ مش هتربي بنت مش بنتك .. افهمي بقا ..

ثم دمدم بحرصٍ:

-تمنعي أيه اتصال بـ اللي اسمه هارون ده ، وأنا هتصرف معاه بنفسي.. حتى ولو وصلت أني هقتله يا نادية ….

ظهر العم "حسن" أمامهم فجأة بعد ما سمع مخططهم الدنئ بوجعٍ يأكـل بصـدره ، أخفى عنهم حزنه وغضبه منهم وقال بحزنٍ :

-أنا ركنت عربيـة ليـلة بتي تحت ، طمنوني عليها عاملة ايه ؟

صرخت نادية بوجهه والذعر يملأ وجهها :

-كويسة يا عم حسن وبعدين في حد يظهر لحد فجأة كده !! اف …

تدخل رشدي:

-الأوضة هناك أهي ، مستنين الدكتور ..

ما ولى العم حسن وجهه عنهم نظرت نادية بهلعٍ لرشدي وهي تقطم أظافرها:

-تفتكـر سمع حاجـة !!!!

••••••••••••••

~العـزايـزة ..

بعد ما رحل الجميـع عن الدوار ، تسلل الحج خليفة مستندًا على عكازه متجاهلًا أمر الجدال مع " هاشم " إلى أن يرى أمر هذه الفتـاة التي سربت الشك لأوصاله.. وصل لأعتاب غُرفة "هارون" فوجد هيثم واقفًا أمام الباب ويطوف الحزن فوق ملامحه وهو يمنع نفسه بصعوبة من إبلاغ "هاشم" بما علمه بناءً علي رغبة زوجته ، رفع جفونه بحزن وخيم وهو يهز رأسـه بأسف ، فسأله خليفة:

-فين الضيفة يا ولدي ، ومال وشك ؟!

حك ذقنه قائلًا:

-قاعدة چوة يا أبوي..أدخلها .

سبق عكازه خطوته وهو يصعد درجتي السُلم ويدلف من الباب ليلتقي بـ "رغد " الجالسة على مراجل من نار تتخبط أقدامها ببعضهما ، ما أن رأته وثبت من مكانها لتستقبله ، فهتف معتذرًا:

-اتأخرت عليكِ يا بتي !! خير أيه مُشكلتك وأحنا نحلوها !!

تبادلت النظرات بين هيثم ورغد بحيرة ثم بادرت مُقدمة نفسها :

-أنا رغد يا عمـو ، رغد الشيمي مراة هاشم.

هالهُ عُسـر ما سمعه للحد الذي كذب فيه مداركه متسائلاً :

-هاشم مين يا بتي !! هاشم ولدي ؟ أنتِ عتقولي أيـه !! طاا كييف ؟!

-ومش بس كده .. أم ابنه اللي لسـه جاي .

أومأت بخفوت وهي تُخرج من حقيبتها ورقة إثبات الزواج وقدمتها له :

-القسيمة أهي تقدر تتأكد بنفسك .. بس قسيمة مش متسجلة عشان ظروف شغله طبعا ، كان مأجل تسجيلها لحد مايعرفكم .. ويعلن جوازنا ..

مسح هيثم على وجهه المُحمر من هول الموقف وخوفه الشديد على أبيه متمنيًا لو كان هارون هنـا في هذا الموقف وحده من يملك حسن التصرف والثبات ، فتمسـك بكتفي أبيه الذي يطلع على الورقة بيده المرتعشة :

-أقعد يا أبوي وكل حاچة ليها حل .. آكيد هتتحـل ..

ما انتهى "خليفـة" من فحصه لصحة القسيمـة وعلامات الإرهاق والضجر تُثقل الكلمات على لسانه ، نظر العجوز لها بوجه عابس وبعيون مستنكرة :

-طاا كيــف !! كيـف هاشم يتمرد على ناسه ويعملها !! كيـف يا بتي!! أنتِ عارفة كلامك ديه يخرب بيوت عمرانة !!

كاد أن يتفوه هيثم ، فصرخ عليه قائلًا :

-تروح تشيع لهاشم وتچيب هلال معاه ، وتعاود محدش يشم خبر يا هيثم.. يلا استعچل .

رجت الصدمة كيانه وهو يجلس على أقرب مقعد منتظرًا عودة أولاده ، امتلأت عينيها بالعبرات وهي تروي له القصة كاملة حتى ختمتها قائلة :

-مش عايزة أي حاجة من هاشم غير يسجل اللي في بطني باسمه والله هسافر واسيب البلد كلها أنا وابني ، أصلًا مش طايقة أبص في وشه ولا عايزة منكم أي حاجة بس ابني ملوش ذنب يا عمو .. ابنكم .

~بداخـل القصـر ..

تقدمت " رُقية" لتضع العصير على المنضدة أمام الخالة " أحلام " و " هاشم" الذي اعترف لأخيه سرًا و للتو عن سبب رفض نغم للزواج منه ، فصمت الاثنين إثر مجيء رقية التي لاحظت الضجر على وجه زوجها وهي تقول:

-اتفضلو ، عصير اللمون يا شيخ هلال .

رد هلال بعرفان وهو يطوى صفحة صدمته في أخيه كي لا يلفت انتباهها لحُزنه :

-يسقيكِ الله من حوض نبيـه شربة ماء لا تظمئي بعدها أبدًا .

-أي طلبات تانيـة !!

تدخلت أحلام التي تغلي من وجع قلبها على ليلة وما حدث لها وتدعو ربها بأن يستدل هارون لطريقها :

-يسلم يدك يا بتي .

خُتمت جُملتها بصوت صياح "زينة" التي لا يُطيق هاشم النظر إليها وهي تجُر ذيل فستانها الكبير :

-ياشيخ هلال أومال هارون فينه !! ياناس ياهووه في عريس يسيب عروسته ليلة الفرح ومنعرفلهوش طريق.. ديه يبقى فال عفش.

كظمت أحلام غضبها بـصعوبة :

-ما تخفي ندب يا بت واتلقحي في أي أوضة لغايـة ما يعاود ، راسنا فيها اللي مكفيها ..مش ناقصين خوتتك .

اقتحم "هيثم" مجلسـهم ، فأول من اصطدم معها كانت زينة التي تلقته هاتفة باستغاثـة:

-وِلد حلال يا هيثم ، أنتَ اللي هتريح قلبـي وتچيب لي قرار هارون ، چوزي الأرض اتشقت وبلعته .. معارفهلوش طريق يا ناس .

رسم هيثم ابتسامة مزيفة من بين ما يحويه من الهموم وقال ساخرًا ليُشتتها عن جمعهم :

-بت حلال لساته قافل معاي ووصاني أبلغك إكده بالحرف ، قالي أمانة عليك يا هيثم تروح تقول لزينـة تسامحني هعوق ساعتين ومعاود ، متخليهاش تنام قبل ما أچي .

تشبث بذراعه بفرحة عارمة :

-وكتاب الله !! طب هات أكلمه اطمن عليه وأشوفه هملني وراح على فين .

-تكلميه أيه بس ، أنتِ يا دوبك تلحقي تطلعي تتذوقي وتحوشي وش المحاورة ديه من على سحنتك وتستنى چوزك يا عروسة ، ماهي الليلة ليلتكم .. هو أنا اللي هقـولك عاد يا زينة!! يا زينـة فتحي مُخك ..

ردت الفـرحة بكيانها وهي تؤيده :

-أنتَ صُح ، أنا هطلع واذوق واستناه وهو كِده كِده هيعاود هيروح فين يعني ملهوش غير حضن مرته .. عليا النعمة أنتَ أخوي وغالي عندي قوي يا هيثم ريحت قلبي ربنا يريح قلبك ..

دمدم ساخرًا :

-ربنا ياخدك ويريحنا يا بعيدة بفقر أُمك ديه .

كانت الأعين تحدق متعجبة من كذب هيثم على زينـة ، فانتظر حتى صعدت لغرفة هارون فتنفس بارتياح مبررًا :

-كان لازمًا أوزعها ..

فـ نظر لهاشم وهلال الجالسيـن أمامه مُشيرًا بسبابته :

-أبوي عاوزكم أحياء أو أموات ..

مسح هاشم على رأسه بتعب:

-أنا مش حِمل كلمة واحدة من أبوي ، روح قوله نمت ولا روحت في أي نصيبة..

-لا ماهي النصيبة چات لغاية عنِدك ..

حفظ هيثم السر وهو يتحدث بخبث:

-وبالذات أنتَ يا زعامة يا أبو دبورة أنتَ ! ماينفعش أعاود من غيرك .

تعجب هاشم من سخافته:

-ولاه أنا مش فايق لك حِل عن سماي .. وإلا هقوم أكسر عضمك ، أنا على آخري .

هتف هيثم بنبرته الجادة :

-وفر الصحة دي للمُر اللي مستنيك ..

ربت هلال على كتف أخيـه وهو يحمل الهم والغم عن حال أخيـه قائلًا :

-قوم قوم أنا معاك أهو خلي الليلة دي تعدي يا هاشم .. مش هنخلصوا من رطه .

تحرك الأخوان ، واحد منهم ينفث الدخان والأخر يهشه بحنق ، نادت أحلام على هيثم بصرامة :

-واد يا هيثـم ، أبوك عاوز أيه من هاشم مايسيبوا في حاله هو ناقص .

جثا هيثم على ركبته موشوشًا بمسامعها:

-أحلام ؛ هاشم مورط نفسه في موال ، قومي معاي محدش هيهدي أبوي غيـرك .. غفلقت يا أحلام من كُل حِتة .

ساندها لتقف على مهـلٍ وهي تستفسر منه :

-رسيني يا هيثم .. هاشم ماله !!

-تعالى وأحنا رايحيـن لهـم هحكي لك ..

في هذه الأثناء خرجت صفية من المطبخ وهي تعقد حزنها حول رأسها وتنوح :

-كنلك فين المُر ديه يا صفية !! لا واللي خلق خلق الخلفة دي ما على هواي ولا عرفت أربيها !! ليه يا ربي !! يعني الوكسـة تاچي في واحد !! تصيب الستة !! اتوكس في الستة يارب !!

ثم رمقت رقية التي تقف منكمشة تُراقب عبث صفية وهي تهذي ممسكة برأسها ، فنالت نصيبها من فقرة الندب:

-وأنتِ !! مبقاش صفية بِت الطحاوي لو ما چبت لك ضُرة !! مالك ميتانة وعدمانة إكده مش طايقاكِ لله في لله .. بت أنتِ اخفي من وشي عشوفك كأني شوفت عفريت !!

تفهمت رقية طبعهـا الحاد ، فاستقبلته ببرود وهي تسألها :

-راسك وچعاكي يا عمة أجيب لك بِرشامة !!

جلست على أقرب أريكة وهي تصيـح :

-راسي بس !! ديه حِزن مغلي في حِلل .. وبعدين وأنتِ أيش حشرك واحدة وقاعدة مع خيبتها أيش حشرك !!

اندفعت بهدوء :

-يقطعني يا عمتي ، معرفش أنها موچودة هسكت أهو .. كملي معاها براحتك ، أجيب لها حاچة تِشربها .

-بت أنتِ أنا مفروسة لوحدي مش ناقصاكِ ..

تدخلت هاجر التي لكزت رفيقتها بمكر هامسة :

-چدعة ، بدأتي تفهمي ، "عيش بارد تكسب صحتك" ، ديه شعارنا أنا وأبو الهياثم ..

ثم جهرت لتُخبر أمها :

-ياما اتصلت بهيام ألف مرة ماعتردش .. خلاص هي مش مع هارون قلقانة ليه ؟!

ثم أعقبت بأعين متأرجحـة :

-هما راحوا فيـن !! كلهم اختفوا مرة واحدة ؟!

وصل هاشـم أولًا ثم تابع هِلال خُطاه .. متسائلًا :

-أبوك من ميتى عيچي هِنه ؟!

قطع أول خطوة داخل البيت الخشبي ليتفاجأ بها جالسـة بجوار أبيـه ، اتسع بؤبؤ عينه من هول الصدمة ، تجمدت خُطى قدمه ، تأرجحت نظراته المندهشة على وجه المفاجأة التي تنتظره بأعين غير مُصدقـة ..

أن يُدرّب القلب نفسهُ على التخلي و السكوت أمام اغتيال الأيام لحبه بدون محاولة واحدة ، حبه الذي اغتاله بيده وفضلَ نفسه بدلًا منه ، وظن أن الحُب لعبة بيده يبدأها ويُنهيهـا حيثمـا يشـاء !! ولكن وحين يدق ناقوس الوقت المناسب للمواجهـة هنا قد تولى سلطان الحُب اللعبـة وبتُ وحدك خِصمه يا صديقي ، حينها تكون النار التي كوت ذلك القلب العنيـد قد أحرقت جزءً طويلاً من القصة ومن الحُب أيضًا ..

رفعت جفونها المُعاتبة له وهي تعقد ذراعيها أمام صدرها :

-مبروك يا عريس !!

-رغـــد … !!

رفع أبيه عيونه إليه متأملًا أن يكذب حديث هذه الفتاة ، فسأله :

-تِعرِفها !!

تدخل هلال المتفاجئ حول هوية هذه المرأة :

-خير يا بوي !!

وثب خليفة بوجهه مُكررًا سؤاله بنبرة أقوى :

-أنطق تِعرِفها !

أعلن لسانه ملكيتها بجراءة:

-رغـد مرتي يا أبوي ..

تنفست الصعداء وهي تتأمل حبيبها الوحيد عن بُعد بقلب يتقطر دمًا من شِدة الشوق ، فأتبع خليفة موبخًا بصوتٍ مُرعد :

-وطالما معترف أنها مرتك ، هملتها وچاي تتچوز غيرها ليـه !! أنطق !! هما بنات الناس لعبة في يدك ؟! يعني طلعت بچح ومش هامك ناسك ولا عرف بلدكم ومتچوز من ورانا !! أطلع رچل معاها .. راچل لمرة واحدة في حياتك ..

تدخل هلال ليشد عضد أبيه :

-أهدي يا أبوي ، مفيش حاجة هتتحل بالحال دي!!

مسح على رأسـه متجاهلًا إهانة أبيه وقال لرغد :

-رغد ما ينفعش تُقعدي هِنه .. يلا نروحوا على بيتنا.

تحامت بكتف أبيه رافضة :

-أنا ماليش كلام معـاك .. كلامي مع باباك ..

صرخ عليها بحيرة :

-رغد افهمي وچودك غلط ماينفعش حد يعرف أنك مرتي …

رفعت رأسها مُعاندة وهي تضع يدها على بطنهـا :

-وأنا هنا مش بصفتي مراتك يا هاشم !! أنا ما بقتش عايزك خلاص، أنا هنـا بصفتي أم طفل هيجي الدُنيا وباباه ميعرفش عنه حاجة .

دق قلبه بلهفة احتضانها :

-رغد أنتِ حامل !!

تنهد هلال بكلل لثُقل الحِمل عليهم متمتمًا بسره بعد ما أطلع على ورقة إثبات الزواج :

-يالله !!

كاد أن يتقدم خطوة نحوها فأوقفه أبيه صارخًا :

-سايب مرتك وولدك وچاي تعيش حياتك عادي !! أنتَ مِلتك أيه !!

برر هاشم له:

-يا أبوي أفهمني .

ظهرت أحلام بصُحبة هيثم من الباب وهي تتلهف مستحلفة :

-حلفتك بالله لتهدى يا حچ وكله هيتحل !!

صرخ خليفة بأعلى صوته :

-أيه هو اللي هيتحل يا أحلام !! مرته حِبلى هنحلوا أيه بس !! هنرموا لحمنا ودمنا في الشارع يربوه الغُرب !! ولدي أنا وتربية يدي يعمل إكده !! ليه ؟! ليه العصيان يا ولدي ليه !! أحنا مش عارفين نكشفوا دفاتر الماضي .. تصعبها على أبوك ليه !

وصل صياح خليفة لمسامع فردوس التي كانت قريبـة من البيت ، فهمّت راكضة لتُبلغ صفية بالضجيج الثائر بهذه الغرفة التي لم تسمع إلا صرخات بدون كلمات واضحة … قاوح هاشم بوجه أبيه بنبرة تُعفيه من العبء:

-متشلش هم يا أبوي ، أنا هاخد مرتي وماشي ، ومحدش هيعرف لي طريق ومش عاوز حد يدخل!!

طالعه بذهول :

-هاه عاوز تكمل چوازتك في السر ، عاوز تخلف كمان في السر !! ناوي تعيش عمرك كله تسرق كيف الحرامية !! لو كان عليّ أطخك وارتاح من عمايلك .. طول عمرك الضلع العوچ في عيالي .. لكن عمري ما اتخيلت أنك تعمل إكده ..

لوح بيده ضاربًا بالكل عرض الحائط وهو يشد رغد من بينهم :

-أنا محدش واصي عليّ ، طول ما أنا قرشي من عرقي محدش له دخل يقولي أعمل ومتعملش ، أيه الجريمة اللي أنا عملتها !! اتچوزت !! ااه اتچوزت البت اللي حبيتها للدرجة اللي خلتني مهتمش بأصلها وفصلها !! أنا مش هعيش عبد تحت طوع أحكام وأعراف متخلفة زي دي !!

صرخ هلال بوجه أخيه واعظًا :

-هاشــم غلطان وعتقاوح !! متنساش روحـك وأعرف أنك عتكلم أبوك مش عسكري من بتوعك ..

شدها عنوة متجاهلًا صرخها وهو يعتصر معصمها :

-وأنا سايبهالكم وماشي طالما كلامي عيزعلـكم ..

حاولت رغد التملص من قبضة يده القوية صارخة :

-سيب أيدي يا هاشم مش هروح معاك في حتة ..

وصل بها لمقدمة البيت صارخًا :

-متخلنيش أفلت أعصابي ، لازمًا تمشي من هِنه !!وجودك غلط عليكِ .

دفعته بكل ما أوتيت من قهرة :

-والله خايف عليا !! كتر خيرك !!بعد أيه !! عايز تمشيني عشان تطلع لعروستك يا عريس !! أنا مش همشي يا هاشم حتى ولو على موتي .. ااه وبالمناسبة أنا بكرهك وبكره قلبي اللي في يوم حبك !! أنا إزاي ماشوفتش أنانيتك دي !! ازاي اتخدعت فيك كده !!

ثم ابتعدت عنه رافضة الذهاب معه وهنا صوت جهوري اندلع من عتبة الكوخ الصغيـر يمنعون خلفية الذي يمسك بمسدسه و أخرجه من سترته :

-أخذي الشطان يا حج ، ألحق أبوك يا هلال .

صرخ هاشم عليها :

-رغد مش وقت عنادك!!

سالت الدموع على وجهها:

-أنا مش هروح معاك حتة أحنا انتهينـا يا حضرة الظابط !! أنا مش عايزاك تاني في حياتي .. اللي بينا هو الطفل ده وبس ..

فوجئ بأبيه الذي يأخذه أنفاسه بصعوبة مصوبًا سلاحه بوجهه:

-اسمع ياد أنت ، مرتك مش هتروح حتة ولا هتخرچ من بيتي ، لو أنتَ مستغنى عن ولدك انا مش هضحى في حفيدي ..حفيد خليفة العزايزي هتبرى في خير چده حتى ولو التمن موتي .

عارضه هاشم:

-كيف يا أبوي دول لو شموا خبرها هيقتلوها !! كيف عاوز تفتح أبواب چهنم في وشنا دِلوق !!

جاءت انثى الغراب تنوح من بعيد وهي تركض كالمجنونة من هول ما سمعته وشاهدته ندبت صفية على وجهها :

-يا مُري !! نزل السلاح ديه يا حچ .. عمل أيه بس هاشـم !! چرى أيه لديـه كُله !!

تدخلت رغد الخائفة من هول الموقف :

-عمو بلاش ممكن تسيب السلاح ده ونتفاهم .

فترجته هاجر التي جاءت هي ورقية يركضن من الخلف:

-حرام يا أبوي السلاح يطول ..

صرخ هاشم بعصبية :

-رغد فضينا من الموال ديه ويالا بينا ..مش هقولها تاني .

عانده خليفة :

-قولتلك مش هتروح في حتة !! أنا مش هجيب "غفران العزايزي" تاني في بيتي !!كفاية حِمل أسرار وخبايا .. مش عاوز أموت وأنا شايل همكم ..

جحظت أعين الجميع حول هوية الاسم المذكور والمجهول ، تمرد هاشم على قول أبيه بوقاحة :

-وأنا محدش له كلمة على مرتي غيري .. وسيبنا نمشوا يا أبوي وبزياداك فضايح الحيطان ليها ودان ..

لطمت صفية الخدود :

-مراة مين ياهاشم !! يا وقعتك السودة يا صفية !! مرتك كيف يا ولد بطني !!اتچوزتها ميتى دي !!!

تدخل هلال وهيثم بمحاولة فاشلة لأخذ السلاح من يد أبيهم الذي جهر متوعدًا مستردًا قوته وجبروته :

-اسمع عشان أنا شكلي معرفتش أربيك ، أختك هتطلع تلم لك خلجاتك ويحرم عليك دخلتك بيتي طول ما أنا حي يا هاشم يا وِلد صفية .. أما مرتك فهي مش هتروح في حتة لغاية ما تولد ولا لك حديت معاها .. لحد ما تعرف قيمـتها وتعرف نتيجة عمايلك السودة دي !

تأرجحت عيني "رغد" بخوف وما كادت أن تقنع "خليفة" أن يسحب حكمه القاسي ، فصرخ الوجه الآخر من هاشم الذي لن يعتاد على أخذ أوامره من أحد :

-يعني ايه !! أنا هاخد مرتي ونمشوا ووريني هتمنعني كيف يا أبوي!!

صرخ هلال بوجه أخيه :

-ما تلم دورك يا هاشم مش كِده يا أخي …!!

زفر هاشم كاظمًا غضبه وهو يشد رغد متجاهلًا كلمة أبيه الذي لم يجرؤ أحد على كسرها من قبل ، فصرخ عليه خليفة :

-قولت لك مش هتروح في حتة !

-هاخدها يا أبوي ومش راچع البلد دي تاني ..

-حفيدي مش هيطلع من داري يا هاشم ..

-وأنا من حقي أحمي ولدي بطريقتي يا أبوي .

حذره بصرامه وهو يضغط على زناد مسدسه :

-وقف عقولك !!!

ما انطلق العيار الناري من مسـدسـه صرخت صفية بكلمتها الأخيرة قبل أن تسقط مغشيًا عليها :

-ولــدي !!

فلحقت بها هاجر صارخة :

-أخــوي !!

لتنفجر رغد بهلعٍ وهي تمسكه والهلع يتقاذف من عينيها :

-هــاشم !!

رواية اصرة العزايزة الجزء الثاني2

الفصل الثاني2

بقلم نهال مصطفي

(2) "الحُب وحده لا يكفي 💥"

اتمنى ولو كان في الحُب بُوصلة تُدلني على شيء أعمق من روحي وأثمن من قلبـي لأهديته إليك ..

ولكن حظك التعيس أوقعك مع قلبٍ مشوش مثلي ..

قلب أحبـك

بنصف مُتعب

والنصف الآخر خائف !!

وروح تتفسح بموطنها الأصلي بيـن دروب الحزن والألم !!

.

••••••••••••••

~العزايـزة .

انطلق العيار الناري الطائش من مسدس خليفة الذي طغت الصـدمة على جوارحـه لتشق قمصه وتُحدث خدشًا سطحيًا على ذراعه .. رمى الأب السلاح من يده نادمًا عما فعلـه بتهور :

-ليـه يا ولدي ليـه تطلعني عن عقلي!! ليـه تعمل في أبوك كِده يا هاشم !!

ركض هيثم نحو أخيه المُصاب وجثى هلال على ركبتيـه ليفـوق أمه الراقدة .. لم يهتم هاشم بجُرح ذراعه بقدر تركيزه بـ اهتمام وخوف "رغـد" عليـه .. كانت تهذي تحت سمائه كمن فقد عقلـه ، حقًا فنـحن لا نعـرف قَدر الحُب إلا على أعتاب الوداع .. تسلقت كفوفها لوجهه بحالة من الهلع وهي تترجاه أن يُطمئنها :

-هاشم .. أنت كويس !! فيـك حاجة !دراعك صح !! يالهوي في دم يا هاشم !! تعالى تعالى نروح مستشفى ..

فحص هيثـم جُرح أخيه الواقف ليقـول بارتياح وهو يطالع أمه التي تهذى تحت ستار الصدمة :

-جت سليمـة ..خدش خفيف ، نشان أبوك شكله خِرب .

ثم ربت على كتفـه :

-بس لازمًا تتلف .. متعملش فيها چامد على صحتك .

فجهر :

-قومي يا صفية ولدك مفيهوش حاجة ..

فنادى على "رقية" التي يعلم بتلقيها للكثيـر من الدورات الطبية وقال :

-هاه يا دكتورة هتعرفي تلـفي الجرح ولا هتكسفينا زي كُل مرة !!

أخذت الأذن بعينيها من هلال ثم أومأت وهي تحت سطو نظرات زوجها المحرقة لتقول بتردد :

-هااه ، حاضر يا هيثم .

شد هاشم ذراعه بملل :

-خلاص يا هيثم جت سليمة كبر مخك .

فاقترب هاشم من أمه المرمية بالأرض مبرقة العينين تهذى :

-خلاص ياما مفيش حاجة ، قومي وبطلي ندب .

فنظر لرغد بنظرته الآمرة :

-يلا يا رغد !!

ابتعدت عنه رافضة الذهـاب معه بصمت وهي تحرك رأسها يمينًا ويسارًا :

-لا يا هاشم ، باباك عنده حق .. أنا مش هروح في حتـة .. أنا مش عايزة أعيش معاك تاني في السر .. اللي رضيته على نفسي مش هقبله على ابني .

فتقدمت رقية بصوت خافت:

-جرحك لازم يتلف ، ماينفعش يتسـاب كِده !!

ربتت أحلام على كتف زوجها المهزوم من الحياة وذريته وقالت معاتبة :

-من ميتى سلاحك عيسـوقك يا حبيبي !! أهدى لتچرالك حاچة !! أحمد ربنا جت سليمة كانت ساعة شيطان وراحـت لحالها .

ما أطمئنّ قلبـه على ولده قال آمرًا :

-خدي البت أوضتك ومتخليهاش تمشي يا أحلام وهاشم ما يخُشش بيتي طول منا حيّ .. لغايـة ما نشوفوا حَل للورطة دي .

•••••••••••••

~مرسى علم .

في الثالثـة فجرًا ، فتح رؤوف باب شقتـه الواقعـة بالقُرب من مقـر عمله هو يحمـل " مازن " النائم على كتفـه .. فسبق الخُطى يشعل الأضواء متحدثًا بهمسٍ :

-هنومه في الأُوضة وأچيلك ..

طافت عينيها المذعورة بجميع الأرجاء وهي تخشى عاقبـة فعلها الجنوني ومصيرها المنتظر هي ووحيدها !! وما ستكون عاقبة قرارات القلـب يا ترى !! ظلّت مُسمرة الخُطى لا يتحرك بها خلجه واحدة بجسدها ، لحظات وعاد إليها رؤوف الذي انحنى ليمر من الباب لطوله المُشيد وتفاصيل جسده الرياضي المتكتلة تحت القميص ، تحمحم بحماس :

-لساتك واقفة عندك !! مالك ؟

لم تُخفى خوفها عنه :

-هكدب عليك لو قلت لك ماخيفاش ، بس أنا مرعوبة يا رؤوف !!

حك شاربه الكثيف بحيرة :

-أنتِ في حِمى راچل وعيب اللي عتقوله ديه يا نچاة .. أحنا عملنا الصُح .

-ناسي لو عرفوا هيقتلوني يا رؤوف ، عقلي كان فين بس وأنا عكلمـك !!

نال الذعر وجبته الكاملة من كيانها حتى باتت ترتجف من قسوته ، خرت منها دمعـه مُثقلة بالحُزن فتلقاها على راحته رافضًا نزولها :

-دموعك غالية عليّ يا نچاة ، اطمني رؤوف مش هيسيبـك ومش هيكرر غلطه مرة تانية .. الصُبح هاخدك ونكتبوا الكتـاب ، وساعتها مفيش دكر خلقه ربنا هيقدر يهوب منك أنتِ ومازن ، هاكله وكل ..

تطلعت إليه بعينيها المُحمرة بجمر الخوف وهي تحافظ على المسافـة الفاصلة بينهما :

-نكتبوا الكتاب !!

-أومال أنتِ فاكرة أيه جايبك اتفرچ عليكِ من بعيد !! زمن الفُرجة خُلص !! مع طلعة النهار ، هتكوني مرتي على قصاد ربنا .. أنا قضيت ٨ سنين بحلم باليوم ديه !! من ساعة ما قالولي نچاة اتچوزت ..

عاتبته برفق:

-مش أنتَ اللي اخترت شغلك وقلت أنك مش بتاع چواز وشوفي حال نصيبـك يا بت الحلال !

ابتسامة أسف على سذاجتـه ارتسمت فوق وجهه بندم يسكنه، فتأوه قائلًا :

-ااه لو تعرفي أنا دفعت تمنها قَد أيه ؟ وبعدين تعالى إهنه أنتِ ما صدقتي تمسكي في الكلمة وهوب تروحي توافقي على العريس!!

عادت نجاة لثوب الصعيدية المتمردة :

-أومال عاوزني أعمل ايه ! اقعد حاطة يدي على خدي مستنياك كـيف البيت الوقف !!

أيدها بنبرته الممازحة :

-دي الأصول ، تقعدي وتستنيني لغاية ما أعقل وارچع لك ، أفرضي عيل وغلط !! أيه نموتوه !!

انحسرت عبرات القهر بصدرها وهي تشكو له :

-اااه يا رؤوف ، أنا موتت نفسي وعشت أيام ربنا ما يكتبها على قلب بنات حواء ..

طبطب على كتفها بتردد وهو يقطع عهده على عينيها :

-بكرة هعيشك أيام تتدعي بيهـا لكُل بنات حوا ..

ثم رفع يده المترددة متحمحمًا :

-طب اسيبك عشان تاخدي راحتك في البيت ، وهتلاقيني قاعد في العربية تحت مستنى النهار يشُق ..

-أنا ممكن أقفل عليّ الأوضة جار مازن وأنت خليك في بيتك !!

رفض قطعًا :

-أنا راجل صعيدي وأفهم زين في الأصـول وشرع ربنا .. خدي راحتك ونامي زين ، والصُبح مش بعيد بس ربك يهون عليه ..

تساءلت بعفويـة :

-ديه ليه !!!

رد مندفعًا وهو يتأهب للذهاب ويضب حقائب صبره عنها حتى الصباح فقط :

-محوش لك كلام كتير في قلبي عاوز أقوله يا نوچا .. صدري ولع من دفنه سنين !!

أصابتها متلازمة الحُب التي جعلتها تُقبل إليه وهي تدفعه للخارج بتوتر يعُمه جنون العشق :

-رؤوف اطلع بره ، عاوزة أنام .. يلاه عقولك هقفل الباب .

•••••••••••

~بغرفـة هلال ..

تتقلب "رقية" في فراشها كالقُطة " السيامي " من كثرة ما تحمله برأسها من الهواجس حول قُربه وتجاوزه معها أساوره الذهبية التي تملأ يدها ، تفاصيل إعلانه صراحة برغبته فيها !! لا تنكـر مدى ارتياح قلبها بين يديه ولكن ما زالت أشباح الماضي تُلاحقهـا .. أشباح أعين الحاضرين هذه الليلة وهمساتهم ومجاورته لها طوال الوقت فلم يفارقها للحظة ، كيف نسى قسوتها وتلقاها بمنتهى اللين ؟! والأهم لِمَ تذكر كل هذا عند عودته لأعتاب الغرفة مرتديًا قناع الصمت !!

كانت كثيرة الحركة للحد الذي أزعجـه و طير دبابير النوم من عيني هلال الراقد على الأريكة بجوارها ..

آيضًا لم ينجٌ رأسها من التفكيـر حول أمر هاشم والمأزق الذي وضع نفسه به وما حله يا ترى !!

نزعت الغطاء من فوقها وهي تؤكد على عقـد لثام رأسها للوراء وتتقدم إليه بخُطى ثابتة لتجلس على طرف الطاولة الخشبية بقُربه و تفتح معـه حديثًا عشوائيًا:

-شيخ هلال!! أنت نمت ؟

حمل بقلبه هم رفضها وعدم تقبلها له كزوج برضاء شديدٍ ، وفتح جفونه المشتعلة بالحيرة وولى رأسـه إليها:

-لِمَ لم تنم لهذه الساعة ! تأخر الوقت .

ردت بعفويـة:

-ماهو أنت كمان منمتش ؟! عتفكر في هاشم أخوك مش كِده !

-يدبر الله الأمور من عنده يا رُقيـة ، ما باليـد حيلة !

فركت كفوفها ببعضهما :

-بس مكنش له حق عمي خليفـة يحلف عليه ما يخشش البيت .. ديه مهما كان ولده بردك!!زعلت عليه والله.

ثم بللت حلقها وأتبعت بعبث :

-ومرته كمان حامل ، دي قفلت من كله!! بس تفتكـر أيه في راس العُمدة !!

ثم قضمت على أظافرها متحيرة:

-وكمان الاستاذ هارون ملهوش أثر ؟! هو راح فين وسط القلبان ديه كُله !! محدش خبره ؟!

كان يطالعها بصمت شديد يُراقب فيه كيفية نطقها للكلمات ، فأكملت :

-بس مراة هاشم باين عليها بت ناس ، وغلبانة .. غير الحرباية اللي اسمها زينة .. شفت البجحـة عملت أيه في نغم بت خالها !! بچد ما شوفتش في بچاحتها .

اعتدل من نومته فجأة لتتراجع بظهرها للوراء كي لا تتعانق أنفاسهم المشحونة .. جلس أمامها وهو يسند مرفقه على ركبته ويحك ذقنه مردفًا بأسلوب راقٍ :

-ألا أخبرك من قبـل بأن النميمة حرام !! ونسيتي قول النبي أبلغه الله وملائكته مني الصلاة والسلام ؛ لا يدخل الچنـة نمام !!

تفوهت بعفوية :

-بس دي مش نميمة دي حقيقة !!

-رُقية لا تُجادلي في أمورٍ منتهية .. والأهم من ذلك أنها تأخذ من حسناتك وتعطيكِ من سيئاتها !

أحست بالندم قليلًا ، فاندفعت قائلة :

-خلاص ، متستهلش أديها حسنة مني حتى ، بس هي مستفزة بردك وتخرج الواحد عن عقله ..

-ادعِ لها بالهدايا .. ودعيها هي وشأنها ؛ فالنار عندما لا تجد ما تأكله ، تحرق نفسها ..

-عندك حق ، دي سماوية وحقودة وغلها هيحرقها !!

حدجها بعتبٍ :

-رُقيـة !!

تفهمت سريعًا :

-يلا بلاش نچيبو سيرة حد ، أهو أخوك هو كمان هچ منها وسابها ماهي من نيتها السودة !! أف خلاص والله قفلت خشمي متبصليش كِده ..

ساد الصمت لدقيقة بينهم وهي تعتصر رأسها باحثة عن مدخل جديد للحوار بينهما :

-ألا قـول لي ؛ هو أنتَ اضايقت مني عشان لفيـت جرح هاشم أخوك !! حسيتك مضايق وكمان لما رچعنا الأوضة متعود تقـول لي تصبحي على خيـر ما قولتش ..

بس أنا استأذنتك الأول ، يبقى ملكش حق تزعل .. وبعدين مش أنتَ لما راسك اتفتحت أنا قصرت معاك !!

دس غيرته الواضحة عندما اهتمت بأخيه وراء ابتسامة خفيفة وهو يقول بلطفٍ :

-ما بكِ هذه الليلة ، أأصابك داء الهاچر !! أم ترتفع حرارتك قليلًا !!

قالت وهي تتحسس جبهتها :

-يعني أيه لا حرارتي زينة !!! ااه تقصد أني رغايـة !! وانا كمان حاسة أني رغاية وكلت راسك !! بص أنا هقوم أنام وو

مسك كفها رافضًا قيامها لتتراجع على سؤاله مبرقة :

-رُقية ، أنتِ تعلمين جيدًا ما يُزعجني منك !!

شهقت بإنكار مزيف لتهرب من حول مأزق اليوم :

-أنا !! محصلش مش فاكرة أني قُلت حاجة تزعلك ، خالص.. بص شكلي صدعتك أنا هقوم أنام ..

ثم غيرت مجرى الحديث بتلقائية :

-هي مش الكنبـة دي صغيرة عليك !! مريحاك في النوم ؟

أومئ مؤيدًا ونظرات الدهاء تتلألأ من عينيـه :

-أمر مؤقت حتى ترضى عني زوجتي ..

ثم وثب عازمًا أمره وهو يسحبها من كفها المثلج خلفه ، ويُعيدها لمضجعها آمرًا :

-نامي يا رقية ، نامي .. وخفي قُعاد مع هاچر.

لبت طلبه على الفور وقفلت جفونها كي تتحاشى لمعان عينيه في الظلام ، ولكنه فاجئها بحركته التي اقتحمت حصون خصوصيتها وهو يرفع الغطاء من الطرف الآخر ويرقد بجوارها .. تحولت القطة السيامي لـ قطعة جبلية متصلبة بمكانها والقلق يحاصرها من كُل صوب وحدب ..

تحركت جفونها ببطء نحوه فقدرت المسافة الفاصلة بينهما بمقدار ذراع ومتبعًا سُنة نبينا للنوم على الجانب الأيمن ، فتحمحمت بذعر :

-شيخ هلال أنتَ هتنام هِنه ! چاري!

-أنتِ شايفة أيه !!مش لساتك قايلة الكنبة صغيرة !!

اختلج قلبهـا من مكانه وهي تتصرف بحركة طفولية وتهرب من البقعة التي تجمعهما معًا لتنام مكانه على الأريكة وهي تقول :

-كِده هرتاح أكتر ، بص دي حتى سايعة رچلي ، مش زيك رچليك طويلة وو تصبح على خير يا مولانا ..

-وأنتِ من أهل الخير يا رقيـة ..

فاستغفر ربه بسـره وهو يُناجيه :

-يالله ؛ يا ولي الصابـرين …..

••••••••••••••

~المشفـى .

في تمـام الساعة الخامسـة فجـرًا صف هارون سيارته تحت المشفى التي تقطن بأحد غُرفها ليلتـه .. دلف من سيارتـه ملهـوفًا بخُطى واسعة تتشاجر من الأرض من تحته وهو يطلع على رسالة " جوري " التي تصف بها الطابق والغُرفـة ، لحقت بهِ " هيام " :

-على مهلك يا خوي ..

بالطابق الرابع ؛ اقتربت " نادية " من العم "حسن " الجالس على أحد المقاعد يقرأ القُرآن بنيـة شفاء صغيرته الشقيـة بحزن ذاخر ، تثاوبت وهي تقول :

-روح أنتَ يا عم يا حسن ، وجودك مفيش منه داعي .. كده كده هاخدها ونرجع المستشفى بتاعتي فـ اسكندرية .

كيف ؛ كيف يتقهقر خطوة بعد ما سمعها ، بعد ما كشف سرهم وخبث نوايـاهم !! كيف يقدم لهم فتاة بنقاء زهرة الياسمين ككبش فداء .. هز رأسه رافضًا :

-رجلي على رجلها ، دي دي وصية سامح بيه مقدرش اسيبها ..

ثم قفل مُصحفه مستأذنًا :

-هروح أتوضى وأصلي فرض ربنا …

تمتمت نادية بضيق :

-طلعت لي منين أنتَ بس !!

تقدم العم بخطوات متمهلة وهو يفوض أمره لربه ويدعوه لحمايـة هذه الفتاة المنكسـرة ، وفي لحظة اختفاءه من الطابق ، ظهر الشبح الذي يُرعب نادية ، كان هارون يقبل صوبها بخطواته الثابتة ، سكن قلب جوري وهي تخفي ابتسامتها بمجيئه فأحست أنها قدمت هدية جميلة لتوعد صديقتها بأقرب وقت لصحتها .. ما رأته نادية تسابقت جيوش الرعب بوجهها وهي تحملق به موبخـة :

-وكمان ليـك عين تيجي لهنا !! ماشوفتش في بجاحتك !

من وراء فكيه المنطبقين تحدث باختناق:

-وأنا ماشوفتش فـ چبروتك ، لايمي دورك معاي عشان حسابك تِقل ..

فتدخلت جوري التي رحبت بهيام مجاملة بابتسامة خفيفة وقالت :

-طنت أحنا في مستشفى مش هينفع كده ، المهم نطمن على ليلة ..

تأففت كي تتجنت أي شجار يفتك بها أمامه ، فداعبت شعرها بضيق وهي تجلس على أقرب مقعد متوعدة :

-شكلك مش ناوي تجيبها معايا لبر بس أنا هعرفك أنا مين .. أوف !!

ثم قضمت على أظافر وساقها ترتجف :

-مكنش ينفع من الأول أسيبها تخرج من اسكندرية .. أنا السبب في المُصيبة دي ..

وقف من وراء الزُجاج يُراقب جسدها النائم يتساءل بأنين يُضنيـه "أتظنين أن كل تلك اللحظات التي عشنها معًا لم تترك بهذا القلب أثرًا ، أنا لم أعش الحب معك بل تجرعتـه كدواء مُر ولكنه شافي وكافي ليُطيب الداء الذي احتارت فيه الأطباء ؟! " ..

وضع كفه فوق اللوح الزجاجي الفاصل بينهما ويمنعه من أخذها بين ثنايـا أضلعـه ، يُراقبها كالقمـر بعيد جدًا ولكن تتسلل أضواءه للغُرفة فـي يتحقق قدسيتها على مفعول هذا القلب الذي استنشق رائحة قُربه وعودته !!

هذا اللوح الفاصل بينهما أقوى من ميثاق أعرافهم .. اعتصر جفونـه بعذاب الضمير الذي يجلده طالبًا عفوها :

-حقـك عليّ ، ورب القلب ديـه ما هسيبك تاني .. بس قومي متعمليش في قلبي كِده .

‏أيدي متشابكة وأعين متعانقة وقلوب مُتكاملة ومتكلمة ، نمشي معًا تحت سمـاء مضببة بالغيوم كالهموم التي تفصل بيننا في ليلة مُمطرة ، لنتأمل نجوم السماء ونجوم حضورك ، وأعلنها أمام عينيك ونجوم الليل شواهد والقمر بحُبي ناطق :

" لم تمنع حلول الظّلام لكنك أهديتني نجومًا"

هكذا هو حُبـك لا يمنع ثُقل أيام الدهر لكنه يجعلها أخف، أخف كثيرًا .. رفعت كفها الرقيق ليرسو فوق قلبه النابض بحُبها وقطرات عينيها ممزوجة مع قطرات حزن السماء فوقهمـا :

-أنتَ سبتني ليـه !! أنا ماصدقت لقيتك .

قبض بكفه الجاف من شقاء الأيام على مُعصمها وهو يدنوها منه معتذرًا :

-مش هسيبـك تاني ، أنا چيت لك أهو .. حقـكّ عليِّ.

-أنا وأنت مخترناش الحُب ده بس هو اللي اختارنا .. بس قول لي أيه ذنب قلبي يعيش متعذب طول كده عمره !!

-مفيش عذاب يا ليلة الـ أنتِ عايزاه علشانك هيكون !

تفوهت بنشيج الحُزن باستحالة كونهم معًا في يومٍ ما :

-تفتكر لو الليل بكى وخاف في يوم وطلب بس شعاع نور يونسه ؛ هيغير حاجة ؟! أهي هي دي بالظبط حياتنا مع بعض يا هارون بيه ..

أقسم لها بـرب هذا القلب وما يحويه :

-أنا قصادك أهو وعمري ما هسيب يدك تاني .. أنتِ مش مصدقاني ليه !!

هزت رأسها نافية والدموع تُغرق وجهها:

-بس ده حـلم مش حقيقة ، حلم عمره قصير أوي .. هفوق منه على وجع ملهوش آخر .

رعدت السماء فوقهمـا فألقى بها هول الصوت بين يديـه لتتحامى من قسوة الطبيعة في فسحة صدره الصلب اللين .. توارى الثنائي تحت ظل أحدى الأشجار وهو يلهث معترفًا :

-مش حلم يا ليلة .. ولا عمري هسيبك .. أنا أصلًا اللي ماصدقت لقيتـك .. قلبي عاش وحيد عمره كُله كأنه كان مستنيكي وحدك .. قلوبنا كانت متواعدة وخلاص اتلاقت .

أنكرت مُعترفة بالحقيقة التي تعلمها جيدًا وهي تسبح بفضاء حبـه :

-لا ده حلم يا هارون وأنت هتمشى ..

ثم تشبثت بملابسه بضعف :

-حلم وهينتهي ..

صرخ بها مُعلنًا :

-مش حلم بقول لك .. فوقي أنتِ بين يد هارون العزايزي !

صرخت بنبرة الزجاج المُهشم بروحها :

-حلم .. حلم وهينتهى ..أنتَ مش عايز تصدق ليـه !!

سـد فوهة صرختها بقُبلة مُباغـتة بسرعة عيار طلق ناري انطلق من قلبه واستقر بقلبها ، أطبق على شفتيها التي تُنكر حقيقة وجـوده ، زيف وعوده بقبلة قاسية كقسوة الحيـاة عليهما .. بات قلبه المُدجج يسقيها الحُب والوعود بإذعان لا يقبل إلا الرضوخ له ، ولأوامره ولأحكامه .. قبلة بمذاق المطر الذي يغسل الحزن عن أجسادهم .. وهبها قُبلة ساحرة دافئة وأدفأ ما امتلكت بحياتها .. خدش بكاره شفتيها بحبه لـ يثبت عدم رحيله عنها حتى ولو كان الثمن موته ، فالموت على ضفتها حيـاة .

تأجج قلبها الثائر ككرة مُلتهبـة تحت خلاياها النائمة والحالمـة بمشهى روحها ، ارتعشت الشفاه التي استمدت الحياة من قُبلة .. ضمت قبضة يدها المُعلقة بالمحاليل والتي تطبق على ذراعه بالحُلم وتترجاه ألا يُفارقها أبدًا .. تباطئت نبضات القلب وتعالت أصوات أنفاسها التي تتخذها بصعوبة بين الحُلم والواقع ، في الإثنين أنفاسها تُسلب منها .. رن جرس الجهاز المتصل بها ، فتراكض الجميـع واخترقت الممرضة الغُرفة لترى ما بها ..

دخلت نادية راكضة خلفها وهي تصرخ بها و تفحص الأجهزة وحالة ابنتها بنفسها :

-أنا قُلت لازم اخد بنتي من المستشفى دي !! فين الدكتور المختص دلوقتِ !!

الممرضة بخوف :

-يا دكتورة اهدي … هنشوف أهو ..هي كانت كويسة..

وقف هارون من وراء الزجاج يبرق بعجز ، وقلبه ينزف دمًا على حالتها وشعوره المُلح بالذنب وعذاب الضمير خاصة بعد إقرار الطبيب بالإفراط في تناول الأدوية العصبية الذي التقى بهِ أولًا ..سحب ذراعه من يد أخته التي تترجاه ألا يتدخل بالأمر ، اقتحم الغرفة خلف الطبيب المختص بحالتها .. متجاهلًا نداءات الاعتراض على دخوله .. شد نادية من مُعصمها صارخًا بها :

-عملتي فيها ايه !! انطقي ؟ والله لو حصلها حاچة ما هرحمك ..

عارضته باستنكار مزيف:

-أنتَ مجنون !! دي بنتي .. أنتَ أزاي ماسكني كده !! فين الأمن يرموا المجنون ده بره .

صرخ بهما الطبيب وهو يباشر فحصه لليلة النائمة وأشار للممرض الأخر :

-من فضلكم اخرجوا برة ، مش عايز أشوف حد هنا .. خرجهم بره ..

سحب "هارون" نادية خلفه دون الاكتراث لصرخاتها ، وصل بها للممر الخاص بالغُرف وهو يكرر سؤاله متهمًا :

-عملتي ايه فيها !! طبعًا استغليتي حالتها ورجعتي تسرسبي سمك لراسها ، ادعي بس ليلة تقوم منهـا بالسلامة عشان واللي خلق الخلق ما أدفنك غير حية فـ قلب الجبل ، وما هيكفيني موتك ..

دفعته بقوة والذعر يحوم حول ملامحها وهي تتلجلج بالكلام :

-أنتَ ازاي بتكلمني كده يا مجنون أنتَ !! ده بدل ما تعترف بالمصيبة اللي أنت عملتها وأنك السبب في رقدتها دي !! طالما أنتَ مش أد كلامك وهتسيبها علقت البنت بيك ليه !! أنتَ أصلًا جاي تعمل أيه هنا .. أبعد عننا ..

رفع سبابته بوجهها :

-اللي حايشني عنك رقدة الغلبانة دي چوة ، وشكلي فعلًا غلطان ومخونتش ، قولت هتخافي وعلى مستقبلك وهتكشي .. وو

قاطعته صارخة :

-أنتَ عايز أيه من بنتي !! خلاص سيبنا في حالنا بقا ، أطلع من حياتنا اللي هتخسرني بنتي بسببك ..

-ما بزياداكِ كدب !! أنتِ مِلتك أيه !!

طافت عينيه متوعدة بصوت يدفن بركانًا من الغضب ومن خلف فكيه المنطبقين دمدم وكاد أن يُخبرها بالحقيقة وأنه يعلم أنها لم تُنجب بحياتها ، فقطعته هيام برفقة العم حسن بعد ما أنهى صلاته :

-هارون الدكتور طلع وقال حالتها مستقرة دلوقت..

فتدخل العم حسن بين جسر الأعين التي تتبادل بالتهديد :

-تعالى يا ولدي عاوزك ، أمشي معاي ..

شده العم عنوة متجهًا فتدخلت هيام معتذرة من نادية بأسف :

-متزعليش روحك هو بس قلقان على ليلة وو

أخرستها نادية محذرة:

-اسمعي يا بنت أنتِ تاخدي أخوكي وتروحي في ستيـن داهية تاخدكوا ، أنا بنتي هعرف أخلى بالي منها كويس أوي ..

رمقتها هيام بضيق ثم ولت مغادرة لتجلس على أقرب مقعد وهي تلهو بهاتفـها لتتحاشي الحوار مع هذه السيدة الحمقاء .. وصل هارون برفقة العم إلى بوابـة المشفـى وبادر قائلًا :

-طول منا في السكة مع ليلة بتي مبطلتش كلام عنك وعن جدعنتك ، وكانت متفقة معاي أني لازم اتعرف عليك عشان أتاكد من كلامها ..

ثم ارتسمت الابتسامة البشوشة على وجهه وأكمل :

-مع أني كنت واثق قوي ،كانت بتتكلم بلسان قلبها وأن عمره القلب ما يكذب .. ولما قابلتك ما خيبتش ظني فيك ..

أخرج هارون سيجارة ليُشعلها كوسيلة لتنفيس الهم عنه ، فسأله هارون :

-أنتَ من زمان معاهم ؟!

-من وقت ما ليلة دي كانت حتة لحمة حمره ، رفعت بيه مكنش يفرق بيني وبين سامح ابنه ، منا أبويا كان شغال عنده بردو .

ثم رفع جفونه المنكمشة له وسأله مستحلفًا بالله :

-كلمة وعهد قصاد رب العالمين؛ حبيتها يا بني ؟!

تصلبت تعابير وجـه هارون لمواجهته بهذا السؤال الذي لم يجرؤ الجواب عليه ، قرأ العجوز لمعـة عيناه ووصل لمسامعه صوت ضربات قلبه ، فعلم أنه لم يجنٍ من صمت هارون الجواب ولكنه عثر عليه .. تنهد برتياح وهو يربت على كتفه :

-يبقى تتصرف وتاخدها وتمشي .. نادية ورشدي ناويين للبت على نية سودة..

ثم تلألأت العبرات بعيني العجوز بشفقة معترفًا بالحقيقة :

-نادية مش أمها ورُشدي سماوي وبخ سمه في راس بت عمه ، وناويين يجننوا البت .. يمكن أنت اللي تلحقها أنا عملت اللي عليّ قدام ربنا .. أنا راجل في حالي وعاوز اربي عيالي.

بدأ هارون أن يثق بالعـم حسن وهو يلقى سيجارته ويهدسها بمشط قدمه :

-أنتَ عارف ؟!!

هز رأسه معترفًا بحزنٍ :

-رفعت بيه كان شغال في الصعيد وحد اداله البت دي أمانة بس مات بعدها واللواء رفعت قرر أنه هيربي هو البت ويكتبها باسم ولده ، ومرتي وقتها كانت والدة جديد فهي اللي رضعتها لانها مكنتش قابلة أي لبن صناعي وحلفت له أن السر ديه مش هيطلع حتى لليلة..

شعر بتميل بجسده إثر شفقته عليها:

-متعرفش مين الجدع اللي عطاله البت في الصعيد !! رفعت الچوهري كان شغال في قِنـا عندينا ..

ثم توسل له :

-عم حسن افتكر !! مين يضحى في بته ويديها لراچل غريب وليه يعمـل إكده !!

طأطأ رأسه بخزي :

-مش هقدر أفيدك يا ولدي ، بس اللي فهمته من رفعت بيه أن البنت لو رجعت لناسها هيقتلوها زي ما قتلوا أهلها ..

-يعني أيه !! وليه الألغاز دي !! اللي هموت وافهمه ليه نادية عاوزة تعمل فيها كِده وتموتها !! ليــــه !!

دفن هارون وجهه بداخل كفه بملامح مُحمرة من كثرة الحزن والعجز ، ربت العم حسن على كتفه وأكمل :

-من عشرين سنة كان في أرض كبيرة في العلمين لما كانت صحرا ، ملك لـ صفوت أبو العلا أبو رشدي ، الراجل ده كان خمورجي ونسوانجي وضيع كل فلوسه على الستات زي ولده ، في يوم اتعذر في فلوس واضطر يبيع الارض دي ، ووقتها خدني "رفعت بيه" وقال لي ياد " حسن" تعالى نشوف الارض دي لو عجبتنا نشتريها ، وسافرنا والأرض عجبته واشتراها بسعر قليل وكتبها باسم ولده سامح بيه ووصاه الأرض تروح لليلة وعيالها من بعده .. آخر كام سنة سعر الأرض دي وصل السحاب وبقيت مطلوبة بأي تمن من الشركات اللي حوليها ، ومن ساعتها ورشيدي هيتجنن على الأرض دي .. الـ "ليلة" رافضة تفرط فـ شبر منها .

جاءت هيام راكضة لعند أخيها لتُخبره :

-هارون الدكتور طمنا و قال حالتها مستقرة ومفيش داعي للقلق .

اعتصر قلبـه حُزنًا وهو يأمر العم حسن :

-عم حسن ، تركب للي اسمها نادية دي تقولها إني دفعت حساب المستشفى ومشيت .. وحاول على قَد ما تقـدر تمشيها من عندك ..ولما تمشي رن علىّ .

تحرك العم منفذًا طلبه فأوقفه :

-هتعبك تشوفلنـا شقـة مفروشة بأي تمن ..

هز رأسه متفهمًا :

-سهلة دي ! شَقة ولدي مسافر برة البلد وقافلها ، هاخدكم على هناك ..

ثم دار لأخته آمرًا بعجل :

-كلمي لي عمار !!

رفعت حاجبها محرجة :

-دِلوق يا هارون !! نزعجوه ليه !

انفجر بوجهها غاضبًا وهو يشد الهاتف من يدها ويضع بدلًا منه مفتاح سيارته :

-روحي استنيني چوة العربيـة يا هيـام …

••••••••••••••

~العـزايزة .

كانت " زينة " ترتدي قميصًا طويلًا خاصًا بالنوم يليـق بمناسبتها كعروسة متنقلة على مراجل من نار بكل أرجاء الغرفة ، بين الساعة المعلقة والنافذة تترقب عودته .. شت طائر العقل من رأسها وهي تكرر الاتصال "بهيثم" النائم بالأرض بالقرب من هاشم أخيـه والاثنان بغرفة هارون الخاصـة بناءً عن حكم العمدة "خليفـة العزايزي" ورأيه مدعومًا بالقسم بأن أقدام ابنه لا تطأ منزله ..

رمت " زينة " الهاتف من يدها وهي تتساءل:

-طب راح فين!! استرها يا رب …وهات العواقب سليمة .

ثم انحنت مرة آخرى وفتحت هاتفها وهي تُفتش بأخد المواقع فتوقفت عند البث المسجل لليلة التي تعترف أمام العالم كله بحبها .. مرت لحظات التسجيل المتقطعة كجمر متقد يتساقط على قلبهـا حتى انتهى ، فواصلت حملة البحث والتفتيش عن بقية التسجيلات وهي تسبها علنًا:

-الفاچرة ، طالع تحكي خيبتها قصاد الكل!! وربنا كنت حاسة أن عينها من هارون!!

ثم ضربت على فكها بحسرة:

-ليكون هارون هملني وراح لهـا !!! لا ميعملهاش!! ولا يعملها !! أومال هيكون راح فين!!!

رمت غطاء رأسها بعشوائية وفتحت باب الغُرفة وظلت تصيـح بأعلى صوتها لتوقظ جماد البيت قبل سُكانه :

-تعالوا الحقوني وشوفوا قِلة الحيا .. هو فيه فُجر للدرجة دي !!!!!!!الحقيني ياعمة !! تعالي شوفي الخيبة التقيلة اللي أنا فيها !!! يالهووووي ….يا بختك المنيل يا زينة !

•••••••••••••••

~القاهرة .. مسـاءً.

"مهما تخيلت فـ لن تصدق كم مرة وأنا أهرب من شعوري تجاهك لكن الدائرة مغلقة ومُعقدة للغاية ، مهما فررت منكِ عودت اليكِ من جديد .. "

منذ أن قام باختطافها من المشفى بمساعدة الممرض المرتشي والعم "حسن" ، وتواصل مع طبيبها الخاص الذي جاء لعندها بعد محاولات مكثفة من هارون ومبالغته في أجره ..

فحصها بعناية وأكد أنها لست بحاجة للمشفى .. من الساعة التي غادر فيها الطبيب ورافقه هارون ليُحضر أدويتها ويسترد رقم شريحة هاتفـه ويبتاع العديد من الطلبـات التي تلزم أخته للطهي ..

قضى قَرابة -الست ساعات- مُرافقًا لها ، لم يترك يدها النائمـة أبدًا ، كان مقعده ملاصقًا بالسرير الذي ترقد عليه "ليلة " المتغيبة عن وعيها ولا تعي الحياة حولها ؛ ولكنها تتنفس بارتياح لأن صدرها استنشق رائحة قُربه فاطمئن .. يتابعها بأعين تُكذب حقيقة كونهما اثنين .. مفترقين ، فقلبه بداخله يُعانقها كثيـرًا ..

لم يتحمل رؤيتها بهذه الصورة فاختلس قُبلة حنونة بداخل كفها المسجون بين راحتي يده وصدره يتنهد حرارة غياب صوتها عنه:

-قومي عاد ، قلبي أتربى وبزيادة.. متبقيش جاحدة.

ثم ألقى نظرة على هاتفه المُضيء الذي لم يتوقف عن الرنين بدون صوت ، وثب لينحني بالقرب من وجهها النائم ويُزيح بعض الخصلات عن وجهها ويتأملها بحُرية ..

ملامحها التي تشُع نورًا من سطع بياضها كقطعة من الثلج ..دومًا ما تغلب الحنية كل شيء يسكننا .. كان ابهابه يُغازل جبهتها فأحس بظُمئ جوفه للنيل منها طمعًا .. طبع قبلـة اعتذار طويلة فوق جبهتها بشفتيه المُزرقة من قسوة بُعدها عنه !! فمن أين جئتي بكُل هذا الحب يا فتاة .. ؟!

قطعت خلوته مع روحها النائمة صوت أخته التي تتهامس معاتبة :

-هارون يا أخوي .. متنساش روحك ، دي مش حلالك ، چرالك أيه هو أنا اللي هقول لك !!

لم يعارض أخته فيما قالته ، اكتفى بهز رأسه متفهمًا أنها لم تحل له ولكنها حلّت قلبه بحُبها !! ربتت على كتف أخيها :

-"تانيـك قاعد جمبها من الصُبح ، روح أفرد ضهرك يا حبيبي .."

أخذ هاتفه من فوق الكومود وسحبها على مهل لخارج الغُرفة بصمت تام وهي تحمل فنجان قهوته :

-صفية مش مبطلة رن يا هارون وأنا قفلت محمولي من مكالماتها يكش ترتاح ..

ثم قدمت "هيـام" القهوة لأخيها الذي أنهى مكالمة للتو وهو ينفث أبخرة غضبـه :

-روق يا خـوي ، چرى أيه لديه كُله !! يا ريتك ما چبت محمول أديك رچعت لوچع الرأس من تاني .

مد يده ليأخذ منها فنجان القهـوة وهو يجلس على الأريكة :

-محدش هامه حد ، أقولهم عيانة ومش دريانة بالدِنيـا يقولولي ترندات وفلوس وحديت فارغ !!

شاركت الجلوس مع أخيها على نفس الأريكة وهي تربت على رُكبته :

-هدى روحك ياحبيـبي ، المهم أنا بردو معرفتش أنتَ ناوي على أيه !! هارون أنتَ واحد متچوز دِلوق !! أيه اللي في ضميرك يا أخوي! مينفعش اللي في راسك ..

زفر بامتعاض وهو يشكو همه الفائض من صدره :

-وكملت كمان بأمها اللي نزلت عملت محضر في القِسم إني خاطف بتهـا ؟! هي الولية دي مِلة أبوها أيه !!

-يا مُري يا هارون !! دي فيها سين وچيم !! حقا مالكش حق وو

قطع جملتها الآخيرة أنين صوت "ليلة" التي تقف على أعتاب باب الغُرفة وهي تستند على الجدار متشبثة برأسها بهزل وتفرك جفونها :

-هي مامي فين !! أنا ميـن جابني هنـا ؟

انخلع قلـب العاشق من مكانه وهو يفزع من مجلسه خائفًا عليها وذائبًا في تيه ملامحها المُرهقـة :

-ليلة أنتِ زينة !! في حاجة وجعاكي قوليلي أجيب لك داكتور؟

فسبقت "هيام" الخُطى إليها لتُساعدها في السير ممسكة بـمرفقها :

-حمدلله على سلامتـك عاد!! كِده تخلعي قلوبنا عليكِ .. حملي عليّ وعلى مهلك .

رمقتها بنظـرات مندهشة ثم تطلعت نحو هارون الذي يرمقها بقلب مهشم من وجعه عليهـا ، حانت منها نظرة غاضبـة :

أصدرت نشيجًا مكتومًا :

-مامي فين وأنا أيه جابني هنا !! و أنتَ أيـه جابك هنا أصلًا !! هيام أنا مش عايـزة أشوفه بليز قوليلو يمشي .

تدخلت هيام معاتبة :

-حقا ما ليكِ حق يا ليلة ! ديه هارون همل الدِنيا كُلها وفرحه وچالك مخصوص تقوليله كِده !

سحبت ذراعها من يد هيام وهي تُرمقـه بخسةِ :

-والله كتر خيره !! أنا ما كنتش عايزة أشوفه أصلاً .. ولو سمحت رجعني بيتي أنتَ خاطفني ولا أيه !! وأيه الشقة دي !! أحنا فين ؟

أشار نحو أخته بهدوء متجاهلًا ثرثرتها العبثيـة :

-هيام روحي أعملي لها كوباية لمون تروق دمها بيها ..

تمسكت بها كأنها أملها الوحيد للنجاة:

-لا بليز يا هيام خليكي معايا .

عقد حاجبه متعجبًا:

-خايفة مني إياك؟!

صاحت بوجهه متمردة ، بل على الأصح متوترة يسكنها الخجل من التطلع إليه بعد ما تعرت أمامه من جملة مشاعرها المشحونة بحُبه ، دنت منه خطوة وهي تتجاهل صداع رأسها الخفيف مستردة كبريائها :

-أنتَ أيه جابك لعندي !! هااه ؟! مش مشتني وقالت لي ارجعي يا ليلة !! رجعت تاني ليه !! أنا أساسًا كنت ناوية مش هعرفك تاني من اليوم اللي رفضت فيه حُبي يا هارون بيه !! فاكر!!

أحست هيام بأن الحديث اتخذ مسار الخصوصية فانسحبت بهدوء لترفع عن أخيها ستار الخجل محتجة بصنع العصير .. تراجعت ليلة خطوة للوراء لتفسح لها الطريق وهي تمسح دموعها ثم أتبعت ساخرة ودمع القهرة يتقطر من عينيها :

-أنتَ فاكر أنها سهلة على أي بنت تيجي تعترف بمشاعرها لرجل وبعدين تترفض !! دي مش بتوجع بس ، دي بتقتل القلب ألف مرة في اليوم يا عمدة !! أنت عارف …أنت عارف مامي حذرتني منك كام مرة ؟

أحس باهتزازها وعدم اتزانها فتقدم عارضًا المساعدة عليهـا بلغة الإشارة فأبت بإصرار وهي تستنـد على ظهر أحد المقاعد وترتجف مكملة :

-أنا عمري ما فكرت اني هعمل كده في يوم !! بس الحب والحيرة كانوا أقوى مني ، عارف يعني أيه نفسك توصل للبر ومش قادر !! حلمت حلم جميل ونفسك أنه يكمل !!أنا ما كنتش عايزة منك حاجة على فكرة غير على الأقل …

ارتجفت شفتيها بحزن عميق وأكملت جولة عتابه :

-لو جواك مشاعر ليا توعدني أنك هتحاول .. أو كنت طلعت صريح يا أخي وقولي أحنا صحاب بس وأنا اللي فهمت غلط !! لكن انتَ خلتني أمشي من عندك وانا شايلة في قلبي ألف ليه !!جيت لك محتارة مشيت من عندك مجنونة !!

خرج عن صمته قائلًا وهو يحاول أن يمسح على شعرها كي تهدأ :

-وأديني چيت لك زعلانة ليـه !! ليلة أهدى ونتكلمو بالعقل .. بلاش عصبية غلط على صحتك.

أردتك وليفًا لا يستطيع أن يهزمه الزمن ، فهزمتنى !! انفجرت صارخة بوجعٍ وهي ترتعش كقطعة قماش في مهب الريح :

-جيت متأخر ..

جيت بعد ما خذلتني فيك ..

جيت بعد ما بقيت مش عايزاك ..

ثم أعلنتها صراحة بقلب بريئ مما تقوله وهي تخفي عينيها عنه :

-بقيت بكرهك وبكره كُل حاجة جمعتني بيك بجد .. مش عايزة أشوفك قُدامي.. قلبي بيوجعني أوي .

تقهقهرها للوراء حصرها في زواية صغيرة بين الحائط وسور بنبته التي يحاصرها ، مسح على كتفها :

-ممكن تنسي اللي فات وتهدي وكله هيتصلح ، مش حابب أشوفك في الحالة دي .

تنتفض وتنتحب أمامه وهي تتحاشى النظر إليه لتقول بحُرقة :

-أنا بكرهك .

اعترافها بكُرهها إليه لم يحرك إلا قوانين امتلاكها بداخله مهما كان المُقابل الذي سيدفعه .. مسك مرفقها وجذبها إليه لتتطلع بوجههِ جبرًا:

-اللي بيكره حد عـ يقولها في وشه .. وبعدين ميتى كرهتيني !! أيه نمتي صحيتي لقيتي نفسك كرهاني !!

تذكرت تفاصل أن حتى النوم لم يخلٌ طيفه منه تفاصل قبلته بالحلم و التي تؤلم شفتها لهذه اللحظة ، بل كان ملازمًا لقلبها وعقلها في اليقظة والمنام ؛ توترت من داخلها ، فظهر على ملامحها ببراءة طفلة :

-تقصد كلامي على الهوا صح !! كلامي اللي لو استنيت دقيقة بس قبل ما يغمى عليا كنت هعترف قُدام العالم كُله أني بكرهك وبكره الحب وأنه أسوأ شعور ممكن يلمس قلب الواحدة مننا .. كنت هرجع أؤيد كلامك فاكره !! فاكر لما قولتلى ديه حديث فارغ !

ثم رمقته بدناءة :

-هو فعلًا حديت فارغ لمـا يكـون مع الناس الغلط ، ناس اتخدعنا فيهم .. للأسف أنتَ اخترت الطريق السهل واخترت واحدة مش بتحبها ..

قاطعها بحدة :

-اسمعي ..

-اسمع أيه !! هاه !! أنا أصلاً ولا عايزة أسمعك ولا أشوفك ولا أعرفك تاني ..

ثم رفعت سبابته بوجهه :

-أنتَ مهما عملت ومهما اعتذرت أنا عمري ما هسامحك يا هارون بيه .. أنتَ نزلت من نظري أوي .

ثم دارت أمامه كالطفلة لتفر من سطو أنظاره المُحرقة :

-أرجع لبلدكم ولأعرافكم اللي هتعيش ميت جواها .. وأنا ليا ربنا .. كالعادة لازم ادفع نتيجة سوء اختياراتي، مامي كان عندها حق في كُل كلمة.

حتى الأمل الذي ركضت خلفه كالمجنونة ما زال يتلاعب بي ، تارةً يُحيِّيني، وطورًا ما يقتلني.. فـ هبت بـرأسها فكرة نسيانها الأبدية فدارت إليـه وهي تضرب بقبضة يدها على صدره بقهرة :

-أنتَ تنسى أنك قابلتني ، بقول لك أيه أنتَ تـ ..

باغتهـا بضمـة مفاجأة وهو يسلسل معصيها بكفيه ويسحبها لعالمه جاهرًا بصوته المُرعد القاطع لكل العوائق التي تبعدها عنه وعن أحقية امتلاكها :

-بقول لك أيه أنتِ ..

صرخت بوجه وكأن أصابها داء جبروته من قُربه :

-ما أنتَ قولت كل حاجة ، هتقول أيـه تاني !!

فك أسر معصمها لينتقل لأسر خصرها النحيل وضربات قلبه تصدح وتدوّي بصدرها ، لقد فاض من عينها حزن شفيف وهي توجه العتب لعينيه الذي أغرمت بهما بدمدمة خافتة :

-أنتَ عايز مني أيه ؟! سيبني.

صدحت عينيه بكلمات درويش ؛ ‏إني أُحبك رغم أنف قبيلتي ومدينتي وسلاسل العادات؛ فـ جلى حلقـه عاقدًا نيته على اقتران قلوبهما لآخر العُمر متمردًا على الزمان ، فمال حد مسامعها هامسًا بمهـلٍ ، بهدوء ، ببطء شديد وبحرارة :

-تتچوزيني ………..!

"تستحقين أن تقام لأجلك حروبًا ليحظى قلبي بحبك ."

يحكي جنُدي الحُب المسئول عن قصتهم ، غرباء ثم لقاء عبثي ثم تشابكت الكلمات ثم الأيادي فانبهرت الأعين وشهقت الأنفاس وتناغمت الخطوات والضحكات وتعانقت الأرواح المغلفة بحكاية حُب مجهولة المصير !!

-تتچوزيني ………..!

كان وقع الكلمة على جسدها المرهق بمثابـة ماس كهربي ضُرب برأسها وجرى صداه بكاحلها .. أحس بانتفاضة قلبـها الذي وقع براحة كفه الذي يحوي ظهرها من الخلف وهي تقول بنبرتها المهزوزة :

-أيــه .. !!

كرر عرضـه مرة ثانيـة ، بنبرة صوت مسموعة عن تلك المتهامسة التي أحدثت بجسدها زلزالًا .. تطلع بعينيها قائلًا :

-تتچوزيني …. !!

ثم جلى حلقه الجاف من وهج مشاعره :

-مالك ؟! عاوزك تبقي مرتي وحلالي قِدام ربنـا !!

صوت الكاسات المهشمة التي ارتطمت بالأرض لا تختلف كثيرًا عن صوت ضربات قلبها التي ارتطمت بسور الكلمـة التي قالهـا ، صرخت "هيام" من الخلف معترضة :

-أنتَ عتقـول أيه يا أخوي !!

فرت العصفورة من عِشها وهي تتدفعه بكُل ما أوتيت من نار ورماد متكدس بصدرها ، ولت وجهها عنه وهي تستند على ظهر المقعد بكفوفها المرتعشة ، فتولت هيام خلق الأسئلة التي تُعيد له وعيـه :

-هارون أنتَ واعٍ لـ حديتك !! أخوي ما ينفعش هو أنا اللي هقـولك !! أنتَ .

صاح بوجـه أختـه :

-أنا عارف عقول أيـه وهعمل أيه .

-طب والعزايـزة يا أخوي ؟!

دوّى صوته الأجـش :

-تولع العزايزة بمجالسها بأعرافها ، أنا مش هسيـب ليلة يا هيـام .

رجت الكلمة كيان " ليلة" فشدت بُساط الحوار من تحت قدمي "هيام" لتنهي الحديث متمردة على الشعور الذي ملأ صدرها فجأة :

-من أمتى الكلام ده !! ومين قال لك أني موافقة .. أنا مستحيـل هوافق اتجوزك حتى ولو كنت آخر رجل في الدنيا دي .

ثم دنت منه خطوة بغرور العشق وتمرده :

-هي فرصة واحدة ، وأنتَ كان لازم تحترمها يا هارون بيه .. أنا مش لعبة في ايدك ، خلاص مبقتش عايزاك .

رفع حاجبه ببرود :

-خلصتـي !!

هزت رأسها بالإيجاب :

-اه خلصت ، وقراري أظن واضح .. وهو لا .. طلبك مرفوض .

ارتاح قلب هيـام للحظات عند رفضها لطلب أخيها الذي يحمل الموت بنهايته ؛ تنهد بارتياح وهو يتحرك ليجلس على المقعد المبطن واضعًا ساق فوق الأخرى بغرور:

-جبت لك شنطتك من الأستديو هتلاقيها چوة في الأوضـة خشي أجهزي عشان المأذون مسافة السـكة ويچي !!

برقت عينيها بذهول يكاد أن يجن عقلها :

-مأذون أيــه !! شكلك مسمعتش أنا قلت أيه !! أنا قولت لا يا هارون بيه ولو كنت آخر راجل في الدنيا دي كلها مش هتجوزك ..

فأتبعت هيام مقترحة :

-هارون يا أخوي ممكن تروق دمك وتفكر بعقل ، مفيش مشكلة ملهـاش حل وو

قاطعها بحـدة :

-هيـام !! سمعتي قلت أيه !! أنا مش هاخد أذن حد ، ومش عاوز حد يچادلني..

تعكزت ليلة على أحد المقاعد لتجلس على الأريكة المجاورة لمقعده والعِبرات تتلألأ من عينيها :

-أنا عايزة أرجع بيتي ، ومش عايزة اشوفك تاني ..ممكن ؟

-مش بكيفك ..

صرخت بوجهه ففجرت برِكة الدموع من عينيها:

-ولا بكيفك ، أنا مش تحت أمرك ، تقول لي ارجعي يا ليلة ، نتجوز يا ليلة !! أنتَ أيه ؟! بتعمل فيا كده ليه !! حرام عليك !! مصمم تعذبني !! مش كفاية الوجع اللي أنا فيه بتزوده له !!

نحن نقع في الحب كي تُضمد جروحنا لا لفتح جروح جديدة غيـرها ؛ نقع بالحب لتُقرأ أعيننا بمـا نحويه بدون ما نضطر لشرح كل ما يؤلمنا ، الحُب أيضـًا علاج لكنه يحتاج لطبيب ماهـر يصفـه .

تُشعل النيران بعود كبريت ، وتلتهب نيران قلب الرجل بدمعة إمرأة من عيني امرأة أحبها ؛ قفل جفونـه متخذًا نفسًا طويلًا ثم أتبع :

-ومتزوديش النار في قلبي وبزياداكي قول وعيد ممنهوش فايـدة !!

كفكفت دموعها بكفوفها المرتعشة :

-طيب ازاي ، يعني لنفترض أنا وافقت على الجنان ده!! أنتوا مش عندكم أعراف بتمنع الجواز ده !! أيه عايز تتجوزني من ورا أهلك زي ما أخوك اتجوز وفي الآخر ساب البنت المسكينة وابنها !! أنا مش هكون رغد رقم اتنين يا هارون !!

انصب دلو مثلج فوق كل من هارون وأخته التي أتبعت مندهشة :

-چبتي الحديت ديه منين يا ليـلة !ألحق يا هارون ؟! هاشم !!!!

أيدتها ليلة بحزن وخيم :

-هي دي الحقيقة ، أخوك متجوز واحدة في مرسى علم اسمها رغد ، والبنت بتتواصـل معايـا ، وكانت النتيجة أيه أخوك سابها وراح يتجوز نغم !!! لكن أنا عمري ما هقبل أكون مكان رغد ، أنا شوفت حزن في حياتي يهد جبال لكن المرة دي مش هتوجع تاني يا هارون..

تشبثت هيام بكف أخيها الذي احتقن وجهه بدماء الغضب :

-هارون أنتَ مصدق الحديت ديه!! هاشم أخونا ميعملهاش .. يا وقعة لو كان اللي عتقوله ليلة ديه صُح.

طوى صفحة أخيه برأسه فكيف يلومه على تصرفٍ يكوى بقلبه بقلب حارس هذه الأعراف نفسـه ، تعكز على فعل هاشم الذي كسر عُرفهم وأتبع خُطى أخيه قائلًا بصرامة :

-وأنا مش هاشم يا ليلة .. وسواء برضاكي أو غصب عنـك مش هيطلع عليكِ نهار چديد غير وأنتِ مرتي .. خلص الكلام .

صاحت جيوش اعتراضها التي تخُر دمًا ولست دمعًا :

-أنتَ مش طبيعي !! فجأة خدت القرار ، ولا كأن ليا وجود ، طيب تمام اتفضل هات المأذون وأنا هقف قدامه وأقوله أنك خاطفني ومتجوزني غصب عني ، ووريني هتعمل ايه !! وبعدين أيه السبب هاه بص لي !! مش كنت هتتجوز زينة ، حصل ايه غير رأيك سبتها وچيت لي ليه ، صعبت عليك ؟! قولت يا حرام أما اتجوزها واكسب فيها ثواب .. أنا مش هتجوز واحد عشان صعبت عليه ؛ ومش هتجوز واحد مش بيحبني لمجرد أنه عايز يريح ضميره اللي علقني بيـه وهو رافضني من جواه .. أنا مستحيل هوافق.

اعتصرت اتهاماتها القاسيـة قلبـه وهو يطوي بُساط الحب المفروش لها بقلبه ليقول بهدوء منكرًا الاعتراف برغبته الكاملة فيها :

-ليـلة ، أمـ.ك ، قصدي نادية أبو العلا مقدمة بلاغ فيّ إني خاطفك ، والبوليس قالب الدِنيا علينـا ، الحل الوحيد عشان نخلصـوا من الورطة دي اكتب عليكِ ، عشان في القانون مفيش حد هيخطُف مرته !

اغرورقت العبرات بعينيـها بحزن ، فهي كانت منتظرة اعترافه بحبها ، اعترافه بأنه أحبها مثلما أحبته ، على الأقل يبتر جدور اتهاماتها من رأسهـا ، رمقته بخيبة أملٍ :

-والله !! يعني عايز تتجوزني عشان تحمي نفسك من الحبس !!وبس ؟!

خيم كذب أقواله على معالمه :

-أصلو مفيش حل تاني !! لو يرضيكي أني اتحبس ارفضي ..مستقبلي في يدك وبكلمة منك .

تمردت على حزنها بجزل طفولي وهي ترمقه بخذلان :

-ااه يرضيني ، وأيه رأيك أنا كمان هنزل اشهد أنك خاطفني وبتهددني ، أنت أصلًا ، أصلًا حلال فيك الحبس عشان تخطف بنات الناس تاني !!

فتدخلت هيام التي تحصد خيبات أخواتها أمام عينيـها :

-يعني أيه يا هارون مفيش حل تاني عشان تطلع من الورطة دي غير بجوازكم !! طب والبلد وناسنا وو

أشاح بنظرة خبيثة مواصلًا لعبة استعطافها حتى يصطاد قُطته الشرسـة :

-هي ورقة هتتكتب يا هيام عشان نخلصوا من حوار أمها ، وبعدين هنقطعوها وأرمي عليها اليمين .. وكل واحد هيروح لحاله .. كتب كتاب وبس ..

صرخت عليه بتجُبر :

-انا مش رخيصة كده عشان ألعب معاك اللعبة دي ، وكفاية بقا عشان أنت نزلت من نظري أوي .. يا ريتني ما عرفتك بجد .. وأقول لك حاجة كمان ، أنت تستاهل الحبس عشان تتعلم الأدب هناك وتعرف يعني أيه مش كل حاجة لازم تمشي بمزاجك وبس ..يعني أيه بنات الناس مش لعبـة .

ثم نهضت حاسمة أمرها بثرثرة وذعر ينهش بدنها :

-أنا هروح أغير لبسي وهرجع بيتي .. ومش عايزة أعرفك تاني ..محاولش توصلي تاني وإلا المرة الجاية أنا هنزل أبلغ عنك بنفسـي .

في تلك اللحظة دق جرس الباب بسُرعة رهيبة قذفت الرعب بقلبها وهي تنظر له مضطربة :

-أحيه ده البوليس صح جاي ياخدك !!!

نهض من مرقده متأففًا متأهبًا لفتح الباب :

-هريحك مني أهـو ..

ارتمت في حضن هيام وهي تعض على أناملها خوفًا أن تتحقق عاقبة أقواله وهي ترتعش:

-هيام ، أنا خايفة ..

-ربنا يجيب العواقب سليمـة يارب..

ما فتح هارون الباب فتنفست ليلة الصعداء وهي تتمتم لهيام بفرحة :

-ده عمو حسن مش البوليس .. الحمدلله .

ما رأته فارقت حضن هيام على الفور وهرولت مرتميه بين يده لتشكو له أوجاعها :

-عمو حسن ، أنتَ هنا ، تعالى ألحقني …

قفل هارون الباب بضيقٍ لرؤيتها بحضنٍ رجل غريب ولكن هدأت دواخله على الفور عندما تذكر أنه شرعًا بمكانة أبيها لأن زوجته مرضعتها السـرية .. ألتفت لشكواها وهي تُلقيها على مسامع العم :

-شوفت اللي بيحـصل فيا يا عمو ؟ شفت .. أنا تعبت أوي ، من فضلك خدني أنا عايزة ارجع لمامي .. مش عايزة أقعد هنا تاني .. ده عايز يتجوزني بالعافية يا عمو بلطجة .. بيبلطج عليـا فاكر الدُنيا هتمشي على مزاجه وبس ، لو سمحت ارفض وقوله لا عرفه أن ليـا حد في الدُنيا دي ، مشيني … أنا عايزة أزور قبـر بابي ، محتاجاله أوي بجد .. خدني على هناك.

خيم الأسف على وجه العم حسن وهو يربت عليـها بشفقة ويطالع هارون الواقف جنبًا وكل جوارحه تتطوق لسجنها بين ذراعيـه ليقول بحزنٍ:

-لازم تفتحوا التلفزيون حالًا ، دكتورة نادية طالعة على القناة اللي اتذاع عليها برنامج ليـلة ، كانوا مشغلين البرنامج في القهـوة و

-مامي !! ليه ؟! افتحي بسرعة يا هيام .

فتحت هيام التلفاز بناءً على إشارة واحدة من أخيها ومنحته الريموت ، بحث سريعًا عن القناة فما فتحت الشاشـة على صورة نادية التي تصيح على الهواء مباشرة :

-يا استاذ بـدر ، أنا بنتي طالعة من مصحة نفسـية ليها ٤ سنين بتتعاطى جرعات مكثفة من الأدوية عشان تقدر تقف على رجليها وتتعامل مع البشر ، غير مؤهلة لأي تصرف أو قرار ، الجدع ده استغل حالتها وضحك عليها وكلنا شوفنا انهيارها على الهوا ، فين حق بنتي !! انا هوصل صوتي لأعلى مسئول في الدولة ، هارون ده مجرم لازم يتعاقب .. أنا من بكرة هقدم الوصاية على بنتي ، بنتي بتضيع مني يا بـدر ، أنا أم قلبها محروق لازم حقي وخق بنتي المسكينة يرجع ….

ضربت نادية بالكل في عرض الحائط بناء على تفكير وتخطيط رشدي الذي بذل أقصى جهوده لتوفير فقرة لها بأحد البرامج التلفزيونية ، كي يتخلص من هارون وليلة بضربة واحدة ..

‏من المنطق ألا تضع حدودًا للصدمات ، ألا تقول اكتفيت هذا أبلغ شيء قابلته بحياتي ، لا تصف حدثًا بأنه الناهيـة ، الحيـاة ثرية بالمواقف التي تجعلُك تصل إلى قناعةٍ تامة بأن كل الاشياء ممكنة ومُتوقعة .. وقاتلـة .

أطلق هارون سبـات علنيـة رجت عظام صدره قبل جدران الشقة ، ثم التفت لليـلة التي أوشكت أن تنهار من صدمتهـا الشديدة بأمها وهي تهذي كالمجنونة :

-هي ازاي مامي تقول عليا كده وتدمـر مستقبلي !! ازاي تفضحني قُدام الناس كلها وتقول أني مريضـة !! لا لا لا آكيد في حاجة غلط ، أنا لازم اكلمها ؛ عمو حسن اديني موبايلك أقولها توقف الجنان ده!! مستقبلي ضاع .

خيمت علامات العجز على وجه العجوز وهو يراقب هارون متحيرًا حاول ضم الفتاة ليُطيب جرحها وهو يقول :

-استهـدي بالله يا بنتي .. متعمليش في نفسـك كده ..

صرخت بحرقة وسيلان عينيها وأنفها يتدفقان في آنٍ واحد .. تبادلت أنظار الأخوة فبنظرة واحدة أخرس هارون أخته وهو يقف أمام "ليـلة " ويمرر طرف كُمه على ملامحها المبللة بالآهات ويزيح من عنها ماء خذلها في أمها المُزيفة ثم تفوه قائلًا :

-طول منا چمبك مش عاوزك تخافي من حاچة واصل ، الدنيا دي أطربقها فوق راس اللي يزعلك حتى ولو كان مين ..

رفعت جفونها المبللة إليه وهي تشكوه :

-أنتَ أكتر واحد زعلتنـي .. كلكم بتزعلوني كأن مفيش غير ليـلة تقسوا عليها ، أنتـوا بتعملوا فيا كده ليـه !

مسح على شعرها المُرهق مثلها وقال :

-كله هيتحـل ومحدش هيقدر يزعلك طول منا نفسي في الدِنيا ، حتى ولو كُنت أنا .. ليلة مفيش وقت للمقاوحـة أوثقي فيّ المرة دي وبـس .

تدخل العم حسن والحزن يقرض قلبه وهو يربت على ظهرها :

-وافقي يا بنتي عشان قلبي يطمن عليكِ وافقي لحد بس الفترة دي تعدي وبعدين لو عايزة تطلقي أنا بنفسي اللي هقف معاكي .. حرام هارون بيه يروح في داهيـة وأنتِ في أيدك الحل ..

ما زالت تحت تأثير صدمتها ترتجف وتبرر تصرف أمها :

-بس مامي مستحيل تقول كده !! هي آكيد في حاجة خلتها تقول كده وانا لازم أعرفها .. صح !! هي بتقول كده من خوفها عليا!

كيف يخبرها بأن هذه الأفعى ليست أمها !! قفل مخزن أسرارها بقلبه كي يواجهانها معًا ، أراد أن يملكها أولًا ، تمسك بمرفقيها كي تهدأ ، كي يُعجل بتمهيد الطريق إليها ، أن يحلل ضمة يده التي ترفع عنها حِمـل جبال من الهم عنها :

-ليلة ، بصي لي ، كل الكلام ده مش وقته .. مفيش قدامنا وقت ..

حركت رأسها يمين ويسارًا والخزى يحيط بملامحها ، فأتبع متوسلًا :

-ليلة ؛ باللي عملته نادية قلبت الدنيا علينـا ، أنا مش خايف من حبس ولا نيلـة ، أنا مش عايز أسيبك لوحدك ، نادية لو رفعت قضية هتكسبها ، أنا فاهم بقولك أيه وساعتها مش هقدر أساعدك ماليش حق ؛ لازم نكونوا سابقين بخطوة .

أخذ يتأملها متمليًا في تفاصيلها التي آسرته منتظرًا موافقتها ، فرفعت جفونها إليه بعجز :

-يعني مفيـش حل تاني غير .. غيـر الحل ده !

بدّ الارتياح على ملامحه التي استشعرت موافقتهـا و رغم الحلول المتعددة التـي تتسابق في عقله نفى تمامًا وجود أي حل غير أنها تُكتب باسمه :

-مفيش يا ليـلة .. لو في كُنت هقوله مش هستنى سؤالك ..

فتدخل العم حسن متوسلًا :

-هاه يا بتي ، قـولتي أيه !! نتوكل على الله وانزل أجيب المأذون !!

حانت منها نظرة خاطفة لهارون ثم خيم الارتباك والحزن على ملامحها وهي تُخبر العم قائلة بيأس متأهبة للاختباء بالغُرفة منفردة بهمومهـا :

-أي حاجـة ، أعمـلو اللي عايـزينـه مبقتش فارقـة .

ولكنها تراجعت لتقف أمامه عاقدة شرطها :

-بس ليا شرط واحد ..

تلهف لسماعها:

-هاه !!

-الجوازة دي تفضـل في السـر محـدش يعرفها غير هيام وعمو حسن .. لأنها مش هتطول ، زي ما قال هارون بيه ورقة وهنقطعها .

••••••••••••••

~العـزايـزة 💥

-بس الحال ديه ما يرضيش حـد يا عُمدة ، ولدك غايب له يوم بليلة ومحدش عارف له طريق !! لو بت من بناتك يرضيك يحُصل فيها إكده !!

صدحت أصوات العتـاب والشكوى من صدر زينـة التي نفذ صبرها ، رمقها خليفـة بجفاء:

-أنتِ اللي اخترتي قضاكِ يبقى تشربي !!

-يعني أيـه يا حچ !!

ضرب عكازه بالأرض :

-يعني الدِنيا مش هتمشي على كيفـك ، ولما تاخدي حاچة مش حقك استحملي عقابها ..

تدخلت صفيـة التي لم تتوقف عن الصياح والندب:

-من نقـرة لدُحديرة ويا قلبي لا تحزن !! واحد هچ ماعارفوش طريق ، والتـاني حالته تحزن اللي ما يحزنش!!

نظرت زينة لعمتها تشكوها:

-ما تخفي ندب وتقولي حاچة ياعمة !! وبعدين هي مين البت الخوچاية اللي قعدت لنا في الدار دي !! أحنا خُلصنا من المذيعة لما تچيبولنا المشغلعـة دي!! هو فيه أيه يا حچ !!

صاح خليفة بوجهها:

-فيه أنك بت قليلة الرباية أبوها معلمهاش يعني أيه البيوت ليها كبير يحكم فيهـا ، فيه أنك حاشرة روحك فـ اللي مالكيش فيـه !! فيه أنك عقاب ولدي في الدنيـا وأنا اللي هريحه منك ومن خوتتك !! اسمعي يا بت ، الكلمة هنه كلمتي ومفيش مخلوق له الحق يقول مين يقعد ومين لا غيري!! يعني تكتمي وتحطي جزمة في خشمك ، ومش عاوز أشوف وشـك لغاية چوزك ما يرجع!

عارضته ببجاحة :

-چوزي!! چوزي اللي هملني وراح ورا واحدة لا هي من دمه ولا تحل له ، بدل ما تشوفي أراضي ولدك فين چاي تبكتني وتغلطني ..

فزعت صفيـة لتقف أمام ابنة أخيها التي كانت ستنالها لطمة العجوز متوسلة :

-خلاص يا حچ دي عيلة عبيطة وأنا هفهمها غلطها .. متعكرش دمـك .

ثم نظرت لزينة وجهرت:

-اركبي على أوضتك مش عاوزة أشوف وشـك لغاية چوزك ما يعاود .. يلا يا بت وبطلي قِلة عقل..

جرت زينة ذيول قهرتها وغادرت ، دارت صفية لزوجها متحدثه بخوف :

-ما عنديها حق يا حچ ، البت محتارة مش عارفة تروح لمين وبعد المفضوحة اللي طلعت على التليفزيون وحكت اللي حكته ليها حق تتچنن !!

رفع سبابته محذرًا :

-فكرك نسيتلها اللي عملته ! البت دي هيتعاد ربايتها من أول وچديـد يا صفية ؟! شكل أخوكي مرباش ..

عاتبته بحسرة :

-ماهي أحلام ربت يا حچ ، كانت النتيجة أيه !! ولدك الكبير محدش عارف له طريق وواحد أخته معاه !! والتاني طلع متچوز في السر ومرته هتفتح علينـا أبواب نار ، والتالت چايبلي واحدة بفضيحة ، والرابع صايع ومحدش موقفه !! قول لي ألاقيها منين ولا منيـن !!

هز رأسه مدركًا الحقيقة:

-واضح أن مش بت أخوكي بس اللي ناقصة ربايـة يا صفية !! لايمي دورك معاي .. وإلا متلوميش غير روحك.

-طب سيبك من البت دي ،وسيبك من هارون ولدي عاقل وعارف حدوده زين وأكيد راح يوقف البت المذيعـة دي عند حِدها ، نيچوا للبت الخوچاية اللي چايبها ولدك !! دي لو حد شم خبـرها هيتاويهـا هي وولدي ، أحب على يدك يا حچ خليه يطلقها ويا دار ما دخلك شر ، محدش سمعنا .

حدجها باعتراض:

-وحفيدك يا صفية ، أيه عاوزاه يتربى من غير ناسه ولا أبوه!!

-ديه وِلد حرام مش عاوزينه !! الچوازة اللي تخالف قوانيننا حرام ، مصير ماهر ومرته كان ايه ، اتقتلـوا، وأنا مش هسكت لغاية ما يقتـلوا ولدي يا حچ !!

-طب اكتمي ووطي حِسك وأوعاكِ تچيبي سيـرة قِدام بنت أخوكي ، فاهمـة يا صفيـة.. والعيل ديه غصبًا عنك وعن العزايزة ولدنا ومش هنرموه في الشـارع ..

~بغُرفـة أحلام .

-ياحبيبـتي كُلي لُقمة هتفضلي مسرِتـه ورايحـة في ملكوت تاني لغايـة ميتى !!

أردفت أحلام جُملتـها بتوسل على مسامع رغد المُقيمـة بغُرفتها منذ الأمس .. وهي تضُم ساقيها إلى صدرها:

-بفكر يا طنت !! أنا بين نارين ، بين أني مش عايزة ابني يعيش نفس حياتي ويتربى بعيـد عن أهله ، وبين أن قوانين أهله ترفض وجوده !! أعمل أيه ؟! قوليلي ..

تمسكت أحلام بقلبـها إثر نغزة الحزن التي انتابتها :

-العمل عمل ربنا يا حبيبتي ، ربك هو اللي في يده الحـل ؛ كُلي واهتمي بصحة ولدك وبعدين نشوفوا رأي الحچ خليفة ..

مدت يدها للطاولة لتقطم قطعة من الخُبز وتضعها بفاهها ثم ولت متسائلة :

-كلمت هارون كتير على موبايلـه قبل ما أچي هنـا ، رقمه مجمعش خالص، هو راح لعند ليلة ؟!

تعجبت أحلام :

-وأنتِ كمان عتعرفي ليـلة ؟!

لكت اللقمة بفمها بمرارة :

-ااه ماهي اللي ادتني العنوان ومنها عرفت بخبر فرح هاشم وو ، طنت أنا مش غلط !! واللي بعمله هو الصح !!

ردت أحلام متحيرة :

-والله منـا عارفـة يا بتي .. هارون وهاشم شِيلتهـم تقضم الضهر هما الاتنـين ..

تنهدت بحزنٍ وهي تُخبرها :

-ليله بتحب هارون .. كان باين أوي من قبل حتى ما تعترف بده…

تنهدت أحلام بحُرقـة :

-وهو كمانه عيحبها وغرقان فيها لشوشتـه .. الحُب ديه غريب قوي ، مايچمعش غير اللي بينهم مسافة سما وأرض ..

قطع حديثهم صوت دق الباب الذي نادت أحلام بصوتها لتمسح للطارق بالدخـول ، فإذًا بهيثم الذي يخفض وجهه بالأرض قائلًا :

-ياساتر!!

نظرت له رغد نظرة مبهمـة فترجمها معتذرًا :

-والله أنا وشي منك في الأرض وچاي اعتذرلك بنفسي!!

تدخلت أحلام مستفسرة :

-عملت معاها أيه أنت كمان !

تبسمت رغد بهدوء وهي تشكو منه لأحلام :

-يرضيكـي يا طنت يعاكس مراة أخوه ..

شـد ياقة جلبابه متحمحمـًا وهو يلقي اللوم عليها :

-طب زمري اطلقي عيارين في الهوا ولا في نفوخي عشان أعرف أنك تبع الزعامة ..

تدخلت أحلام معاتبـة :

-أنتَ هتعقل ميتى يا واد أنتَ !

-لما اتچوز اللي فـ بالي يا أحلام ، هي اللي هتعقلني .. ادعي لي هبابة كيف ما بتدعي لهارون وهاشـم .

أحلام بسُخريـة :

-بحالك ديه مش هتعمر في چواز يا وِلد صفيــة ..

-ما بلاش تبوظي سُمعتنا البايظة دي أكتر من كِده قصاد الأچانب يا أحلام ..

ثم نظر لرغد الجالسة بينهما وذهنها مُشتت هنا وهناك :

-أنا في عرضك اللي حصل يبقى سـر بيناتنا هاشم ما يشمش خبر ، أنا شاب مخشتش دِنيا وهموت وأخشها .. وديه الهزار معاه تذكرة سفر للأخرة .

~بالخارج .

-يلا يا هاشم ، حِب على راس أبوك وراضيه .. وأنا هروح أخلي صفية تعملنا شـاي ..

استسلـم هاشـم لطلب أخيه وأنحنـى ليُقبـل رأس أبيه قائلًا :

-حقـك عليّ يا أبـوي ، أيوة أنا غلطت مش هنكـر .. وأنتَ ليك حق تموتني بس أعمـل أيه حبيتها يا أبوي وقلبي ساقني !!

حدجـه بعنفـوان وهو يوبخـه :

-وسبتهـا ليـه !! مطلعتش راچل للآخر ليه طالما أنتَ فاقـد ومش هامك حد ، ولا خلاص اتعودت تاخد كُل حاجة وتسيبهـا لما تزهـق منها !!

-يا أبوي أكيد مكنتش هعمـل إكده ، سيبك من اللي فات ، وخلينا نكلمو في اللي چاي ، قوللي أنتَ ناوي على أيه !! أنا عاوز أكلمها سيبني سيبني أحلها مع مرتي وبلاش تدخل وو

قطع جابو حوارهم راكضًا :

-ألحق يابا الحچ ، صديق قالب البلد على نچاة وعيقول أنها هربت مع الظابط رؤوف وِلد غالب ، والدِنيـا مقلـوبة قَلب ..

فرغ خليفة من مجلسه لما سمعه وهو يطلب من هاشم قائلًا :

-أخوك مش قاعد ، قوم تعالى معاي دِلوق !! هات العواقب سليمـة يا رب …..

~بالمطبـخ .

-من فضـلك كوباية شاي يا أم هارون ، نفوخي هيتفجر .

أردف هلال جملته بعد ما فارق أبيه الجالس على مراجل من نار بسبب المشاكل المتكدسة فوق رؤوسهم ، جلس على طرف المقعد الخشبي ونهضت أمه لتعد له كأسًا من الشاي بلهفة :

-چرالكـم أيه بس يا ولاد بطني ، محسب عليكم !! دي عيـن ، ورب العزة عين وأنت لازمًا ترقي البيت كُله يا هلال !!

ثم عادت إليـه متهامسه :

-بيني وبينك ، أنا بشوف كوابيس عِفشة وعيون عيون كِده مرقعـة الحيطان ومهمًا ما أبخر ولا حاچة محوقـة !!

هز رأسه ببشاشة :

-استهدي بالله يا أم هارون ، جميعها ابتلاءات واختبارات من عند المولى عز وچل ..

هنا اقتحمت زينـة المكان وهي تتمايل يمينًا ويسارًا والحقد يعقد خيمتـه فوق رأسهـا :

-خير يا عمتي، رغم انه باينلو مش خير واصل باللي عنسمعوه ، شوفتي نچاة واللي عملته !!

ثم شدت المقعد لتستريح على طرفـه :

-يامـا تحت السواهي دواهي بحق !! يرضيك اللي حُصل ديه يا شيخنا !! دي هربت مع عشيقـها والفضايح بقت قايدة واللي ماسمعش شايف دُخانها !

كور قبضة يده مغلولًا وهو يتحاشى التحاور معها هاتفًا بضيق:

-يامـا ، أسرعي الله يجازيكـي خير الواحد رأسه هتنفجر مش ناقص قـول وعيد !!

وضعت الشـاي بالكأس وهي تقول :

-أومال چرالك أيه أنتَ ومرتك العدمانة اللي مش نازلالي من زور دي ، من صُبحيـة ربنا رايحة چاية على الحمام تتقيا .. تكونش حِبلي يا ولدي!! يا وقعة !!

لم تمهله تلقي الصدمة فاقتحمت زينـة الحوار بسُمها وهي تلوى شفتيها أقصى اليمين وأتبعـت :

-ويـا عالـم حِبلى من چوزها ولا من اللي منـه ، يووه مش قصدي يا وِلد عمتى بس أنتَ قابلتها كام مرة عشان تِلحق تِحبل !!

طاحت يدي هلال ابريق الماء الزجاجي ليرتطم بالأرض وينتشر فتاته في كل الأرجاء وهو يقف كالسد المنيع بوجه زينـة التي يعاني في كظم غضبه عنها ولكن عينيه لم تفشل في ترهيبها حد تراجعها خطوة للوراء رافعًا كفه المتحمل بالجمر بوجهها الذي أطبق أصابعه بقسوة إهانتها في حق زوجته ، فانفجـر بوجهها قائلًا :

-لسانك لما يچيب سيرة مراة هلال العزايـزي يعرف حدوده زيـن ، ولو متعدلش أنا هعدله .. رقيـة ست البيت ديه واللي مش هيحترمها ويشيلها فوق رأسه هيلاقينـي في وشه ويا ويله !! فاهمة !!

تدخلت صفية لتربت على صدره بفـزع :

-هدي يا حبيبي دي عبيطة ومتقصُدش ، صل على النبي كِده ..

تجاهل حديث أمه الذي لـم يتغلغل لمسامعه فحرقته ثورة غضبه وهو يدنو خطوة منها مُكملًا :

-تعرفي حدودك زين ، مرتي مفيش عليها ذرة غبارة واحدة ، هي مش زيك الدور والباقي على اللي غارق في الوحـل ومش عارف يطلع منه ، هارون لما يرچع ليّ حديت تاني معـاه ..

ثم ركـل المقعد بقـدمه بعد ما أنصب الرعب بأوصالها وهي ترتجف قائلة بكهن والدموع الكاذبة تتراقص على مصل أهدابها :

-وأنا كُنت قُلت أيه يا عمتي!! لا ناقص يسفخني قلمين !! حقه منا ماليش راچل يقف في وش اللي يزعلنـي ، الحق على چوزي اللي مهمـلني ومعارفلهوش طريق !

-تقدري تقول لي يا عمـة أنا قولت أيـه غلط عشان ولدك يتحمق إكده !

-ماقولتيش ، وأصلا دي عدمانة وميتانة ، دي ولا حِمل حبل ولا نيلة دي ناصبة عودها بالمـرار !!

ثم استيقظ ضمير الأفعى بداخلها وهي تضرب على سطح الطاولة :

-بت سُهنة ونابها أزرق ، وديني وما أعبد منـا ساكتة ولا هعديهـا !!! وهتشوفي زينة بت صالح الطحاوي هتعمـل أيه عشان ولادك زودوها !!

دبت صفية على صدرها هاتفهـا على مسامع الحية المغادرة :

-يشندلك ! خُدي يـا حزينـة .. يخـربيت أمك !

أكل " هلال " خطاوي الأرض وهو يتسابق مع الأفكار التي تُلاحقه ، ففتح الباب بدون إذن مسبق كعادته مناديًا :

-رُقيـة !!

كانت ترقد بجسدها النحيـل ملتفـة باللحاف على الأريكـة خاصته وهي تعدل مُجيبة بتعـب :

-خير يا شيخ هلال !!

رفع اللحاف من فوقها وتغلغل ذراعه تحت رُكبتيها والأخر وراء ظهرها وحملها عنوة وخوفـه يُقاسـم معالـم وجـهه :

-قومي معاي !!

حملها على قلـبـه وهو بفتح باب المرحاض فوقع غطاء رأسها من عشوائية حركته :

-فيـه أيه فهمني طاب !!

أنزلها برفق وهو يفتح الصنبـور بالماء الفاتر ويغسل وجهها براحـة يده قائلًا :

-صفية قالت لي إنك عيانـة، هوديكِ لداكتور يلا البسي ..

رسى كفها الصغير فوق يده بهدوء وهي تبتلع بمرارة وجع عذرها الشهري المؤلم :

-مفيش داعي أنا زينـة والله ، شكلي خدت شوية برد من نومة الكنبـة !!

أغمض جفـونـه للحظة ليزيح عن رأسه فتيل النار الذي أشعلته زينة :

-رقية ، قولت هاخدك للداكتـور يلا ومش عاوز مناهدة!!

-مش مستاهله عقولك ، على بكرة هبقى كويسـة أنا عارفة روحي ..

ثم تحررت من سطو أنظاره وهي تتمسك بشرط الحبوب المُسكنة :

-شوف هاخد بِرشامة كمان وهبقى زي القِردة !! متكبرش الموضوع .

خطف الشريط من يدها واطلع على اسمـه متسائلًا :

-ديـه بتاع برد ومغصن ..

ثم شدت الشريط من يده بعد ما صوره على هاتفه و بهرولة لتقول مشتتة ذهنه لتقول بمزاح :

-ما أنت ليك كاتير عتنام عالكنبة !! اشمعنا أنا أول ما نمت عيت !! يلا عمومًا هي صحة ولا أنتَ مكنتش مسامح !

تمتم بسره وراء جفونه المقفولة :

-لا حول ولا قوة إلا بالله ..

توارت راكضة من أمامه لتحتمي بلحافها :

-رقيـة ، يلا هنروحوا للداكتور واسمعي الحديت !! أنتِ عتحكي كتير ليه !!

خشيت أن ينكشف سرها أمامه فرفضت قطعًا :

-مش رايحة حِتة .. هاخد البرشامة وهبقى زينة قلت لكَ .

أخرج هاتفه باحثًا عن اسم الدواء الذي تتناوله بفضول ليطمئن على حالتها ، فوجده مُسكنًا لكثير من الألآم منها آلام الحيض وغيرها ، فتنفس الصعداء وهو يخرج من المرحاض قائلًا :

-متأكدة انه برد ولا في حاچة تانية وأنتِ مش عاوزة تقـولي !!

-بردت والله ، متشغلش راسك ..

حك ذقنـه وهو يرمقها بنظرات المكر التي تحاوط أعينـه :

-طب قومي صلي معاي العشـا تاني وأرقيكِ لتكوني واخدة عيـن !!

ما أكمل جملته فتعرقلت قدمه بطرف السجادة متأوهًا :

-يااالله !! قل أعوذ برب الفلق !

فزعت من مرقدها ملهوفة :

-في أيه !!

-عين ، عين مقمـرة احتلت سمائي يا رقية !

تأرجحت عينيها بتوجس :

-مين حسدك بس !! تيچي أرقيك طاب !!

-شوفي أنتِ !! مش كِده يا رقيـة بس على مِهلك عليّ أنا لساتني عريس مخشتش دُنيا !! المهم دعك مني وشأني ؛ أنتَ كيـف حالك !

-زينة عقول لك ، وأنتَ مكبر الموضوع ليه تعالى أما ارقيـك ..

-دعي الرُقية لصاحبها ..

فتبسـم بوجهها قائلًا :

-صليتي!

ردت بخجـل وهي تتراجع للوراء وتهز رأسها يمينًا ويسارًا :

-لا .. قصـدي مِش عصلي !! بس هنام طوالي أهو وهصحى زي الفل ، كنت عيانة قوي العصر ووو

أمسك بمرفق كي يوقف رحيلها :

-نامي على سريـرك ، كي لا يستفـرد بكِ الشتاء بعد !

-وأنتَ ! هتنام فين ؟!

-هنام چارك ، اظن أن استفرد بكِ أهون من أن يستفرد بكِ برد الشتـاء !!

لطخ الخجل وجنتيها :

-وه!!! لا البرد أهون !

-أنا لا أمرضك لكن البرد يُمرضك !!

اندست تحت لحافهـا هاربة من سطوه :

-لا أنا عاوزة أمرض ، متشغلش بالك .. تِصبح على خير …

استغفر ربه سرًا ثم اندلعت منه تنهيدة ساخنة حرقت هواجس رأسه التي بختها بها الحيـة واقترب منهـا جالسًا على رُكبتين ليزيح الغطاء عن وجهها متصلص النظر لشعرها اللامع من كثرة نعومته ، تبادلت أعينهم المتوجـة ببيادر الحُب لتتهامس:

-فيه أيه !!

وضع رأسـه فوق جبهتها وهو يقـول بلطف :

-ألف لا بأس عليكِ ..

ثم بلل حلقه وأتبع معتذرًا :

-أسف عن أي تصرف صدر مني في غير أوانه ! لكن ما دخلي بهِ ، والله صب الشوق أحر من صبابـة أغسطس.

-شوق لميـن !!!

-لأمي .. لأمي ، صفية عارفاها !!

تلونت ملامحه بزهو الشوق المتوق إليها فارتعشت برهبة من ذلك النور المنبعث لها وحدها ، تمسكت كفوفها الصغيرة باللحاف والخجل يلتهمها ويتراكض الح :

-شيـخ هلال بلاش تبص لي كِده !!

كسا الحب ملامحه وهو يغازلها بملامحه بعد ما ارتاح قلبه من شكوكه ؛ قائلًا :

-أخبريني كيف للعين أن تتطلع في حقل الجمال ما دام الجميل يربكه نظرتي !

بللت حلقها الذي جف من وهج كلماته وأنفاسـه المحرقة بقلبـها :

-كبرت الموضوع ليه !! قصدي أقول لك عاوزة أنام .. تصبح على خير ..

اومئ رأسه متفهمًا حالتهـا ثم اكتفى بطبع قُبلة طويـلة على جبينها وقال متيمًا بشوق مدفون :

-تصبحي على الخير ونعيمه يا دكتـورة .. ربنا يهديكي !!

-يهديني لفيـن !!

-لطريقي !!

••••••••••

~القـاهرة .

تتشاجر "هيام" مع الأطباق بيدها لتفـرغ طاقـات الأسئلة التي تفتـقر الرد بداخلها حتى وصل صوت ضجيج الصحون لمسامع أخيها الذي يرتب شاله على كتفيه ، فاقتحم المطبخ قائلًا :

-ما علـى مهلـك يا هيام ديه مش مطبخ أبونا !'

-هطق يا هارون !! شايفاك عتغرز وأنا مش قـادرة ألحقك ولا أفوقك !'

أجابها ببـرود :

-ديـه ليـه يعـني !!!

جزت على فكيها بضيق:

-ليه !! هارون أنتَ كُنت هتطبق على روح وِلد عمك رفاعي لما بس قال أنه رايد بنت ماهياش من دَمـنا !! جرى لعقلك أيه شقلب حالك وكيانك !!

شبح ابتسامة متمـردة بدت على ملامحـه :

-عشانه چبان ، خاف من الموت وساب البت اللي رايدها !! الشعور القايد في قلبي ديه لو كان فـ قلبه قلبي وسابه يبقى حمار ومايستاهلش البت !!

-خايفة عليك يا أخوي !! أنتَ من ميتى عتفكر بقلبك دي !! دانت أبو العقل كُله !

-وعقلي مش هيفرط في البت اللي هچبته بردك يا هيام ، أهدى وأفردي بوزك دي ، أخوك عريس ولا أنتِ واخدة عرق من صفيـة وعاوزة چنازة تشبعي فيها لطم .. فكي لغـاية ما أشوف ليلة ..

زفرت بضيق:

-طـب يا أخوي ، طب ربنا يسترها والله قلبي ماهو مطمن بس ماشي ..

رفع سبابته محذرًا :

-هيام ، چوازتي من زينة دي كارت محروق ، ليلة ما تشمش خبر !! سامعة!!

انصرف هارون من المطبـخ تحت نظرات أخته المحترقة عليه وهو يطلق صفيرًا هادئًا لا يتناسب مع عصف المـوقف ، فتـح الشُرفة بأحد الغرف المجاورة وأخرج هاتفـه ليسجل رسالة صوتيـة لنادية بعد ما دس بطاقة المحاماة بجيبه ليقول بصوته الزئير :

-اقسم بچلالة الله لو المحضر اللي مقدماه ما اتسحب لـهلففك محاكم مصر كُلها ، من بكرة البلد كُلها هتعرف أن دكتورة نادية أبـو العلا معتخلفش وبالدليل ومش بس إكده دي حاولت تقتل البت اللي طالعه تقول أنها بتها عشان حتة أرض خايبة ، ورب العزة لهخليكِ تتمنى الموت ولا هطوليـه … أنت وقعتي مع اللي مبيحرمش مخلوق في الحـق !!!

ثم أرسل رسالتـه الصوتيـة وقفل هاتفـه ووضعـه بجيبـه وفارق الغُرفـة متجهـًا نحو الغرفة التي تختبئ بها " ليلة " ، دق الباب مرتين فهتفت ليـلة بصوتها المبحوحٍ :

-تعالـي يا هيـام ..

هتف من وراء الباب قبل أن يفتـحه :

-بس أنا هارون ، مِش هيام !!

رج الاسم قلبها وهي ترفع رأسها الملطخـة بالعِبرات :

-عايز مني أيه تاني !!

فتح الباب بهدوء وتسلل منه فوجدها تتكور بزاوية الأريـكة دافنة وجهها بمعصمي يدها وآثار الدموع جفت على وجنتها، دنى منها متحيرًا :

-وبعدهالك عاد!!

-أنتَ عايز أيه تاني !! هاااه .. مش كفاية اللي حصل لي !! مش كفايـة كده!!

ثم تدلت أقدامها لتُلامس الأرض هاتفة:

-هارون يا عزايزي أنت أفهم بقا ، أنا مش عايـزة اتچوزك !!ولو وافقت ده بس عشان الورطة اللي أنتَ فيها.

جلس بجوارها بهدوء:

-بس أنا عاوز ..وبكيفي .

أجابته بنفاذ صبر :

-وأنا لا .. مش عايزاك ..الله!!

-ليه يعني !!

لكت الكلمـات بفاهها :

-عشان !! عشان هتجوز شريف أنا خلاص أديتهم كلمة ..

رد ساخرًا :

-بليهـا وأشربي ميتها ، ولا بلاش ميتها دي مية عِكرة وأحنا مش ناقصـين !!

عاتبته بجزل طفولي:

-أنتَ كده هتطلعني صغيرة ومش أد كلمتي!!

رفع حاجبه بدون أي اندهاش:

-وأيه الجـديد !! طول عمرك صغيـرة ومش كد كلمتك!؟والدليل أهو ، فچاة نسيتي مين هو هارون !!

رمقته بسخرية وهي تمحو أثر الدمع من على وجهها :

-اااه ، شكلي اتعلمت منك !!

شبح ابتسامة خفيفة بدّ على وجهه:

-أنتِ كُل الزعابيب دي عشان خاطر شريف أبو العلا!! أومـال لو كان شريف منيـر كُنتِ هتعملي أيه !!

أغمضت عيونها بوهنٍ وهي ترفع وجهها للسقف :

-بردو بتهزر !! ليك نفس تهزر وأحنا في الظروف دي !! انا واحدة حياتها كلها ادمرت حتى … حتى حلقتي اللي مكسرة الدنيا وكل الناس بتتكلم عنها أنا مش قادرة أفرح بده!!

ثم أغرورقت الدماء بعينيها من جديد وقالت بندم :

-أنا كان نفسي بس أوصل رسالتي لشخص واحد وهو أنت!! فجأة لقيت نفسي قدام ملايين من الناس !! أنا اتورطت وورطتك معايا وورطت مامتي !! أنا مكنتش متخيلة أن كُل ده هيحصل !!

مسك ذقنها بأصبعيه وولى وجهها الباكي إليه:

-ينفع تبطلي تفكيـر وتقومي تغسلي وشِك ديه !! عم حسن والمأذون على وصول !!

-أنتَ مالك بتتكلم كأننا عرسان بجد !! أحنا بنعمل كده عشان بس أخرجك من ورطة أنت مش لاقي لها حل!!

ارتدى قناع العجز المزيف:

-مفيش في يدي حل غيره!! لو أنتِ عندك ألحقيني بيه!!

اعتصر الحزن قلبها وهي تسأله:

-يعني أنت بس هتتجوزني عشان متتحبسش!

احتل الحب جوارحه وهو يجفف دموعهـا بإبهاميه وبتعمق بعينيها الذابلة :

-أنتِ هتفضلي عاملة نفسك مش شايفة لغاية ميتى ! فكرك واحد زيي هيخاف من الحبس!! فكرك مش عارف أن أمك هتعمـل إكده ، آكيد مش هتعدي على محامي زيي!! ومتوقع الحركة اللي هتعملها أمك ومع ذلك كملت !!

لقد فاض صبرها منه:

-هاه بقا هو ده اللي عايزة أعرفه !! كملت ليـه!! وعشان أيه؟! عشان واحدة قلبك رفضها !!

اندفع بوجهها معترفًا :

-عشان واحدة قلبي رفض الكل وماقبلش غيـرها.

دلو مثلج انسكب فوق رأسها إثر انفعاله ، اعترافه ، هيئته التي تتصبب عرقًا ، لهفة صوته في إعلان حبه بطريقـة ضمنيـة ، خفف قلبها من مكانه وهي تسأله ببكاءٍ الصدمة :

-الواحدة دي تبقـى أنا !!!

غير مسار الحديث مؤجلًا اعترافه حتى تصبح ملكًا له أمام العالم :

-ليلة ، شايفة جزاة معروفي معاكِ أني اتحبس !! وأنتِ في يدك الحـل !!

ردت ساخرة وهي تتجرع آهات الامل المهشمة بصدرها بحرقة:

-لا ميصحش ، كِده هابقى ناكرة للجميل في نظرك طبعًا !! هو ده كل اللي هامك! طيب يارب تتحبس العمر كله ، وأنا خلاص مش مكملة ….

هنا اقتحمت " هيام " الغـرفة لتخبـر أخيها بقلق:

-أخوي ، الباب عيخبط .. عم حسن والمأذون شكلهم وصلـوا ….

••••••••••

"‏كنتُ دومًا أهفو إلى ماهو أبعد من وجودك ، كُنت اتوق إلى شعورٍ يمنح الدفء لجزءٍ من من قلبي أعتاد برد الوحـدة ، إلى صوتك خاصة عندما ينطق حروف اسمي ، إلى ارتداد شروق شمس تزورنا ونحن ما لبسنا كُنا رفاق للقمر طوال إلليـل ، إلى حكمتك ونصح الدائم لي أنك تفهمني من إيماءة واحدة بدون حاجة لتخرج الكلمات مني .. وبعد أعوام وأعوام ها أنا أمسك بين يدي ورقة الملكيـة ، ورقة إثبات ملكيتي لك لآخر العمر .. ها أنا أنعم في كنف الرحمـة والحُب كما وصفه قاضي الحب ، ها أنا أصبح ملك رؤوف القلب وصاحبه الأول ؛ شعور جميلٌ حد الرعب …

فتح رؤوف باب شقته الجديدة التي أجرها اليوم ، وبعد يوم طول قضاه برفقة نجاة وأبنها وفاتحته التي كانت بعقد قرآنهم ، ثم باشر تفاصيل يومهم بالتجول بالمولات والمتجرات التجاريـة وغيـره ..

كان يحمل صغيرها على كتفـه وبيده بعض الحقائب التي ابتاعها لهما منذ قليل ، وكانت تتبع سيره وبيدها الكثير والكثير من الحقائب وما خطت قدمها أعتاب الشقـة الجديدة القريبة من مكان عملـه ، وانغلق علي الحبيبين بابًا واحدًا .. تسلل رؤوف برفق لينيم صغيـرها وشرعت هي في تفقد الشقة المتكـونة من ثلاثة غُرف وصالة كبيرة إلى حدٍ مـا .. تركت الحقائب من يدها وأخذت تتجول بالمكان وأول ما قادتها قدمها إليه كان المطبـخ .. تسللت بهدوء لتتفقد أثاث الراقية والبسيطة وما تاهت في تفاصيله ، استدلت على خريطة شقوق يده التي حاصرت خصـرها بغتــةٍ .. فشهقت بصوت مكتوم :

-رؤوف !! عتعمل أيه !!

هام في تفاصيل حِجابها وهو يضمها إليه قائلًا :

-تعرفي أنا حلمت بالحضن ديه كام سِنـة ! اف ، طلع أحلى ما حلمت تِصدقي!

حاولت التملص من قبضته القوية متمتمة :

-رؤوف ، مازن يصحى بَعِد يدك بلاش الحركات دي !!

تغلغل في تفاصيلها أكثر وكأنه أراد إثبات ملكيتـه لها لآخر العُمر :

-مازن وأم مازن هيناموا الليلة دي في حضني ، تفتكري هعوز أكتر من كِده أيه !!يا بختي .

-رؤوف !! أنا هنام فـ أوضـة مازن وأنتَ هتنام في الأوضـة التانيـة .. مفيش الحديت ديه .

-تعالي نتفقوا اتفاق عشان شكلك هتغلبينـي !!

-طب هو الاتفاق ماينفعش غير وأنتَ مأنكشني كِده !!چرالـك أيه !!

-بالظبط ماصدقت قفشتك ،و ما ينفعش غير وأنتِ تحت يـدي كِده وحاسس بنبض قلبك … اسمعيني !!

تبسمت بارتياح وهي ترفع جفونها لعنـده :

-عاوز تقول أيه !!عيب الحركات دي على فكرة ديه مش اتفاقنا .

-عاوز أقول أني هنفذ كُل حاچة تحتاجيها حتى ولو كان لبـن العصفـور هچيبهولك ، إلا ..

تنهدت بخفوت والحب يبرق من ملامحهـا :

-هااه إلا أيه عاد !!

رد بحزمٍ :

-إلا أنك تعلميني أحبك كيف !! أنا هحبك على كيفي وأنتِ تقـولي آمين !! سبيني أعوض سنين غيابك عني !

خفق قلبها بتـوتـر :

-رؤوف ، أنتَ اتچننت !!

-بيكِ !!

ثم تحمـس قائلًا :

-تعالي أفرچك على أوضتنا ، هتعچبك قوي ..

خيم فطر الخوف على ملامحها :

-رؤوف !! استنى أنا خايفة ، زمانها البلد مقلوبة علينـا..

-تتقلـب وهي من ميتى كانت معدولـة !! المهم مش عاوزك تخافي من حاچة وأنا معاكِ .. أنا عحمي بلــد مش هحمـي مرتي وحبيبـة قلـبي .. !!

ما كادت أن تتحرك خطوة فصادفت مازن الواقـف أمام باب المطبخ يفرك بعينـيه قائلًا :

-أمـا أنا خايف ، تعالي نامي چاري !!

تحررت من يد رؤوف وهي تهرول لصغيرها بعد ما أرسلت له نظرة اعتذار :

-تعالى يا قلب أمك ، هنام أنا چارك .. قول لعمك رؤوف تصبح على خير ….

عض رؤوف على شفتـه متنهدًا :

-وأنتَ من أهله يا مازن أنتَ وأمك …

ثم دمدم متحسرًا :

-دي عين هاشم ورشقت..كان لازمًا تتسحب من لسانك وتقوله !!

•••••••

‏”ما لي وما للدُّنيا، ما أنا في الدُّنيا إلَّا كراكبٍ استَظل تحتَ شجرةٍ ثمَّ تأتي الريـح وتقتلعهـا من جذورها ، هذا هو سُلم حياتي باختصار ، خطواتي هزائم تُلتـى فوق قلـبي وعمري "

كانت تتوسط ذلك الفراش للذي يحويها دافنـة وجهها بين ركبتيها وتبكي بدون صوت تنتحب من شدة القهر ، دخل "هارون" من الباب بعد ما أخذ حمامه الدافئ وبدل ملابسـه الصعيدية لـ الرياضية السوداء التي ابتاعها قبل ساعات ، فلم يسمح لأخته أن ترافقها هذه الليلة ، فضل أن يتولى أمرها بنفسـه لقد زالت الحواجز بينهما .. ترك الباب خلفه مواربًا ثم تقدم إليها بمهـلٍ وهو يتأكد من قفل النوافذ كي لا تَبـرد .. كي لا يستفـرد بها صقيع الجو فيُضنيها أكثر يكفي ما سكن الهم بدواخلها .

جلس بجوارها وأخذ يمسح على ظهرها بضميـر مرتاح أنها أخيرًا بقيت له وملك يده بدون أي عتاب لصوت الضميـر القاتلة التي تبعده عنها .. نادى باسمها هامسًا :

-ليــلة ..

رفعت وجهها الشاحب والمبلل :

-نعم ..

-الدموع دي مش قولتلك مش عاوز أشوفها !! قولتلـك طول ما أنتِ معاي متعتليش هم ؟ مش طمنتك واتفقنا يا بت الناس!

دمدمت بخفوت :

-عايزني أعمل أيه يعني !! خلاص كُل حاجة راحت ، حاسة إني في كابوس ..

ثم أحست بصقيع البرد فمسحت على كتفيه برعشـة :

-كل حاجة في حياتي غلط ، أنا بحاول افتكر يوم واحد بس الدنيا صالحتني فيه ، مش فاكرة !! حتى أنتَ كنت مفكرة أني خلاص لقيت الشخص المناسب لكن أنتَ كمان خذلتني وكسرتني ، ده سوء اختياري صح !! مش كده ؟! انا اللي غبية وبمشي ورا قلبي من غيـر تفكير .. ولما اتجوز ؛ اتجوز علشان أنتَ متتحبسش !! شفت سخرية الزمن مني ومن قلبي!!

شدها برفق كي تقترب منه ، فدارت كزهرة عباد الشمس نحو مصدر طاقتها الأساسي عاقدة ساقيها وهي تكفكف دموعها ، تولى مهمـة إزالة الحزن عن ملامحها وسألها برفق وهو يعانق عينيهـا :

-أنتِ للدرچة دي شيفاني وحش!! طب قلبك مصدق الاتهامات اللي شغالة تحرقي بيها صدر هارون ديه من الصُبح !!

ارتعشت اكتافها وهي تنفي عملها:

-معرفش .. قلبي ده مش هسمع كلامه تاني خالص ، عشان هو اللي بيوجعني .. هو السبب في كُل حـاجة بتحصل لي !!

-معاي أنا وبس لازمًا تسمعي صوت قلبك .. عارفة ليـه !!

-ليـه!! ليه اشمعنا أنتَ !

أشار لقلبها بسبابته :

-عشام هو الوحيد اللي هيقول لك هارون مش إكده ، وهارون بردك مش اللي يوعدك بوعد وهو مش عارف هينفذه ميتى !! هارون لو فتح لك قلبه هتلاقي نار قايدة بتاكل فيه ، ميغركيش كلامي لانه عمره ما كان يشبهني ولا يشبـه الـ چواي .. أنا اتعودت على كِده !

عارضته معاتبة :

-أنتَ لو بتتكلم بجد كان لازم أعرف أنا كل ده! مش أحنا كُنا صحاب ؟ أنا مكنتش بخبي عنك حاجة ، أنتَ أهو اللي بتخبي!! كان لازم تبقى صريح معايا من البداية .. وحتى لما اتجوزتني اتجوزتني عشان مضطر لكده !! يعني مش عشان قلبك عايز ده !!

هز رأسه ولأول مرة يتفوه مندفعًا بدون تفكير ولكن بمنطوق قلبه قال :

-الراجل غير ، الراجل بفعله مش بقوله يا ليلة أنا اتربيت كِدِه ، أنا كُنت عكلمك في المحمول وبنضحكو وفي نفس الوقت قصاد باب المجلس داخلهم نناقشوا حوار چواز الدم من قبل حتى ما تقوليها كنت مقرر .. كنت مفشكل چوازتي مع زينة من اليوم اللي سألتيني فيه فين دبلتك .. من اللحظة اللي قلبك دق فيها في صدري!! فِكرك محستهاش !!

تلهفت لسماعـه بدموعٍ متأملة ومتألمـة :

-طيب وعملت أيه مع المجلس بتاعكم غيرت حاجة ؟!

رد بأسف:

-حاولت ألغيه الدِنيا اتقلبت .. اتورط أبوي يقول إني هتجوز زينة معرفتش اكسر كلمته رغم أني مش قاري اللي في راسـه .. لما جيتي البـلد كانت المشاكل حاطة فوق كتافي !! مكنتش قادر حتى اتكلم معاكي عارف أني هتهزم قَصادك ، مشيتك لغاية ما أعرف هعمل أيه !!

سرت بجسدها رجفـة العشق التي احتلتـها وهي تسأله بآهات مكتومـة :

-يعني أنا كنت صح !! يعنـي اللي حسيتـه أنتَ كمان كنت حاسس بيـه ومستني تظبط أمورك !! طيب ليه ما قولتش كده !! ليه مدتنيش أمل واحد أعيش عليـه ..

اعتدل في جلستـه ممسكًا بكفوفهـا المرتعشـة ، رفعهما لمستوى ثغرها ، فانحنى بشفتيـه المذمومة ليطبع فوق كل واحد منهم قُبلة طويلـة ، قبلة من نسيج خيوط العنكبوت التي تصنع ملجأ ومأوى لقلوبهـما ، قبلـة تنسج الوصال الأبدي بينهمـا .. فأبلغها الجواب بأسمى المعاني وأرقهـا .

فجأة تغيرت درجة حرارة كفها المثلج ليتحول لقبضتيـن ملتهمبتين كأن بداخلهم جمر ولست قُبل .. أحست بخشونة شفتيه التي ابتلت من نهرها .. أنفاسه تتدفق لعروقهـا بدون إذن حتى توقد القلب مع كفوفها ..

ظلت في غيبوبة السحر حتى فرغ وهو يراقب أعينها المهزوزة ويقـر ملكيته إليها:

-من اليوم أنتِ مراة هارون العزايـزي مش عاوزك تخافي من مخلوق خلقه ربنـا ..فاهمة؟ وكُل اللى چيه عليكِ هطفحه سنين عمره الباقية !! وديه وعدي ليكِ .

شدت كفوفها بارتباك :

-ولا حتى منـك !!

كسر جفاء الحديث بينهم بابتسامـة خفيفة :

-لا مني لازمًا تخافي ..

-يعني ايه !! أنتَ ناوي تزعلني تاني ؟!

-لا ما أنت هتخافي بس على زعلي .. يعني دموعك دي لما أشوفها بتچنن اللي چابوني بكون عاوز أكسر الدنيا بناسها وأجيبها تحت رچليكِ ..

تسربت ابتسامـة الرضا لقلبها بابتسامة أمنـة بطيف وجوده مغيرة مجرى الحديث:

-هي هيام فين !! مش سامعة صوتها؟

-نامت ..

أومأت بقلق تسلل لقلبها تود الهرب من أمامه :

-وأنتَ مش هتنام ! قصدي هتنام فين الشقة أوضتيـن بس!!

استغل حيلـه الماكرة لقضاء أطول وقت ممكن معهـا :

-قولت أچي اطمن عليكِ و أنومك وهقوم أنام في الصالة متقلقيش .

احتلت الغرابة ملامحها :

-تنومنـي !!

-مستغربـة ليـه !!

ثم تراجع للوراء مستندًا على ظهر الفراش صانعًا بركبتيه زاوية قائمة فجذبها برفق مثلمـا كان يفعل أبيها من قبـل ويداعب خصلات شعرها ، رغم خجلها الشديد إلا أنها استسلمت لعرضه لأنها في حاجة شديدة لتستشعر الأمـان .. لبت طلبه بهدوء وسندت رأسها على ركبته كحمامـة سلام تنكمش أمنة في موطنها بعد ما تحرر بعد أعوام من الخوف والتحليق العبثي.. شد الغطاء فوقها تغلغلت أناملـه بين خصلات شعرها برفق ، انسكبت دمعـة من عينيها على بنطالـه فأحس بارتعاشها ، مسح على جبينها وقال :

-نامي ومتفكريش في حاچة ..

تركت جفونـها للنـوم وترك يدها تتنقل بين جذور شعرها بحُرية وهو يربط برأس الأفكار المُشتتة :

-يعني أيه لو رچعت الصعيد لناسها هيقتلوها !! ومين ناسها اللي ضحوا في بتهم ورموها !! طب وأيه علاقة أبوي بنادية !! وأيه الأمانة اللي عيدور عليهـا !! وأبوي عرف منيـن اسمها !! كان عينادي عاوز يثبت لروحه حاچة أنا مش فاهمها !! وچاب منين الثقة اللي يقول لي هچوزهالك !!

قفز الفكر القانوني برأسه الذي يخبره :

-معقـول تكون هي نفسهـا الأمانـة اللي عند رفعت الچوهري وعيدور عليها أبوي !! يعني ليـلة تبقى عزايزيـة من دمي ولحمـي !!

زفر بامتعاض وهو يعتاب نفسه :

-چرالك أيه يا هارون !! أنتَ هتتچنن !! عتدور على حچة تقضي على اللي عملته !! فوق ومتستسلمش لأوهام ، الحرب قويـة !! ولازمًا تكون كِدها سيبك من الأوهام والحچچ دي…..

ثم تمتم لنفسه :

-وكمان أيه حوار هاشم واللي عمله !! بس ارچع له !! لكني هعاتبـه كيــف وأنا محروق بنفس النـار بتاعته !! يارب حِلها من عنـدك !!

كان يفكر في مصيرها المجهول تارةً ويتأملها طورًا يدقق في الياسمين المنثور فوق ملامحها و يسيل منها دمُ الليل أَبيضَ . يستشق رائحتها ضعفـه وبغيتـه ، حيث كان الطريق لقلـبه مثل لدغة أَفعى .

ذلك الشعر البنـي ، الأشبه بأوراق الخريف المتساقطة .. رغم كونه أول إمراة يلامسها بل كان يروضها ببراعة بخبرة رجل حاصل على الدكتوراة بأمور النساء ، كان قلبه يتبـع صدح مشاعرها قبل أن تئن بهـا ..

مرت قرابة السـاعتين حتى تراجع رأسـه للوراء وغفت لدقائق معـدودة لن تطول إثر فزعها من النوم وهي تصـرخ مناديـة على أبيهـا برعبٍ ، فتح جفونه على صوتها مذعورًا :

-ليـلة مالك !! ليلة متخافيش ديه آكيد كابوس !!

كانت ترتعش كقطعة قماس متهريـة في مهب الرياح وهي ترتمي بحضنه لتخبره برعبٍ :

-الراجل جيه تاني .. جيه تاني عايز ياخدني من بابي …

دار ليناولها قرصًا مهدئًا وكوب الماء :

-طب اشربي واهدي !! خدي ..

تجرعت جرعتها من الدواء وهي تنتفض تحت يده التي تُسقيها الماء ، ارجع الكوب مكانه وسألها :

-شوفتي ايه !!

-حلم بيتكرر كتير أوي معايا ، من وأنا صغيرة ، في راجل بيجي في المنام شكله غريب بيكون عايز ياخدني من جدو أو بابا معرفش ليه ، وبيقولهم دي بنتي أنا .. وكل مرة بكون خايفة وتايهه ومش عارفة الراجل ده عايز مني أيه !!

ثم بثت شكواها إليه :

-هارون أنا ليه بيحصل معايا كُل ده !! أنا تعبت خلاص مش قادرة !! تعبت من كتر ما أنا بنام خايفة ! حتى النوم مش عارفة ارتاح فيه !

قبـل جبينها بعد ما تأكد من حديث العم حسن وإعترافه بعدم نسبها لعائلة الجوهري .. ضمها لصـدره وأخذ يربت على كتفها بحنان ذاخر وهي مستسلمة ، لا يزور الخوف أو الخجل قلبها ، بل كانت كالطفل الصغير الذي يستشعر كل الروائح باحثًا عن أمه من بينهمـا ، سُلبت من عالمها برمته وأوجاعها التي حطّمت أصولها وهو يقرأ على رأسها فاتحة الكتاب كي تهدأ بين يديه حتى غرق الاثنان في نوم عميق وكلاهما متشبثًا بالآخر …… كل منهما وجد ضالتـه آخيرًا ..

••••••

~صبــاحًا .

تسللت "زيـنـة" في الخفاء وبعيدًا عن أعين الحرس لتخرج من دوار الحج خليـفة وتواصل سيرها لمقـر المجلس الذي يبعد مدة قدرها ربع ساعة سيرًا على الأقدام ، لتقـف أمام شيوخ وكبرائهم لتشكو ظُلمتها :

-أنا زينـة بت صالح الطحاوي ، هارون العُمدة بتاعكم هملني ليلة دُخلتي وطلع رمـح على البت البحراويـة ، أنا عاوزة چوزي وعاوزاه يبعـد عن البت دي قبل ما تبُخ سمها في راسها وتغويـه ونخسروا عمدتنـا وكبيرنا … أنا عاوزة چوزي يرجع لي …….

رواية اصرة العزايزة الجزء الثاني2

الفصل الرابع4

بقلم نهال مصطفي

"ألاَّ رُبَّ خَصْـمٍ فِيْـكِ أَلْـوَى رَدَدْتُهُ "💥

‏اعتدتُ أن أعطي الفرص الأخيرة ، لا انسحب من أول صفعة قلم ، من أول جولة ؛ الحيـاة بالنسبة لي فُرص ولكنها محدودة للغايـة حتى لا يتحول العطاء لاستغلال !! أن أمنح لمن خذلني فرصة والثانيـة والثالثة فحسب لأنني ببساطة لم أخشى فقدانه بل لأنني أعلم جيدًا إذا رحلت لن أعود مهما حدث ! أدفع الثمن كبريائي لتبقى ، لنطوي صفحات الخطأ لـ تكون بنظري آمنًا دون تشويه صورتك في خيالي .. لتختار أنتَ بنفسك النهايـة وأبتـر بنفسي ساق الحنين كي لا يطأ عتباتي مرة آخرى …

_نهال مصطفى .

•••••••••••

-"فين العروسـة يا عـم حسن ؟!"

أردف المأذون هذه العبـارة بعد ما ترك كاسـة الصودا التي قدمتها هيام ورحلت ، تأرجحت عيني هارون بقلق لتلتقي بعيني العم حسـن ، وسرعان ما ظهرت أخته من باب الغرفة التي تختبئ فيها العروس الرافضة له بإصرارٍ ، خيم فطر اليائس على ملامح هيام فتفهـم هارون الأمر سريعًا ووثـب مستئذنـًا :

-هشـوفها حالًا يا مولانـا ..

مر بجانب أخته التي ترتعد من الخوف طالبًا منها كي لا تتبع خُطاه للداخل :

-هيـام شوفي قهوة مولانا عيشربهـا ايه .

ثم تقدم بخطواته الثابتـة للداخل وقفل الباب خلفه فوجدها تجوب خطاوي الأرض كالنحلة التي تفتش عن مأوى ولم تجـد، ما رأته دارت نحوه محذره وبوجهها الشاحب أمرته:

-أنتَ تخرج تمشي عمو المأذون من بره ، قوله العروسة مش موافقة .. ومفيش جواز ولا كتب كتاب ، مفيش حـاجة خالص.

ثم اندفعت بجنون متأهبـة لمغادرة الغرفة فكان ذراعه كالحصن المنيـع أمامها ليلتقطها قائلًا :

-اهدي اهدي !! مالك بس ؟مزرزرة ليـه ؟!

وقفت تحت مظلة أهدابه وكفها مُعلقًا بمعصمه لتقول برجفة :

-مش عايزة اتجوزك !

رفع حاجبه مسايسًا الابتسامة الخفيفة تجتاح وجهه :

-ليـه !! خايفـة مني؟!

ثم كفكف دمعة متمردة مثلها من فوق وجنتها وأتبع :

-بصي في عيني وقوليها .. خايفة مني ولا مش واثقـة فيّ ؟

انتابتها رعشة مباغتـة وهي تتطلع لشمسه المضيئة :

-هتفرق!!

-آكيد! لو إنك خايفـة هطمنك بطريقتي .. مش واثقـة دي عاد فيها حديت تاني !!

أومأت رأسه بالإيجاب وخرج صوتها المذبوح وهي تتعلق بحبل نظراته الممتدة :

-أنا خايفة .. كل حاجة حوليا تخوف .. أنا لو في غابة لوحدي مش هكون خايفة كده ! كل الناس وحشة بشكل مرعب ؛ كفاية مش عايزة اتصدم في حد تاني ..

-بس أنتِ مش في غابة ومش لوحدك عشان أنا چمبك ومش هسيبك مهمـا حُصل.. غصب عنك أنا چمبك .

ثم أرجع خُصلة من شعرها وراء آذانها وأتبع :

-بطلي چلع عيال ويلا المأذون مستني ..

بللت حلقها الذي جف وهي تبتعد عنه خطوة وتقف أمامه :

-طيب ما تيجي نفكر في حل تاني غير الجواز ده ..

-زي أيه مثلًا !!

-يعني سيبني أروح لمامي وأقنعها أنك معملتش كده وهي هتسحب المحضر وبس .. وأنت مش هتتسجن .

تلعثم لسانه باختناق من براءتها المتزايدة :

-ولو مرضيتش !! وحكمت راسها .. هيكون أيه الحل ؟

فكرت لبـرهة :

-مش عارفة بس أنا هقنعها والله .. طب قول لي انت لو اتحبست هتاخد كام سنـة !! عشان لو مدة صغيرة ..

قطعها بخطوة منه كانت كافية أن تبتلع بقية كلامها :

-وههون عليكِ تسبيني اتحبس حتى ولو يوم وأنتِ في يدك الحل !!

توترت:

-اه عادي ، السجن للجدعان .

استغرب أمرها قائلًا :

-دا أنتِ مكنتيش تعرفيني وكنتِ هتلبسي في جريمة آثار !!

لكت الكلمات بفمها مع ارتعاشة تلك الشفاة التي يود قطمها بفكيه وهي تقول بعبرات منسابة :

-أنا مابقتش فاهمة حاجة وكل حياتي بقيت كئيبة ومملـة .. قول لي أعمل أيه !! أنا خلاص ضعت .. والدنيا كلها بقيت عارفة إني بتعالج .

-دي حاچة متعبكيش يا ليلة ، وأنتِ زي الفل ، مسألة وقت وهتبطليها .. يلا عاد.

-طب استنى ، لو اتجوزنا دلوقتي هنطلق أمتى!

رد هارون بمسايسة:

-بكرة أخر النهار .

طوت شعرها للوراء وتقدمت مرتدية " بيجامتها " القطنيـة وقالت بفتور :

-تمام .

-استنى هنه ، كيف طالعة بالبيچامة دي!!روحي شوفيلك هِدمة عِدلة .

-مالها ماهي بكم وواسعة !! ولو مش عاجباك خلاص كنسل الموضوع ومش هطلع .

تأفف بضيق:

-ليــلة .. قولت غيري لبسـك .

" أضيـعُ من قمـر الشتاء "

هكذا كان الوصف الكافي والوافي لحال قلبـه الذي عاش طويلًا يستنكر الحُب ، بعيدًا عن سماءه ، لا أحد يقترب من قلبه المجحف لأنه كثير البرودة ، مخيف ، الجميع يفر منه ..

هل تعلم أن :

للنجوم طريقةٌ في النوم دونَ إساءةٍ لليل تسهر نجمةٌ وتنامُ أخرى

كي يظلَّ الضوءُ في ميزانه تجري الملائكةُ الصغارُ وتفتح الآفاقَ ثمةَ سهرةٌ تضفي على نوم النجوم ، هكذا هو حال القلوب العاشقة تمامًا .

تأرجحت عيني "هارون" النائم والذي يتذكر تفاصيل ليلة الأمس وكيف أقنعها كي تكف تمرداً على طلبه .. كانت نائمة ورأسها تقطن بقاع صدره وبالأخص فوق قلبه تحديدًا للحد الذي جعل قلبه يتنهد قائلا :

-أدركت أن القلب لا يُسمى فؤادًا إلا عندما يسكنه الحب ورأس من تحب !!

كان كفه الأيسر مندساً بين خصلات شعرها .. والأيمن يضم على كفها الصغير الراسي فوق بطنه .. تغلغلت رائحتها لأنفاسه وهو يتأمل روعة شعور أن تنام بحضنه إمراة تمناها من صميم قلبه .. تأمل تفاصيل ملامحها المقفولة والنائمة كالملائكة وهي تنعم بنوم هادئ بين يديه .. مما جعل قلبه يخلق العديد والعديد من الاسئله .. أي قدر ألقى بك لقلبي يا فتاة ؟! ماذا فعلتي ليخضع لك الجبل ويتمنى الموت بين يديك ؟ أي قدر هذا الذي جمعني بك تحديدا ولِمَ أنا بالأخص ؟! ما هو سره وماهي هي خبايا الزمن !!وما هو الحد لتلك المشاعر التي خانت صاحبها وتمكنت من قلبه على سهوة ؟!

شد رأسه ليطبع قبلة خفيفة على رأسها متأوهاً بمرارة:

-عملتي أي في حياتك عشان تقعي في جُحر تعابين زي ديه ؟! طيرة عمية زيك هتعمل أيه بروحها في الغابة دي !!

راق الأمر لكفه أن يداعب خصلات شعرها بحنان واجتاحته ابتسامة نعيم الحب في ظل حبيبك وهو يتنفس بارتياح :

-يا أبوي لو تعرفي أنا حاسس بأيه دلوق طلع عندِكِ حق يا أحلام وأنا اللي كُنت مغفل !! أحساس أني عاوز أخدك من الدنيا كلها ونهربوا لبعيد .. لأجل عينك ما تشوف وجع الكسرة تاني !!

تنهد واعدًا :

-واللي خلق الخلق لأعيشك في چنة هارون العزايزي للدرجة اللي تنسي فيها كل اللي فاتك !!

ثم زفر بحزن بالغ :

-كُنت مفكر أني هتچوز عشان أخلف لي عيليـن ، بس ربنا رزقني بعيلة متشعبطة في قلبـي وأنا المسؤل عنها كأنها مني !! شوف ياخي الزمن !! ملهوش مسكة ولا كبير .. لوعى دراعي وقلبي !!

أحس بحركتها وهي تتململ ببطء بحضنه كطفل يمرح بأمان أمه فقل جفونه بحرص كي يهرب من سطو تمردها على الريح التي جمعتهما في فراش واحد وفوق قلبه النابض بحبها .. تحركت جفونها المستيقظة على صوت ضربات قلبه الهادئة واحتوائه كلها ولأوجاعها .. تأرجحت عينيها بتيه في حقل الشعور الغريب الذي يسكنها .. رغم كل المصائب المتكدسة فوق رأسها ألا أن شعور ليلة العيد كان يهلل بقلبها ..

ملأت جيوب صدرها من رائحته ثم ألقت نظرة على كفها الصغيرة المختبئ بقوقعة كفه .. الدفء الرهيب الذي يغمرها بدلاً من برودة الوحدة .. رمت كل خيباتها من سنوات العمر وراء ظهرها وظلت تتأمل تفاصيل حضن ذلك الرجل الذي آمنت بداخله .. رفعت جفونها ببطء لتلقى نظرة على تفاصيل وجهه النائم .. فوجدت نفسها كمن ألقى نظرة على الجنة من نافذة قريبة جدًا :

-‏قلبي لا يتذكر شيئًا سوى أنه فتحت الباب فدخلت كل هذه الأيام غير المفهومة وتُهت بين دروبها .. أي مسار اتبعه القدر ليكون صدرك وسادتي يا رجل !!

لطخت حمرة الخجل وجهها فكانت أول مرة ترافق رجل في مرقده بعد أبيها وجدها .. ولكن ماذا عن كم المشاعر المتدفقة إليه ؟ انعقد حاجبيها بذهول حول أمرها لأنها بالفعل لا تود التزحزح إنشا عنه .. قفلت جفنيها ثم فتحتهما مرة آخرى وهي تتسائل :

-هو أزاي حلمي اتحقق بالسرعة دي!! هو أنا بحبك ولا بكرهك ؟! طيب أزاى أنا مستسلمة لحضنك كده أنت عملت فيا أيه بس ! أنا مش خايفة ليه !!

ثم أطلقت تنهيدة خفيفة داعبت ملامحه النائمة بتصنع وغمغمت لنفسها وهي تتجاهل صدح قلبها :

-جرالك أيه بس يا ليلة فوقي !! ياريتني ما حبيتك بجد !! عمري ما اتخيلت أن الحب ده بيوجع أوي كده .

ثم نفت اللوم على قلبها سريعاً :

-لا لا ده يا بختي بحب رجل زيك .. أنا أصلا عمري ما هقابل راجل يملا قلبي زيك بعد ما نطلق !!خلاص أنا اكتفيت بيك لآخر عمري يا هارون يا عزايزي أنتَ .

ثم جحظت عينيها بخوف لتتذكر أمر طلاقهما المفروغة منه :

-نطلق !!!

فزعت من حضنه ملدوغة بسُم الحقيقة ففتح عيونه للتو فتلاقت الأعين المغرمة والذائبة ببعضها ليزيد من حد توترها وهي تتساءل :

-أنت مين نيمك هنا ؟! ده مش اتفاقنـا!!

ثم أرجعت خصلة متطايرة من شعرها وراء اذنها وأتبعت متمردة :

-مين سمح لك بده !! ولا أنت فاكر عشان كتبنا الكتاب بقيت متاح ليك في أي وقت خلاص !! لا انسى وانسى كمان ليلة بتاعت زمان .. أنا مابقتش هبلة خلاص .. بقيت عارفة كل حاجة وبعرف اتصرف .

فبللت شفتيها اللاتي جفت من حرارة نظراته إليها ليزيده الرغبة في تقبليهما وهو يعتدل من نومته منصتاً لثرثرتها المحببة لقلبه .. فأتبعت مبررة :

-أنا مش فاكرة حصل أيه أمبارح عشان أنام جمبك بس اسمعنى ومش عايزاك تجادلنني أنت فاهم !! تنزل دلوقتي تقدم ورقة جوازنا دي في القسم وبعدين ترجع تطلقني !! أهو هبقى مطلقة بسببك عشان ترتاح .. وبعدين يا دار ما دخلك شر .. أنت من طريق وأنا من طريق .. وكفاية لحد كده.

ثم توترت شفتيها متأهبة للرحيل من جواره :

-وبلاش تبص لي كدة عشان بتوتر ونفذ كل الكلام اللي قولته لو سمحت ..وو

صبت بقية كلماتها بصدره الذي جذبها إليه عنوة لترتطم بصخرة ضلوعه التي تفتك بمشاعر أنثى رقيقة مثلها .. تأملها ملياً وهو يداعب أطراف شعرها بابتسامة لا تتناسب مع لهب تمردها وثرثرتها :

-صباح الخير ..

تمتمت ببلاهة وهي تغرق به وبنظراته وبأنفاسه التي تشعلها نارًا ونورًا :

-صباح النور ..

أتبع هارون متسائلا بحـبٍ :

-نمتي زين ؟؟

أومأت بخفوت وهي تستلذ النظر لملامحه الهادئة التي لم تراها من قبل وقالت :

-أيوة نمت .. حضنك حنين أوي على فكرة .

تذبذبت ضربات قلبها كما بد صداهم على شفتها وهي تبرر بسرعة :

-حنين زي حضن بابا بالظبط .

دارت لتفر من سطو تجردها وسذاجتها أمامه فأمسك بها ليمنع رحليها لتعود لصدره مرة ثانية وهو يرمقها بلهفة الشوق .. فغمغمت خائفة :

-في أيه تاني !!

جلى حلقه فتحركت تفاحة آدم برقبته ونظراته تتلألأ قائلاً :

-مكانك ودايما مفتوح لك ..

برقت عينيها بدهشة :

-لا مش عايزة !! قصدي يعني ممكن تسيبني عايزة أقوم ..

رفع حاجبه ذائبًا في شربات ملامحها التي يود ترجعها دفعة واحدة :

-ليه !!رايحة فيـن ؟

-عايزة أروح الحمام ... لو مفيش مانع يعني .. ولا فيه !

رُسمت ضحكة ساحرة على معالمه وهو يحرر معصمها من قبضته مشيراً بيده أن تذهب ..ولكنها لم تتزحزح أنشا واحدا من جواره .. تمنت ولو يقف بهما الزمان والمكان على حدود نظراته ودقات قلبه .. فخلقت حوارا عبثيا معه :

-هتنزل النهاردة تروح القسم وتقولهم أحنا اتجوزنا !!

رد ببرود :

-ليه !! أنا ما عروحش لحد !! واللي عاوزني يجيلي لغاية عندي وهرزع ورقة چوازنا فـ عينه .

فأتبعت بارتباك:

-أحم !! قصدي يعني عشان هتطلقني أمتى !وأرتب أموري وكده .

حك ذقنه متجاهلاً عبثها وقال :

-أعملي حسابك هننزلوا في تصوير حلقة ليكِ .. وهتنزلي معاي العزايزة آخر النهار ..

زام ثغرها بصدمة :

-نعم وانت عرفت ازاي !! قصدي مستحيل !! لالا أنا مش هروح هناك تاني أبدا .. عمري .

-دي بلد چوزك يعني بلدك !بالعربي مطرح ما چوزك يروح رچلك على رچله .

وقفت مدارك عقلها على حد الجملة وهي تتسائل بحماقة :

-مين جوزي !!

تعلقت بحد أهدابه المشدودة فلحقت نفسها :

-أه أنت صح نسيت معلش مش متعودة !!

أردف بصرامة :

-تتعودي !!

-هاه لا أنت مش جوزي .. أحنا هنطلق بعد تصوير الحلقة على طول صح!

-ديه مين اللي قال كِده ؟!

-انا قلت ؟؟ قصدي أن ده اتفاقنا ولا انت نسيت ولا أيه !! أف متوترنيش لو سمحت .. أنتَ نسيت؟!

اتكئ على راحة معصمه ومرفقه مستندا على ركبته الثنية وهو يغازل أطراف شعرها بهدوء :

-ومين قال لك أني ناوي أطلقك ؟

رُدت الكلمة كالرصاصة بقلب ليلة :

-أحيــــه !! يعني أيه ؟

غمز بطرف عينه معلنا ملكيتها لأخر عمره :

-هو انا نسيت أقول لك أن في عرفنا مفيش طلاق !!

-يعني أيه مفيش طلاق ؟!أنت بتقول أيه !!

كرر " هارون" جُملته بهمـلٍ حاسمًا أمره معها :

-يعني أنا مش هطلقك .. و أنسى الحديت ديه من راسك .

-ومين قال لك أني هسمح بالجنان ده !! عرفكم ده في بلدكـم مش عليا ..

-تؤ انسي !!

قاسم الرعب ملامحها وهي تنتفض وتتراجع للوراء لتتخذ نفسها بصعوبة بعيدًا عنه من وقع الصدمة :

-انسى أيه بالظبط !؟

-أنسي الدِنيا كلها ومتفتكريش غير حاچة واحدة وبس .. هي أنك مراة هارون العزايزي .

••••••••••••••

~العزايـزة .

تكـدسـت المشاكل بالعزايزة لتتحول لكرة ملتهبة تحاصرها النيران من كل صوب وحدب ، كل بيت يخفي تحت سقفـه دخان حرائقـه من جُملة الكوارث المُحيطة .. أشعـل خبـر هروب " نجاة " البلدة بأكملها ، وأعلن أهلها وأولاد عمومتها قتـلتها هي ورؤف وانتشروا في ربوع البلدة يبحثون عنها .. وتضاعفت الأحداث بشكوى زينـة التي فجرت بقلب المجلس وقدمت الفيديو التسجيلي الخاص بحلقـة " ليلة " للمجلـس وترجت شيوخه بألا يكشفون أمرها .. فهي كل ما تُريـده عودة زوجها لبيتـه بعيدًا عن سُم هذه الحيـة ..

خرجت " صفيـة " من غُرفـة المخزن بعد ما حسبت قدر المحصول الذي يحتاجه البيت من القمح .. ألتقـت "بهلال" الذي يحمل بين يـده مائدة الفطار لزوجتـه ، فعلى صوت اعتراضها :

-خُد خُد .. أنتَ واخد الوكـل ديـه ورايح بيه على فين يا هلال !

رد بهدوئه الذي لم يخلٌ من ابتسامته التي لم تتناسب مع شرارة المواقف دائمًا :

-ديـه فطوري أنا ومرتي يامـا ..في أيه ؟!

صاحت بوجهه متمردة :

-وأنا معنديش حريم يطلع لها الفطور لغاية سريرها يا هلال !! والچلع ديـه مايلدش عليّ .. دي مش قِناية حريم تعيش في بيـوت .

-دي مريضـة يا ما ، ولازمًا تتغذى زين !! أيه نچوعوها !!

لوحت بكفها بضيق:

-مريضة وعيانة وميتانة منچلعوهاش يا ولدي ، يا وِلد بطني !! نغيروها .. المراة الصُح ما تستموتش قصاد چوزها .

ثم وشوشت له بنصـح :

-أسمع كلام أمك ، سيبك من السهتانـة دي وأچيب لك واحدة عفيـة تملي عيـنك وتشد حيلك .. تصـدق غوث بت النچعاوي برقبتها .

تنهد دافنًا إهانة أمه بحق زوجتـه قائلًا بنبرته الاستفزازية :

-وأن چاءت من تملأ العين !! من أين نأتي بمن تملأ القلب يا صفيـة ؟!

-سهله ، أچوزك التالتة والرابعة .. أهي واحدة تملى القلب والتانية تملا العقل واللي تملي العين .. ولدي قدها ، وسيبك من اللي مفهاش حيـل تملا كوباية ميـة دي !

هز رأسه مقتنعًا :

-رقيـة ماليـة حياتي كُلها ياما ، وفكك منها لوچه الله ، دي غلبانة ويتيمـة .

-والله ما حـد غلبان غيرك !بلفت عقلك.

ثم شدت منه مائدة الطعام :

-وهات الوكل ديه ! مش هنچلعـوا الحريم أحنا ونمرعوها علينـا .. قولها تندلى تاكل وسطينا .

-ما نچلعوهم ياما !! أحنا چايبينهم من بيت ناسهم نعذبوهم يعني !!

أبى أن يعطي له المائدة متقبلًا الأمر بمزاح ؛ فغير مجرى الحديث :

-وأنتِ مزعلة روحك ليه !! هو أبوي عمره ما چابلك وكل لغاية السرير ولا أيه !

رفعت أصبعيها بوجهه مستنكرة وهي تبث شكواها :

-ولا عمره عملها في حياته ، كنش يعملها غير لأحلام على طول سايقة العيا ، أما أنا كنت قوية ومش مستنية حاچة من حد !! لكن مش عارفة أبقى حما قوية للحريم المچلعة دي!!

انضم " هيثم " لهما وهو يعبث بمفاتيـحه :

-حسكم عالي ليـه !! مالك بمولانا يا صفيـة .. ما تسيبي العريس في حاله .

ثم تفقد الطعام وهو يلتهم قطعة من الخيار :

-لمين الوكل ديه !! ليّ ؟!

حدجه هلال :

-خليـك في حالك أنتَ كمان مش ناقصاك !كفاية أمك .

-أنتوا عتقولوا أيه ؟!

تدخلت صفية لتشكو لهيثم :

-احضرنا يا عاقل أنتَ يرضيك أخوك القيمة والسيما ديـه يطلع الوكل لغاية فوق لمرته !! ما تقول حاچة يا هيثم !! عقله ووعيه !! قوله مش عاوزين الحريم تركب وتدلدل فوق رووسنا .

فأعقب هلال ليهرب من حصار أمه :

-وأنتَ يرضيك يا هيثـم أبوك ولا مرة عملها لأمك وكان تملي يعملها مع أحلام !!

ثم غمزه له وهو يتأهب للذهاب :

-شوف الموضوع ديه ولازمًا تحله ..

عادت "زينة" من الباب ، ما رأها هلال انقلبت ملامح وجهه بامتعاض وولى ظهره مستغفرًا ربه كمـن رأي جنيـة .. دارت صفية إليها :

-يشندلك !! كُنتِ فين يا بت من صباحيـة ربنـا ومن غير ما تقولي لحد !

ارتبكت لتخفي سرها:

-كنت في الأجزخانة عچيب حاچة .. هطلع فوق بالأذن ياعمتي .

تسللت زينة بهدوء لتختفي من ساحة البيت بعد ما فجرت قنبلتـها بقلب المجلس ، نظر هيثم لأمه قائلًا :

-البت دي مالها !! وش الملايكـة دي مش لايق عليها !دي في مصيبة من تحت راسها!!

-دي غلبـانة .. الدور والباقي على العقارب اللي چايبينهم أخواتك اللي چايين بالخراب !! ولما نشوفوا وقعتك أنتَ يا موكوس..

هز رأسه فارحًا :

-وقعتي چميـلة بأمر الله يا صفية ولون عينيها أخضر وهي اللي هتچيب لك من الآخر ..

-والنعمة ما خايفة غير منك .. يابختك المايل في عيالك يا صفيـة .

رن هاتف " هيثم " في هذه اللحظة ليجيب على الفور:

-قول يا مرسي !!

-ألحق يا سي هيثم ، وِلد الفاو متقدم للست چميلة وچايين يقروا الفاتحة الليلة …

جحظت عينيه بتوعـد :

-چيه لقضاه .

فصاحت صفية باختناق:

-كلم أخوك قوله يعاود يا هيثم ، أنا خلاص تعبت منيكم يا ولاد بطني .

هتف هيثم مستنكرًا :

-ولا أعرف طريقه ياما ..

~بغُرفـة هلال .

-مـاله هيثـم ، حـِسه عالي ليـه تحت !

اعتدلت رقية في نومتها وهي ترفع القربة الطبية عن بطنها والتي ابتاعها خصيصًا لها هلال بعد أداء صلاة الفجر ، قفل الباب خلفـه وهو يقول بمزاح :

-عاوز يبقـى عم ، معرفش مستعچل على أيه !! الواد ديه من يومه وهو متسربع حتى اتولد على ٧ شهور من السربعة بتاعته .. اتولد ناقص نمو وعقل ..

قال جملته وهو يترك المائدة على الطاولـة الصغيره فصعقته بالجواب :

-كلها كام شهر وهيبقى عم ، هو نسى مراة أخوكم ولا أيه !

تجمدت ملامحـه :

-ااه مراة هاشم!! صح !! شكله نسى .. المهم يلا قـومي افطري قبل الوكل ما يُبـرد .

ثم أتبع محذرًا :

-رقية ، زينة متعرفش حاچة عن مراة هاشم ، دول قالولها قريبة ليلة لغاية أبوي ما يشوف حل .

-ماليش حديت معاها ، دي بت تعبانة في راسها .

وقفت بجسدها الهزل أمامه بحزن :

-وأنت معندكش حـل لأخوك ، حرام والله حالتهم تقطع القلب.

تنهد بكلل :

-هاشم صعبهـا على روحه يا رقية ، متقفلة معاه من كُل ناحية ، بس آكيد هتتحل بس يعاود هارون وهنقعدوا نحلوها .

بللت حلقهـا متفهمـة:

-أن شاء الله تلاقوا الحـل .. بس أنتَ چايب الوكـل بنفسك ليه تعبت بس.

قسم الخبر بينهما ليأخذ نصفه ويمد لها النصف الأخر :

-تعبـك راحـة للقلب يا رقيـة .. اشربي اللبـن الأول يدفيكي .

امتد كفها المرتجف من حِدة نظراتـه وهي تهز رأسها بالإيجاب فوقع عنها حجاب رأسها ،فلكت اللقمة بفمـه متفوهًا :

-يالله !!

كان الكوب سيقع من يدها من شدة الارتباك ولكنه تلقاه بيده ليقول معاتبًا وهو يتأمل خصلاتها الحريرية المتدلية على وجهها :

-انتبهِ ..

توقفت عن محاولة تغطية رأسها بدون خجل أمامه وتركته كما هو لتقول بحماس:

-النهاردة هعملك كيكة هتحبها قوي .. دي عشان أنتَ مسبتنيش طول الليل وفضلت قاعد چاري لغاية ما نمت .. يعني هقولك شكرًا بس بطريقتي .

أشرق الفرح من وجهه:

-يابركة دعواتك يا صفية !

-عمتي صفية !! ليه قالت لك أيه عني ..

ارتشف رشفة صغيرة من الماء مستغفرًا بسره لكذبه الأبيض المتكرر :

-قالت لي يا زين ما اخترت يا ولدي .

~بالحديقـة .

-مالها عمالة تتقفـل من كُل حِتة كِده يا أبو هارون!! قول لي ناوي تعمـل أيه مع هارون وهاشم وكملت بالبت نجاة ، وكمان البت نغم اللي راحت بيت الچباس دي !!

أردفت " أحلام " جملتهـا بحيرة على مسامع خليفـة الذي أجرى مكالمة مع شخص مجهول بالنسـبة لمسامعها ، فتنهد مشتتًا :

-صديق مصمم يخلص على البت والواد .. وربنا يسـتر وما يلاقوهاش .. المهم طمنيني مراة هاشم عاملة ايه !!هي اسمها ايه يا احلام !!

-اسمها رغد يا حچ ، والبت حالتها عدم ومسكينة وفضلت طول الليل تحكي لي عن حال ناس في البدو .. بس ما قولتليـش .. هتعمل معاها أيه ومع ولدك .. دي مش طايقاه وراسها وألف سيف يطلقها.

حملق النظـر بزوجته مُعلنًا :

-قبل أي شيء مچلس العزايزة لازمًا يتشال .

ضربت أحلام على صدرها بخوف:

-وديه هيتشال كيف!! دي الناس روحها في المچلس اللي فاتح بيوتهم يا حچ .. ولما يتشال مين يتولى أمر الناس اللي معندهاش لقمة عيش دي.

-مفيش حد في العزايزة معندهوش اللي يكفيـه هو وعياله يا أحلام !! المچلس بيدوهم اللقمـة عشان يكونوا تحت طوعهم ..

تشبثت بيد زوجها :

-في أيه في راسك يا حبيبي ..

رفع جفونه إليـه :

-لازمًا نتصالحـوا مع بيت الچباس .. وبالخصوص بعد ما البت نغم قادت النار في قلوب عمامها وناويين على الشر .

فأردفت أحلام متوترة:

-دول واعرين و مقاطعين البلد بمچلسها ومعروفين أنهم متمردين على العزايزة كُلاً وو

فتمتم بحسـم :

-يرچع هارون وهقوله نعمـلوا أيـه …

أخرجت أحلام زفيـر الهم من صدرها :

-لازمًا تتحل قبل ما يعتروا على نچاة وولدها .. وقبل ما مراة ولدك تولد يا حچ ، والغلبان الطايح في بحري ديه ورا قلبه مش ناوي يرجع !!

وقف الحج خليفة مستندًا على عكازه وهو يقول آمرًا :

-أحلام ، كل البنات اللي عيشتغلوا هِنه مشيهم ، متخليش غير فردوس ، مش عاوزين سرنا حد يعرفوا ..

~بغُرفـة أحلام .

اقتحمت صفية حصون الغرفة بعد ما تأكدت من خلائها من أحلام لتغتنـم الفرصـة وهي تقفل الباب خلفـها ، اعتدلت رغد في جلستـها ؛ حتى انفجرت صفية قائلة :

-اسمعي يا بت أنتِ ، الحال المايل ديه ما يعچبنيش ، أنتِ من بكرة تاخدي بعضك وتروحي تشوفيكي مكان تاني بعيد عنينا ..

تركت رغد الريموت من يدها بصدمة :

-يعني أيه الكلام ده يا طنت ؟! أنا قاعدة هنا بأمر عمو الحج وو

قبضت صفية على معصمها وهي ترجها بعنفوان :

-شوية السهوكة دول ياكلوا مع هاشم اللي ضحكتي عليه وياكلوا مع ابوه كمنه قلبه طيب ، لكنهم مش عليّ .. سمعتي قولت لك أيه !! أنتِ لا من توبنا ولا شبهنا ولا عاوزين عيال منك …

شدت رغد ذراعها بصعوبة وهي تتأوهه معارضة :

-ده حتى حفيدك !! أنتِ عايزاني أوديه فين وباباه عايش .. أموته !! ولا اكتبه باسم راجل تاني؟!

-ماهو زي ما أنتِ خايفة على ولدك، أنا كمان خايفة على ولدي .. وحفيدي ديه هيچي ويچيب في رچليه الخراب .. أنا اخنقك بيدي أنتِ وولدك ولا أن ولدي يچراله حاچة من تحت راسك ..

ثم أخذت تنزع في أساور يدها وتصبهم بكفوف رغد :

-عاوزة فلوس ودهب ، خدي .. خدي كل دول ، بس بعدي عن ولدي .. أنا معنديش استعداد أخسره ، انا چاية اكلمك بالمعروف قبل ما تشوفي الوش التاني لصفية ..

ألقت رغد الأساور على السرير بملل وهي ترمقها بنظرات الخِسة :

-وأنا مش جاية عشان فلوس ، أنا چاية عشان جوه بطني في دم ولحم جاي بارادة أبوه ، أنا محملتش من ورا ابنك ، هو بنفسه اللي كان عايز الولد ده .. وأنا مش هضحى بابني ولا هروح حتـه ، عشان أنا معملتش حاجة غلط اخاف منها ..

ثم تحدتها بجراءة وهي تضع كفها على بطنها :

-اللي غلط ومحتاج يتعاقب بجد هو ابنك هاشم بيه .. مش أنا .. مش هلومك عشان أنتِ أم وأنا بدأت أحس بيكي وبمشاعرك واللي هيفكر يقرب من ابني أنا هقتله .

قفل هاشم المكالمـة مع رؤوف بعد ما أبلغه عن أوضاع البلدة الثائرة ، فاقترب من " هاجر" التي كانت تكتب لشريف المختفي من ليلة أمس على الواتساب وما رأت أخيها فزعت قائلة :

-أنتَ زين يا أخوي وريني دراعك ..

تجاهل اهتمامها وقال بعجـل :

-خليكِ هنهِ هخش لرغد وو

وقفت أخته أمامه لتعترض طريقه :

-أمك عنديها چوة وقالت لي مخشش وو

زاح أختـه من أمامه واندفع نحو الغرفة التي فتح بابها بدون استئذان، فوجد ثورة النيران متقدة بين الاثنيـن ، تأرجحت عينيه بقلق :

-في أيه ياما !! مالك بيها !

لملمت أساورها المرمية بعجلٍ وهي تقترب منه مختنقة :

-خلصنا من التُهمة دي قبل ما ريحتها تفوح ، محناش ناقصين هم يا ولدي ..

أوقف أمه التي كادت أن تفارق الغرفة قائلًا بحسـم :

-رغد مرتي ياما ، غصبٍ عن عين أي حد .. خدي الباب في يدك وأنتِ طالعـة وحسابنا بعدين.

دارت " رغـد " بوجهها عنه وهي تحملق بالسقف لتبتلع عِبراتها ، كي لا ينكشف ضعفهـا أمامه ، تأكد من إغلاق الباب ثم خطى بمهـلٍ لعندها مردفًا :

-رغـد .. بصي لي ..

احتدت نبرتها وهي تصرخ عليـه :

-أطلع بره يا هاشم مش طايقاك ولا طايقة حتى ريحتك .. ولا جاي تكمل كلام مامتك !! عايزني أمشي مش كده !!

‏لكل إنسان مهما بلغ من الحُب فله طاقة محدودة من تحمل الأذى -بمعناه الواسع- وقد يأسرك فيه تغافله، فهو لم يعد محملا تجاهك بالودّ والشوق ككل مرة، لكنك ستبحث يومًا ما خلفك، وستجده أيضًا بقدر حبه إلا أنه يتحاشاك، وهذا هو ردّه .. خطى ليقف أمامها متغاضيًا عن طردها :

-وحشتيني ….

تراجعت للوراء رافضة أن يلمسها:

-متلمسنيش ، ولو سمحت كلامنا منتهي ، كفاية ، كفايـة يا هاشـم لحد كده.

-هو أيه اللي كفاية !! ما تحطي نفسك مكاني يا رغد !! عايزاني أعمل أيه؟

صرخت عليه بحرقه وخيبة الأمل تحرق قلبها :

-تعمـل أي حاجة إلا أنك كنت تستغنى عني وتسيبني ، إلا أنك تتجي وتتجوز عليا وترميني بالرخص ده .. عايز تعرف كان لازم تعمل ايه !! كان لازم تواجهني ونتملم ونشوف حل ، مش يمكن أنا اللي انسحب واعفيك وقتها !! أهون من أنك تسيبني !!

ثم ضربته بقبضتها المغلولة منه والبكاء يسيل من عيونها :

-أنتَ محبتنيش يا هاشم ، أنا كُنت بالنسبـة لك ساعتين حلال على السرير بتقضيهم وتختفي بالشهور .. أنت لو حبتني مكنتش هتخليني اشوف الإهانة دي كلها .. انا لولا اللي في بطني كنت هموت نفسي عشان ارتاح من الدنيا دي وارتاح منك وارتاح من قلبي اللي في يوم حـب واحد أناني زيك .. هاه عايز أيه مني !! بص في عيني وقول لي مستني أيه !!

حرقت قلبـه بحالتها المحزنة وهي تشكو منه إليه :

-رغد بلاش تعملي في روحك كِده كله هيتحل بس أهدي ونتكلمو بالعقل !!

حاول أن يضمها لصدرها ولكنها أعلنت رفضها له صارخة :

-بقول لك متلمسنيش يا هاشم ، أنا بكرهك ، ولعلمـك البيبي اللي جاي ده أنتَ علاقتك بيـه هتكون مجرد اسم في شهادة ميلاد ، لكن أنت مش هتشوفه ولا هتربيه ، أنا هفهمه أن باباه مات من اليوم اللي قتلني فيه .. مش عايز تروح تتجوز روح اتجوز وانسانا ، انسانا واطلع من حياتنا يا هاشم .

حك جدائل شعره متأففًا ومندفعًا بلهجته الصعيديـة :

-يعني أيه اللي عتقوليه ديه !! أنتِ لساتك مرتي واللي في بطنك ديه ولدي ..

حدجته بآهات موجعـة :

-والله !! مراتك !! لسه فاكر ؟! ويا ترى مراتك حبيبتك أم ابنك .. ولا راجع لمراتك اللي تنام في حضنها كام ساعة وتختفي تاني !! قولي !! أنا أيه واحدة فيهم !!

ثم أطلقت ضحكـة ساخرة :

-ماتبصليش كده، الإجابة باينة زي الشمس يا حضرة الظابط .. عايزة أقولك أنسى أنا أه مراتك بس ده في خيالك وبس يا هاشم .. اللي بيني وبينك ابني وبس غير كده أنا مش عايزة أشوفك ، اطلع برة ومتحاولش تكلمني تاني .. عشان كل ما بشوفك بشوف خيبة أملى وكسرة قلبي فيك!! يا خسارة يا هاشم ..

•••••••••••

~القـاهــرة .

-ده بيهددني يا رشيدي !! الولد ده مش سهل وأحنا لازم نقف له !! أنا مش هستنى لما يروح يبلغ عني!!

انفجرت " ناديـة " بجملتها الآخيرة والرعب يتقاذف من عينيها، فتدخل رشدي معاتبًا :

-تقومي تسحبي البلاغ يا ناديه !! ليـه ؟! ليـه تعمـلي كده !! خوفتي من تهديده !!معقولـة !!

فأعقب شريف الذي قطع المسافات على وجهه ليلحق جملة المصائب الغارق فيها كل من أبيه ونادية :

-هو الجدع ده عايـز مننا أيه ولا وقع في طريقنا من أي مصيبة !! على فكرة اللي عملته طنت نادية صح !! ده دماغه داهية وأحنا مش عارفين ممكن يكون بيفكر ازاي دلوقتي!! كده أحنـا كسبنـا وقت .

رفع رشدي أصبعـه مؤيدًا حديث ابنه :

-أحنا لازم نكون سابقين بخـطوة ، ولازم نقفـل في وشـه كل السكك اللي تمكنـه من ليلة !!

توقفت نادية والرعب يتقاذف من ملامحها :

-بتفكر في ايه يا رشدي!!

فأتبع شريف والغضب يتطاير من مُقلتيـه :

-أنا هوديه في ستيـن داهية .. وهفضحهم كلهم .. وهخلي سمعة العزايزة في الأرض .

حرك رشدي أصبع سيجارته مُشيرًا نحو هدفه :

-يبقى الاول لازم يبقى في عقد جواز بينك وبين ليـلة بتاريخ قـديم ، وبناءً عليـه أحنا هننسف اللي اسمه هارون ده من على وش الأرض ….. للأسف هو اللي اختار اللعب مع اللي مش أده .

~بشقـة العـم حسـن .

-تعالــى ألحقي يا هيام ، وشوفي أخوكِ ده بيقول أيه!

فرت " ليلة" من الغرفة لتقتحـم المطبخ الذي تقف به هيام تعد وجبة الفطار لهم ، فتركت عُلبة الحليب المغلفة من يدها تتساءل :

-ماله هارون !! حصل أيه ؟!

تابع هارون خُطاها وهو يقتحم المطبـخ متجاهلًا ثرثرتها ليعد فنجـان قهوتـه ، فوقفت ليلة على مراجـل من نار تشكو لها بنبرة موشكة على البكـاء :

-بيقـول لي أنه مش هيطلقني ، عشان عندكم مفيش طلاق..

أتبع هارون من الجهة الأخرى وهو يحضر قهوته :

-قوليـلها يا هيام مفيش عندينا طلاق .. يكش تهدى .

ردت هيام مغلوبة على أمرها :

-والله يا أخوي لا في عندنا چواز ولا طلاق في حالتك دي..

اتسعت عيني ليـلة :

-يعني أيـه يا هيام !! ده ضحك عليـا واستغلني ، هو ده جزاتي عشان مرضتش أخليه يتحبس ، بليـز قوليـلو يطلقني .

ألقت نظرة حائرة على أخيها الذي وضع قهوته على النار وقالت متحيرة إثر تظرة أخيها القاطعـة :

-مش هو قال لك مفيش طلاق عندينا ..اسمعي الكلام.

زفرت بضـيقٍ :

-لو طبقنا قانونكم بقا وانتِ أهو قولتـي مفيش جواز ، يعني جوازنا باطل يعني أنا أصلا كده مش مراته ، يعني أنا مطلقة !! أنتوا عايزين تجننوني صح !! ما تقول حاجة أنتَ محامي أزاي !!

تدخل هارون بعد ما أعد لها فنجان من القهوة معه وقال ساخرًا :

-أنتِ اللي عاوزة تچنني روحك.

رفعت كفها بوجهه كي تضع له حدًا :

-أنا كلامي مع هيام ، هيام من فضلك قوليلو ملهوش دعوة بيا ولو مطلقنيش أنا هنزل بنفسي ابلغ عنه وأقول أنه خطفني ومضاني بالقوة على ورقة الجواز دي .

تحمحم بحزم وهو يراقب فوران قهوته :

-هيام فهميها معندناش حريم تنزل من غير إذن چوزاتها .. وخليها تلم دورها .

صرخت عليه ليلة :

-هيام أنتِ ساكتة ليه !! ما تتكلمي مع أخوكي ده اللي محدش بيعرف بتفاهم معاه أبدًا.

وجدت هيام نفسها بالمنتصف بين الثنائي لتصيح شاكية :

-بالحال ديه أنتـوا اللي هتچننوني معاكم .. چرالكم أيه !! في أيه يا أخوي ..

ثم انقذها صوت الهاتف :

-يا فرچ الله محمولي بيرن هشوف مين !!

هتف هارون مؤكدًا:

-لو حد من البيت ردي عليه و قوليلو راچعين الليلة .. متزوديش يا هيام .

ركضت هيام من المطبخ فوجدت ليلة بمفردها في مواجـهة الأسد ، اقتربت منه بخطوات سُحلفية :

-أنت بتقول كده عشان بتهزر معايـا وبس ! لكن أنتَ عادي هتطلقني أول ما المشكلة تخلص .

ألقى نظرة على الفقاقيع الصغيرة المحيطة بوجه القهوة ومثلها عينيها المقمرة التي تحدثه بهما ليقول :

-أنا مابحبش الست اللي تچادلني .. قولت مفيش طلاق .. وشيلي الفكرة من راسك .

تمسكت بشعرها مغلولـة :

-بطل بقا الاسلوب الاستفزازي ده !! فهمني ليه مش عايز تطلقني يعني؟! أيه غير رأيك من امبارح للنهـاردة!

دنى منها آخر خطوة فاصلة بينهما ليقول بخفوت وعينيه تنيرين صدرها :

-اكتشفت أن ‏في حاچات كِدِه اتخلقت مع الحياة عشان تحيينا معاها ، شمس هوا ميـه .. حضنك مثلًا .

بللت حلقها :

-أنتَ مجاوبتش على فكرة !! ليه مش عايزة تطلقني!

تدلت جفونه لمستواها متهامسًا :

-عچبتني النـومة في حضنك ..

اهتزت أمامه باضطرابٍ:

-حضن مين !! حضني أنا عجبك !!

اسلوبها الطفولي أشعل لهيب العشق بقلب رجل يتوق لفض غشاء البراءة عن وجهها وليحولها من طفلة مدللة لأنثى مجرمـة في ساحة حـبه ، مط شفته وهو يطوق خصرها بلهفة هادئة :

-ولساتك كمان قايـلة أن حضني طلع حنيـن وو

أومأت بتيه في سماء قربه :

-زي حضن بابا بالظبط…

-أديكي قولتيـها ، يبقى ليه نطلقـوا ؟!

-وليه ما نطلقش ؟!

روض ثغرها على رائحة القُبـل وهو يعلنـها صراحة :

-عشان نويت من الحضن ديه مش هخلف غيـر عيالي ..

فتاة لا تعرف الكثير عن الحب ، مصدرها الوحيد كان أفلام أبيض وأسود ، لِمَ لم يخبرها أحد من قبل بأنه عبارة عن دينامو كهربي يتوصل بأطراف القلب ليمد الجسد بأكمله بطاقات عجيبـة، عاد لها رشدها فجاة وهي تتحرر من يده مع ضربة قوية على صدره وتتهمه قائلة :

-على فكرة أنتَ طلعت قليل الأدب .. عيب اللي أنت بتقـوله ده .

فارت قهوته وفرت قطته من بين يده ، فلم يطل بلح البُن ولا عنب الحُب .. قفل المقود مناديًا على أخته:

-تعالي يا هيام ألحقي…..

تحرك متبعًا خُطى ليلة نحو الغرفة التي توارت بالحمام وصفعت الباب خلفها بقوة ، تمتم لنفسه :

-وماله !! خبطي ورزعي براحتك هو مال أبونا ..

ثم التفت لرنيـن هاتفه ، فكان من أخد الخفر اعينه الخفية بالمجلس ليخبره قائلًا:

-ألحق يا عُمـدة ؛ الست زينة چات المچلس واشتكت عليـك وقالت أنك لامؤاخذة لايفـة عليك بت من بتوع بحـري …..البلد قايدة حريقة يا عمدة لازمًا تاچي.

-دعنا نترك العالم برُمته جنبًا ونحيا معًا بالجانب الآخر منه ، عالمنـا .. أنتَ وأنـا ونجوم الليـل ضيوفنا .

•••••••••••

يأتي وقت على المـرء يفتقد فيه نسختـه القديمة من نفسهِ رُغم أنها كانت حمقاء وأكثر غباءً ولكنها كانت أكثرَ سعادة .. أكثـر راحـة ، ينام ليـلهِ خالٍ البال ..

تكورت أصابع قدم " نغم " وهي تراقب مائدة الطعام الصغيرة التي أحضرتهـا زوجة عمهـا ، وجلست بجوارها تربت على كتفها :

-ليكِ يومين مدوقتيش الزاد يا بتي ، استهدي بالله ومدى يـدك ، يلا بسم اللهِ..

هزت رأسهـا بالنفي والحزن يعُم على جسدها :

-ما قادراش يا مراة عـم ، ماليش نفس ..

-يابتي خسيتي وشكلك بقي يحزن !! عمك كل هبابة يسأل عليـكِ وأنا عقـوله نايمـة وسيبهـا ترتاح هبابـة ، بس بحالتك دي هنركبولك محاليـل..

ثم مدت السيدة ذات الرداء الأسود والزي الصعيدي الأصلـي لتشق الفطيرة لنصفين :

-خدي ، سمـي الله وكُلي لقمـة ومتفكريش في حاچة ، عمـك مش هيسيب حقك وهيطلعـوا من عنيـن العزايزة ..

بللت حلقها الذي يجري به لعاب الصبار :

-أنا اللي قليـلة بخت يا مراة عم ، العزايزة ملهمش دخـل .. كله هيبقى زين ..

ربتت على كتفهـا بتوسل:

-ورحمة الغاليين عنـدك كُلي ، يلا يا بتي ريحي قلبـي متشيلنيـش هَمك ..

مدت كفها المرتعش لتتناول منها قطعة الخبز التي يتقطر منها الزبـد وما رفعتها لمستوى ثغرها وقطمت قطعة بحجم شق التمـرة ، ففوجئت بقـدم قوية ترفس الباب دون احترام لحرمتها ليظهر منهـا شابًا في السابعـة والثلاثين من العمر ذو ملامح حادة يعترك مع الهواء الذي يتسلل لصدره ، يرتدي جلباب صعيدي باللون الأسود ويزأر بصوته الأجش :

-مش كُنا فضناها السيرة العِكرة دي !!

انتفضت أمه ونغم من مكانها ، ولم يمهل الفرصة لأحـد أن يعارضه فأتبع وهو يرفع قدمه على طرف الفراش الذي ترقد فوقه نغم ويخرج دخان الغضب من معالمه :

-أنتِ أيه رچعك !! مش اشتريتي ناس أمك ومشيتي !! مش بعتي ناسك واخترتي صالح الطحاوي !! اسمعي .. أنا بت عمي ماتت من زمان ، بيتنا مش مفتوح لك بكيفك ، روحي للي بدتيهم عنينـا ، مالكيش عيش في بيتنـا ..

فزعت أمه كالملدوغة من مرقدها :

-عتقول أيه يا فارس يا ولدي .. وحد الله مش كِده !! هنرموا بت عمك في الشارع ..

جهر بوجه أمه :

-نرموها للي اختارتهم زمان .. دي ملهاش عيش في بيت أبوي .. دي واحدة نچسـة وملهاش خير فـ حد ..

ثم زاح أمـه من أمـامه وهجم على ذراع نغـم التي تتلقى خبر طردها من بيت أبيها وجدها بصدمة لا توصف .. سحبها بعنفوان وقدميهـا تتمسح بالأرض محاولة التملص من قبضته ، اندلعت أمه بصرخات النواح والاستغاثة … وما وصل لعتبة غرفتها رماها كقطعة القماش الباليـة :

-تروحي ترچعي لولاد خليـفة عشان يوم ما أچيب رشاشي وأفجره فيهم هتكوني أول واحدة هخلص منيها ..

استندت " نغم " على السور الخشبي المحيط بالطابق وهي تستجمع قوتها أمامه متغاضية عن آلامها النفسية والجسدية :

-أنا مش قاعدة في بيت أبو حد يا فارس ، ديـه بيتـي وبيت أبوي ، غصبٍ عنك وعن اللي ينكر الحديت ديه ..

رج صوته أرجاء البيت موبخًا ورزاز الانفعال يندلع من شدقه وهو يخرج سلاحه من سترته :

-حق أبوكي أنتِ اتنازلتي عنه واخترتي ورث أمك وبقيتي تابعة لجهل العزايزة ، أنتِ مالكيش حق عنـدي .. الحق الوحيد اللي بينا دمك … ديه وعدي ليكِ آخر مرة لو شوفتك راچعة هِنه هقتلك يا نغم ..

وجهت فوهـة السلاح على رأسها وهي لا تخشاه وتقول بحرقة تأكل كل إنشًا بجسدها لتنفجر صارخـة :

-تبقى ريحتني من الدِنيـا كُلهـا يا وِلد عمي ، أنا قِصادك أهو دوس على زنادك وخلصني عقول لك … لكن أنا مش هسيب بيت أبوي .

فتح الباب المجاور لغرفة نغم لتظهر منه فتاة صاحبـة السبع سنوات من عُمرها وهي تركض نحو أبيها مفزوعـة :

-في أيه يا بوي .. أنا خايفة قوي ، عتصرخ ليـه !!

خفى سلاحه عن ابنته التي فقدت أمهـا منذ ولادتها وانحني ليحملها معتذرًا عن الصخب الذي أحـدثـه لها وهو يعود بها للغـرفة :

-حبيبـة قلب أبوهـا .. تعالي تعالي متخافيش أنا چارك ..

اندفعت السيدة زُبيدة لعندها وهي تأخذها في حضنها وتربت على كتف نغم التي ترتجف من الخوف :

-حقك عليّ يا بتي ، متزعليش من فارس ولدي ، هو إكده من يوم ما ماتت مرته وهو عصبي وطايح في الكُل ، لما يچي عمك أنا هقوله وهو اللي هيقف له .. تزعليش ياحبيبتي .. تعالي تعالي چوه …

•••••••••••••••

~القـاهـرة .

قد يحـدث أن يخونك الشـعور الذي يملأك ويخرج من عينِيك ، لأن داخِلك لم يِعُد يتسعه .. كانت تمرر قطرات الماء الباردة على وجهها وهي تردد حروف كلماته بعدم تصديق :

-بيقـول لي حضني عجبه !! هو قصده أيه يعني أنه بيحبني !! ولا بيعاكس ولا قصده حاجات عيب متصحش !!

ثم غرقت وجهها بالماء البارد مرة ثانيـة وهي تنتفض وتوعي نفسها :

-طيب أنا متوترة ليه !! أنا مش عايزة أشوفه خلاص .. وجوده متوترني .. وبعدين بقا !! ليـلة خلاص أجمدي ولازم تاخـدي موقـف منـه ، لو كلمني نص كلمـة مش هرد ، ومفيش حاجة اسمها ينام جمبي دي !! أصلًا عيب وهو بيلمح لحاجات غريبة ..

ثم تنهدت بارتباك طاح بقوتها :

-بس هو قصده أيه بأنه مش هيخلف ولاد غير من حضني !! هو ناوي على أيه بجد !!

فضربت الأرض بقدميها المتوترة :

-خلاص بقا ، المرة دي بجد ولازم أخد منه موقف وأوقفـه عنـد حده .. أنا هتجاهله كأنه مش موجود ..

رفعت كُمها ليمر فوق ملامحهـا كي تُجفف قطرات الماء ، فارتسمت البسمـة بتلقائية على وجهه عندما اخترقت أنفاسه المندسة بملابسها لصميم صدرها ، فذابت في عِطره وهي تقول لنفسها بإعجاب شديد:

-البرفيوم بتاعه يجنن !! اف ليلة خلاص بقا .. مش هنكلمـه قرار نهائي .

فتحت الباب ببطء شديد وهي تمد أنظاره لتُفتش عنه ، فوجدته واقفًا أمام الأريكة يخرج ملابسـه من الحقائب التي ابتاعها ، سارت بهدوء متجاهلة وجـوده متجهة نحو حقيبتها المغلقـة لتعـد ملابسها لأخذ حمامها الصباحي .. نادى هارون عليـها :

-ليـلة …

قفلت جفونها بصعوبة وهي تتمتم سرًا :

-مترديش .. مش هرد لا..

فكرر النداء مرة آخرى بنبرة أحـد :

-ليــلة … !!

زفرت بضعف وهي تحاول الثبات على مبدئهـا لتقول بتمرد وهي تدور إليـه :

-مش بكلمك ..

تلقى تمرّدها بابتسامة مسايسة فلم يلتفت إليه بل خاض في خضم الموضوع وهو يعرض أمامها قميصين بلونين مختلفين :

-قوليلي القميص الأسـود ولا الأزرق !!

تأرجحت عينيهـا باهتمام لتقول بتلقائية :

-الأسود طبعًا ، الأسود أصلًا يجنن عليـك .

تمددت ابتسامتـه وهو يلقى القطعتين على الفراش ويلتفت إليها ، أدركت خطأها للتو فزفرت بضيق من نفسها ومن ضعفهـا أمامها ، تراجعت خطوتين فتقدم نحوها ثلاثـة وهو يحك أنفـه متسائلًا :

-قوليـلي .. بالحق هو حكمت بتاعك ديه عمل أيه !!

عقدت ذراعيها وراء ظهرها وهي ترتطم بالحائط وتتأمله برعبٍ :

-حكمت ميـن !! معرفش حد بالاسم ده ..

تحمحم بفتـور وهو يسند كفه بقُرب رأسهـا :

-التمثال اللي حطينا عنده خواتمنا واتنشلت وفضلتي تقولي آساطيـر وبتـاع وو

ارتاحت معالم وجهها المشدودة وهي تستقبله بحمـاس :

-آآه ساكمت .. أسطورة ساكمت ،مالهـا ..؟!أحنـا كُنا بنلعـب ونهزر سوا وو

أفصح عن حُبـه بطريقـة عفـويـة :

-لعب وهزار أيه بس !! من يومها وأنا مش على بعضي !! ديه لو سحر قوليلي أخلي الشيخ هلال يرقينـي ونفكوه لكن حالتي دي معچبانيش .

ظلت تعض في شفتـها السُفليـة بتوتر والصمت يعقد سحابتـه فوقهمـا ، فأردف متعجبًا :

-ساكتة ليه !!

-بحاول أفهم كلامك بس..

-طب وفهمتي ؟!

هزت رأسهـا ببلاهة ومازالت مُعلقـة بطيف عينيه اللامع :

-تؤ مفهمتش حاجـة ..خالص .

رفع حاجبه متعجبًا وهو يسند كفه الأخر فوق الحائط بقُرب خصرها لتقـع كُلها تحت حِصاره ، تنفس بهدوء :

-هفهمـك !!

بللت حلقها الذي جف من شدة الارتباك :

-يــاريت .. بس أنتَ مقرب جامد كده ليه !! أنا متوترة على فكرة .

-ماهو الكلام اللي هيتقال مش هينفع يتقال غير وأنتِ تحت يدي !!

أحمر وجهها من شدة الخجل :

-هارون بيـه !! اتكلم على طول بلاش تلعب بأعصابي .. عايز تقول أيـه ؟

هز رأسه وهو يزن وقع الكلمة بتعجب :

-هارون بيه !! المهم أنتِ لمـا شربتي من قهوتي في الليلة أياها ، كان ليه ؟!

أطلقت ضحكة طفوليـة لتعترف :

-عشان تجري ورايا .. بس كنت بهزر آكيـد مفيش الكلام ده يعني وو

-ليـه مفيش !! ماهو حصل … حصل وسبت الدِنيـا كُلها وچريت وراكي .. السر فيكي ولا فيهم !! سحرتيني ولا سحرتيلـي!!

كانت أمواج الحُب رقيقة ، أسدل أنامـله على أطراف شعرها وهي يتنفس قُربها الطاغي والذائب به وأتبـع :

-هاه !! عملتي أيه في قلبي الصخر عشان يليـن لك !! هوى الحريم عمره ما كان كيفي .. بس بيـكِ هويت الحُب وذُله .

لم يبقى لديها شيء سوى الصمت وهي ترى كلماته وتسمع أعيـنه التي تتجرد أمامها ، شعور مُهيـب ، شعور حارق أن يقف أمامك رجل مثير مثله مُعلنًا رضوخه وخضوعه لقلب إمراة هشة مثلها .. ارتفع صدرها بتنهيدة عاليـة متشوقة لسماع المزيد منه ، المزيد الذي سيقف به قلبها ذات كلمـة ، أتبع هارون والعرق يتصبب من جبهته :

-عمر يدي ما لمست واحدة مش حلالي .. ولا عمر قلبي مال لواحدة واتمنى تقاسمه فرشته غيرك ، لكني چيت عندك واتبدلـت ، شوفتك بتي اللي لساتني مخلفتهاش .. أنتِ چيتي من أي أرض أنت وحُبك اللي مزلزل صدري ديه !!

ثـم يدفأ قلب المحب ذات اعتراف لا شيء يبقى باردًا للأبد ؛ خرت دمعة من عينيها وهي تكذب مسامعها لكن لم يكذب قلبها أحساسه ، اهتزت شفتها بلهفة :

-هارون ، أنتَ قولت أيه ..

استند بمعصميه على الحائط خلفها ليبتر ساق الهواء الفاصل بينهما وأكمل:

-قولت أنك لو مستعچلتيش و مچتيش وقولتيها ، كنت هاچي وأقولها أنا ، هاچى وأخدك غصب عنك ..

ثم تلعثمت الكلمات وهو يخرجها :

-كنت هقولك أنتِ البت اللي أحلام كلمتني عنيها كتير ، لما قالت لي مسيرك تقابل واحدة من كتر خوفك عليها هتكون عاوز تدفنها چواة قلبك ..

ثم ضم خصرها بغتـة ليدخلها بين ضلوعه المرتعدة شاهقـة وهو يعترف لها وعرق التتوق إليها يتقطر من جبهته :

-تعالى اسمعي وحسي بنفسك ، شوفي حال قلبي والدوشة اللي أنتِ عاملاها ، اسمعي صوته وكد أيه عويـل من غيرك ، حسي النار القايدة جواي ومش عارف أطفيها !!

ثم سرق كفها ووضعه فوق قلبـه الصاخب :

-شوفي وصلتيه لأيه !! حتة الصخرة اللي چوة صدري بقيت طير اتجنن بيتخبط في قفصه عاوز يتحرر بين يدك .

كادت أن تنطق من بين معالم وجهها المنتفض من كثرة البكاء ، فألجمها معترفًا :

-بعت عمري والدِنيـا كلها واشتريت ساعة في حضنك ..

ثم تنهد ليخرج دخان احتراقه :

-مش عارف ألومك ولا ألوم قلبي اللي سايرك .. بس للأمانة مش قلبي وحده اللي سايرك دي كل حتة چواي اتفقت عليكِ ..

من حسن الحظ أن تكون مطرًا وتنهمر على قلب خصبٍ لينمو بهِ كُل شيء ، كانت كالطير الذبيح تنتفض بحضنه ، نجح في تحريك كل ساكن بجسدها الضعيف ، قوتها لم تكن كافيـة لتواجه بركان الحُب الثائر أمامها ، كادت أن تتفوه فأخرسها وهو يبتلع ملامحها معترفًا وهو يشير نحو قلبها:

-السيف اللي اضرب هنِه هو نفسه اضرب چواي وما باليد حيـلة يا بت الناس ..

ثم بلل حلقه فتحركت تفاحة آدم :

-ليـلة أنا عاشقـك ..

اندفعت ببلاهة من هول اعترافه الذي أحدث ربكـة عظمى بكيانها :

-أحلف كده .

-وحياة عيونك الحلوة دي ، عاشـقك .

قال جملتـه وهو ينتوي إثبات ملكيتها ، ليطبع أول قُبلة ببوابـة قلبها .. بجفون مقفوله لأن قلبه يشفق على كونها حبيبته ، من فرط برائتها .. فكيف يمكن للنار أن تقترب من قطة برقتها !! لم تمهله الفرصة من شدة توترها بل فرت من حضنه بخوف وهي تتحاشى قربه ، ابتلع قُبلته بصدره بتنهيدة مسموعة وهي تحدثه بصوت متهدج :

-يعني أنتَ بتحبني بجـد!

-بعد كل اللي اتقال ديه ؛ عتسألي !!

اهتزت أمامه :

-مش مصدقة بس !!

-بكرة الأيام هتثبت لك ..

دمدمت بتوتر :

-طيب ليه أنكرت لما جيت لك !! ليه مطمنتش قلبي !! ليه طلعتني موهومة وو ، هنت عليـك تمشيني من عندك وقلبي مكسور ..

ثم مسحت على وجهها المحمر من شدة التوتر وعادت لتسأله من جديد :

-قول كده تاني الكلام اللي قولتـه !! أصله كان كلام كتير كده وانا تهت منك في النص وو

‏تائه في فنٍ حبها العظيم ، تائه في تفاصيل المثيرة لجوارحه ؛ جذبها من خصرها بكفوفه عنوة :

-ايـه اللي مسمعتهوش ، أنا قلت أني عاشقك يا ليـلة ، وصخري لااان على يدك ، وأني عاوز أقضي باقي عمري كله معاكِ !!

ترجته بأنفاس متقطعه وهي تلملم مشاعرها المبعثرة في حقل حبه:

-خلاص كفاية ما تقولش حاجة تاني ، خلاص والله قلبي هيقف .

-مايقدرش يقف وأنا موچود ..

-ليـه !!

-عشان هنعشـه ..

-أزاي !!

أطبق على شفتيـها ليمارس دوره كما يجب أن يكون في مشفى الحُب ، ملكها ، وامتلك حركتها ، اعتصر شفتيـها بين فكيه من شدة الشـوق ، ضغط على خصرها براحة يده القويـة كأنه يحفزها أن تتجرأ ويحفز قلبـه على عادة لمسها بحرية ، أن تقترب منه أكثر ، تتنفسـه ويتنفسها ، تمرح على أرضـه ، ثبت أقدامها بمشطي أقدامه كأنه يُجبرها أن تطيـل البقاء لا تهرب كعادتها ، صب نهر حبه بشدقه ليبلل قلبها الجاف ، ضمها أكثر فأكثـر ليجذبها لقصر حبه ، تعالى ، اقتحمي حصون قصـري الذي ساكتشفه معك للتـو ..

أحدثت قبلتـه في قلبها صدى رهيبًا ، مربكًا ، قاتلًا لبراءتها التي لم يقترب منها أحد من قبـل ، ظلت ذبذبات قبلته تتردد بداخلها وبأصابع يدها المرتجفـة ، تئن بصرخات مكتومة لأنها أضعف من أن تتحمل سطوته العاتيـة ، قبلـة تساوي عمره الضائع ، أنعشت قلوبهما من جديد وفتحت لهم بوابات الحياة ، تحررت من حضنه بمعاناة وهي تحاول أن تستوعب تصرفه الجنوني ، أغرورقت العبرات بعينيها وملأ الخوف والحب قلبها ، خيم الحياء على معالمها ، فأردفت بتوجس تحت تأثير مخدر قبلتـه الساحر التي لا تختلف عن قُبلة منامها :

-أحيــه !! أنتَ عملت أيه !!

برقت عينيـه بذهول وهو يسترد أنفاسه المكتومة ، ففاجأته بضربة قوية من قبضة يدها على صدره وهي تعلن تجديد حبه بقلبها بعتب ، بتمـرد :

-بكرهك .

قبض على معصمها والابتسامة تشـق أساريره :

-ولا تقدري ، ألعبي غيرها ….

أدق ما كتب أنسي الحاج لوصف حالة الأنثى العاشقة :

"أنتِ أجمل من العالم لأنكِ تبتسمين تحتَ جفوني تحتلين الحاضر

تكتشفين فيّ نورًاويمشي مصيري بين نظراتكِ مشيَ الغيوم حولَ القمر ".

•••••••••••••

~مرسى علـم .

صوت زجاج مهشم ارتطم بالأرض فتناثـر فتـاتـه في ربوع المكان وكأنه إشارة لما ينتظر أبطالنا في المستقبل ، بعد ما دفع مازن الكرة فاصطدمت بالزجاج أثناء لعبـه المتهامس مع رؤوف كي لا يزعجنا أمه النائمـة والتي نهضت مفزوعـة إثـر رؤيتها لكابوس ختمته بصوت الزجاج .. هرولت بشعرها المبعثـر لخارج الغرفة وهي تنـادي على ابنهـا :

-مـازن !!!!!!

فوجدته أمامها واقفًا على أحد المقاعد وهو يطمئنها :

-متقلقيش ياما أنا زين ، عمي رؤوف هو اللي كسر القزاز !!مش كِده

رمقه رؤوف بتـوعد وهو يحمل المكنسة اليدوية :

-ولاه أنتَ مش چدع !! أمـك أجدع منــ

ثم دار ليرى شعرها المطوى والمحرر والذي ينعكس فيه ضوء المصباح من شدة لمعانـه ليبتلع بقية كلماته متأوهًا :

-وأحلى منك كمان !!

رفعت كفها عن صدرها بتنهد :

-حرام عليكم والله !! أنا لو كُل يوم هصحى على الفزعة دي هموت منكم ..

هرول نافيًا :

-بعد الشر عنك .. شالله أنا وأنتِ لا ..

اقتربت من صغيرها وقبلت كفوفه لتملأ رئتها بعطر قربه :

-مازن حبيبي أنتَ زين !!

ثم مسحت على وجهه المُلطخ بالحلوى والشكولا :

-وايـه الوش ديه !!

أشار الطفل نحو رؤوف:

-عمي رؤوف هو اللي وكلني حلاوة كتير !!

عض رؤوف على شفته متوعدًا :

-ولاه لِم دورك معاي !! دانا خفيت منه الحلاوة يا نچاة .. والنعمة لاربيك !!

ظلت تمسح في كفوف صغيرها بعتب :

-حرام عليك يا مازن ..

فلم تجد حلًا سوى حمله وهي تقول:

-أنتَ تنزل تحت الدُش بشكلك ديه !!

فنظرت لرؤوف:

-رؤوف هلمها أنا متتعبش روحك ، هوديه بس الحمام يسبح .

تنهـد رؤوف بتوعد لمازن في ظهر أمه :

-خليك فاكر أنتَ اللي بدأت وغلاوة أمك هوريك ..

غمز له مازن مترجيًا أن يفوتها لأجل خاطره فأتبع رؤوف :

-دِلوق فاكر أننا صحاب !!انسى .

أدخلته نجاة الحمام وساعدته في نزع ملابسه في تلك اللحظة لملم رؤوف الزجاج المهشـم بالأرض ، فتحت الصنبور لصغيرها وطلبت منه أن يبقى تحت الماء حتى تحضر ملابسه وتعود إليه خرجت من المرحاض بعد ما قفلت الباب معتذرة :

-أسفة يا رؤوف على اللي عمله مازن بس ملكش حق تلعبوا كورة فـ البيت !! مفيش لعب كورة تاني ..

تاه في سحر جمالها الطبيعـي وهي تقف أمامه بهيئتها القاتلـة لفؤاده المُتيـم .. تسلقت أنامله جدار عنقها وهو يغازلها بشوق :

-وبعدهالك !! هترضى عني ميتى !

ابتعدت عنه كالملدوغة بماس كهربي :

-رؤوف يدك .. مازن .

تأفف بحرارة شوقه المدفـون متسائلًا :

-المفروض هصبر لميتي !! قوليلي يوم ، أسبوع ، سنة .. حددي معاد عشان أقعد أعد نجوم الليل لغاية ما يچي ..

تمتمت بهمس وهي توقفه بنظراتها المحرجة :

-رؤوف !!

اقتحم المسافة الفاصلة بينهمـا وهو يحاصرها بأحد الزواية قائلًا :

-الليلة تنومي مازن من المغرب ..

-ليــه !!

تلعثم لسانه بنفاذ صبـر وهو يقول مداعبًا ويده تتنقل فوق ملامح وجهها :

-هو أيه اللي ليه !! ياستي ناوي ألعب ماتش كورة مع أمه ، يكشي نچيبوا چون ويچي لمازن أخت ولا أخ يونسوه ..

ما ذابت في حصن عشقه ففاقت على نداء مازن الذي اخترق الصابون عينيـه باكيًا:

-يامـا تعالى ألحقيني …..

تنهد رؤوف بعد ما فاض صبره :

-الصبر يا صاحب الصـبر .

•••••••••••

~القاهـرة .

""‏تخيّل أن يكِنّ لك أحدهم حُبًّا كَالذي في قلبِك ، تخيّل أن يُلقيك القدر بقلبٍ يُشبهك ""

عودة لعصافـير الحُب ؛ عمت أجواء خاصـة ، علقت أجنحة اعترافه لترفرف أمامه كفراشـة تلونت بأزهى ألوان الحيـاة ، تحوم حوله بوجه خجـول يملأه الابتسامات ثم ـه فرار أرنب كي تتجنب الخُطى التي تجمعهما ، بين كل دقيقة والآخرى تضع أناملها على شِدقها لتتذوق حلاوة قبلته المسروقة ، شعور لاذع كالليمون ، حامض ، لذيذ .. تأبى المزيد منه لتذكر حقيقة كونه حارًا أم باردًا أم شعور دافئ تود التماس المزيد منه.. تتأكد من مذاق قطعة السُكر التي وضعهَا القدر في كأس أَيامِها المُرة ، ألقت نحوه نظرة معجبة بالمرآة التي تتزن أمامها

لقد كان غريبًا مألوفًا كأبطال الروايات ، تتهافت عليه القلوب ويمطر الحب فوقه من كل من يقرأه ، يحمل مفاتيح الأفئدة ويفتحها على مصراعيها ويدخل من أي باب شاء ، يشبه حنين الغروب وسكينة الليل ونور الفجر ، يشبه قهوة الليل في ليلة ملبدة بالغيوم والمطر .. لتقـول بهدوء وهو يرتدي سترته الشتوية :

-الطقم قـمر أوي عليـك !! يجنن .

بنظرته التي انغمست في سائل الحُب وهو يفصح بها معلنًا ‏عن صوت قلبه الذي أتى إليها بما أتَسعت مخيلتي .. واللحنُ غنوة ترنمها أعينهما ، هذا هو صوت قلبي .. ولكَ ما شِئت من عزف البداية والنهاية معًا ، تحمحم بخفوت :

-بتعاكس !!

تركت الفرشاة من يدها :

-دي مجاملة لطيفـة ! متفهمش غلط.

تنهد بارتياح وهو يرمى عبلة السجائر بالسلة ، فلم يعد بحاجة لها بوجودها وقال معاتبًا :

-عينك من الصُبح هربانة ليه !!

توتر بخجل :

-عشان مش بكلمك .. مخاصماك .

-قمـر والله ..

دنى منها بهمـل وهو يخبرها :

-وموضوع مخاصماني ديه هنشـوفوه فـ العربيـة ، يلا عشان متتأخريش على تصويرك .

اتسعت عينيـها بدهشة :

-أنتَ عرفت أزاي أنهم عايزيني عشان أصور ..

-منا اللي قايـلهم ..

ثم ابتلع اعترافه :

-قصدي كلموكي على محمولك ، مردتيش كلموني !!

عقدت حاجبيها بتعجبٍ :

-وهما عرفوا أزاي أننا مع بعض !! وكمان عرفوا رقمك أزاي ؟!

لكت كلمات الكذب بفمه وهو يقول بنفاذ صبر :

-أنتِ بتتذاكي في حاچات غريبة ، وفـ المهم بتضربي ورقة بفرة .

-هارون بلاش كلام مش مفهوم !! كلمني زي ما بكلمك .. بليز.

تأرجح حاجبيه :

-ماهو مفيش وقت للحديت .

ثم مد كفه إليها :

-يلا عشـان منتأخروش ..

وضعت كفها بداخل كفه الممتد لهـا بطاعة وشعور الملكيـة غمـر قلبها ، فما خطت خطـوة ثم توقفت قائلة بقلق :

-هارون استنى …

وقف أمامها هيئته الجذابـة والساحرة لأي فتاة تقع عينيه عليه ، رجل اجتمعت فيه خِصال الرجال كما يجب أن يكون :

-متخافيش من حاچة وأنا معاكي ، هتطلعي قدام الكاميـرا ومتعمليش حساب لحـد ، زي ما اتفقنـا .. رزع الاستديو بكاميراته.

جلى حلقها بتوتر :

-استنى بس ، بشويش عليـا ..

ثم ملأت صدرها بالهواء ، بعطره تحديدًا :

-أنتَ بتحبنـي بجد ، يعني أد أيه مثلًا ؟!. أوف ؛ معلش استحملني والله بس أنا حاسة بحاجات غريبة كده ، مش مصدقـة ، قصدي أول مرة حد يعترف أنه حبني !! لالا هما اللي حبوني كتير أوي ، بس دي أول مرة يحبني اللي بحبـه !! أنتَ فاهم ؟!

كانت معاناته الحقيقية براءتها ، قاتلة مجرمة ، مهلكة لرجولتـه ، عقد حاجبيه ممازحًا كي يخرجها من حالة الارتباك التي تجتاحها :

-الراجل اللي هيفكر يبص لك بس ، أنا همحيـه من على وش الأرض .. واتعدلي .

أصابها غرور حبه وهي تقول بفرحة:

-كده هتخلص على كل الرجالة ..

-ما هو بسببك ..

مسكت كفوفه بحُرية :

-نتكلم بجد !! أنا عايزة وعد ..

كان كفيها كقطعتين من القطن بيده:

-أنتَ تأمري وأنا أنفذ ..

حاورت عينيـه:

-تحبني لآخر عمرك ..

-مفيش مفر ..

ليلة بتضرع:

-عمرك ما هتزعلني !!

-أموت قبلها ..

-لا بعد الشر عليك طبعًا .. بس حبني على طول ، وكل يوم وكل ساعة ، عوض قلبي عن كل اللي فاته .. هارون أنتَ بقيت كُل حاجة بالنسبـة لي .. مش عايزة حاجة تخوفني تاني ..

لمس وجنتها برفق :

-وأنا مش عاوز مراة هارون العزايزي تخاف من حاچة في الدِنيا كلها ، خبطي ورزعي في اللي ميعجبكيش وتعالى إداري في حضني .

-أنت ازاي كده!!!!!

رفرف قلبه من طاقة أمانـه التي سلطها عليها، فقالت بصوت متهدج :

-آخر سؤال أنت حبتني عشان أنا ليلة ولا عشان ساكمت هو عمل كده والأسطورة اتحققت !!

ضحك بخفـوت وهو يقر معترفًا :

-أنا حبيتك عشان ديه قدري ومكتوبي من قبل ما أجي الدنيـا دي ياليـلة .. الحُب قـدر .. وأنتِ قدري .

تنهدت بارتياح ولا تعرف ماذا ستقوله أمامه حبه العاصف ، فدمدمت بعفوية:

-أنا قولت لك أن شكلك حلو والطقم حلو !!

ضم رأسها صدره وطبع قُبلة خفيفة فوق رأسها وهو يسحبها للخارج والسعادة ترفرف بأجنحتها فوقهما ، مسك كفها قبل ما يفتح الباب ، فألقتى بأخته الجالسة أمام التلفاز وما رأته فزعت من مكانها برهبة ..ترك يد ليلة ثم اقترب من أخته وقَبـل رأسها بحنان :

-لِمي حاجاتك عشان هنرچعوا العزايزة الليلة..في بهايم طايحة في البلد عاوزة تتربى .. مش هتأخر عليكي ولو عوزتي حاجة تطلبيها بالتليفون الأرقام كلها عندك .

بنبرة مذعورة قالت :

-هارون أبوك عاوزك ضروري ..

-هكلمه… بس قوليلي وشك ماله .. مش عاچبني .. ما عتاكليش!!

هبت معترفة على الفور :

-هقولك بس متزعلش مني يا هارون ، دكتور عمار اتصل يطمن على ليلـة ، وفضل يرغي في أي حديت كِده ملهوش علاقة ببعضه بيچر رچلي ، بس أنا طلعت أذكى منه وو خفت وقفلت في وشه السِكة !! هو هيتسلى ولا أيه !! بص خد كلمه قوله مايتصلش بي تاني …عرفه أن وراي رچالة يا هارون .

تراقصت نظرات ليلة وهارون لبعضهم ، فقل عين وفتح الآخرى قائلًا بتوعد مطوى بالخبث لرائحة الإعجاب التي تفوح من عيني أخته :

-داكتور عمار !! وماله .. نربوه هو كمان ..هي چات عليه.

هبت ملهوفة :

-هتقتله !!

-ليه أخوكي قتال قتلى !!

ثم تحمحم بحماس:

-يلا يا ليـلة …. يالا… نامي يا هيـام الله يهدي أمك .

سحب ليـلة من كفها وغادر الثنائي الشقة وترك الحيرة برأس أخته ، أمام المصعد مالت ليلة على مسامعه مُقرة :

-على فكرة دكتور عمار شكله معجب بهيام وهي متلخبطة..

فتح باب المصعد كي تدخل أولًا وهو يقول بثقة :

-منا عارف وقاريـه من يوم ما خش بيتنا ..

ثم ضغط على الزر :

-لولا أنه محترم وأبوه غالي عليّ كان زماني معلقه في زقلة .

تأرجحت عينيها بعدم فهم :

-مش سهل أنتَ بردو .. بس يعني ايه زقلة؟!

-هوريهالك لما نرچعوا .

ما فُتح باب المصعد فهبت مقترحة :

-أيه رأيـك نزور مامي بعد تصوير الحلقة ونشرحلها سوء التفاهم اللي حصل!!!!!

فتح سيارته بالريموت الالكتروني وبنبرة حاسمة قال :

-ليلة ؛ متفكريش غير في حلقتك وبس .. اركبي .

ما استقل الثنائي السيارة ، نزع هارون نظارته الشمسية وهو يطلب منها:

-عاوزك توصليني بمراة هاشم أخوي ، عشان ناوي أكسر نفوخه على عملته المهببة دي …..

•••••••••••••

~العـزايـزة .

ببيت جدة جميـلة ؛ والتي تُعد أذكى الأطعمة الفواحـة لعريس حفيدتها الذي سيأتي المسـا برفقة أهله لقراءة فاتحتهـا.. اتبعت" جميلة " رائحة الطعام المنتشرة في ربوع البيت وهي تهلل :

-يا سنيـة متتعبيش روحك قولت لك !

قلبت الحساء بالمطرقة الخشبية :

-ولو متعبتش لچميلة حفيدتي هتعب لمين !! ديه يوم المنى يابتي ..

تنهدت جميلة بضيقة:

-عاوزة أريحك يا سنيـة وبعدين أنا قلبي مش مطمن .. حساها زي كل مرة.

-ليه يابتي ، الواد شكله زين ومتربي ، وكمان أنتِ قعدتي معاه وقولتي أمين ..

بثت شكواها لجدتها:

-قولت أمين ، وبيقبوا هيتهوسوا عشان أوافق عليهم ، يچوا يوم قراية الفاتحة ويختفـوا .. ملبوسة أنا يا سنية !!

-لا أنتِ زي الفل .. بس أنا قلبي متفائل خير المرة دي..واكيد خير.

رفعت أصبعها لتعقد اتفاقها معها:

-العريس ديه لو طفش هو كمان انا هقفل باب الچواز دي بضبة ومفتاح ، اتفقنا يا سنيـة.. مش عاوزة اسمع قول وعيد في الحوار ديه .

تمتمت سنيـة مع نفسها:

-يارب لا متكسرش خاطرها يارب .. ريح قلبها ويكون ديه العريس اللي فيه الخير يا رب .

~على الطـرق ..

تغبرت الأجواء إثر تقاطع سيارتين على الطريق الرملي ليسب وليد الفاو ذلك الأحمق الذي قطع عليه طريقه فجأة .. وما أن ظهر هيثم أمامه سحـب حبل شتائمه لتتحول لنـدمٍ :

-يا هيثم !! مش هتبطل غباوة في السواقة ياخي !! حد يطلع في وش حد كِده !!!

دنى هيثم منه والابتسامة تعلو ملامحه :

-حبيبي يا وِلوو ، فينك يا راچل ولا الكويت خدتك منينا ، فينك وفين أراضيك!! أول ما سمعت إنك نزلت قولت لازمًا أچي اسلم عليك بنفسي..

هبط وليد من سيارته وصافحه قائلًا :

-نزلت أخطب وياستي وعلى اخر الشهر هكتب عليها .

هز رأسه بخزي :

-عرفت ، عرفت أنك قايل على چميلة بت الخواچة!!

-للدرچة دي مفيش سر عيدارى في العزايزة !!

رفع هيثم سبابتـه قائلًا :

-هو مفيش سـر يدارى على هيثم العزايزي ، تفرق … وعشان كِده اشتري اللي چاي عشان أقولهولك ..

ثم طوق رقبته قائلًا بنبرة مبطنة بالنصح :

-أنتَ سألت زين على چميلة دي !!

-سألت وكله شكر فيها بت كيف الچنيه الدهب ، وقالوا دي غلبانة !!

صاحت صرخة الاعتراض من جوف هيثم وهو يخبره قائلًا :

-هما ضحكوا عليك أنتَ كمان !! چميلة دي غلبانة !! دي عتتغدا بالعُمال في المشتل عندينـا.

بد الذهول على الرجل :

-لا يا شيخ ، ما يبنش عليها ، هي واعية ااه لكن بت ناس متربية .

أكمل هيثم مسرحيته :

-ما نقدروش نقولوا كلمة في حقها ، بس خُد التقيلة ، لولا أنت بس غالي عليّ كنت سبتك تلبس ، بس لا يا وليد مستحيل اسيبك تقع الوقعة دي..

-قلقتنـي يا هيثـم !! هي البت مالها..تعرف أيه عنيها!

وشوش له هيثـم بدهاء:

-البت عليها واحد مخووت .

-كيف الحديت ديه !! مين عينيه عليها وأنا أقتله بيدي!!

ضرب هيثم على جبهته :

-وطي حسك ، ماهو لو عايش على الأرض معانا كنا قتلناه من زمان .

-أومال عايش فين !!

أشار بأصبعه لأسفل لدمدم بحسرة :

-عايش تحت الأرض ، بيني وبينك عليها بسم الله الرحمن الرحيم ، كل رجل يقرأ فاتحتها يقوم هو وعشيرته يقروا عليه الفاتحة ، هوب ما تطلعش عليه شمس .. ونسمعوا خبره .

قذف الرعب بصدر الرجل :

-الكلام دي حقيقي يا هيثم !!

-وأنا هخُمك ليه !! لولا أني عارف أنـك غريب عن البـلد ليك مُدة مكنتش چيت نورتك ووعيتك ، اسمع نصيحة أخوك ومتعتبش دارها ، عشان أنتَ متراقب … خاف على عمرك يا وليد يا أخوي وبنات العزايزة على قفا مين يشيـل !!!!!

قفز الرعب بقلب وليد :

-وعلى أيه !! هي ناقصة عفاريت !! ابعدنا يا عم .. ملبوسة لروحها الله يهنيها .. بس چميلة دي چميلة قوي يا هيثم خسارة والله ..

لكزه والغيرة تتطاير من عينيه :

-طب وطي حسك وما تقولش چميلة دي ، دول ولاد مچانين وعيغيروا ، قفل على السيرة اللي تقصف العُمر دي… وتعالى أرشحلك بنات في العزايزة ، دانا عارفيهم واحدة واحدة …….

•••••••••••••

-بركان وانفجر في وشي يا أحلام ! دي حتى مش طايقـة أحط يدي عليها !! عملت أيه أنا لكُل ديه !! مش فاهمة أنها كانت ساعة شيطان وراحت لحالها.

رفس هاشم بقدمه الطاولة البلاستيكية من أمام أحلام في الجنينة وهو يجوب الأرض ذهابًا وإيابًا ، حتى صرخ غاضبًا :

-دي عتقولي أنتَ مجرد اسم على شهادة ميلاده !! عاوزة تحرمني من ولدي يا أحلام !! هي چاية تقتلني بسلاح بارد وتمشي!! فاكراني هقف اتفرچ عليها!

فركت أحلام كفوفها بغـلٍ :

-بلاش عصبيـة يا هاشم !! اهدي يا ولدي بلاش شيطانك يسوقك زي كل مرة !!

لوح بذراعيـه وهو يشكو منها ومن شوقه إليها :

-أنا سبتها بس عشان هي حامل مرضتش ازعلها ، لكن قسمًا عظمًا أنا لو عاوزها دلوق ما حد هيقدر يمنعني عنيها حتى هي نفسها ! شوفي يا أحلام أنتِ تعقليها .. وإلا ..

فاض صبر أحلام من عصبيته :

-يخربيتك أمك ، كِّن وأقعد على حيلك دوختني !! أنا مش عارفة أنتَ وارث التورة دي منين !!

عض على شفته السُفليـة مغلولًا وهو يتفقد خلاء المكان حولهما ، ليبوح معترفًا :

-وحشاني !! وحشاني ومش قادر حتى أخدها في حضنـي يا أحلام !! هتچنن !!! من ميتى رغد منعت نفسها عني !!

طيف ابتسامـة خفيفة استقرت على ثغر هاشم الذي اعترف علنًا بشوقه بحبه ، بنار رفضها له التي تحرقـه :

-طب روق وسيبها تهدى !!

-أحلام !!! أنا أجازتي يومين وهتخلص ؛ مش هتحرك غير ورچلي على رچلها ..

ثم صاح منفجرًا :

-عقليها وقوليلها كلمتين !! وإلا ورب الكعبة ما هعمل حساب لحمل ولا لمخلوق .. أنا عتحرق وهي محساش بي يا أحلام !! راسي هتنفجر ومش قادر أحلها معاها !!

تأرجحت عيني أحلام بتساؤل:

-أنتَ عاوز أيه يا هاشم !!

قطعت حديثهم مجيء هاجر التي جاءت تركض من الخلف بنفس واحد وهي تستغيث بهِ :

-ألحق يا هاشم ، مرتك مغمى عليها ودمها متصفى ، شكلها عتسقط ….

•••••••••••••

~مدينـة الإنتاج الإعلامي .

انتهت "ليـلة" من ارتداء ملابسها الخاصة بتصوير الحلقـة ، وانتهت من وضع المكياج المتناسق مع ملابسها وهي تتساءل عن اختفاء هارون الغريب كل فتـرة ولم تجد جوابًا ، حتى هاتفه يرن بدون رد منـه .. زاد توترها وهي تحفظ بعناوين الحلقـة وتراجع تفاصيـل نصائح هارون :

-مننفيش كلام دكتورة نادية ، أي حد بيتعرض لفقد حد غالي عليه لازم بيدخل في دوامة نفسية وده اللي حصلي لما فقدت بابا -ثم تبسمت لتجود من عندها -بس ربنا بعتلي الشخص اللي يصالحني على الحياة من تاني !! وأظن إني دلوقتي مش محتاجة الأدوية دي تاني.

ثم أخذت نفسًا عميقًا وأكملت :

-مامتي حصل سوء تفاهم بس ومن خوفها عليا قالت الكلام ده !! لـكن أن مشيت مع هارون بيه بمزاجي ، لأني كنت متابعة مع دكتور تاني كان لازم اروح له ، هو اللي فاهم حالتي !!ومامي لو عرفت مش هتوافق من خوفها عليا .

ثم ضربت الأرض بقدمهـا :

-أنتَ فين كل ده يا هارون بس !! هو ده اتفاقنا …!

طرق الباب فظهر أحد المعدين ليخبرها :

-ربع ساعة ونكون جاهزين يا استاذة ..استعدي.

بدّ القلق يُقاسم ملامحها :

-راح فين بس !! مش عايزة أبقى قلقـانة عليه ..

ما ولى المُعد ظهره فجاء بدلًا منه هارون ، فما رأته استردت روحها من جديد وهي تشير لفتاة التجميل أن تخرج من الغرفـة ، انتظرت حتى غادرت الفتاة لترتمي بحضنه بارتياح تائه عثر على موطنه للتو :

-كنت هتجنن عليـك !! كده بردو ؟! روحت فين يا هارون ..مش متفقين هتكون معايا ومش هتسيبني ..خضيتني عليـك .

‏كلمـا وجَّهتُ بوصلة قلبي وجهةً ‏يأتي غرامك ملوحًا أوَّل وجهاتي .. ‏و كلما نويت الصيام عن حُبك حتى يرفرف بالعلن رمقتني ‏فتراجعتْ وتخاذلتْ نيّـاتي ولعنتها ، لعنت أي شيء يبعدني عنك خطوة واحدة .. ‏من أنتِ يا فتـاة ، ليـلة !! لكنك ليالٍ عديدة وأنا التائه بدروبك !! لعبتَ بهيبتي ! اخترقتي قوانيني ف‏خالفتُ فيك مجامعَ الأعراف والعادات .. مسح علي شعرها بحنانٍ :

-الحضن الحلو ديه عشان غبت عنك ساعة بس!!

ثم أمسك بذقنها ورفع وجهها لمستواه ليطبع قُبلة طويلة على وجنتها التي طغت حمرة خجلها في التو ، فبررت :

-خفت عليك ، روحت فين فجأة كده .

-أخرني ديه يا ستي !

أخرج من جيبه علبة فخمـة من القطيفـة وفتحه أمامه ، فسطع من داخل العُلبة خاتم مرصع بالألمـاس جعلها تشهق من جماله منبهرة :

-واو !! ده ألماس !! يجنن !! بس لمين !!

عقد حاجبيه بامتعاض :

-لامي صفيـة !! أصلها بتتوحم على ألماس ..

ثم تنهد :

-يا صبر الصبر !! بتيچي عند حتت وماينفعش فيها الفصلان أبدًا ، هاتي يدك ..

أطلقت ضحكة خفيفة وهي تمد أصبعها :

-الله !! ده طلع عشاني !! يجنن !! بس بمناسبة أيه !!

أدخل خاتم ملكيته الفخم الذي يتجاوز سعره المائي ألف جنيه بأصبعهـا وهو يقول :

-ماينفعش تطلعي على الهوا ويدك فاضيـة ..

ثم غمز بطرف عينه :

-إعلان ملكيـة يا ستي لغاية ما تختاري شبكتك بنفسـك ..

-شبكتي!!!!!

تقاذفت طيور الفرحة فوق معالمها بعدم تصديق وهي تتأمل روعة الخاتم بيدها بانبهار :

-خطيـر بجد .. شكرًا .. هدية حلوة أوي .. بس ده غالي !!

زين يدها بالخاتم وبقبـلة خفيفـة وهو يقول :

-الدنيـا كلها ترخص ليكِ ، مبروك عليـكِ ..

ألقت نظرة خافطة على عينيها ومثلها على الخاتم الذي طوق يمينها وقالت بخجل :

-مرسي أوي …كلامك حلو.

طرق المُعد الباب فتفرق جمعهما خطوة وسمحت له بالدخول وهو يخبرها :

-أحنا جاهزين يا استاذه اتفضلي .

-هااه جايه حالًا ..

ثم نظرت لهارون :

-يلا !! بس استنى هما هيوافقوا يدخلوك !!

رد بثقة :

-هو أنا لازم كل هبابة أفكرك أن اللي قِدامك هارون العزايزي …!!

لكزته بدلال وهي تغادر الغرفة الخاصة بها :

-عرفنا أنك جامد خلاص ..

تحمحم من ورائها بمكر :

-بس لسه ماشوفتيش !

-يعني أيه !!

-في بيتنا هقول لك ..

تقدم احد الرجال ليطلب منه :

-هارون بيه ، الشناوي بيه مستنيك في مكتبه !!

-چايله !!

ثم نظر لليلة :

-اسبقيني أنتِ وهحصلك !!

-استنى هو عايزك ليه !!

-بعدين يلا عشان متتأخريش..

أومأت بطاعة وسارت مع المُعد وهي تتساءل بصوت عالٍ :

-يا ترى الشناوي بيه عايزو في أيه ..أنتَ تعرف!!

فرد المُعد بتلقائية :

-آكيد مشكلة في الإنتاج!!!

دارت نحوه مستفسرة :

-وهارون بيه أيه دخله !!

أقر المعد بعفوية :

-ازاي!! هارون بيـه اللي ممول البرنامج كله ……

••••••••••••

~باستقبال الفنـدق .

تقدمت ناديـة بخطواتها الثابتـة نحو مجموعة الرجال الذين يسألون عليها متأملـة :

-اتفضل يا حضرة الظابط ، في أخبار عن بنتي !!لقتوها.

خيم الأسى على وجهه الظابط قائلًا :

-دكتورة ناديـة ؛ اتفضلي معانا .

-ليه !! بنتي حصلها حاجة !! طمني؟

-لا ، بنتك بخيـر .. بس في بلاغ متقدم فيكي للنائب العام ، ولازم تتفضـلي معانا ….

تكدس الذعر بعينيها :

-ايـــه !!!!!

رواية اصرة العزايزة الجزء الثاني2الفصل الخامس5بقلم نهال مصطفي

"الحُب ؛ وكفى …"✨

‏من أعظم الهبات الربانيـة التي جاءت من أنهار الجنة وهي مجرى شريان القلب حينما يتدفق بهِ سائل الحُب ، يحول قلبنا الصلـد لأرض خضراء تمرح بها فراشـات الحيـاة ، الحبّ يضيء روحك في مواقفك الصعبة، في اللحظات التي تتنكر فيها روحك التي بين جنبيك من الهمّ، ولا يتنكرّ صفوه ودفئه وحنانه، يضيء؛ يضيء حين تصفعك الظلمة، ويستحيل بابًا في المغالق، ومركبَ نجاة في يمّ الحياة ودروبها الوعرة ..

••••••••••••

-"مع نهـاية حلقتـنا بحب أوجه الشكر لضيوفي النهاردة ،وكمان أنا حابـة اطمنكم عليـا وأني دلوقتـي في أحسن حال وبالنسبة لاتهام مامتي أنا وضحته في بداية الحلقة .. أنا عمـري ما كُنت كويـسة زي الأيام دي "

ثم أخذت نفسًا طويلًا وتبسمت وهو ترسل له نظرة من وراء الكاميـرا فاستقبلها بغمزة طريفة من عينيه :

-عشان قلبي خلاص اطمن ولقى اللي بيدور عليـه من زمان .. مرة حد قالي أن الحُب هو الرزق الوحيد اللي مينفعش يتاخد لا بالسعى ولا بالقوة والجـاه .. ولا بالحيـل والخطط ، الحُب هو الرزق اللي يدق بابك وأنتِ تحت لحافك بتتفرجي على فلمك المفضل …

"الرزق أنواع .. نوعٍ تسعى إليه وآخر يسعى إليك"

كانت معاكم ليـلة الجوهري من حكاوي ليلة .. وكل أسبوع حكاية ؛ استنوني .. باي باي"

ختمت " ليلة" حلقة برنامجها بعد ما تمردت على مشاعرها المشتتة حول الأمر الذي اكتشفت حقيقتـه قبل ساعـة ، ساعدتها الفتاة في نزع الميكروفون وما زالت عينيها مفتوحتين لعنده ، كان واقفًا بشموخ يراقبها بفخـر وإعجاب .. ما وثبت من مكانهـا فك ذراعيه المعقودتين وتبسم بوجهها ، أقبلت نحوه بحماس :

-كُنت حلوة !! ولا أيـه رأيـك ؟!

داعب بأصبعيـه ذقنهـا بلُطفٍ :

-أنتِ على طول حلوة يا ليـلة !!

أحمر وجهها لمجاملته المدججة بالحُب:

-مرسي ..

فهزت رأسهـا وبلعت غصتها منه وقالت :

-هجيب شنطتي وأحصلك … اسبقني .

أصدر إيماءة خفيفة :

-ماشي هستناكي في العربيـة ….

ثم أوقفها مستفسرًا :

-فيكي حاچة وشـك مش عاچبني وعينك حيرانة !مش دي ليلة اللي أعرفها ؟!

أنكرت غصتها وهي تحرك رأسها يمينًا ويسارًا:

-لا أنا كويسـة .. مش هتأخــر عليـك .. هرجع بسرعة.

مرت قرابة النصف سـاعة عليهمـا في سيارتـه التي يقودها بسرعة معقـولة ، كان الصمت يخيم عليهما كغيوم السُحب من فوقهمـا ، تتكور بداخل المقعد وكل ما تحسم أمرها حـول معاتبته تتراجع في آخر لحظـة .. تتراجع مُطلقـة زفيـر حيرتها وتعود لتتأمـل الطريق من وراء النافـذة مرة آخرى ، كانت نظراته ثاقبـة ؛ فاحصة ، كاشفـة لأمـرها .. أدرك أنها تخفي أمرًا ما عنـه .. فوجئت بـه يقوم بصف السيـارة جنبًا على "كورنيش النيـل" ، فنظرت له تتساءل:

-أنتَ وقفت هنا ليـه ؟!!

قفل ماتور سيارته متسائلًا بهدوء يخفي ضيقه الذي لا يتحمـل شحوبها :

-ليـلة ؛ مالك ؟!

هزت كتفيها بارتباك متقنـة بأن ساعة المواجهة قد حانت :

-مفيش !! ليه بتقول كده ! أنا عادية على فكرة

تنهد بغضب مدفون :

-ليلة .. لما أسألك مالك تردي على طول .. في مخلوق داس لك على طرف وأحنا هناك !

شاحت بنظرها بعيدًا عنـه :

-لا مفـيش ..

أكل شفته السُفليـة وهو يدلف من سيارته متجهًا للرصيف حاملًا جيوش غضبه كي لا تنفجـر بوجهها ، كي يحميها من خوفه المُبالغ عليها .. وقف أمام النيل يتأمل صورته التي ينعكس فيها الضباب ، كضباب الحقيقة المجهولة عنه .. زفرت "ليلة" بضيق ولحقت بهِ بخطوات واسعة لتسأله باختناق :

-أنتَ نزلت ليه !! أحنا مش بنتكلم .. مش أسلوب ده على فكرة .

رد دون الإطلاع عليها :

-ومينفعش أكون عكلمك وتولي وشك الناحية التانيـة .. كام مرة المفروض أقولك ماينفعش تخبي عني حاچة!!

أدركت خطأها بخُصلة شعرها التي أرجعتها وراء أذنها وهي تبرر :

-أنا عملت كده عشـان …. -ثم غيرت مجرى الحديث-هارون أنت بتزعق ليه كده !! وانا كام مرة المفروض أقولك أن الصوت العالي بيوترني .. أف!! متزعقش.

ثم لوحت بكفها بضجـرٍ :

-ولا أنتَ خلاص فاكر نفسك عشان بقيت جوزي بتشخط براحتك .. على فكرة أنا لسه موافقتش على العلاقة دي وو …

قفل جفونه بكـلل ثم نظر لها ليضع حدًا لهذيانها :

-أنا چوزك غصبٍ عن عين أي حد ، حتى لو كُنتِ أنتِ !!

عقدت ذراعيها أمام صدرها بخيبة أمل :

-بلاش يا هارون الكلام ده !! عشان أنت عارف أنه مستحيل ، بلاش تعيشني حلم أخرته كابوس نصحى عليه أحنا الاتنين ..

ثم استردت قوتها بوجهه :

-وحتى ولو جوزي ده يديك الحق تزعق لي وتتعصب عليا كده فالشارع !!

كز على فكيه :

-ليـلة !! أنا متعصبتش !! أنا أضايقت من طريقتك .

تراقصت الدمعـة على رموشها :

-هارون أنتَ كمان شايفنـي فاشلة !!

عقد حاجبيه مندهشًا وهو يدنو منها ماسكًا مرفقها بلطف :

-أيه لزمته الحديت ديه !! وبعدين فاشلة كيف وبرنامچك مكسر الدِنيا كُلها والعالم كله بيحكي عنِــه ومش ملاحقين على الإعلانات !! مين چاب الأفكار الشوم دي في راسك !! ولا هو نكد وخلاص!!

جلى حلقها باختناق:

-أنتَ اللي ممول البرنامج !! ما قولتش ليه !! على فكرة أنا بابي سايب لي اللي يخليني أعمل بدل البرنامج عشرة ، بس أنا مكنتش عايزة كده ، كنت عايزة أنجح عشان أنا ليلة ، مش عشان واسطة وأخد مكان حد !!

ثم هزت رأسها بخزى :

-بس الواضح أنك عشان تنجح في البلد دي لازم حاجتين مهمين ، لازم يكون معاك فلوس وحد تقيل يحركك ، وده سبب أننا متأخرين ، لأن مش كل واحد يستحق المكان اللي هو فيه … ليـه عملت كده !

وقف أمامها وهو يحجب عنها شعاع الشمس الخافت :

-وليـه حسبتيها كِده !! ليه مش دفعة لقُدام عشان تظهري للنور!

عاتبته:

-ميصحش اللي أنتَ عملتـه وكمان من غير حتى ما تاخد رأيي .. أنتَ كده عملت زيهم ، صحاب المحسوبية والواسطة .

-وأنا كُنت عملت أيه !! ديه شُغلي تتدخلي فيه ليـه ؟!

أصرت ليلة معترفة :

-شغلك في البلد ، في العزايزة مش هنا ، أنتَ مالك بالإعلام والتلفزيون وو

مسك ذقنـها ليرفع عيونهـا لعنده وقال بغمز:

-شُغلانتي أني لما أعتر على صفقة مربحة زيك أكلبش فيها بيدي وسناني .. ديه شُغلي .. وديه شُغلانة رجل الأعمال الناچح .

أحمر وجهها وهي تهتز خجلًا أمامه وتتأرجح عينيها بتشتتٍ:

-كلمني اسكندراني .. عشان مش فاهمة .. أو أنا فهمت والله بس عايزة أسمعها تاني وو .. هارون …..

قربها منـه أكثر حد تعانق أنفاسهـم والبسمة ترتسم على محياه ويقول :

-أنتِ شغلي يا ليـلة …

أحمر وجهها بتوتر :

-هارون !!

رفع ذيل حاجبه :

-ليـلة !!

-نعم !!

-دي مش عيشـة !! كل ما أجي أقول كلمتين وشك يقلب ألوان الطيف وأحسك هتقعي مني ، أجمدي عاد ….

ثم وضع كفها على قلبه وأكمل :

-فيـه حديت متعبي و متشال هنـه بالكـوم لازمًا أقوله .. وبحالتك دي متنفعش..

ألجمها سيف النظرات ورنق الكلمات فشهقت مبتعدة عنه :

-أحيــه !! هارون !! أحـنا في الشارع …..

ما كادت أن تخطو خطوة فتراجعت تتساءل من جديد :

-يعني أنتَ عملت كده عشان أنا شطورة واستاهل بجـد ، مش مجاملة منك ؟!

حدجها بلومٍ :

-أنتِ هتثقي في روحك ميتى !! عقولك أيه الحال ديه مايعجبنيش .. مراة هارون العزايزي لازمًا تكون كيف الچبل مش كل هبابة ريح يهزوها .

بللت حلقها عندما طبع على قلبـها وسام ملكيتها إليـه وقالت بارتباك :

-خلاص علمني بقى .

-هعلمك …

مسك كفها بعد ما زينـهُ بقبلة خفيفة وهو يسحبها نحو السيارة ويقول معاتبًا بلطف :

-لما يكون في حاچة جواتك تيچي طوالي تحكيها ، مش عاوز أشوف الـوش اللي فات ديـه تاني، فاهمـة ؟!

استقلت السيارة بمساعدته وما اتجه ليستقـل مقعده نظرت له متساءلة :

-أحنا هنروح فين !

-أنتِ عاوزة تروحي فيـن ؟!

بللت شفتها التي جفت وقالت بقلق:

-عايزة اكلم مامي ، قلقانة عليها أوي … وكمان نفهمها يا هارون سوء الفهم اللي حصل .. عشان أنتَ متبقاش زعلان منها وهي كمان..

بلع غصة براءتها التي عُدمت من هذا الكون وقال :

-بس هي سافرت ، عنِديها مؤتمـر كام يوم لما تعاود هخليكي تشوفيها …

-بالسرعة دي؟! بس أنتَ عرفت ازاي!!

-عرفت وخلاص يا ليـلة …

ثم حرك مقود السيارة أقصى اليمين وانطلق بسيارته وهو يتطلع بالمرايـا حوله وأتبع :

-هنروحوا للدكتور عندك معاد ، و الليلة هنتحركـوا على العزايـزة …

بخوف:

-ليه العزايزة طيب ؟!

•••••••••

~المشفــى بمحافظـة قِنـا .

خرج الطبيب من غرفة العمليات وهو ينزع الماسـك الطبي عن وجهه ويتنهد براحة ، فأقبـل نحـوه هاشم متلهفًا للإطمئنان على صحة زوجته :

-طمني يا داكتور ..

حرك الطبيب رأسه وقال :

-واضح إنها اتعرضت لضغط نفسي هو اللي سبب لها نزيف .. هي والطفل بخيـر بس لازم ترتاح راحة تامـة .

ثم نظر للممرضـة بإشارة ما :

-وهتفضل تحت عنينـا الكام ساعة الچايين وبعدين تقدر تروح البيت ..

فأعقبت الممرضة تتساءل:

-أنتَ چوزها !!

تدخلت هاجر على الفور لتلحق أخيها قبل ما تحكمه العاطفة :

-دي چايلنا زيارة من بحري .. وتعبت وچوزها مسافر ووو

فلكزت أخيها :

-ولا أيه يا هاشم يا خوي!!

حرك الطبيب رأسـه :

-عمومًا هي بخير وتقدروا تخشولها بس بلاش ضغط نفسي او أي حاجة تزعلها …

انتظرت هاجر حتى غادر الطبيب ومساعدته فدرات نحو أخيها :

-هاشم وحياة أمك وأبوك ما تقول حاجة خلي اليـوم يعدي بالسـتر .. أحنا مش ناقصين .

بدأ يحصد عاقبـة أخطاءه وأولهما عجزه بالاعتراف بزوجته وابنـه .. بات جسده عبارة عن جمرة مشتعلـة من الغضب انعكس تأثيرها على وجهه المُحمـر .. زفر بامتعاض :

-أنا مش هينفع اسكت يا هاجر، دي مرتي واللي في بطنها ولدي!!أنا مش هخاف من حـد .

ردت ساخطة عليه :

-علي صوتك يا خوي واللي ما عرفش يچي يسمع ويبقى وديت روحك ومرتك في داهية .. وحد الله بس لغايـة ما نحلوها.

فرك عينيـه متحيرًا :

-خليكي هنه ، هخشلها …

تحرك متجهـًا نحو غرفتها ، فأول ما فعلته هاجر وهو تسجيل مقطع صوتي لأختها :

-هيام طب ردي عليّ أنتِ التانية ! أنتِ واخوكي فين يچي يشوف النصيبة دي ويلحق أخوه قبل ما يدب ويتصرف من نفوخه ، هاشم طلع متچوز ومرته هِنه والبيت قايد نار ، قولي لهارون مش عارفة اوصله … ابقي كلميني يا هيام وبطلي شغل عبد المأمور ديه ، عشان أنا واثقة أن هارون اللي قايلك متروديش عليّ !! بس ترچعي ..

ثم أرسلت رسالة لشريف بلوم خفيف :

-على فكرة أنتَ مش صاحب چدع وأنل هصرف نظر عن الصحوبية دي يا حضرة الظابط..

قفل هاشم باب الغرفـة خلفه وتقدم اليها ، كانت تتكئ على وسادتهـا والمحاليـل مُعلقـة بيدهـا وما اخترقت رائحته أنفاسها نظرت له معاتبـة بحرقة :

-عاجبك اللي إحنا وصلناله ده يا هاشم !! رغد تستاهل منك كل ده ؟! ده جزاتي أني حبيتك تعمل فيـا كل ده .. شوفت وصلنا لأيه ؟

جلس على طرف فراشها وأول ما فعله هو طبع قُبـل اعتذاره على كفها ، تنهد أسفه وحُرقـة قلبـه المنفطر عليهـا ، تراقصت الدمعة من عينيها وهي تتأمل تفاصيله التي اشتاقت إليهـا كثيرًا .. رفع جفونه المُحملة بالهمـوم إليها واعدًا :

-كُل هيتحـل .. وحياتك كُله هيتحل !!

خيم اليائس على ملامحها :

-أيه اللي هيتحل !! بابا ؟! للأسف مش هعرف اتخلص من نسبه ، عيلتك وقوانينها !! للأسـف دول لو شموا خبر هيقتلونا .. الثقة ما بينـا ؟! حتى دي بقيت معدومة يا هاشم … قول لي أيه ولا أيه اللي هيتحل !! ولا هو ده أمل كداب بتحاول تحايلني بيه !! هاشم أحنا بقينا قُدام أبواب النار وحتى المواجهـة مش حل ..

-رغـد .. ينفع متركزيش في أي حاچة وقولت لك كُله هيتحـل … ولو على الثقة ما بينـا كله هيتصلح طالمـا الحُب لساته موجود ..

تقطرت دمعة من طرف عينها :

-بتحلم يا هاشم .. ألف مرة أقولك اللي بينا هو ابني وبس .. وأول ما تسجله أنا هسيب لك الدنيا كلها وأمشي ..

طوق ذراعـه خصرها وهو يهيـم بتفاصيلها شوقًا ، رائحتها التي كانت تتربع بساحة صدره ، صوت ضحكاتها الذي كان يزيح غمامة الهموم عنـه وعن أيامه ، حـن للياليهم المختلسـة من بين فكي الزمن ، حن لحنين قلبه الذي كان يهرب من شغله وأهله لعندها ، حن حنينـه لمحميتها النادرة التي أسرته من العالم .. سبح في بركتي عينها :

-مين سمح لك تقرري مصير ولدي ومرتي ؟!

-ابنك ومراتك !! معلش أنتَ تقدر تتجوز وتخلف بداله عشرة ، لكن أنا للأسف مش هقبـل لراجل تاني يلمسني بعدك .. البيبي ده هدية حبي ليك يا هاشم اعتبره مكافأة نهاية الخدمة .. أما أنتَ …

قاطعها:

-أما أنا !! أمـا أنا نفسي أجيب لك نجمة من السما بس ترضي يا رغـد .. أنسى كل اللي فات واللي چاي هنحلوه.. وبعدين ما أنتِ عارفـة أني متهور وعصبي ووو

تملصت من حصاره متمردة على حنين قلبها الذي زادت ضرباته:

-هاشم .. كلامنـا انتهى ؛ أنا هعفيك من كُل ده وطلقنـي وكل واحد مننا يشوف حياتـه زي ماهو عايز وو

ثم رمقته بخيبة :

-روح اتجوز اللي تقدر تعيش معاها في النور مش فالضلمـة زيي..

مسح على وجهها بكفه الخشـن :

-رغد ؛ قولت لك مسألة وقت وكله هيتحـل بس ساعديني ..

حدجته بحدة تحمل الخذلان :

-أنا مش عايزة منك حاجـة يا هاشـم ؛ خلاص أنتَ اخترت .. وأنا معنديش حاجة تانية ممكن أقدمهالك !!

ثم انفجرت وهي تلومه :

-افهم بقا ، أنا مش هقدر أسامحك ، زي ما أنتَ مش هتقدر تتقبل حقيقة ارتباطك بواحدة أبوها هيأذيك في شُغلك ، خلاص يا هاشم متصعبهاش عليا وعليـك أكتـر من كـده .

اقتحمت هاجر الغُرفة وهي تقول :

-اسفة .. بس هاشم عاوزينك في الحسابات تحت ..

••••••••••••

~دوار الچباس .

تتقدم خطوة وتتراجع خطوتين ، يكسو الارتباك خُطاها كما يغلف التوتـر ملامح وجهها ، وصلت " نغم " لنهاية الدرج بعد محاولات عديدة من بين التقدم والتراجع ، بين الخوف والقوة ، التغلب والهزيمة ،مُشتنة بين أن تتمسح بالجدران كعادتها القديمة التي تربت عليها أم تهد هذه الجدران التي تفصلها عن الحياة فوق رؤوس كل من يعوق طريقها .. كل من يتعدى حده معـها ..

بأعيـن متذبذبة تتفحص أرجاء البيت الصعيدي الخالي من المارة لكنه لا يخلو من أصواتهم المترددة من بعيـدٍ ، وضعت كفها المرتعش فوق مقبض الدرج الخشبي وبقلب يتنفض يلملم شتات قوتـه قبل ملاقاة الأسـد ، شهقت مذعورة إثر لمسـة رقيقة من كف " غنـوة " ابنة فارس الجباس على كتفها وهي تدلف من أعلى؛ انفجـرت " نغم" صارخة بوجهها وهي تحت تأثيـر رجفتها شاهقة :

-حرام عليكِ !! في حد يفزع حد إكده !!

اتسع بؤبؤ عيني الصغيرة التي تلألأ الدمع بعينيها وهي تتأهب راكضة :

-وربنا لأقول لأبوي أنك صرختي عليّ ..

فرت كالعصفورة من أمامهـا فلم يوقفها همس نغم التي تُنادي عليها حتى ظهرت السيدة " زُبيدة" الخارجة من المطبـخ تهلل لرؤيتها بسـاحـة المنزل :

-أيوة إكده انزلي وعيشي في دوار چدك وأبوكي ، هتضلك حابسة روحـك لميتى !! الحبسة ممنهاش فايـدة .

أحكمت ربط حجابها :

-عندك حق يا عمتـي ، هو عمي فيـنه ..عايزاه ؟!

-عمك قاعد مع فارس بره والبت راحت تشيع له ، هبابة وتلاقيهم عاودوا ، أصلًا الغدا چيه وعمك وفارس عيحبـوه بناره ..

ثم ربتت على كتفها :

-تعالي أقعدي وأشبعي من زاد وخير عمك وأبوكي .. اللي مايشبعش على طبليـة أبوه عمره ما هيدوق طعم الشبـع في حياته .. وأنتِ حالك أهو يغم ويوچع يا كبدي ..

ثم سحبتها من كفها برفق حتى وصلت بها للمائدة التي تضم أشهى المأكولات واللحوم وسحبت لها المقعد وهي تربت على كتفها :

-أقعدي ، أقعدي وارتاحي يا ضنايا .. ماتتكسفيش .. ديه بيتك يا حبـة عيني وحدش يتكسف في بيتـه .

-شالله تعيشي يا مراة عم ..

ختمت " نغم" جملتها بحمحمة قـوية من صوت عمها الذي جاء مستندًا على عكازه مُهللًا بقدومها :

-وه وه يادي النور اللي حَل على دارنا ، نورتي بيتك يا بت أخوي..

وقفت نغم بعجلٍ لتنحني وتقبل يد عمها الذي يبلغ الثامنة و الستين من العُمر :

-تعيش يا عمي .. الدار منور بيـك وبحسك فيه .. اتوحشتك .

ربت على كتفها والابتسامة تداعـب وجهه :

-واللي يتوحش حد يهمله طول السنين دي كلها ، بس ولا يهمك أنا مسامح والمهم عنـدي راحتك ياغالية يابت الغالي ..

ثم شد مقعده وأشار لها :

-يلا أقعدي وكلي چاري .. چار عمك وشدان الچباس .

بحركات مهزوزة جلست "نغم" بجوار عمها ، شاركتهم زُبيدة وهي تنادي على أحد الفتيات :

-شوفي فارس و فايـد فينهم .. يچوا يتغدوا ..

شرع العـم في تناول وجبته بعد ما حمس ابنة أخيـه على الإقبال .. كان الحزن يملأ قلبها وينعكس صداه على ملامحها الباهتـة وحركة فاهها وهو يراقص اللقمة بداخله بمرارة .. لحظات وأقبـل فارس الذي يحمل ابنته التي اشتكت على نغـم وما رأتها أشارت بأصبعهـا بذعر :

-هي دي يا أبوي اللي زعقت فيّ .. مشيها.

وقعت الملعقة بما تحويه من حبيبات رز من يد نغم وهي تنظر مصيـرها من ذلك المتعجرف الذي يقف لها على شفا خطأ .. ترك ابنته فوق أحد المقاعد وهو يرمقها بنظرات الذئب قبل الانقضاض على فريسته ، رفعت زبيدة جفونها :

-أقعد يا ولدي قبل الوكل ما يُبرد ..

ضرب بكفه الضخم على سطح الطاولـة بنبرة مرعدة :

-أبا .. مين سمح لها تخش البيت ديه !! مش كُنا قفلنا عليها ودفناها من زمان ..

وثب أبيه مذهولًا :

-أباي ؟! چرالك أيه يا فارس!! دي بت عمك وديه بيت أبوها ومش عاوزة أذن عشان تخُشه …

جعـر بغضبٍ دفين :

-أبوها والله يرحمه ، مات .. وهي باعت أصلها ومشت ورا هواها وباعتنا .. يبقى خُلصت يا أبوي … راچعة لنا ليه؟

برق الأب مندهشًا :

-أنتَ هتنسى روحك يا فارس!! أيه كبرتك على نچعك كُله عشان تكبـر على أبوك !!

-أنا مش هقعد مع نغم بت شدوان في بيـت واحد ..

حدجه بعفنوان :

-فـارس …

انكمشت نغم بحضن زوجة عمها بنوبة من الهلع وهي تراقبـه بذعر ، لم يوقفه نداء أبيه بل أشعل بركانًا من الغضب بجوفه :

-اللي عندي قُولته يا أبوي … تغور في ستين داهيـة بعيد عنينـا .. مش عاوز أشوفها في بيتي.

ثم طاحت يده لتشد مفرش السُفرة بدون احترام لأحد لتتهشـم محتويات الطاولة بأكملها بالأرض بصوت ينافس طبقات غضبـه ، ينافس كسـرة قلبه الذي احتفظ بحبها لسنوات وهي باعتـه بدون ثمنٍ .. صرخ بوجه الجميع :

-قعدتها على الوكل سممته .. مالها عيش عندينـا يا أبوي ، ولو طلع عليها شمس وهي لساتها في بيتي هقتلها بيدي .. سامعين!!

هول الموقـف أخرس الألسن ومدد بؤر العيـن وكتم الأنفـاس ، تركت نغم حضن عمتها واخترقـت فتات الأطباق المُهشمة بقدمها الحافيـة لتقف أمامه معاتبة والدمع يتراقص بعينيها :

-ليـه!! ليـه تصعب الحياة عليّ أكتر من إكده !! ليـه مش كفاية الزمن طفحني سنين عُمري أنت واليِتم عليّ !!چاي تكمل عليّ …

ثم ارتعشت شفتها وأتبعت متحدية :

-أنا مش ماشية يا فارس ، عشان بصريح العبارة أنا مش قاعدة في بيت أبو حـد ، وأنت لو مش عاچبك قعادي تقدر تهملنا وتروح من هنه ، لكن أنا مش هكرر غلطتي وأسيب بيت أبوي .. سمعت !!!

ثم صرخت باكية :

-سمعت يا فارس يا وِلد عمي!! يا مربيني!!!!

سكبت فـ قلبـه زيف مشاعره المعكوسـة ، لمست نقطة ضعفه ، تذكر ولادتها وهو صاحب الثانية عشر من عمره وتركتها أمه أمانة بين يديه حتى يشيعان جثمان أمها ، تذكر تفاصيل بكائها المتواصل وضعفها .. تذكر تفاصيل نومهما في فراش واحـد لأسابيع قبل أن تأخذها خالتها صفيـة .. اعتصر شفته من شدة الآهات المتفجرة وأعلن الانتقام من قلبه الذي أحبها وهو يجهر متوعدًا :

-يبقى تتلقى اللي هيچرالك مني………

أنتـى اللي اخترتي …..

••••••••••••

~القـاهـرة .

-تمام يا مدام ليـلة .. هنمشي على الأدوية دي شهرين وأشوفك .

ثم نظر لهارون مؤكدًا :

-هارون بيـه ، المواعيد.. كل علاج بميعاده ..

هز هارون رأسه :

-متقلقش يا داكتور ، هديهولها بنفسي وو

تبسمت بهدوء وهي تلتفت للطبيب مستفسرة :

-دكتور ، أنا أمتى هبطل أخد الأدويـة دي وأعيش طبيعي..أنا تعبت أوي ..

تبسـم الطبيب بارتياح :

-دي في أيدك أنتِ ، في ناس بتاخد ٦ شهور وتتعافى وقبل كده كمان وفي ناس بتاخد سنين ومش بتتعالج ، كله يتوقف على حالتك أنتِ النفسية .. ساعدي نفسـك بنفسك وأنتِ اللي مش هتكوني محتاجة الأدويـة دي بعد كده..

ثم طالع هارون مؤكدًا بنظرات ذكوريـة لا يفهمـها إلا معشر الرجال بين بعضهم البعض :

-هارون بيه .. مش محتاج أعرفك أن العلاقـة الزوجيـة ضرورية و أهم عامل في العلاج .. هيساعدها كتير في التخلص من أي استرس وو

أحمر وجـه ليلة بخجـل فلم يصل لمداركها ما يقصده الطبيب بل تفهمت على سجيتها العلاقة المتبادلة في التعامل مع الطرفيـن ، فتدخلت بفطرتها فارحة :

-دكتور هو حضرتك عرفت منيـن أننا متجوزين ؟! هو باين علينـا أوي كده ..!!

عقد الطبيب حاجبيـه متعجبًا :

-أنا عارف الظروف اللي حصلت وخلتكم تستعجلوا بالجواز ، وده أسلم حل .. وأحيي هارون بيه عليه و

ثم اتكئ على مقعده ناصحًا:

-من رأيي تأجلوا موضوع الخلفة الفترة دي شوية، لأنه هيبقى صعب مع الأدويـة لحين بس ما الحالة تستقر وو

وثبت من مكانها كالملدوغـة بارتباك يعُمه الخجل :

-دكتور ممكن نمشي !!

قرأ الطبيب حالتها المهزوزة والتي تُنكر زواجهم الفعلي .. فتبسم متفهمًا وهو يضـرب الجرس للطبيبة المساعدة التي دخلت على الفور :

-مدام ليلة اتفضلي مع دكتورة ريم..

وقف هارون ليتأهب بالمغادرة مستأذنًا ، فأوقفه الطبيب قائلًا :

-هارون بيـه ، من فضلك استنى … عايزك .

تأرجحت عينـي الثنائي بتردد ، فدنى هارون منها ليُطمئنها وهو يمسح على كتفهـا بحنان :

-روحـي وأنا هحصلك …

-متتأخرش عليا ..

انتظر حتى غادرت ليلة الغرفة بخطواتها المهزوزة فالتفت للطبيب متسائلًا :

-خيـر يا داكتـور ؟! هي ليلة فيها حاجة …؟

-متقلقش يا هارون بيه ، اتفضـل بس هاخد من وقتـك دقايق ..

جلس هارون على مضض وهي يتحفز لسماع تقرير الطبيب المعالج حول حالتهـا الصحية ، فشرع الطبيب النفسي في تشخيصها :

-هارون بيه ، مدام ليـلة مشكلتها الأساسية معشتش طفولتهـا زي أي بنت في سنها ، فهي وصلت للسن ده ولسه بتعاني من العلة دي ، العلـة مسيطرة على تفكيرها ومسببلها أزمة نفسيـة كبيرة لدرجة أنها مش عارفة تعيش بروح الأنثى اللي جواها .. هي تايهة بين البنت اللي عندها ١٢ سنة وبين الليدي اللي المفروض تعيشها .. وده للأسف علاجه مش أدويـة ومش عندي ..

احتدت معالم وجهه وهو يستمع له ، فسيطر القلق على ملامحه :

-كيـف يعني مش عندك !! أومال عند مين ؟!

-عندك أنتَ …. خطوة الجواز دي كانت أهم حاجة في سلم العلاج وبالأخص من شخص فاهم حالتها كويس ، زيك بالظبط..

كور يده مغلولًا :

-بالراحـة كِده يا داكتور وفهمني !! أنا كيف يعني ؟! المفروض أعمل أيه…

نزع الطبيب نظارته الطبيـة متنهدًا :

-اسمح لي اتكلـم معاك كأب أنتَ زي ابني ، وليلة زي بنتي ، ليلة محتاجـة تحس بأنوثتها ويشغلها فطرتها اللي ربنا خلقها بيها .. لازم تفجر طاقة الست اللي جواها ده بعد ما تسحبها من عالم الطفلة اللي هي مفتقداه .. بس الأهم وقبل أي خطوة لازم نتأكد من حاجـة مهمـة ..

ثم تنهد وأتبـع :

-حبها ليك حُب عاطفي أم حُب أبوي ؟!!!

استغرق الطبيب قرابة النصـف ساعة في حواره مع هارون وكيف سيكون التعامل بينهما كي تتجاوز فترة مرضها العصيبـة ، خرج هارون من غُرفة الكشف فكانت "ليلة" تنتظره على مراجـل من نار ، هرولت نحوه متوترة :

-الدكتور كان بيقـول لك عليا أيه !!

مسح على شعرها براحـة كفه وهو يطبع قُبلته على جبينها وقال بلطف يتلألأ من عينيـه :

-بيوصيني عليـكِ يا ستي ، ومايعرفش أن قلـبي عليكِ متـوصي .

(5)

<الجـزء الثانـي من الفصل >

"الحُب ؛ قبل كل شيء …"✨

قبـل أن يأتي حُبك لم أحلم مرة بفرح هائل، بحكاية فائقة الغرابة، بصورة للحب تشع كضربة شمس، كان يكفيني فقط الهدوء والسلام.. ولكن كل ما طرأ علي فجأة من مطامع جميعها بسببك أنتَ ….

••••••••••

~مقـر النيـابة العامـة .

-"أنا من حقي أفهم ، ليا ٤ ساعات هنـا ليه وبتهمة أيه !! أنا مش هسكت على اللي بيحصل ده .. "

انفجرت " نادية " بوجه وكيـل النائب العام بنفاذ صبر خاصة بعد تأخـر رشدي عليـهـا .. ثنى النائب عقب سيجارته بقلب المطفأة بهدوء:

-دكتورة نادية أهدي وهتفهمي كُل حاجـة دلوقتي !

-أفهـم أيه؟! افهم أن بنتي مخطوفـة ومش عارفة طريقها وأنتوا هنا متحفظين عليـا !!

فتح النائب شاشـة هاتفـه وبالأخص " الفيديو " الترويجي لحلقة ليـلة المسـاء .. عرض المقطع أمامها قائلًا :

-افتكر المفروض تطمني دلوقتِ بنتك لانها بخير .. وأهو شوفي بنفسـك .

تلقت ناديـة الخبر بذهول وهي تستمع لتأكيد ابنتها على موعد الحلقة ومقتتطفات من البث حديث التصويـر .. تركت الهاتف من يدها وهي تحت تأثيـر صدمتهـا :

-يعني ايه ؟!!! طيب أنا هنا بتهمة أيه ؟! حد يرد عليـا….؟

قلب النائب بعض الأوراق بيده وهو يخبرها :

-نقابة الأطباء والطبيب المُعالج لبنت حضرتك مقدمين بلاغ بإفشاء أسرار مريض على الهوا… عندك علم بعواقب تهمة زي دي يا دكتورة …. !!

-أزاي يعني ؟!!!

قفز الذعر بمقلتيها وهي تجلس بمحملة بأحجار الهم والورطة التي حلت بها :

-أنا ممكن أعمل تليفون ضروري.

••••••••••

-"العيـار اللي ما يصبش يــدويش يا عمـة "

عودة للعـزايـزة وبالأخص لنسوة الحج خليفـة اللاتي يحملن هم الورطة التي ورط هاشم بهـا نفسـه .. ظلت صفية تطلم الخدود وتضرب على فخذيهـا بحرقة :

-بس كانت فين النصايب دي بس ياربي، وأحنا ملاحقيـن !! يارب أنت عالم بحالي وحرقة قلبي .. يارب انا مش عاوزاه العيل اللي هيجي بالخراب ديه ، خده عندك يارب وتبقى جات من عندِك !! خده وريح قلبي .. وأنا ندرًا عليّ هخليه يطلقها ويغورها من هنه العايقة الملعلعة دي !! أنا مش عارفة ماله ذوق عيالي ، زغللوازعنيهم بنات بحري ..

توقفت أحلام عن لف أحجار سبحتها وهي تستغفر ربها :

-بطلي قويق وفقـر وتفي من خشمك .. أنتِ عتقـولي أيـه !! ديه ولدنا ومن دمنـا !! أتهوستي!!

-ديه هيخربيتنا لو چيه يا أحلام!! أنتِ عتفكري كيف !! مجلس العزايزة لو شم خبر هيخلونا فِرچة للخلق .. يا غلبـك الـ مستنيكي في ولادك يا صفيـة !!

حدجتها أحلام بعنفٍ :

-اقفلي خشمك يا صفيـة .. وطلعي روحك من الموضوع ديه ، عشان ولدك مش هيسيبها وماسك فيها بيده وسنانه .. خفي خوتة يا تغوري من چاري أنا مش ناقصـاكي .

هبت صفية مفزوعة :

-مش بكيفه !! مش بكيفه يا أحلام ، أنا أمه وله حق عليّ ومُچبر يسمع كلامي .. البت دي ملهاش عيش وسطينا لا هي ولا ولدها ، يارب خده عندك ويريح قلبي يارب .. مش عاوزاه .

ثم ولولت بحرقة :

-وهارون التاني اللي ماعارفهوش طريق!! دي حتى مرته بت الحسب والنسب ما خش عليها !! دِلوق جرستنا هتبقى جُرسة في النچع كُله !! سايب عروستـه وداير على هواها بحري!! ديه كمان واخدلي البت معاه يا أحلام ..

-يخربيت فقر أهلك على اليوم اللي دخلتي فيه بيتي .. ما تخليكي في حالك يا صفيـة وتلمي روحك وإلا هقوم أكسرلك راسك الناشفـة دي .. وأنتِ فكرك ولدك هيقرب من البت الفاچرة دي بعد عملتها المقندلة !! قوليلها متحلمش.

لوحت بكفها فدق ناقوس الأساور الذهبية :

-أومال متچوزها ليه !! لااا مش بمزاجه أنا اللي هقف له يا أحلام ابعدي سمك بس عن عيالي اللي حالهم اتشقلب من يوم وليلة ووو

كادت أن تجادلها فجاءت " زينة " لتقطع حديثهم :

-مالك يا عمة شايل الطين ليه !! هو مفيـش خبر على هارون ؟! يا عمة وربنا ما ينفع الحديت ديه ولا يرضي حد.. دي أيه دخلة الندابـة دي..دي فال شوم ..

ربتت صفية على كتفها :

-تعالي اقعدي يابتي ومتزعليش روحك ، عمتك فـ ضهـرك … هارون هيروح فين مسيره معاود . و

ما جلست لتعبث بفوضى الحديث مع عمتها فجاءت "رقية" بهيئتها الضعيفة لتقول :

-خالة أحلام ، شيخ هلال عيقـولك هو نازل البندر لـ هـ -ابتلعت جملتها وأتبعت- ، ماعاوزاش حاچة !!

-شالله يعيش يابتي ، قوليلو بس يخلي باله على روحه ويسوق على مهله ..

تدخلت صفية بحرقة :

-وأشمعنا أحلام !! هي مين فينا اللي مراة أبوه .. قوليلو أمك عاوز بسبوسة وهو معاود يچيبها .. أهي حاچة تحلى خشمنا المُر ديه ..كفاية المرار اللي طافحينه .

اقترحت رقية بحماس:

-ما أعملهالك أنا يا عمة .. دي هتعچبك قوي !! تچربي ؟!

لوحت بكفها بضجر :

-مش عاوزة حاچة من يدك ولا من وشك …

رفعت حاجبها مستقبلة إهانتها بمرح :

-بس أكيد خالتي أحلام نفسها تدوق !! أيه رأيك يا خاله هعملك بسبوسة وهعمل لشيخ هلال كيكة .. وتقولي رأيك.

-أعملي يابتي ، أهي حاجـة تحلى خشمنا ..

ضربت زينـة كف على الأخر وهي تتهامس مع عمتها :

-بقا ياعمتي البت السهتانة دي نايمة ومتهنية في حضن چوزها وكمانها هتعمله كيكة وأنا قاعد أندب حظي چارك !! يكون في معلومك هارون لو مچاش من عشية أنا هروح بيت أبوي ، أمي كل هبابة تكلمني وأنا مش عارفة أقولها أيه !!

ضربتها صفية على كتفها بجزع:

-مش ناقصاكي أنت وأمك وأهمدي هبابة ..

~بالخارج .

توقف هلال على أعتاب البوابة ويجلس أبيه بجواره الذي أصر أن يطمئن على حفيده بنفسـه ولكن أثر رؤيتهم لرجال المجلس أمام البوابة هبط من سيارته متسائلًا :

-في أيه هنه !! أنتوا عاوزين ايه..

رد كبير الخفر :

-هارون بيه فينه يا شيخنا ؟! عاوزينه .

هلال بضيق:

-هارون عنديه شغل في بحري ومعاود .. حصل أيه يعني للغاغة دي !!

هز الرجل رأسه وهو يناظر مساعدينـه :

-المچلس عاوزه الليـلة دي ، والأحسن له يعاود قبـل دخلة الليل .. دي أوامر.

جهر الحج خليفـة معنفًا من النافذة المفتوحة:

-اقفل خشمك يا وِلد ، ومتنساش أنك چايب سيرة كبير العزايزة يعني سيدك وسيد أبوك .

طأطأ الخفير رأسه كإيماءة اعتذار منه وهو يقول متواريًا :

-حقك علينـا يا عُمدة بس أصلوا اللي عيتقال يمخول الراس .. عيبة متطلعش من الكبير يا عمدتنا .

أرخى العجوز سدوله مستفسرًا :

-قصدك أيه يا وِلد المحروق أنت؟!!!

••••••••••••

~مســاءً ..

تجلس " ليلة " برفقة "هيام" أمام التلفاز بصمتٍ تام لا يقطعه إلا صوت المقرمشات ، ألقت نظرة سريعة على الساعة وهي تقول بتوجسٍ :

-هيام ؛ هارون اتأخر ولا أنا متهيألي؟! الساعة جت ١٠ وهو لـسه مرجعش .. أنا قلقـانة عليه .

خفضت هيام صوت التلفاز :

-هو قال هيعوق هبابة يا ليلة .. خشي نامي أنتِ .

-لاطبعا مش هعرف أنام وهو لسـه برة ..

ثم جذبت هاتفها بلهفة :

-أنا هكلمـه ..

جرت المكالمـة فكان صوت رنيـن هاتفه بالخارج ومع أصوات المفاتيح هبت متحمسة وهي تقترب من الباب :

-أهو جيـه .. هقوم افتح له ..

ما فتح الباب فوجد قمرها ساطعًا أمامه .. تبسم بهدوء:

-دانتي حارسة الباب !!

تنهدت بارتياح وهي تعاتبه بصوت متهدج:

-كنت مستنياك .. قصدي كُنت فين كُل ده !! قلقت عليـك .. أنت كويس ؟!

دنى منها وأصابعه تعزف على جدار رقبتها تحت مظلة شعرها بلمسات حنونة طابعًا قُبلة طويلة على وجنتها سرت بها قشعريرة مباغتة وهمس :

-اتوحشتك ..

رفعت جفونه بحياء:

-وانت كمان ووحـ

ثم تراجعت إثر مجيئ هيام لهما، وهي تقول:

-هارون حمدلله على سلامتك ؛ أخيرًا چيت تعالى عاوزاك ..

أحست ليلـة بثقل وجودها بين الأخوة فأتبعت قائلة :

-أنا اطمنت عليـك، هروح أنام بقى .. تصبح على خير ..

رمى مفاتيحه على الطاولـة بفتور وقال بصوت ماكر :

-متناميـش ، چايلك …

أومأت بخفوت وهي تفارق عينيه ببچامتها السوداء القطنيـة التي تبرز تفاصيلها الفاتنة لقلبه ، ما وصلت لباب الغرفة فأرسلت له ابتسـامة خفيفة ثم قفلت الباب بهدوء ، وقفت خلف الباب تتحسس نبض قلبها المتسـابق ، تتذكر تفاصيـل قُبلته الساحرة التي كانت هنا ، في أحد أركان الغرفة تحديدًا ، تتذكر حالة قلبها الخاضع لأوامره ولا يجادله أبدًا ، شعور ما يتلهف المزيد من لمساته الحنونة .. تفتقد الساعات التي تغرب شمسه عنها .. تسارع الادرينالين بصدرها وهي تركض أمام المراة تتفحص هيئتها وتتساءل هل هي مناسبة أم لا !! هل ستعجبه أم لديها الأجمل .. أمسكت بحمرة الشفاه القوية ورسمت ثغرها كدعوة صريحة منها لتراوضه على القُبل .. أخذت تتأمل هيئتها مع الحمرة الطاغـيـة فأحست بالخجل الشديد وهي تسحب منديلًا مُبللًا وتمسح شفتها :

-أيه الجنان ده !! ليلة عيب كده !! أنتِ شاغلة بالك ليه .. واللون ده كمان بيعصبـه .. أف !! ده مش بيتمسح ليـه !! أنا أنسب حل أنام .. أنام قبل ما يجي ..

-"وبعدين يا هيام "

بعد ما انتهى من ارتشافه للماء بالمطبخ وأخته تتلو على مسامعه أخبار البلدة وأهلها التي يعرفها جيدًا أردف جملته الأخيـرة بملل ، فأعقبت :

-هارون عقولك البلد مقلوبة قلـب وكله قايد في بعضه وكانوا مستنينك الليلة .

رد بهدوء لا يتناسب مع ثورة أختـه:

-عارف!!

-عارف يا هارون وعشان كِده لغيـت السفر وأچلته لصُبح! …

ترك الزجاجة من يده جاهرًا :

-عشان مش هارون العزايزي اللي يمشي تحت طوع حد يا هيام .. وهاشم أخوكي ديه حسابه لما انزله ، المهم ولده زين دِلوق !!

فاض صبر هيام من. تصرفات أخوتها العبثية:

-عليا النعمة صفية لو جرتلها حاجـة هتبقى من تحـت راسكم !! حرام عليكم يا هارون أنتَ وهاشم .. الست طافح كيلها ..

-هيام خشي نامي ..

-هنام كيف وكل النصايب دي مستنياكم ..

عارضها ساخرًا :

-وسهرك هو اللي هيحلـها يعني !!

-يوه يا هارون .. مش وقت مِقلدة أنا هموت من خوفي عليكم وأنتَ ليك نفس تهزر .. أقولك روح شوف مرتك أحسن لك وسيبني في حالي ..

رفع حاجبه وكأن الفكرة راقت له:

-أهو ديه الحديـت الموزون ..

ما خطى خطوة فتراجع :

-دكتور عمار لو رن تاني مترديش وتقوليـلي… سامعة!

هزت رأسها تحت صدى خفقان قلبها وبثرثرة عفوية :

-لا والله هو مرنش من ساعتها ، وطلع محترم وعيفهم في الأوصول ، أو شكله طفش لما وقفته عن حده.. متخافش يا أخوي أختك بمية راچل وو بس هو بعت رسالة وقال اسف وانا بردو والله ما رديت ، تحب تشوف محمولي .. ولاا هارون خلاص مش هچيبلك سيرته تاني انسى .. ديه باينله غلبان مش هنعملو عقلنـا بعقـله وو

ربت على كتف أخته وهو يقبـل رأسهـا :

-روحي نامي يا هيام الله يهديكي أنتِ وأمك عليّ ……

تعلم أن للنجوم طريقةٌ مميزة في النوم دونَ إساءةٍ لليل ، قد تسهر نجمةٌ وتنامُ أخرى كي يظلَّ الضوءُ في ميزانه تجري الملائكةُ الصغارُ وتفتح الآفاقَ

ثمةَ سهرةٌ تضفي على نوم النجوم …

ما سمعت صوت خطواته يقترب من مدخل الغرفة ركضت محتمية باللحاف الأبيض .. قفلت جفـونها وشدت الغطاء فوقها وهي تنتفض من شدة الحُب واللهفة .. فُتح الباب فوجدتها تتكور تحت لحافهـا التوى ثغره بابتسامـة خفيفـة وقفل الباب بهدوء .. شرع في التفتيش عن ملابسه على الضوء الخافت وهي تراقبه بأعين متلصصة تحت الغطاء .. انتظرت حتى أخذ حمامه الدافئ وخرج ليُكمل ارتداء ملابسـه بالخارج حتى انتهى به الأمر لارتداء ملابسه الرياضية السوداء كانت تتأمل تقاسيم صدره الأشبه بلون حبة القمح القاتمة وتفاصيله التي حركت كل ساكن مجهول بداخلها .. قفل هاتفه المكدس بالمكالمات التي لم يلتف إليها ونزع نعله وهو يتأهب للنوم بجوارها .. ما أحست بقُربه فوثبت كالملدوغة من مكانها ، فسألهـا :

-هو أنا مش قولت استنيني متناميش !! من أولها عتكسري كلمتـي!

فزعت والخجل يكسوها متأهبة للذهاب :

-نمت .. قصدي منا صحيت اهو ، أنتَ صحتنـي خلاص .

تبسم لتشابك كلماتها مع تيـه نظراتها التي حيرته :

-استنى .. على فـين ؟!

بدّ الارتباك على ملامحها وهي تشتت أنظارها المتراقصـة عنـه وتهز كتفيها بخجـل:

-ولا حاجـة ، هسيبـك تنـام في السرير ؛ لوحدك ، هترتـاح أكـتر .. وو

ثم حانت منهـا نظرة خاطفة نحو كفه القابض على معصمهـا :

-أنتَ ماسكنـي كـده ليـه !! هارون بتـوتـر والله ..

تراقص حاجبـه بإعجـابٍ وبنظراته التي تُربكـها أكثر :

-أيه متوترك !!

ليـلة بتردد وهي تجلي حلقهـا مرات متتاليـة :

-أنتَ ، أنتَ بتوتـرني .. هيام ؛ هروح اطمن علي هيام … هي لسه صاحية مش كده .

التقـط حقيقة هروبها الطفولي منـه وقال بهدوء مشاكس:

-هيـام نامـت ، وأنتِ كمـان لازمًا تناميلك هبابة قبل ما نسافروا الصبح ..

-منا هنام ، لازم أنام ، بس أنام فيـن وأنت هتنام هنا فـ السرير ؟!

رد هارون بتريث:

-في حضني !! أومال هتنامي فين يعني ؟!

كتمت أنفاسها بكلا كفيها وبرقت عينيهـا بذهول:

-احيه !! لا طبعا عيب؟! أيه حضنـك ده!! مفيش الكلام ده .. انسى .. يالهوي!!

تمددت ملامحه بدهشة :

-ياصبـر الصبر !! على أساس كُنتِ مبرطعـة في حضن مين ليلة إمبارح !!

أحمر وجهها من شدة الخجل وانفجرت مثرثرة بوجهه :

-ايه!! يعني ايه مبرطعة دي!! لالا انتَ لازم تفهم إني لسه زعلانة واللي حصل امبارح كان لظروف خاصـة وأنت .. أنت أصلًا ضحكت عليا وأخدتني فـ حضنك بالأونطـة وو

احتدت نبرته :

-ليلة ؟!

بنظرات أرنب مذعور :

-نعم والله ..!

شبح ابتسامة خفيفة ظهر على شفته وهو يجذبها لحضنـه برفق و يتخذان وضع النـوم معًا :

-حلوة الأونطة مش كِده !!

اندس نصف وجهها بصدرها وهي تبتلع ضحكتها التي يدثرها بالغطاء فوقهـا بحنان ذاخر ، فمـا تلاقت ملامحهم المدججة بالحُب الثائر بينهمـا ، تراقصت جفونها وهي تحاول التملص من قبضتـه لتهب مقيمة خيمة شروطها :

-خلاص هنام في حضنك بس بشروط ، الأول تكون مؤدب وأكيد فاهم أقصد أيه ، ومتبصليش كده بعنيك الحلوة دي وتوتـرني أقول لك غمض عينيك دي خالص ، ثانيـا ، ممنوع اللمس …

-ودي تتعمل كييف يا فالحة !!

-خلي أيدك جمبك يا عمدة ، سهله أهي ..

-أومال هعمل أيه؟!!

ثم فزعت من مكانها وأكملت بدلال وهي ترفع سبابتها بوجهِه :

-هحكي لك حواديت ، تسمـع ؟!

اتخذت من ذراعه مسندًا لرأسها وعينيها تتأرجح في كُل الاتجاهات حتى استقرت على خاتم يدها :

-الخاتم حلو أوي كل شويه ابص له وابتسم .. لايق على أيدي صح !!

بلمسات طريفة من يده تدرك هدفهـا جيدًا تتنقل هنا وهناك لتحدث بها عواصف وعواطف جمـة خاصة بعالمهما الفريد .. كانت تنهيداته كالريح الخفيفة لا يود إغراق السفن بل يود النجاة على متنها ، تغلغلت أنامله بين خصلاتها بحنو وهو يتأمل طريقة نطقها للكلمات وهي تتاظره قائلـة :

-أنتَ عارف أن شهرزاد هي اللي عرضت الجواز على الملك !! كانت حجتها عشان تنقذ بنات القريـة من ظُلم الملك اللي خانته مراته وقرر ينتقـم من كل البنات اللي هيتجوزها .. بس اللي الناس متعرفهوش بقا .. أن شهرزاد كانت معجبـة بالملك من زمان كان هو فارس أحلامها، وبقوته وذكائه ومع أول حجة ليهـا استغلتهـا وعرضت عليه الجواز …مش سهلة شهرزاد بردو ..

أنصت لهـا باهتمام وهو يداعب ملامحها :

-وبعـديـن ، والملك وافق على طول كِده !

تململت في حضنه بخفة وهي تتأمل خاتمه بأصبعها :

-شهرزاد كانت جميلة أوي يا هارون .. كل الرجالة كانوا بيتنافسـوا عليها ، وأول ما شافهـا الملك وقع في غرامهـا ..

ثم عضت على شفتهـا التي سقاها برحيقه من قبل ورفعت جفونها لعنده :

-الجمال هو الفخ الحقيقي لأي راجل مايقدرش يرفضـه أبدًا .. أنت نفسـك آكيد قابلتك بنات حلوين واتمنيتهم ..

مسك كفها المُزين بخاتم زواجهـم ووضعه جهة قلبه قائلًا :

-أنا ما قابلتش وماتمنتش غيرك ..

-والله العظيم ولا بتسرح بيا !!

أصابتهـا رعشـة الخجل والحُب معًا وهي تتأمله بنظرات انبهار :

-مش قصدي ، تعرف أول مرة أحس أن مامتي داعية لي!!

تمتم بسره:

-وايه لازمتها السيرة العِكرة دي!!!

-بتقول أيـه !! مسمعتش ..

ثم اعتدلت من نومتهـا بنصف زاويـة ومازال كفها مستندًا على صدره :

-أحنا مش كنا هنسافر قنا الليلة !! غيرت رأيـك ليـه ؟! أحلام وحشتني وهيثم و

تعانقت الأعين كما تود قلوبهما أن تسبح في فضاء الحُب ، رفع صدره على الوسادة وهو يقبض على كفها ولا يود أن يفارق مكانـه أبدًا ؛ وقال ممازحًا :

-ماليش ، قولت أسرق من الزمن ليلة زيادة في حُضنك ..

اهتز قلبها من اعترافه الصريح :

-بجد.

ثم تجرأ كفه ليحتل خصرها المتقوس ليثير بها غرائز حبـه وأتبع :

-مش ضامن اللي مستنيني في البـلد ..

خفق قلبها برعب:

-هارون متقلقنيش .. أنا كل ما أحاول افكر بس في اللي ممكن يحصل بتجنن ، ممكن أطلب منك طلب …

-أنت تؤمري ..

سحبت كفها بخوف من المستقبل :

-بلاش نعرف حد أننا اتچوزنا ، أنا فعلًا كنت معترضة الأول أني أكرر غلطة رغد ، بس هستفيد بأيه لما النـاس تعرف وتروح مني .. بص خلاص خلاص أنا موافقـة والله هقضي عمري كله معاك في السر بس بلاش تروح مني … أنا مش عايـزة أخاف ..

اعتدل من اتكائه جالسـًا وهو يلمس تفاصيل وجهها بحُرية ويقول :

-وأنا مش هعيش عمري كله معاكِ غير في العلن ، مش هارون العزايزي اللي يدارى في حضن واحدة وهو خايف ، أنا أخدك في حضني قصاد الكُل ومحدش له حق ينطُق كلمة في حقنا ..

تشبث كفها بعضلات ذراعه الأيسر بتوسل :

-هارون ، متقلقنيش…عشان خاطري بلاش حتى وضع مؤقت تمام ، وأنا والله مش هضغط عليـك ، بس المهم أن آخر كُل ليلة اتونس في حضنك حتى ولو فالسـر والله راضيـة .. أنا خلاص فكرت.

-فالسـر والعلن وكُل الأحوال أنتِ مرتي يا ليـلة ..

اعتدلت في جلستها وهي تضم رُكبتيهـا صدرها وتستند بذقنها عليهما وتُقر معترفـة :

-تعرف أن الجواز كان فكرة مرعبة أوي بالنسبة لي .. كان الكابوس اللي كل فترة أهرب منه أو أأجله .. بس معاك غير .. هارون أنا مش خايفـة من حضنك ومش متهابـة وأنا مستغربة ، أنا أزاي كده .. هو مش طبيعي أبقى خايفة ومخضوضة !! لا أنا نفسي العُمر كُله يفوت وأنا معاك وأفضل باصة لك كده ..

ثم أشاحت بأعين قطة لا يليق بها الهدوء في فناء المشاعر :

-برغي كتيـر !!

ثم قاطعته بعفويتها :

-تعرف أني عمري ما حسيت بشريف ده أنه هيبقى چوزي وو

تحول الرجل المدجج بالحب أمامها لثور هائج عند ذكرها لاسم رجل مثله ، جحظت عيناه بحدة أرعبتها :

-الاسم ديه تمحيـه من نافوخك وو

لم تتحمل البقاء أمام نظراته العاتيـة أكثر ففزعت راكضة :

-هو أحنا مش صحاب وبفضفض عادي .. هارون متبصليش كده وو

-لا أنا رجل صعيدي ومخي ديه قفل مصدي …

لحق بها متبعًا خُطواتها بآخرى واسعة :

:

-أنتِ متعرفيش تتمي حاچة عِدلة لآخرها واصل !!

احتمت بظهر المقعد الخشبي تتوسله :

-والله آخر مرة مش قصدي .

حاول الإمساك بها ولكنها فرت كالأرنب من قبضته ضاحكة :

-هارون اخر مرة بقول لك ، خلاص والله انا اصلًا معرفتش حد بالاسم ده لا شريف ولا شهاب ولا شـ

هجر والغيرة تكسوه وهو يشـد حزامه الجلدي :

-شكلك مش ناوية تفوتي ليلتك ..

هبت صارخة والضحكة تتقاذف فوق ملامحها:

-يخرب عقلي أنا بصلح ولا بعُك ، خلاص يا هارون سيب الحزام ده أنتَ هتعمل عقلك بعقلي .. عيلة وغلطة أيه نموتها !!

لف الحزام الجلدي حول خصرها ليجذها إليه بغتة مُطلقة صرختها بصدره محاولة الهرب منه :

-أنت بتغش والله .. هارون بقا …

برقت عيناه محذرًا :

-تنسي الرجالة العرة دي كلها من نافوخك ، بصي افقدي الذاكرة العِكرة وهركبلك واحدة جديدة وبورقتها .. ذاكرة مكتوب فيها هارون العزايزي وبس ..

فرت من قبضتـه راكضة لتصعد فوق الفراش من جديد :

-خليك أوبن مايند شوية.. متقفلنيش منك …

رمى الحزام من يده وهو يعض على شفتيه متوعدًا ويراقب هيئتها المرحة وهي تتنقل هنا وهناك كالفراشة التي تسود الجمال على المكان ، حاول أن يمسك كفها ففزغت صارخة فاختل اتزانها لتقع فريسته في مصيدته :

-هتهربي تروحي فين يعني!!

مددت في منتصف فراشهما وهي ترفع قدميها وتضمهما لصدرها وقدميها يتحركان بالهواء صارخة بأصوات يعُمها الضحك مُعلنة هزيمتها وعيناها تتراقص نحوه :

-والله بهزر .. خلاص بقا أنتَ كسبت..

نصب أعمدة خيمته حولها وباتت أسيره لمرفقيه اللاتي يحاصرونها من اليمين واليسار ، تحت سطو نظراته المالكة .. كطاووس يحمي عصفورة من غدر المناخ .. تعانقت الأعين فانخفض صوتها وبجزل طفولي تترجاه :

-بهزر ، سوري مش هتتكرر تانـي عمري ..

بتبرته التي يرتد أنفاسها بوجهها :

-لو سمعتك بس جبتي حرف الشين على لسانك هتزعلي ..

-وههون عليـك ؟!!

احتدت نبرته :

-ليلة …..!!

اربكتها أنفاسها ونظراته التي لا يفصلها إلا مبادرة منه

-هارون موترني .. خلاص والله .. مفيش ..

رفع حاجبـه مؤكدًا :

-مفيش أيه ؟!

ردت بدهاء:

-مفيش غيرك أصلًا .. هارون بيـه العزايـزي .. حافظة أنا أهو .

أرضت غروره كي تنجو من فخه المنصوب فسقطت عيناه على سُرة بطنها المُتعرية ، وحمُرة شفتها التي تحرشت بغرائزه ، تنهد مؤكدًا :

-ولو غلطتي تاني …؟!

-أحيــه !! ليـه وأنا عبيطة !! حرمت خلاص .. وعد آخر مرة ..

كلمتـها الأخيرة بدلالها المُفرط وأسلوبها في التغنج تحت يده مفعولهما كالسحر على رجل مثله بدون أي بوادر مُعلنـة أطبق قُبلته على شفتيها فكانت برقـة النسيم الذي لا يُثلج الجسده ولا يدفأه ولكنـه كافيًا لاشعال ثورة مجهولة من المشاعر .. من هول صدمتها بلعت صوتهـا لتتحول لقُطة راضخة لتلك المشاعر الغريبة التي تتسرب إليها .. قفلت جفونها لتذوب معه في عالم الخيال وهي ترخي سدول أعصابها التي تُقاومـه ، فكان كالفنان الذي يلون شحوب لوحته ببراعـة ، ما حرر ثغرها المتورم بهدوء لينقل لجدار الفاصل بين قبلها وثغرها ولت وجهها جنبًا مستسلمـة بمشاعر مدفونـة عنه تخجل بالإفشاء بها ، تمادى وتزايـد في نقش حبه على لوحتها البريئة حتى اشتعلت نيران حارقة بجسد تلك الطفلة التي تجهل تفاصيل ما وراء الحُب .. ظلت تكتم وتخفي بمشاعرها حتى فاض الدمع من مُقلتيها وهي تتمتم متحيـرة بين اللذة والألم :

-هارون ..

ما تلاقت أعينها الغارقـة في بحر عشقه الذي فجره للتو واكتشفته على دكة لمسته الخاطفة كادت أن تتفوه والعبرات تكسو وجهها وجسدها يتنفض تحت عينيه عاد من قصر الحُب متعجبًا لهيئتها العصيبة حيث باتت كالحمامة المذبوحـة تحت يده ترتعش وترتجف فسألها :

-مالك !

حاولت أن تبرر حالتها :

-معرفش .. انا متوترة شوية بس وو

ثم دفتعه متمردة على قربه لتهرب من احتلاله محتمية بالحمام بارتباك :

-انا هروح الحمام….

•••••••••••

~مرسـى علم .

ما تأكدت نجـاة من نوم صغيرها تسللت بخفة شديدة من جواره بعد ما طبعت قبلتها الحنـونة على رأسـه .. تركت النور الخافت بجواره.. سارت على أطراف أصابعهـا حتى غادرت الغرفة وقفلت بابها بحرص شديد .. تنفست الصعداء وهي تتوجه صوب غُرفـة رؤوف الذي ينتظرها على مراجل تحرق ، يقطع خطاوي الأرض ذهابًا وإيابًا ، تنهدت بارتباك شديد وهي تدق باب غرفته بقبضة يده والذي كان واقفًا خلفه ، على الفور فتح بابها مزفرًا بحماس :

-لو مكنتيش چيتي كُنت هاچيلك وو

جلت حلقها بارتباك:

-چعان أجهزلك وكل !!

شدها من كفها قاطعًا المسافة الفاصلة بينهما لتتوسد حضنه المتعري شاهقة وباليد الآخرى أحكم غلق الباب عليهما وهي يتنهد تنهيدة الوصول الأخيرة:

-آخيرًا…… !

•••••••••••••

~العزايزة .

-"نورتي بيتـك يابتي ، وخلي بالك من روحك من اللي في بطنك ، سلامتكم تعز علينا "

بغُرفة أحلام احتشد الجميـع حول رغد العائدة من المشفى ، زام ثغر صفيـة متراقصًا بضيق ، فتدخلت أحلام :

-سلامتك يا بتي .. يكش ما تشوفي مكروه واصل في حياتك ..

كان هاشم واقفًا بمحاذاة النافذة ينفث دخان سيجارته حائرًا في سُحب الفكـر خاصةً بعد انقلاب البلدة على أخيـه لمجرد إشاعة أطلقت عليه ، فتدخلت مزمجرًا :

-حچ خليفة ، أحنا هنسكتوا على اللي داير يتقال علينا في النچع !!

رد خليفة بارتياح خاصـة بعد عثوره على ورقـة رابحـة لتبرئة ابنه :

-سيب اللي يقول يقول وركز في روحك يا هاشم ..

فأكمل بحدة :

-كلم أخوك قوله يعاود وبزياداه قعاد في بحري.. وشوف رؤوف صاحبك خد البت وراح على فين ، قوله عاود يا رؤوف وبطل لعب عيال …

فأعقبت صفية بقهرة مدفـونة :

-ما خلاص ولادك مبقاش ليهم رابط يا حچ ، كل واحد مطلوق على كيفه وبكرة نقولوا ياريت اللي چرى ما كان …

تجاهل الحج عويلها ثم نظر لرغد :

-وأنتِ يابتي تؤمري بحاچة أشيع هيثم يچيبهالك ..

-ولا حاجة يا عمو ، ربنا يخليك .

دخل هيثم برفقة أخيه الشيخ هلال الذي لا يرفع عينيه من الأرض متحمحمًا :

-ألف لا بأس عليـكِ يا زوجة أخى ..

خيمت الحيرة على وجه رغد لتحدثه بالعربية و ردت مجاملة :

-شكرًا لحضرتك ..

فأعقب هيثم مغازلًا :

-سلامتك يا مراة الغالي .. وأم الغالي .. وو

فحدجه هاشم محذرًا ليبتلع بقية جملته :

-لسه ماقولتش حاچة غلط أنا .. بس ناوي أقول ..

زفر هاشم بضيق من داعبة أخيـه المُغايرة لأوانها ، فأتبع هيثم يزف الخبر لأبيه بفرحة :

-العزايزة ملهلبة برة على هارون ، هموت وأعرف الخبر ديه طلع منين !! ديه واحد مركز قوي معاه .. بس مش وِلد سويلم .

فأتبع هلال باختناق :

-هارون يرچع ولازمهم واقفـة من حديـد يا أبوي .. دول محدش هاممهم ..

-الكُل هياخد حسابه يا ولدي .. طول بالـك .

دخلت رقية حاملة بيدها مائدة معدنية بها أطباق صغيرة من الحلويات " كيك وبسبوسة" صنعتها بيدها وهي تمشي على مهلٍ فما دار هلال ووجدها حمل المائدة نيابة عنها معاتبًا :

-ما قولتيش ليه كنت چيت قَليتها بدالك ..

فعاتبتها أحلام بنُصح :

-يابتي متشليش حاچة تقيلة لتكوني حبلى .. بالعدل على روحك ..

تبدلت ملامح صفيـة بسخط :

-ضربتين في الراس يوجعوا يا عمة ، ماهي ناقصـة !! ناقصة نكد على راس صفية واللي چابوها.

وضع هلال المائدة على الطاولة متجاهلًا تلميحات أمه :

-بس أيه الچمال ديه كله يا رقية ، يسلم يدك ..

تقدمت رقية بحب وهي تحمل طبقًا من الحلوى وتمده لحماها قائلة :

-اتفضل من يدي يا عم الحچ ، يارب يعجبك .. تحب أعملك شاى جنبيه ..

أخذ خليفة الطبق منها بيده المرتعشة من الكِبـر وشكرها :

-شالله تعيشي يا بتي .. ناكلوا في الفرح .

ارسلت له ابتسامة مجاملـة ثـم ولت لرغد المستندة على الفراش ومنحت لها طبقًا:

-أنا عملت عشانك أصلا ، لازمًا تاكلي وتتغذي زين عشانك أنتِ واللي في بطنك . يلا خدي من يدي .

اعترضت صفية الجالسة جنبًا بحرقة :

-علموكي في المدارس اللي دخلتيها إنك تكبري الصغيرة على حماتها ..كان فين المُر دي يا ربي..

عارضتها رقية بخفـة تحمل نكهـة المرحٍ :

-مش أنتِ قولتي مش عاوزة حاجة لا من يدي ولا من وشي يا عمتي!! رچعتي في كلامك ليه ! ولا يدي ووشي بقوا حلوين دِلوق .

تمتم هيثم لهلال أخيه :

-مرتك عتحفـر قبرها مع أمك .. خش ألحقها .

ضربت صفية كف على الأخر وهي تراقب الأعين التي تحاصرها خافيـة ضحكها وقالت :

-مقصوفة الرقبة دي عترد عليّ الكلمة بكلمتها .. وربنا لو ما اتعدلت لأعدلهالك ياهلال .. دي عتكيدني!!

تحمحم هلال متدخلًا في خضم حوارهم متغزلًا بها :

-بيضاء رعبوبة ، بالحُسن مكبوبـة بالمسك مشبوبـة ، يقُال عنها ذات رقبة مقصوفة!! ماتديها نضارتك يا أحلام شكلٍ المقاسات عند أمي بعافية ولا تحبي تاخدي عيوني تشوفيها بيها يا أم هارون!!

-كفاية عليك أنت يا خوي !! نضارة الحُب متعوسة ، وأنا تعسة ولادي بالكوم .

همهمات من الضحك اندلعت من الأفواه لتقول صفية مغلولة:

-يلا أهي حمارتك العرچة تغنيك عن سؤال الكهين… اللي ما يعرفش يقول عدس …

ثم زفرت بقهرة:

-ياخيبتك في ولادك ياصفية، كل واحد وقعته أنقح من التاني، ياريتني چبتكم كلكم بنات وارتحت من همكم …. مالها البت مش فاهمة !!

ما بين أصوات ضحكهم المتعالي اقتحمت البومة مجلسهم وهي ترمي على رأسهـا الوشاح بعشوائيـة :

-ما تضحكوني معاكم ولا هي الوكسة والخيبة التقيل عتحط على زينة وبس ..

تأفف هلال وهو يقرب زوجته منه بلطفٍ :

-سلام قولًا من رب رحيم.

تهامست رقية مع زوجها :

-دايما عتعارك دبان وشها البت دي ..

-رقية ؛ دعك منها ومن شأنهـا ، ركزي معي .

-كيف منا معاك أهو ، بشتكيلك بس ، أنت نفسك لسه قايل سـ.

ضغط على خصرها بحرص لم يلحظها أحد ومن خلف فكيه المنطبقين تهامس:

-باقي الكيكة دي طلعيها الأوضة أنا لسه مكلتش ومن شكلها عاوز أكلها وكل هي واللي عملتها ..

همت فارحـة :

-و الله عچبتك ؟!

برق الغزل بعينيـه :

-هي عاچبني من زمان .. بس تحن هبابه لوچه الله وشفاعة بقلب عبده .

جلست زينة على طرف الفراش الذي ترقد فوقه رغد :

-بردك مش هتعرفوني مين الحلوة حتى نضايفوها ونقوموا بالواچب !! ما تقوليلي أنتِ مين ومالك ملمومين كلهم حوليكـي ليه!! دأنتِ لو چايبـة لهم ولي عهد ما هيحتفلوا بيكي إكده !! هي مين دي ياعمتي ..

كاد هاشم أن يقف لها فتدخلت أمـه واقفة أمامه :

-قولنالك ضيفـة وبعدين أنتِ سايبة اوضتك ونازلة ليه !! في عروسة تهمل أوضتها إكده..

فأتبعت ساخرة تشكو حالها :

-وهو عدم اللامؤاخذة فينـه العريس يا عمتي!! فينه اللي نقفلوا علينا بابنا وكافيين خيرنا شرنـا ..

ثم عادت ناظرة لرغد :

-وأنتِ مش هتقولي مين ! ولا زي المذيعة اللي چات مخولت راس الكبيرة وهچت !! ماهي نفس العياقـة والشخلعة !! ياترى راسمة على ميـن هِنه !! هاشم ولا هيثم !!!

أعقب هيثم ساخرًا :

-والله هيثم كان نفسـه بس چيه متأخر ..

حدجه هاشم بعنفوان فلحق نفسه هيثم قائلًا :

-ما تتمسي عالمسا يا زينة !!

ضرب الحچ خليفـة الأرض بمؤخرة عكازه آمرًا :

-يلا كُل واحد منكم يروح يشوف مصالحه مش عاوز حد يزعل ضيفتي .. وأنت يا هاشم تعالى عاوزك ..

فركت زينة كفوفها ببعض:

-ما تردي ياختي أنتِ مين ولا لسانك بالعاه القُطة !!

تأرجحت عيني رغد بذهول فهي لا تدرك كيفيـة التعامـل معهـا فتدخلت رقية قائلة :

-مش باين عليها عيانة ومفهاش حيل للمناهدة !! لا في دم ولا نظر أومال في أيه ؟! هموت وأعرف !! سيبي الضيفة ترتاح وحلي عن راسهـا يا زينة …

-حوش حوش، رقية أبو الفضل بقالها حِس وصوت منفوش..!!

تدخل هلال بحزمٍ وهو يمسك كف زوجته:

-يلا يا رقيـة ..

••••••••••

~القـاهـرة .

قرأت نصًا قديمًا في أحد الدفاتر الباليـة :

هناك أشخاص في الحياة يأتون كاعتذارات عن العمر المنسي، عن المتاهات والوقت الضائع، عن حماقات البشر، وقساوة الواقع.

فتشعر وكأنهم يمتازون بخفة لا توجد إلا فيهم، كـ نسيم بارد في عنفوان حرارة الصيف، أو كـ طيف دافئ في ليالي الشتاء الجميلة، كـ بلسم للزمن الجاف وكـ الرزق لسنين العمر العجاف.

ظلت تغسل وجهها حتى كاد أن يذوب حزنه من كثـرة الماء الفاتر وهي تغرق في عُمق المجهول وعُمق العالم الذي طلت عليه من بعيدًا معـه عالم رغم جماله إلا أنه مُربكًا للغايـة ، دق الباب بقلق لتأخيرها بالداخل :

-ليلـة !!

أخذت نفسًا عميقًا وهي تقفل الصنبـور وتدور لتفتح البـاب والخجل يعُم على ملامحهـا ، فما رأته تصلبت مكانها فتلهف مطمئنًا :

-فيكي حاچة !! متقلقنيش عليكِ .

بللت حلقها ثم اندفعت لحضنه كالغريق المتعلق بقشة النجاة وهي تقفل ذراعيها حول خصره كأنه شيء مهم لا تود خسارته أبدًا .. أخذ يمسح على رأسها :

-أنا معاكِ أهو هروح فين !! متخافيش .. چرالك أيه..؟!

ثم انحنى ليحملها بين يديه بدون مجهود يُذكر لخفة وزنها ، حاول التدقيق فـ ملامح وجهها ولكنها دفنته بحضه وهي تتعلق برقبته ، فأردف ممازحًا :

-كُل ديه عشان حِتة بوسة !! دانتِ قلبك خفيف قوي هتچمديـه ميتى !!

ضربته على كتفه برفق :

-هارون خلاص بقا اسكت وإلا ..

تحرك نحو فراشـه بهمـلٍ :

-ما بلاش وإلا دي محدش عيفرفر غيرك !!

ثم جلس على طرف فراشه وهمس معتذرًا :

-حقك عليّ و

رفعت جفونها بخجل :

-هارون أنا عايزة أنام لو سمحت ..

لبى طلبها بدون جدال وتحرك ليضعها بمكانها ثم انحنى هامسًا بآذانها :

-مش عاوز أشوف الخوف اللي شوفته ديه في عينك مرة تانيـة ، أنتِ مرتي ومحدش هيصونك قدي ومتخافيش مفيش حاجة هتحصل بينا غير فالعلن وكل الناس هتكون عارفـة .. هيتعملك أكبر فرح في مصر كُلها .

ثم غمز لها بطرف عينيه وأتبع :

-واعذريني أصلي أنا من الرجالة اللي بيغويهم الچمال ، قصادك حسنك ربنا يصبرني لغاية ما يچي اليوم دي..

ثم طبع قُبلته الطويلة بين حاجبيها :

-ديه وعدي ليكي.. وعد هارون العزايزي ..عايزة حاچة أبعت أجيبهالك من تحت ..؟

هدأت ضربات قلبها ولمع الحُب بوجهها وهي تمسك كفه طالبـة منه بدعوة أمان صريحة :

-هارون .. عايزة أنام في حضنك وبس .

•••••••••••

-هو هاشم عصبي ومتهور بس غلبان والله يابتي ، أقعدي معاه واسمعيـه .. يكش المية تعاود لمجاريها..

أردفت أحلام بنبرتها الحنونة وهي تربت على كتف رغد وترق قلبها على هاشم، فتراقصت العبرات بمُقلتيها:

-اتجرحت منه يا طنت ، ومامي مستحيل هتوافق، دي أصلا مفكرة إني كل ده فالبيت والطيارة فاتتني وو

هبت أحلام ناصحة:

-يابت يا عبيطة دي چوزك وأبو ولدك اللي چاي ، زعلانـة منه ربيه ولاعبيه لكن مش تقاطعيه، متزعلهوش لغاية ما يهج من عشك ..

ردت بضيق:

-أنا مابقتش عايزة هاشم يا طنت خلاص.. أنا مستحيـل أسامحه مهما عمل …

ختمت جملتها بصوت الباب الذي فُتح على مصرعيه بعد ما تأكد من نوم سُكان البيت اقتحم غرفة أحلام التي هبت مفزوعة :

-يكش تاكل أمك !! ايه دخلة المُخبرين ديه !!

بدون أي مقدمات هجم على مرقدها واخترق حصونها وحملها متجاهلًا صرخاتها وتحذيراتها:

-هاشم أنتَ اتجننت !!بتعمل ايه؟!

حاولت أحلام أن توقفه عن فعله الجنوني ولكن أن انطلق سهم القلب من يرجعه .. حملها وغادر الغرفة بنظرات تحذيرة واتبع :

-رغد ولا كلمة !!

تهامست بحذر :

-هاشم نزلني !! أنت فاكر إني كده هسامحك !بلاش جو البلطجة ده خلاص مش هياكل معايـا.

رفع حاجبـه بحسمٍ وهو يتجه صوب غُرفته معاندًا :

-على أخر الزمن أن حد يقول لي اتعامل كيف مع مرتي!! ليه !!

-هاشم نزلني بقول لك مش خايف حد يشوفنا !!

وصل لغرفته وأنزلها برفقٍ ثم قفل بابها بالمفتاح حاسمًا أمره :

-وأدي الباب يا رغد ، مفيش طلوع من الأوضة دي غير وأنتِ فاردة بوزك …

-هاشم !!

-رغد !!

تحركت نحو فراشه واتخذت وضع النوم لتتجاهل وجوده تمامًا :

-ماشي، اتكلم مع الحيطان بقا وكسر ورزع مع نفسك ؛ أنا حامل ولازم أنا وارتاح …

زفر بامتعاض بعد ما أشعلت ثورة محرقـة بصـدره :

-رغد بلاش أسلوب العيال ده!! وكلميني زي ما بكلمك ..

تحدته بعناد كي تهرب من ضعفها أمامه ورضوخها الواقع لا محالة رغم مصائبه الفادحة:

-أقفل النور يا هاشم ….

•••••••••••••

~صباحًا …

ضُبت الحقائب وعُزم أمر الترحال وبعد محاولات متعددة بإقناع ليلة بالعودة معه يومين لا أكثر وافقت على مضضٍ ، خرج من مدخل العمارة فكان العم حسن بانتظاره، سلم عليه وشكره وأرجع له مفاتيح شقة ابنه ، ساعد العـم حسن هارون في وضع الحقائب بمؤخرة السيارة ، اعترض هارون على مساعدته وحاول اعطاءه بعض النقود الورقية ولكنه رفض قطعًا وقال موصيًا:

-ليلة بنتي يا ولدي ، أمانة عليك خلي بالك منها البنت ملهاش غيرك دلوقتي.

-في قلبي وفي عيني والله يا عم حسن والله، اطمن ..

رن هاتف العم فاستأذن ليجيبه وأكمل هارون تجهيز سيارته للانطلاق للعزايزة .. جلس على مقعده الأمامي يفحص بنزين السيارة التي حتمًا سيملأها قبل أن يتحرك ففوجئ بفوهة سلاح مصوبة نحو رأسه وصوت شريف يصدح من ورائها قائلاً :

-مش بالسهولـة دي يا عزايزي …..

(5)

<الجـزء الثانـي من الفصل >

"الحُب ؛ قبل كل شيء …"✨

قبـل أن يأتي حُبك لم أحلم مرة بفرح هائل، بحكاية فائقة الغرابة، بصورة للحب تشع كضربة شمس، كان يكفيني فقط الهدوء والسلام.. ولكن كل ما طرأ علي فجأة من مطامع جميعها بسببك أنتَ ….

••••••••••

~مقـر النيـابة العامـة .

-"أنا من حقي أفهم ، ليا ٤ ساعات هنـا ليه وبتهمة أيه !! أنا مش هسكت على اللي بيحصل ده .. "

انفجرت " نادية " بوجه وكيـل النائب العام بنفاذ صبر خاصة بعد تأخـر رشدي عليـهـا .. ثنى النائب عقب سيجارته بقلب المطفأة بهدوء:

-دكتورة نادية أهدي وهتفهمي كُل حاجـة دلوقتي !

-أفهـم أيه؟! افهم أن بنتي مخطوفـة ومش عارفة طريقها وأنتوا هنا متحفظين عليـا !!

فتح النائب شاشـة هاتفـه وبالأخص " الفيديو " الترويجي لحلقة ليـلة المسـاء .. عرض المقطع أمامها قائلًا :

-افتكر المفروض تطمني دلوقتِ بنتك لانها بخير .. وأهو شوفي بنفسـك .

تلقت ناديـة الخبر بذهول وهي تستمع لتأكيد ابنتها على موعد الحلقة ومقتتطفات من البث حديث التصويـر .. تركت الهاتف من يدها وهي تحت تأثيـر صدمتهـا :

-يعني ايه ؟!!! طيب أنا هنا بتهمة أيه ؟! حد يرد عليـا….؟

قلب النائب بعض الأوراق بيده وهو يخبرها :

-نقابة الأطباء والطبيب المُعالج لبنت حضرتك مقدمين بلاغ بإفشاء أسرار مريض على الهوا… عندك علم بعواقب تهمة زي دي يا دكتورة …. !!

-أزاي يعني ؟!!!

قفز الذعر بمقلتيها وهي تجلس بمحملة بأحجار الهم والورطة التي حلت بها :

-أنا ممكن أعمل تليفون ضروري.

••••••••••

-"العيـار اللي ما يصبش يــدويش يا عمـة "

عودة للعـزايـزة وبالأخص لنسوة الحج خليفـة اللاتي يحملن هم الورطة التي ورط هاشم بهـا نفسـه .. ظلت صفية تطلم الخدود وتضرب على فخذيهـا بحرقة :

-بس كانت فين النصايب دي بس ياربي، وأحنا ملاحقيـن !! يارب أنت عالم بحالي وحرقة قلبي .. يارب انا مش عاوزاه العيل اللي هيجي بالخراب ديه ، خده عندك يارب وتبقى جات من عندِك !! خده وريح قلبي .. وأنا ندرًا عليّ هخليه يطلقها ويغورها من هنه العايقة الملعلعة دي !! أنا مش عارفة ماله ذوق عيالي ، زغللوازعنيهم بنات بحري ..

توقفت أحلام عن لف أحجار سبحتها وهي تستغفر ربها :

-بطلي قويق وفقـر وتفي من خشمك .. أنتِ عتقـولي أيـه !! ديه ولدنا ومن دمنـا !! أتهوستي!!

-ديه هيخربيتنا لو چيه يا أحلام!! أنتِ عتفكري كيف !! مجلس العزايزة لو شم خبر هيخلونا فِرچة للخلق .. يا غلبـك الـ مستنيكي في ولادك يا صفيـة !!

حدجتها أحلام بعنفٍ :

-اقفلي خشمك يا صفيـة .. وطلعي روحك من الموضوع ديه ، عشان ولدك مش هيسيبها وماسك فيها بيده وسنانه .. خفي خوتة يا تغوري من چاري أنا مش ناقصـاكي .

هبت صفية مفزوعة :

-مش بكيفه !! مش بكيفه يا أحلام ، أنا أمه وله حق عليّ ومُچبر يسمع كلامي .. البت دي ملهاش عيش وسطينا لا هي ولا ولدها ، يارب خده عندك ويريح قلبي يارب .. مش عاوزاه .

ثم ولولت بحرقة :

-وهارون التاني اللي ماعارفهوش طريق!! دي حتى مرته بت الحسب والنسب ما خش عليها !! دِلوق جرستنا هتبقى جُرسة في النچع كُله !! سايب عروستـه وداير على هواها بحري!! ديه كمان واخدلي البت معاه يا أحلام ..

-يخربيت فقر أهلك على اليوم اللي دخلتي فيه بيتي .. ما تخليكي في حالك يا صفيـة وتلمي روحك وإلا هقوم أكسرلك راسك الناشفـة دي .. وأنتِ فكرك ولدك هيقرب من البت الفاچرة دي بعد عملتها المقندلة !! قوليلها متحلمش.

لوحت بكفها فدق ناقوس الأساور الذهبية :

-أومال متچوزها ليه !! لااا مش بمزاجه أنا اللي هقف له يا أحلام ابعدي سمك بس عن عيالي اللي حالهم اتشقلب من يوم وليلة ووو

كادت أن تجادلها فجاءت " زينة " لتقطع حديثهم :

-مالك يا عمة شايل الطين ليه !! هو مفيـش خبر على هارون ؟! يا عمة وربنا ما ينفع الحديت ديه ولا يرضي حد.. دي أيه دخلة الندابـة دي..دي فال شوم ..

ربتت صفية على كتفها :

-تعالي اقعدي يابتي ومتزعليش روحك ، عمتك فـ ضهـرك … هارون هيروح فين مسيره معاود . و

ما جلست لتعبث بفوضى الحديث مع عمتها فجاءت "رقية" بهيئتها الضعيفة لتقول :

-خالة أحلام ، شيخ هلال عيقـولك هو نازل البندر لـ هـ -ابتلعت جملتها وأتبعت- ، ماعاوزاش حاچة !!

-شالله يعيش يابتي ، قوليلو بس يخلي باله على روحه ويسوق على مهله ..

تدخلت صفية بحرقة :

-وأشمعنا أحلام !! هي مين فينا اللي مراة أبوه .. قوليلو أمك عاوز بسبوسة وهو معاود يچيبها .. أهي حاچة تحلى خشمنا المُر ديه ..كفاية المرار اللي طافحينه .

اقترحت رقية بحماس:

-ما أعملهالك أنا يا عمة .. دي هتعچبك قوي !! تچربي ؟!

لوحت بكفها بضجر :

-مش عاوزة حاچة من يدك ولا من وشك …

رفعت حاجبها مستقبلة إهانتها بمرح :

-بس أكيد خالتي أحلام نفسها تدوق !! أيه رأيك يا خاله هعملك بسبوسة وهعمل لشيخ هلال كيكة .. وتقولي رأيك.

-أعملي يابتي ، أهي حاجـة تحلى خشمنا ..

ضربت زينـة كف على الأخر وهي تتهامس مع عمتها :

-بقا ياعمتي البت السهتانة دي نايمة ومتهنية في حضن چوزها وكمانها هتعمله كيكة وأنا قاعد أندب حظي چارك !! يكون في معلومك هارون لو مچاش من عشية أنا هروح بيت أبوي ، أمي كل هبابة تكلمني وأنا مش عارفة أقولها أيه !!

ضربتها صفية على كتفها بجزع:

-مش ناقصاكي أنت وأمك وأهمدي هبابة ..

~بالخارج .

توقف هلال على أعتاب البوابة ويجلس أبيه بجواره الذي أصر أن يطمئن على حفيده بنفسـه ولكن أثر رؤيتهم لرجال المجلس أمام البوابة هبط من سيارته متسائلًا :

-في أيه هنه !! أنتوا عاوزين ايه..

رد كبير الخفر :

-هارون بيه فينه يا شيخنا ؟! عاوزينه .

هلال بضيق:

-هارون عنديه شغل في بحري ومعاود .. حصل أيه يعني للغاغة دي !!

هز الرجل رأسه وهو يناظر مساعدينـه :

-المچلس عاوزه الليـلة دي ، والأحسن له يعاود قبـل دخلة الليل .. دي أوامر.

جهر الحج خليفـة معنفًا من النافذة المفتوحة:

-اقفل خشمك يا وِلد ، ومتنساش أنك چايب سيرة كبير العزايزة يعني سيدك وسيد أبوك .

طأطأ الخفير رأسه كإيماءة اعتذار منه وهو يقول متواريًا :

-حقك علينـا يا عُمدة بس أصلوا اللي عيتقال يمخول الراس .. عيبة متطلعش من الكبير يا عمدتنا .

أرخى العجوز سدوله مستفسرًا :

-قصدك أيه يا وِلد المحروق أنت؟!!!

••••••••••••

~مســاءً ..

تجلس " ليلة " برفقة "هيام" أمام التلفاز بصمتٍ تام لا يقطعه إلا صوت المقرمشات ، ألقت نظرة سريعة على الساعة وهي تقول بتوجسٍ :

-هيام ؛ هارون اتأخر ولا أنا متهيألي؟! الساعة جت ١٠ وهو لـسه مرجعش .. أنا قلقـانة عليه .

خفضت هيام صوت التلفاز :

-هو قال هيعوق هبابة يا ليلة .. خشي نامي أنتِ .

-لاطبعا مش هعرف أنام وهو لسـه برة ..

ثم جذبت هاتفها بلهفة :

-أنا هكلمـه ..

جرت المكالمـة فكان صوت رنيـن هاتفه بالخارج ومع أصوات المفاتيح هبت متحمسة وهي تقترب من الباب :

-أهو جيـه .. هقوم افتح له ..

ما فتح الباب فوجد قمرها ساطعًا أمامه .. تبسم بهدوء:

-دانتي حارسة الباب !!

تنهدت بارتياح وهي تعاتبه بصوت متهدج:

-كنت مستنياك .. قصدي كُنت فين كُل ده !! قلقت عليـك .. أنت كويس ؟!

دنى منها وأصابعه تعزف على جدار رقبتها تحت مظلة شعرها بلمسات حنونة طابعًا قُبلة طويلة على وجنتها سرت بها قشعريرة مباغتة وهمس :

-اتوحشتك ..

رفعت جفونه بحياء:

-وانت كمان ووحـ

ثم تراجعت إثر مجيئ هيام لهما، وهي تقول:

-هارون حمدلله على سلامتك ؛ أخيرًا چيت تعالى عاوزاك ..

أحست ليلـة بثقل وجودها بين الأخوة فأتبعت قائلة :

-أنا اطمنت عليـك، هروح أنام بقى .. تصبح على خير ..

رمى مفاتيحه على الطاولـة بفتور وقال بصوت ماكر :

-متناميـش ، چايلك …