رواية أسر قلبي الفصل التاسع عشر 19 - بقلم ندى رأفت

فجأة نزلت الآنسة على ركبتيها وأخرجت وردة كانت معها وقالت: تتجوزيني؟ أدهم بصدمة: إيه دا؟ الآنسة بحزن: يبقى مش موافق؟ يوووه.. بقا كده.. طب أنا هعمل إيه دلوقتي؟ يا ربي.. وقعدت تعيط. وقعدت في نص الشارع ورمت الوردة. أدهم باستغراب من كل اللي بيحصل: انتي كويسة يا آنسة؟ الآنسة بحزن وعياط: ما أنت مش وافقت عليا.. يبقى امشي.. بقا أنا هتصرف.. أدهم: تتصرفي على إيه؟ ووافق إيه؟ انتي مجنونة؟ فجأة قامت البنت وضربته بالقلم وقالت:

أنا عاقلة.. متقوليش كده. فجأة شدها أدهم ليه بعصبية وقال بغضب: إنتي قد الي انتي عملتيه دا دلوقتي؟ الآنسة بخوف: آه قدها.. أنت مش بتخوفني على فكرة.. وبعدها ابتدت تعيط جامد وقالت: أصل هما دايماً بيقولولي مجنونة.. متزعلش.. لأني عملت كده.. آسفة.. سيبها أدهم بغضب وقال: هما مين اللي بيقولولك دول؟ وبعدها نادى على الشوفير. جاله الشوفير بسرعة وقال: نعم يا باشا. أدهم: خد المجنونة دي على المصحة العقلية.. أصلها محتاجة تتعالج..

فجأة نزل قلم على وش أدهم تاني. الآنسة بعياط جامد: أنا مش مجنونة بقا.. أنا مش مجنونة.. وقعدت تنط زي الأطفال وتقول بعياط جامد: ياريتني ما قولتلك تيجي تجوزني.. أدهم وخلاص فقد أعصابه وعينيه بقت حمراء من كتر الغضب. مسكها جامد وقال بزعيق: مش انتي كنتي عايزاني أتجوزك؟ ماشي هتجوزك.. وفضل يشدها معاه العربية. وهي فضلت تعيط وركبها ووصل بيها الفلة بتاعته. ودخلها. الآنسة بعصبية وعياط: ابعد عني بقا.. ابعد.. يا ماما تعالي خديني..

أدهم بزعيق: يا سناء.. سناء جت بسرعة: نعم يا باشا. أدهم بعصبية: خدي دي ظبطيها لي كده.. عايزها على سنجة عشرة.. عشان هكتب عليها النهاردة.. الآنسة: لااا.. وقعدت تخبط رجليها في الأرض بغضب وقالت: مش عايزة.. أنا أدور على حد تاني.. أنت وحش.. تقولي مجنونة زيهم.. سناء: دي باين عليها مجنونة يا باشا.. دي تيجي في عمر 20 سنة كده وبتتكلم زي الأطفال.. هتتجوزها إزاي دي؟ أدهم بعصبية:

إنتي تشوفي شغلك هنا وبس.. من غير ما تسألي.. إنتي فاهمة؟ وبعدها سابها ومشي. سناء بغضب: عملتي إيه للبيه عشان يبقى عصبي كده يا شيخة منك لله.. بس إنتي اللي هتندمي.. أنا مالي.. وبعدها قالت: يلا تعالي.. الآنسة: أنا مش جايه حتة.. سناء: تعالي يا ماما.. الآنسة: قلت مش جايه حتة.. سناء بنفاذ صبر: أنا كان مالي ومال الشغلانة دي يا ربي.. وبعدها طلعت بيها على فوق بالعافية. عند أدهم. دخل يطمن على أبوه في أوضته. وأول ما دخل. قال:

بابا.. أنت لسه صاحي؟ وراح باس إيده. والده: ها.. عملت إيه؟ أدهم: متقلقش يا بابا.. كله تمام.. أنا خلاص قربت من بنت أخته عشان أوصله.. وقريب جداً هخلصه منه.. ومن أمه اللي هربت معاه.. وسبتني لوحدي.. وأنا لسه صغير.. وسبتك وأنت كنت بتحبها.. مابقاش أدهم فارس السيوفي غير لما أعمل كده.. وهتشوف.. هخلصك من العيلة دي واحد واحد.. بس خليك مبسوط.. فارس بخبث وقال بتأثير مصطنع:

بس خلي بالك من نفسك يا ابني.. وأنا هبقى في ضهرك.. متقلقش.. أدهم: عارف يا والدي.. ومتقلقش.. أنا مظبط كل حاجة.. فارس: ربنا يحميك يا ابني.. إلا قلي.. إيه صوت الصريخ والعياط اللي سمعته بره دا؟ أدهم بتوعد: لا.. دي واحدة.. هعرفها مقامها كويس.. فارس بطيبة مصطنعة: حرام عليك يا ابني.. أدهم: متقلقش نفسك أنت بحاجة وخليك مرتاح.. فارس: أنا مرتاح طول ما أنا شايفك يا ابني.. أدهم: وأنا بردوا.. تصبح على خير يا بابا.. فارس:

وأنت من أهله يا حبيبي.. في أوضة سناء. سناء بغضب: يا بنتي بقا.. حرام عليكي.. ركزي شوية.. الآنسة بعياط: خليني أهرب.. أرجوكي بقا.. عايزة أهرب.. سناء: تهربي إز.. وقبل ما تكمل كلامها.. بصت على بلكونة الأوضة بخبث وقالت: طب بصي.. أنا هخليكي تهربي.. الآنسة بفرحة: بجد؟ سناء فتحت زجاج البلكونة وقالت لها: نطي من هنا.. الآنسة بفرحة: ماشي.. وطلعت على السور وقالت: هرب.. هييه..