رواية أسر قلبي الفصل الثاني والعشرون 22 - بقلم ندى رأفت

صفاء تتكلم مع نفسها وتقول: ولسه يا وتر إنتي مشوفتيش حاجة.. لو مكنتش أخلي سليم هو اللي يرميكي برا القصر ده وحياته كلها زي الكلبة، مابقاش أنا صفاء رشدي هانم... وعند وتر.. سليم يسأل آدم: الا قولي يا آدم هو رأفت باشا مجاش ليه؟ آدم يجيب: مش عارف.. وفجأة تليفون سليم يرن، فيبص ويقول: ده هو.. أنا هطلع برا القاعة عشان أعرف أرد عليه. وطلع سليم برا القاعة، لقى رأفت مستنيه برا. سليم باستغراب: إزيك حضرتك رأفت بيه؟

هو حضرتك واقف برا ليه؟ ما تدخل. رأفت يقول: أنا اتصلت بيك أصلاً عشان تطلع برا، عشان الموضوع اللي أنا هكلمك فيه مينفعش جوه. سليم باستغراب: موضوع إيه يا باشا؟ راح رأفت طلع ظرف وقال: الظرف ده وصلي النهارده قدام بيتي، وأظن إنه يخصك. مسك سليم الظرف بسرعة وفتحه. وكانت الصدمة إنه لقى وتر في الصور مع واحد، وكانت الصور مش كويسة خالص. سليم قلب في الصور بعصبية.

رأفت يقول: صدقني أنا مكنتش عايز أبظ فرحتك، بس أنا قولت إن حاجة زي دي لازم تعرفها. سليم بعصبية: مستحيل.. مين اللي بعتلك الصور دي؟ رأفت يرد: معرفش، أنا لقيته قدام بيتي، والراجل كاتب على الظرف زي ما إنت شايف.. فاعل خير. أنا جبتهولك على طول عشان تعرف تتصرف. دخل سليم وهو متعصب جداً، وراح لوتر وقال بعصبية وغضب مكتوم: الفرح خلص.. يلا عشان نروح. وتر باستغراب: ليه يا سليم؟ سليم: يلا من غير كلام كتير.

لاحظت وتر إن سليم مكور إيده بعصبية. وتر تسأل: في إيه يا سليم؟ سليم يجيب: هتعرفي دلوقتي.. يلا تعالي. آدم يسأل: في حاجة يا سليم؟ بصله سليم بغضب، وبعدها مسك وتر من إيدها ومشي على طول. آدم يقول: هو فيه إيه؟ صفاء تسأل: وهو في إيه يا آدم؟ هو سليم خد وتر وراح على فين؟ آدم يجيب: معرفش والله يا طنط. وبعد فترة.. وقف سليم قدام قصره وقال: انزلي. وتر بخوف: في إيه يا سليم؟ سليم بزعيق وغضب: بقولك انزلي. اتخضت وتر ونزلت.

نزل سليم، وخدها من إيدها وطلعها أوضته.. وقفل الباب. وتر بخوف: في إيه يا سليم؟ فجأة لطش سليم وتر بالقلم، وطلع سليم الصور وقال بعصبية: تقدري تقوليلي إيه دول؟ بصت وتر بصدمة وقالت بدموع: إيه ده.. مين اللي عمل كده؟ سليم بزعيق: والله.. وتر بعياط جامد وخوف: إنت مصدق الكلام ده يا سليم؟ سليم يجيب: والله مش عارف.. بس أنا حابب أتأكد. وتر بخوف وعياط: تتأكد إزاي يعني؟ ومن إيه؟ والله ما أعرف الراجل اللي في الصور ده، والله..

سليم بغضب: هتعرفي دلوقتي. خرج سليم من الأوضة. وبعد فترة.. دخلت دكتورة قصر سليم. وبعدها دخلت الأوضة اللي فيها وتر. وبعد فترة.. طلعت. سليم بخوف: ها يا دكتورة؟ الدكتورة بأسف: اللي جوه دي مش بنت يا سليم بيه..