رواية اسر وسارة الفصل الخامس والثلاثون 35 - بقلم همسة امل

يوسف بهدوء: ممكن توريني الصور دي؟ آسر أخرج هاتفه وأعطاه له. بدأ يوسف يقلب في الهاتف ليجد عدة صور تجمعه بسارة في أماكن عدة. يوسف: اممم الصور دي فعلاً حقيقية. أنا فعلاً كنت بقابل سارة بس عشان أختي متعلقة بيها جداً من ساعة ما أنقذت حياتها. مرفت بعدم فهم: أنقذت حياة مين وإزاي؟ عزالدين: وضح كلامك يا ابني.

يوسف: أنا أهلي اتوفوا في حادثة. مفضلش غير أختي الصغيرة. حمدت ربنا وبقيت هي كل حياتي وعيلتي. لحد ما في يوم اكتشفت إنها مريضة بالقلب. وطبعاً تعبت جداً بس حاولت أتماسك عشانها وبقيت بشتغل بعد الكلية عشان أقدر أوفر لها مصاريف العلاج. بس للأسف حالتها ساءت و... فلاش باك

كانت سارة تسير في المستشفى بعد أن اطمأنت على إحدى صديقاتها التي أصيبت بحادث بسيط. ثم فجأة رأت شخصاً تعرفه جيداً يجلس على مقعد ما أمام إحدى غرف الكشف ويضع وجهه بين كفيه بحزن. تقدمت نحوه ببطء ووقفت أمامه بهدوء. رفع هذا الشخص رأسه عندما شعر بها. سارة باستغراب: يوسف... أنت بتعمل إيه هنا؟ يوسف: سارة... أنا... وقبل أن يكمل، قاطعه خروج الطبيب من الغرفة. ركض يوسف باتجاهه سريعاً وسارة ورائه لكي تفهم ما يحدث.

يوسف بلهفة: ها يا دكتور طمني... مريم كويسة صح؟ الطبيب بأسف: للأسف يا أستاذ يوسف حالتها ساءت جداً ولازم العملية في أقرب وقت، وإلا هنفقدها. لم يتحمل يوسف وجلس على أقرب كرسي بصدمة. يوسف بصدمة: إيه! يعني إيه أختي هتضيع مني؟ دي هي اللي فضلالي في الدنيا. ثم بدأ في البكاء كالطفل الذي يخشى ضياع أغلى أشياءه. حزنت سارة جداً لرؤيته هكذا وجلست بجانبه. سارة: يوسف... ممكن أفهم في إيه؟ ومين مريم؟

يوسف ببكاء: مريم تبقي أختي الصغيرة. وحكى لها كل شيء. سارة بابتسامة صافية: طيب اهدى... أنا ممكن أساعدك. يوسف بلهفة: بجد؟ هتساعديني إزاي؟ سارة: إحنا عندنا مستشفى خيري للأطفال اللي زي حالة أختك. وأنا أعرف كل اللي في المستشفى. هكلمهم وخليهم يجهزوا لعملية أختك. يوسف بسعادة: بجد يا سارة؟ أنا مش عارف أشكرك إزاي. سارة: عيب يا يوسف تشكرني إيه... أنت أخويا. ويلا بقى روح بلغ الدكتور وأنا هجهز كل حاجة في المستشفى.

ذهب يوسف سريعاً وأخبر الطبيب وأخبره أيضاً باسم المستشفى. سعد الطبيب بذلك لأنه كان يشفق عليهم جداً وأخبره أن المستشفى جيدة جداً ومشهود لها بالكفاءة في مثل هذه العمليات. وبالفعل في خلال يومين نقلت مريم إلى هذه المستشفى وبعد العديد من التحاليل والفحوصات تم تحديد موعد العملية. أمام إحدى غرف العمليات كان يوسف يسير ذهاباً وإياباً بقلق بالغ وبجانبه سارة تجلس على إحدى المقاعد. سارة: يا ابني اقعد بقى خضتني. إن شاء الله خير.

يوسف: طيب هما اتأخروا ليه كده؟ سارة: متأخروش ولا حاجة. هي العمليات دي بتاخد وقت طويل. وبعد مرور ساعتين خرج الطبيب وعلى وجهه ابتسامة مشرقة. الطبيب بابتسامة: حمد الله على سلامتها. العملية نجحت الحمد لله. يوسف بسعادة: بجد يا دكتور يعني هتكون كويسة؟ الطبيب: إن شاء الله. كام يوم وهتقوم تجري وتتنطط زي القرادة. يوسف: شكراً أوي يا دكتور. الطبيب: العفو ده واجبي. ثم غادر. سارة: مبروك يا يوسف.

يوسف: الله يبارك فيكي يا سارة. أنا مش عارف أشكرك إزاي. لولاكي أختي... قاطعته سارة. سارة: متقولش كده يا يوسف. ويلا روح اطمن على أختك وأنا مضطرة أمشي عشان اتأخرت وهجيلها تاني إن شاء الله. بعد إذنك. يوسف: اتفضلي. بعد ذلك تعددت زيارات سارة لمريم فقد أحبتها جداً فهي فتاة لطيفة للغاية ومريم أيضاً أحبتها وتعلقت بها كثيراً. باك

يوسف: أما بقي آخر مرة شوفتنا فيها في الكافيه فدي كانت بتحضر لك مفاجأة بمناسبة عيد ميلادك. وأما بقي إنها كانت في حضني فده لأنها تعبت وأغمي عليها. بس أقسم لك إن طول عمري بعتبر سارة أختي. وبعد أن أنهى حديثه نظر للجميع ليجد وجوههم تعلوها الصدمة والذهول. ثم نظروا لآسر الذي لم ينتبه لهم وملامحه تكسوها الصدمة والحزن. وكل ما يفكر به كيف أنه ظلم حبيبته؟ وكيف اتهمها بهذا الاتهام البشع؟ وكيف شك بها؟ فاق من شروده على صوت ياسين.

ياسين: هتعمل إيه يا آسر؟ آسر بضياع: مش عارف. بس أنا لازم ألاقيها ولازم أخليها تسمحني مهما كان الثمن.