رواية اسيرة الوحش الفصل السابع والعشرون 27 - بقلم ساجدة

سجدة بصدمة: فهد انت رجعت تاني ليه؟ فهد: رجعت علشان نسيت التليفون. سجدة: آه. فهد: انتي كنتي رايحة فين؟ سجدة بتوتر: أنا كنت طالعة أشم هوا. فهد بشك: طالعة تشمي هوا وإنتي لابسة ومتشيكة ومعاكي الشنطة والتليفون؟ سجدة: آه آه عادي. فهد بيفتكر إنها امبارح سكتت بسهولة ومعاندتش على مروحها الشركة وإنها كانت هتروح وراه، فبيقول بخبث: آه طالعة تشمي هوا؟ طب خلاص مش هروح الشركة النهارده وهشم هوا معاكي.

سجدة بسرعة: لا مينفعش علشان معطلكش، روح الشركة. وبتلف ضهرها تدخل. فهد: يعني بزمتك لما تروحي الشركة مش هشوفك هناك؟ سجدة بتسرع: ما إنت مكنتش هتقدر ترجعني علشان كنت هكون هناك وهرجع آخر اليوم معاك. فهد: يعني مكنتيش بتشمي هوا؟ سجدة: بصراحة لأ. فهد: طب ادخلي زي الشاطرة غيري هدومك واقعدي علشان لو كنتي جيتي كنت هسيب الشركة وأجيبك بنفسي. سجدة بملل: يوه ماشي، مش عايزة منك حاجة. وبتطلع.

فهد بيدخل يجيب الموبايل وبيبتسم لما بيفكر منظرها وهي بتهرب زي الحرامي وبيقول: طفلة وهتجننيني. *** في المساء، فهد وسراب بيرجعوا والعيلة بتتجمع على العشا وبعدين بيكونوا سهرانين كلهم وبيشربوا الشاي. سجدة: جدو. الجد: نعم يا حبيبتي. سجدة: بقالي كتير مغلبتكش شطرنج. الجد: يلا نلعب. فهد: لا أنا اللي هلعبها وهوقفها عند حدها. سجدة: قد كلامك؟ فهد: آه. سجدة: وطبعاً الكسبان ليه طلب. فهد: طبعاً. بيلعبوا وسجدة بتكسبه.

فهد: إيه الطلب؟ سجدة: هقولك لما نطلع. ويلا يا جدو علشان أغلبك إنت كمان. الجد: على طلب. سجدة: لا يا جدو حبيبي أنا أخسره آه، بس مفيش طلبات. الجد: ماشي يا ست البنات. وبيلعبوا وفجأة فهد بيجيله تليفون وبيـرد عليه وبيبان إنه مضايق وبيطلع على الأوضة. سجدة: خسرتني المرادي يا جدو. الجد: أنا عارف خسرتي ليه، لأن دماغك كانت مشغولة بفهد. قومي شوفيه. سجدة بكسوف: لا يا جدو شكلك اضربت كويس. الجد: عليا برده؟ اطلعي لجوزك اطلعي.

سجدة: حاضر. *** سجدة بتدخل الأوضة وبتروح على فهد وبتقوله: مالك يا فهد؟ فهد: مفيش. سجدة: قولي بس مالك. فهد: العميل التركي نازل بكرة وأنا مجهزتش مترجم. سجدة: إزاي بس وهو واقف قدامك؟ فهد: ده فين ده؟ سجدة: أنا. فهد: إنتي؟ سجدة: آه. مش أنا كان ليا طلب عندك؟ ده طلبي. فهد: وإنتي بتعرفي تركي منين؟ سجدة: أنا واخدة شهادات إلكترونية في اللغة التركية، وده غير المسلسلات بتاعتي. ومعايا كذا لغة غيره. فهد: بجد؟

سجدة: آه. إنت متعرفش إنت متجوز مين. فهد: عارف كويس. سجدة: خلاص موافق. فهد بتفكير: طبعاً موافق، وأنا هـلاقي أحسن منك فين؟ سجدة: بجد يا فهد؟ هيه هيه! وتحضنه وتعود لوعيها. سجدة: من فرحتي والله. فهد بحنية: براحتك. سجدة: أوك، أنا هجهز نفسي وحاجتي علشان أبقى بيزنس ومان. فهد: أحلى بيزنس ومان. سجدة بكسوف: شكراً. *** في اليوم التالي، سجدة بتنزل هي وفهد وسراب بتطلع. سراب: إيه ده؟ إنتي جاية معانا يا سجدة؟ سجدة: أيوه.

سراب: ممممممم. وبتقول لفهد: لقيت مترجم؟ فهد: آه. سراب: مين؟ فهد: زوجتي. سراب كانت غيرانة من الكلمة: بجد؟ فهد: أيوه. سراب: تمام، يلا بينا. بيطلعوا علشان يركبوا العربية وسجدة بتركب قدام جنب فهد وسراب بتركب ورا وبتكون هتموت من الغيرة. سراب في عقلها: بقي سراب تتركن؟ بكرة تشوفي هعمل إيه وخدوا منك إزاي يا سجدة. سجدة: اتفرج وشوف أنا هعمل إيه، هشرفك. فهد: طبعاً. ***

بعد فترة بيوصلوا الشركة وبيدخلوا غرفة الاجتماعات. فهد بيكون قاعد وسجدة جنبه وسراب بعديها، وفي الوجه العميل التركي ومجموعة من الموظفين. فهد بيقول لسجدة: قوليله مرحبا. سجدة للعميل: Hoş geldin (مرحبا) العميل: Hoşgeldin (مرحبا) طبعاً فهد بيكون مفهم سجدة الصفقة كلها، بيكون متفق على 55% لشركة فهد و45% للعميل التركي، فبتبدأ تتكلم معاه. سجدة: Yüzde 60'ını kendi şirketimize, yüzde 40'ını da sizin şirketinize imzalayacağız.

(سوف نوقع 60% لشركتنا و 40% لشركتكم) وبعدين بتقول لفهد هي قالت إيه. فهد: ممكن ميقبلش. سجدة: اهدي بس عليا وشوف. العميل: Neden %55'ini sizin şirketiniz için, %45'ini de bizim şirketimiz için imzalamıyoruz? (لما لا نوقعها 55% لشركتكم و 45% لشركتنا؟ سجدة: Bay Fahd %60 ve %40 oranında başka bir müşteri buldu, katılıyor musunuz, katılmıyor musunuz? (أستاذ فهد وجد عميل آخر على 60% و 40%، هل توافق أم لا؟

العميل بيستشير بعض الموظفين معاه، وسراب بتقول لفهد بعد ما سمعت سجدة بتكلمه وبتقوله إنها اتفقت على 60 و 40: دي هتضيعنا يا فهد وهنخسر الصفقة. فهد بفخر: متخافيش، أنا واثق في سجدة. وعيونه بتلمع. سراب بغل: ماشي، بس لو خسرتها مليش علاقة. فهد: امممممم. العميل بعد تفكير: ben kabul ediyorum. سجدة: Tamam, imzalamaya başlayalım. وبتقول لفهد: وافق، وافق يا فهد. فهد: تمام، يلا نوقع. وبيبدأوا بالفعل في التوقيع.

العميل: Sizinle katılmaktan çok mutluyuz (نحن سعداء جداً بالمشاركة معكم) سجدة بتقول لفهد وبيقولها: قوليله إحنا أكتر. سجدة للعميل: biz daha fazlasıyız (نحن أكثر) و بتنتهي الصفقة وفهد بيروح على مكتبه ومعاه سجدة. فهد بفرحة وفخر: أنا بجد فخور بيكي جداً. سجدة: مبروك. فهد: مبروك ليكي إنتي، بفضلك الصفقة نجحت وإلا كان زمان مفيش مترجم، وغير كده نجحتيها بنسبة أعلى، بس إنتي إزاي أقنعتيه؟

سجدة: أقنعته إن فيه عميل تاني متفق معاك على كده. فهد: طلعتي فعلاً بيزنس ومان جامدة. سجدة بغرور مصطنع: من بعض ما عندكم. فهد: براحتك انهارده يا قطتي. سجدة بكسوف: تمام. وسراب بتدخل وبتقول: مبروك يا فهد. فهد: المباركة لسجدة. سراب: مبروك يا سجدة. سجدة: الله يبارك فيكي. وبعدين بيرجعوا القصر وسليم أبو فهد بيشوفهم. سليم: راجعين مبسوطين؟ فهد: بكل فخر أقدر أقولك إن بنت أختك وحرمي المصون قدرت تكسبنا صفقة مهمة جداً.

سليم بيعانقها: مبروك يا حبيبتي. فهد بيحس بـغيرة وبيقلب معالم وشه، وأبوه بيلاحظ وبيقوله: إيه يا فهد؟ أنا خالها عادي جداً. فهد: أنا قولت حاجة. سليم: إنت مقولتش بس ملامحك بتقول. فهد بيحاول يغير الموضوع: خلاص عاد يا بوي. سليم: إتكلم بطريقتك يا ولدي، أنا مش جدك وإنت عارف إن عشت في القاهرة كتير. فهد: عادي يا بوي، علشان جدي ميزعلش ويقول بنغير عوايدنا. الجد بيجي خلفه وبيقول: أصيل يا ولدي، بس اعمل اللي يريحك وبس. فهد: طب.

ومش هتبارك لسجدة؟ الجد: على إيه؟ فهد: كسبتنا صفقة مهمة قوي قوي. سجدة بضحك: لدرجادي مهمة قوي قوي؟ فهد: يا صعيدي يا جامد. سجدة خدودها بتحمر وبتسكت. الجد: مبروك يا حبيبتي. سجدة: الله يبارك فيك يا جدو، بس والله معملتش حاجة، أنا عملت على قد ما بفهم والحمد لله. فهد: الفكرة إنك أصلاً أنقذتينا وحلتي محل المترجم، وإلا كان زمننا ضيعنا. سجدة: ابن خالي برضه. فهد بمشاكسة: ابن خالك بس؟ سجدة: وزي جوزي. فهد: بجد؟ سجدة: أمال.

فهد: صدقي مكنتش أعرف. و سراب متابعة الحوار ووشها بيطلع نار، وحمدية أم حبيبة طبعاً واقفة هتموت. فهد: يلا نطلع يا سجدة. سجدة: يلا. وبيطلعوا الأوضة وسجدة بتغير ملابسها وبتلبس بيجامة بيتي مريحة وبترفع شعرها كحكة فوضوية. فهد بيشوفها وبيـقرب منها وبيـرفعها لفوق وبيـلف بيها. فهد: مش قادر أوصفلك فرحتي وفخري. سجدة: يا فهد دا هي صفقة.

فهد: يا سجودة، معنى إنك من البيت ومعاكي شهادات ولغات وغير كده لسه طالبة داخلة تانية جامعة وتكسبي صفقة زي دي، فا إنتي محترفة، يعني مترجمة وبيزنس ومان. سجدة: هوا أنا اسمي سجودة؟ فهد: آه سجودة واحلى سجودة. سجدة: شكراً، نزلني بقي. فهد بيتوه في ملامحها وبرائتها وبيـركز على شفايفها اللي شبه الكرز. سجدة بتوتر: في إيه؟ فهد بدون وعي بيبوسها بعمق وبيـدفن راسه في عنقها. سجدة: فهد، فهد، أرجوك ابعد. فهد بيفوق وبيرجع لوعيه،

وسجدة بتقول: نازلة تحت وجاية. وبتكون معدية بتلاقي حمدية وسراب قاعدين بيتكلموا وبتتصدم سجدة لما بتسمع سراب بتقول.