رواية اسيرة الوحش الفصل الثالث 3 - بقلم ساجدة

حامد بتلعثم: إزاي ياباشا؟ فهد: هو إيه اللي إزاي؟ عجبتني وعايز أتجوزها. حامد: بس بنتي ما تليقش بمقامك ياباشا. فهد: ما لكش دعوة أنا عايزها. حامد بفرحة: تحت أمرك ياباشا. حامد يمشي وفهد يقول لنفسه: والله ووقعتي في جحيم الفهد. *** سجدة تكون تذاكر وملك تدخل عليها وتقول لها: قومي يا بت، اعملي لي كوباية قهوة. سجدة: أنا بذاكر. ملك: إنتي بتقولي لي وأنا مالي؟ اتزفتي قومي يا بت. سجدة: لو سمحتي احترمي نفسك. ملك: أنا أحترم نفسي؟

وتأتي تشدها من شعرها. سجدة تضرب ملك بالقلم. شادية تدخل وتمسك سجدة من شعرها. سجدة بعياط: خلاص والله هعملها. شادية: ماشي، يلا ياختي. سجدة تكون تعمل القهوة وتطلع تديها لملك وحامد يدخل ويقول: إنتي يازفتة، جهزي نفسك عشان فهد باشا جاي يجيب لك الفستان انهارده، وبكرة كتب كتابك عليه. ملك بفرحة وطمع: أنا يابابا؟ حامد: لا، الزفتة اللي جنبك. سجدة بصدمة: نعم؟ حامد: هو إيه اللي نعم؟ سجدة: يتجوزني ليه إن شاء الله؟

حامد: عجبتيه وعايز يتجوزك، تلقيه هيتجوزك يومين وبعدين يرميكي. سجدة بعياط: وأنا مش موافقة يابابا، ولو آخر واحد في العالم مش هقبل أتجوزه. حامد: إنتي بتعصيني يابت؟ دا أنا هيجي لي من وراكي الشهد! سجدة بقوة مزيفة: وأنا قلت مش موافقة. حامد يضرب سجدة ويجيب الخرطوم ويقطعها عليها. سجدة بعياط: خلاص يابابا بالله عليك، أنا خلاص موافقة. ملك: خلاص يابا، بما إن هيا مش موافقة أنا أتجوزه.

حامد: لا يحبيبتي، مهو مش عايزك إنتي، هو عايز الزفتة دي. ملك بغيظ: ماشي يابابا. سجدة تدخل أوضتها وتقفل الباب وتترمى على السرير وبتعيط: يا ربي أنا مش قادرة أستحمل، يارب خدني. وتنام. بتصحى سجدة على الساعة 7 بالليل وبتلاقي شادية بتفتح الباب عليها وبتقولها بغيظ: انزلي يابت قبل ما الباشا يجي، هاتي لي حاجات من السوبر ماركت. سجدة: حاضر.

سجدة تلبس وتنزل تشتري الحاجة، وهيا طالعة بتقابل فهد في مدخل العمارة، بتبصله بقرف وبتكمل طلوع على السلم. فهد يطلع وراها على السلم، بيمسك إيدها ويبوسها بعنف. سجدة بتبعد عنه وبتقوله: إنت عايز مني إيه؟ ابعد عني حرام عليك. فهد: والله بعد ما ضربتيني بالقلم كنت قاعد بفكر إزاي أنتقم منك، فافتكرت إن أبوكي حرامي وسارق مني 100 ألف جنيه، قلت أعرض عليه فكرة إني أتجوزك، وهو طبعًا بسرعة وافق زي الكلب. سجدة بصدمة: بابا عمره ما يسرق.

فهد باستفزاز: لأ سرق يا سوسو. سجدة: طب خلاص، أنا آسفة ومستعدة أعتذر لك قدام كل الناس، وتضربني بالقلم وخلاص. فهد: لأ، مهو دخول الحمام مش زي خروجه. سجدة بتسيبه وبتطلع بيتهم، وبعد خمس دقايق بتلاقي اللي بيخبط على الباب. سجدة بتفتح الباب وبتلاقي فهد. حامد بيجي من وراها وبيقول: اتفضل ياباشا. فهد يدخل ويقعد وبيقول له: الفستان أهو، وبكرة إن شاء الله كتب الكتاب. سجدة بتقول بقوة: وأنا مش موافقة وعمري ما هتجوزك.

حامد يرفع إيديه ولسه هيضرب سجدة. فهد يمسك إيده وبيقول له: بعد كده، إياك تفكر إنك تمد إيدك عليها، وأما كان على موافقتك، فبمزاجك أوا غصب عنك هتجوزك. سجدة بعياط: حرام عليك، ابعد عني بقى. فهد: مفيش عروسة بتعيط، يلا يا حبيبتي ادخلي نامي، ولو عندك كلية بكرة، فا أنا هسمح لك تروحيها علشان هيكون آخر يوم ليكي. بيمشي فهد وبيقف على الباب وبيبعت لسة بوسة في الهوا. سجدة بتتف عليه وبتقول: متكبر ومغرور، بكرهك.

وبتخش وترزع الباب وراها. ملك: شوفي يماما قمر إزاي، هيا إزاي مش موافقة، يا ريتني أنا. شادية بشر: دي عيلة فقرية، بس والله ما ههنيها. الفجر يأذن وبتقوم سجدة تصلي الفجر وبتدعي وبتقول: يارب نجيني، يارب وقويني على المفترى اللي وقعت تحت إيده. وبتنام ودموعها على خدها.