رواية أسيرة الصقر الفصل السابع 7 - بقلم جنات

الو.... انت فين .... انت معاها .... انا مش عارفه ايه آخره اللي بتعمله ده يا احمد يا ابني. احمد. ماشي يا ماما .... هنشوف الحكايه دي بعدين. نعمة. هنقعد نقول بعدين بعدين احنا مش هنعمل اللي عاوزينه. احمد. تمام بس يا ترى قمر هترضى تقابلني ول إيه. نعمة. تقابلها إيه .... انا اللي هعمل كده .... بس انت هتظبط بقيت الحاجات. احمد. ماشي .... معلش اصل نيفين مستنياني هناك. نعمة. روح روح ام نشوف آخر الحكايه دي. راح قفل وراح لنيفين.

احمد. معلش يا نيفين كنت بكلم ماما. نيفين. ابقي سلميلي عليها. وبعد فتره ..... احمد. انا عايز أقولك على حاجة. نيفين. إيه. احمد. انا عايز أكمل حياتي معاكي .... وتبقي معايا .... موافقة. نيفين بصدمة. إيه .... معلش يا احمد .... احنا عارفين بعض من فترة .... مش بسرعة كده. احمد. يعني إيه. نيفين. قصدي سيبني أفكر شوية. وعند قمر. قمر بألم. كفاية بقى .... انا عملت معاك إيه عشان تعمل معايا كل ده. صقر وهو بيضربها بكل غِل.

صقر. مسمعش نفس .... انتي فاهمة. راح طلع وقفل عليها الأوضة. قمر وهي على الأرض وضامة رجليها وبتعيط جامد .... وجسمها بينزف. قمر. انا .... انا .... تعبت .... مش قادرة. راح اغمي عليها. وفي أوضة صقر. وهو بيرتب شوية ورق .... راح اتصل بشخص. صقر. في جديد. _.... لأ بس انا سمعت انها ناوية على حاجة. صقر. لمين. _.... لقمر. صقر. معرفش إيه. _.... تقريباً والدتها. صقر. والدتها هتعمل معاها إيه دي. خلاص اقفل دلوقتي.

راح قفل وحط إيده على راسه. صقر. انا هوريك .... زي ما عملت في أبويا هعمله في بنتك .... يا حسام رفعت. خرج صقر من المكتب وراح لأوضة قمر وفتح الباب عليها. لاقاها مرمية على الأرض. رحلها ورزقها برجله. صقر. انتي فوقي .... متعمليش فيها مغمي عليكي. راح نزل صقر لقمر وحط إيده على رقبتها بيجس نبضها. صقر بصدمة. دي .... نبضها ضعيف جدا .... شكلها هتموت كده. راح شالها ونزل من القصر على العربية بتاعته.

منى. صقر انت رايح فين في الوقت ده .... ده مشي. إيه السرعة دي. صقر وهو بيسوق بسرعة. صقر بيكلم نفسه. انت مالك قلقان عليها كده ليه .... هي صعبت عليك ول إيه .... انت ناسى اللي عمله أبوها في أبوك .... ده كان سبب موته. صقر. انا .... انا مش هبقى زيه .... انا بس بنت*قم منه .... انا مش ق*اتل مش هبقى السبب في مو*تها. راح بيها المستشفى ودخل. صقر بصوت عالي. اسعاف بسرعة. راح جم ممرضين وأخذوا قمر وودوها غرفة الإسعافات.

وكان صقر بيملي بياناته. _..... يا فندم .... فندم. صقر وهو مش مركز. نعم. _... بيانات حضرتك. صقر. انا صقر محمد صقر .... واللي دخلوا بيها دي قمر حسام رفعت. _..... حضرتك زوجها. صقر وهو مش مركز. .... إيه .... آه آه زوجها. هي هتطلع امتى. _... استنى حضرتك هنا وأول ما تطلع هنبلغ حضرتك. راح قعد صقر ونزل راسه للأرض. صقر بيكلم نفسه. انت قلقان عليها كده ليه .... حبيتها يا صقر .... صقر اللي قلبه عمره ما حن لحد ....

هيحن على بنت اللي كان السبب في موت أبوك. كان صقر ساكت وسرحان. فجأة لاقي الدكتور خرج. راح صقر للدكتور وقاله. صقر ببرود. هي عاملة إيه دلوقتي. الدكتور. حالتها صعبة جدا .... مأكلتش بقالها مدة وده غلط على صحتها .... هي تعرضت لضرب بأداة حادة .... وده باين على آثار جسمها .... هو انت زوجها. صقر بتوتر. آه. كانت راجعة من مشوار واتصلت بيا لقتها كده روحت جبتها على طول على هنا. الدكتور بشك. تمام. ومشي الدكتور.

وبعد مدة وقمر في المستشفى على سريرها. كانت نعمة في طريقها للمستشفى اللي فيها قمر علشان تمضيها تنازل عن جميع أملاكها عشان تبقى كلها لابنها الوحيد احمد. جت نعمة وطلعت على أوضة قمر فيها وحضنتها. نعمة. إيه اللي حصل يا بنتي فجأة كده. قمر بتعب. ماما انا .... (راحت افتكرت كلام صقر) نعمة. في إيه يا بنتي. قمر. مفيش. نعمة. صح يا بنتي كان في توكيل بشركة أبوكي الله يرحمه بينسب الأملاك ليكي .... بس هو طالب الإمضاء بتاعتك ....

وتبقي كل الأملاك ليكي. قمر بتعب. هو ده وقته يا ماما. نعمة. معلش يا حبيبتي أصل التوكيل ده ليه مدة. قمر. ماشي. (قمر آه مش بتعرف تقرأ ولا تكتب بس اتدربت على الإمضاء عشان نعمة مدرباها من وهي صغيرة عشان اللحظة دي) ومضت قمر. وعند حسام (والد قمر) فجأة وصلت رسالة في موبيله. وفتح الرسالة ولاقي فيها صورة ومكتوب فيها قمر. حسام بصدمة. دي قمر. قمر في المستشفى. راح بعتله رسالة تانية. حسام بيقرأ الرسالة. بنتك بين الحياة والموت.

حسام. إيه.