رواية اسيرة جلادي الفصل الرابع 4 - بقلم مريم حسني

فادي أنا مش فاهم حاجة، إزاي يعني مش همها بنتها واللي بيحصل فيها دي؟ سمع صوت أنين ندي، دخل بسرعة. فادي: ندي، انتي كويسة؟ ندي فضلت تأني بألم ودموعها بتنزل وهي نايمة. فادي بصلها بندم: أنا مش عارف اللي بعمله ده صح ولا غلط، بس أنا كنت عاوز أنتقم من ماجدة وخلاص. بس ردها عليا مش فاهمه، إزاي بس مش هاممها اللي بعمله فيكي وتقولي "ربيها بمعرفتك"؟ إزاي هي كده حتى مع بنتها؟ طب أنا كنت ابن أختها اللي بتكرهها، بس انتي إزاي؟

قرب منها وباس دماغها. فادي: أنا آسف. فادي خرج كلم ماجدة في الفون. ماجدة: أيوه يا فادي، في إيه؟ فادي: إيه يا ماجدة، مش عاوزة تطمني على بنتك؟ ماجدة ببرود: هو أنا ردي موصلكش؟ فادي: يعني انتي قصدك؟ انتي معدكيش مانع في اللي أنا بعمله في بنتك؟ أنا هرميها في الشارع. ماجدة ببرود: ارميها وأنا مالي. سلام. وقفلت. فادي بص لفون بصدمة: هو إيه ده بس يا ربي. ماجدة: لصابر، مبسوط مني يا حبيبي؟ صابر أخدها في حضنه. صابر: أوي يا حبيبتي.

ندي بدأت تفتح عينيها بتعب. ندي: آآه. وحاولت تقعد، جت تصوت صوتها مش طالع. وقعت الكوباية اللي على الكومود. فادي سمع صوت الكسر دخل على طول. فادي: ندي، انتي كويسة؟ ندي أول ما شافته قعدت ترجع لورا، بس كل ما تتحرك تأني بوجع وتعيط أكتر. فادي: طب متخافيش طيب، أهدي. ندي كل ما تحاول تتحرك تتوجع أكتر. فادي مسكها بهدوء: بس أهدي. ندي فضلت تحاول تزقه بس هو كان ماسكها كويس. فادي: أهدي، أهدي بس.

ندي بدأت تطلع صوت اعتراض، بتحاول تطلع صوتها بس مش عارفة. بدأت تتنفس بسرعة وبتعب. فادي لاحظ ده. فادي بقلق: مالك يا ندي؟ مالك فيكي إيه؟ ندي بدأت تشاور على زورها وبوقها إنها مش عارفة تتكلم. فادي بقلق أكتر: إيه؟ انتي مالك؟ قولي أي حاجة، انتي مش عارفة تتكلمي ولا إيه؟ ندي بتحرك راسها بنعم. فادي: طب طب، أهدي، أنا هكلم الدكتور حالا. وسابها وخرج كلم الدكتور بسرعة. الدكتور جه وقعد عند ندي شوية وخرج.

فادي بقلق: طمني يا دكتور، في إيه؟ الدكتور بصراحة: المدام اللي جوه دي فقدت النطق. فادي بصدمة: إيه؟ إزاي يعني؟ الدكتور: أنا أقدر أقول إن مفيش حاجة عضوية، لأني اديتها حقنة. لو عضوي كانت اتكلمت. شكلها حالة نفسية، وأقدر أقول لحضرتك إن حالتها النفسية وحشة جداً ولازم تراعي ده وانت بتتعامل معاها. فادي: يعني هو... هو في أمل إنها تتكلم تاني ولا إيه؟ الدكتور: أكيد، وده بيعتمد على حالتها النفسية.

فادي: طيب، أنا متشكر لحضرتك جداً يا دكتور، اتفضل أنت. فادي دخل لندي بس ملقهاش. قعد يدور عليها وفضل مش لاقيها. دور في الحمام وفي البلكونة وبرضه مش لاقيها. قعد ينده عليها مش لاقيها. فتح الدولاب لقها ضمة رجليها لصدرها ودافنة وشها بينهم وحاطة إيديها على ودنها وبتعيط. فادي بص لها بحزن وندم: قد إيه هي خايفة منه. قرب منها بهدوء وحط إيده على كتفها. فادي: ندي. ندي أول ما سمعت صوته اتخضت وانكمشت في نفسها أكتر.

فادي شالها بهدوء من الدولاب ورجعها السرير تاني وقعد يطبطب عليها برقة. فادي: ندي، بصيلي. ندي فضلت تهز راسها بلا. فادي: طب بلاش، خلاص. أنا هخرج أجيبلك الأكل، ماشي؟ متخافيش، أنا والله ما هعملك حاجة أبداً، أهدي بس. وخرج يجيب لها الأكل. ريم اتصلت بفادي. فادي بص لرقمها بخنقة ورد عليها. فادي: أيوه يا ريم. ريم: ها، عملت إيه؟ فادي: ريم، أنا مش فايق دلوقتي ومش قادر أتكلم. ريم: الله مالك يا فادي؟ تحب أجيلك؟ مالك؟

شكلك مضايق، هي البت دي زعلتك ولا إيه؟ فادي بحدة: ريم، هو انتي مبتفهميش؟ قولت مش عاوز أتهبب، يبقي تسكتي. سلام. وقفل في وشها. حضر الأكل ودخل لندي، لقها لسه بتعيط. فادي: حطيت الأكل، ندي يلا عشان تاكلي. ندي بصت للأكل بخوف وهزت راسها بلا. فادي بحنان: ليه بس؟ الأكل مش عاجبك؟ أجيبلك غيره ها؟ ندي بصت لفادي أول مرة، مش ساعة ما فاقت. بصتله بصة كلها ألم وعتاب. فادي فهم بصتها له وللأكل، عشان كان حابسها ومانع الأكل عنها.

فادي بندم: أنا آسف. ندي سابته واتحركت بصعوبة ودخلت الحمام، وقفلّت عليها ووقفت تحت الشاور بدموعها كانت نازلة بهدوء وبتقول بينها وبين نفسها: "اشمعنى أنا اللي بيحصلي كده؟ اشمعنا أنا؟ أمي تكون بتكرهني وبتحب أخواتي أكتر مني؟ اشمعنا أنا؟ اللي كنت كل لما أجي أنام أبقى أفتح عين وأغمض التانية خايفة إن جوزي يأذيني؟ اشمعنا أنا؟ اللي عمري ما كان ليا صحاب؟ اشمعنا أنا؟ اللي اتجوز فادي ويعمل فيا كده؟

وفاكر إنو كده بينتقم من أمي اللي أنا مش هفرق معاها في أي حاجة؟ بتحصلي اشمعنا أنا؟ وقعدت تعيط. خلصت حمامها ولفت نفسها بالفوطة وخرجت. لقت فادي لسه قاعد. شاورتله إنه يخرج. فادي: حاضر، هخرج وهجيبلك هدومك هنا حالا. وخرج. ندي لبست الإسدال بتاع الصلاة وقعدت تعيط وتسرح في كل حاجة بتحصل لها وإنها قد إيه بتكره فادي وعايزة تخلص منه. مش كفاية كل اللي عمله فيها، لا وكمان خسرها صوتها. فادي جه وجاب لها هدومها.

فادي: أنا هخرج وأسيبك براحتك في الأوضة وهسيبلك اللاب بتاعي تسلي فيه والتليفزيون أهو عندك، بس أرجوكي يا ندي تاكلي. من فضلك. وسابها وخرج. ندي أكلت حاجة بسيطة جداً وأخدت اللاب وقعدت عليه ودورت على إيميل بتاع مامتها وبعتلها منه وقالت لها على اللي فادي بيعمله فيها. وكان رد أمها صادم بالنسبة لها إنها متكلمهاش تاني وتستحمل عشان ده جوزها وإنها مينفعش ترجع تعيش في لندن تاني. وقفلّت معاها.

ندي قعدت تعيط أكتر وهي فيها حاجة، لما بتضايق كانت بتسمع أغاني كانت بتحسها بوصفها. شغلت أغنية "مش كل واحد". وقعدت تعيط. وفي لحظة مجنونة منها، وكأن مش هي اللي بتتحرك، قامت كسرت المراية وبسرعة أخدت قطعة إزاز وقطعت شراينها.