رواية اسير حبه الفصل الثالث 3 - بقلم نور

تستيقظ ميرنا على صوت في الأوضة لتري شخص معها في الأوضة لتصرخ: "حرااااااامي! الحقوني! حرااااامي! "هششششش... ليستيقظ الجميع على أثر صوتها. حسن: "إيه إيه يابتي في إيه؟ ليرى زين وهو بدون تيشيرت وهو يضع يده على فم ميرنا. زين بغضب: "مين دي يابوي؟ وإزاي دخلت أوضتي؟ أنا قلت ميت مرة محدش يدخل أوضتي." حسن: "تعالى يابني هقولك حاجة." "وانتي يـ ورد خدي ميرنا وياكي النهاردة في أوضتك." ليقص حسن كل شيء لزين.

زين بغضب: "يعني يابوي عمي يهرب وجوزها يخونها، وإحنا اللي نشيل الجمل بما حمل ولا إيه عاد؟ حسن بغضب: "زين الزم حدودك يابني." "مهما حصل هتفضل بت أخوي." (وتركها وذهب) زين: "متخلقش حد خلى أبويا زعقلي قبل كده، ماشي أنا يابنت عمي." (زين: شاب وسيم، بشرته حنطية، يمتلك جسم رياضي رائع، يمتلك 28 سنة، وشعره أسود، عيونه رمادية لها بريق ساحر، ويكون ضابط بالشرطة.) *** ترن ترن ترن. "اممم." نسمة: "سـاااسو! يـ سـاااسو!

لتنتفض سيلا: "مين مات مين مات؟ نسمة بضحك: "روحي يابنت، كلها أسبوع ونشوف بعض تاني يسطا." سيلا بغيظ: "هو أنتي يابومة الكلب." نسمة بضحك: "حبيبي يـ أبو صلاح، متعرفيش البت ميرنا فين، برن عليها مبتردش." سيلا: "مش عارفة واللهي، هبقى أرن عليها شوية كده يمكن نايمة ولا حاجة." في الطرف الآخر. ترن ترن ترن. سيلا: "ألو يـ ميرو فينك يابا؟ ميرنا بحزن: "في الصعيد." سيلا بقلق: "ليه؟

ميرنا حكت لسيلا كل حاجة، فهي صديقتها المقربة، لأنهم الثلاثة معاً في نفس السكن باختلاف كلياتهم، فميرنا حقوق، ونسمة فنون جميلة، وسيلا طب. لتنزل ميرنا بعدما نادتها صفية للفطار. حسن: "تعالي يابتي في ريحي." ورد بضحك: "إكده يـ حسونة، متكلمنيش تاني." حسن: "كيف دا، أنتوا اللي ليا ياحبايب جلبي." حازم: "ملناش من الحب جانب ولا إيه؟ زين ببرود: "يجي اللي ياخدوا كله." "....

معلش ياعمي هتقل عليك، بس هو أسبوع والدراسة هتبدأ وهمشي أروح السكن." حسن: "تنوري يـ كبدي." حازم: "بجد في جامعة إيه بقاا؟ ".... جامعة ****" حازم: "نفس الجامعة اللي هدرس فيها، في كلية إيه؟ ".... حقوق." حازم: "لا أنا معيد في كلية الطب، أول سنة ليا كمعيد." *** عايدة: "مش ليا فيه، أنا عايزة بنت أختي." "عملت فيها إيه يابن بطني؟

يونس بغضب: "أنا مش كنت عايز أتجوزها، بس أنتي اللي صممتي، قولتلك أنا بحب واحدة تانية، لكن أنتي اللي قولتي أتجوز ميرنا ملهاش حد، أهي هربت." عايدة: "بكرة تندم عشان ضيعتها من إيدك." "بص أنا بقولك أهو، يتجبها ياأطردك بره، وهحرمك من ميراث أبوك." يونس بنرفزة: "أوووف." بعد فترة من الوقت. ".... يعني أعمل إيه يـ سالي دلوقتي؟ سالي بخبث: "لا طبعاً ياروحى مش ليك إلا أمك وربنا وصانا بيها، روح هاتها." (في

سرها: مش بعد ده كله هطلع من المولد بلا حمص، وعمري مهـرجع للفقر تاني.) يونس: "انتي شايفة كده؟ سالي: "أيوة." *** رامي: "كلها يومين وأجي أتقدملك يـ وردتي." ورد: "بجد يـ رامي؟ رامي: "بجد يـ روح قلب رامي." ورد: "أخيراً هتكتب على اسمك وتبقي حلالي." رامي: "أخيراً وهتباتي بعد كده في حضني." ورد بخجل: "اتلم الله." *** زين: "أنا رايح لـ مهرة، هتعوز حاجة يابوي؟ حسن: "ماشي يابني، خد معاك ميرنا تشم هوا."

زين بغيظ: "أنت تؤمر يابوي." ".... بخجل، لا ياعمي خليهم براحتهم." حسن بحدة: "يـلا يابتي بلاش لت وعجن." لتذهب ميرنا مع زين للذهاب لـ مهرة. ".... أنا مش كنت حابة أجي، ممكن توديني أي مكان لحد ما تخلصوا؟ زين ببرود: "عادي مفيهاش حاجة." ".... لا عشان تكونوا على راحتكم، تعرفوا بعض من امتى؟ زين: "من وأنا عندي خمس سنين." ".... يااااه، على كده بتحبوا بعض من زمان أوي." زين: "اممم."

ليصلوا إلى الإسطبل، ويطلب زين من الجميع إخلاء المكان. زين: "أعرفك يـ مهرة، على أرذل ناس، ميرنا." ".... بغيظ، بقا الحصانة دي هي مهرة، دا أنا فكرتها خطيبتك." زين: "بـاجي هنا أريح أعصابي، ولكن موضوع الخطوبة فأنتي لسه صغيرة على الكلام ده ياشطرة." ".... بعصبية، هو كله شايفني عيلة؟ ليه بقولك إيه، متقوليش يـ عيلة." زين بإعجاب: "أباي عليكي وانتي متعصبة ووشك أحمر كده كيف القمر."

"إيه اللي بقوله ده، لااا بقولك اجمد كده، أنت زين المحمدي، على آخر الزمن هتبص لعيلة." ".... أنا همشي، هروح عند عمي." زين: "على كيفك." لـيحل الليل، ويعود زين للسرايا، فهم عائلة المحمدي أكبر عائلات الصعيد. حسن: "حمدلله على السلامة، يلا اطلعوا اتشطفوا عشان العشا." زين: "حاضر يابوي." حسن: "أومال فين ميرنا يابني؟ زين بقلق: "هي مجتشي، هي قالت هـروح لعمي."

حسن بقلق: "يعني إيه، أوعاك تقول إنك سبتها تيجي لوحدها، دي متعرفش حاجة هنا." زين بقلق: "يعني إيه يابوي؟ ترن ترن ترن. زين: "تـلقيها جت أهي." لتفتح صفية ولكن.... حسن: "مين؟ "... أنا يونس، زوج ميرنا."