رواية اسير قلبها الفصل الخامس 5 - بقلم اكسج ين

فارس قرر يدور على ملك بنفسه، بس الأول يروح يعرف أهله ويفكر هيرجعها إزاي ويعرف مين خطفها. وهو سايق عربيته لقى رسالة اتبعتت له. فتح الرسالة، وأول ما شافها كان هيتجنن. كان فيديو لملك وهي نايمة في الأرض والدم حواليها في كل مكان. "ملك! لااا! وبعدها لقى رقم غريب بيرن عليه. "أهلاً بأبو الفوارس." فارس بغضب: "مين أنت؟ الشخص بضحك: "عجبك الفيديو؟ "أقسم بربي لأجيبك." "مستنيك يا حبيبي، تعال يلا! " وقفل السكة في وشه.

"هه، جيت للموت برجليك يا فارس." فارس قدر يعرف مكان الشخص ده من تتبعه للرقم، وبدون تفكير راح للمكان اللي هو فيه، كان عبارة عن بيت قديم. "أهو شرف، هاتوه بسرعة." خرجوا رجالة تبع الشخص ده وجابوا فارس. "إزييك يا أبو الفوارس؟ عرفت بقا إن اللي بيجي على سامر الصياد ميكسبش." "هفضل برضه أمنعك إنك تدخل أسلحة ومخدرات جوه البلد، وهيجي يوم وأظبطك فيه وأنت ماسك المخدرات بإيديك، ومش هتردد لحظة إني أقتلك يا سامر."

سامر اتعصب وكور إيده وضرب فارس في وشه. "تبقى جنيت على نفسك يا فارس. ادخلوا، هاتوها! دخلوا رجالته وجابوا ملك. فارس كان رايح ناحيتها، بس سامر منعه. "استنى كدا وروق." فارس مستناش وراح ضاربه. سامر بدأ يرد الضرب له، وبدأوا يضربوا في بعض لحد ما ملك فاقت. "آه، فـ... فارس... آآآه... " وفضلت تعيط من الرصاصة اللي كانت في كتفها. فارس سمع صوتها وعرف إنها فاقت، وقف ضرب في سامر وراح ناحيتها. "ملك يا حبيبتي، أنا معاكي، متخافيش."

"فارس حااااسب! " كان سامر جاب خشبة كبيرة ونزل بيها على راس فارس. "فارس قوم عشان خاطري... " وبدأت تعيط. "فارس فتح عينيك، قوم يا فارس." ... "مش عارف فارس مش بيرد عليا ليه يا فيروز." "ياترى يا حبيبي روحت فين؟ أكيد جاي دلوقتي ومعاه ملك." "إن شاء الله." ... "إيه ده يا نعيمة؟ "ابنك يا عبدالرحمن، ابنك تاجر مخدرات." "إنت بتقولي إيه يا نعيمة؟ انتي اتجننتي؟

"ولا اتجننت ولا حاجة. لما ييجي ابنك، شوفلك صرفة معاه. أنا مش عارفة إزاي دخل المخدرات جوه بيتنا! "دي آخرة تربيتي ليك يا سامر. الحمد لله إن ملك مكنتش معاك في البيت، محدش عارف كان إيه اللي ممكن يحصل. يا حبيبتي يا ملك، وحشتيني أوي يا بنت أخويا والله. آه لو أعرف مكانك يا بنتي." (اتصدمتوا صح؟ سامر ابن عم ملك هو اللي خطفها. هو طبعاً ميعرفهاش ولا هي تعرفه.) ... "اخرسي يا بت انتي." "ابعد عني يا زبالة."

"صراحة، داخلة دماغي أوي. الأ قوليلي بقا، انتي أخت أبو الفوارس ولا حبيبته؟ ولا أقولك، مش مهم أعرف. المهم دلوقتي إنك تحاولي تقنعي فارس إنه يسمح لي أدخل مخدرات للبلد من غير ما حد يعرف." "عمري ما هقوله حاجة زي كده، لإن اللي زيك لازم يبقى في السجن دلوقتي." سامر مسكها من شعرها جامد. "هتشوفي دلوقتي هعمل فيكي إيه، انتي وفارس بتاعك دا." وقعدها على الكرسي وكتفها وجاب سلكين كهربا.

في اللحظة دي فارس فاق وباصص لسامر وبيفكر يعمل إيه. مسك الخشبة من غير ما حد ياخد باله، لإنهم واقفين عند ملك، وراح ضرب الرجالة بتوعه. وكده فاضل سامر. سامر لف له، وفارس ماسك الخشبة وهينزل بيها على راس سامر، بس سامر مسك الخشبة وزقه بيها. "إنت مفكر بعمايلك دي هسمحلك تدخل المخدرات للبلد عندنا؟ "لأ، بس على الأقل أخلص منك." فارس راح عليه ومسكوا في بعض وفضلوا يضربوا بعض لحد ما سامر اتخبط في الباب ووقع في الأرض.

فارس راح بسرعة على ملك وفكها. "متخافيش يا حبيبتي، اهدي." ملك بعياط: "مش خايفة يا حبيبي، أنا خوفت عليك." "أنا مفيش فيا حاجة." وشالها وركبها العربية وخدها على المستشفى. "هتبقي كويسة يا حبيبتي." "خليك جنبي يا فارس، كتفي وجعني أوي." "هي هتشيل لك الرصاصة يا حبيبتي وهتبقي كويسة إن شاء الله، متخافيش خالص." ملك بثقلان

في كلامها من أثر البنج: "طيب، خليك معايا يا فارس، أنا خايفة، خليك جنبي." وراحت في النوم. وهو فضل معاها في غرفة العمليات.