رواية اسير قلبها الفصل الرابع 4 - بقلم اكسج ين

"هخطب يا ملك." "تخطب!؟ طب هتخطب مين." "شوفتي البنت اللي قولتيلي اعملها بلوك دي." "هي دي." "اه. هقول بقا لسه لبابا وماما ونروح نخطبها." ملك عايزة تعيط بس مش قادرة. عايزة تمنع نفسها علشان ميشوفهاش. "طيب أنا هنام شوية علشان دماغي صدعت من المذاكرة." فارس: "ماشي يا حبيبتي تصبحي على خير." وخرج وسابها في دوامة مع نفسها.

ملك قفلت الباب بالمفتاح وبصت لنفسها في المراية. "ازاي يا فارس تخطب واحدة غيري. ازاي أصلاً حبيت واحدة غيري." وبصت لنفسها في المراية ومسكت إزازة البرفيوم وحدفتها في المراية. الكل طلع على الصوت. وفارس جري على أوضة ملك. "ملك يا ملك." ملك قعدت في ركن جنب الحيطة وضمت رجليها بإيدها وفضلت تعيط. فارس برا هيتجنن عليها. "يا ملك افتحي علشان والله هكسر الباب دا." "... "ملك يا حبيبتي افتحي أنا رغد." "...

مراد: "اكسر الباب يا فارس مستني إيه." فارس فعلًا كسر الباب ودخل لقاها بتعيط أوي. "ملك يا حبيبتي مالك." "ابعد عني يا فارس." "إيه ابعد عنك دي." "يعني متكلمنيش تاني. اخرج برا." فارس باستغراب: "طب فيه إيه يا ملك." "فارس بص اخرج أنت وأنا هقعد معاها." "طيب ابقي طمنيني عليها." رغد فضلت تسألها وملك مش راضية تقولها فيه إيه. "مفيش يا رغد. كنت مصدعة شوية وكمان افتكرت ماما مفتقدة أهلي أوي."

"إحنا أهلك يا حبيبتي. وبعدين ينفع كدا قلقتينا عليكي والله." "ربنا يخليكوا ليا." "طيب هروح أطمن الكل علشان قلقانين. وأنتي نامي علشان درسك بدري." "ماشي تصبحي على خير." وخرجت رغد وفارس كان مستنيها قدام الباب. "قالتلك فيها إيه." "قالت مصدعة شوية وكانت مشتاقة لأهلها." فارس مصدقش بس محبش يدخل يسألها دلوقتي. "طيب ماشي يا حبيبتي." ونزلوا قعدوا تحت وقالهم إنه هيخطب واحدة وهيروح لها بكرة قبل ما يروح شغله.

تاني يوم فارس صحي وراح لملك يتطمن عليها. بس ملقهاش. "ملك. يا ملك." سناء: "خرجت يا بيه من بدري ولسه مرجعتش." فارس بغضب: "يعني إيه الكلام دا." وطلع لبس هدومه وخرج يدور عليها. راح لها مكان الدرس بس عرف إنها خرجت من ساعتين. "يا تري روحت فين يا ملك." بعد شوية أبوه رن عليه. "لقيت ملك يا فارس." "لا يا بابا دقيقة." ونزل من العربية لقا ناس متجمعة واقفة مستغربة وباين الخوف على وشوشهم. "هو فيه إيه."

"يا بيه كان فيه واحدة واقفة هنا وفجأة لقينا ناس طخوها بالمسدس وخدوها معاهم ومشوا." فارس اتجمد مكانه خايف تكون ملك. في وراله صورتها. "هي دي." الشخص بصدمة: "أيوة هي دي. هو حضرتك تعرفها." فارس ركب عربيته ومردش عليه. عيونه دمعت. يعني إيه طخوها بالمسدس ومين خطفها. فضل واقف بالعربية ومش عارف يعمل إيه. نزل تاني من عربيته وسأل نفس الشخص عن رقم العربية. "طب مشوفتش أرقام العربية." "لا والله يا بيه."

"ماشي شكرا." وركب عربيته وقرر يدور هو بنفسه. بس الأول يرجع البيت يعرف أهله. وهو راجع فيه رسالة وصلت له. ياترى مين اللي خطف ملك. وإيه اللي هيحصل في اللي جاي.