تحميل رواية «اسيرة قلبي» PDF

قمة الصبر أن تسكت

وفي قلبك جرح يتكلم

وقمة القوة أن تبتسم

وفي عينيك ألف دمعه

ُقل لي كيف للعيون أن تكفكف دمعها

وكيف للقلب أن يكتم آهاته

رغدة بتكبر و غضب: انت مش عارف انا مين انا رغدة السويفي مرات عمار السويفي مش المتخلفه التانيه ال. ليقاطع كلامها صوت تحطم و انكسار شئ لينظر الجميع بصدمة فيجدوا أن يد انجي تنزف

ميرنا بلهفة : انتي كويسه .

انجي بإبتسامة متألمه : انا تمام ايدي اتخبطت مش اكتر .

فريدة بشك : انتي متاكده يا بنتي .

انجي بإبتسامة: اه والله الحمد لله مفيش حاجة .

مروة لمرام: وديها علي أوضتك و عقمولها الجرح .

مرام بإبتسامة: اوك .

ثم يتوجهوا بعد ذلك لغرفة مرام لتعقيم جرح انجي و بعد الانتهاء من ذلك يقوموا بالتوجه مرة أخري إلي حيث يجلس الجميع ليجدوا أن المؤتمر قد انتهي و لا يوجد غير عائلة السويفي ....

فريدة باهتمام : اخبار ايدك اي يا أسيل .

انجي بإبتسامة: تمام .

فريدة بسعادة: براڤو عليكي المؤتمر كان هو الحل الافضل علشان نحل المشكلة دي .

انجي: طب كويس الحمد لله .

عمرو بإعجاب: فعلاً و في الوقت المناسب .

مرام بضيق: بس انتي عرفتي تحلي موضوع المؤتمر بالسرعة دي ازاي .

انجي بإبتسامة:. دا شغلي و ألا انتي ناسيه .

فريدة بتعجب: بس فعلاً يا بنتي الجريدة اللي هتتولي المؤتمر ده جريدة مشهورة و كبيرة في مصر .

انجي بتأكيد : فعلاً علشان كدا انا هشتغل معاهم .

فريدة بإبتسامة : حيث كدا بقا انا وافقت على الكتاب اللي انتي عايزة تكتبيه عني تحبي تبدأي أمتي .

انجي بسعادة: اي وقت حضرتك فاضية فيه .

فريدة بتأكيد: خلاص هنبدأ فيه من بكرة .

انجي بتأكيد: خلاص تمام أستاذن انا بقا .

ميرنا : و انا كمان .

فريدة: خلاص تمام .

ثم تتوجه كلا من انجي و ميرنا لخارج قصر السويفي..

عمرو: البنت دي تحسي فيها حاجة غريبة مش عارف اي هي .

فريدة بتأكيد: فعلاً حاسه إن وراها حاجة .

مرام: ليه .

فريدة بغموض: مش عارفه بكره نعرف ثم تتابع حديثها هو حازم لسه مجاش .

رغدة : لا لسه هيسهر النهارده عند واحد صاحبه .

فريدة: تمام .

************************************

بخارج قصر السويفي حيث تقف انجي و ميرنا .

انجي: انا همشي انا تحبي اوصلك معي .

ميرنا بإبتسامة : لا معايا عربيتي شكرا يا قلبي.

انجي بإبتسامة: خلاص تمام.

ثم تقوم كلا منهما بالتوجه إلى وجهتها فميرنا توجهت لمنزلها و انجي قامت بالتوجه للفندق الذي تُقيم به.

★★★★★★★★★★★★★★★★★★★★

وبعد مرور ذلك الليل الطويل خطت الشمس أولي خيوطها علي الدنيا لتُنيرها

عند أيان يستيقظ علي صوت المنبه فيفيق ثم يتوجه إلى الحمام لكي يستحم و يرتدي اي شيرت كحلي غامق و بنطال كافيه فاتح و كوتشي أبيض اللون ثم يتوجه نحو طاولة الطعام لتناول الفطور مع والديه .

صفية بلهفة: انت كويس يا حبيبي ليه تعبان .

أيان بإبتسامة: الناس بتقول صباح الخير الاول مش انت كويس .

صفية بتذمر: كمان خايفه عليك .

أيان بإبتسامة: بهزر معاكي يا ست الكل أنتي تقولي اللي نفسك فيه.

ايهاب بسخرية: ها هنخلص المشهد دا أمتي .

أيان: لا خلاص المشهد خلص.

ايهاب: طيب تمام اخبارك ايه.

أيان بإبتسامة: الحمد لله هو جرح بسيط بس انتوا اللي مكبرين الموضوع.

أيهاب بسخرية: دا انا شايف بعيني محدش ألي .

صفية : و بعدين انت لابس و متشيك كدا و رايح علي فين أوعي تقولي إن عندك شغل .

أيان : لا يا ست الكل انا هفطر و هروح النادي انا و آسر .

ايهاب: طيب تمام أقعد بقي علشان نفطر سوا .

أيان : اوك .

ثم يجلس ليتناول قطعة توست مع ارتشاف القليل من العصير ثم يستأذن للخروج من الڤيلا ..

صفية : طيب انا هعمل حاجة و جايه .

ايهاب ببرود: بلاش .

صفية بتوتر: هو اي دا اللي بلاش .

ايهاب بإبتسامة باردة: اللي في دماغك .

صفية بضيق : و اي بقا اللي في دماغي .

ايهاب: هتقومي تكلمي مرام أو مروة علشان مرام تروح النادي و أيان هناك و يا سبحان الله هتطلع صدفه في الاخر مش كدا و ألا عندك افكار جديده اتحفيني .

صفية بصدمة : انتي اي اللي عرفك ثم تتدارك الموقف لا مش هو دا دا انا كنت هخلي حد من الخدم يعملي قهوة علشان حاسه نفسي مصدعه مش اكتر .

ايهاب بتأكيد : براحتك خالص بس مترجعيش تقوليلي ابننا سابنا لانه هيسيبنا بسببك و بسبب تصرفاتك. ثم يقف انا ماشي عندي اجتماع مهم و لازم أحضره .

و بعد ذلك يتوجه للخارج .......

صفية بغضب : زي ما اكون مش أمه انا عارفه مصلحته و مش همشي علي مزاجكوا و بكرة يعرف إن اللي انا بعمله في مصلحته و ساعتها بس هتعرفوا قيمتي و قيمة اللي انا بعمله دا ثم تقوم بمهاتفت مرام فتُجيب الأخري بسرعه ...

مرام بإبتسامة: ازي حضرتك يا انطي .

صفية بحب : انا الحمد لله يا رورو .

مرام بلهفة : أيان عامل اي .

صفية : هو تمام الحمدلله بس كان في مهمة و اتصاب فيها .

مرام بصدمة: و هو عامل دلوقتي هو في البيت اجي اشوفه .

صفية : لا يا حبيبتي هو الحمد لله تمام دا حتي راح النادي علشان يقعد مع آسر شويه ..

مرام بتأكيد: خلاص تمام انا هغير و هروح عالنادي اطمن عليه .

صفية : تمام يا بنتي .

مرام بإبتسامة: شكراً يا طنط .

صفية: انتي عارفه غلاوتك عندي أد ايه و اني نفسي تكوني مرات أيان النهارده قبل بكرة بس الصبر .

مرام بفرح: عارفه يا طنط سلام بقا علشان الحق البس .

صفية : خلاص تمام .

************************************

أما عند بطلتنا فتستيقظ علي صوت رنين الهاتف الخاص بها فتجدوه رقم غريب ....

انجي: الو ..

........: آنسه أسيل .

انجي بتعجب : ايوه انا مين معايا .

منه بإبتسامة: معك منه سكرتيره جاسر بيه .

انجي بتذكر : اه منه أيوة افتكرت اسفة كنت نايمه و مش مركزة .

منه : و لا يهمك بس هو انتي مش جايه النهارده المكتب و ألا اي .

انجي بتأسف : انا اسفه و الله نسيت كان عندي شغل مستعجل و مش هعرف اجي النهارده ممكن تقولي للأستاذ جاسر اني مش هقدر اجي النهارده الشغل .

منه : خلاص تمام سلام .

انجي: سلام .

ثم تتوجه الحمام للقيام ب روتينها اليومي ثم تتجوه لغرفة الملابس و ترتدي و تطلق العنان لشعرها لينسدل علي ظهرها .....

لتتوجه للخارج و تقود سيارتها لقصر السويفي و لكن في هذه الأثناء تري أن جرح يدها لم يلتأم بشكل كامل و يحتاج لتقطيب و لتقرر الذهاب للمشفي بعد المرور علي قصر السويفي بعد قليل من الوقت تصل لوجهتها. وتنزل من سيارتها و تقوم بطرق الباب فتفتح لها الدادة .

الدادة : اتفضلي يا بنتي .

انجي بإبتسامة: ميرسي يا دادة انا كنت جايه لفريدة هانم .

الدادة بإبتسامة بشوشه: اتفضلي يا بنتي لغاية ما اديها خبر .

انجي بتأكيد: خلاص تمام ...لتذهب انجي و تتوجه لغرفة المعيشة و بعد قليل من الوقت تأتي لها فريدة و رغدة و مروة و عمرو ..

فريدة : أهلا يا بنتي نورتي ..

انجي بإبتسامة: شكرا يا فريدة هانم .

فريدة بإبتسامة : بلاش هانم دي انتي زي مرام قوليلي يا تيتا .

انجي وهي تضغط علي يدها المصابة :: تمام يا تيتا ..

فريده: تحبي نبدأ منين ..

انجي بإبتسامة: انا محضره لحضرتك في النوت بوك شوية أسئلة و حضرتك المفروض تجاوبي عليها .

فريدة بتأكيد : خلاص تمام بس عندي شرط .

انجي بتأكيد: اتفضلي اي هو .

فريدة بتأكيد: السؤال اللي مش هيعجبني مش هجاوب عليه ..

انجي بإبتسامة: خلاص تمام و انا أساساً مكنتش هسأل غير ل.... . ليقاطع كلامها صوت الدادة و هي تهرول نحوهم. ........

الدادة بدموع : الحقيني يا فريدة هانم حازم بصحيه مش بيرد عليا ....

ليهب الجميع من مجلسه للتوجه لحازم بدون تلك التي تجمدت الدماء في عروقها من الصدمة ثم .........

*****************************

عند أيان يتوجه إلى النادي و يكون في انتظاره آسر و هو يرتدي قميص ابيض و بنطال اسود اللون ...

أيان بإبتسامة: اتأخرت عليك .

آسر : لا انا لسه داخل أُدامك بخمس دقايق .

أيان : طيب تمام .

آسر : انا طلبت قهوة تشرب اي .

أيان :. انا كمان هاخد قهوة لاني مصدع .

آسر بإبتسامة: تمام ثم يشاور للويتر ليطلب قهوة لأيان .

آسر : بس غريبة صفية هانم تسيبك تنزل و انت متصاب .

أيان بضحك : معاك حق و الله دي حتي محاولتش تمنعني أخرج لدرجة اني خايف تكون بتفكر في حاجة بس يا رب ما.... ...... ... يقطع كلامه نظر آسر لشئ خلفه بتركيز ..

أيان بإستغراب : في أي يا ابني مالك بتبص علي اي كدا ..

آسر ببلاهه: علي اللي أمك بتخططله ..

أيان بتعجب: انت اهبل يلا في أي ما.........ليقاطع حديثه صوت مرام .

مرام بدلع: هاي اينو كويس اني شوفتك هنا متعرفش انت واحشني أد اي .

أيان: انتي هنا .

مرام بإستغراب : أومال فين مالك انت كويس ..

آسر بضحك : يخربيت كدا يا جدع هههههه يلهوي ههههههههه مش قادر دا انت مكملتش الجملة هههههه أمك دي رهيبه. والله 😂😂😂😂 دا حتي آه اي يا عم انت هتتحول و ألا اي .

أيان بضيق: بتضحك علي اي يا اخويا ضحكتك اوي .

مرام بإبتسامة: انا مش فاهمة حاجة .

أيان بإبتسامة باردة: احسن .

مرام بصدمة : نعم .

آسر بسرعة : لا ولا حاجة احنا بس كنا بنتكلم في موضوع قبل ما تيجي .

مرام بإبتسامة: أوك .انا عرفت انك تعبان يا اينو و كنت عايزة اطمن عليك و كويس اني شوفتك هنا .

أيان بتذمر و همس : عليا انا الكلام دا قال يعني مش ماما اللي بعتتك .

مرام: بتقول حاجة يا أيان .

أيان و هو يمسح على وجهه بغضب: بستغفر ربنا .

آسر بسرعة: تحبي تشربي اي يا مرام .

مرام بدلع: زي اينو .

آسر بضحك: تمام هطلبلك قهوة 😂

مرام بإبتسامة: مالك يا أيان انت زعلان من حاجة و ألا عل............. ليقاطع حديثها رنين هاتفها برقم والدتها لتُجيب علي الهاتف .....

مرام بصدمة: ايه.....مستشفي اي .....خلاص تمام انا جايه ......

أيان : خير في حاجة .

مرام : اه حازم تعبان و اخدوه المستشفي و انا لازم أمشي دلوقتي معلشي يا أيان ممكن توصلني لاني مش هعرف اسوق في حالتي دي ..

أيان بإبتسامة:. تمام يلا بينا.هتيجي معايا يا آسر .

آسر بنفي : لا انا هعدي على ميرنا هنروح نشتري شويه حاجات للشقه بتاعتنا .

أيان بتأكيد: خلاص تمام .

ثم يتوجه هو و مرام للسيارة ومنه الي المستشفي .

**********★*********★*************

لم اتمني البكاء يوما

ولكن هم الزمان أبكاني

تمنيت العيش كما تريد نفسي

ولكن عاشت نفسي كما يريد زماني.

يا صبر قُل لي هل انا أيوب

أم أنني في لوعتي يعقوب

و هناك أمام احدي غرف الطوارئ يقبع حازم و بالخارج جميع أفراد العائلة و بعد قليل من الوقت تأتي مرام و معها أيان .

مرام بلهفة : حازم كويس اي اللي حصل.

فريدة : مش عارفين لسه الدادة كانت بت......ليقاطع حديثها خروج الدكتور .ليتقدم الجميع ليه .

فريدة بلهفة: خير يا دكتور حازم عامل اي .

الدكتور : بقا افضل و الحمدلله إن الموضوع لسه في أوله .

عمرو بإستغراب : موضوع اي .

الدكتور : ................

لينظر الجميع بصدمة و .........

حبايبي وحشتوني جدا والله ☺️🤭

و اسفة على التأخير بس انتوا عارفين الدراسة و كدا 😂😂😂

فخليكوا طيوبين كدا و ا

تفاعلوا مع البارت ❤️

و شكرا مقدما و يا ريت الكل يقولي رأيه في الكومنتات ☺️

فريدة بلهفة: خير يا دكتور حازم عامل اي .

الدكتور : بقا افضل و الحمدلله إن الموضوع لسه في أوله .

عمرو بإستغراب : موضوع اي .

الدكتور: الإدمان ..

صدمة ....ذهول ...صمت ......عجز .... انهيار...

أشياء كثيرة تشعر بها لدرجة عدم تحديد مقدار الألم منها و كأنها لم تعد تستطيع الشعور بأي شيء حتي جرح يدها الذي ينزف ..

فريدة بصدمة : ادمان اي انت متأكد يا دكتور اكيد في حاجة غلط .

مرام بصدمة: مستحيل .

رغدة : اكيد في حاجة غلط .

الدكتور: احنا عملنا تحاليل و انا متاكد انه بيتعاطي مخدرات بس الحمد لله لسه في الاول و علشان كدا هيتعالج بسهولة و في البيت كمان لو تحبوا بس ينتظم علي الأدوية اللي هياخدها .

عمرو بتأكيد : تمام يا دكتور انت اكتب الأدوية اللي هياخدها و احنا هنجيبها و يا ريت محدش من الصحافه ياخد خبر .

الدكتور : خلاص تمام خلوا حد يخلص إجراءات الخروج و هو هيخلص السيروم ده و هيخرج .

عمرو: تمام هروح انا اخلص الإجراءات .

أيان : انا هخلص الإجراءات يا عمي .

فريدة: مش عايزين نتعبك يا ابني .

أيان بإبتسامة: و لا تعب و لا حاجة هخلص الإجراءات و اجي بسرعة .

مرام : انا هروح مع أيان يا بابا .

أيان : لا خليكي هروح لوحدي .و في أثناء مروره بجانب انجي يجد أن يدها تنزف و هي تضغط عليها و تنظر إلي نقطة ما فيتجه لها .

أيان : أسيل .

انجي :......

أيان : أسيل انتي كويسه .

انجي بانتباه: ها بتقول حاجة.

أيان : كنت بقول انتي كويسه ايدك بتنزف .

انجي بصدمة: اه لا أقصد اه كويسه الحمدلله مفيش حاجة .

أيان : كويسه اي ايدك بتنزف تعالي خلي دكتور يشوفها و ألا الممرضة .

فريدة متدخله : انتي مش عالجتي ايدك من امبارح يا بنتي .

انجي : عالجتها بس تقريباً الغرز فكت .

أيان : طيب تعالي خلي الدكتور يشوفها ..

و يذهبان معا لغرفة الكشف ليقوم الدكتور بتعقيم جرحها و تخييطه مع توجيه بعض التعليمات

أيان بنظره غريبة : اطلعي انتي و انا هخلص إجراءات الخروج و هاجي .

انجي بتعب : تمام .

وبعد مرور دقائق قليلة ُينهي أيان الإجراءات ثم يخرج هو و عائلة السويفي من المشفي للتوجه إلى قصر السويفي مع حضور طاقم طبي لمتابعة حازم في المنزل ...........

و في غرفة المعيشة نجد جميع أفراد العائلة مع انجي و أيان يجلسون في هدوء ليقطع هذا الهدوء حديث فريدة .

فريدة بصرامة : اكيد يا أسيل مش محتاجه اقولك إن الموضوع ده الصحافة متعرفش عنه اي حاجة .

انجي بإبتسامة: اكيد طبعا .

رغدة : دا اللي احنا متوقعينه منك انك تتفهمي الوضع .

انجي بتأكيد: اكيد فاهمة حضرتك ثم تهم بالوقوف استأذن انا بقا لان عندي شغل .

أيان : و انا كمان هستاذن لاني عندي شغل مهم و لازم اخلصه .

فريدة : لسه بدري يا اولاد .

انجي بإبتسامة: اكيد عايزين ترتاحوا دلوقتي .

أيان بتأكيد: أسيل عندها حق .

عمرو بإبتسامة: خلاص زي ما تحبوا .

مروة : سلملي علي مامتك يا أيان .

أيان : يوصل يا طنط .

ثم يتوجهوا للخارج .......

أيان لانجي: تحبي اوصلك..

انجي بإبتسامة: شكرا معايا العربية بتاعتي .

أيان : خلاص تمام .

انجي : السلام عليكم.

أيان بإبتسامة: و عليكم السلام.

ثم يتوجه كلا منهما الي و جهته ..........

*****************************

عند بطلتنا تصل إلى الفندق الذي تُقيم به ثم تتوجه لغرفته و تجلس على كرسي في الفرندا الخاصة بغرفتها تنظر للفراغ من دون كلل أو ملل لتمسك الهاتف الخاص بها و تقوم بمهاتفة ..

انجي : محتاجاك .

المجهول : في أي وقت انا موجود .

انجي : عايزة الورق اللي معاك .

المجهول بصدمة : مش بدري كدا دا انتي لسه مخلصه حوار المؤتمر امبارح .

انجي ببرود : نص ساعة تكون الملفات علي الايميل بتاعي .

المجهول بعصبية: انتي عارفة انا معك في كل حاجة بس انتي كدا زي اللي بيقول انا عايشة دوروا عليا .

انجي : مش مهم .

المجهول بعصبية: هو اي اللي مش مهم بقولك حياتك هتكون في خطر دا لو مكنتش التمن .

انجي: علشان كدا بقولك مش مهم هو انا كدا عايشه يعني .

المجهول : اكيد في حاجة حصلت مهو مش معقول البرود اللي انتي فيه دا و انتي بتفتحي ابواب جهنم عليكي .

انجي بوجع : مبقاش فارق اي حاجة نص ساعة و الورق يكون معايا .

المجهول بعصبية: يا بنتي انتي عارفة الورق دا في أي كويس أن.................لتقوم انجي بقطع الاتصال .

وتظل علي وضعها.

*****************************

أما عند بطلنا فيتوجه للڤيلا الخاصة بهم و يهبط من سيارته و يتوجه للداخل و في أثناء مروره يجد و الديه جالسين .....

أيان بإبتسامة: مساء الخير .

صفية و ايهاب: مساء النور .

ايهاب: عامل اي يا أيان احسن دلوقتي .

أيان بإبتسامة: الحمد لله تمام يا بابا .

صفية بنظرة ذات مغزى: كنت فين دا كله هي القعدة مع آسر حلوه اوي كدا لدرجة تفضل طول اليوم معاه ..

لتختفي ضحكة أيان و يحل محلها البرود : لا طول اليوم في المستشفى .

صفية بصدمة : مستشفى اي .

ايهاب بقلق : انت كويس مستشفي اي اتصل على...

ليقاطع حديثه أيان

أيان: اهدي يا بابا ثم يوجه نظره لوالدته أصل يا سبحان الله مرام بالصدفة راحت النادي في نفس المعاد اللي انا و آسر هنتقابل فيه فيتصلوا عليها من البيت لأن حازم تعب شويه و اخدوا عالمستشفي .

صفية بتهرب: حازم لا دا انا لازم اتصل علي رغدة و اطمن عليه اسيبكوا بقا و اروح اكلم مرام .ثم تهم لتنصرف ليقاطعها أيان ..

أيان : ماما أظن انا مش عيل صغير اُدامك علشان الحركات بتاعتك دي .

صفية بضيق: حركات اي دي يا أستاذ أيان .

أيان و هو يزفر بزهق : انا مش مصدق و الله إن احنا لسه بنحكي في نفس الموضوع .

صفية : و اي هو الموضوع بقا يا أيان .

أيان بإبتسامة و تأكيد: انا و مرام مش لبعض يا ريت تحطي دا في بالك انا و مرام مستحيل .

صفية بعصبية: و مستحيل ليه بقا مالها مرام بنت ادب و اخلاق و من نفس مستواك الاجتماعي و من عيلة محترمة و.......... ليقاطع كلامها أيان

أيان بضيق : و انا كل دا ميهمنيش كل دا مليش دعوة بيه انا عايزة واحدة اكون بحبها .

صفية بضيق : حب اي دا و بعدين ال.........

ليقاطع كلامها مرة اخري أيان

أيان منهي الموضوع: طيب تصبحوا علي خير لاني تعبان و لازم ارتاح .

صفية بعصبية: هو انا مش عارفه اكلمك كل لما ....

ليقاطع كلامها هذه المرة ايهاب

ايهاب : خلاص يا أيان اطلع انتي نام انا عايز مامتك .

صفية بضيق: بس انا لسه مخلصتش كلامي معاه .

ليتجاهلها أيان و يتوجه لغرفته .....

صفية بضيق: عاجبك كدا أهه مش عارفه أكلمه كلمتين علي بعض و بعدين عاجبك ابنك و اللي بيعمله .

ايهاب: اه عاجبني .

صفية بصدمة : يعني عاجبك اللي بيعمله دا عاجبك أنه مش محترمني و لا مقدر كلامي و لا عاملي اي اعتبار .

ايهاب بضيق: و آخرة عمايلك دي اي غير كدا لكل فعل رد فعل و هو بيعمل رد لكل فعل انتي بتعمليه لو انك تبطلي الحركات بتاعتك دي المرة دي سابك علشان يطلع اوضته فوق المرة الجاية هيسيبلك البيت كله ..

ثم ينصرف من أمامها ليتركها تفكر بكلامه ثم تقوم بإنكار خطأها لتمسكها بفكرة أنها تريد الافضل لابنها و أنها أكثر من يعلم أين تقع مصلحته و لم تنتبه علي أخطاءها ثم تقوم بمهاتفة مروة للاطمئنان على حازم و بعد ذلك تتوجه لغرفتها ثم تخلد للنوم و كان شيئا لم يكن ........

*****************************

أما عند بطلنا في غرفته فقد قام بتغيير ملابسه باخري للنوم ثم يقوم بمهاتفة آسر ...

آسر بضحك: عامل اي يا اينو يا رب تكون بخير .

أيان بإبتسامة: بس يا حيوان متفكرنيش خلصت مع ميرنا و ألا لسه برا .

آسر بإبتسامة: لا خلصنا بس انت متصل ليه .

أيان بتذكر: اه كنت عايزك تكلم حد يعمل بحث عن أسيل عمران .

آسر بإستغراب : مش دي صاحبة مرام و ميرنا .

أيان بتأكيد: اه هي بس عايزها باسرع وقت.

آسر بشك : ليه في حاجة انت شاكك فيها و ألا اي .

أيان بنفي : لا بس حاسس إن وراها حاجة حاسس إن في حاجة غلط في الموضوع .

آسر بضحك: حاسس ماشي يا ابو إحساس انت .

أيان بضيق: تصدق إن أنا عيل اني كلمتك اساسا .

آسر بتوضيح: مش قصدي بس حاسس ازاي يعني اي اللي حصل و خلاك تشك فيها .

أيان بشرود: تعرف النهارده لما روحت المستشفي مع مرام علشان حازم لقيت الكل قلقان عليه بس اللي صدمني بجد اني شوفت في عيون أسيل كمية وجع و خوف مشوفتهاش في عيون مامته أو اي حد من عيلته.

آسر بإستغراب : ازاي يعني مش فاهم .

أيان بضيق : و لا انا اومال بقولك اعملي بحث عنها ليه .

آسر : خلاص تمام في حاجة تانيه و ألا كدا خلاص .

أيان بإبتسامة: لا كدا تمام تصبح على خير .

آسر بإبتسامة:. تلاقي الخير ...

ثم يستلقي بطلنا علي فراشه فيغلبه النوم ....

*****************************

أما عند بطلتنا في هي تنتظر تلك الملفات التي ستُغير الكثير من مجري احداث قصتنا ......

انجي: كدا تمام .

المجهول : متاكده من اللي انتي هتعمليه ده فكري تاني لان بعد كدا مش هتعرفي تغيري الأمور .

انجي ببرود : مش مهم .

المجهول بعصبية: انجي انا مش عايز اتعصب عليكي اكيد حصل كارثة مش مشكلة لما انتي عايزه تعملي كدا في أي احنا اتفقنا اننا مش هنعمل كدا و لا هنظهر الورق دا غير لما يكون في سبب أو هدف من كشف الورق دا .

انجي بتأكيد: في متخافش انت بس .

المجهول بإستغراب.: و اي هو السبب إن شاء الله و بعدين ازاي خديجة سمحتلك انك تعملي كدا استني لحظة كدا هي خديجة تعرف .

انجي : ......

المجهول بعصبية: انجي خديجة تعرف أن الورق دا معك من الأساس .

انجي بلا اكتراث : لا ..

المجهول بصدمة : و انا الغبي اللي بعتلك الورق .

انجي بإبتسامة: اولا الورق دا بتاعي انا و انا اللي خبيته عندك علشان خديجة متعرفش عنه حاجة و اكيد زي ما خليته عندك من حقي اخدهوفي اي وقت انا عايزاه ..

المجهول : طب بصي انتي فكري شويه و شوفي و مش تتهوري و اهدي الاول كدا .

انجي بتأكيد: متأخره

المجهول بصدمة: نعم هي اي دي .

انجي بإبتسامة: نصيحتك انا خلصت الشغل اللي هعمله بكرة الصبح اقرأ الاخبار و انت تعرف .

المجهول بعصبية: انتي عملتي اي بالورق اللي معك و هدفك اي .

انجي ببراءة : و لا حاجة انا بس ....

المجهول بصدمة:يا خبر اسود انتي بتهزري انتي مجنونة يا بنتي .............؟

حبايبي وحشتوني جدا والله ❤️❤️❤️❤️

اخبارك يا رب دايما بخير ..

يا ريت الكل يقولي رأيه في الكومنتات ☺️

و يتفاعل مع البارت ❤️❤️❤️

و بإذن الله بكرة هنزل بارت كمان

و كنت عايزة اطلب منكوا طلب انا عاملة جروب عالفيس و دا اللينك بتاعه يا ريت الكل يبعت طلب انضمام 🥺🥺

👇👇👇👇👇👇👇👇👇

جروب روايات بقلم 👈 انجي جمال

#أسيرة_قلبي بقلم 👈 انجي جمال

وبعض الناس قد غابوا سنينا

وما هزت بنا الاشواقُ شعرة

لم أعد أدري إلي أين أذهب

فقد دمرت الحياة محطاتي

أمشي في دروب الذكرياتِ

باكياً مُعذب و أغلق الصبربوجهي كل الطرقات ِ

*****************************

و مع إشراقة شمس يوم جديد مليئ بالاحداث المهمة و التي ستُغير الكثير من حياة أبطالنا ....

في قصر السويفي

حيث يتواجد جميع أفراد العائلة في غرفة المعيشة ما عدا حازم الذي يستريح في غرفته يتحدثون فيما بينهم ليلفت انتابههم وجود اسم عائلة السويفي في الاخبار علي التلفاز ليتابعوها باهتمام و في غضون لحظات قليلة يتحول انتباههم لصدمه كبيره سوف تؤدي بحياتهم ....

( لقد وصلتنا اخبار مهمة عن عائلة السويفي واحدة من أكبر العائلات في مصر و لهم مجموعه شركات مهمة و لكن قد تصدرت عائلة السويفي في هذه الفترة العديد من مواقع التواصل الاجتماعي و من أهم هذه الأخبار أن نجل السيدة فريدة السويفي الأصغر الأستاذ عمار السويفي كان متزوج علي زوجته الحاليه السيده رغدة السويفي و ليس هذا فحسب بل و ايضا صرحت الاخبار عن اختفاء السيدة رحمة السويفي الزوجة الثانية للسيد عمار السويفي بما يقرب من ١٨ عام و بعد ذلك قامت عائلة السويفي بعمل مؤتمر صحفي تثبت به طلاق السيد عمار السويفي لزوجته السيدة رحمه تحت اسباب معلنه منهم علي حسب أقوالهم و عند سؤالهم عنها قالوا بأنها بعد فترة طلاقها غادرت البلاد و لكن بعد البحث و بأدله مُقدمه انه لا يوجد اي دليل يثبت لنا خروج السيدة رحمه من اي مطار في مصر سواء بري أو بحري أو طيران مما يدل علي عدم وجودها في الانحاء و غير ذلك ظهرت علي أحد مواقع التواصل الاجتماعي صباح هذا اليوم دلائل و وثائق مهمة تدل علي عدم قدرة السيدة رغدة السويفي علي الانجاب بسبب خطأ طبي بعد فقدها لطفلها الاول و السؤال الأهم الان من هي ام حفيد عائلة السويفي حازم السويفي و هذا ما نتمني من عائلة السويفي الاجابه عليه الي هنا انتهت فقرة اخبارنا اليوم و لكن لم تُغلق هذه القضيه هنا و يجب انا نأخذ اجابه لهذا السؤال ...)

عمرو بصدمة: مستحيل ..

فريدة بغضب: مين اللي عمل كدا ...

رغدة بتوهان: ازاي جابوا التحاليل دي انا متأكدة أننا خفيناها من زمان ..

فريدة بغضب: انا لازم اعرف مين اللي عمل كدا .

عمرو بغضب: دا اكيد حد عارف كل حاجة عننا ازاي يكون في حد عارف كل اسرارنا كدا اكيد الحاجات دي كلها مش صدفه و في حد قاصد كدا ...........

فريدة بغضب و عصبية: انت لسه هتسأل مين اللي عمل كدا اتصل عالجريدة دي و خليها تعمل تكذيب .

عمرو بغضب: اكيد مينفعش دول معاهم أدله و شهادة طبية و غير كدا احنا لسه عاملين تكذيب للخبر و تقريباً كدا الخبر دا هيتفتح تاني مع الخبر دا .

مروة بضيق: الزفته رحمه ماتت و سابتنا في المشاكل ...

فريدة بغضب: عمرو انت لازم تروح الشركه دلوقتي و انا هكلم واحد من رجالتنا يعرف مين اللي نزل الاخبار دي و انتي يا مرام يا ريت تكلمي أسيل و تعرفي منها لازم نعمل اي في المصيبة دي .

مرام يزهق : هو انا مش ورايا غيرها منشوف حد غيرها ..

فريدة بعصبية : هو دا وقته احنا في أي و ألا اي و بعدين مش دي صاحبتك و كنتي عايزاني اقابلها و اخليها تكتب كتاب عني اي اللي اتغير دلوقتي..

مرام في نفسها: دا قبل ما تقابل أيان ثم تكمل بصوت عالي : خلاص تمام يا تيتا هكلمها لتقوم بالاتصال بها و لكن لا يوجد رد مبتردش عالفون .

فريدة بعصبية: و هو دا و قته رني تاني ..

لتقوم مرام بالاتصال مرة أخرى و لكن لا يوجد رد أيضا ......

فريدة بضيق: خلاص انا هتصرف .....

★★★★★★★★★★★★★★★★★★★★

أما عند بطلتنا فتستيقظ من النوم ثم تتوجه إلى الإستحمام و من بعد ذلك تتوجه لغرفة تغيير الملابس لترتدي

قميص من اللون الاسود و جيب فوق الركبة من اللون الرمادي

و حقيبة يد ثم تخرج من غرفتها مُتجهه المصعد و بعد ذلك تترجه لجراج الفندق و تصعد لسيارتها لتتوجه للجريدة التي تعمل بها لتصل بعد مرور نصف ساعة ثم تخرج من سيارتها و تتوجه لداخل الجريدة و في هذه الأثناء تري منه سكرتيره المدير .

انجي بإبتسامة: صباح الخير .

منه بإبتسامة مماثلة: صباح النور في وقتك بالظبط .

انجي بمرح: طبعاً أهم حاجة عندنا الانضباط في المواعيد .

منه بتأكيد: طبعاً هدخل اقول لمستر جاسر انك هنا .

انجي: تمام و انا هستناكي هنا .

ثم تتوجه منه لمكتب المدير و تطرق الباب فياذن لها المدير فتدخل .

منه : جاسر بيه الانسه أسيل و صلت برا .

جاسر : تمام اتفضلي انتي و خليها تدخلي .

منه : تمام يا فندم .

ثم تخرج من المكتب لتتجه لانجي ... ...

منه : أسيل جاسر بيه عايز يقابلك .

انجي بإبتسامة: تمام هروح اقابله و اجي اعرف منك مكان المكتب ...

ثم تتجه لمكتب المدير و تطرق الباب فياذن لها ..

جاسر : ادخل .

انجي بإبتسامة: صباح الخير يا فندم ...

جاسر بإبتسامة: صباح الخير انتي هتبدأي النهارده شغل في المكتب انا أهم حاجة عندي الانضباط في المواعيد و الشغل و انتي هتشتغلي هنا ٣ أيام في الأسبوع.

انجي بإبتسامة: تمام يا فندم اقدر اروح اشوف المكتب بتاعي النهارده اول يوم في الشغل و كدا .

جاسر بإعجاب: اتمني تفضلي كدا يا بنتي ..

أنجي بتأكيد: بإذن الله يا فندم ...استأذن انا.

جاسر : تمام اتفضلي ..

ثم تتجه انجي لمنة مرة أخرى..

انجي : ها يا منه مكتبي فين بقا ..

منه : تعالي معايا ثم تتوجه للقسم الخاص بالمتدربين ..... دا المكتب بتاعك يا أسيل بس معاكي صحفي هنا اسمه مراد بس و اخد إجازة النهارده هتتعرفوا علي بعض و هو انسان مؤدب و محترم جدا ...

انجي بإبتسامة: بإذن الله ..

منه : يلا اسيبك انا و اروح أشوف شغلي .....

انجي : خلاص تمام اتفضلي ......

لتجلس انجي علي المكتب الخاص بها ثم تُخرج هاتفها لتجد العديد من المكالمات الهاتفية الفائته من مرام لتضع الهاتف علي مكتبها و هي تبتسم بانتصار .............

""""""""""""""""""""""""""""""""""''"

أما عند بطلنا فهو استيقظ مبكرا و قام بممارسة التمارين الرياضية و بعد ذلك توجه للاستحمام و بعد ذلك توجه لغرفة تغيير الملابس و ارتدي قميص من اللون الكحلي و بنطال جينز ......

و بعد ذلك توجه لغرفة الطعام حيث يجلس والديه ...

أيان بإبتسامة: صباح الخير ..

إيهاب: صباح النور ..

صفية : صباح الخير يا حبيبي...انت لابس و رايح فين كدا ..

أيان : عندي شغل في مهمة هستلمها النهارده بإذن الله.

صفية بقلق: طيب متستني شويه علشان إصابتك هو الشغل هيطير يا ابني ..

أيان بإبتسامة: هو انا صغير يا ماما و بعدين انا الحمد لله خفيت هو انا هفضل تعبان علي طول .

صفية باستستلام: خلاص براحتك ...

أيان بإبتسامة و هو يقف من مكانه : سلام انا بقا .

ثم يقوم بالتوجه خارج الڤيلا و يأخذ سيارته للتوجه لمكان عمل و أثناء قيادته للسيارة يأتيه اتصال هاتفي من آسر ....

آسر بمرح : صباح الخير يا برنس ..

أيان برفعة حاجب : مين معايا ...

آسر بمرح : أشرف كوبايه ....قصدي آسر .

أيان بإبتسامة: ما انا مش مصاحب حد تافه غيرك ها عايز اي ..

آسر بضيق: يا أخي يخربيت دي صحوبيه دي معامله دي ..

أيان بنفاذ صبر : اخلص يا آسر عالصبح ..

آسر بإبتسامة: خلاص يا عم هو الواحد ميعرفش يهزر معاك أبدا المهم انا عملت بحث عن أسيل عمران. بس في حاجه غريبه جدا ...

أيان بترقب: زي اي .

آسر بإستغراب: يعني في صفحتها علي السوشيال ميديا معموله من سنه بالظبط يعني واحده زيها حابه في المستقبل تكون صحافيه ازاي مش عامله اكونت عالسوشيال ميديا و غير كدا مفيش في البروفايل بتاعها غير صورة واحده و ليها و كمان مفيش صور لحد من عيلتها و لا اي اصدقاء و طبعا بما انها مصريه لازم يكون ليها شهادة ميلاد بس مفيش ليها في مصر شهادة ميلاد و لا اسمها موجود في السجلات ..........

أيان : غريبة خلاص تمام يا آسر انا هخلي حد يبحث عنها من لبنان ...

آسر بإستغراب: انا مش عارف شاغل نفسك بيها ليه ما تسيبك من الموضوع ده ..

أيان : مش عارف بس انا حابب اعرفها حاسس إن البنت دي غامضة فيها حاجه غريبه كدا بس مش عارف اي هي ....

آسر بمرح : شكلك وقعت يا كبير بس بصراحه ال...... ليكمل بضيق اي دا دا قفل في وشي ....

************************************

أما في لبنان

عند خديجة تجلس لتقوم بإنهاء عملها ليأتيها اتصال من هذا المجهول لتقوم بالإجابة علي الهاتف .

خديجة بإبتسامة: ياه دا اي السبب المهم اللي يخليك تفتكرني ...

المجهول بتنهيده: هو في غيرها ..

خديجة بإستغراب: مين انجي .

المجهول بعصبية: و هو في غيرها ..

خديجة بإستغراب اكبر : ليه عملت اي ..

المجهول بسخرية: اي دا انتي مشوفتيش الاخبار .

خديجة بتأكيد: اه قصدك علي الخبر اللي هي نزلته من يومين عن رحمه بس ما خلاص عملت مؤتمر و نهت الموضوع ...

المجهول بسخرية اكبر : لا و الله دا اخر اللي انتي تعرفيه عن مصايب الأستاذة ليكمل بعصبية و غضب افتحي يا خديجة الاخبار و انا معاكي و شوفي انجي عملت اي النهارده دي قومت الدنيا و مَقعّدتهاش .

خديجة بإستغراب و هي تفتح الاخبار علي جهازها اللوحي : اهدي بس هتكون عم....... ليقطع كلامها رؤيتها للاخبار و الاوراق المرفقه بالخبر لتتحدث بصدمة يا خبر اسود و منيل لتكمل بغضب هي ازاي تعمل كدا

هي اتجننت و ألا اي و هما هيسكوتوا بعد ألاخبار دي بس هي جابت ورق مهم زي ده ازاي دي مكملتش اسبوع في مصر ..

المجهول بتنهيده: لا الورق كان معاها من قبل ما تنزل مصر أساساً ..

خديجة بإستغراب: ازاي انا اول مره اشوف الورق دا و بعدين انت عرفت ازاي .

المجهول بضيق: كانت مخبيه الورق دا معايا و طلبته امبارح و مكنتش اعرف انها هتعمل كدا ..

خديجة بعصبية : يعني انت اللي اديتها الورق و ازاي متقولش حاجة زي دي غير دلوقتي ..

المجهول بعصبية: و هو انا كنت اعرف انها هتعمل كارثة زي دي ...

خديجة بضيق: و هي استفادت اي دلوقتي و اي هدفها أصلا ...

المجهول بتنهيده: ما هو دا السبب اللي انا عايزك علشانه .....

خديجة: اي هو ...

المجهول: عمار السويفي ..

خديجة بعدم فهم : برضوا مش فاهمه ماله عمار السويفي.

المجهول بضيق: عايزة تجيب عمار السويفي ..

Flash back:

انجي بتأكيد: متأخره.

المجهول بصدمة : نعم هي اي دي

انجي بإبتسامة: نصيحتك انا خلصت الشغل اللي هعمله بكرة الصبح اقرأ الاخبار و انت تعرف.

المجهول بعصبية: انتي عملتي اي بالورق اللي معك و هدفك اي من كل ده .

انجي ببراءة: و لا حاجة انا بس عايزة اجيب عمار السويفي من جحره .

المجهول بصدمة: يا خبر أسود انتي بتهزري انتي مجنونه يا بنتي ...

انجي ببرود: لي .

المجهول بعصبية: عمار مين اللي تجبيه مش مكفيكي اللي عندك ...

انجي بلامبالة : و الله انا قولتلك اللي عندي سلام بقا ...

المجهول بسرعة: استني بس يا انجي الو الو. انجي ......

End.......

خديجة بعصبية: انت بتهزر معايا ....

المجهول بنرفزة : و هو دا وقت اهزر فيه انتي لازم تتصلي عليها تجبيها جمبك تاني احنا غلطنا لما طاوعناها مكنتش اعرف انها هتتهور كدا .

خديجة بسخرية: لا و هي هتسمع كلامي في ثانيه هقولها تعالي يا انجي فهتقولي حاضر علي طول لتكمل بعصبية انت بتهزر معايا يعني هتظهر في حياتهم فجأة فتظهر كل الاسرار دي و بعد كدا تختفي مش كدا ...

المجهول بعصبية: و هنعمل اي دلوقتي انجي لعبتها صح حطتنا في موقف مش هنعرف نتصرف فيه انتي و عيلة السويفي عارفاكي و انا زيك و هي عملت كدا بحيث و لا نعرف نجيبها و لا عارفين نسيبها بينهم انا مش عارف هنعمل اي علشان نحميها ..

خديجة بضيق : خلاص اقفل و انا هتصل عليها دلوقتي اشوف هنعمل اي في المشكله دي دا لو عرفنا نحلها أساساً.......

المجهول بتأكيد : تمام و انا هستني منك خبر ..

خديجة بتأكيد : خلاص تمام .....

لتنهي الاتصال و بعد ذلك تقوم بمهاتفت انجي

*****************************

أما عند بطلتنا و أثناء عملها تأتيها مكالمه هاتفيه من خديجه ..

انجي بتذمر : هنبدأ من دلوقتي ..لتقوم بالإجابة على الهاتف ....

انجي بمرح: صباح الخير يا ديجا و.......لتقاطعها خديجة بغضب ..

خديجة بعصبية: ايه اللي انتي عملتيه ده ازاي تعملي كدا انا مش فاهمه ...

انجي بإبتسامة: و انا عملت اي ..

خديجة بنرفزة : انجي بلاش برودك ده انتي ازاي تعملي كدا انتي عملتي اول مشكله و بعد كدا عملتي مؤتمر و خلصتي الموضوع اي دا بقا ...

انجي بعصبية: و انا عملت اي يعني كشفت الحقيقة مش اكتر و لازم اجيب عمار من الجُحر اللي مستخبي فيه ...

خديجة بعصبية مماثلة:. ليه انا وافقت انك تنزلي مصر علشان تشوفي اخوكي و تحاولي تتقربي منه مش وافقت علي الهبل اللي بيحصل دا هو انتي مش مكفيكي اللي عندك عايزة تجيبي عمار هو كمان و افرضي عرفك هتعملي اي ساعتها ها هتستفادي اي فهميني ..........

انجي بهدوء : انتي عارفه انا نازله ليه ...

خديجة بعدم فهم: اكيد علشان حازم ...

انجي بألم: حتي حازم مسلمش من اذي العيلة دي ..

خديجة بعدم فهم: ماله حازم ..

انجي بألم شديد: بقا مدمن لتكمل بدموع اخويا بقا مدمن اخر امل ليا في الحياة و أمانه ماما ليا بقا مدمن تخيلي لو سيبته معاهم هيعملوا فيه اي ..

خديجة بحزن: انتي متاكده .

انجي بألم : اه كنت معاهم امبارح متعرفيش كنت حاسه بايه و الدكتور بيقول ادمان ..

خديجة بحزن : طيب هو عامل اي دلوقتي ..

انجي : بقا كويس و الحمد لله الموضوع لسه في الاول ..

خديجة بتمني : إن شاء الله هيكون كويس لتكمل بحيرة بس انتي هتعملي اي في المصيبة اللي انتي عملتيها دي ....

انجي منهيه الموضوع: و لا حاجة سلام دلوقتي علشان عندي شغل .... لتقوم بفصل الخط ..

و بعد ذلك تقوم بمهاتفة مرام لتُجيب عليها مرام .

مرام بلهفة: ازيك يا أسيل أخبارك.

انجي بإبتسامة: الحمد لله تمام و انتي .

مرام : انا الحمدلله تمام تيتا كانت عايزاكي في موضوع و اتصلت عليكي قبل كدا بس مردتيش عالفون .

انجي بتأكيد: أيوه انا لسه شايفه الفون لاني في الشغل و النهارده اول اليوم ..

مرام : خلاص تمام اتفضلي تيتا معاكي .

فريدة بلهفة: ازيك يا أسيل.

انجي : الحمدلله و انتي فريدة هانم .

فريدة : كويسه الحمدلله بقولك يا أسيل انتي اكيد شوفتي الاخبار ..

انجي بتأكيد: طبعاً يا فريدة هانم .

فريدة بلهفة: طيب كويس كنت عايزة اسألك هنعمل اي .

انجي بإبتسامة: هو اكيد مش هنعمل مؤتمر لأننا عملناه من يومين بس انا فكرت في حل ..

فريدة بلهفة: اي هو .

انجي بمكر : إن صاحب الشأن هو اللي يتكلم .

فريدة بعدم فهم: صاحب الشأن ازاي .

انجي بتأكيد: عمار بيه هو اللي يظهر في الصورة و يشرح الموضوع ...

فريدة بشك: انتي متأكده .

انجي بتأكيد: أيوه طبعاً..

انجي بمكر : بس .............؟

فريدة بصدمة : اي انتي متأكدة ....

حبايب قلبي وحشتوني جدا والله ❤️❤️❤️

يا ريت الكل يتفاعل مع البارت و يكتبلي رأيه في الكومنتات و بإذن الله كل البنات اللي بتسأل علي مواعيد الروايه فأنا بإذن الله هنزل مرة واحدة في الأسبوع و هو يوم الاتنين كل اتنين هنزل بارت بس بتمني منكم التفاعل مع البارت و الكل يقولي رأيه في البارت دا اي ☺️☺️☺️☺️☺️

في قصر السويفي. ::

بعد إنهاء فريدة محادثتها مع انجي ...

عمرو بتساؤل: خير يا ماما أسيل قالتلك أن في حل للمشكله دي .

فريدة بضيق: لازم عمار ييجي اتصل عليه و خليه يحجز في أول طياره لمصر .

رغدة بسخرية: و هو هيرضي ييجي دا ما صدق مسك فرع الشركه فلندن و مبقاش بيسأل حتي .

فريدة بغضب: في ظروف زي دي لازم يكون موجود لتكمل بسخرية و ألا مش هيكون في شركه سواء هنا او في لندن يلا يا عمرو ...

مروة بفضول : هي أسيل قالتلك اي ..

فريدة : قالت لازم عمار يكون موجود و يكدب الخبر .

مرام بضيق : و حضرتك واثقه فيها اوي كدا ليه .

فريدة بعصبية: و هو دا وقته ما دا الحل الوحيد اللي في أيدينا و ألا انتوا عندكوا حل غير ده ...

ليصمت الجميع و يقوم عمرو بمهاتفة أخيه يُخبره بضرورة وجوده معهم ..

فريدة بلهفه: ها قالك اي هيبجي امتي ..

عمرو بتأكيد: قال هيبجي علي أول طياره ..

فريدة براحه : تمام . انا هروح اشوف حازم ..

مرام بزهق: و انا هقوم اروح النادي هقابل صحابي .

مروة بضيق و همس لمرام: و انتي مش كنتي قولتيلي انك هتشتغلي مع أيان و ألا نسيتي ..

مرام بتهكم : هو انتي معرفتيش ..

مروة بإستغراب : عرفت اي ..

مرام بضيق: الأستاذ أيان ساب الشغل في الشركه .

مروة بإستغراب: و دا ليه هو لحق يشتغل علشان يسيب الشغل .

مرام بنجهم : انا حاسه أنه سابه لما طنط صفيه طلبت منه اني اشتغل معاه في الشركه .

مروة : و هتعملي اي دلوقتي ..

مرام و هي تقف لتتوجه للخارج : بعدين يا مامي بعدين انا دلوقتي عايزة اروح اشوف صحابي ...

************************************

أما عند بطلنا فهو توجه لمديرية أمن الدولة و منها لمكتبه بعد قليل يطرق باب مكتبه فيأذن أيان للطارق.

العسكري : حضرة الظابط تميم مستني حضرتك يا فندم ...

أيان بصرامة: خليه يدخل ..

ليؤدي العسكري التحيه: تمام يا فندم ثم ينصرف ليدخل بعده تميم ...

تميم : خير يا سيادة المقدم ...

أيان بإبتسامة: اتفضل أُعد يا تميم ..

ليستمع له تميم و يجلس في الحال.......

أيان : انا كنت عايز معلومات عن بنت بس هي كانت عايشه في لبنان و عايزك تخترق البيانات هناك و تعرفلي كل حاجة عنها أو تتواصل مع واحد من حبايبك و تجيبلي كل المعلومات عنها ...

تميم : خلاص يا فندم حضرتك قولي علي اسمها و لو معاك صوره ليها دا هيسهل الموضوع ..

أيان : اسمها أسيل عمران و صورتها للاسف مش معايا بس ثواني ...ليُعطيه هاتفه دي صورتها من علي الصفحه بتاعتها ...

تميم : خلاص تمام انا هشوف الموضوع ده..

أيان بتأكيد : بس انا مش عايز اي حد يعرف حاجه عن الموضوع ده و يا ريت يتم في اسرع وقت ممكن.

تميم : متشلش هم يا فندم في أسرع وقت هتكون كل المعلومات عندك ...

أيان بإبتسامة: تمام تقدر تشوف شغلك ..

ليقف تميم من مكانه : تمام يا فندم استأذن انا.

ثم يخرج من مكتبه ليترك أيان بمفرده ..

أيان لنفسه : مش عارف اي اللي انا بعمله ده و لا بعمله ليه بس في حاجه غريبه في البنت دي بتجذبني ليها أو يمكن لاني حاسس انها مختلفه مش عارف بس عندي احساس اني لازم اعرفها و اعرف كل حاجة عنها يوه خلاص المهم دلوقتي......ليقاطعه طرق الباب ...

أيان : ادخل ..

العسكري : اللوا صالح منتظر حضرتك في مكتبه يا سياده المقدم ...

أيان : تمام ...ليقف من مكانه و يخرج من مكتبه متوجه لمكتب اللواء . ....ليطرق الباب ليسمع إذن بالدخول ....

اللواء صالح : اتفضل اقعد يا سيادة المقدم.

أيان بإبتسامة: خير يا فندم حضرتك طلبتني ..

اللواء صالح بإبتسامة: خير إن شاء الله كنت عايزك في مهمه جديده خطف اطفال ..

أيان : تمام يا فندم حضرتك اديني المعلومات الخاصه بالمهمة دي و انا بإذن الله في اسرع وقت هحاول احل الموضوع ...

اللواء صالح بفخر : انت عارف انا بحبك و بعتبرك في معزه ابني بالظبط و بتمني تحل المهمة دي علي خير ....

أيان بإبتسامة: عارف يا فندم و دا شئ يشرفني .

اللواء صالح و هو يُعطيع ملف القضية : اتفضل كل المعلومات اللي انت هتعوزها هتلاقيها موجوده عندك في الملف دا ...

أيان و هو يلتقط منه الملف : تمام يا فندم ... ثم يقف من مكانه .. استأذن انا يا فندم ...

اللواء صالح: اتفضل يا ابني ...

************************************

أما عند آسر فقام بالتوجه لمقابله ميرنا في المطعم .

آسر بإبتسامة: اتاخرت عليكي ..

ميرنا بإبتسامة: شويه ..

آسر بحب : اسف يا قلبي بس الطريق كان. زحمه ..

ميرنا بخجل : و لا يهمك ...

آسر للجارسون : واحد قهوة مظبوط و انتي يا ميرنا هتاخدي اي ...

ميرنا : انا عايزه عصير برتقال ..

آسر : تمام واحد قهوة مظبوط و واحد عصير برتقال.

الجارسون : تمام يا فندم ليقوم بتدوين طلباتهم ثم ينصرف ليتركهم بمفردهم ...

ميرنا بتساؤل: هما عمو و طنط هيبجوا أمتي ..

آسر بإبتسامه: بإذن الله كمان شهر نكون خلصنا تجهيز الڤيلا .

ميرنا : تمام و انا النهارده هروح اجيب شويه حاجات ناقصه...

آسر : تمام تحبي اجي معك ..

ميرنا بإبتسامة: مش مستاهله دا انا هجيب شويه حاجات بسيطه ...

آسر : خلاص تمام زي ما تحبي ..

ليأتي بعد قليل الجارسون بطلبهم و يضعه أمامهم ثم ينصرف بهدوء ...

************************************

اما عند بطلتنا فتقوم بإنهاء بعض الموضوعات الموجوده أمامها علي المكتب ليمضي الوقت سريعاً و يحين موعد مغادرة المكتب فتقوم بجمع اغراضها و من ثم تتوجه لخارج المكتب فتجد منه في وجهها .

منه بإبتسامة: كنت لسه هجيلك اقولك إن دا موعد الانصراف لتكمل بضحك . بس انتي بسم الله ماشاء الله عليكي مظبوطه في مواعيدك ..

انجي بإبتسامة: انا بحب التزم بمواعيد ..

منه بمشاكسه : دا انا كدا هغار منك .

انجي بضحك: علي اي ..يلا سلام تحبي اوصلك معي .

منه بإبتسامة: لا تسلمي يا قمر انا بستنا لما كل اللي في المكتب يروحوا و انا اقفل و امشي ..

انجي : خلاص تمام انا لو مش مشغوله كنت استنيت معاكي بس للاسف لسه عندي شويه أمور لازم اظبطها بسرعه ...

منه بإبتسامة: لا عادي يا قلبي اتفضلي انتي و انا شويه و كل اللي فالمكتب يروحوا ..

انجي مودعه إياها : خلاص تمام ... سلام بقا ...

منه : سلام ...

ثم تتوجه انجي للجراج الخاص بالمكتب الذي تعمل به لتستقل سيارتها و منها تتوجه لمكتب عقارات للايجار لتستأجر شقه خاصه بها و بعد مرور الوقت يقع اختيارها علي

غرفه الإستقبال

السفرة

المطبخ

الصالون

غرفه النوم

الحمام .....

لتقوم بعد ذلك بإمضاء العقود و استلام مفاتيح الشقة الخاصه بها و بعد ذلك تقوم بالتوجه للفندق لنقل اغراضها و بعد مرور بعض الوقت تصل للفندق فتقوم بجمع اغراضها و تتوجه للاستقبال لتمضي علي اوراق الشيك أوت ثم تتوجه إلى المنزل الجديد الخاص بها ............................

""""""""""""""""""""""""""""""""""""""""""""

أما في قصر بطلنا :

ايهاب : انا عندي شغل كتير في الشركه النهارده و احتمال أتأخر ...

صفية بإبتسامة: تمام يا حبيبي و انا هروح اقعد مع مروة شويه و اطمن علي حازم ..

إيهاب بتنهيده : اعملي اللي انتي عايزاه انا تعبت منك ..

صفية بضيق : و انا عملت اي دلوقتي بقولك هروح اطمن علي حازم و اقعد شويه مع حازم .

إيهاب منهي الموضوع: علي العموم انتي حره أنة ماشي سلام ...

صفية : سلام ...

لتقوم بعد ذلك بمهاتفة مروة لتُخبرها بزيارتها لها و بعد ذلك تقوم بإنهاء الاتصال و بعد ذلك تتوجه للخارج لتستقل السيارة مع السائق الخاص بها.....

و بعد مرور نصف ساعة تقريباً تصل صفيه لقصر السويفي .....

مروة بترحاب: اهلا وسهلا نورتي يا صوفي .

صفية بإبتسامة: منور بوجودك يا حبيبتي اخبار حازم اي أيان قالي أنه تعبان شويه فحبيت اطمن عليه .

مروة بضيق: الحمدلله كويس دلوقتي و أخبار أيان اي .

صفية : كويس الحمد لله اومال مرام فين مش شايفاها يعني ..

مروة بمكر: لا دي كانت مخنوقه شويه و راحت تشوف صُحابها في النادي اهو تغير المود بدل ما هي قاعده طول اليوم في الفيلا..

صفية بإبتسامة: طب كويس احسن من قاعدتها في البيت ...

مروة بضيق تحاول مداراته : اه هي كانت قالتلي انها هتشتغل في الشركه بتاعتكوا مع أيان بس مش عارفه مش بتروح ليه هو أيان مش عايزها تشتغل معاه و ألا اي .

صفية بتوتر : لا بالعكس ده اتبسط جدا لما عرف انها هتشتغل معاه انتي عارفه إن أيان بحكم شغله أنه بيشُك في أي حد بس هو ساب شغله في الشركه لانه عنده مهمة جديده في القسم عنده .

مروة بعدم تصديق: اتمني يكون دا السبب .

صفيه بتتويه: ألا فين فريده هانم أو رغده .

مروة : فريده هانم في المكتب بتاعها و رغده فوق في اوضتها .

صفية: اه كنت حابه اسلم عليهم .

مروة بإبتسامة: شويه و هتلاقيهم موجودين ..تحبي تشربي اي ..

صفية بإبتسامة: اي حاجه ..

مروة : تمام هطلبلنا عصير مانجا فريش ..

صفية بإبتسامة: تمام .

*****"*"*****"**"**""*"""***""**""**

أما لداخل المكتب الخاص بفريده السويفي .:.:.:

فريدة بعصبية : يعني اي الازم نبيع شركتين لأنهم هيعلنوا افلاس ..

المحامي : مفيش غير الحل دا دلوقتي لان الشركتين دول الاسهم بتاعتهم بقت في الأرض و لو مبعتيهمش دلوقتي أسهم الشركتين التانين هيحصلهم .

عمرو بغضب: ازاي مفيش حل غير دا اتصرف ..

المحامي: يا عمرو بيه الاخبار اللي على السوشيال ميديا خلت اكتر من ٤ عملاء عندنا لغوا اي عقود معانا و دا اثر علي دخل الشركه و كمان الشركه ملزمه بتسليم طلبيات في اقرب وقت و لو معملناش كدا دا هيهز ثقه العملاء الباقيين فاحنا في اسرع وقت لازم نقدم علي قرض كمان علشان نسرع في الإجراءات القانونية اللازمة ...

فريدة بقلق : طيب و لو مبعناش الشركتين دول اي اللي هيحصل ..

المحامي بتنهيده: يا فريده هانم كدا كدا الشركتين دول وقعوا مش هيفيدوكوا بحاجه لو فضلوا بالعكس

هتكون دي بدايه النهايه لسلسلة شركات حضرتك و دا اللي انا بحاول أفهمه لحضرتك ..

فريدة بعصبية : انا هموت و اعرف مين اللي عمل كدا .

عمرو للمحامي : تمام يا متر أبدا انت الاجراءات اللازمة و اعرض الشركتين للبيع ..

المحامي و هو بهم بالوقوف : تمام يا عمرو بيه و لو في اي حاجة اقدر اساعدكوا فيها انا في الخدمه .استأذن انا ..

عمرو : اذنك معاك اتفضل ...

و بعد خروج المحامي ......

فريدة بتوهان : ازاي دا يحصل في يومين اخسر شركتين من أكبر شركاتي ..

عمرو بغضب: يا ريت تيجي علي أد كدا انا خايف الموضوع ده يأثر علي باقي الشركات ..

فريدة بعصبية: مش هيحصل انت متصلتش علي عمار هو هيوصل أمتي...

عمرو بضيق: المفروض يكون وصل من ......ليقطع كلامه صوت طرق الباب ...

فريدة بصرامه : ادخل ..

لتدخل الخادمة...: فريده هانم الأستاذ عمار وصل مروة هانم قالتلي ادي حضرتك خبر .

فريدة بفرح : تمام امشي انتي و انا جايه ..

عمرو بترقب : بصراحة يا ماما انا خايف أن عمار ميرضاش يكذب الخبر انتي عارفه كان بيحب رحمة أد اي معتقدش أنه يرضي يمس سمعتها بسوء ..

فريده بسخرية: لا والله ميرضاش يمس سمعتها بسوء و احنا عادي سمعتنا تبقي في الأرض مش كدا امشي يا عمرو خلينا نشوف هنعمل اي ُأدامي يلا.

ثم يتوجهوا لخارج المكتب...

::::::::::::::::::::::::::::::!::::::::::::::::::::::::::::::::::

أما بالخارج حيث يتبادل كلاً من صفيه و مروة ليتفاجئوا بدخول عمار السويفي...

مروة بترحاب : عمار حمد الله على سلامتك ..

عمار بإبتسامة: الله يسلمك ازيك يا مدام صفيه .

صفيه بإبتسامة: الله يسلمك يا عمار بيه حمد الله على سلامتك ..

عمار بإبتسامة: الله يسلمك اومال مرام و حازم فين و ......ليقطع حديثه رغدة ...

رغدة بلهفه و هي تقترب من عمار و تحتضنه: عمار حبيبي حمد الله على سلامتك وحشتني أوي ..

عمار و هو بُبعدها عنه بجمود : الله يسلمك ...

فريده و هي تقترب منهم بفرح : عمار حبيبي حمد الله على سلامتك يا بني ...

عمار بحنان و هو ُيقبل جبينها : الله يسلمك يا ست الكل عامله اي و حازم عامل اي ...

عمرو بتوتر و هو يقترب منه : اي مش هتسلم عليا و ألا اي يا اخويا ..

عمار و هو يحتضنه: لا ازاي ازيك يا عمر و مرام حبيبه عمها فين و حشاني و الواد حازم ...

رغدة بسخرية: هو البيت كله وحشك ألا انا و ألا اي.

صفية باحراج : طب استأذن انا يا جماعه و مره تانيه الف سلامه علي حازم ..

عمار بخضه : حازم ماله ...

فريدة بتوتر : و لا حاجه دا شويه برد مش اكتر ..

صفية بإبتسامة: طيب سلام عليكم يا جماعه ..

مروة بتوتر من نظرات عمرو : شرفتي يا حبيبتي.

بعد خروج صفيه توجه عمار بسرعه لغرفه حازم ليجده نائم علي الفراش و مغروز بيده محلول و توجد ممرضه بجانبه ليقترب من فراشه بسرعه .....

عمار بلهفه: حازم حبيبي مالك يا ابني ثم يوجه كلامه لوالدته التي دخلت وراه : هو ماله يا ماما .

فريدة بتوتر : تعالي معايا عالمكتب و انا هقولك علي كل حاجه ...

ليقوم عمار بتقبيل يده و جبين ابنه ثم يتوجه مع والدته و أخيه للمكتب ..

عمار بضيق : ها ماله حازم بقي و متقوليش برد لان دا مش شكل واحد عنده برد ...

فريدة بتوتر : هو ثم تقوم بإخباره لحاله حازم الصحيه من إدمانه و خضوعه لعلاج و الأخبار المنشورة عنه وعن رحمه و افلاس الشركات و تدمر حالتهم الماديه ...

عمار بعصبية و غضب : ابني انا بقي مدمن في ال ٦ شهور اللي انا سيبتكوا فيهم مش عارفين تحافظوا علي ابني ليُكمل بنرفزة بس انا اللي غلطان كان لازم اخده معايا ..

فريدة بغضب: و انت كنت هتعمل اي اكتر من اللي احنا عملناه كلنا هنا واخدين بالنا منه نعمل اي اكتر من كدا ..

عمار بسخرية: لا ما هو واضح فعلا لما انتوا و انتوا مهتمين بيه بقا مدمن اومال لو اهملتوه كان هيعمل اي هيقتل ...

عمرو بضيق : مش وقته الكلام ده يا عمار ..

عمار بعصبية: اومال أمتي وقته ...

فريدة بعصبية: في أي يا عمار ما انت عارف معزة حازم عندي و بعدين الحمدلله الدكتور قالي إن الموضوع لسه في الاول و هيتعالج في البيت ..

عمار بسخرية: لا تصدقي كدا انا اطمنت بس الغلط عليا انتي سيبته ..

عمرو بغضب: اصدك اي يا عمار ...

عمار بعصبية و ندم : أصدي مكنش لازم اسيب حازم هنا لوحده زي ما سيبت انجي زمان معاكوا و قولتوا هتاخدوا بالكوا منها ...

فريدة بعصبية: و اي فتح الموضوع دا دلوقتي انت عايز تفضحنا مش كفايه الزفته اللي انت اتجوزتها و بقينا في المشاكل دي كلها بسببها و ..ليقطع كلامها بعصبية

عمار بعصبية: الزفته اللي انتي بتقولي عليها دي احسن ١٠٠ مرة من الطماعه اللي انتي مجوزاهالي و مش بتهتم غير بنفسها وبس إنما رحمه كانت و نعم الزوجه ...

عمرو بإندفاع: متنساش أنها اهتمت بابنك و ربته .

عمار بسخرية: لا ما هو واضح ...

فريدة منهيه الموضوع: خلاص يا عمار اطلع انت ارتاح دلوقتي و بعدين نبقي نتكلم ....

ليُغادر عمار المكتب من دون النظر لهم ليتركهم في حيرتهم ....

عمرو بضيق : هو دا اللي هيحل الموضوع دا هو اللي هيكمل علينا و ينهينا ...

فريدة بقلق : انا بعد ما شوفته نفسي يسكت بس لانه مش هينفي الخبر يا ريتني ما سمعت كلام أسيل و طلبت أنه ييجي لو حد سمع عن انجي هنفتح الماضي من تاني ....

عمرو بتوتر: طيب و هنعمل اي دلوقتي ..

فريدة بشرود : مش عارفه بس انا لازم اعرف مين اللي عمل كدا و باسرع وقت لازم اعرف من اللي بيدور ورانا بس اهم حاجه محدش يعرف اي حاجه عن موضوع انجي باي تمن .......

**********************************

أما عند آسر و ميرنا فبعد مرور بعض الوقت يأتي اتصال لآسر من العمل ...

آسر : خلاص تمام يا فندم تمام نص ساعه بالكتير و اكون عند حضرتك سلام .. ثم يوجه كلامه لميرنا

آسر و هو يدفع ثمن العصير باستعجال : حبيبتي انا لازم امشي دلوقتي تحبي اوصلك للمول علشان تشتري اللي انتي عايزاه ....

ميرنا بإبتسامة: لا خلاص يا حبيبي روح انت علشان مأخركش عن شغلك و انا ممكن اتصل علي أسيل لو فاضيه تنزل معي ..

آسر بإبتسامة: خلاص تمام يا قلبي سلام.

ميرنا بإبتسامة: سلام ..... ثم تقوم بمهاتفه انجي لياتيها الرد ...

انجي بإبتسامة: ازيك يا ميرنا ...

ميرنا بإبتسامة: الحمد لله تمام لتكمل بحماس فاضيه النهارده ....

انجي بإستغراب : ليه في أي .

ميرنا بنفس الحماس : كنت عايزاكي تنزلي معايا اشتري شويه حاجات لو فاضيه ..

انجي بتأكيد: تمام و انا كمان عايزة اشتري شويه طلبات للبيت ...

ميرنا بإستغراب : بيت اي ..

انجي : ما انا اشتريت شقه جديده النهارده ...

ميرنا بلوم : كدا مش قولتيلي ليه كنت نزلت معاكي .

انجي بتوضيح : محبيتش اتعبك معايا مش اكتر ..

ميرنا بإبتسامة: لا عادي انا كدا كدا فاضيه ..

انجي : تمام ابعتيلي اللوكيشن و انا هجيلك علي هناك ...

ميرنا : تمام هبعتهولك في مسدج .

انجي : خلاص سلام ...

ميرنا : سلام ...

رمضان كريم 💫💫💫 و كل سنة و انتوا طيبين ❤️❤️❤️❤️❤️❤️❤️❤️❤️❤️❤️❤️❤️❤️

و بعتذر عن التاخير والله انا مُحرجه جدا منكم و بتمني من الكل يقولي رأيه في البارت و يتفاعل 😌😌😌

غريبة هِي الأيام .. عندما نملك السعادة لا نشعر بها ونعتقد أنّنا من التعساء. ولكن ما أن تغادرنا تلك السعادة التي لم نقدرها حق قدرها احتجاجاً ربما علينا حتى تعلن التعاسة عن وجودها الفعلي فنعلم أنّ الألم هو القاعدة وما عداها هو الخروج عن القاعدة ونندم ساعة لا يفيد الندم على ما أضعنا وما فقدنا.

❤️❤️❤️❤️❤️❤️❤️

في قصر السويفي عند حلول منتصف اليوم يجتمع أفراد العائلة في غرفة المعيشة في صمت لا يعلم أي منهم كيف يبدأ بالحديث و عن ماذا سيكون محور الحديث .....لتقطع هذا الصمت فريدة السويفي .

فريدة بتوتر : ها يا عمار يا ابني هنعمل اي فى موضوعك انت و رحمه ...

عمار ببرود: هنعمل اي يعني اتجوزنا و حصلت شويه خلافات و انفصلنا عادي زي اي اتنين اي الغريب في كدا ...

فريدة بعصبية: و هما هيصدقوا الكلام دا ..

عمار بسخرية: و احنا يهمنا اي يصدقوا و ألا إن شاء الله عنهم ما صدقوا مش دي الحقيقه..

عمرو بغضب: هما لازم يصدقوا انت مش عارف الاخبار دي كلفتنا اي لحد دلوقتى دا احنا خسرنا شركتين مهمين غير اكتر من ٤ عملاء مهمين عندنا في الشغل ...

عمار بنفاذ صبر: عايزيني اعمل اي انا دلوقتي ..

فريدة بفرح : انت مش هتعمل غير حاجة واحدة بس ..

عمار بترقب : و اي هي الحاجة دي .

فريدة بتوجس : انك تقول إن رحمه كانت طمعانة في فلوسك و انها مكانتش بتحبك و انك عرفتها علي حقيقتها علشان كدا طلقتها ...

عمار بغضب: و انا مستحيل اعمل كدا مهما حصل لو اي حصل لو حتي رحمة ايجت بنفسها و طلبت مني دا انا هرفض ...

رغدة بغيرة و عصبية: و دا ليه بقا إن شاء الله لتكون لسه بتحبها ...

عمار ببرود: اه بحبها و لغاية اخر نفس فيا هفضل احبها .....

لتلجم الصدمة أفواه جميع أفراد العائلة و لا يقوي أحد علي اخراج حرف آخر بعد هذا الحديث و كان أول من خرج من هذه الصدمة فريدة..

فريدة بصدمة : يعني اي يعني هتخليني اخسر كل اللي بنيته طول حياتي بسبب واحدة زي رحمة لا ليها أصل و لا فصل و لا نعرف عنها حاجة ...

عمار بعصبية: و انا كل ده ميهمنيش انا مستحيل اشوه سمعة البني أدمه الوحيدة اللي حبيتها و عشقتها و هفضل احبها ...

رغدة بسخرية و غضب : بعد ما عرفت انها خانتك و ضحكت عليك لسه لحد دلوقتى متمسك بيها فعلاً انت تستاهل واحده ....... ليقطع كلامها صفعة قوية نزلت علي خدها من عمار ليشهق الجميع بصدمة فهذه أول مرة يرفع عمار يده على رغدة منذ تزوجها مهما كانت أفعالها أو أقوالها و لم يكن عمار إلا شخص يحترم المرأة و كان مثال للرجل الوقور الهادئ........

رغدة بعصبية: انت اتجننت انت ازاي تعمل كدا و تمد ايدك عليا ....

عمار بعصبية مماثلة بل تتعدا عصبيتها بمراحل : و اكسر دماغك كمان ..

فريدة بغضب: انت ازاي تمد ايدك علي مراتك و علشان مين علشان ليقاطع عمار حديثها هي الأخرى...

عمار بسخرية: و الله إذا كانت هي مراتي فرحمة تبقي ام عيالي حازم و انجي ...

فريدة بجنون : تاني هيقولي انجي .انجي ماتت خلاص لازم تفهم ده ماتت و مبقاش في حاجة اسمها انجي و لا رحمة ....ثم تصمت لا تعرف كيف خرج هذا الكلام من فاهها....

عمار بغصة مريرة : و دا سببه اي مش سببه انتي و هما ..رحمة و عرفت انها ماتت بس انجي انتي قولتي أنها غرقت و انا لغاية دلوقتى مش عارف ازاي طفلة تغرق بعد وفاة والدتها بيومين ...

ليتحدث عمرو الذي كان يتابع هذا الحديث بتوتر من أن يكتشف عمار اي شئ : ما انت عارف انها ايجالها اكتئاب و غرقت في الميا...

عمار بسخرية: و دا حصل ازاي إذا كان بيتنا مفيهوش حمام سباحه...

فريدة بتوتر: مش وقت الكلام ده لازم تجهز نفسك هنعمل حفلة لمناسبة رجوعك ...

عمار ببرود: ملوش لزوم متتعبيش نفسك أنا مش هحضر و لا مؤتمر و لا حفلة ..

عمرو بضيق: يا عم متبقاش تقول حاجة و لا عن رحمة و لا عن اي حاجة انت ملكش دعوه باي حاجه كويس كدا ...

عمار بسخرية: تمام هطلع اطمن علي حازم ..

رغدة بسخرية مماثلة: اتفضل ...

لتتحدث مروة لاول مرة منذ بداية الحديث: هو دا اللي هيحللنا المشكلة دا هيدبسنا اكتر من الاول ..

لتكمل مرام : فعلاً دا انا اخاف اقول أدامه حاجة عن اللي اسمها رحمة و انجي ..

رغدة بحنق : و لسه لما حازم يفوق من اللي هو فيه اكيد لما يسأل عمار هيقوله علي موضوع رحمة و انجي ...

فريدة بتعب شديد: دي تبقي مصيبه انا مش عارفه اي اللي خلاني اسمع كلام أسيل و أخلي عمار ييجي ..

مروة بضيق: ما انا قولتلكم إن أنا مش بثق في البنت دي محدش صدقني ...

عمرو بغضب: احنا في أي و ألا في أي خلينا في موضوعنا الأساسى عمار و كدا كدا ايجي كلامنا مش هيغير حاجة لازم نتصرف دلوقتي. ..

فريدة لعمرو : تعالي يا عمرو معايا انا عايزاك في المكتب ....ثم يقف الاثنين للتوجه الي المكتب ..

مرام لمروة : باي انا يا مامي لاني هروح الكوافير و اشتري فستان للحفلة ..

مروة بفرح : تمام يا حبيبتي و انا هتصل علي صفية اعزمها بنفسي هي و ايهاب و أيان ..

مرام بسعادة : بجد يا مامي ...

مروة بتأكيد: طبعا يا قلبي عايزاكي النهارده تكوني احسن واحدة في الحفلة ...

مرام بتأكيد و فرح : طبعاً يا مامي و هو انا اي حد دا انا مرام السويفي يلا باي باي ..

مروة : باي يا حبيبتي..

رغدة بسخرية: و انا عطله استريح شويه لما معاد الحفلة ييجي ..

مروة بعدم اهتمام : تمام اتفضلي ..

أما في داخل المكتب حيث فريدة و عمرو .:.:.:.:.

فريدة بغموض: ها يا عمرو اخبار العملية الجديدة اي .

عمرو : لا العمليه ماشيه زي ما احنا عايزين و هنسلمها بعد بكرة ..

فريدة بارتياح: طيب الحمد لله اصل الصفقة دي كبير عن كل مرة و لو حصل اي غلط هنروح في داهية ..

عمرو بتأكيد : انا عارف طبعاً بس انا مرتب كل حاجة بس الناس اللي احنا شغالين معاهم لما شافوا الاخبار و عرفوا بوضعانا و وضع الشركة بقوا خايفين من التعامل معانا و مترددين و عمالين يأكدوا عليا إن أنا أد المهمة دي و ألا لا ..

فريدة بإبتسامة خبيثة: لو الصفقة دي نجحت هنرجع كل اللي راح مننا و خسرناه و هنوقف الشركات من تاني علي رجليها ..

عمرو بخوف : بس انا خايف من عمار ...

فريدة بتوتر: و مين سمعك انا مكنتش اتوقع منه رد الفعل دا انا فكرته هيكون عايز يشفي غليله منها و يفضحها بعد اللي عملته فيه ..

عمرو بسخرية: أصدك بعد اللي احنا خليناه يفكر أنها عملته فيه ..

فريدة بعصبية: اسكت انت عايز تفضحنا روح يلا شوف الشغل أو الحق اللي باقي منه ...

عمرو بضيق : تمام انا ماشي ....

💫💫💫💫💫💫💫💫💫💫💫💫💫💫

أما عند بطلنا فهو بعد إنتهاء عمله قام بالتوجه لمنزله لأخذ قسط من الراحة و في أثناء دخوله لڤيلته يجد والدته تتحدث بالهاتف ليُلقي عليها السلام ثم يتوجه للداخل و لكن توقفه أمه ..

صفية بإبتسامة: خلاص تمام احنا جايين بإذن الله.لتُنهي بعد ذلك المحادثه ثم توجه الكلام لأيان

صفية : اي يا أيان يا حبيبي مالك مستعجل كدا ليه عندك شغل و ألا اي ..

أيان بإبتسامة: لا أبداً يا ماما بس انا عندي مهمة جديدة لازم ادرسها كويس بس حبيت اجي ارتاح شويه و ابقي اكمل بالليل شغل عليها ...

صفية بتوتر: كنت عايزة اطلب منك طلب ..

أيان بإبتسامة: اتفضلي يا ست الكل اطلبي اللي نفسك فيه ..

صفية بتوتر و خوف من ردت فعله عليها : دا عمار السويفي ايجا من السفر و عاملين حفلة صُغيرة بمناسبة رجوعه و مروة صاحبتي عزمتني و انا أولتلها أننا هنروح ..

أيان بإبتسامة: طيب تمام يا ماما فين المشكلة مش فاهم هو بابا عنده شغل يعني و ألا اي ليقطع حديثه فجأة ليُكمل بترقب و اوعي يكون اللي في بالي ...

ليقابله الصمت ثم تتحدث صفية : الموضوع مفيهوش حاجة يعني لما تروح معانا تسلم علي عمار ..

أيان بإبتسامة و هدوء : طيب تمام انا مسمعتكيش و لا شوفت حضرتك و لا اتقابلنا النهارده غير عالفطار تمام يلا امشي انا بقا لاني تعبان و عايز استريح شويه ..

صفية بغضب:. هو اي دا اللي مشوفتكيش و مسمعتكيش ماله بقا طلبي المرة دي يا أستاذ أيان ..

أيان بغيظ : يا ماما يا حبيبتي هو انا مكتوب لي في البخت إني لازم ارحب بعيلة السويفي كل مناسبة لازم أحضرها هما مكتوبين في شهادة ميلادي و انا معرفش ..

صفية بضيق: و فيها اي يعني لما تسمع كلامي مرة في حياتك و لا لازم تناهدني كل مرة ...

أيان منهي الموضوع : خلاص تمام يا ماما اي أوامر تانيه ...

صفية بصدمة: اي دا انت وافقت بجد ..

أيان بضحك : و الله انا ما عارف اعملك اي و ألا اتعامل مع حضرتك ازاي ..

صفية بتذمر: انت لو بس تسمع كلامي و الله هترتاح .

أيان بضيق : يا ستي انا كدا مرتاح طول ما عيلة السويفي دي بعيد عني سلام انا لاني تعبان ..

صفيه بإبتسامة: تمام يا حبيبي تحب اصحيك ..

أيان : لا انا هظبط الفون ..

صفية: تمام يا حبيبي ..

ليتوجه أيان لغرفته في الطابق الثاني من الفيلا..

ليتوجه لسريره ثم يقوم بإخراج هاتفه لإجراء مكالمة ...

أيان بإبتسامة: السلام عليكم..

ظابط لبناني (عدي ): و عليكم السلام كيفك يا زلمه ما بقا حدا عم يسمع صوتك ...

أيان : ما انت عارف الشغل و الله مطحون في الشغل ..

عدي بإبتسامة :. اي بعرف انه ما بيصير يكون أيان من غير شغل في مكان واحد أو في جملة واحدة و اكيد انك بدك شئ بخصوص الشغل لهيك عمبتلفنلي ....

أيان بضحك :. هو مش بالظبط انا كنت عايزك في موضوع خاص شويه ....

عدي بإستغراب:. شو هو هاد الموضوع الخاص اللي بدك ياني فيه ....

أيان بتوضيح : كنت عايز معلومات عن بنت عندك من لبنان ....

عدي بإستغراب:. و لشو خير صاير معك شي ...

أيان : انا عايزك بس تجمعلي عنها معلومات من عندك علي أد ما تقدر ...

عدي بإبتسامة:. خلص يا اللي بدك ياه بيصير بس ابعتلي اسما و اي شى بتعرفه عنا ...

أيان بتأكيد : خلاص تمام هي اسمها أسيل عمران و هي مولوده هنا في مصر و عايشه في لبنان من زمان و بتشتغل صحافيه و هبعتلك صورتها ....

عدي بتأكيد : خلص انا راح خلصلك هالموضوع بأسرع وقت لا تعطل هم ...

أيان بشكر : شكرا يا صاحبي ...

عدي بزعل : لك ما تقول هيك ما في فرق بيناتنا..

أيان بإبتسامة: خلاص تمام اسيبك انا بقا تكمل شغلك ....

عدي بإبتسامة: مع السلامة ...

أيان : الله يسلمك ...

ثم بعد ذلك يتوجه للحمام الخاص بغرفته و بعد وقت قليل يخرج و هو يُجفف خصلات شعره و بعد ذلك يتوجه لفراشه لأخذ قسط من الراحة........

💫💫💫💫💫💫💫💫💫💫💫💫💫💫

أما عند بطلتنا فهي بعد محادثتها مع ميرنا تقوم بتغيير ملابسها و التوجه للكافيه الذي تجلس به ميرنا و بعد مرور دقائق قليلة تصل انجي ..

انجي بإبتسامة: السلام عليكم..

ميرنا بإبتسامة: و عليكم السلام ورحمه الله وبركاته يا قمر....

انجي : اسفة لو اتاخرت عليكي...

ميرنا : لا أبدا متأخرتيش و لا حاجة بس آسر كان هنا من شويه و انا كنت معاه ...

انجي : تمام تيجي بقا نروح نجيب الطلبات علشان منتأخرش ...

ميرنا بإبتسامة : تمام يلا ...

ثم يتوجهوا لخارج الكافيه و بعد مرور نصف ساعة يصلوا لوجهتهم و بعد مرور ساعة كانوا قد قاموا بشراء كل مستلزماتهم و بعد ذلك يتوجهوا لسيارة انجي مرة أخري ...

ميرنا بتعب : يلهوي مبقيتش حاسه برجلي جسمي متكسر ...

انجي بتعب : و الله و انا كمان يلا علشان نروح .

ميرنا بتأييد : انا هتصل علي السواق بيجي ياخدني .

انجي بإستغراب : ليه ما انتي ممكن تيجي معايا نستريح شويه بدل ما تستني السواق و بعد ما نسهر ابقي اتصلي علي حد ييجي ياخدك أو انا أوصلك ..

ميرنا بخجل : مش حابه اتعبك معايا...

انجي بإبتسامة : و لا تعب و لا حاجة حتي تتفرجي علي شقتي الجديدة ..

ميرنا بإبتسامة: خلاص تمام يلا ..

لتقوم انجي بتشغيل سيارتها و التوجه للمنزل و بعد مرور ساعة تصل لوجهتها ...

انجي و هي تقوم بفتح الباب : اتفضلي يا ميرنا ..

ميرنا بإعجاب : بسم الله ماشاء الله البيت جميل ..

انجي : شكرا تعالي معايا لما افرجك علي البيت كله.

ثم تقوم بأخذها في جوله لللتعرف علي المنزل ..

ميرنا بإبتسامة: جميل يا أسيل مبروك عليكي

..

انجي بود : الله يبارك فيكي يا قلبي عقبال شقتك انتي و آسر ..

ميرنا بضيق: و الله كان نفسي بس هنعيش انا و آسر مع باباه و مامته ..

انجي بإستغراب : و اي المشكلة انتي مش حابه تعيشي معاهم .

ميرنا بشرح : مش كدا أصل مامت آسر بتحب المظاهر جدا و بتتحكم في كل حاجة ..

انجي بتفهم : طيب و مطلبتيش من آسر ليه أنه يأخدلكوا بيت لوحدكوا ... ...

ميرنا بحزن : لان آسر ابنهم الوحيد عنده اخت بس متجوزه ...

انجي بإبتسامة : انتي عامليها بما يرضي الله و مش مهم اي حاجة تانيه ووقتها لو معرفتيش تتأقلمي و تتعودي عليها و علي طريقتها و علي أسلوبها فاتحي آسر في الموضوع تاني و شوفي رده هيكون عامل ازاي ...

ميرنا بإمتنان:. شكراً جدا يا أسيل متعرفيش كلامك دا ريحني ازاي ...

انجي بإبتسامة :. العفو يا قلبي ثم تهم بالوقوف الكلام أخدنا انا هقوم اعملنا قهوة علشان نصحصح شويه قهوتك اي ...

ميرنا :. مظبوطه ..

حبايبي وحشتوني جدا والله 💜💜💜

أخباركوا و أخبار امتحاناتكوا اي 😂

يا ريت الكل يقولي رأيه في البارت و يكتبلي في الكومنتات ☺️☺️

و ياريت التفاعل يكون كتير علي البارت علشان اكتب كمان بارت انا قاعدة النهارده علشان اكتبلكوا كاميرات و انتوا و حظكوا بقا 😂🤭🤭

انا عايزة تفاعل مع البارت يا بنات ❤️❤️❤️❤️❤️

و دا يا جماعه عمار السويفي 49 سنة أبو انجي و حازم رجل أعمال مشهور و ناجح جدا يا بيعشق رحمة جدا بس اتعمل عليه لعبة مما تسبب في موت رحمة و طلاقه منها .......☝️☝️☝️☝️و الي الان مازال يحب رحمة و يعشقها و يبحث عن انجي بدون علم اي فرد من أفراد عائلته .....

و بعد مرور الوقت بسرعة علي البعض و ببطء شديد علي البعض الآخر كان هناك حركة ملحوظة و بشدة في قصر السويفي احتفالاً برجوع ابنهم الأصغر عمار السويفي .............

فريدة لعمرو بترقب : ها يا عمرو كل حاجة جاهزة .

عمرو بإبتسامة ثقة : متقلقيش كل حاجة جاهزة و هتكون زي ما احنا عايزين و اكتر كمان متشليش هم .

فريدة بمكر: ياه لو العملية دي نجحت هتكون اتفتحتلنا طاقة القدر ..

عمرو بفرح :. اه علشان كدا انا عملت تجهيزات اكبر من كل مرة و جيبت رجالة اكتر ليتابع بضيق بس مش خايف إلا من عمار ..

فريدة بتوتر : و مين سمعك دا انا ندمت إن إحنا طلبنا منه يبجي من لندن في الوقت دا ...

عمرو بسخرية: و يا تري هنعمل اي في الصحافة اللي حضرتك طلباهم مش خايفة من ردت فعل عمار و ألا اي ..

فريدة بعصبية:. ما احنا لو معملناش كدا سمعتنا هتدمر روح انت بس و شوف عمار فين ..

ليذهب عمرو و يتركها في حيرتها كما هي .

"""""'''''''''""""""""""''''''"''""''''''''''''''

أما عند بطلتنا فهي قضت معظم و قتها مع مرام و بعد مرور بعض الوقت تستأذن ميرنا للرحيل بعد أن هاتفت آسر ..

انجي بإبتسامة: يا بنتي لسه بدري ..

ميرنا بضحك : بدري اي يا بنتي دا احنا تقريباً طول اليوم مع بعض ..

انجي بضحك : والله الوقت عدا بسرعة ..

ميرنا بإمتنان : انا مش عارفه اقولك اي بجد يا أسيل شكراً انك جيتي معايا اجيب الحاجات اللي ناقصاني ..

انجي بإبتسامة: عادي يا بنتي و بعدين ما انا كمان كنت محتاجة حاجات كتير للبيت و ليقاطع حديثهما صوت رنين الجرس ... التوجه انجي لرؤية الزائر .

ثم تبتسم و تقوم بفتح الباب ...

انجي بإبتسامة: أهلا اتفضل يا آسر ..

آسر بإبتسامة: السلام عليكم ازيك يا أسيل و مبروك عالبيت الجديد .

انجي : و عليكم السلام ورحمه الله وبركاته الله يبارك فيك اتفضل ..

آسر برفض : لا مرة تانيه بقا نادي لميرنا علشان مستعجل ..

ميرنا بإبتسامة من خلف انجي : انا جاهزة يا آسر عايزة حاجة يا أسيل ..

انجي بإبتسامة: و لو اني كنت عايزاكي تفضلي كمان شويه انتي و آسر بس خلاص مرة تانيه ...

آسر بإبتسامة خلاص: بإذن الله خلي بالك علي نفسك و لو احتجتي اي حاجة في أي وقت ابقي قوليلي أو قولي لميرنا ..

ميرنا بتأييد: أيوة طبعاً ..

انجي بإمتنان: شكرا.بجد

آسر بإبتسامة: يلا يا ميرنا .

ميرنا و هي تخرج : مع السلامة يا أسيل ..

و بعد خروج ميرنا و آسر تُخرج البطلة الهاتف الخاص بها و تقوم بمهاتفة ...

انجي : نفذ اللي اتفقنا عليه ..

المجهول بضيق: عمار رجع ..

لتتجمد انجي بمكانها و لكن الم تكن تعلم أنها بالنهاية ستلقاه؟ أليست هي من عملت لطلبه؟ أليست هي من أردت رؤيته لإيلامه و الانتقام؟ منه ؟ إذا لماذا هذا الالم و الحزن الذي تشعر بهما إذا كان هذا حالها مع عدم اصطدامها به فكيف عندما تلتقي الوجوه و تري العيون و تشعر القلوب ؟ و ما بها من خذلان؟ ألم تألف هذا الشعور بآللالم طيلت حياتها؟ ألم تتغذي علي الانتقام؟ ألم ُُتُقسم بالانتقام و القصاص ....

انجي بعد استدراك نفسها : تمام ما انا عارفه أومال احنا عاملين كل دا ليه ...

المجهول بتنهيده: انجي انا عارف انك حزينة و زعلانه جدا و كمان حاسه بألم شديد انا عارف دا كويس ..

انجي بسخرية: و لما انت عارف كل دا عني معرفتش إن أنا متربية علي الحزن و الالم و روحي شبعت منهم بعد اللي شوفته طول حياتي من وجهة نظرك إن دي الحاجة اللي هتاذيني و هتجرحني .

المجهول بحزن: انا و الله عارف كل اللي انتي بتقوليه دا ب....لتقطع حديثه ..

انجي بهدوء : نفذ اللي اتفقنا عليه ..

المجهول بعدم فهم: اعمل اي ..

انجي بنفاذ صبر: يا ابني بقولك اعمل اللي اتفقنا عليه اللي انا قولتلك عليه. .

المجهول بإستغراب : أيوة بس مش كان معادنا بكرة ..

انجي ببرود : و غيرت رأيي يا عم عندك مانع .

المجهول بضيق: لا يا اختي معنديش ..

انجي بإبتسامة: نص ساعة و اسمع منك الخبر ..

المجهول : تمام ....

لتُغلق معه ثم تقوم بعد ذلك بالاتصال برقم ما ...

انجي بإبتسامة: ها جاهزة يا حبيبتي .

صحافيه: أيوة طبعاً بس انا معرفتش حضرتك مين .

انجي : مش مهم تعرفي المهم تنفذي اللي قولتلك عليه و انتي هتكسبي ...

صحافيه : خلاص تمام ..

انجي بتشفي : كفاية عليكوا النهاردة و بكرة بإذن الله يبدء طوفان جديد كل اللي فاتت دي أمواج صغيرة الطوفان عالي و هيغرق الكل بدون استثناء لتُكمل بحزن و ممكن انا كمان معاه ........

لتتوجه للجلوس بالحديقة المُلحقة بالمنزل الخاص بها تتطلع للقمر لتجد أن السماء سوداء كالحة و اختفاء بها القمر في تلك الليل و النجوم كذلك و كأن السماء تُشاركها حزنها و كأن القمر يستحي أن يحتفل و سط النجوم اللامعةو هي تشعر بموت روحها في وحدة .....

*****************************

أما عند بطلنا فهو استيقظ من نومه بتعب ثم توجه للحمام الخاص بغرفته لأخذ شور سريع لعله يُنعش روحه و يِعطيه بعض الطاقة ثم بعد قليل من الوقت يتوجه لغرفة ملابسه و يرتدي قميص من اللون الابيض و بنطال جينز من اللون الاسود و حذاء رياضي أبيض و ساعة من اللون الاسود و يرش من عطره الخاص ثم يتوجه بعد ذلك لمكان جلوس والديه في انتظاره ...

أيان بإبتسامة: مساء الخير ..

إيهاب و صفيه : مساء النور يا حبيبي ..

إيهاب بإستغراب : بس مش غريبه جدا يا أيان انك تبقي عايز تروح تسلم علي عمار السويفي ..

أيان بهدوء و هو ينظر لوالدته التي تطالعه بتوتر لكي لا يُحرجها : اه عادي يا بابا الواحد طول اليوم في الشغل مفيهاش حاجة لما نقعد شويه و نسلم عليه و تييجي علي طول ليُكمل كلامه بمخزي لوالدته مش كدا يا ماما ..

صفية بتوتر : اكيد يا حبيبي يلا بقا علشان منتأخرش ...

إيهاب بتعجب : يلا ....

ثم يتوجهوا لسياراتهم و التوجه لقصر السويفي...

"""""""""""""""""""""""'"'''""""""""""

في قصر السويفي و خاصة :

في غرفه عمار السويفي و زوجته...

كان عمار انتهي من ارتداء ملابسه ليجد من تقتحم الغرفة لينظر لها ببرود مما جعلها تشعر بنيران تشتعل في قلبها ..

رغدة بسخرية: مالك مستعجل علي اي ..

عمار بسخرية مماثلة: هيكون علي اي مثلاً علي انتهاء المسرحية اللي انتوا عاملينها ...

رغدة بترقب : و انت بتقول اي علي الاخبار اللي منشورة علي السوشيال ميديا ..

عمار بعدم اهتمام: هقول الحقيقة ..

رغدة بسخرية: و اي هي بقا الحقيقي يا أستاذ عمار .

عمار و هو يترك ما بيده و ينظر لها مباشره ً: إن أنا كنت بحبها و اتجوزنا و محصلش نصيب و كل واحد راح لحاله و بعدها بفترة ماتت بعد ما كانت عايشه في القصر علشان تربي انجي و حازم ولادنا ...

رغدة بغضب: انجي مش كفاية رحمة افهم الاتنين دول ماتوا انت ليه مش عايز تفهم كدا ..

عمار بعصبية: و انتي مالك ما انا هقول كدا فعلاً .

ثم يتوجه للخروج من الغرفة لتلحقه رغدة ..

رغدة بحزن و دموع مزيفة : و حياة أغلي حاجة عندك متعملش كدا يا عمار انت عايز الناس كلها تعايرني إن أنا مبخلفش . و بعدين مش بعيد حازم يبعد عني بعد ما اهتميت بيه و اعتبرته ابني هيبعد عني و مش بعيد يكرهني ...

عمار بجمود : كدا أو كدا حازم لازم يعرف الحقيقة و بعدين يعرفها من أهله احسن ما يعرفها من برا ...

ثم يتركها و يتوجه لخارج الغرفة ليتركها وحدها في الغرفة تتاكل من نار الحقد و الكره. ..

رغدة بجنون : غبي هيضيع كل حاجة عملناها علشان الست رحمة و ألا كل شويه انجي و حازم انجي و حازم هيودينا في داهية ..

""""""""""""""""""""""""""""""""""""

و بعد مرور نصف ساعة كان قد بدأ الاحتفال بين أفراد العائلة و بعض الأقارب والأصدقاء و في تلك الأثناء كان قد وصل كلا من أيان و والديه .

إيهاب لعمار بإبتسامة: حمد الله على سلامتك يا باشمهندس ..

عمار بإبتسامة : الله يسلمك يا باشمهندس إيهاب ..

صفيه بإبتسامة: حمد الله على سلامتك مرة تانيه يا أستاذ عمار ...

أيان ببرود: حمد الله على سلامة حضرتك يا عمي .

عمار : الله يسلمك اخبارك انت يا أيان و أخبار الشغل معاك اي ...

أيان بإبتسامة: الحمد لله تمام ..

عمار : دايما يا رب يا ابني ربنا يحميك و يحفظك يا رب ... ليُؤمن الجميع علي دعاءه ...

مرام بدلع: اي رأيك يا اينوا في الفستان بتاعي دا احدث موضه و ألا تسريحة شعري ..

أيان بلا اهتمام : تمام كويس ..لتخبطه صفيه بصدره

أيان بضيق : اي يا ماما ..

صفية بضيق : انا اللي اي و ألا انت انت مش شايف أحرجت البنت ازاي ..

أيان ببرود :. و هي دي بتتحرج اسأليني انا ..

مروة ببسمة مزيفه : خدي أيان يا مرام يا حبيبتي و اتمشوا في الجنينه شويه ..

أيان ببسمة مماثلة : لا شكراً أنا مرتاح هنا ...

صفية بغيظ من طريقة كلام أيان لتحدثه بصوت خافت لا يسمعه سواهما : اي يا أيان طريقتك المستفزة دي اي خايف لتتحرش بيك ..

أيان ببرود : و ليه لا طب و الله ما استغرابها عليها ..

لتنظر له صفيه ببلاهة لا تعرف ماذا تقول أو ماذا تفعل لما ابنها معقد لهذه الدرجة لا هي لا تستطيع تخيله يعشق فتاه او يتعامل مع أحد هي تشك في ذلك بل تكاد تِجزم أن حب أيان لفتاة ما سوف يكون صدمة القرن بأكمله بطريقته هذه بل سيكون الاعجوبه الثامنه علي وجه الارض ....

مرام لمروة بغضب : شوفتي يا مامي طريقة كلامه معايا عاملة ازاي و حضرتك بتقولي هيحبني ..

مروة بضيق: والله يا بنتي انا اول مرة في حياة اشوف واحد بارد و محترم للدرجة دي ..

مرام بغيظ: أصدك اي يا مامي ...

مروة بضيق : ماصديش حاجة يا اختي خلينا نخلص الحفلة السودا دي علي خير لاني مش مطمئنه .

مرام و هي تنظر لوالدها و جدتها و تجد علامات الراحة علي وجههم : معتقدش إن في حاجة مش كويسه هتحصل لو تلاحظي إن بابا وتيتا مرتاحين .

مروة بخوف و ترقب : و هو انا مخوني غير هدوء و راحة عمرو و جدتك ...

مرام بعدم فهم: أصدك اي يا مامي ..

مروة بضيق: و لا حاجة يا مرام روحي شوفي أيان .

مرام بضيق: لا مش رايحه دلوقتي انا مُحرجة جدا.

مروة : خلاص براحتك أهه العرض بدأ ...

و كان العرض كما تُسميه مروة عبارة عن مجموعة من الصحفيين مجتمعين لعمل مؤتمر صغير لينظر عمار لوالدته ببرود قابلته بتوتر و خوف حاولت عدم إظهاره و لكنها فشلت أمام نظراته ...

صحفيه ١: عمار بيه اولا الحمدلله على سلامة حضرتك ..

عمار ببرود : شكرا ...

صحفي ٢ : فريدة هانم كانت قالتلنا إن حضرتك جاهز انك تجاوب علي الأسئلة اللي بدور حول جوازتك التانيه نقدر نبدأ .

عمار بإبتسامة طمئنت الصحفي و بالمقابل دبت الرعب في قلوب عائلة السويفي بلا استثناء : تمام اتفضل انا جاهز لكل الأسئلة ...

صحفيه ١بمكر : حضرتك كنت متجوز علي مرات حضرتك الحالية المدام رغدة السويفي المدام رحمة السويفي و دا بأدلة ممكن نعرف مدام رحمة فين دلوقتي ...

عمار و هو ينظر لفريدة و عمرو ليجد وجوههم شاحبه كشحوب الموتي: فين ازاي مش فاهم ..

صحفيه ١ بعدم فهم : مدام حضرتك رغدة السويفي أكدت أن حضرتك فعلاً اتجوزت مدام رحمة و بعد كدا طلقتها و متعرفوش عنها حاجة ..

الان بدأت الخيوط توضح أمامه

عمار ببرود : فعلاً انا اتجوزت رحمه بعد جوازي برغدة و حصلت شويه خلافات و بعد كدا أطلقنا و بعدين سمعت انها اتوفت ...

لتشعر. فريدة بأن الأرض تدور حولها و يستغراب أيان الوضع كثيرا و بسهولة وجد علامات الخوف علي وجه جميع أفراد عائلة السويفي باستثناء عمار الذي يشرح أنه يتحدث بآليه و هذا بحكم شغله .

صحفيه ٢ : طيب أي رأيك حضرتك في الشهادات اللي باسم المدام رغدة السويفي اللي بتثبت أنها لا تستطيع الانجاب و احنا اتأكدنا من كل الاوراق و طلعت صحيحة ١٠٠%.

عمار ببرود و هو ينظر برغدة التي تترجاه بعيناها:

فعلاً رغدة كان عندها شويه مشاكل بس الحمد لله خضعت لعلاج و ربنا أراد و رزقنا لحازم ....

صحفيه ٢ طيب و ليه ميكونش الأستاذ حازم ابن حضرتك و ابن المدام رحمة ....

ليصمت مضطراً بألم لا يعلم ماذا يُجيبها أيقول لها معك حق و لكن وقتها سيتدمر ابنه و هو الآن ليس في حاله صحيه لمعرفته الحقيقة

لينتظر الجميع إجابته علي هذا السؤال علي احر من الجمر

عمار بألم : لو كان ابن رحمه كنتوا عرفتوا .

صحفيه ٢ : يعني حضرتك مخلفتش من المدام رحمة .

عمار بحزن : لا خلفنا ...

لينظر الجميع بصدمة و ذهول فهذا أمر غير متوقع ابدا بل إنه من سابع المستحيلات ..

صحفي ١بتعجب : ازاي مش حضرتك بتقول ان الأستاذ حازم ابن حضرتك و ابن المدام رغدة.

عمار بسخرية و هو ينظر لعائلته التي تتابعه بذهول : اه بس انا عندي بنت..

صحفيه ٢: ازاي و عيلة السويفي معندهاش غير حفيدين حازم السويفي و مرام السويفي ...

عمار بإبتسامة سخرية : لا ما انا عندي بنت انا و رحمة مش كدا يا ماما ...

لتتوجه جميع العيون لفريدة السويفي لتنظر في عينه الان فقط فهمت لما لم يُعاتبهم علي عدم ذكرهم موت رحمة لقد خطط بسرعة ووضعها في وضع إما أن تعترف بوجود انجي أو تعترف بموت رحمه لقد وضعها بين خيارين أحلاهما مر ...

فريدة بغضب مكبوت : اه انا عندي حفيدة تانيه غير مرام ..

عمرو بغضب بصوت واطي : اي اللي حضرتك بتقوليه دا يا ماما ...

فريدة بهمس :اخرس انت دلوقتي ..

صحفيه ٢: هي مين و فين دلوقتي ..

فريدة بعصبية مكبوته: هي حفيدتي التانيه اخت حازم الكبيرة من الاب اسمها انجي و اصغر من مرام .

صحفيه ٢ : و هي فين دلوقتي ..

عمرو بغضب ليُنهي الموضوع: كانت مع مامتها و بعد كدا مشوفتهاش خلصت الحفلة علي كدا يا ريت تتفضلوا ....

ليخرج الجميع تاركين عائلة السويفي فقط مع بعضها ...

فريدة بعصبية لعمار: عملت اللي فى رأسك علي الله تكون ارتحت ..

عمار بإستفزاز : جدا ..

فريدة بجنون : استفدت اي ها قولي انت كدا هتفتح علينا ابوب جهنم هدمرنا ...

رغدة بسخرية: سيبيه يا ماما هيفضل طول عمره عايش في الأوهام لغاية ميتصدم بالواقع ..

عمار بسخرية مماثلة : افضلي اني اعيش في الأوهام و لا اعيش معاكوا في الواقع انا رايح اطمن علي ابني ...

ليتركهم النار تاكلهم من الداخل لا يعرفوا ماذا يفعلوا الان بعد أن كان كل الحديث عن زواج ابن عائلة السويفي سوف يكون عن حفيدة عائلة السويفي المفقوده ...وافقوا و كأن علي رؤوسهم الطير ليقطع صمت الكلام رنين هاتف عمرو برقم يعرفه ...

عمرو بإستغراب : اي يا ابني بتتصل عليا دلوقتي بيه ..

راضي ( ذراع عمرو الأيمن ) : مصيبة يا عمرو بيه .

عمرو بسخرية و هو ينظر لوالدته : مصيبة اكبر من اللي حصلت معتقدش ..

راضي بخوف : ..................

.

عمرو بغضب كالبركان : يا خبر اسود انت بتقول اي.

فريدة بقلق و خوف : في أي يا عمرو .....

عمرو بصدمة : ..........

فريدة بشحوب وجه : اي ....

لتسقط بعد ذلك مغشيا عليها و من هنا تبدأ قصتنا تاخد مجري مختلف 💁💁💁💁

حبايبي وحشتوني جدا والله 💜💜💜

متأخرتيش اهه يا ريت الكل يقولي رأيه في الكومنتات و يتفاعل مع البارت ☺️☺️

و البارت طويل أهله معدي ال 2220 كلمه 😂😂😂

في قصر السويفي و خصوصاً أمام غرفة فريدة السويفي حيث ينتظر الجميع باستثناء عمار و حازم و مرام خروج الطبيب في قلق ليمر بعض الوقت و يخرج الطبيب ...

عمرو بلهفة: خير يا دكتور طمني ماما عاملة اي دلوقتي..

الطبيب بأسف : مخبيش عليك يا عمرو بيه هي اتعرضت لازمه قلبيه و دا غلط عليها خصوصاً في السن دا انا اديتها حقنه و علقتلها محاليل و هسيب معاها ممرضه و من هنا للصبح بإذن الله هتكون أحسن ...

عمرو بحزن: يعني انت متأكد يا دكتور أنها مش محتاجه لمستشفي ...

الطبيب مطمئنه: متخفش يا عمرو بيه انا عملت اللازم و هي الصبح بإذن الله هتكون زي الفل ....

عمرو : تمام يا دكتور تقدر تتفضل انت ...

الطبيب: استأذن انا.

عمرو : اذنك معاك يا دكتور ..

مروة بإستغراب: بس اي اللي حصل علشان ماما توصل للحالة دي ..

رغدة بشك : عملية اي دي اللي اتمسكت ...

لينظر عمرو أمامه بشرود ليذكر السبب الذي أوصل والدته لهذا الوضع .......

Flash back:

عمرو بإستغراب : اي يا ابني بتتصل عليا دلوقتي بيه ..

راضي ( ذراع عمرو الأيمن ) : مصيبة يا عمرو بيه .

عمرو بسخرية و هو ينظر لوالدته : مصيبة اكبر من اللي حصلت معتقدش ..

راضي بخوف : في حد بلغ عن العمليه و في ظباط هنا و الجو متلغم و الدنيا مقلوبه و للاسف الرجاله كلها اللي مات و اللي اتمسك و البضاعة كلها الشرطه قبضت عليها ..

.

عمرو بغضب كالبركان : يا خبر اسود انت بتقول اي.

فريدة بقلق و خوف : في أي يا عمرو ..

عمرو بصدمة : العملية اتمسكت و كل حاجة راحت الفلوس كلها طارت و هنجيب فلوس البضاعة كلها منين ....

فريدة بشحوب وجه : اي ....

End flash back....

مروة بإستغراب: عمرو عمرو .

عمرو بانتباه: ها بتقولي حاجة يا مروة ..

مروة بدهشة: بقالي مدة بكلمك و بنادي عليك مبتردش ليه ..

عمرو بإرهاق : و لا حاجة كنتي بتقولي اي .

مروة: بقول عملية اي دي اللي وصلت ماما لكدا ..

عمرو بتعب : و لا حاجة انا هقوم ارتاح شويه لان بكرة يوم ما يعلم بيه الا ربنا ....

ثم يتركهم متوجه لغرفته ...

رغدة بشك: اكيد حصل كارثة علشان توصل فريدة السويفي للحالة دي ..

مروة بتأكيد : عندك حق يا خبر دلوقتي بفلوس بكرة يبقي ببلاش يلا هروح أنام انا كمان تصبحي علي خير .....

رغدة : و انتي بخير و انا كمان هروح أنام كفايه ضغط الأعصاب اللي الواحد كان فيه طول اليوم ..

لتذهب كل منهم لغرفتها ........................

""""""""""""""""""""""""""'"""""""""

ليمر الليل بسرعة البرق علي جميع أبطالنا فعند بطلتنا تستيقظ متأخرة لعدم وجود عمل فاليوم هو يوم عُطلتها فتقوم بأخذ شور منعش و بعد ذلك تقوم بلبس بجامعة منزليه باللونين الرصاصي و الكاشمير...

ثم تتوجه للمطبخ لصنع كوب من القهوة و بعد ذلك تجلس لتتابع المؤتمر و الأخبار المنتشره علي جميع مواقع السوشيال ميديا لتري ما جعلها تبصق القهوة ...

انجي بصدمة : مستحيل ازاي يعمل كدا لتقول و الشرر يخرج من عينيها بقا حازم ابنك و ابن رغدة ..

و ما كادت ُتنهي تصفح الاخبار حتي قاطعها رنين هاتفها برقم خديجة .....

انجي بضيق: أصبحنا وأصبح الملك لله هنبدا وصلة الشتيمه و التهزئ من الصبح لتكمل بإبتسامة صباح الخير يا دي....... ليقطع كلامها صوت صراخ قوي من الجهة الأخري ..

خديجة بعصبية: صباح الزفت علي دماغك .

انجي بهدوء : اي بس مالك عالصبح كدا .

خديجة بسخرية : لا أبداً مفيش حاجة دا سبب تافه تقدري تقولي إن مصر كلها بقت عارفه إن فريدة السويفي عندها حفيدة تانيه اسمها انجي السويفي و ألا مصر كلها اي دا العالم كله بقا عنده خبر لتكمل بعصبية ارتاحتي كدا مبسوطه ..

انجي بعدم فهم: انتي بتقولي اي يا ماما اي اللي دخلني في الموضوع...

خديجة بسخرية: هو انتي مشوفتيش الاخبار و ألا اي يا انجي هانم ...

إنجي بضيق : استغفر الله العظيم يا مثبت العقل و الدين يا رب اخبار اي يا ماما مش اخبار إن حازم يبقي ابن عمار و رغدة اي اللي دخلني انا في الموضوع مش فاهمة ...

خديجة بسخرية: هو انتي اخبارك ناقصة و ألا اي كملي كدا و شوفي الخبر اللي متصدر الترند ..

انجي بصدمة : اي دا هو إزاي عمل كدا لتكمل بستهزاء مش مهم و اي يعني ..

خديجة بعصبية: هو اي دا اللي مش مهم بقولك مصر كلها عرفت إن عيلة السويفي عندها حفيدة تانيه ..

انجي بهدوء: تمام يا ماما بس محدش يعرف مين انجي ..

خديجة بحزن : انا خايفه عليكي من الانتقام اللي عامي عيونك ..

انجي بشرود : و ليه متقوليش إن أنا بحقق العدل لنفسي بأخد بحقي ..

خديجة بألم : آخرتها مش هتبقي كويسه يا بنت رحمة ..

انجي بحزن : سيبيها علي الله يا ماما يلا هقفل انا لاني عندي شغل ...

خديجة: تمام يا بنتي خلي بالك من نفسك كويس .

انجي بحب لتلك المرأة التي أحبتها كما لو كانت ابنتها الحقيقة : تمام يا ماما ..

خديجة: انجي ...

انجي بإبتسامة : نعم يا ماما .

خديجة بحزن: خلي بالك من نفسك علشاني بحق تربيتي ليكي لو بتحبيني و ليا مكان في قلبك تخلي بالك من نفسك ..

انجي بهدوء: حاضر يا ماما سلام دلوقتي .

خديجة بحب : سلام يا بنتي ..

لينتهي الاتصال ....

انجي بشرود : اسفه يا ماما سامحيني مش هقدر أوفي بوعدي ليكي اللي مكتوب لي هشوفه بس مش هرتاح غير لما أدمرهم لو كان دا اخر حاجة هعملها قبل ما أموت ... ليقاطع حديثها مع نفسها رنين هاتفها برقم ميرنا ...

ميرنا : صباح الخير يا أسيل صاحيه و ألا لسه نايمه ..

انجي : لا صاحيه ..

ميرنا بمرح : عندك شغل و ألا فاضيه اخطفك شويه ..

انجي بإستغراب: فاضية بس تخطفيني لفين ...

ميرنا بفرح : مفاجأة هعدي عليكي انا و آسر كمان ساعة هتكون جهزتي

انجي بإبتسامة: لا تمام ساعة كويس ..

ميرنا بسعادة : خلاص تمام مش هنتاخر عليكي

لتقوم انجي بإنهاء الاتصال ثم تقوم لكي تتجهز لحين حضور ميرنا و آسر .......

"""""''''"""""""""""""""""""""""""""""

أما عند بطلنا فهو استيقظ مبكرا و قام بممارسة التمارين الرياضيه و بعد ذلك توجه للاستحمام و بعد مرور بعض الوقت يخرج لارتداء ملابسه و هي عبارة عن قميص من اللون الكحلي و بنطال. باللون الاسود و حذاء و حزام من اللون الجملي و ساعه من اللون الاسود و ترك اول ازرار قميصه مفتوح مما زاد من وسامته

و كالعادة توجه لغرفة الطعام حيث يجلس والديه و القي عليهم تحية الصباح ...

أيان بمرح : صباح الخير ..

إيهاب و صفيه بإبتسامة: صباح النور يا حبيبي ..

إيهاب بإستغراب : اي يا أيان عندك شغل و ألا اي .

أيان و هو بتناول طعامه : لا أبداً يا بابا بس آسر بيعمل شويه تعديلات في الڤيلا و انا هروح معاه .

صفيه بتوتر : طيب يا حبيبي ما تاخد مرام معاك بدل ما يكون آسر و ميرنا و انت بس ..

أيان بزهق: متقلقيش يا ماما أسيل جايه معانا .

صفية بعصبية: نعم أسيل مين دي اللي تروح معاك ..

إيهاب بإستغراب: في أي يا صفية مالك .

صفية بضيق : انت مش شايف ابنك و عمايله يعني مش راضي يأخد مرام معاه وواخد البنت اللي اسمها أسيل ...

إيهاب بإستغراب اكبر : و فيها اي لما يأخد أسيل معاه ..

أيان بضيق : أولاً انا مأخدتهاش معايا هي صاحبه ميرنا و ميرنا اللي طلبت انها تروح معاها و بعدين انا حر اخد أسيل اخد مرام اخد العفريت الازرق معايا انا حر ثم يقف من مكانه يلا انا ماشي ..

إيهاب : طيب يا ابني كمل فطارك ..

أيان بضيق: الحمدلله نفسي انسدت ..ثم يتركهم ليتوجه لخارج الڤيلا ..

إيهاب بعصبية: عاجبك كدا انتي مالك يأخد أسيل و ألا يأخد اللي يأخدها انتي مالك ...

صفيه بغضب: هو اي اللي انتي مالك دي انا مامته انا مش عارفه انت ازاي ساكتله و هو بيقلل من احترامه ليا أُدامك بالشكل دا لو انا مامتك ترضي انك تكلمها بأسلوب ابنك معايا ..

إيهاب بسخرية: انتي لو مامتي انا كنت سيبتلك البيت و طفشت و بعدين مرام مين دي اللي كل يوم و التاني اخبار عن عمها و عايلته و عيلتها ...

صفية بضيق: و احنا مالنا مشاكلهم و يحلوها مع نفسهم بنفسهم .

إيهاب بإستغراب: سبحان الله أومال مبتقوليش لنفسك كدا ليه ..

صفية بعدم فهم: أصدك اي ..

إيهاب بعدم تصديق: و لا حاجة انا ماشي عندي شغلي كتير في الشركة ..

صفية بتذمر: ما انت لو شغلت ابنك معاك كان زمانه شايل عنك الحمل دا كله ...

إيهاب بغيظ : ما البركة فيكي هقول اي مبقاش عندي كلام تاني اقولك انا ماشي ......ثم يتركها بمفردها و يذهب ....

صفيه: هو معقوله انا بس اللي شايفه مصلحة أيان بلا مش مهم اللي يقولوه المهم إن أنا شايفه سعادة ابني مع مرام و بإذن الله هفضل وراه لغاية لما يتجوزوا .........

""""""""""""""'''""""""""""""""""""""

أما عند عائلة السويفي فهم مجتمعون في غرفة المعيشه ليجدوا حل لتلك المصائب التي وقعت علي عائلتهم باستثناء عمار و حازم و مرام .....

عمرو بتساؤل: و هنعمل اي دلوقتي ...

فريدة بارهاق : مش عارفه ..

عمرو بإستغراب : بس مش غريبه اللي عمل كدا عارف المكان و المفروض عارف وقت التسليم ازاي يبلغ من غير ما يجيب اسمنا في الموضوع ..

فريدة بعدم فهم: و لا انا كمان فاهمة اي اللي حصل .

رغدة بتساؤل: بس اكيد اللي عمل واحد قريب منا جدا لدرجة إن اخبار زي دي توصله ..

مروة بتأييد: أيوة فعلاً رغدة معاها حق ..

فريدة بتساؤل: ها يا عمرو المحامي قال اي .

عمرو بحزن : نفس اللي قاله اخر مرة لما كان هنا قال لازم نبيع شركتين من شركاتنا و هما كدا كدا الاسهم بتاعتهم نزلت السوق و أول ما حد يشتريهم هيبلغني .....

فريدة بألم : كل اللي بنيته طول حياتي بيتهد أُدام عيني ...

ليتحدث عمار بسخرية الذي دلف للغرفة للتو : من أعمالكم سُلط عليكم ..

عمرو بغضب: بقولك اي يا عمار احنا مش ناقصينك اللي فينا مكفينا و زيادة ...

عمار بسخرية: و علي اي انا كدا كدا ماشي ..

رغدة بتساؤل: رايح فين ..

عمار ببرود: و انتي مالك ...

رغدة باحراج : مالي ازاي مش انا مراتك ..

عمار بسخرية: بيقولوا ليتركهم خلفه يعلوا من الغضب ...

رغدة بعصبية: عاجبكوا كدا ..

فريدة بضيق: رغدة بقولك اي احنا مش ناقصينك انتي كمان خلونا نشوف حل في المصيبة دي ...

ليرن هاتف عمرو برقم المحامي ..

عمرو بإستغراب : اي يا متر خير بترن بدري كدا ليه .

المحامي بحزن : للاسف يا عمرو بيه مش خير خالص ..

عمرو بضيق : و هو انا بقا يوصلني غير أخبار سودا .

المحامي بتوتر : مش عارف اقولك ازاي ..

عمرو بنفاذ صبر: يا عم قول و خلصني انت لسه هتلف و ادور عليا قولها زي ما انت عايز بس اخلص .

المحامي بحزن : للاسف الشركتين بتوعكوا اتباعت الاسهم بتاعتهم النهارده ...

عمرو بصدمة : انت بتقول اي بسرعة كدا ..

المحامي بتأكيد: للاسف و مش بس كدا لسه في خبر تاني اسوء من دا ....

عمرو بمرارة: اظن مفيش اسوء من كدا ..

المحامي بتوتر: للاسف في إن .................

عمرو بصدمة و هو يقف من مكانه : بتقول مين ....

ليسقط بعد ذلك مكانه صامتاً.......

مروة بقلق : مالك يا عمرو اي اللي حصل ليقابلها صمت فقط ...

فريدة بتوجس : هو المحامي قالك اي ...

عمرو بصدمة : مش ممكن مستحيل ...

فريدة بقلق اكبر : يا ابني هو اي دا اللي مش ممكن و مستحيل ...

رغدة بضيق: متخلص يا عمرو اعصابنا باظت مبقاش عندنا طاقة لاي حاجة ...

عمرو : ..................

لينظروا له بصدمة و عدم فهم و كأنه من عالم اخر

""""""""""""""""""""""""""""""""""""

أما عند بطلتنا فهي تجهزت و ارتدت

و حذاء رياضي أسود و حقيبة يد ليرن هاتفها برقم ميرنا تُعلمها بوصولهم بالخارج لتتوجه للخارج لتري ميرنا و آسر ..

انجي بإبتسامة : السلام عليكم ..

ميرنا و آسر: و عليكم السلام ورحمه الله وبركاته..

ميرنا بحماس : ها يا أسيل جاهزة ..

انجي بضحك : هو انا مش عارفه جاهزة لايه بس تمام ثواني هجيب العربية واجي وراكوا ...

آسر بإبتسامة: طيب ما تركبي معانا و انا و ميرنا هنبقي توصلك زي ما جيبناكي ...

انجي بإبتسامة: خلاص ماشي ...

ثم تركب بالخلف ..........

كانت ميرنا ترتدي

و آسر

و بعد مرور نصف ساعة تقريباً يصلوا لوجهتهم لتتوقف السيارة أمام ڤيلا ما ليخرجوا من السيارة و يتوجهوا للداخل ليجدوا أيان في انتظارهم ..

آسر بمرح : اي دا مش معقول أيان وصل قبلنا للدرجادي متحمس علشان تجهز معي الجناح ...

أيان بإبتسامة: طيب قول ازيك و ألا اي حاجة ..

أيان بمزاح: اي حاجه ..

أيان بضيق: و ربنا امشي انا أصلاً اي اللي خلاني اعبر واحد زيك ..

آسر بضيق مماثل : إن أنا صديقك الصدوق الوحيد ..

ميرنا بضحك : يا نهار ابيض اللي يشوفكوا هنا ميشوفكوش في القسم مع المجرمين ...

أيان بإبتسامة: ازيك يا ميرنا ازيك يا أسيل ...

ميرنا بإبتسامة: الله يسلمك يا أيان ..

انجي بهدوء: الحمد لله تمام ثم تنظر حولها بإستغراب ..

ميرنا بضحك : اي يا أسيل مالك هو احنا هنخطفك .

انجي بإبتسامة: لا أبدا بس انا مش فاهمه انا بعمل اي هنا و ألا انتي عايزاني في ايه ..

آسر بضحك: اي دا هي ميرنا مش عرفتك هي عايزاكي في أي ..

انجي و هي تشاركه الضحك : أبدا والله ها كنتوا عايزين اي بقا .....

ميرنا بإبتسامة: أبداً يا ستي الحكاية و ما فيها إن أنا عجبني زوقك في البيت اللي اشتريتيه فكنت عايزاكي تساعديني في تظبيت الجناح بتاعي انا و آسر .....

انجي بإبتسامة: طيب مقولتيش من الاول ليه ..

ميرنا بإبتسامة مماثلة: يا ستي كنت عايزاها مفاجأة.

انجي : خلاص تمام يلا يا ست ميرنا و رينا الجناح بتاعك علشان نشوف اللي لازم يتعمل ...

ميرنا بحماس : يلا بينا ثم تمسك بيد انجي و يتوجهوا للاعلي حيث الجناح الخاص بهم لينظر آسر لأيان ليجده ينظر مكان انجي بشرود ..

آسر بمرح: اي يا شبح السناره غمزت و ألا اي ...

أيان بإبتسامة: باين كدا ....

آسر بعدم تصديق: انت بتقول اي مستحيل ...

أيان بضيق: ليه يا اخويا ناقص ايد و ألا رجل ...

آسر بتبرير : مش أصدي كدا انا أصدي انك مشفتهاش غير مرتين تلاته لحقت ....

أيان بإبتسامة: مش عارف بس حاسس إن البنت دي فيها حاجة غريبة اي هي مش عارف ...

آسر بمرح: طيب يلا يا اخويا علشان نشوفهم عملوا اي فوق ....

أيان بإبتسامة : يلا بينا .....

ليصعدوا للاعلي ليصدموا من ..................

*****************************

حبايبي وحشتوني جدا والله 💜💜💜

يا ريت الكل يقولي رأيه في الكومنتات و يتفاعل مع البارت ☺️☺️☺️

يا ريت التفاعل يزيد عن كدا 🙍🏻‍♀️🙍🏻‍♀️🙍🏻‍♀️

المحامي بحزن : للاسف الشركتين بتوعكوا اتباعت الاسهم بتاعتهم النهارده ...

عمرو بصدمة : انت بتقول اي بسرعة كدا ..

المحامي بتأكيد: للاسف و مش بس كدا لسه في خبر تاني اسوء من دا ....

عمرو بمرارة: اظن مفيش اسوء من كدا ..

المحامي بتوتر: للاسف في إن اللي اشتري الشركتين واحد من لبنان اسمه سامي الأسيوطي..

عمرو بصدمة و هو يقف مكانه : بتقول مين ....

ليسقط بعد ذلك مكانه صامتاً.......

مروة بقلق : مالك يا عمرو اي اللي حصل ليقابلها صمت فقط ...

فريدة بتوجس : هو المحامي قالك اي ...

عمرو بصدمة: مش ممكن مستحيل ...

فريدة بقلق اكبر : يا ابني هو اي دا اللي مش ممكن و مستحيل ...

رغدة بضيق : متخلص يا عمرو اعصابنا باظت مبقاش عندنا طاقة لاي حاجة ...

عمرو بشرود : الشركتين بتوعنا اتباعوا النهارده و سامي الأسيوطي هو اللي اشتري الشركتين دول ....

فريدة بعدم تصديق: مستحيل انت متأكد ..

عمرو بتأكيد: طبعاً متأكد دا اشتري ٢٠% من أسهم شركاتنا و بقي شريك معانا فاضل بس نمضي العقود ....

مروة بخوف : و هنعمل اي دلوقتي ..

رغدة بقلق : لو عمار شافه هيعرف كل حاجة ..

فريدة بقوة : مش لازم عمار يعرف حاجه و لا حد يفتح الموضوع دا أُدامه مفهوم و انت يا عمرو لازم تعرفلي كل حاجة عن سامي الأسيوطي و شغله في لبنان و شركائه في الشغل و مجال شغله تتأكد إذا كان هو سامي الأسيوطي اللي نعرفه و ألا مجرد تشابه اسماء .....

عمرو بهدوء : تمام انا هروح الشركة دلوقتي و اشوف ألاوضاع هناك ....

رغدة بضيق : و انا هقوم اشوف حازم ...

فريدة بتأكيد : أياكي تفتحي موضوع المؤتمر معاه و ألا تعرفيه اي حاجة ..

رغدة بسخرية: و هو انا عارفه اعمل حاجة بعد اللي ابنك قاله و عمله ...

فريدة بسخرية مماثلة: والله انتي المفروض تشكري ابني علي اللي هو عمله و بعدين هو عمل اي قال الحقيقة و كمان ناقصه ..

مروة بإستغراب: ليه هو حضرتك كنتي عايزة عمار يقول الحقيقه ..

فريدة بضيق : انا هقوم علشان أخلص من غبائكوا...

لتتركهم و تصعد لغرفتها ....

رغدة: و انا هقوم اطمن علي حازم و بعدين أخرج شويه ...

مروة و هي تنظر حولها : اي دا مفضلش غيري انا كمان هتصل علي صفيه ...

لتقوم بمهاتفة صفيه ليأتيها الرد ....

صفيه : ازيك يا مروة ..

مروة : مش كويسه خالص يا صفية ..

صفية بتساؤل : ليه في أي خير ...

مروة بضيق : يعني انتي مش عارفه...

صفية بعدم فهم : أصدك اي ...

مروة بحزن : النهارده اتباع شركتين من شركاتنا بسبب الاخبار ..

صفية بحزن : معلشي ممكن كدا خير ..

مروة بخبث : و مرام مموته نفسها من العياط كانت عايزة أيان يكون واقف معاها في الظروف اللي زي دي ...

صفية بضيق: هنعمل اي هو أيان ابني كدا بطبيعة شغله مبيعرفش يتعامل مع البنات ...

مروة بخبث: انا عندي الحل .....

صفية بلهفة : اي هو. ..

مروة : إن إيهاب جوزك يشاركنا ب الاسهم الباقيه ..

صفية : و دا ازاي ...

مروة بحزن مصطنع : خلاص تمام انا كنت فاكرة انك هتحبي تساعديني من جهة هتنقذي عيلتي و من جهة أيان يشتغل في شركتنا بالاسهم اللي انتوا هتشتروها فهيكون قريب من مرام و يتعرفوا علي بعض في الشغل طالما مش عارفين يتقابلوا برا الشغل ...

صفية بفرح : تصدقي معك حق خلاص انا هحاول اقنع إيهاب النهاردة ...

مروة بسعادة لتنفيذ مخططها : خلاص تمام يا حبيبتي هستني منك خبر ...

صفية : تمام يلا سلام ....

مروة : سلام ....ثم تقوم بإنهاء الاتصال ثم تقول بسعادة غبية صفية دي هو لسه في ناس كدا اما اروح اشوف الست مرام فين علشان اقولها و اقول لعمرو بالمرة .............................

""""""""""""""""""""""""""""""""""""

أما عند أبطالنا في الجناح الخاص بآسر و ميرنا

آسر بلهفة : مالك يا ميرنا بتعيطي ليه ....

ميرنا ببكاء : انا كسرت برواز الصورة بتاعتنا ...

آسر براحة : يا بنتي وقعتي قلبي الله يسامحك ..

انجي بضحك : انا بقولها هنركبلك واحد جديدة و دي مصدقت تعيط تقريباً هي زعلانه من حاجة و طلعتها علي البرواز ....

آسر بمرح: اكيد بتقول إن دي إشارة علشان نأجل الفرح بس دا بُعدها ....

ميرنا بزعل : يعني انا اللي عايزة اعيط من غير سبب الله يسامحكوا ...

انجي بإبتسامة: خلاص بنهزر معاكي يلا قولي عايزة تغيير في أي ....

ميرنا بسعادة: عايزة اغير كل حاجة ..

آسر بسخرية: ليه يا اختي حد قالك اني وارث جديد و ألا اي ..

ميرنا بضيق : مليش دعوة يلا يا أسيل قوليلي شويه افكار كدا ...

أيان بإبتسامة: طيب مجبتوش مهندس ديكور ليه يخلصلكوا الجناح بسرعة ...

ميرنا بإبتسامة: أسيل عاملة شغل جميل جداً في الشقة بتاعتها ...

آسر بهمس لانجي : بس بسرعة و في الهادي وحياة ابوكي ...

انجي بضحك: هحاول تمام أول حاجة ماشاء الله الجناح هنا كبير في أي رأيكوا لو تهدوا العارضة اللي ناحية الجنينه و تعملوها إزار بحيث يكون منظرها لطيف و تغيروا لون الاوضه يعني بدل ما كل الحيطان لونها واحد و هو البيج ممكن نجيب ورق حائط لصور 3D في جهة من الجهات الاربعه و جهة تانيه نعملها بالون غامق اي لون تختاروه و ممكن نضيف في الفرندا اللي برا دي ترابيزة و كرسيين و نجيب كنبه في الاوضة و ممكن لو انتوا بتحبوا القراءة نعمل ركن صغير كمكتبه داخليه فيها كتب بتحبوا تقرأوها سواء شعر او تاريخ أو فانتازيا أو روايات و ممكن في الجانب الصغير اللي هيكون فيه المكتبه نحط مكتب صغير و ترابيزة علشان لو آسر حب يشتغل في الجناح مع العلم إن اكيد في الڤيلا مكتب خاص بيه بس دا طبعاً لو حابب يشتغل في الجناح و بما إن ما شاء الله الجناح كبير فكل الحاجة اللي قولتها دي مش هتأثر علي نظام النوم و ممكن بدل ما السرير في ركن فممكن نخليه في نص الاوضة و نغير الستاير و نعملها بلون العارضة اللي انا قولت عليها إن لونها هيكون مختلف و كدا و لسه الدريسنج روم دي لازم انتوا اللي تعملوها بحيث نظام اللبس و الأماكن و كدا بس من وجهة نظري في ترتيب الملابس لازم تكون حسب ترتيب اللون و بس كدا .........

لتنظر لهم لتجدهم محدقين بها ببلاهة ...

انجي بإبتسامة: اي يا شباب دا رأيي عادي لو مش عاجبكوا مش هزعل ...

ميرنا و هي تجلس علي السرير : واو هو دا اللي انا عايزاه ...

آسر بمرح: اي يا بنتي انتي ماشاء و لا مهندسة الديكور اي الشطارة دي ....

انجي بضحك: يعني عجبكوا طب تمام كويس إن أنا عرفت افيدكوا في حاجة ....

أيان بإبتسامة: بس فعلا انتي ماشاء الله زوقك حلو جدا و أفكارك كمان ....

انجي بهدوء: ممكن علشان انا درست هندسة ديكور كمان كهواية ...

ميرنا بإبتسامة : لا دا انتي تكتبي كل اللي انتي قولتيه دا و احنا هنعملوا و انتي تبقي معانا .

انجي : هو انا مش عارفه هكون فاضية و ألا لا بس هحاول اكون معاكي ...

آسر بمرح: اول مرة اشوف ميرنا مصاحبه حد دي حتي في الكليه مكانش ليها اصدقاء كتير ...

ميرنا بتأييد : فعلاً والله انا اول مرة احب حد كدا ..

انجي بضحك: تقريباً علشان انا كمان مليش اي أصحاب فدي ممكن نقطة مشتركة بينا ...

أيان بإبتسامة: طيب يلا يا جماعة لاني واقع من الجوع تعالوا نطلب دليفري ...

آسر بمرح: و انا كمان والله ميت من الجوع يلا بينا .

ميرنا بإبتسامة: خلاص تعالوا نعمل اكل مع بعض في المطبخ بما إن الخدم النهاردة إجازة ..

آسر بإستغراب : هو انتي بتعرفي تعملي اكل ..

ميرنا بفرح : طبعاً أنا لسه متعلمه كام اكله من علي النت ...

أيان بإبتسامة: خلاص تمام هنعمل اكل مع بعض و انتي يا أسيل بتعرفي تعملي اكل و ألا زي ميرنا ..

انجي بإبتسامة: لا متقلقش بعرف اعمل اكل ...

آسر بمرح: طيب يلا بينا أما ندوق اكل البنات ..

ثم يتوجهوا بعد ذلك لخارج الغرفة و منه الي المطبخ ليقوموا بالبحث عن الاغراض في المطبخ ...

ميرنا بفرح : تمام كدا يلا نبدا بسم الله..

انجي : تمام بس انتي عايزة تعملي اكل معين يعني و ألا اي ...

ميرنا بفخر : انا هعمل مكرونة و بانيه و فراخ في الفرن...

انجي بهدوء: تمام و انا اعمل معك اي ..

ميرنا بهمس لانجي: انا مش بعرف اعمل غير المكرونة و نسيت تتبيله الفراخ و البانيه ...

انجي بضحك: خلاص تمام اعملي انتي المكرونة لأنها بتأخد وقت و انا هتبلك الفراخ و البانيه و انتي تسويهم ....

ميرنا بإمتنان : خلاص تمام يا أسيل انا هسلق المكرونة لغاية ما تتبلي الفراخ و البانيه...

آسر : خلاص و انا و أيان علينا السلطة و العصير و الفاكهه. ..

أيان بإبتسامة: تمام فين الحاجات بقي ...

ليقوم كل شخص منهم بإخراج كل المكونات المطلوبة ..ليتحدثوا أثناء تحضير الطعام في جو من المرح ....

آسر بمرح: علي كدا بقي يا أسيل مفيش و لاصديقة أو صديق في حياتك ...

انجي : يعني عندي صديق واحد في لبنان ...

ميرنا بإبتسامة و هي تضع المكرونة بالاناء علي النار : هو انتي مخطوبه يا أسيل ...

ليتوقف أيان عما يفعله منتظراً إجابتها ثم يزفر براحة علي إجابتها ....

انجي بإبتسامة : لا مش مخطوبة ...

آسر بإبتسامة : و لا بتحبي حد أو في حد في حياتك ....

انجي : انا مش بآمن بالحب ...

ميرنا بإبتسامة: بكرة نشوفك لما تحبي ...

آسر بضحك و هو يهمس لأيان: يخربيت كدا يا جدع يعني يوم ما تعجب ببنت تكون مش بتآمن بالحب ...

أيان بإبتسامة و إعجاب : ممكن تكون دي الحاجة اللي بتميزها و بتجذبني الها أنها مختلفة عن كل البنات اللي شوفتهم في حياتي حتي في تفكيرها ....

آسر بإستغراب : والله لو حد كان قالي إن في بنت ممكن تدخل قلب أيان مكنتش مصدقه لو حلف علي الميا تجمد ....

أيان بإبتسامة: والله و لا انا و خصوصاً بالسرعة دي بس مش عارف ببقي فرحان جدا لما بشوفها مع اني مشوفتهاش غير كام مرة بس ...

آسر بفرح : ربنا يسعدك يا صاحبي ..

ميرنا بإبتسامة موجه حديثه لانجي : انتي حبيتي قبل كدا يا أسيل ..

انجي بضحك: يعني بقولك مش بآمن بالحب تقوليلي حبيت قبل كدا ..

ميرنا بإستغراب : اصل انا دايماً اسمع إن في ولد مش بيامن بالحب إنما بنت فدي اول مرة اسمعها دا حتي مرام السوسه بتقول انها بتحب أيان ...

أيان بضيق: و اي اللي جاب سيرتها دلوقتي اذكروا حاجة كويسة ....

انجي بإبتسامة : اتفضلي يا ميرنا انا خلصت انتي سوي بقي ..

ميرنا ببلاهة: اسوي اي ..

انجي بضحك: الفراخ و البانيه انتي نسيتي و ال اي ..

ميرنا : اه خلاص تمام بس انتي ممكن تساعديني..

انجي بإستغراب : اساعدك في ايه ..

آسر بسخرية : تلاقيها نسيت الطريقة مش كدا يا ميرنا ..

ميرنا باحراج : بصراحة اه ..

انجي بإبتسامة: خلاص تمام انتي اعملي المكرونة و انا هكمل الفراخ و البانيه...

ميرنا بتوتر: مهو اصل يعني انا ...

أيان بضحك : نسيتي طريقة عمل المكرونة...

ميرنا بضيق: ما تطلعوا برا دا اي الاحراج دا ..

أيان بضحك : ما احنا قولنا نطلب اكل و انتي اللي شبطي انك تعملي انتي الاكل ...

ميرنا بحزن : انا كنت عايزة اتعلم بس نسيت ..

انجي بإبتسامة: خلاص و لا يهمك أنا هعلمك..

ميرنا بسعادة : بجد ..

انجي بتأكيد : أيوة بصي أول حاجة لتقوم بشرح مع عليها فعله و تقوم ميرنا بعمل ما تقوله لها انجي و بعد مرور نصف ساعة تقريباً كان الاكل جاهز. وقام اربعتهم بتحويل الطعام علي السفرة و بدأوا في تناوله ..........

آسر بإعجاب: تسلم ايدكوا يا بنات الاكل تحفة بجد ..

ميرنا و انجي : بالف هنا و شفا ..

أيان بإبتسامة: فعلاً الله ينور الاكل جميل جدا ..

ميرنا بضحك : والله لو ما أسيل كنا طلبنا دليفري و مبيكونش حلو زي اكل البيت لازم يا أسيل تعلميني قبل الجواز علشان لو مامت آسر طلبت مني و معرفتش هتكلني ....

انجي بضحك: الله يكون في عونك اوحش حاجة انك تاخدي واحد وحيد مامته و باباه ..

لينظروا لها بعدم فهم ...

انجي بتبرير: يعني مهما تكون الأم طيبة بس بتحس بالتهديد اول ما ابنها يتجوز بتفكر أنه مراته هتأخده منها متعرفش إن كل واحدة وليها مكانتها و حبها مختلف عن التانيه يعني الام مش زي الاخت و لا الاخت زي البنت و ألا البنت زي الزوجة يعني كل واحد ليه مكانه مختلفه عن غيره هو نفس الحب بس بأشكال مختلفه لتكمل بضحك مع العلم أن آسر عنده اخت كمان يعني مش وحيد أوي ... ..

آسر و هو ينظر لأيان : يعني لو حبيتي واحد وحيد مامته و باباه هتوافقي ...

انجي بإبتسامة: انا أساساً مش بفكر و لا في الحب و لا في الارتباط علشان كدا مفيش احتمال زي ده ..

أيان بإبتسامة: فلنفترض يعني لو حبيتي واحد وحيد مامته و باباه هتوافقي و الا لا ...

انجي بهدوء: هو بعيداً عن إن الموضوع دا بالذات مش ممكن يحصل بس لو انا حبيت واحد وحيد مامته و باباه لازم تكون ليه شخصيته ميكونش ابن أمه زي ما بيقولوا و دا مش معناه إنه يعصي مامته أو باباه بس يكون مع الحق يعني ميجيش عليا علشانها و في نفس الوقت حتي لو هي غلطانها ميجيش عليها لانه كما تُدين تُدان و من لا يرحم لا يُرحم و لازم يحسن معاملة مامته و باباه و اقفلوا الموضوع ده يا جماعة لاني فعلاً مش بحب مواضيع الحب و الجواز و كدا ....

آسر بضحك: و الله يا بنتي انتي أغرب شخص شوفته في حياتي بعد أيان ...

أيان وانجي في نفس الوقت: و دا ازاي ...

ميرنا بضحك : و نفس الكلام ماشاء الله...

انجي بإبتسامة و هي تقف : طيب يا جماعه انا همشي بقي لاني عندي شغل عايزة اخلصه ....

آسر و هو يهم بالوقوف: خلاص تمام انا هوصلك و انتي يا ميرنا استنيني هنا علشان نشوف اللي أسيل قالت عليه و نكلم حد ييجي علشان نخلص الجناح مبقاش في وقت ..

أيان بإبتسامة: خلاص خليك انت و انا هوصل أسيل..

انجي باعتراض: خلاص انا هطلب اوبر أو تاكسي مفيش داعي يا جماعه ..

أيان بإبتسامة: انا كدا كدا مروح لاني عندي مهمة لازم اخلصها ....

انجي بإبتسامة: مش حابه اتعبك معايا ...

أيان بإبتسامة: تعبك راحة يلا مع السلامه يا شباب .

انجي : السلام عليكم..

ميرنا و آسر: و عليكم السلام ورحمه الله وبركاته...

ثم يتوجه أيان و انجي لسيارة أيان و هم ملتزمون الصمت

وبعد مرور بعض الوقت يصلوا لمنزل انجي ...

انجي بإبتسامة: شكرا يا أيان اتفضل اشرب حاجة .

أيان بإبتسامة: لا شكراً مرة تانيه بإذن الله..

انجي و هي تهبط من السيارة : خلاص تمام سلام ..

أيان بشرود : سلام ليراقب دخولها للمنزل تم بعد ذلك يقوم بقيادة سيارته و التوجه للڤيلا الخاصة بهم ليجد والدته في انتظاره كما هي العادة ...

أيان لنفسه ( الواحد جاي مبسوط و اكيد ماما دلوقتى هتفتح موضوع مرام و هتنكد عليا و الله أسيل معاها حق دا هيكون حظها اسود اللي هتكون مراتي دا انا ابنها و علي أخري من تصرفاتها معايا )

ليفزع علي صراخ والدته باسمه . .

أيان : اي يا ماما خير في أي ..

صفية بضيق: بقالي كتير بنادي عليك و بكلم مش بترد عليا ..

أيان : اسف يا ست الكل كنت سرحان شويه خير في حاجة ...

صفية بكذب : اه كنت عايزة اقولك إن باباك تعبان من شغل الشركة الكتير و انت مش بتساعده و لا بتشيل عنه ....

أيان بفزع و قلق: اي بابا تعبان و هو فين دلوقتي انا هقوم اشوفه ....

صفية بتوتر و كذب : لا استني بس هو محلفني مقولكش حاجة علشان ميكونش بيضغط عليك علشان تشتغل معاه ..

أيان بحزن : هو عنده اي يعني كشف الدكتور قاله اي و ألا اجيب الدكتور يكشف عليه. ..

صفية بكذب : اه كشف و الدكتور قال ضغط شغل و بيفكر كتير ..ثم تتابع بدموع مزيفه ابوك هيضيع مني يا أيان ...

أيان بإبتسامة: متقوليش كدا يا ست الكل بإذن الله هو يرتاح شويه و هيكون زي الحصان كمان ...

صفية بمغزي : طيب متريحه انت يا أيان .

أيان بعدم فهم: أصدك اي يا ماما ..

صفيه بتوتر: تشتغل معاه يا ابني ابوك كبر و تعب .

أيان بضيق : خلاص يا ماما بس يا ريت بلاش حكاية إن مرام تشتغل معايا و اشغل اللي انا عايزه .

صفية : خلاص ماشي براحتك ..

أيان و هو ينهض من مكانه : خلاص تمام انا هاخد إجازة من شغلي فترة و اسلم القضية اللي معايا و ابقي انزل الشركة ....

صفية بفرح : تمام يا حبيبي استريح انت ..

أيان : تمام سلام انا .......

صفية بسعادة: اول خطة نجحت عقبال الباقي انا كدا رجعت أيان للشغل و بعد كدا هقنع إيهاب أنه يشتري الاسهم المعروضه الباقية في شركة السويفي و بكدا مرام و أيان هيشتغلوا مع بعض. .... أما اتصل علي مروة و اقوللها ..........

""""""""""""""""""""""""""""""""""""

أما عند بطلتنا فبعد دخولها للمنزل يرن هاتفها برقم المجهول ....

إنجي بإبتسامة: ابن حلال كنت لسه هتصل بيك ..

المجهول بمرح : طول عمري باجي في وقتي المهم أنا هموت و اعرف انتي ليه مش بلغتي عن الصفقة في وقت التسليم ...

انجي بإبتسامة: لاني عايزاهم يخسروا بس مش يتفضحوا ....

المجهول بعدم فهم : أصدك اي مش فاهم ....

انجي بضيق: مش مهم تفهم المهم كان في حاجة انت عايز تقولها ...

المجهول بتوتر : انتي عرفتي إن في شركتين مهمين جدا من شركات السويفي اتعرضت أسهم للبيع ..

انجي بفرح : طيب دا خبر كويس جداً انا هشتريهم ..

المجهول بتوتر اكتر : لا ما هما اتباعوا أساساً ..

انجي بعصبية: نعم يا اخويا و انتي متصل عليا بعد ما اتباعوا و مين بقي اللي اشتراهم ...

المجهول بخوف : سامي الأسيوطي ..

انجي بغضب : مين سامي الأسيوطي لتكمل و هي بغيظ بعد إدراك الأمر و كل الخيوط ُربطت أمامها ببعضها البعض خديجة ..

المجهول بعدم فهم: نعم مش فاهم ...

انجي : اقفل انت دلوقتي .....

ثم تقوم بالاتصال علي خديجة ......

خديجة بهدوء: كنت منتظرة اتصالك .

لتُجيبها انجي بكلمة واحدة: ليه ..

خديجة: لازم يكون حد غيرك في الصورة علشان متتكشفيش ....

انجي بعصبية: و هو انا كنت طلبت منكوا تتدخلوا .

ليُجيبها سامي الذي كان يجلس رفقة خديجة ....

سامي بهدوء : انجي اهدي احنا عملنا كدا علشان خايفين عليكي .

انجي بهدوء: تمام اسحب اسمك من الأسهم و الشركات و متمضيش العقود ...

خديجة محاولة مجاراتها : يا انجي احنا كدا بنحميكي ...

انجي بنرفزة:. و انا مش عايزة كدا زي ما دخلتوا في الموضوع ده تنهوه و ألا انا هنهيه بمعرفتي ....

سامي بعصبية : ما احنا مكناش عملنا كدا لو حضرتك معملتيش المصايب دي و ولعتي الدنيا عليكي ....

خديجة بهدوء: مش انتي عايزة حقك احنا هنساعدك فيه ...

انجي بجديه : و انا مش عايزة مساعدة ساعة بالظبط لو اسمك مختفاش من الأسهم و من المشروع و خليت شخص بنفس اسمك يروح و يعتذر قسماً بالله لكون رايحه بنفسي لعيلة السويفي و معرفاهم إن أنا انجي و هيكون اللعب عالمكشوف و مش هيهمني حاجة تانيه ثم تقوم بقطع الإتصال

سامي بعصبية: انتي مالك انا عايز اساعدك و بعدين انتي ناسيه إن أنا كنت ثم يجد أن الاتصال قطع من جهة انجي ...

خديجة بخوف : هنعمل اي دلوقتي ..

سامي بعصبية : غبية و هتفضل طول عمرها رأيها من رأسها انا مش عارف ليه العناد دا كله ....

خديجة بحزن: انا عارفه..

سامي بعدم فهم: عارفة اي ..

خديجة بحزن و ألم: انجي لغاية دلوقتى مشيله نفسها ذنب اللي حصل لرحمة قدامها انت نسيت أنها لما فاقت فقدت النطق سنتين من الصدمة و اللي هي عملته دا علشان خايفه يحصلنا حاجة بسببها لتُكمل ببكاء طيب تعرف انها عايشه في قوقعه مهما يحصل حواليها مبتحبش تختلط بحد و لا حابه أنها تدخل حد حياتها ....

سامي بحزن : أيوة بس هي دلوقتي بتعرض حياتها للخطر انا معاها أنها لازم تاخد حقها بس انا خايف عليه دي الامانة الوحيدة اللي في حياتنا ولازم تحافظ عليها....

خديجة بألم : عارف اي اللي هيحمي انجي و يرجعها زي الاول ...

سامي بحزن : الحب مش كدا ..

خديجة بتأكيد : فعلاً بس حتي دا هيكون صعب لأنها بعد اللي شافته في حياتها عمرها ما هتحب ..

سامي بهدوء : تمام انا هقوم اسحب اسمي و ابعت واحد تاني بنفس اسمي و يعتذر بالنيابه عني ....

خديجة بحزن: و انا هحاول اكلم انجي . .

سامي و هو يخرج من الغرفة: تمام و ابقي طمنيني عليها . .....

""""""""""""""""""""""""""""""""""""

أما عند بطلتنا فهي تخرج بعد المحادثه و تستقل سيارتها ثم تتوجه للمقابر و منه الي قبر والدتها لتجد ما ليس بالحسبان تجد رجل يبكي بجانب قبر والدتها و لم يستحق الأمر التنبؤ بهوية الشخص الذي لم يكن غير عمار السويفي........

و بعد مرور عدة دقائق ليست بالطويلة يخرج عمار من المقابر ثم تتوجه انجي لقبر والدتها ...

انجي بسخرية و ألم : ياه ليه عين يجي هنا انا مش عارفه اي الجبروت اللي عند الراجل ده ثم تكمل ببكاء وحشتيني اوي يا امي اه يا ماما لو تعرفي انا محتاجالك أد اي نفسي أقول كلام كتير بس مش عارفه انا مقدرتش احافظ على الأمانة معرفتش انقذ اخويا انا اسفه بس اوعدك اني هنقذه و هقف جنبه لغاية ما يخف و ليقطع كلامها صوت خطوات لتمسح دموعه و تستدير فتجد ...

عمار السويفي خلفها........

عمار بصدمة و هو ينظر لعيون انجي : انجي مش ممكن..

انجي بإضطراب : حضرتك بتكلمني ...

عمار بصدمة: انتي مين يا بنتي و بتعملي اي هنا ..

انجي بهدوء علي قدر الإمكان تحاول التحلي به : أبدا اصل اهلي متوفيين و انا متعوده أقرأ لهم قرآن و لاحظت إن القبر دا محدش بيزوره فبزوره معاهم .

بس مين حضرتك انا اول مرة اشوفك هنا .

عمار بحزن : فعلاً يا بنتي انا كنت مسافر فترة بس رجعت انا عمار السويفي و دا قبر مراتي ..

انجي: ربنا يرحمها حضرتك عم مرام و ألا ده تشابه اسماء ..

عمار بإبتسامة: لا انا عم مرام مش تشابه اسماء أومال انتي مين ..

انجي بإبتسامة زائفه : أنا أسيل عمران صاحبه مرام ..

عمار بإبتسامة: اه اول مرة اعرف إن مرام عندها صاحبه اسمها أسيل..

انجي بضيق : لاني كنت مسافره و بعد اذنك لاني أتأخرت و حمدالله على سلامه حضرتك ...

عمار و هو ينظر لملامحها : هنتقبل تاني ...

انجي بسخرية : لا متقلقش هنتقابل كتير ....

ثم تذهب من أمامه لينظر عمار في طيفها : مش عارف ليه مش عايزها تمشي اكيد لو انجي كانت عرفتني ثم يزفر بحزن ربنا يرجعهالي بالسلامة لاني متأكدا إن انجي لسه عايشه دا بس اللي مهون عليا فراقها ربنا ميخيب ظني .....ثم يمسك بهاتفه و يقوم بالاتصال علي الشخص الذي كلفه بالبحث عن انجي ....

عمار بلهفة : ها يا حسن لقيت حاجة ..

حسن : للأسف يا عمار بيه مفيش جديد دا غير إن في شهادة وفاة يعني ......ثم يصمت بإحراج

عمار بضيق: خلاص فهمت .....ثم يقوم بإنهاء الاتصال .....يا رب انت العالم بحالي ......

حبايب قلبي اللي واحشيني مووووت ❤️❤️❤️❤️

بارت طويل أهه ٣٣٢٠ علشان اللي يقول البارت قصير يوريني نفسه 😂😂😂

يا ريت الكل يتفاعل مع البارت و يكتبلي في الكومنتات رأيه في البارت و الناس اللي بتسأل الرواية كام بارت فأنا لسه مقررتش تمام 💜💜💜

أولاً السلام عليكم....

ثانياً/ بالنسبة لرواية #أسيرة_قلبي انا عارفه اني بتأخر في التنزيل و اسفة على كدة بس غصب عني علي العموم انا مش مضطرة ابرر لاي حد بس انا في ثانوية عامة من السنة اللي فاتت و كنت مأجلة مواد علشان كدا انا مضغوطة نفسياً و اكيد ممكن تلاحظوا إن التفاعل كل مدي ما بيقل عن الاول و غير كدا دي اول روايه ليا و عادي جداً ممكن أبطلها نهائي و لا اني اقرأ رأي يزعلني اول يعصبني انا بحب اقرأ كل الكومنتات و ارد عليها بحيث يكون في تفاعل بينا انا والله بكون زعلانة علي التأخير دا اكتر منكم و حاولت كتير جدا اني أوفق بين الدراسة و الكتابة بس مش عارفة و الامتحانات بدأت اكيد مش هضيع مستقبلي علشان انزل بارت بياخد ٣ أو ٤ ساعات ........

و اكتر حاجة مفرحاني من كتابتي للروايه إن أنا عرفت بنات قمر فعلاً و حبيتهم جدا ❤️

و اخيرا دعواتكم ليا بالتوفيق .........

و بعد انتهاء هذا اليوم وبدء يوم جديد ملئ بالاحداث الشيقه و الغامضة عند بطلتنا تستيقظ من النوم بنشاط ثم تتوجه للاستحمام و بعد مرور بعض الوقت تخرج لارتداء ملابسها المكونة من

فستان من اللون الاخضر الذي يناسب لون عينيها تماماً وحذاء عالي من اللون الاسود و جمعت شعرها علي هيئة ضفيرة فرنسية ثم جلست تنتظر الاخبار لكي تقوم بحركتها التالية .....و بعد مرور بعض الوقت يرن هاتفها برقم خديجة

انجي ببرود : ها عملتوا اي ..

خديجة بضيق: عملنا اللي انتي عايزاه سامي سحب اسمه و بعت حد تاني علي أنه رجل اعمال و قابل عمرو السويفي و لغا العقود علي أساس اختلاف أنشطة الشركة عن المجال اللي هو شغال فيه .

انجي : تمام ..

خديجة: طيب انتي ليه مش عايزانا نظهر في الصورة و انا متأكدة اننا نقدر نساعدك ..

انجي : انا عارفه انكم هتساعدوني كتير زي ما انا عارفه برضوا إن وجودكوا هنا هيشتت انتباهي و هفضل قلقانه عليكوا كدا احسن للكل ..

خديجة بحزن : قلبي مش مطاوعني اني اسيبك مع كل الخطر دا لوحدك ...

انجي بألم : نصيب يلا سلام دلوقتي علشان عايزة اطمن علي حازم..

خديجة بتوتر : انجي انتي قابلتي عمار ..

لتصمت انجي عدة لحظات ثم تجيب : اه .

خديجة بخوف : و عرفك ..

انجي بسخرية :معتقدش يلا سلام دلوقتي لاني مشغولة .......

ثم بعد ذلك تأخذ مفاتيح سيارتها و تتوجه الي قصر السويفي.....

*****************************

أما عند بطلنا فهو استيقظ مبكرا كعادته و من ثم توجه للاستحمام و بعد مرور بعض الوقت يخرج لارتداء ملابسه المكونة من تيشرت باللون الاسود و بنطال جينز من اللون الاسود و بليزر من اللون البيج و يرتدي ساعته السوداء وحذاءه ثم يتوجه إلى غرفة الطعام حيث يجلس والديه كعادتهم في انتظاره ...

أيان بإبتسامة: صباح الخير..

إيهاب بإبتسامة : صباح الخير يا حبيبي .

صفية بإبتسامة : صباح النور ...

إيهاب بإستغراب: اي يا أيان انت رايح مقابلة عمل و ألا اي .

أيان بإبتسامة: فعلاً قررت انزل معاك الشركة ..

إيهاب بعدم تصديق: انت بتتكلم جد و ألا بتهزر .

أيان بضحك : لا طبعاً بتكلم جد هي الحاجات دي فيها هزار ...

إيهاب بترقب و هو ينظر لصفية : بس مش غريبة انك مستغربتيش ..

صفية بإبتسامة متوترة : لانه قالي الخبر دا امبارح .

إيهاب بسعادة: تمام يا ابني خير ما عملت انا كنت محتاجلك في الشغل اليومين دول ...

صفية بتوتر : انا عايزة أقولكوا علي حاجة ..

لينظر لها كلا من إيهاب وأيان ليُفضل أيان الصمت ليتحدث إيهاب بإستغراب : حاجة اي دي ...

صفية : انتوا طبعاً سمعتوا عن شركات السويفي اللي اتعرضت للبيع ...

إيهاب بعدم فهم: ايوة احنا مالنا بالموضوع دا ..

صفية بخوف : أصل مروة طلبت مني أننا نساعدها و نشتري الشركتين دول و بكدا نبقي شركا ..

إيهاب بعدم راحة : بصراحة أنا مبرتحش للناس دي أبداً و مش واثق من سمعتهم علشان كدا الاحسن بلاش الموضوع ده انتوا أصحاب علي عيني و علي راسي لكن الشغل شئ و الصداقة شي تاني..

صفية و هي تبتلع ريقها بخوف : لا انا اشتريتهم خلاص ...

إيهاب بعدم تصديق: عملتي اي ...

لتصمت صفية خوفاً مما هي مُقبلة عليه ...

إيهاب بعصبية : ردي عليا عملتي اي اشتريتي شركتين هو حد الك إنهم لعبتين و ازاي تعمل حاجة زي دي من غير ماترجعيلي أو تستشيريني جاية بعد ما خلصتي تقوليلي ...

صفية بضيق : و فيها اي يعني انا اشتريت ٢٠٪ من أسهم الشركات يعني بقينا شركاء عمل فيها اي دي ..

أيان بسخرية: مفيهاش حاجة خالص دا يادوب شركتين واقعين في السوق شئ لا يُذكر يعني ....

صفية بعصبية: في أي يا أيان اتكلم معايا بأسلوب كويس اي طريقة كلامك دي ..

إيهاب بعصبية مماثلة: بقا هو أسلوب في الكلام مش عاجبك و بالنسبة لاسلوبك انتي في الحياة عامةً نظامه اي معاكي ...

صفية بضيق: اهو اللي حصل بقا ..

إيهاب بغضب : يلا يا أيان نروح احنا علي شركتنا و خلي الست والدتك تروح تشوف شركتها ليتابع بسخرية مع السلامة يا صفية هانم

ليقف أيان من مكانه و ينظر لوالدته لعدم تصديق من تصرفاتها الغير معقول او موزونة البته .....

صفية. : الحمد لله الوضع عدي علي خير مش فاضل غير اني اقنع أيان أنه هو اللي يتابع شغل الشركتين دول و مروة تخلي مرام تشتغل معاه في الشركة و بإذن الله تعجبه و يقدروا يتعرفوا علي بعض ....

***************"********************

أما في قصر السويفي حيث انهي الجميع تناول طعامه مع تحسن الحالة الصحية لحازم ليجلس حازم و عمار و رغدة و مرام في الحديقة بينما في الداخل في غرفة المكتب يجلس كلا من عمرو و فريدة و مروة ......لتقص عليهم مروة ماحدث مع صفيه

بالتفصيل .

فريدة بفرح : براڤو عليكي يا مروة كدا احنا بقا معانا شريك قوي في السوق و ده هيرفع من اسمنا من تاني صحيح مش زي الاول بس اهو هيمنع مشاكل كتير ...

عمرو بإستغراب: بس ازاي إدرتي تقنعي صفية أنها تشتري الشركتين مع إن المفروض إيهاب رجل اعمال شاطر و ذكي جدا و عمره ما ليدخل في مشروع خسران ..

فريدة بتأييد : فعلاً دا إبنه أيان داهية لوحده إزاي عملتي كدا

مروة بسعادة: اهو دي اسهل حاجة انا عملتها في حياتي انتوا عارفين انها صاحبتي جداً دا غير أنها عايزة تجوز أيان لمرام فأنا استغليت دا منها تنقذنا و منها اقرب ابنها من مرام .

فريدة بلهفة : يا ريت مرام تتجوز أيان دا هيكون اكبر إنجاز النا في الوقت ده ...

عمرو بعدم رضي : اي يا ماما اللي حضرتك بتقوليه دا انا لا يمكن اسمح لحد أنه يستخدم بنتي علشان الفلوس .

مروة بسخرية : كدا كدا بنتك هتموت علي أيان دي مجنونة بيه و بعدين دا احسن قرار ليها و هي نفسها إن دا يخص بس أيان اللي مش مديها فرصة حتي .

عمرو بعدم تصديق : انتي متأكدة أنها بتحبه .

مروة بتأكيد: طبعاً..

فريدة بعصبية : احنا في أي ولا اي خلونا نشوف اللي ورانا ..

عمرو : تمام ..

فريدة بتذكر : اه صحيح عرفت حاجة عن سامي الأسيوطي..

عمرو : اه فعلاً اسمه كدا بس طلع تشابه أسماء ة اللي اكدلي أنه سحب اسمه و مش رضي يشتري الشركتين لأنهم مش نفس تخصص المجال اللي هو شغال فيه..

فريدة براحة : الحمدلله دا فكرت إن هو اللي وراء كل المشاكل دي .

عمرو بتأييد: فعلاً لو كان هو كانت هتبقي كارثة و خصوصاً إن إحنا مش عارفين نسيطر علي عمار ..

فريدة : خلونا دلوقتي في المهم اننا نرجع سمعتنا و بعد كدا ندور علي اللي عمل كدا ..

مروة : فعلاً انا رأي من رأي ماما ..

فريدة : يلا اطلعي انتي يا مروة و اقعدي معاهم في الجنينه انا عايزة عمرو في موضوع مهم ..

مروة: تمام .

ثم تخرج تتركهم مع أنفسهم و تتوجه حيث يجلس بقية العائلة .....

أما في الحديقة حيث يتحدث حازم مع والده ..

حازم باحراج : انا أسف يا بابا انا عارف إن أنا خنت ثقتك فيا و خذلتك بس بإذن الله هتكون اخر مرة..

عمار بحنان : يا ابني انت اللي فاضلي في الدنيا مش عايز اخسرك انت كمان ..

حازم بتذكر : ألا صحيح يا بابا اي موضوع أننا عندي اخت اكبر مني دا ..

عمار و هو ينظر لرغدة : و انت عرفت الموضوع دا منين .

حازم : اصحابي كلهم عارفين من المؤتمر اللي حضرتك عملته .

عمار بتنهيدة : لما تخف هحكيلك كل حاجة بس انت دلوقتي محتاج راحة كل اللي اقدر أقولهولك إن انت عندك اخت اكبر منك ...

حازم باستغراب : بجد طب هي فين و ليه لغاية دلوقتى مسمعتش عنها حاجة قبل كدا ..

عمار باختصار : كانت مع مامتها يا حازم و مامتها لما ماتت انجي اختفت.

حازم : هي اسمها انجي ...

عمار بإبتسامة حزينة : كان اختيار مامتها ربنا رزقني بيها و بعدين رزقني بيك ...

حازم بإبتسامة : طيب مش معاك صورتها ....

عمار بحزن : للاسف كان في اليوم صور لانجي بس اختفي أو مش عارف رحمة كانت شايلاه فين ب......

ليقطع حديثه دخول انجي ..

انجي بإبتسامة مزيفة : صباح الخير يا جماعة ..

مرام بإستغراب: أسيل بتعملي اي هنا ..

مروة التي جاءت في نفس توقيت وصول انجي: اي يا مرام في حد بيقابل حد كدا .

مرام باحراج : اسفة مش أصدي بس اصل أسيل مقلتليش أنها جايه فاستغربت مش اكتر ...

انجي بإبتسامة: انا حبيت اطمن علي حازم ..

حازم بإبتسامة: انا الحمد لله تمام انتي اخبارك اي يا أسيل ..

انجي بحنان : دايما يا رب انا الحمد لله تمام اخبار العلاج اي ..

عمار بإبتسامة: أهلا يا بنتي نورتي ..

انجي بسخرية غير ظاهرة : منور بوجود حضرتك يا عمو ...

مرام و هي تقدم عمار : دا يا أسيل عمي عمار بابا حازم و زوج طنط رغدة و دي يا عمو أسيل مش من هنا بس اتعرفت عليها علي السوشيال ميديا و هي صحافية و لسه متخرجة جديد ..

عمار : اه اتشرفت بمعرفتك يا بنتي.

انجي ببرود : الشرف ليا يا عمو ...

رغدة بسخرية: لو خلصتوا فقرة التعارف تشربي اي يا أسيل ...

انجي بنفي : لا شكراً يا طنط مش عايزة اشرب حاجة .

لتتحدث فريدة التي خرجت برفقة عمرو الي الحديقة بعد الإنتهاء من مخططهم بسعادة .: لا ازاي دا احنا كلنا لازم نشرب حاجة مع بعض بالمناسبة السعيدة دي ...

لتنظر لهم انجي بصدمة كبيرة فهي توقعت انها ستجدهم حزناء غاضبون حاقدون اي شئ عدا أن تجدهم ....سعداء ...كيف هذا ...ماذا يحدث هنا الان

رغدة بإستغراب : و دا بمناسبة اي بقا..

فريدة بفرح : استني الاول لما يجيبوا العصير اهو ايجا كل واحد ياخد كوباية ...

ليأخذ كلا منهم الكأس الموجودة أمامه ...

عمار بضيق : لو كنتوا خلصتوا الاستعراض بتاعكم يا ريت تقولولنا اي هو الخبر دا ..

عمرو بسعادة: طبعاً انتوا عارفين إن بسبب الاخبار اللي كانت منشورة عننا خسرنا شركتين مهمين جدا بالنسبة النا ..

مروة بسعادة غامرة: و الحمدلله المشكلة دي انحلت و الشركتين اتباعوا ....

ليحمر وجه انجي مش شدة الغضب لتحاول تدارك الأمر لتقوم بتناول كأس من الماء دون لفت انتباه .

عمار بعدم فهم : أيوة يعني المشكلة اتحلت إزاي معرفناش ..

فريدة بإبتسامة: يعني ملخص الموضوع احنا بقينا شركاء مع إيهاب الجارحي لان صفية اشترت الاسهم اللي قيمتهم ٢٠٪ من أسهم شركاتنا ..

مرام بفرح: بجد انا مش مصدقه نفسي. ..

انجي بإبتسامة مزيفة : مبروك و الحمدلله عدت علي خير ...

فريدة : الحمدلله و احنا عاملين بكرة احتفال بالمناسبة دي و عايزينك انتي اللي تتولي الموضوع ده..

انجي بعدم فهم: مش فاهمة يعني اعمل اي .

عمرو بإستغراب : مش انتي يا بنتي صحافية يبقي انتي اللي هتتصلي بالصحافة ..

انجي بإستدراك : اه تمام ..

حازم بلهفة : و انا هساعدك بدل ما انا مبعملش حاجة و زهقت دا لو معندكيش مانع ..

انجي بحنان: اكيد معنديش مانع .

حازم بمرح : اشطا من بكرة الصبح هتلاقيتي نايم في الجنينه...

انجي بضحك : مش للدرجادي .

حازم : انتي متعرفيش الراحة في السرير مملة أد اي .

عمار بسخرية : راحة اي يا ابني دا انت بقالك تقريباً ٣أيام بس أومال لو ٣ أسابيع كنت عملت فينا اي ..

حازم بمرح : كنت هعمل كتير علي فكرة عدوا من النهارده لغاية ٣ أسابيع لما نشوف ...

مرام بإستغراب : بس إزاي أيان ميقوليش أنهم اشتروا الشركتين ..

مروة بتبرير : لان صفية هي اللي اشترت الشركتين و أيان ميعرفش ....

مرام : ازاي يعني ....

فريدة بضيق: مش وقت ازاي و مش ازاي المهم إن دا حصل ..

لتستاذن انجي بالانصراف : طيب استأذن انا يا جماعة .

فريدة بإستغراب : هو انتي لحقتي يا بنتي ..

انجي بإبتسامة مزيفة: مضطرة امشي لاني عندي شغل كتير و كنت حابة اطمن علي حازم و اسفة اني جيت من غير معاد بس إن شاء الله مش هتتكرر تاني.

عمار بعتاب : عيب يا بنتي الكلام دا انتي صاحبة مرام و بيتنا هو بيتك ...

انجي بسخرية: معتقدش يلا سلام عليكم ...

لينظر عمار في أثرها بشرود ليقطع شروده صوت رغدة ..

رغدة بضيق : انا مش عارفة يا مرام انتي ضاقت الدنيا في وشك علشان تصاحبيلنا من خارج الدولة .

مرام بإستغراب: ليه يا طنط بتقولي كدا ..

رغدة : بصراحة أنا مبرتحش لأسيل دي نهائي ..

فريدة باعتراض: بل بالعكس تحسي انها بنت هادئة و محترمة و طموحه كمان ...

عمرو: فعلا و ذكية جداً و بعدين لو مش كانت موجودة معانا مكناش عرفنا نخلص من موضوع الصحافة ...

رغدة بسخرية: و مش ملاحظين حاجة..

لينظروا لها بعدم فهم فريدة : أصدك اي ...

رغدة بتبرير : يعني كل المشاكل ايجت من لما شوفناها مش عارفه بس مبرتحلهاش خالص ..

مرام : لا يا طنط معتقدش لأنها طول عمرها عايشة برا مصر و مستواها الإجتماعي كويس ...

عمرو بتأييد : و بعدين انا بحثت عنها و اخبارها قربت توصلي بس مفيش اي حاجة تستدعي انك تشكي كدا ...

عمار بسخرية: هي دي عادتها و ألا هتشتريها لازم تعمل فيها تشارلوك هولمز...

فريدة : خلاص اسكتوا نكدتوا عليا الله يسامحكوا يلا كل واحد يشوف هو كان رايح فين و انا داخلة استريح شوية في أوضتي .

مروة : تعالي معايا يا مرام عايزاكي في موضوع مهم ..

مرام : تمام يا مامي يلا ..

******************

أما خارج القصر عند بطلتنا تقوم بصعود سيرتها و قيادتها لتقصي سرعة ...

انجي بعصبية : اه غبية انا مش عارفه هتعمل اي بالشركتين غبية ضيعت كل اللي انا عملته لتقوم بخبط الدريكسيون (الصراحة مش متأكدة من اسمه 😂😂) عدة مرات هعمل اي دلوقتي كدا هضطر اني ادخل للشركة بنفسي كدا هغير كل الخطة يعني دا كله اخلاص عندها مش عارفه انا نفسي امسكها دلوقتي اقسم بالله لو مسكتها مش عارفة هعمل ايه....

لتقوم بإمساك هاتفها و الاتصال علي المجهول .

المجهول بسخرية : اي دا انجي هانم بنفسها بتت.....

ليقطع حديثه صراخ انجي..

انجي بغضب : سيبك دلوقتي من انجي و زفته الخطة اتغيرت ...

المجهول بعدم فهم: مش فاهم ازاي .

انجي بسخرية: انا حاسه انك مخك تخن و مبقتش بتفهني زي الاول اي اللي مش مفهوم بالنسبة الك في جملة الخطة اتغيرت ...

المجهول بسخرية و عصبية : يمكن علشان انتي متخلفة و كل شوية تحطي خطة و تغيريها ما تمشيها علي الله و خلاص و ألا اقول اتعاملي علي حسب الموقف اللي هتتحطي فيه ...

انجي بعصبية: انت هتستظرف بقا و ألا اي ..

المجهول بتنهيدة : و لا هستظرف و لا هتنيل علي عيني انتي عايزة اي و انا اعمله ...

انجي بمحاولة السيطرة على غضبها : تمام ٥ دقايق و هتصل عليك لاني في الطريق وسايقه دلوقتي و عفاريت الدنيا كلها بتتنطط في وشي و حاسه اني تكه و هتفجر ...

المجهول بسخرية: هو بعيداً عن انك عاملة زي القنبلة الموقوته من يوم ما عرفتك بس ممكن اعرف سبب عصبيتك دي ...

انجي بسخرية أشد: لا أبداً كل الحكاية إن اللي انا عملته دا كله راح علي الفاضي صفية الغبية اشترت الشركتين اللي عملت دا كله علشان يقعوا تقوم هي اسم الله عليها الإخلاص عندها في الليڤل النهائي فحبت تقف جنب صاحبتها تقوم تعمل اي تشتري الشركتين المهم في ال ٥ دقايق دول عايزاك تعمل بحث عن الشركتين دول بحث شامل كام دور عدد رجال الأمن السيرة الذاتيه للموظفين . ثم تقوم بفصل الخط ....

*****************************

أما في قصر السويفي و خاصةً في غرفة مرام ..

مروة : ها يا مرام فهمتي اللي انا قولته ...

مرام بسعادة: بجد يا مامي يعني انا هروح الشغل مع أيان ..

مروة بتأكيد: طبعاً انتي هتكوني شريكة معاه و ألاهم من دا كله انك لازم تثبتي نفسك أُدامه و لازم تتقربي منه قبل ما يضيع من أيدك اهي الفرصة جتلك لحد عندك و يا ريت تعرفي تستغليها كويس جدا ...

مرام بضيق : بس أيان مش معبرني يا مامي و لا كأنه شايفين ُأدامه مش عارفه اعمل ايه علشان الفت انتباهه ...

مروة بمكر : خليكي وراه في الشركة اي عشاء عمل لازم تحضرني أي اجتماع لازم تبدي رأيك و تلاقي افكار جديده لان أيان ذكي جداً و يحب الانسانه الذكية طولت ما هو أُدام عينك متسبيهوش لحظة واحدة ...

مرام : تمام يا مامي هعمل زي ما حضرتك عايزة بالظبط ..

مروة بسعادة: و بعدين دا كفاية إن صفية عايزة تجوزك لابنها و بتعمل دا كله علشان تتجوزا و انتي لازم تكوني مطيعة أُدامها و لازم تكوني زي ما هي بتتمني لو كسبتي صفية هتكسبي أيان و إيهاب فهمتي ..

مرام بفرح : فهمت يا ماما و هعمل زي ما انتي بتقولي بالحرف الواحد ..

مروة : شطورة يا روح مامي يلا اطلعي اعملي شوبينج و روحي البيوتي سنتر علشان حفلة بكرة عايزاكي كالعادة احلي واحدة في الحفلة ..

مرام بغرور : اكيد يا مامي يلا هروح انا باي ..

مروة بإبتسامة : باي يا قلب مامي ...

""""""""""""""""""""""""""""""""""""

و بعد مرور أقل من ٥ دقائق تصل انجي لمنزلها ...

لتجد هاتفها يرن برقم منه ..

إنجي بنتهيدة : دا انا نسيت الشغل ..الو السلام عليكم.

منه : و عليكم السلام ورحمه الله اي يا أسيل مجيتيش ليه لحد دلوقتي كنت مفكراكي منضبطه في المواعيد و ألا اتحسدتي ..

انجي باعتذار : أسفه والله يا منه كنت جاية بس حصلتلي ظروف و معرفتش اجي و احتمال اغيب كام يوم ..

منه بإستغراب : كام يوم اي يا بنتي دا انتي مكملتيش اسبوع ..

انجي بتفكير : مشاكل بس الإقامة و كدا و بعدين أساسا ً انا مبشتغلش شغل مهم لاني لسه بدرس و يا ريت تعتذري بالنيابة عني لمستر جاسر و انا بإذن الله هتصل عليه و اعتذر منه ..

منه : خلاص تمام يا أسيل و لو احتجتي لاي حاجة و انا هقدر اساعدك فيها يا ريت متتردديش ...

انجي : تمام يا حبيبتي تسلمي..

لتنهي بعد ذلك الاتصال وتتوجه للمطبخ ثم تأخذ كوب من الماء و ترتشف بضع قطرات من الماء ..

انجي بمحاولة لتهدئة نفسها : اهدي تمام احنا ليه في الاول و مش كل حاجة هتمشي زي ما انتي عايزة اهدي يا انجي لتنظر لكأس الماء الذي في يدها لا مش قادرة لتقوم بقذفه بعيداً ليرتطم بأرضية المطبخ. .......

ليقطع عليها نوبة غضبها رنين هاتفها لتجد المتصل صديقها المجهول.......

انجي : الو

المجهول بمرح : انا فكرتك اتفجرتي و ألا حاجة .

انجي بسخرية: لا متقلقش مش هتفجر غير في وشك المهم عملت اي في اللي قولتلك عليه ...

المجهول بتنهيدة : انجي انا لو ساحر كنت هاخد وقت اكتر من كدا صدقيني المهم ساعتين و كل حاجة تكون عندك .

انجي بضيق : ساعة و المصنع اللي انا هبعتلك اسمه معاهم تمام و عايزة ................

المجهول بذهول : انتي تعملي اي بالظبط علشان اكون عارف ...

إنجي بإبتسامة: مفاجأة المهم تعمل اللي قولتلك عليه و انا هنا هعمل اللي عليا ..

المجهول بخوف: و ربنا ما بخاف غير من مفاجأتك دي

انجي بمرح : لا متخافش اقف و اتفرج من بعيد..

المجهول بسخرية: ابعد من كدا اي عايزاني أخرج من الكوكب و اريحك ...

انجي ببسمه خفيفة : مش للدرجادي ...

************************************

أما عند بطلنا فهو وصل مع والده للشركة الخاصة بهم ثم ركبوا المصعد و توجهوا للدور المخصص لهم .....

إيهاب: تعالي يا أيان المكتب بتاعي علشان عايزك في موضوع مهم ...

أيان بمرح: و لو مش مهم يا حاج علي أساس إن أنا ورايا شغل و كدا ...

إيهاب بإبتسامةبعد أن دخل الي مكتبه الخاص و من خلفه أيان ليجلس كلا منهم علي مقعد ..

إيهاب بتنهيدة : طبعاً انت عارف يا ابني أن بعد ما مامتك اشتركت مع شركات السويفي لازم يكون في شخص شغال معاهم ...

أيان بضيق : و حياة عيالك ما تقول اللي انا بفكر فيه ..

إيهاب بضحك : ههههه عيالي مرة واحدة هو انا عندي غيرك المهم ما اكيد مش هنسيب الشغل في أيديهم ..

أيان يشرح ما يدور في عقله بصراحة : بصراحة يا بابا انا مبرتحش للناس دي أبداً و مكنتش اتمني اني اتعامل معاهم ابداً بس حضرتك شايف الموقف اللي ماما حطتنا فيه و انا مضطر اروح و اشتغل هناك و اقسملك ب اي إن ماما عملت كدا علشان اشتغل مع عيلة السويفي علشان اتقرب من مرام و هي عارفة وجهة نظري بس هي حابه تحطني أُدام الأمر الواقع و بس انا مش عارف هي هتستفتد اي من دا كله ...

إيهاب بحزن : انا عارف مامتك بتعمل كدا ليه يا أيان ..

أيان بإستغراب: ليه يا بابا ..

إيهاب منهي الموضوع: مش دلوقتي يا ابني لما ييجي وقتها انا خلقي احكيلك كل حاجة ...

لينظر أيان لوالده بضع لحظات ثم يقول : اللي حضرتك شايفه صح اعمله يا بابا انا ماشي ..

إيهاب بإستغراب : ماشي رايح فين يا ابني انت مقولتش انك هتشتغل هنا ...

أيان بضيق : دا كان قبل ما الست ماما تشتري و تبيع و تخطط مع نفسها ..

إيهاب بتحذير : أيان احترم نفسك و انت بتتكلم عن مامتك ..

أيان باختناق : بلا أيان بلا بطيخ استأذن انا يا بابا ..

ليخرج من المكتب تاركاً وراءه والده ينظر في أثره بحزن ....: هتعملي اي تاني يا صفية حابة تعيدي الماضي و تعوضي نقصك علي حساب سعادة ابننا ....

************************************

أما في الخارج يتوجه أيان الي سيارته و يقوم بقيادتها ليمسك بهاتفه و يقوم بالاتصال علي آسر .

أيان : الو ..

آسر بمرح : اي يا ابني مش قادر علي بُعدي للدرجادي ...

أيان بسخرية : لا ازاي تعالي زورني في المستشفي لاني قطعت شراييني من بعدك عني ...

آسر بتذمر : تمام عايز اي يا عم علي الصبح و بعدين انا مش في الشغل ..

أيان بضيق: بقولك اي انا مخنوقه تعالي نتقابل ..

آسر بحيرة : مش عارف بس كان المفروض نخرج انا و ميرنا النهارده ..

أيان بإبتسامة: خلاص اتصل علي أسيل و خليها تنزل مع ميرنا و انا و انت هنخرج شويه و بعدين نتعشي سوا و نروحهم ...

آسر بمكر : اه أسيل قول كدا اي يا اسطا وحشتك ..

بس من حقك البت صاروخ ..

أيان بغيرة و ضيق : صاروخ لما سفرتك دماغك هو انا ناقصك ...

آسر بفزع : اي يا عم كنت بهزر ..

أيان بتحذير : احترم نفسك و انت بتتكلم عنها تاني تمام ..

آسر بإستغراب : اي يا عم انا بهزر معاك ..

أيان : تمام اعمل اللي انا قولتلك عليه انا هروح استريح في البيت ساعتين و بعدين هبقي اقابلك تمام ..

آسر : تمام ......ثم يتوجه لميرنا...

آسر : ميرنا بقولك أيان صوته متغير و حابب أننا نتقابل اي رأيك تتصلي علي أسيل و تاخديها معاكي و انا هخلص انا و أيان و اجيلك و بيني و بينك شكل أيان حب أسيل أو علي الاقل معجب بيها ..

ميرنا بفرح : بجد يا ريت يا آسر انت متعرفش انا حبيتها أد اي ..

آسر بإبتسامة : تمام اتصلي بيها و اعرفي لو فاضية و بالمرة يتقابلوا بس اتحايلي عليها لغاية متوافق ..

ميرنا بفرح: خلاص تمام و ممكن بدل الفرح يبقوا اتنين ...

آسر بمرح : انتي تعملي زي طنط صفية و ألا ايه ..

ميرنا بضحك : مفيش حد في الدنيا يقدر يعمل زي طنط صفية دي بتخلي أيان اللي الكل يشهد ببرود أعصابه عينيه بتطلع شرار عليها أفعال يا لهوي ..

آسر : طب يلا اتصلي علشان نشوف هنعمل اي ...

لتقوم ميرنا بمهاتفت انجي و طلبت منها الحضور و لكن رفضت انجي لكثرة الأعمال التي يجب أن تقوم بها و لكن مع إلحاح ميرنا المستمر اضطرت انجي للموافقة لكي لا تُحزنها ... ............

بارت علي السريع يا حبايبي وحشتوني جدا جدا ❤️ و بشكركوا جدا علي كومنتاتكوا المشجعة ويعتذر منكم علي الفترة اللي فاتت ........

يا ريت الكل يقولي رأيه في الكومنتات و يتفاعل مع البارت و يعمل فولو للاكونت