رواية اسيرة قسوته الفصل السادس 6 - بقلم ساسو خليل

كريم مسك شعر سما وضربها بالقلم. رحمة ابتسمت بشماتة. سما اتصدمت من ضربه كريم ليها: إللي إنت عملتو ده! كريم بغضب وهو لسه ماسكها: انتي كمان ليكي عين تتكلمي؟ يا خاينه يا زبالة! أنا كنت عارف إنك ماشيه على حل شعرك من المسخرة إللي آنتي بتلبسيها. سما شالت إيده مع علي شعرها: اوعي! قطع لسانك! أنا أشرف منك ومن مليون واحد زيك وشريف ده يبقي إبن خالتي وأخويا في الرضاعة والقلم ده هتدفع تمنه كويس أوي يا كريم!

والكلام إللي إنت قولته ده أنا عارفه إن في حد لعبلك في دماغك بيه. وراحت بصت على رحمة إللي بصت في الأرض بتوتر. سما رجعت بصت لكريم: بالمناسبة الخيانة فإحنا عارفين كويس أنا وإنت مين الخاين كويس! أعرف حدودك معايا يا كريم! أنا مش سما العبيطة بتاعة زمان إللي تتزعقي ليها وتسكتي! لا! فوق يا كريم يا هواري! بتكلم مين؟ أنا سما الشعراوي إللي إنت عايش في ملكها! وبعدين قربت من ودانه: دور كويس مين إللي بيخون مين. وبعدت عن

كريم بصتله بابتسامة ثقة: يلا يا شريف. وكانت هتمشي. كريم مسك أيدها: انتي رايحة فين؟ إنتي تمشي معايا. سما نفضت إيده: اوعي إيدك من عليا! إنت ملكش حكم عليا. كريم بعصبية: أنا جوزك! سما: من إني اتجاه ده؟ إنت حتة! من ساعة ما اتجوزنا مش بتعتبرني مراتك! دلوقتي بقيت مراتك إنت ذات نفسك! قولتلي إن رحمة هي بس إللي مراتك! أنا مليش دخل بيك! وقريب أوي يا كريم هنطلق بس انفذ إللي في دماغي الأول! لا يا شريف. وخرجت من المطعم.

شريف بغل قرب من كريم: أنا كنت هحاسبك على القلم بتاع سما ده بس أنا عارف سما هتعمل إيه! هتاخد حقها بإيدها! إنت غلط أوي لما مديت أيدك على سما! استحمل بقي إنت السنيورة إللي جمبك دي. سما كانت واقفه قدام العربية سرحانة. شريف قرب منها. شريف بقلق: سما! آنتي كويسة؟ سما بصتله وهزت راسها من غير كلام. شريف فتح ليها العربية وهي ركبت وهو ركب وساق. شريف وهو سايق: سما! اتكلمي متسكتيش كده. سما كانت لسه ساكتة. شريف بحنيه: عيطي يا سما!

عيطي يا حبيبتي. سما بصتله وابتدت تعيط. عيطت جامد أوي لأنها مهما كانت قوية قدامهم فهي من جواها ضعيفة. فضلت تعيط أوي مش من القلم بس لا من كسرتها قدام نفسها. شريف وقف العربية وحضنها وهي مسكت في حضنه جامد: عيطي يا سما! لو ده هيريحك! أنا معاكي لحد ما تهدي خالص. سما فضلت ماسكة فيه وهي بتعيط: كسرني أوي يا شريف! كسرني أوي وبقى شكلي زبالة قدام كل أللي في المطعم. شريف: ياختي الناس دي مش هتشوفيهم تاني وهيُنسى!

المهم أنتي لازم تاخدي حقك منه! ترديله القلم ده أضعاف! إيه رأيك لو تسيبي رحمة تعمل فيها إللي هي عايزاه؟ سما بدموع: لا يا شريف! ماهي فلوسي! شريف: فلوسك برضه! ماتسيبي ياخد جزاه على إللي عمله فيكِ. سما قامت من حضنه: مينفعش يا شريف! ده مهما كان أبو ابني. شريف تنح: ها! إبن مين؟ سما: ابني يا شريف! أنا حامل. شريف: إيه! أمتى ده يا بت؟ سما: عملت التست وطلع إيجابي! وعلشان أتأكد أكتر رحت عملت تحليل في المستشفى وطلع إيجابي برضه.

شريف بفرحه: يلهووي! هتبقى مامي يا صغننة. سما ضحكت: ههههه وأنت هتبقى خالو. شريف: الله! هيبقي عندي ولاد أخت هيقولولي يا خالو! يااه! تولدي بسرعة يا بت! سما ضحكت: أولد بسرعة إيه! أنا في الأول. شريف: يا روح قلبي! ربنا يتمم ليكي على خير وتقومي بالسلامة. سما: حبيبي يا رب! قولي بقى إيه الموضوع إللي إنت كنت عايزني فيه. شريف بتذكر: آه صح! ماهو الزفت جوزك ده قطع علينا اللحظة! آه! أنا تقريبا كده لقيت فتات أحلامي. سما بفرحه:

بتهزر صح؟ هتتجوز يا شريف؟ شريف: أتجوز إيه! أنا بقولك تقريبا مش أكيد يعني. سما: وهي مين بقى سعيدة الحظ؟ شريف: واحدة عندي في الشركة اسمها ابتسام بس عسولة خالص! هبقي آخدك مرة تشوفيها. سما: اشطا يا باشا! روحني بقى عايزة أنام. شريف: لا تنامي إيه! أنتي مش كنتي جعانة؟ هنروح ناكل! وبعدين إنتي دلوقتي بتاكلي نفر تاني مش أنتي بس! يلا! سما: ماشي! يلا! ومشيو بالعربية تاني. في البيت.

كريم كان قاعد على السرير ورحمة قاعدة على التسريحة. رحمة وهي بتسرح شعرها: مالك يا بيبي؟ سرحان في إيه؟ كريم بصلها بخنقة: بقولك إيه! ابعدي عن وشي! أنا مش ناقصك. رحمة اتصدمت من رده: إيه ده؟ إنت بتكلمني أنا كده يا كريم؟ كريم بعصبية: يوووووه! وقام طلع بره البيت كله. رحمة بغل: ماشي يا كريم! إما أوريك إنت والهانم ميبقاش اسمي رحمة. وبعدين طلعت تليفونها وعملت مكالمة. رحمة بغل: هنفذ.