رواية أسير ليلى الفصل الحادي عشر 11 - بقلم الاء أسامة

خالد: ليلى، أنا يشرفني إني أطلب إيدك. تتجوزيني؟ ليلى بصدمة: نععععم؟ في أثناء ذلك، دخل أسر. أسر: مش عيب تطلب الجواز من واحدة متجوزة؟ خالد بصدمة وهو يشعر أن خطته في طريقها للفشل: متجوزة!! أنت بتقول إيه يا بتاع أنت؟ أسر: احترم نفسك وأنت بتكلمني، واتفضل من غير مطرود. خالد بشر: خليك قد كلامك عشان هتندم. أسر بسخرية: طب يلله من هنا عشان متزعلش. بعد ذهاب خالد: ليليان: إيه اللي قلته ده يا ابني؟ أسر: قلت إيه؟

أنا مقلتش غير الحقيقة يا أمي. ليلى بصدمة: الحقيقة؟ أسر: بصي، اهدي وأنا هحكيلك. ليلى وهي تحاول السيطرة على أعصابها: اهو هديت، اتفضل اشرحلي بقى إيه اللي بيحصل ده. أسر: بصي، اللي حصل... (وروى لها ما حدث) . اللي مش فاكر، يقرأ البارت الثامن. ليلى بعد ما سمعت: أنتم إزاي تعملوا كده؟ هو أنا لعبة في إيديكم عشان تعملوا فيا كده؟ أنا تعبت. ثم صعدت إلى غرفتها وجلست تبكي على حالها. في الأسفل:

ليليان: طب يا ابني، مش هتقللي برضه مين اللي ورا كل ده؟ وفين مراد؟ أنا مش مصدقة إنه سافر فجأة، هو عمره ما عملها. أنا عايزك تفهمني كل حاجة. أسر: طب ممكن نروح مكان ميكونش فيه حد. ليليان: تمام، هلبس ونخرج. أسر: تمام، خدي راحتك. في مكان آخر: خالد: بقى أنا خالد المهدي اتطرد ومن مين؟ من حتة رائد لا راح ولا جه. والله لأندمه على كل كلمة قالها، وأنت يا مراد بيه، موتك هيبقى على إيدي وهتندم. في مكان آخر: ليليان: خالددد! إزاي؟

أسر: مفيش حد كان مصدق، ومفيش مبرر للي هو بيعمله. كل اللي أعرفه إن اسمه "شبح المافيا"، وإنه بيتاجر في السلاح والمخدرات، وكل اللي بيعمله لسببين: الفلوس وباباه. ليليان: باباه مات من زمان بالكانسر، وليان أختي تجاوزت موته بصعوبة، مع إنه كان بيسيبها ويسافر كتير، وأولاده ملحقوش يتعلقوا بيه. أسر: لسه التحريات شغالة، والأخبار كلها هتوصل لينا بالليل. ليليان: طب ومراد، أنا عايزة أشوفه.

أسر: مقدرش آخد خطوة زي دي بدون علم مراد بيه، وده للأمان. ليليان بخوف: ربنا يستر. في مكان آخر: أدهم: استهدى بالله يا عمي، كل حاجة هتبقى بخير. مراد: لا إله إلا الله. أهدى إزاي؟ أنا مش عارف أقعد كده. أكيد خالد عرف دلوقتي لعبتنا، وأنا متعودتش إني أستخبى. أنا الحوت اللي الكل بيعمل ليه حساب، أقعد مستخبي كده عشان إيه؟ أدم: متنساش يا مراد بيه، إحنا بنشتغل وإحنا هنا، ومش ساكتين. يعني وجودنا هنا ليه أهمية، مش ع الفاضي.

أدهم: لحظة بس، فيه مكالمة من محمد بيه. مراد: كنت مستني المكالمة دي من زمان، هاتولي التليفون. قام مراد بالرد على المكالمة. مراد: أهلاً بمحمد باشا، والله ليك وحشة. محمد: كده يا مراد بيه، تغيب عننا الغيبة الطويلة دي؟ مراد: أنت صدقت ولا إيه؟ ده أنا شايفك من أسبوع يا راجل. محمد: نعمل إيه بقى، حكم القوي. مراد بجدية: المهم، طلع هو صح؟ محمد: زي ما توقعت بالظبط، طلع هو. طول عمرك حوت. مراد: والخطه ماشية تمام.

محمد: تمام جداً، مفيش غلطة. مراد: تمام، وابقى عرفني أول بأول. أدهم وأدم في نفس الوقت: إيه اللي بيحصل؟ وطلع مين رئيس المافيا؟ مراد: مش هتصدقوا هو مين. أدم: مين؟ مراد: محمد أبوه. أدهم بصدمة: ازااااي؟