رواية اطفت شعلة تمردها الفصل السادس والأربعون 46 - بقلم دعاء احمد

هل أخبرك بأحد أسراري؟ أنا أحبك… بين طيات قلبي محفور اسمك… تقف إيمان أمام حاجز النافذة تضم جسدها بيديها… تخاف… هي من تدفعه ليستمر في تحقيق حلمه… لكن هل حقًا مستعدة للبعد؟ … يتركها شهور يسعى وراء هدفه وهي أيضًا تسعى من أجل حلمها… مر يومان وهي في صراع… بين رغبتها ورهبتها. أفاقت من شرودها على صدح رنين جرس الباب… استدارت تأخذ حجابها من على ذراع الكرسي في غرفة نومها. خرجت بعد ثوانٍ وهي تضبط هيئتها. إيمان: مين؟

= أنا يا إيمان… ابتسمت بلهفة ما إن سمعت صوت والدها. احتضنته بسعادة واشتياق. "بابا… أنا محتاجة أتكلم معاك…" انتاب جلال الشعور بالخوف… ليقول بضراوة وهو يبعدها عن أحضانه: "في إيه؟ انتي كويسة؟ يوسف عملك حاجة؟ ابتسمت بسعادة ولمعت عيناها بحب. = تعالي بس ادخل كدا يا باشا… أول مرة تيجي البيت بعد جوازي بعد أربع أيام… أربع أيام يا بابا… والله لو كان عدى النهاردة من غير ما أشوفك كنت هعيط… أهل العروسة بيجوا من يوم الصباحية…

تشرب إيه؟ … هنتغدى سوا الغداء جاهز ومافيش أعذار. ابتسم بود وهو يستقر على الأريكة.. يغمض عينيه.. "انتي عارفة مبعرفش آكل من غير حياء وهي أكيد مستنياني… احكيلي بقى في إيه.. مالك؟ جلست أرضًا تضع رأسها على قدمه تضم جسدها. = يوسف عنده شغل ضروري في لندن ويمكن يسافر كمان شهر بالكتير أوي… وشغله هناك هياخد وقت طويل يمكن سنتين… وأنا مش عارفة أعمل إيه يا بابا خايفة. مرر أصابعها بشعرها الأسود.

"إنت شايفه إيه يا إيمان… يفضل ولا يسافر؟ إيمان: "أنا عارفة إن ده حلمه ومينفعش يتخلى عنه لكن… لكن برضه مش عايزاه يسيبني يا بابا… إنت فاهم قصدي؟ أنا خايفة من البعد." "طب ما تسافري معاه؟ سألها بارتياب وتوجس. إيمان بذهول: "أنا أسافر برا مصر؟ لالا… مش هعرف… أنا عاملة زي السمكة أخاف أخرج من الماية… إسكندرية بالنسبة ليا حياتي أخاف أخرج منها… أي مكان في مصر أقدر أتأقلم عليه لكن براها…

ومع ذلك مش عايزة أسيبه يسافر… إحساس متناقض أوي يا بابا إني أبقى عايزاه معايا ومش عايزاه يسيب حلمه… أعمل إيه؟ جلال بجدية: "بصي يا إيمان هقولك المفيد.. أي واحدة عايزة تحافظ على بيتها وجوزها بتفضل معاه في أي مكان… يعني مثالًا انتي هتسبيه يسافر دلوقتي. المفروض إنك هتشتغلي في المستشفى هنا كمان أسبوعين بالكتير.

وطبعًا دخولك العمليات مش هتكوني الطبيبة الرئيسية لحد ما تثبتي إنك قادرة فعلًا على تحريك إيدك بمهارة وأنا واثق إنك قادرة على ده… هتاخدي مثلًا تلات شهور… أنا من رأيي تفضلي هنا المدة دي وبعدها يكون معاك شهادة رسمية إنك تقدري تشتغلي في أي مكان وتسافري ليوسف هتفضلوا مع بعض لحد ما يخلص مشروعه وترجعوا… ترجعوا يا إيمان…" أخذت نفسًا عميقًا بحيرة ليبتسم أبوها بحب وهو يتلمس وجهها بحنان. جلال بهدوء:

"بصي يا إيمان يوسف هو اللي بعتني ليكي النهاردة، أنا كنت جايلك بس لقيته جاي الوكالة قالي إنك عايزة تتكلمي مع حد ومفيش غيري هيفهمك… وموصلك معايا رسالة. اللي إنتِ عايزاه هو هيعمله لو قلتي لا مش هيسافر وهيفضل معاكي. ولو وافقتي هيسافر…" "بابا أنا بحب يوسف، وبحب أشوفه بيحقق أحلامه وبيسعى ليها.. وللأسف اتربيت على الشغف وإني أتابع أحلامي وأثق إني هحققها في يوم من الأيام.

وأنا واثقة أوي في يوسف وأفديه بعمري وأروح معاه مكان ما يكون وحضرتك عندك حق هفضل معاه بس هستنى هنا شوية لحد ما آخد ما يثبت إني أقدر أمارس مهنة الجراحة وهسافر لها بس وعد هنرجع… هنرجع سوا عشان البلد دي تستاهل إننا نديها." حاوط وجهها بيديه وهو يطبع قبلة على قمة رأسها بحب. "ربنا يكملك بعقلك يا بنتي." في تلك اللحظة صدح رنين جرس الباب. جلال بغمزة: "ده يوسف… أنا هدخل أشوفك عاملة غدا إيه؟

نظرت له بارتياب ثم قامت لتفتح الباب تتفاجأ فعلاً به. يوسف بسعادة: "متأكدة من قرارك؟ ربعت يديها بغضب أمام صدرها. "ده انتوا متفقين بقى؟ دلف لداخل منزلهما وهو يغلق الباب خلفه ممسكًا بيديها متوجهًا ناحية غرفتهما. إيمان: يوسف استنى… بابا هنا. يوسف: ما أنا عارف.. تعالي بس. بداخل غرفتهما..

يمسك حقيبة سفره يضعها على الفراش أخرج منها علبة قطيفة سوداء تبدو في غاية الأناقة… أوقفها أمام المرآة يقف خلفها لتشعر بشيء بارد على عنقها. نظرت للمرآة أمامها، فتحت فمها بدهشة وهي تراه يغلف مفتاح عقد أنيق من الألماظ!!! إيمان: يوسف؟ أي ده… حاوط خصرها وهي ينظر للمرآة أمامه لي انعكاسها المندهش. = هديتك… "بس انت اشتريت شبكة غالية ليا… وده شكله شكله غالي أوي." ابتسم بود وهو يطبع قبلة سطحية على خدها الناعم كملمس الورد.

= دي هديتك مني مالهاش علاقة بالشبكة.. وبعدين مفيش حاجة تغلى عليكي حتى يوسف نفسه… أنا سمعت كلامك مع عمي أصل نسيت أقولك هو أنا طلبت منه يفتح السبيكر وأنتم بتتكلموا كنت عايز أطمن إنك موافقة بجد… إيمان بعتاب: "ليه انت مش واثق فيا وفي كلمتي ليك؟ = واثق أكتر إنك مش عايزاني أتخلى عن شغلي عشان كده كنت حابب أسمعها منك بس بعيد عني مع حد تكوني بتعرفي تحكي ليه اللي في قلبك زي باباكِ. إيمان بحب:

"اطمنت خالص خلينا بقى نقفل الموضوع ده عشان أنا وأنت وصالح وزينب وبابا وماما مسافرين بكرة المنصورة هنقضي أسبوع هناك وأهو نغير جو وكمان نكون كلنا سوا قبل ما تسافر." "ماشي يا ستي يالا نخرج نقعد مع الحاج." ====================================== في وقت لاحق.. في شقة جلال. تقف زينب بجوار حياء يثرثران فيما يخص أمور النساء. كل واحدة منهما مشغولة بصنع وجبة معينة للغداء. حياء بود:

"قوليلي بقى إنتِ وصالح علاقتكم ماشية إزاي… أنا عارفة ابني صعب شوية بس طيب والله." كانت زينب تعطيها ظهرها تقلب الحساء أخذت علبة الشطة دون وعي لتضع منها مرة أخرى وهي تبتسم وتشعر بشيء كالسحر وهي تتذكر معاملته معها طوال الأربع أيام الماضية. كم أنه غريب متقلب حنون لكن ما زال هناك جزء غامض من شخصيته لم تعرفه بعد.. جزء إن ظهر سيجعلها تود الموت حقًا. "الحمد لله.. الصراحة من يوم جوازنا وهو بيعاملني بما يرضي الله." حياء:

"يارب دايما يا زينب أنتِ تستاهلي كل خير." سمعا صوت الباب يفتح ويغلق ليعلما برجوع جلال وصالح من الوكالة. بينما طفت زينب عن الأكل وبدأ في تجهيز السفرة. جلال بصخب كعادته: "يا أهل البيت… حد قايل راسه." حياء: "تعالي يا جلال…" دلف للمطبخ وهو يتمتم ببعض الأذكار. "السلام عليكم ورحمة الله وبركاته." "وعليكم السلام ورحمة الله وبركاته." ابتسم وهو يقبل قمة رأسها ليتحدث بخوف بعد رؤية شحوب وجهها في الفترة الأخيرة مع هزلان جسدها.

"كويسة دلوقتي؟ "جلال أنا كويسة متقلقش والله العظيم كويسة." جلال بحدة: والله ما مصدقك يا حياء وخلي في علمك إني حجزت عند دكتورة هنروح سوا بعد المغرب. حياء: طب اهدي كدا مفيش حاجة تستاهل كل ده.. أنا كويسة أومال فين صالح؟ صدح صوته من خارج المطبخ بمرح. "أنا هنا يا جميل… واقع من الجوع." حياء بحب: ثواني والأكل يكون جاهز يالا يا زينب. _في وقت لاحق.

كانت زينب جالسة على طاولة الطعام بجوار صالح الذي كان منشغل بالحديث مع والده فيما يخص العمل في الوكالة. أخذ جلال يسعل بقوة وقد احتقن وجهه من النيران المشتعلة بداخله من أول ملعقة وضعها بفمه. وضع يديه على قلبه وهو يسعل بحدة. انتفضت حياء من مكانها تتناول كوبًا من الماء تعطيه له. أخذ يرتشف بتعثر من كوب الماء محاولًا إخماد الحريق الذي لحق بحلقه. وقف صالح بجواره وقلبه منقبض من الرعب على والده.

صالح بخوف: في إيه يا حج… أكلم الدكتور؟ أخذ نفسًا بطيئًا وهو ينظر لها وعيناها المترقرقان بالدموع ابتسم بعيدًا عن المرح فقط ليهدأ من روعها. "أنا كويس متقلقوش… بس أنتم ليه حاطين شطة كتير كدا على الأكل… ده نار." حياء بخوف ودموع: "بس أنا مش بحط شطة على الأكل وعاملة زي ما بتحب…" كانت نظرات صالح قاتلة للحظات وهو يمسك ملعقته يتذوق الحساء ليرفع وجهه المحتقن.

زبلت ملامح زينب ما إن تقابلت عيناها بعين صالح المشتعلة بنيران الغضب فقد كان يحدق بها بوجه متصلب وعلامات الشر مرتسمة عليه. مما جعل وجهها يشحب وقد جفت الدموع بعروقها فورًا إدراكها أنها من فعلت ذلك دون إدراك فقط كانت شاردة الذهن لتضع كمية كبيرة من الشطة بالطعام لتخرب الطعام دون قصد. أطلقت تأوهًا متألمًا منخفضًا عندما قبض على يديها من أسفل الطاولة يعتصرها بقوة مؤلمة من بين يديه وهو يزمجر بصوت قاسٍ لاذع بجانب أذنها.

"وحياة أمي لأدفعك الثمن غالي أوي اصبري عليا." همست بصوت مرتعش تحاول التبرير. "أنا…" أنا ما كنتش أقصد والله. رمقها بقسوة وهو يزيد من ضغطه على يديها، يتحدث بنبرة يتخللها الغضب العارم: "نطلع شقتنا بس... حياء: جلال، تعالي استريح وأنا هجهز لك أي حاجة تانية، يالا لو سمحت. وضع يديه بيديها، ساعده على الخروج من المكان. صالح: خالي عنك. مسك بيد أبيه، ساعده حتى أجلسه في فراشه. صالح بجدية: متأكد إنك كويس ولا أكلم الدكتور؟

جلال بصرامة: أنا كويس يا جماعة، في إيه؟ والله كويس، يالا اطلعوا كملوا أكلكم وأنا... حياء بمقاطعة وغضب بين دموعها: "صالح، سيبنا لوحدنا دلوقتي... أومأ برأسه بقلة حيلة وهو يخرج من غرفة والده، يغلق الباب خلفه بغضب. حياء بدموع: أنا آسفة، معرفش إزاي ده حصل، والله العظيم أنا آسفة... بص، هكلم دكتور مصطفى يجي علشان نتطمن، مش هيحصل حاجة لو اطمنا... ياريتني أنا. مرر يديه على وجنتيها، يمسح دموعها الحارقة لروحه: "طب ينفع كدا؟

بتعيطي لي؟