رواية اتحداك الفصل الثالث 3 - بقلم سولييه نصار

"انت بتقول ايه؟ " قالتها بصدمة. هززت رأسي وقولت: "ده قراري... السلسلة غالية وده حقي! الجمود الذي كان مسيطرًا على وجهها اختفى وهي تنظر إلي بصدمة ونظرات غريبة كأني واحد غريب لا تعرفه. كنت مبتسمًا لها وأنا أقول: "عمومًا أنا هديكي مهلة لحد بكرة بالليل عشان توافقي وكمان هعرفك على العروسة زي ما قولت، انتي هتبقي مسؤولة عن كل حاجة." رجع الجمود لوجهها وقالت: "ولا وافقت مش هتطالبني بالسلسلة." "أكيد."

"تمام مفيش داعي استنى لبكرة، أنا موافقة." كان مفروض ده يفرحني بس أحبطني لأني حسيت أنها مش مقهورة وكأن جوازي من غيرها لا يعنيها بشيء. بس هي كانت بتمثل، أنا عارف كده. مستحيل ما تكونش مهتمة. هي لسه بتحبني وأنا هقهرها أكتر لما تعرف مين العروسة. في بيت سميرة وكارم... "هو ده العريس؟ " صرخ كارم بصدمة. بصت له سميرة وقالت: "خير يا كارم عندك اعتراض؟ "ده مينفعش، حتى هو خاطب اختها."

قامت سهيلة وزعقت: "متقولش أختي، دي مش أختي ولا يشرفني تكون أختي." بصت لي سميرة وقالت: "عصام عرف إن لبيدة مش من مستواه وسابها واتقدم لبنتي." بصت تاني لكارم اللي اتوتر: "ايه يا كارم، حنيت ليهم ولا إيه؟ بلع كارم ريقه. كان زعلان على لبيدة، هي بنته برضه. بس هو خاضع لسميرة بطريقة غريبة، هو ذات نفسه مش فاهمها.

رجعت البيت وأنا مبسوط. كل حاجة تمام واتفقنا الفرح في أقل من أسبوعين. طلعت أوضتي وقعدت على السرير وأنا بتنهد بسعادة. نفسي أشوف نظرة الانكسار في عينها اللي شوفتها لما فسخت الخطوبة. بس حاسس إني هشوفها لما أعرفها على العروسة. غمضت عيني وأنا مبسوط. "انتي اتجننتي يا لبيدة، إيه في عقلك انطقي." صرخت كريمة في ابنتها.

فردت لبيدة بتعب وقالت: "عصام عايز يكسرني يا ماما. معرفش إيه السبب بس أعرف أنه عايز يشوفني مقهورة. مش مقتنعة إني عشان رفضته يعمل كده. بس هو فاكر إني هنهار أو ههرب. للأسف هو اللي هيخسر لأن هوريله أنه ولا حاجة في حياتي. هصمم فرحه ودي هتبقى فرصة ليا عشان عصام ابن واحد من أكبر رجال الأعمال في مصر وناس كتير هتحضر فرحه. مين عارف ممكن شغلي كمصممة حفلات ينجح ورب ضارة نافعة." قربت

كريمة من ابنتها وقالت: "يا بنتي متتجاهليش ألمك. أنا عارفة إنك كنتي بتحبيه." عيون لبيدة دمعت وقالت: "متقلقيش يا ماما، أنا مش بتجاهل ألمي، أنا بتعذب ونفسي أصرخ بس لا مش هبينله انهياري. لازم عصام يعرف إنه مش محور الكون والحمد لله إنه فسخ الخطوبة بدل ما أتزوج واحد بمخ عيل معندوش نضج." في بيت كارم... كانت سميرة تصب عصيرًا، فجأة طلعت من جيبها قزازة صغيرة شكلها غريب وحطتها في العصير وقلبته. راحت

لجوزها وهي مبتسمة وقالت: "خد يا حبيبي عصيرك." "مش قادر." "عشان خاطري يا كارم، هتكسف سميرة حبيبتك." هز كارم رأسه وأخذ العصير وشربه. ابتسمت سميرة بشر وهي تفكر أن كارم مهما حاول يتمرد بيبقى خاتم في صباعها في الآخر. تاني يوم... جات لي لبيدة مكتبي عشان نتفق على كل حاجة. "كنت حابة أعرف حضرتك ناوي تعمل الفرح فين؟ بصت لها بإبتسامة وقولت: "مش عايزة تعرفي مين العروسة الأول؟

بصت لي بحيرة فدخلت علينا سهيلة وهي تنظر إليها بإنتصار ووقفت بجانبي وهي ترفع يديها وتقول: "مش تباركيلي يا أختي هتجوز اللي كان خطيبك!