رواية ايتي العاشقة الفصل الرابع 4 - بقلم ميرا ابو الخير

طارق بشر: عاوزك تشيلي الرحم من طليقتي و تبدليه لمراتي يارا. الدكتورة بصدمة: نعمم أي الجنان دا. طارق بغل: مش عاوز أخويا يخلف وخصوصا إنه هي كانت حامل ونزلته. الدكتورة بجمود: أولاً دا مينفعش ومستحيل، ثانياً اطلع برا و إلا هبلغ عنك. طارق ببرود: هدفعلك كل اللي إنتي عاوزاه، و إلا صدقيني هشطب اسمك من النقابة نهائي. الدكتورة بتوتر: أقدر أشيله، بس التبديل دا مستحيل أعمله لأنه غلط.

طارق بخبث: يبقى اتفقنا، هبعتهالك النهارده بليل مع رجالتى. الدكتورة بخوف: مـ ماشي. خرج من العيادة وهو مبتسم بنصر: ماشي يا نزار أنا هوريك عشان تتجوز مراتي. في البيت…. كف بينزل على وشها بيوقعها الأرض: إيدك وجوزي يا بتاعت الرجالة يا ******. يارا بغضب وقفت ومسكتها من شعرها: أنا بتاعت الرجالة يا معفـ. ـنة يا بيئة. إيه زقتها وقلعت الجزمة: أنا هوريكي البيئة هتعمل فيكي إيه، تعالي ليييي.

وقعتها على الأرض ونزلت ضرب فيها، ونزار واقف بيضحك، شال آية بالعافية: بس أهدي بقا. إيه بغل: اوعى ياض سابني عليها أنا هعلم على أمها. نزار بضحك: ياض وتعلمي إيه يا بنتي، دا أهدي بقا. يارا بألم: والله لأوريكي. نزار ببرود: أنا لو سبتها عليكي مش هترحمك، قومي غوري من وشها. يارا جريت بخوف، وآية بحنق: هتفضل شايلني كدا كتير. نزار بابتسامة: أنا مرتاح كدا. إيه سرحت في ملامحه: هو إنت حقيقي. نزار بحنان: لا جرافك.

نزلها ونزار باس خدها، اتكسفت وجريت على شقتها… إيه وشها قلب ألوان: يخربيته يالهوي، استغل الوضع، بس أول مرة آخد بالي إنه حلو أوي كدا. نزار ضحك ونزل على شغله. طارق رجع وقابل أخوه على السلم. نزار بص له ببرود وكمل طريقه، طارق بص له بقرف وطلع شقته. يارا بدلع: كنت فين. طارق بحنق: بس بقا مش فايقلك. يارا بخبث: أومال فايق للسنيورة. طارق بغضب: اخرسي يا يارا. يارا بمكر: مش هخرس، ولازم تعرف إن نزار كان بيعشق مراتك، قصدي طليقتك.

طارق بصدمة: يعني إيه. يارا بخبث: يعني يا حبيب قلبي كل دا كانت خطة منهم الاتنين. طارق بصدمة: قصدك إيه. يارا بمكر: قصدي إن طليقتك كانت حامل من أخوك وعملوا كل التمثيلية دي ونزلت الولد عشان أبوك يكتب لأخوك كل أملاكه. طارق مسكها من شعرها: انتي فاكرها زيكك؟ إيه عمرها ما تخونك. يارا بألم: لا خانتك زيهم زينا على فكرة، وآية دي مدورها. طارق ضربها بالكف: كلمة منك تاني هتكوني طالق، فاهمة.

يارا بغل: طالما بتحبها أوي كدا، يبقى ليه كنت معايا هااا. طارق بص لها بغضب ونزل. بعد شوية… نزار بتفكير وبيكلم نفسه: طب أتصل عليها ولا هتزعق ولا أعمل إيه طيب؟ لا أتصل وأخرجها شوية. اتصل على آية. آية: الو يا نزار خير؟ في حاجة؟ إنت لسه نازل. نزار بتوتر وتلجلج: إيه يا أختي، هو بلعة واتفتحت في وشي أنا يعني، حابب أروح أتعشى بليل ومينفعش أدخل المكان دا غير بـ كابلز، فـ يعني. آية مقاطعة: هستناك تيجي تاخدني بليل نتعشى سوا.

نزار بيضحك بإحراج: أحم ماشي. قفل وهو بيضحك: أنا شكلي بقا وحش ولا إيه. آية قفلت وضحكت هي الأخرى. في شقة سهير. يارا بملل: فيه إيه يا حماتي؟ مالك كدا. سهير بقرف: هيكون مالي؟ امشي اطلعي برا. يارا بملل: يووه أنا نازلة لأجل عيون طروقتي و.. أعااااا. لاقت كيس زبا”لة مدلوق عليها من آية. آية بشهقة: يالهوي معلش مش خدت بالي منك، أصلك والباسكت واحد. سهير ضحكت على آخرها. يارا بقرف من نفسها: يععع أنا هوريكي يا آية، أعاااا.

طلعت على شقتها بغضب. سهير وكا”تمة مناخيرها: عاجبني اللي عملتيه، بس بوظتي لي الشقة بالريحة. آية وهي حاطة إيديها على مناخيرها: عندك حق، بس هي تستاهل، يععع، يلا والخدمة هتعدل الدنيا، تعالي نقعد في البلكونة. بليل. آية كانت قاعدة مع حماتها. سهير بحنان: حاسة بيكي يا بنتي، بس صدقيني نزار مش زي أخوه. آية بهدوء: عارفة يا ماما، نزار شخص كويس ومحترم، بس نصيبنا كدا. سهير بحنان: ربنا يهدي سركم يا بنتي.

آية بهدوء: يارب، أنا طالعة أرتاح شوية. سهير: ماشي يا حبيبتي. خرجت من شقة حماتها لاقت اللي بيحط على وشها حاجة، فقدت وعيها…. بعد شوية. الدكتورة للممرضة: هي نايمة دلوقتي. الممرضة: أيوا، هنعمل ليها العملية. الدكتورة بتبص على آية بأسف: أيوا يلا هاتي العدة عشان نخلص بسرعة. الممرضة: تمام. آية كانت غايبة عن الوعي ومش حاسة بحاجة. الدكتورة مسكت المشرط وقطعت التيشرت من على بطن آية وو…. عند يارا.

يارا بتتفكر في حاجة: أنا لازم أخلي البيت كله يكر”ه آية، أعمل إيه يا ترى. بصت على التسريحة لاقت صورة عائلية وفيها طارق ونزار ومحمد وسهير، ابتسمت بمكر. يارا بخبث وشر: سامحيني بقا يا حماتي، انتي كدا كدا رجلك والقبر، واللي يلبس التهمة هو آية، الكل هيتقلب ضدها. ضحكت بخبث. عند نزار. نزار كان قاعد مخنوق، لاقي رسالة فزعته: (أخوك خطف مراتك وهي يشيل رحمها، الحقها قبل ما يحصل ليها حاجة، دا العنوان *****) خد عربيته وساق

بأقصى سرعة على العنوان: مش هسيبك يا طارق لو حصلها حاجة. زود سرعته وماخدش باله من العربية اللي ظهرت قدامه وو….