رواية بعد فوات الاوان الفصل الخامس 5 - بقلم حنين هاني

يحيي: اتجوز إزاي يعني؟ ياسين: يعني هي الناس بتتجوز إزاي؟ هي دي فيها ذكاء؟ تتجوز وتعمل فرح؟ يحيي: يابني أنت عبيط يعني؟ أسيبها النهاردة وعايزني أتجاوز وأنت عارف إني بحبها! ياسين: بقولك يا صاحبي الكلام طويل وعايز أعده حلو. بكرة نتكلم في الكافتيريا وهفهمك كل حاجة. وأه صح، هتطلع الرحلة يعني هتطلع غصبن عنك ومفيش نقاش. تمام؟ يحيي: امممم. والله بفكر أطلع أغير جو. ماشي، نتكلم بكرة. يلا سلام.

وقفل وأعد يفكر في كلام ياسين لغايت لما قرر إنه ينتقم منها ويرجعها تاني وهي ندمانة. عند أحمد. أمنية: أيوه هي في سرها. حسبي الله ونعم الوكيل فيك يا بعيد. من الصبح ممرمطني ومش مخليني أعرف أشرب بوق ميه حتى. وربنا لا أطلعو عليك تالت ومتلت. ورجعت من تفكيرها. نعم يا مستر. أحمد: أنا تعبت خلاص. خدي الملفات دي والمشاريع كمان. ويلا عشان تروحي أنتِ كمان. أمنية: تمام.

أحمد: بكرة تكوني هنا 11 عشان نخلص عشان عندنا مشروع يوم السبت لازم يتسلم. أمنية: تمام. حاجة تاني؟ أحمد: أيوه، أنتِ ساكنة فين؟ أمنية: إشمعنى يعني؟ أحمد: عشان أوصلك معايا. أمنية: لا مالهوش لزوم أتعب حضرتك. شكراً. أحمد: بقولك إيه، أنا عايز أطلب منك طلب. أمنية باستغراب: اتفضل. أحمد: ينفع نكون صحاب بدل ما نكون توم وجيري؟ إيه رأيك؟ وأنا ماليش صحاب خالص. ها؟ إيه رأيك بقا؟ أمنية بتفكير: امممممم. موافقة. بس أنت متضايقش.

أحمد: اتفقنا. هاتي بقا رقمك. أمنية: ليه؟ إن شاء الله. أحمد: أنتِ يابت متخلفة ولا شكلك كده؟ هو مش لسه قايلك نكون صحاب وأنتِ وافقتي؟ في إيه ماهو أكيد الصحاب بياخدوا رقم بعض. أمنية: أه صح. ماشي يا بنتي. أحمد: ابنك مين يابت أنتِ؟ ده أنا لو كنت اتجوزت كنت زمانك جبت قد. أمنية: ليه يعني؟ كنت هتتجوز وأنت عندك تلت سنين؟ أحمد: بس بس. أنتِ مبتصدقي تفتحي. يلا هاتي رقمك وتعالي. هوصلك. إشطا يا مزتي. وسبها ومشي.

أمنية: أبو رخمتك صح. أحمد: سمعتك على فكرة. أمنية: ماتسمع. هخاف منك يعني ولا هخاف؟ أحمد: يابت لمي لسانك. كتك القرف في شكلك كده. وأنتِ قمر. وغمز وسابها. أمنية: واد رخم أوي. وقفت المكتب وطلعت. أحمد: يلا اركبي عشان أوصلك. أمنية: لا شكراً. بعرف أروح لوحدي.

أحمد نزل من العربية: بصي أنا آخرتك في الشغل والساعة دلوقتي 11. والمكان ده فيه شباب كتير. وأنا مقبلش على حد من أهلي كده. فمش هقبل عليكي كده. وتشمي حد يضايقك. ويلا بقا انجزي عشان أنا جعان. أبستمت أمنية على جدعنته وركبت. أحمد: ساكنة فين؟ أمنية: في مدينة نصر. أحمد: بجد؟ وأنا كمان ساكن هناك. خلاص بقا أبقى آخدك معايا الصبح. أمنية: بس أنا كده هتعبك معايا. أحمد: ولا تعب ولا حاجة يا صديقتي. وغمزلها.

أمنية: ماشي موافقة. بس بطل قلة أدب. ضحك أحمد: حاضر حاضر. وبعدين روح. وخلص اليوم على أبطالنا تاني يوم. في بيت خديجة. به: يلا يا بت اصحي عشان تجهزي نفسك عشان كليتك. خديجة: صحيت. حاضرة. به: بسم الله الرحمن الرحيم. أنتِ صحيتي بجد ومن أول مرة؟ سبحان الله. خديجة: أنا قولت النهاردة مش أتعبك وأصحى لوحديه. به: أه يارب دايماً مش تتعبني. يلا عشان كليتك. خديجة: حاضر. عند بيت يحيي. سماح: يلا يا ولاد عشان الفطار.

هنا: أنا جيت أهو. صباح الخير يا موحة. سماح: صباح الخير يا حبيبتي. أحمد: يا صباح التفاح على روح قلبي. سماح: صباح الخير يا حبيبي. يلا اقعدوا عشان تفطروا. يحيي: صباح الخير. الكل: صباح النور. هنا: إيه ده؟ أومال فين دبلتك؟ نسيتيها جوه ولا إيه؟ يحيي: لا خلاص مفيش دبلة. إحنا فركشنا امبارح. أحمد: ليه يابني حصل إيه؟ يحيي: مشكلة وكل واحد راح لحاله. وقفل الموضوع بقا.

هنا: يحيي أنا عايزك تكلم عشان تقولي على المشروع بتاعي. سالي محتاجة شغل وأنا كمان فا عايزة أعلم. يحيي: امممم. ماشي. هكلمه لما أرجع. ماما صح، أنا رايح الغردقة أسبوع كده مع الكلية. الكل باستغراب. أحمد: يحيي ورحلة وكمان الغردقة أسبوع؟ لا أكيد في حاجة غلط يا جدعاني. يحيي: عادي. التغيير مطلوب. وأنا عايز أراجع قراراتي. سماح: ماشي يا حبيبي. هحضر شنطتك. يحيي: يلا عشان ننزل. ونزلوا كلهم. في الكلية.

منة: سبحان الله جايه بدري النهاردة. تتحسدي. خديجة: قري بقا. هي غلطة أصلاً ومش هتحصل تاني. منة: منا بقول بردو. المهم حسام هيجي ياخدنا بعد الكلية وهيودينا الموال. خديجة: امممم. يبقا كده هنغرم. منة: طبعاً يا بنتي. ودخلوا المحاضرة. حسام أخو منة عنده 25 وهو رائد. في الكافتيريا. ياسين: ها عامل إيه النهاردة؟ يحيي: تمام. ها بقا إيه كلامك بتاع امبارح ده؟

ياسين: بص من الآخر كده، ميحرقش قلب بنت غير بنت زيها. ولا كمان هي متكنش بتحبها وبتكرهها. يحيي: قصدك إيه يعني؟ ياسين: يعني من الآخر كده، أنت هتتجوز بنت تكون سلمي مش بتحبها وبتكرها. وساعتها سلمي مش هتستحمل. يحيي: يا خي طول عمرك دماغك سم. بس هو أصلاً يا غبي في واحدة هتوافق إن هي تتجوز واحد عشان يرجع خطيبته وبعدين يطلقها؟

ياسين: أه في. وفي كتيرر كمان. بس أنت اختار صح. أنت لو ركزت مع سلمي هتعرف هي بتكره مين. وساعتها بقا أنت هتاخد خطوة. يحيي: طيب وهي كده هترجعلي؟ ياسين: طبعاً يابني. بس ساعتها هتكون ندمانة. وجهز نفسك بقا عشان هتتقدم في الرحلة دي. بس أنا أصلاً عارف البنت. بس هسيبك أنت تشوف هتعرف هي مين ولا لأ. يحيي: هي مين دي؟ ياسين: ماهو أصلاً مش هقولك. يلا بينا. يتبع…