رواية بعد فوات الاوان الفصل الرابع 4 - بقلم حنين هاني

خديجة: ياماما أنا عايزة أروح. هبه: وايه ياختي لازمتها ماما. خديجة: بدلعك يا بوبو يا جميل. هبه: ريحيني نفسي عشان د لعك ده مش هيخليني أتنازل وأوديك في حتة. خديجة: ليه بس ياماما أنا بجد محتاجة أروح عشان أحسن نفسيتي وأكون مستعدة لامتحانات السنة. هبه: شفتي إزاي على أساس إنك مجتهدة أوي يا بت بصراحة. خديجة: أووومال إيه.

هبه: طيب بصي أنا موافقة عشان عارفة إنك مش هتبطلي زن، وأهو بالمرة كمان أروح إسكندرية أعد هناك عقبال ما ترجعي. خديجة: أيوه بقا ياهبه يا جامدة، بحبك بحبك بحبك، لو هشحت كده أحب أقدك. هبه: أيوه يختي أيوه، ماهو عشان خلاص خدتي مصلحتك. خديجة: أخس عليكي، إيه ده اهبه أحبيبتي ده أنا بحبك قد الدنيا. هبه: أه منا عارفة، المهم يا زفتة الرحلة دي هتطلعي امتى. خديجة: يوم الجمعة يعني بعد يومين.

هبه: ماشي، ابقي رني على أبوكي وقولي ليه عشان يكون عارف. خديجة: ياماما، مدام لسه بتحبيه ليه مش عاوزة ترجعي، وإنتي عارفة إنه بقى ندمان. هبه: خديجة، اقفلي الموضوع، إنتي كنتي لسه صغيرة ومش فاهمة حاجة، أبوكي رماني أول ما شاف واحدة أحسن مني ونسي العيش والملح اللي بينا، نسي أنا وقفت معاه إزاي وفضلت معاه لغاية ما بقى حاجة، وأول ما كبر رماني ونسي كل اللي عملته عشانه. خديجة: طيب ياماما، آخر فرصة، إحنا كلنا بنغلط.

هبه: خديجة، قلت خلاص اقفلي على الموضوع. وسابتها ومشيت. عند يحيي، روح البيت. سماح: إيه اللي جابك بدري كده يا يحيي. يحيي: مفيش حاجة ياماما. وسابها ودخل أوضته. سماح: هو في إيه، وراحت داخلة ليه، مالك يا حبيبي شكلك مضايق. يحيي: بقا أنا بعد كل اللي عملته ليها تطلع بتغفلني عشان أعملها كل اللي هي عاوزاه وعشان الفلوس، كل ده عشان حبتها، ليه تعمل فيا كده ليه ياماما.

سماح: بص أنا مش هسألك حصل إيه، بس إنت ليه يا حبيبي متقولش إن هي شر ومشيت وفيه خير أحسن ليك، مش بدل ما كنت تتجوزها وتعرف كده، قول ياحبيبي الحمد لله. (وعسى أن تكرهوا شيئًا وهو خير لكم وعسى أن تحبوا شيئًا وهو شر لكم والله يعلم وأنتم لا تعلمون) فقول الحمد لله يا حبيبي إن ربنا ظهر الحقيقة. يحيي: عندك حق يا مي، الحمد لله، يلا بقا أنا هصلي وأنام، ولما يجي أحمد صحيني. سماح: ماشي يا حبيبي. ونام بعدها. في الكلية عند هنا.

هنا: إيه يا سالي زعلانة ليه. سالي: مفيش حاجة يا حبيبتي. هنا: عليا أنا بردو، أوعي يا بت ليكون خطيبك مزعلك. ضحكت سالي وقالت: لا مش مزعلني. هنا: طب إيه اللي مزعلك. ردت سالي بحزن: بابا، ياهنا، الحمل بقا تقيل عليه أوي، يعني جهازي وفلوس كلية، غير كمان إخواتي، وأنا مش عارفة أعمل إيه، عاوزة أشتغل بس مش لاقية شغل كويس وتعبت من كتر التدوير ومش عارفة أعمل إيه. هنا: امممم، والي يساعدك. سالي: أكون مديونة ليه والله.

هنا: لا مفيش الكلام ده، إحنا هنبقى شركاء. سالي: إزاي مش فاهمة. هنا: يعني إنتي دلوقتي محتاجة شغل، وأنا إنتي عارفة إني نفسي يكون عندي عربية أكل تيك أواي صح. سالي: آه صح. هنا: أنا بقا هقول لبابا إني قررت أعمل المشروع وإنتي هتكوني معايا شريكة وهنفتحها بعد الكلية وكده نقدر نحل كل حاجة، إنتي هتشتغلي شغالنة مضمونة، وأنا هحقق حلمي في الأكل. سالي: طيب فكرة حلوة، وأنا هبقى آخد نص المرتب بس والتاني هسدوا ليك.

هنا: بصتلها بقرف، عيب عليكي، حتة يعني إيه هكون دافعة حاجة من جيبي. سالي: لا بس بردو الحق حقه. هنا: بصي نشوف الموضوع ده بعدين، ويلا عشان المحاضرة هتبدأ. سالي: يلا. عند أحمد. أحمد: آنسة أمنية، إنتي هتشغلي معايا وبره هيفهموكي كل حاجة. أمنية: تمام، هبدأ امتى. أحمد: دلوقتي، بس بقا أنا عاوز التزام وشغل جامد. أمنية: تمام يا فندم. أحمد: بصلها وقالها: فندم؟ إيه شغل التسعينات ده يا قديمة. أمنية: أومال أقولك، ماشي يالاها.

أحمد: لا يا خفة، اسمها ماشي يا مستر أحمد. أمنية: مستر إيه، هو إنت عايش في الدور كده ليه يا ابني، فين التواضع. أحمد: بقولك إيه يا بت، إنتي شكلك جبت مشاكل، وأنا كده هزعل وهجيب ناس تزعل، لسانك ده هقطعهولك لو مسكتيش. أمنية: لا ده أنا اللي هزعلك ياض، إنت اتجننت ولا إيه، بص هقولك نصيحة حلوة عشان أنا خايفة عليك مني، بلاش تضايقني عشان مخربش عليك وهزعلك، ماشي يابا.

أحمد: إيه يا بنتي إنتي، أنا مش بكلم واحدة، ده أنا كده بكلم واحد صاحبي، فين الأنوثة يا ماما. أمنية: ماهو مع أشكالك دي مش بتنفع بصراحة. وبصتله بقرف وسابته ومشيت. أحمد: عنيفة أوي بس قمر بصراحة، هيييححح. عند خديجة. خديجة: أيوه وافقت إني أطلع. منه: طيب الحمد لله، كويس إن هي وافقت. خديجة: أيوه، ده أنا كنت هعيط لو موافقتش. منه: على أساس البت عندها دم وإحساس وبتحس زينا.

خديجة: تصدقي بالله أنا غلطانة إني كلمتك، فعلاً الصحاب في إجازة، غوري. وقفل ت السكة. عند يحيي بيكلم صاحبه في الفون. ياسين: يا عم خلاص فكك منها وروق. يحيي: إنت فاكرها سهلة يا ابني. ياسين: لا بس أنا هقولك تاخد حقك منها إزاي. يحيي: إزاي يعني مش فاهم، هتعمل إيه. ياسين: هفهمك بكرة كل حاجة. يحيي: يا عم قول انجز. ياسين: تتجوز. يحيي: أتزوج. يتبع…