رواية بعت نفسي الفصل الثالث 3 - بقلم نسرين بلعجيلي

مليكه مالكم صوتكم عالي اوي سها تعالي شوفي اخوكي مد ايده عليا مليكه ليه يا عبد الرحمن عبد الرحمن ماتشغليش بالك انت ادخلي ريحي واتعشي مليكه ارتاح ازاي مين أمتي بتمد ايدك عليها حصل ايه اوعي يا بت تكوني عامله مصيبه سها وهي بتعيط انا عارفه انك على طول في صفي وراحت دخلت اوضتها مليكه قولي اختك عملت ايه عبد الرحمن مفيش نفس الموال بتاعها عصبتني ماقدرتش اسمعها بتقول كلام وحش عليكي

مليكه بس مش بالضرب انت راجلنا واللي بيحمينا ماينفعش تمد ايدك عليها ارجوك ادخل صالحها بكلمتين وانا هادخل اكل واتوضى واصلي عبد الرحمن قرب منها وباس راسها عبد الرحمن ربنا يخليكي لينا راح دخل اوضتها لاقاها بتعيط عبد الرحمن مايهونش عليا دموعك يا سها انا اسف والله سها انا عايزاك تحكيلي اللي حصل لمليكه عبد الرحمن حبيبتي ماقدرش احكيلك حاجه تخص مليكه خاصة انها مابتحبش تتكلم فيه كل السنين دي اختك مجروحة اوي ومظلومة وساكتة

سها اختك اشرف من الشرف وقعت في ايدين ناس مابترحمش سها انا كنت صغيرة بس فاكرة طشاش هو ابو خالد وخلود لسه عايش عبد الرحمن اظن اه والله يا سها طول السنين دي عمري ما فتحت معاها القصة دي خلاص بالنسبة لينا هو مات سها هو سر ولا ايه هي مش من حقها تحرم ولادها من ابوهم هنا دخلت مليكه مليكه ايه اتصالحتم عبد الرحمن اه طبعا مليكه الحمد لله سها انا

عبد الرحمن قاطعها بسرعة خلاص يا سها نامي وسيبي اختك كمان ترتاح راجعة تعبانة من الشغل مليكه انا سمعت كلامكم عايزة تعرفي ايه يا سها سها حكايتك كلها عبد الرحمن وبعدين معاكي مليكه من حقها تعرف عشان تبطل نظرة الشك اللي بشوفها في عينيها انا هاعمل شاي وهطلع البلكونة أشم هوا لو عايزين تعرفوا القصة تعالوا بس بشرط اخر مرة هاتكلم في الموضوع ده في قصر الشرقاوي

كانت كامليا لابسة قميص نوم مغري جدا ومجهزة العشا بعد ما اتصلت بيه وعرفت انه طلع من الشركة دخلت عليها عصمت عصمت ايه دا ايه دا كامليا ايه رأيك عصمت قمر يا بنتي يلا اتجدعي كده وجيبيلنا الحفيد اللي نفسنا فيه كامليا توترت ايه من اول مرة كده عصمت لا ما انت حاتتغيري وتفضلي ورا جوزك لحد ما تحملي خودي دا حطيه في العصير كامليا ايه دا عصمت دي الحباية الزرقا مطحونة ايه نسيتيها

كامليا ماما من فضلك انت كده بتهينيني يعني ايه احط لجوزي منشطات جنسية عشان يقرب مني عصمت اعملك ايه البعيد ماعندوش دم خالص ولا بيحس انت ناسيه انك خلفتي ملك بسبب الحبوب لو عليه هو مش شايفك قدامه خالص كامليا خلاص يا ماما انت السبب في كل حاجة عصمت انا السبب لولايا انا كنت اتفضحتي انا خليتك تتجوزي راجل ستات مصر حاتموت عليه بس انت اللي خايبة مش مخلياها يشوفك بصي انا زهقت منك ومن أبوكي ومن عمايلكم

أدهم وصل القصر وطلع على طول أوضة ملك أدهم ايه دا انت لسه صاحية ملك أيوه يا بابي عشان أشوفك انت وحشتني أوي أوي أدهم راح جنبها السرير وحضنها وانت كمان يا ملوكة وحشتيني أوي أوي ملك بابي أنا عايزة أروح الملاهي معاك أدهم حاضر حبيبتي أوعدك يوم الإجازة نروح ملك أنا وانت وماما أدهم ليه حبيبتي مامي حاتروح معانا ملك لا مش عايزة أدهم ليه يا حبيبتي ملك عشان مامي مش حاتكون فاضية وتفضل تنفخ وتتعصب علينا مش حانعرف نلعب على راحتنا

أدهم بحزن شديد حاضر حبيبتي ملك هو ليه مامي مش بتحبني أدهم مين قالك كده هي بتحبك ملك بعدت عنه لا يا بابي هي مش بتحبني على طول بتعاملني وحش أدهم مامي بس تعبانة شوية أنا حاتكلم معاها ملك انت أحلى بابي في الدنيا أدهم يلا يا حبيبتي نامي أنا راجع تعبان حضنها عشان ينيمها وسرح في الماضي ياترى لو فضلت موجودة في حياته وكانت ملك بنتها حاتكون إزاي معاها ولا حياته كانت حاتكون إزاي ليه عملت كده ليه هربت راحت فين

صحي من سرحانه لما دخلت كامليا كامليا حبيبي انت نمت أدهم معلش وقام راح أوضتها راحت وراه أدهم شاف الأوضة كلها شموع وورد أحمر وأخذ باله من كامليا كامليا حبيبي حضرت ليك الحمام أدهم كمان كامليا ليه مستغرب أدهم طبيعي أستغرب مش عادتك كامليا قربت منه وحطت ايديها على رقبته وحبيبي من انهارده اتعود

أدهم ماشي وشال ايديها ودخل الحمام يعمل دش وهو مش عارف يعمل إيه معاها طول السنين دي ماعرفش يحبها عاملها كويس عشان هي بنت عمته وأم بنته اللي بموت فيها رغم إنه مستحمل كتير من تصرفاتها كامليا فضلت رايحة جاية في الأوضة ومتعصبة من برود تصرفات أدهم وقررت تحط من المنشط الجنسي في الأكل والعصير وخبته في دريسنج في صندوق مجوهراتها

جناح أدهم أكبر جناح في القصر كله متقسم تقسيمة مودرن بلكونة كبيرة عليها زرع وورد كتير وكرسي مرجيحة وطربيزة وكراسي لأن أدهم بيحب يشرب قهوته على طول في البلكونة في وسط جناح سرير كبير لون أبيض من أفخر محل موبيليا حمام كبير متقسم لـ 3 مكان الدش ومكان بانيو كبير بي جاكوزي ومكان حوض كبير جنب الحمام فيه دريسنج الهدوم وتسريحة كبيرة بتاعت كامليا وعلى اليمين دريسنج أدهم وفي ناحية البلكونة مكان التليفزيون شاشة كبيرة وطقم كنب في الأسود والأبيض جناح هادي كله من اختيار أدهم

طلع أدهم راح دريسنج لبس بيجامة حرير في أسود وقعد على كنبة عشان يتعشى كامليا نعيما حبيبي أدهم شكرا كامليا حبيبي انت ليه ناشف معايا أدهم ممكن نتعشى وأوعدك حنتكلم في كل حاجة عند مليكة كانت متأثرة جدا جدا سها حبيبتي أنا آسفة أوي أوي إن فتحت الموضوع ده مليكه أنا قررت أحكي ليكم عبد الرحمن كان عارف شوية وانت من حقك كمان بس زي ماقلت آخر مرة نتكلم فيه وإياكي ولادي يعرفوا حاجة

سها حاضر والله ما حأقول حاجة خالص طول عمري عندي أسئلة كتير رفضك إنك تتجوزي خوفك علينا وعلي أولادك هروبنا من إسكندرية مليكه جابت المصحف وحطت ايديها فوق المصحف اقسم بالله العظيم أي كلمة حأقولها ما حأكذب فيها وربنا شاهد عليا عبد الرحمن حبيبتي من غير ما تحلفي سها آسفة أوي أوي خلاص باين الموضوع بيتعبك مش عايزة أعرف حاجة انتي اللي ليا انتي أمي اللي برمي في حضنها

مليكه عشان كده لازم تعرفي الحقيقة عشان تخافي على نفسك وتعرفي إننا عايشين في غابة لما أبونا مات روحنا عند خالنا وطبعاً عمي أكل حقنا في الأرض وكان عايز يجوزني ابنه هربنا على إسكندرية