رواية بائعة الكشري الفصل الثالث 3 - بقلم اميره محمد

ساره فضلت تكح جامد لحد ما وقعت على الأرض وطلع من بوقها سائل أبيض. نسرين سابتها بكل حقد وقلب ميت وهي بالحالة دي، وطلعت. *** في أوضة أحلام: أحلام: ها، كله تمام؟ نسرين: طبعًا. راحت للي خلقها، ومفيش حد شافها. وهي دلوقتي بتموت بالبطيء. أحلام ضحكت بشر: ههههههه، عشان تبقى تقف قدامنا تاني. لأ، وكمان عايزة تخطف ابني ده في أحلامها. نسرين: آآآه يا خالتي، كنت هموت لو قربت من ليث وحبها. أحلام: ليث مش هيكون لحد غيرك يا قلب خالتك.

نسرين: هههه، ده اللي نفسي فيه. *** عند ليث، كان قاعد في مكتبه بيفكر فيه. ليث في نفسه: عملتي فيا إيه يا ساره؟ للدرجادي شقاوتك وضحكتك أسروا فيا؟ انتي مصيبة بجد. رامي (صديق ليث المقرب) : إيه يا عم؟ إيه اللي واخد عقلك كده؟ ليث: بقولك إيه يا رامي، أنا هروح دلوقتي. رامي: إزاي؟ إحنا لسه بدري على معاد الروحة. ليث: لازم أروح، كفاية كده، لازم أعترف ليها. رامي: أنا مالي، عامل زي الأطرش في الزفة، تعترف لمين؟

ليث: مش مهم. ظبط أنت الشغل وأنا مروح دلوقتي، وهقولك على كل حاجة بعدين. رامي: ماشي، أمري لله. *** دخل الڤيلا، لقاها جسم لا حول له ولا قوة مرمية على الأرض. محدش من الخدم ولا الحراس موجودين، الڤيلا كلها فاضية، وهي وحدها. خلاص، راحت للي خلقها. واتصدم أكتر لما شاف السائل الأبيض اللي طالع من بوقها. ليث جري عليه. ليث: ساره! ساره! أرجوكي ردي عليا، إيه اللي حصلك بس؟ وشالها، ركبها العربية، وخدها على المستشفى. *** في المستشفى:

بعد ساعة، وهما بيحاولوا يرجعوا لساره الحياة بكل الطرق، وللأسف فشلت. الدكتور: أنا آسف يا ليث بيه، بس الأنسة، السم اللي دخل جسمها خطر جدًا. وكمان هي اتسابِت فترة كبيرة والسم بدأ ينتشر في جسمها. وإحنا حاولنا كتير، بس للأسف، الأنسة ساره دخلت في غيبوبة. ومقدرش أطمنك، لأنها ممكن تموت في أي وقت. ليث بجنون وعصبية: يعني إيه؟ يعني إيه؟ هتروح؟ وانتوا لازمتكم إيه؟ اعمل أي حاجة، أنا عايزها تعيش، عايز ساره تبقى معايا.

وانهارت، ووقع على الأرض. الدكتور قال للممرضة تحقنه بمهدئ عشان يهدي. بعد 4 ساعات كاملين، وليث قاعد بره على أعصابه، لقي واحدة كبيرة في السن جايه ناحيته. الست واسمها فاطمة: إيه في إيه يا ابني؟ مالك كده؟ ليث ودموعه خانته،

ومقدرش يتحمل أكتر من كده: تعبت، والله تعبت. أول حاجة والدي يموت وأنا عندي لسه 7 سنين. تدخل عصابة تقتله قدامي، قدام عيني، كنت بشوف أبويا بيتوجع وأنا مش قادر أساعده. كبرت وكنت فاكر أمي هتعوضني عن غياب أبويا وهتكون ليا الأم والأب، بس كنت غلطان. أهم حاجة عندها الموضة والنادي وصحابها، عمرها ما فكرت فيا. (ومسح دموعه بقهر ووجع)

. تخطيت كل ده وروحت شركة بابا ووقفت على رجلي من تاني. ربنا جبر بخاطري وجوزت أختي لأعز أصحابي، اليوم ده كنت مبسوط أوي. لحد الفرحة التانية، بعد جوازها بـ 4 شهور، حملت وولدت توأم زي القمر. بعدها بشهر سافرت هي وخالد جوزها شغل، وخالد طلب مني أخلي الأولاد معايا وكان بيوصيني عليهم كتير، أنا وافقت. وبعدها بيومين يتصل عليا خالد وأسمع صوت مش صوته،

واحد بيقولي: البقاء لله. صاحب التليفون واللي معاه في العربية عملوا حادثة وماتوا. متحملتش وقتها، كل حاجة بقت زفت. أهو 7 سنين على موتهم وأنا مش عارف أنساهم، والإنسانة الوحيدة اللي حبيتها بتموت مني وأنا مش عارف أعملها حاجة. الست اتأثرت جامد بسبب حكايته وبسبب معاناته الكبيرة، بس اتماسكت وقالتله: فاطمة: اصبر يا ابني، إن شاء الله خير. ربنا أكيد هيجبر بخاطرك. بس انت ادعيه. روح يا ابني، روح صلي ركعتين لله وادعيلها بالشفاء.

وفعلًا، راح المسجد صلي، وبعد ما خلص: ليث: يااارب.. يارب رجعهالي. أنا بحبها ونفسي تكون من نصيبي. يارب اشفيها، فأنت الشافي، ولا إله غيرك. يارب أنا استحملت كتير وعارف إن الفرج من عندك جاي قريب. يارب متحرمنيش منها. *** في الڤيلا: نسرين بحقد: أنا مش عارفة إزاي لسه ممتتش لحد دلوقتي. دي قطة بسبع أرواح! بس مش مشكلة، هتموت برضو، والدكتور مأكد كده. أحلام: بس انتي مش شايفة ليث قاعد معاها ليل نهار، ولا فاضي لينا خالص.

نسرين: ما هو ده اللي قاهرني. أحلام: أنا هحط حد للمهزلة دي. *** في المطبخ بتاع الڤيلا: إياد: أنا خايف أوي يا طنط سرية. (واحدة كبيرة في السن شغالة في القصر) سرية: متخافش يا ابني. كام يوم وهيرجعلك ليث، متخافش. زياد: هي ماما ساره فين؟ سرية: ماما؟ إياد: أيوه، لما ترجع هقولها، يا ماما أنا بحبها أوي. سريه حضنتهم: ربنا يكرمكم يا ابني ويرجع ليكم ليث وساره بالسلامة. *** في المستشفى: ليث: يلا يا ساره، قومي، كفاية كده.

الممرضة: ممكن تتفضل بره، كفاية. الدكتور قال ممنوع حد يبقى معاها غير مدة محدودة. ليث كان هيقول، بس لقي ساره مسكت إيدو. ساره: لـ.. ليث.