رواية بداية طريقي الي الله الفصل السادس 6 - بقلم بسملة محمد

شمس: أشكرك مارك! أنا أريد أن أعمل معك! مارك بستغراب: ماذا ستعملين معي صغيرتي الحسناء!!! شمس: أنا أريد أن أعمل بحوزتك في مصر! مارك: أنا لا أفهمك عزيزتي الغالية. أوضحي أكثر ما قصدك. شمس: أنا أريد أن أعمل لديك في****************!! مارك بدهشة: أوه عزيزتي كم أنتِ عبقرية! شمس بثقة: أشكرك مارك. أنا سأنزل مصر غداً. سيبقى بيننا اتصال. أراكِ لاحقاً. مارك بعبوس: أوه صغيرتي ستذهبين بهذه السرعة!!! أنا أدعوكِ لتناول الغداء بحوزتي!

شمس ببسمة: شكراً لك مارك. في مصر، وتحديداً شركة عماد وخالد. نادية سكرتيرة حمزة: مستر حمزة، أريد توقيع حضرتك على الأوراق دي. حمزة بضيق: ماشي يا نادية. حطيهم هنا وأنا هشوفهم. نادية بتعلثم: اااااااا!! حمزة بضيق: قولي اللي عندك يا نادية. خلصي يلا. نادية: بستأذن حضرتك أروح بدري النهارده عشان خطيبي لسه نازل من السفر وجاي يشوفني. حمزة: مش هتحكي لي قصة حياتك. روحي يا نادية بس متخديش على كدا.

نادية بفرحة: شكراً جداً ليك يا مستر حمزة. حمزة بنرفزة: روحي خلصي شغلك عشان تمشي. وابعتي أيمن مدير الحسابات. نادية بخوف: حاضر. بعد إذنك. حمزة لنفسه: وحشتيني أووووي! (يكلم صورة شمس التي على مكتبه) ليقاطعه اتصال من زيزي. زيزي: إيه يا روحي مبتردش عليا ليه؟ حمزة بقرف: كنت مشغول. عايزة إيه؟ زيزي بغضب: بقولك إيه يا حمزة ظبط كدا عشان أنت متعرفش أنا ممكن أعمل إيه فيك. حمزة بسخرية: أعلى ما في خيلك اركبيه. اخلصي معنديش وقت.

زيزي ببرود: النهارده تيجي عشان هنتفق على عملية جديدة. والبوص الكبير اتغير والجديد هيظهر لما ينزل من أمريكا. ولما أكلمك ترد عشان منزعلش من بعض. حمزة بقرف: خلصتي اللي عندك ولا لسه في حاجة. زيزي بغيظ: خلصت. (ولم تكمل الكلمة ووجدت حمزة أغلق الهاتف) زيزي بغضب: ماشي يا حمزة أنا هوريك إزاي تعمل كدا معايا. حمزة بحزن: طب أنا أكلمها أقولها إيه؟ أنا هرن واللي يحصل يحصل. وقام بمهاتفة شمس. شمس بهدوء: السلام عليكم.

حمزة بشوق: وحشتيني. شمس بضيق: مين حضرتك وإزاي تتكلم معايا بالشكل ده. أنت إنسان عديم ذوق وأخلاق. (وأغلقت الهاتف في وجهه) حمزة بتعجب: مين حضرتك وعديم ذوق دي. معرفتش صوتي؟ ليقاطعه دخول أيمن. أيمن بابتسامة وشوشة: السلام عليكم ورحمة الله وبركاته يا أستاذ حمزة. حمزة بهدوء: وعليكم السلام. تفضل يا أيمن. أيمن ببسمة: يزيد فضلك يا باشا.

حمزة بحدة خفيفة: ممكن أعرف إيه اللي بيحصل في الحسابات دي. الخزنة بتاع الشركة نقص منها الشهر ده فلوس بالهبل. ممكن توضح لي أي سبب الخساير دي؟ أيمن بجدية: ده الملف اللي فيه كل جنيه دخل وخرج الشركة من شهرين لنهارده. حمزة بعصبية: أنا جايبك توضح لي أي سببهم مش جايبك تقولي ملفات. أيمن بهدوء: يا فندم والد حضرتك مسافر أمريكا وهناك بيسحب هو وأنسة شمس كتير. وأكيد حضرتك عارف سعر الدولار دلوقتي. وادي الملف اللي يثبت صحة كلامي.

حمزة بهدوء مزيف: تمام يا أيمن اتفضل أنت. وأنا هراجع الملفات. وإن لقيت حاجة غلط هبعت لك. أيمن بجدية: تمام يا باشا. بعد إذنك. حمزة: تفضل. عند شمس. مارك: ماذا هناك صغيرتي؟ أراكِ منزعجة من محدثتك على الهاتف. شمس: لا تقلق مارك. إنه متطفل يزعجني. مارك: كيف له أن يزعج ملاكي الصغير!!! شمس بابتسامة: اهدأ مارك. فأنا قمت بتوبيخه. مارك: حسناً. عزيزتي، هيا أكملي تناول غدائك.

شمس: أشكرك مارك. سعدت كثير برؤيتك. كنت أتمنى أن أزل وقت أكثر ولكن عمي سيقلق علي بشدة. سأذهب وأراكِ لاحقاً. مارك: سعدت بلقائك عزيزتي الصغيرة. أراكِ قريباً. شمس بامتنان: لا أعرف كيف أشكرك! أنا ممتنة لك بالكثير مارك. مارك بسعادة: لا داعي للشكر عزيزتي. فأنا أيضاً مدين لك بالكثير. شمس بإنجاز: عليا الذهاب الآن. أراكِ لاحقاً. مارك: وداعاً صغيرتي. بعد خروج شمس قامت بالذهاب لمنزلها المقيمة به بحوزة عمها. عماد

بارتياح بعد أن رآها سالمة: قلقتيني عليكي يا بنتي. كنتي فين؟ شمس بحب: ربنا يخليك لي. كنت في مشوار صغنن قد كدا. عماد: وإيه هو المشوار الصغنن اللي قد كدا؟ شمس: متستعجلش يا باشا. هتعرف كل حاجة في وقتها. عماد: ماشي يا بنتي. ربنا يريح بالك. ويوفقك في اللي في دماغك. شمس بابتسامة: يارب يا عمي. ادعي لي أنت بس كتير. عماد: حمزة اتصل بيا وعايز يكلمك.

شمس بتوتر: ااا طيب يا عمي. أنا كنت بره وجاية تعبانة. هطلع أرتاح. ولما أقوم هكلمه. عماد بهدوء: بتتهربي منه ليه يا شمس؟ شمس بثقة مزيفة: وأنا ههرب منه ليه يا عمي. أنا بس تعبانة من المشوار وعايزة أرتاح. ولما أصحى هكلمه. بعد إذنك. عماد بتنهيدة: ربنا يهديكم يا بنتي. اطلعي يلا. عشان السفر النهارده بعد الفجر. شمس: ربنا يقدم اللي فيه الخير. في الطائرة وتحديد الساعة 4 فجراً. تجلس شمس بجوار عماد للرجوع لأرض الوطن.

عماد: هتعملي إيه كدا يا بنتي مع حمزة؟ شمس بهدوء: ولا حاجة يا عمي. عماد بتساؤل: إزاي بس؟ شمس: بص. أنا مش هحكي حاجة دلوقتي. بس عايزك تعرف إني عند وعدي ليك. وابنك هيرجع لك. بس اللي هطلبه منك يتنفذ يا عمي. وصدقني كل اللي هقوله في مصلحة حمزة. عماد بتنهيدة: أنا عارف يا بنتي وواثق فيكي. وهسيب كل حاجة عليكي. شمس بثقة: وأنا إن شاء الله أكون عند حسن ظنك فيا. في مطار القاهرة الدولي يقف حمزة وخالد وأمينة وأدهم (صديق حمزة)

ورنيم بانتظار عماد وشمس. حمزة بضيق ممزوج بالقلق: أخرو أوي. خالد بسعادة: لسه يابني. حمزة بضيق: لأ، أخرو. أدهم بضحك: يا ابني اهدي على نفسك شوية. رنيم بصراخ: شمس هناك أهي. وتجري سريعا وتحتضنها شمس بحب واشتياق. "وحشتيني يا قلبي اوي! رنيم بدموع: "حمد الله على السلامه! عامله اي؟! شمس بسعاده: "الحمد الله بخير. بس سيبيني بقا اسلام علي الباقي! رنيم بعند: "لا انتي واحشاني وعايزه اشبع منك! شمس بضحكه:

"وانتي كمان والله وحشتيني اووي! خالد بهزار: "عايز اسلم علي بنتي يا ست رنيم!! رنيم وهيا تبكي: "اتفضل يا عمي بسرعه بس.! امينه وهيا تحتضن رنيم: "بتعيطي لي يا قلبي؟! رنيم بدموع: "مبسوطه اوي! ادهم بمرح: "والله انتم يا ستات عليكم حركات. زعلانين تعيطو مبسوطين تعيطو. نكدين اقسم بالله!! كل دا وحمزه واقف يتطلع الي شمس بنظرة تفحصيه مليئة بالشوق ويتطلع بكل انتباه ليراها تغيرت 180 درجة. خالد بدموع: "وحشتني يا بنتي!!

شمس وهيا تبادله العناق: "وانتم كمان والله وحشتونا كلكم! ادهم: "حمدالله علي سلامتك يا شمس! (ومد يده لمصافحتها) شمس وهيا تصافحه: "الله يسلمك يا بشمهندس ادهم! ادهم بمرح: "بشمهندس اي بقا دا انتي مرات اخويا ارفعي الالقاب! حمزه بغيره وهوا يتطلع لهم بنظرات مليئة بالغضب: "حمدلله علي سلامتكم!!!! عماد وهو يحتضنه: "الله يسلمك يا ابني! ادهم بصوت منخفض لشمس: "اسكتي احسن ابو لهب يجي يبلعنا. شوفي بيبصلنا ازاي! رنيم بفضول:

"بتضكوا علي اي؟! ادهم: "خليكي فـ حالك!!! رنيم بعبوس: "موجهتش ليك كلام. انا بكلم صحبيتي! ادهم بإستفزاز: "امال واو الجماعه في "بتضحكوا" دي لي؟! رنيم بغيظ: "انت يلااا ملكش داعوه بيا. وانا اقول اللي عايزه. جتك القرف في شكلك. عيل بارد ومستفز!! ادهم بإستفزاز: "انا دا انا قمر. وكل البنات بتتهاتف عليا!! رنيم: "معندهمش نظر اقسم بالله! شمس بصداع: "اي انتو الاتنين صدعتنوني!!!! حمزه بغيظ: "ما تـ يلاو ولا عجبتكم الاقعده؟!

شمس ببرود: "جاين اهو!! ليذهبوا جميعاً لمنزل عماد حيث تقوم مرفت زوجة عماد والجد والجده بإنتظارهم. بعد قليل وصلوا جميعاً لمنزل عماد، وبعد السلام والاطمئنان على شمس وصحتها اتجهوا لتناول الغداء، فالطائرة من أمريكا لـ مصر استغرقت 12 ساعة. حمزه بهدوء: "طيب يا جماعه هنستإذن احنا عشان شمس ترتاح شويه! عماد بستغراب: "متطلعوا يا ابني!! حمزه: "لا يا بابا. انا هاخد شمس ونمشي علي ڤيلاتنا! عماد:

"اطلع يا حمزه مراتك جايه من سفر 12 ساعه ومحتاجه ترتاح. وبعدين نبقا نشوف موضوع الڨيلا دا! حمزه: "يا بابا اسمع بس! عماد: "والله ما انتم متحركين من هنا. يلا علي فوق!! شمس بتعب: "خلاص يا حمزه انا اصلا تعبانه ومش قادره اتحرك. نبقا نمشي بكره! حمزه بستسلام: "ماشي يا شمس!! الجد: "ما انتي قاعده يا بنتي! شمس بإرهاق: "هطلع انا شويه يا جدو احنا منمناش من امبارح! الجده: "نوم الهنا يا حبيبتي!!!! شمس:

"الله يهنيكي يا قلبي. عايزين حاجه؟! الكل في صوت واحد: "سلامتك!!! في غرفة حمزه وشمس. حمزه بغيظ: "كان عاجبك الهزار مع ادهم اووي صح؟! شمس ببرود: "وانت اي داخلك!!! حمزه بغضب: "اتكلمي حلو يا شمس! شمس بإرهاق شديد: "حمزه بأمانة انا جايه من السفر تعبانه سيبني ادخل اخد شاور وانام عشان مش حاسه بنفسي. ولما اصحي نبقا نخانق زي ما انت عايز! حمزه بحنان: "طيب" واقترب منها وبصوت خافت: "واحشتيني." شمس بتوتر ممزوج بالخجل: "ربنا يخليك."

حمزه بضحك: "هوا اي اللي ربنا يخليك؟! شمس بعبوس: "متتريقش عليا يا رخم!!! حمزه بحب: "يا قلب الرخم! شمس بتوتر: "اا ممكن تعديني ادخل الحمام؟! حمزه وهوا يعلم انها تحاول الهروب منه: "اتفضلي!!! في الحمام شمس كانت تحدث نفسها. "لا يا شمس مش من اول كلمة هتضعفي. ايوه لازم تخليه يعرف مين هيا شمس البحيري متنسيش هوا قالك اي. ومتنسيش سبب جوازكم اي فوقي كدا... شمس بتنهيدة حزينة:

"مش هينفع اللي بيحصل ده لازم اوقفه عند حده. وافكرة بالكلام اللي قالو! بعد وقت ليس بـ قليل تخرج شمس من المرحاض لتجد الغرفة فارغة. شمس لنفسها: "راح فين دا" وتتجه لغرفة الملابس. شمس بشهقة: "بتعمل اي هنااا؟! حمزه بضحك علي منظرها: "اهدي يا بنتي في اي بجهز لبس عشان استحمي! شمس بضيق: "حرام عليك يا حمزه خضتني." حمزه: "سلامتك من الخضه ياروح حمزه! شمس بضيق: "بقولك اي يلاا مالك بقيت نحنوح لي كدا! حمزه بتعجب: "نحنوح!!!!!

غوري نامي ياشمس ربنا يهديكي! شمس: "روح يا نحنوح!! حمزه: "بس يا شمس انا غلطان اني عبرتك اصلا." شمس: "مصدقت خلصت من مارك طلعتلي انت!! حمزه: "مين مارك دا؟! شمس: "دا واحد من امريكا وصديق ليا." حمزه بغضب: "من امتي وانتي ليكي اصحاب ولاد. احنا مش قفلنا الموضوع دا؟! شمس: "وانت مالك. انت شكلك خدت عليا بزيادة وعايز تخليني اجرب الحركتين اللي اتعلمتهم هناك! حمزه بضيق: "اتعدلي يا شمس!! شمس بعصبيه:

"اخرج بره يا حمزه يلا. كل شويه اتعدلي يا شمس اتعدلي يا شمس شايف شمس معوجه مثلا!! حمزه بغضب: "انا خارج عشان مزعلكيش مني." بعد خروجه. شمس: "خد عليا اووي فاكرني هسكتلو! يلا اما اشوف هعمل اي عشان انام." بعد مده من الزمن ليست كبيره عاد حمزه من الخارج ليجد شمس غارقه في نومها. حمزه بضيق: "نوم الظالم عباده!! شاطره بس تقف تهزر مع ادهم!! ليستلقي بجوارها ويغفو في نوم عميق. تستيقظ شمس مساء تحديدا الساعة الـ 9. شمس بنوم:

"نمت كتير وضيعت صلاة المغرب. اما اقوم اصلي وانزل اشوف طنط مرفت وعمي عماد." تجهز شمس وتقوم بأداء فريضتها وتنزل الي الأسفل حيث يجلسون جميعاً. شمس بإبتسامه: "مساء الخير! الكل في صوت واحد: "مساء الفل!!! عماد بتساؤل: "امال فين حمزه؟! شمس: "نايم فوق!!! الجد: "عامله اي يا بنتي دلوقتي؟! شمس بحب: "زي الفل يا حبيبي." مرفت: "احنا اتعشينا يا بنتي. هقوم اجهزلك العشا! شمس بإبتسامه:

"متغلبيش نفسك يا طنط انا اصلا شبعانه. هقوم اعملي حاجه اشربها. حد عايز حاجه اعملهالو معايا! عماد: "ياريت كوباية قهوه من ايدك يا بنتي." الجد: "وانا شاي بنعناع." الجده: "وهتيلنا احنا عصير." شمس: "حاضر عايزين حاجه تاني؟! الكل: "لا." لتذهب للمطبخ لتقوم بتجهيز طلباتهم!! استيقظ حمزه وبحث عن شمس بالغرفة فلم يجدها ليعلم انها أسفل تجلس مع العائلة. لينزل للمكوث معهم. حمزه: "مساء الفل! الجده: "مساء النور يا حبيبي! الباقي:

"مساء الخير! حمزه بتسأؤل: "هيا فين شمس؟! عماد: "في المطبخ بتعملنا حاجه نشربها." حمزه: "طيب هروح اشوفها لو عايزة مساعدة واخليها تعملي قهوة! مرفت: "روح يا ابني جيت اقوم اساعدها حلفت ومرضيتش!! حمزه: "هروحلها! وذهب للمطبخ وجد شمس مندمجة في صنع القهوة وتدندن أغنيتها المفضلة. شمس: "انا لا حبيبي وحبيبي إلي. يا عصفوره بيضا لا بقا تسألي. ما بيزعل حد ولا يعاتب حد انا لا حبيبي..... ليقطعها حمزه. حمزه بحب: وحبيبي إللي!!

شمس بخضه: يا حمزه حرام عليك كل شوية تخضني! حمزه: أنا آسف! شمس بضيق: جاي لي؟ حمزه بحب: ممكن تعمليلي قهوة معاكي! شمس: لي، وأنت اتشليت؟ حمزه بصدمه: في واحدة محترمة تقول لجوزها اتشليت؟ شمس بلامباله: مش أنا قولته، يبقى فيه! حمزه بذهول: لا، أنتي أكيد مجنونة! شمس بعصبيه: شوف، أدي القهوة اتحرقت، والله ما هيشرب المحروقة دي إلا أنت! حمزه بستنكار: هوا أنا إللي كنت حرقتها! شمس بضيق: لا، أنت إللي لخمتني عنها!

حمزه بعبوس: وأنا ذنبي إيه! شمس بعند: هتشربها يا حمزه، يا عني هتشربها، يا أما اعمل لنفسك! حمزه بضيق: هتزفتها خلاص! شمس: أوعى بقا خليني أطلع! حمزه بغضب خفيف: اتفضلي يا برنسس! شمس بعبوس: أنت بتتريق عليا صح! حمزه بسخريه: لا، أبداً! شمس وهيا تخبط قدمها في الأرض: لا، بتتريق عليا والله يا حمزه، لا أقول لأبوك عليك! حمزه بخوف مزيف: لاء، خلاص، أنا آسف! شمس بإبتسامه: ناس متجيش غير بالعين الحمرة! (وخرجت) حمزه لنفسه: صبرني يارب!

(وخرج وراها) عماد: الشركة أخبارها إيه يا حمزه! حمزه: الحمد لله يا بابا، ماشية فلل! عماد: الحمد لله. هتنزلوا الجامعة بكرة يا شمس! شمس: لا يا عمي، بكرة هخرج أعمل شوبينج أنا ورنيم، عشان زي ما أنت عارف لبسي كله اتحرق مع الشقة. عماد: على بركة الله، هاتي إللي تحتاجيه. شمس: بإذن الله. لتكمل بغموض: عندي مشوار بالليل يا حمزه، واحتمال أطول شوية! حمزه: فين! شمس: لما يجي بكره يحلها ربنا! حمزه بستغراب: إنشاء الله!

شمس: ماتشغلو لنا فيلم ولا حاجة نسمعها. حمزه: تمام. ليقوم حمزه بتشغيل الفيلم ويسهروا جميعاً سهره عائلية، وبعد انتهاء الفيلم اتجه كل واحد إلى غرفته من أجل نيل قسط من الراحة. صباح يوم جديد، تخرج شمس هي ورنيم ويقوموا بعمل الشوبينج، ويأتي المساء سريعاً. حمزه وهوا يحادث زيزي على الهاتف: خير! زيزي: البوص الجديد هيجي النهارده عشان نتفق على كل حاجة، ورئيس the Red evil (ذا ريد إيڤل)

هينزل النهارده من أمريكا وجاي يطمن على الأوضاع هنا! لازم تكون موجود النهارده وإلا متلومش إلا نفسك! حمزه ببرود: آخر عملية دي ومش عايز أشوف خلقتكم تاني! زيزي بسخريه: أما نشوف الأوضاع. حمزه بحده: ميخصنيش! اقفل وأنا جاي! شمس لحمزه: مالك مدايق ليه! حمزه: مفيش حاجة، أنا خارج شوية، عايزة حاجة! شمس: وأنا كمان خارجة، عندي عيد ميلاد صحبتي! حمزه بهدوء: ماشي يا شمس، خدي بالك من نفسك ومتتأخريش! شمس: حاضر.

حمزه قبل مقدمة رأسها: خدي السواق معاكي، وعايز أجي وتكوني صاحية، عايز أتكلم معاكي شوية. شمس: إنشاء الله، يلا مع السلامة! خرج حمزه، وكذاك شمس. اتجه حمزه لوجهه، وشمس كذاك. شمس لشخص ما على الهاتف: أنا في طريقي ليكم! شخص: اوكي، استنينا على بداية الطريق. شمس بغموض: ماشي، ومش عايزة تأخير! شخص: إيه يا شوشو، مستعجله على إيه! شمس بحده: اخلص، خلينا نشوف آخرتها! شخص: أهدي يا باشا، هنيجيلك اهو. شمس: تمام، باي!

بعد قليل تصل شمس لمكان ما، ويصل في نفس الوقت سيارة ما. شمس بإبتسامه لشخص: نورت مصر! عند حمزه في مكان ما، يجلس هو وزيزي وعبده وعصام منتظرين البوص الجديد. حمزه بملل: هنستنى كتير! عصام: استنى أرن أشوفهم فين. عصام: إيه يا باشا، آخرتكم ليه! شخص ما بحده: في إيه يا عصام، أنت هتحاسبني متأخر براحتي! عصام وهوا يبتلع ريقه: ابدأ يا باشا، براحتك خالص. الشخص: اتعدل يا عصام، على العموم أنا دقيقتين وهبقى عندك!

واغلق الخط دون أن يستمع لرد عصام. حمزه: براحتك، هيا بنت! عبده بخبث: ومش أي بنت! حمزه بسخريه: بنت هيا إللي هتمشيكوا! البنت من خلفه: ياريت متستقلش بالبنت دي، عشان أنت متعرفش هيا ممكن تعمل فيك إيه! حمزه التفت ليراها لينصدم بشدة، فهو لا يصدق ما تراه عينيه: مستحيل، لا! أنتيييييي.....