رواية بدون اختيار الفصل الثالث 3 - بقلم سمر شريف

حسن: أنت!!!!!! بتعمل إيه هنا!!! حسن: إزيك يا عريس. صباحية مباركة. حسن: بتعمل إيه هنا يا خالد؟ خالد: جاي أبارك لصاحبي ومراته. حسن: اتفضل يا خالد، بره من غير… وقبل ما يكمل، ردت تسنيم: إزاي يا حبيبي؟ مينفعش نطرد ضيوفنا. حسن بص لها واستغرب. هي دي اللي كانت بتعيط بالليل عليه، طالعة بهدوء تقوله اتفضل؟

دخل خالد، وتسنيم قدمت له حاجة ساقعة وقعدت جمب حسن. وكانت في قمة حلاوتها، لابسة أشيك حاجة وبرفيوم ريحته جميلة، وحاطة ميكب خفيف. وكان حسن مش واخد باله من نظرات خالد، لأنه كان مبسوط إن تسنيم جمبه وماسكة إيده، كأنها… كأنها بتحبه فعلاً. واتمنى لو كانت بصتها اللي مليانة حب دي حقيقة. خالد: احم. بيتهيألي جيت في وقت غلط. تسنيم: طبعًا جيت في وقت غلط. مكنتش فاضية أنا وحسن، بس مكنش ينفع نمشيك. خالد: قصدك إيه؟

تسنيم: قصدي إنك نورتنا يا خالد. نردهالك في فرحك يا صاحب جوزي. مفتحش بوقه بنص كلمة ومشوا. حسن كان في قمة انبساطه بكلمة "جوزي" وطريقة تسنيم معاه. بس اتقلب مزاجه أول ما تسنيم شالت إيدها ورجعت بصات الكره والقرف بتاعتها تاني له. تسنيم: هخش أنام. حسن: استني يا تسنيم. فيه حاجات لازم نتكلم فيها. تسنيم: في إيه؟ حسن: عايز أعرف سبتوا بعض ليه، أو سبتيه، أو سابك ليه. تسنيم: أنت مفكر فيه حاجة حصلت بينا زيهم صح؟

مهو مستحيل حد يفكر إنه سابني كده من قلة أصله وإنه مش راجل وقد كلمته وإنه محبنيش. أكيد العيب فيا وإني وحشة. صح يا حسن؟ وطالما وحشة، وافقت تتجوز واحدة زيي ليه يا حسن؟ حسن: مكنتش أقصد كده يا تسنيم. وأنا متأكد إني مهما لفيت مش هلاقي حد في طيبتك وأخلاقك يا تسنيم. أنا متأكد إنك تعرفي تحافظي على نفسك كويس، وإن العيب والغلط مش منك. وهفضل أشكر ربنا إن حقيقته بانت وسابك قبل ما كنتي تتجوزيه، وإنك بقيتي حلالي ومراتي.

تسنيم: أنا مقدرش أديك اللي أنت عايزه، ولا حب، ولا إني أبقى مراتك، ولا اهتمام، ولا أي حاجة. ممكن بعد فترة نطلق يا حسن. أنا مبحبكش ولا عمري هحبك ولا هفضل معاك. حسن: وهيقولوا طلقتها لي في أول شهرين جواز. تسنيم: أنا تعبت من كلام الناس. في كل الحالات هيتكلموا عليا.

حسن: أنا بحبك يا تسنيم من وإنتِ عيلة صغيرة بضفاير. بس معرفش، مكنتيش بتحبيني ليه. أنا مقدرش أعيش من غيرك. الراجل اللي بيمشي شركة بحالها فيها أكتر من 100 راجل وله كلمة مبتنزلش، كان بيعيط وهو ساجد عشان تبقي من نصيبه. لففتيني وراكي يا بنت الحاج علي، وفي الآخر عايزاني أسيبك تمشي؟ هفضل وراكي لحد ما عنيكي اللي بتوه فيها دي متحبش تشوف غيري.

تسنيم: معنديش حاجة أديهالك يا حسن. خلينا نعيش كأننا مش موجودين في نفس المكان، وبعد شهرين طلقني. تصبح ع خير. سابته ودخلت نامت. وفضل هو يفكر إزاي يخليها تحبه، ولا تفضل معاه حتى من غير ما يتجوز. وبعد شوية أهلها جم وسألوا عليها. قالهم نايمة. علي (والدها) : عايزك في حاجة يا ابني لوحدنا. أخده وراحوا أوضة تانية. حسن: في إيه يا حاج؟ علي: إيه اللي أنت بتقوله ده يا حاج؟ حسن: بتشك في بنتك، في تسنيم؟

علي: يبقى محصلش بينكم حاجة معاك يومين وتقولي بنتي بنت بنوت ولا لأ. حسن: أجبرها يعني يا حاج، ولا إيه؟ دي بنتك بردو. استهدي بالله كده ومتخليش الشيطان يدخل بينكم. علي: برضاها أو غصب عنها لازم أعرف. وإن مكنتش بنت بنوت، هقت**لها أو أنا هخلص عليها. حسن: عايزني أغت..صب مراتي!!!!!!