رواية بديت أنساك يالون السعادة~للكاتبة ضاقت انفاسي الفصل السابع عشر 17 - بقلم BlackButterfly002

بسم الله

17

ابتسم على كلام امه ؛ يعني مو كأنكم انتم طفشتوني من اول ما جلست
احمدي ربك اني بعدني جالس
ام صقر : لا تلومني ترى هالبنت مو داخله مخي
فهد تنهد وناظر امه : والله الف حرمه ما ابديها عليك
وخلاص يوم الشوفه رح اجلس واتكلم معها
واحكم عليها بنفسي
واذا ما عجبني اي شيء رح انسحب وما اكمل
ويا دار ما دخلك شر
ام صقر وهي خايفة يقع النصيب : ان شاء الله
يصير شيء ويلتغي الموضوع كله
ابتسم لامه على كلامها وهو مو مهتم صار النصيب
او لا
xxxx
xxxx
xxxx
xxxx
xxxx
فاطمه هزت كتفوفها : والله ما ادري وش تفكر فيه
هالشوق
الجده مو عاجبها رفض شوق : طيب حاولي فيها
تفكر مره ثانيه قبل ما ناصر يرد لهم الجواب
فاطمة حركت راسها بفقدان امل : ما ظنيت توافق
تقول هالموضوع
ما تفكر فيه ابد وانا بلغت ناصر برفضها
الجده عفست ملامحها : يعني ولد عمها فارس
وانفصلت عنه ما تبغاه وهو كل الحريم تتمناه
قاطعتها شوق وهي داخله : الا انا ما ابغاه
الجده تناظرها : فارس ما يعيبه شيء ليه تطلبين الطلاق ما
ادري عن ناصر تاركك على راحتك
شوق وهي تجلس وتناظر جدتها : يا جده افهمي
ترى حفيدك هذا ما اطيقه ولا اقدر ابلعه
التقت عينها بعين شريفه وهي تخز فيها
طنشت شوق نظرات شريفه ورجعت تناظر جدتها
كملت الجده كلامها : طيب والعريس ليه رفضتي ؟
شوق وهي تلعب بخصله من شعرها : مو مرتاحه
لامه واخواته
انا طبعي اذا ما ارتحت للام مستحيل اوافق
واعطت نظره لشريفه وكأنها تقصدها بالكلام
فاطمه تضايقت من شوق ما تحب نغزاتها
بالحكي حتى لو كانت ضرتها تكلمت وهي
تناظر شوق بحده: عمرك ما وافقت
خلاص قفلوا الموضوع
قاطعها دخول وليد وهو مبتسم : نقفله بالمفتاح
والا بالسقاط
ابتسمت فاطمه له : للي تبغى بس ارتاح من هالسيره
طالعها بعد ما جلس مقابل لها : وش هالموضوع للي تبغين تقفلينه ؟؟
فاطمه بدون نفس : عريس شوق
الجده وهي تؤشر على شوق : شفت اختك المخبوله رفضت العريس
وليد ناظر شوق للحظات وبعدها ناظر فاطمه : تدرين
يا خالتي احسن شيء رفضته لاني
بصراحه مو مرتاح لهذي العيله ومتأكد رح تتغلب
معهم شوق
وما حبيت اتدخل قلت يمكن ...
قاطعته شوق وهي تتخصر بعد ما وقفت : انا اعرف انك ما تتمنى لي الخير
وفرحان لاني رفضت واكيد غيران من ساري
لانه احسن منك بكل شيء
وتحلم توصل لظفره
لكن انا جكر فيك موافقه
وصارت تتريق على كلامه «تدرين يا خالتي احسن شيء رفضته »
وناظرته بعصبية : انت وش دخلك وافقت او لا
والا لازم تحشر خشومك بكل شيء
كان الموجودين يناظرونها بصدمه من الموقف
ما قال شيء وليد علشان تهب فيه
كذا
عدل وليد ملامحه ورسم ابتسامه وهو رافع حواجبه : ما رح ألومك على كلامك اكيد نفسيتك
متحطمه لانه شيخ الشباب تزوج وطار لشهر العسل
وعلشان كذا رفضت اكيد تبغين تعيشين على ذكراه
وتركهم وطلع
تارك خلفه شوق نار مشتعله
طالعته وهو طالع وبصراخ : تخسى انت واخوك
وطالعت شريفه بحقد وسحبت نفسها وطلعت
وهي مو شايفه قدامها من العصبيه

xxxx
xxxx
xxxx
xxxx
xxxx
xxxx
ياسر وهو يدق بأصابعه على الطاوله : اكيد انهبلت
ليه هي لعبة بزران ساعه موافقه وساعه رافضه ............ابوي يدري عن السالفه .......خلاص انسي وقفلي على الموضوع ......ما ادري هي غبيه والا ايش ترجع توافق
جكر بوليد .........لا خلاص الموضوع تقفل حتى ابوي خبرني انه اتصل بالجماعه وخبرهم بالرفض ......لا والله ما يصير وليد ما قال شيء علشان ترد عليه
كذا ..........ما ادري عنها .............مثل ما قلت لك يمه لا تجيبي سيره لابوي .....ان شاء الله مع السلامه
قفل الجوال ووضعه على الطاوله وهو يفكر بوضع شوق
تقرر بدون تفكير ومشاعرها هي للي تحركها
رفع نظره لنواف وهو يحرك إيدينه قدامه : وين رحت سرحان بعد المكالمه ؟؟
وش قالت لك عمتي ؟؟
طالعه ياسر بهدوء : سوالف عاديه
طالعه نواف وهو يقرصه بعيونه : اااااه سوالف عاديه
المهم ترى جدتي هاليومين جايه عليكم
بعد ما سمعت انها شوق رح تخطب
ياسر رفع حاجب وكأنه مو عاجبه قدومها : يعني تبغى تبارك ؟!!
نواف ابتسم : لا يا شاطر جايه تقيمها على رؤوسكم
وخاصه ابوك
وتقول تبغى تسحب شوق عندها
ابتسم ياسر بملل : تراها واثقه من نفسها
عموما خبرها انه التغى الموضوع
قبل ما تتعب نفسها وتيجي مو ناقصنا وجع راس
طالعه نواف بعد ما حط يده تحت خده : غريب يا ياسر تغيرت
ما كنت كذا مع جدتي وش للي غيرك عليها ؟؟
حتى زياره ما عدت تزورها !!
ياسر ما يبغى يخوض بهذا الموضوع : مشغول مو فاضي احك راسي
سكت نواف للحظات وهو يحس ياسر ما يبغى يتكلم : طيب وشوق ليه رفضت ؟؟
ياسر هز كتوفه بلامبالاه : بكيفها
طالعه نواف وما تكلم
وبعدها دخل ياسر بمواضيع ثانيه ....

xxxx
xxxx
xxxx
xxxx
xxxx
xxxx
ام صقر ونار بصدرها : كيف ترفضك وانت الف بنت تتمناك ؟!!
ساري وهو يتصنع البرود : والله ما ادري روحي اسأليها عن السبب
ام صقر وهي تعض على اصبعها لعلها تطلع حرتها : اخخخخ لو انها قدامي
فوق ما وافقنا عليها وهي مطلقه
تيجي ترفض
اسراء بهدوء : ليه يا خالتي متضايقة مو انت كنت ما تبغينها
هذا هو
انلغى الموضوع بكل اريحيه
ام صقر بقهر : حنا نرفضها مو هي ترفضنا
كله بسبب جدتك والا انا ما ابغى هالنسب كله
شمس باستغراب : يعني يا جده هي حلوه كثير علشان كذا شايفه عمرها وترفض
ام صقر بكره : الا مثل الغراب استغفر الله
اسراء بهدوء ناظرت شمس : انا وش قلت لك ما تتدخلين بسوالف الكبار
شمس بتبرير : بس ماما
اعطتها نظره واظطرت شمس تسكت
ياسمين بتفكير عميق ؛ يمه وش رايك نخطب
قاطعها ساري : تقدري تقفلين الموضوع كله الحين
ام صقر وهي تحاول تمسك اعصابها وترجع لنفس الموضوع :وش ينقص ولدي حتى ترفضه ؟؟
اصلا الظاهر انها وحده لعابه والا ولد عمها خاطبها
اكثر من ثلاث سنوات وعند موعد الزواج ترفضه !!
نعمه وشكر من الله انه انتهى الموضوع
ياسمين : خلاص يمه انسي الموضوع ولا تضايقي نفسك
الحين يرتفع عندك الضغط
ام صقر هزت راسها : احاول بس مو قادره كل ما اتذكر
انها هالزفته رفضت ولدي تطلع لي قرون
حسبي الله على عدوها رفعت الضغط عندي
ياسمين طالعت ساري : اشوفك ساكت وما علقت على الموضوع
حط يده تحت خده بملل : يعني وش تبغين اعمل
اروح انتحر ؟؟!!
البنت حره باختيارها ويمكن استخارت وما ارتاحت
كل واحد حر باختياره
شمس بابتسامة ؛ يمكن يا عمي شافت جني او شبح بالحلم
ام صقر خزتها بعيونها بحده : اقول جني يركب يهودك وش شايفه ولدي علشان تقولين عنه كذا ؟؟
وش حلاته يجنن وما شفت بزينه
همست ياسمين لساري : تراها امك تبالغ فلا يكبر راسك
ساري ابتسم : محتره لاني احلى منك
لوت ياسمين بوزها : نعم ؟؟!!
لا بالله عنست اذا انت احلى مني
ام صقر بدفاع عن ساري : ايه احلى منك
مو ناقصه شيء
وان شاء الله ربنا يرزقه العروس للي تسعده

xxxx
xxxx
xxxx
xxxx
xxxx
xxxx
xxxx
دانا بهمس بعد ما لوت بوزها : قال رفضت تحمد ربها
انها لقت واحد يطالع بوجهها
مريم وهي تمسح على بطنها بخفه : ما يصير كلامك هذا
وشوق مو ناقصها شيء
دانا : ناقصها كثير
شوق تختلس النظر لمريم ودانا وهن يتهامسن
وتحس انهن يتكلمن عليها
صارت تلعب بأظافرها وأذانها عند دانا ومريم
تحاول تسمع وش يقولن
مو قادره تسمع وش يقولن بسبب صوت امها
وجدتها وام مهند
شوشوا عليها
عفست ملامحها بضجر وناظرت عمتها للي وجهت الكلام لها : سمعت انك رافضه ابن ام صقر ؟!!
شوق ابتسمت بخبث : ايه رفضته
ام مهند تتكلم بهدوء : وش السبب ؟؟
شوق تكمل بخبث : بصراحه انا من النوع للي ما اوافق على العريس بسرعه
مو مثل ناس من اول عريس على طول وافقوا
حتى بدون استخاره وكأنهم مشفوحين عرسان
وطالعت بطرف عينها دانا وهي تبتسم بخبث
احمر وجه دانا وهي عارفه انها تقصدها
لما خطبت
بس دانا قاعده لها بالمرصاد ردت بدقه وهي تناظر عمتها : يمكن رفضت شوق خايفه يرفضها
يوم الشوفه
واعطت نظره شماته لشوق
طالعتها شوق وهي ماسكه نفسها تبغى تقوم وتكسر الدنيا فوق راس دانا
وقبل ما ترد شوق وتبرد حرتها تكلمت ام مهند : ما شاء الله عليها شوق مو ناقصها شيء حتى تنرفض
رفعت عمتها من معنوياتها بس للحين ما بردت حرتها
ردت دانا وهي تمثل البراءه : انا مو قصدي شيء يا عمتي
بس اكيد شفتي كنتهم تطيح الطير من جمالها
واكيد يبغون وحده حلوه مثلها
شوق والغيره ولعت بقلبها لما تذكرت
الحلوه للي كانت بالحفله وطلعت كنتهم
طالعت دانا والشرار يطلع من عيونها ؛ خلي عنك يا ملكة جمال العالم
للي يسمعك تتكلمين عن الجمال يصدق
تراك تشبهين القرد انت وابنك المقرود
احمدي ربك لقيتي واحد اعمى وتزوجك
ولو عنده نظر كان هج من نفس اللحظه
دانا ولعت من العصبيه : قصدك مثل فهد لما شافك وهج
حست شوق انه دانا ضربت الوتر الحساس
وما تبغى عمتها تدري انه فهد شافها ورفضها
وللحين متأثره بذاك الموقف
واقتربت منها وشدت شعرها بقوه
دانا وهي تحاول تفلت شعرها وتشتم بشوق
ودموعها على وشك النزول
والحريم يحاولون يفكونهم بس ما في فائده
شوق وهي تشد بشعرها وتتكلم من بين اسنانها : انا اراويك يا زفته
دانا وهي تقرص بكتف شوق والدموع تتزل من قوه الشد : اتركيني يا .....
شوق وهي تشد بأقوى ما عندها
صرخت دانا من الوجع
بعد لحظات تركتها وخلال ما رفعت دانا راسها
ضربتها شوق كف على وجهها
وتراجعت خطوتين للخلف لما سمعت صراخ ابوها : شوق
بلعت ريقها وطالعت ابوها وبسرعه ركضت
باتجاه الدرج مطنشه نداء ابوها عليها
ناصر عصب عالاخير وهو يشوف كيف طنشته ولا كأنه موجود
وفوق هذا هاجمه على اختها
توجه خلفها باتجاه الدرج بس وقفته فاطمه وهي تمسكه من كتفه : ناصر
ابعد يدها عنه وما سمح لاحد يتكلم وتابع صعوده للدرج بعد ما اعطى تهديد لفاطمه : يا ويلك اذا لحقتيني
فاطمه بضيق وتوجهت للجده : خالتي اطلعي انت
اكيد ما رح يردك
قاطعها صراخ ناصر : والله للي يلحقني صدقوني ما يصير خير
وتركهم
ام مهند بلوم : الله يصلحكن ما له داعي النغزات بالكلام
هذا وانتن اخوات !!!
دانا وهي تعدل شعرها : هي للي بدأت
قاطعتها مريم : خلاص اسكتي
دانا بعصبية وهي تمسح دموعها : والله ما اسكت لها تفكر الدنيا سايبه عندها
دخلت شريفه من برا وكانت بالمجلس الخارجي سألت باستغراب وهي تناظر دانا وشعرها معفوس : وش فيه صوتك طالع ؟؟/
ومين عمل فيك كذا ؟؟
دانا بحقد وكره : مين غيرها الزفته
والله ما اسكت لها والحين تشوف
مسكت الجده يدها قبل ما تتحرك : وين رايحه يا بنت ؟؟
دانا وهي تفلت نفسها من جدتها : الحين رح اخلي
زوجي يحط لها حل
الجده شهقت : تبغين تفضحينا عند العرب ؟؟
اقعدي لا بارك الله بإبليسك
والحين ينحل الموضوع
دانا بعناد : ما رح اسكت
فاطمه كتفت يدينها وهي تناظر دانا : خلها تروح تقول له
وش بيطلع بيده ؟؟
يعني ييجي ويضرب شوق والا وش رح يعمل ؟؟
دانا بتوعد : الحين تشوفين وش رح يعمل
مشيت خطوتين بس وقفها صوت ناصر الحازم : دانا
وقفت وناظرت ابوها
تابع ناصر كلامه وهو ينزل عن الدرج : الظاهر انه ما عندك عقل تفكرين فيه ؟
وش للي تهددين شوق بزوجك ؟؟
انت ما تستحين على وجهك ؟!!
دانا بقهر من كلام ابوها : بس
ناصر بعصبيه : لا تبسبسين تجلسين هنا باحترامك
وتحترمين اختك تراها اكبر منك
والا انا للي اكلم زوجك واخليه يقص لسانك على الكلام للي قلتيه
فاهمه
واعطاها نظره قويه خلتها تبلع ريقها
وطلع متوجه للمجلس
دانا التفتت على امها : شفت يمه كيف قلبت ابوي
علينا وهو شافها بعيونه لما ضربتني
اكيد كذبت عليه من خرابيطها المعروفه وصدقها
لكن انا الغبيه اذا شفتوا وجهي بعد اليوم وخلي
الزفته للي فوق تنفعكم
تحركت تطلع من الصاله بس مسكتها شريفه وبجزم : والله ما تطلعين
واذا طلعت من البيت لساني ما يناطق لسانك
دانا بضعف : يعني ما شفت ابوي
سكتتها شريفه وسحبتها وجلستها على الكنبه : خلاص انسي لمتى انت واياها توم وجيري
هذي مريم اختك
دانا بقهر : اذا مريم هبله وما تأخذ حقها
انا مو مثلها
وبتشوف شوق والله لاخليها تندم ويصير خير
طالعتها فاطمه وهي كاتمه ضحكتها على شكل
دانا بس ما علقت على كلام دانا
لانه بنظرها اخوات وطول عمر الاخوات مضاربه

xxxx
xxxx
xxxx
xxxx
xxxx
xxxx
xxxx
دخلت وقفلت الباب وانا ابتسم لما سمعت كلام ابوي ورد دانا كيف انفعلت
جلست على الارض واسندت ظهري على السرير
والموقف لما دخل ابوي يتكرر بين عيوني
دخل معصب والشرار يطلع من عيونه
انا لما شفته كذا حسيت نفسي رح اعملها على نفسي من الخوف
وصار قلبي يدق طبول
يمكن اول مره اشوفها بالعصبيه هذي
وبدون شعور صارت دموعي تنزل من الخوف
تكلم وهو يشد على اسنانه ؛ انا لما انادي عليك ليه ما تردين ؟؟
انا لساني حسيته انعقد وش اقول وش ابرر
اقول له سمعتك بس طنشت وانا اعمل حالي سوبر مان
علشان يدفني بمكاني
ما لقيت جواب ابرر فيه تصرفي الغبي
فكرت الهروب ثلثين المرجله
ما توقعت توصل العاصفه لعندي للغرفه
وقبل ما ارد اصلا ما عندي رد
انتقل لسؤال ثاني : ليه ضربت اختك ؟؟
ما قدرت انكر لانه شافني بعيونه واذا قلت هي للي بدأت بالضرب اكيد رح يسأل تحت ويقولون اني للي ضربتها بالاول
ووقتها رح اسقط من عين ابوي زياده ولو اقول له هذي القبله ما رح يصدقني
وخلاص اصير بنظره كذابه
وحتى لو كان الموقف لصالحي ما رح يصدقني بشيء
قررت اقول له السالفة وهو يحكم بيننا وعلى مين الحق
وبصوت مرتجف تكلمت : ضربتها لانها احرجتني قدام
عمتي ام مهند
رفع حاجب وهو مكشر ؛ احرجتك ؟؟
وانا امسح دموعي تكلمت : ايه احرجتني
تقول لعمتي اني رفضت العريس لانه اذا شافني
رح يهج مثل ما هج فهد
لولا اني ضربتها والا كان قالت قدام عمتي سالفه فهد كامله وانه
شافني وما عجبته ورفضني
وش تتوقع مني اعمل وهي تتكلم عني كذا ؟؟
واذا مو مصدقني اسال جدتي وعمتي ومريم وامي جالسات وشاهدات
هدأت ملامحه شوي : وانت رفضت العريس لهذا السبب ؟؟
سكتت وما رديت لانه بصراحه هذا السبب
خفت يشوفني وما اعجبه ويهج على كلام دانا
وقتها وين عيني من دانا وخلود رح يتشمتون فيني
انا خلاص قرفت الزواج ما ابغى اتزوج واحرج
نفسي
واخلي العذال يتشمتون فيني
رفعت عيوني بعد ما حسيت ابوي ما تكلم
التقت عيني بعينه واحسه مخنوق
تبدلت ملامحه عكس لما دخل علي كان الشرار يطلع
من عيونه
بس الحين احسه لان واشوف بعيونه الشفقه
وكأني كسرت خاطره
شفتم صرت اكسر الخاطر :/
اخذ نفس وتكلم : ليه ما عندك ثقه بنفسك ؟؟
جمال الانسان بروحه مو بشكله
بصراحه ضحكني ابوي للي يسمعه يقول عن جمال روحي خليني ساكته احسن
تابع كلامه : اسمعيني يا شوق
ومسكني من يدي وتوجه للمرايه
وتكلم بهدوء : شوفي شعرك الله اعطاك شعر ناعم وحلو
غيرك يتمنى يكون عنده شعر او حتى يكون ناعم
صح او لا
هزيت راسي وانا ماسكه نفسي لاضحك وانا اناظر المرايه
تابع كلامه بجديه : شوفي حواجبك مرسومات
في بنات حواجبهم غلاظ وملتقيات
شوفي عيونك ما شاء الله حلوات
انفك مناسب لوجهك فمك سبحان الخالق ابتسامتك
لون بشرتك
غيرك يتمنى هالبشره
ناظري وجهك واحمدي ربك واشكريه على هذي النعم
وسالفه فهد لا تخليها تؤثر عليك وبعدين وقتها كان وجهك متأثر من الضربه اذا تتذكرين
وهذي السوالف لا تهتمي لها
وهذي دانا انت احلى منها ومع ذلك تزوجت
فكبري عقلك ولا تصغريه
وحركات الزعران بالبيت ما ابغى حنا وين حتى تضربيها ؟
حتى لو مهما صار تراها متزوجه وعندها بزر
المفروض تحترميها
هزيت راسي مثل البغبغاء
بس سرعان ما عفست ملامحي لما شد اذني وتكلم بتحذير : اول مره واخر مره لما اناديك
تسحبين علي ولا كأني انادي احد
فاهمه
فكيت يده عن اذني وانا اهز راسي : فاهمه
طالعني وابتسم وطلع بهدوء
ابتسمت وانا الحين اتخيل شكل دانا وهي معصبه
سبحان الله سول الشيطان لي و ذكرت كلام
دانا وما ذكرت نغزاتي عليها
دوم الواحد يحاول يحط الحق على غيره
نادرا ما يقول الحق
يا ليت عندي الجرأة واقول ترى انا قلت لها كذا وكذا
طلعت مني تنهيده وانا مو عاجبيتني حياتي
اقدر اكتب الملل عنوانها

عفس ملامحه بضيق : كيف يعني ما فيه شوفه شرعيه ؟؟
ردت الجده مزنه : وش فيك عافس ملامحك ؟/
خير يا طير زمان اول الرجال ما يشوف زوجته الا يوم العرس
احمد ربك بعد الملكه تشوفها
زم شفايفه مو عاجبه : وافرضي ما عجبتني ؟؟
ابوها ليه متحجر لذي الدرجه ؟/
الجده مزنه : وبعدين معك ؟؟
وقف وهو متنرفز : طيب ونشوف اخرتها مع ابوها
يا خوف قلبي بعد الملكه يمنعني اشوفها
وبعصبيه
وقسم بالله ما اسكت له ووقتها رح اسحبها
قدام ابوها واخذها للبيت لا عرس ولا خرابيط
ليه حنا وين عايشين قال ما عنده شوفه شرعيه !!
وبقهر والله كنت ابغى اقول له خلي ابنتك عندك وما ابغاها وما ابغى اشوفها
حشى وش هالاب هذا !!
انا سكتت احترام لك يا جده والا كان لي تصرف ثاني
تأففت الجده مزنه : وبعدين معك
خلاص اصبر باكر تروحون للمستشفى وبعدها تملك
وقف وهو يتوعد : يصير خير
xxxx
xxxx
xxxx
xxxx
xxxx
xxxx
دخل البيت بعد ما طلع من عند جدته شافهم مجتمعين
بالصاله توجه لهم ورد السلام بهدوء
ساري بابتسامة : مبارك الخطوبه
نايف بابتسامة : الله يبارك فيك
ياسمين وهي رافعه حاجب : نسمع سمعه انك خاطب ولا كأننا من البيت
نايف : بعده ما صار شيء يوم الملكه تكونين اول
الحاضرين
ام صقر لوت بوزها بزعل
: فكرنا انك ملكت وكملت
جلس جنبها وباس راسها ؛ ليه القمر زعلان ؟؟
ام صقر بقهر : تخطب وانا اخر من يعلم ؟؟
نايف بتبرير : يمه الله يهداك كم مره طلبتك تخطبي لي وانت تقولين بعدين بعدين
بصراحه خفت اعنس مثل عمي ساري
ولما عرضت علي جدتي ما صدقت خبر وبسرعه وافقت
ياسمين ابتسمت : شفت يمه مثل ما قلت لك
ام صقر بغضب : انا مو زعلانه انك خطبت انا ما هو قاهرني الا هالاختيار
ساري بهدوء : يا يمه دامه موافق وعاجبه الموضوع
خلاص اتركيه على راحته وكل شيء قسمه ونصيب
ام صقر بقهر ناظرت ساري : انت لا تتكلم من لما خطبت ما اشوفك
طول وقتك عند خطيبتك ولا تقول اجلس مع امي
ساري ابتسم :،: هذا انا جالس معك
وبعدين فتره الخطوبه قصيره خليني استغلها
وضحك ضحكه قصيره
ام صقر هزت براسها : ما الومك لو امضيت الوقت عندهم
البنت ما شاء الله عليها
شمس بلقافه : هذي خالتي كامله والكمال لله
قاطعها دخول محمد : وانت مين طلب شهادتك ؟؟
شمس بابتسامة : ما احد بس انت تعرفني يا بابا
احب اوزع شهادات ببلاش
ام صقر وللحين مقهوره : تعال شوف نايف للي خطب
وما اعطى احد خبر
محمد بابتسامة بعد ما جلس : دام جدتي بالموضوع
كويس انه ما تزوجها اليوم
طالعه نايف وهو يكلم نفسه ما خلوني اشوفها
تبغى اتزوجها
وعض على شفته بقهر
؟
محمد باستفسار :
متى الملكه ؟؟
نايف وهو يخطط لباكر رد وهو يناظر للبعيد : بعدنا ما حددنا
xxxx
xxxx
xxxx
xxxx
xxxx
نزلت مع ابوها وقلبها يدق طبول من الخوف
توجهوا للمختبرات وعيونها بالارض
وعقلها شغال يفكر ما نامت البارحه زين من الخوف
وما لقت الجراءه تطلب من ابوها
يرفض الموضوع
بلعت ريقها لما وقف ابوها وتكلم: هذا نايف جاي لجهتنا
اقبل شاب لعندهم
صار قلبها يدق طبول وتحس وجهها ولع من الاحراج
تحس نفسها انعدم لما سمعت صوته وهو يسلم على ابوها : كيف حالك يا عمي ؟؟
ناصر بهدوء : الله يسلمك
نايف وهو يناظر جهة شوق : اخبارك يا شوق ؟؟
بلعت ريقها وهي تجمع الاحرف علشان ترد
بس سبقها ناصر وهو يرد عنها ؛ الحمد لله بخير
انقهر نايف من ناصر وش دخله يرد عنها
بس ما علق وهو يبغى يشوف نهايتها معه
اشر له نايف علشان يروحون للمختبر
وخلال توجهم تكلم نايف : انا اتصلت بعمي ساري
علشان يطلعون النتيجه اليوم ونروح نملك بالمحكمه
ناصر ببرود : ليه مستعجل عادي براحتها النتيجه
وملحقين على الملكه
نايف والضغط ارتفع عنده الف بس مسك نفسه وتكلم وهو يمثل الهدوء : كذا احسن نكمل كل شيء
هز ناصر راسه وما تكلم
بعد ما كملوا اجراءات الفحوصات وطلعت
النتيجه ايجابيه
توجهوا للمحكمه وكملوا اجراءات عقد الزواج
وقفوا باب المحكمه بعد ما ملكوا
نايف بثقه ناظر ناصر : بعد اذنك يا عمي
ابغى ارجع شوق بنفسي للبيت بس بعد ما نتغدى مع بعض بالمطعم
ناصر وهو رافع حاجب : والله ما عندنا البنت تطلع
مع خطيبها لوحدها متى ما تزوجتها تغدى وتعشى معها
بس الحين اعذرني
نايف وصل الضغط عنده مليون تكلم وهو ماسك اعصابه : بس انا الحين زوجها
قاطعها ناصر بدون اهتمام لكلامه : متى ما اخذتها من بيتي قدام الناس
وقتها اعمل للي تبغي بس الحين لا
والحين اسمح لي
نايف بمحاوله اخيره ؛ طيب بلاه غداء خلاص بس اوصلها البيت
ناصر : ليه واصلك الخبر انه ما اعرف انا الطريق ؟!!
نايف خلاص انفجر منه وسكت حتى ما يغلط واستأذن وغادر المكان
وهو مثل البركان من العصبيه

xxxx
xxxx
xxxx
xxxx
xxxx
xxxx
جالسه على اعصابها وخايفه يطلقها نايف
بعد ما شافت ملامحه المعصبه من تصرفات
ابوها
زفرت بضيق من بدايتها مشاكل متأكده بسبب ابوها
عمره ما رح يدخل بيتهم
وش فيها لو تغدوا مع بعض وتعرفوا على بعض
ابتسمت على نفسها هذي للي كانت رافضه الموضوع
قطع افكارها الجوال وهو يرن
عفست ملامحها ما لها خلق لاحد خلها
بمشكلتها الحين
رجع يرن مره ثانيه قامت وهي تتأفف وردت بعصبية : نعم خير
_ الله ينعم عليك اذا هذي اولها
عقدت حواجبها ورجعت تناظر بالرقم فكرته اميره لانها منزله رقم جديد
رجعته على اذنها تسمع الصوت
_ الو ؟؟
ردت بصوت مرتجف : مين معي
_ امممم معك مدير شركه «.....» انت مقدمه عندنا على وظيفه
عقدت حواجبها : الظاهر انك مخربط اخوي مع السلامه
_ لحظه مو انت شوق ناصر
صار قلبها يدق طبول : ايه
_ بالنسبة لطلبك بالوظيفه
قاطعته شوق بعصبيه للي فيها مكفيها والحين مو فاضيه لسخافته : اسمع ترى مو فاضيه لك فاهم
انقلع عن وجهي
ناس سخيفه
وقفلت الخط بعصبيه
اعصابها تلفانه ويجي هذا السخيف
مسكت الجوال لما وصلها مسج
« اخص يالقويه
عموما اليوم انا واهلي جايين نزورك بعد صلاه العشاء .......نايف»
ارتخى جسمها الحين للي كان يكلمني نايف
ضربت جبهتها وهي تشتم نفسها
عضت على شفتها وهي تردد بصوت هامس سخيف
قال مدير شركه
رايق يعمل مقالب
ورجعت ناظرت الجوال لما شافت مسج ثاني
«الظاهر ما تبغي نزورك او يمكن ممنوع عند ابوك ؟؟!! »
ردت بمسج بسرعه ويدينها ترجف «حياكم الله »
ونقزت على حيلها بسرعة تخبر امها

xxxx
xxxx
xxxx
xxxx
xxxx
xxxx
فاطمه بعصبية : غبيه وش فيك انجنيت ؟؟
شوق وهي متربعه على السرير : يمه وش فيها
خليه يشوفني على طبيعتي
فاطمه بعصبية : والله اذا ما عدلت نفسك
الا اطبع اصابع يدي بوجهك
وبسخريه قال على طبيعتي
شوق بعناد : اقول لك خلاص مو نازله
فاطمه تبغى تنجلط من عنادها : وبعدين مع راسك اليابس هذا ؟؟!!
انا الحين نازله يا ويلك يا سواد ليلك اذا نزلت بهذا الشكل فاهمه
هزت راسها بتسليك لامها
طلعت فاطمه وضربت الباب خلفها بقوه
xxxx
xxxx
xxxx
xxxx
xxxx
xxxx
xxxx
اسراء بهدوء : وين العروس ؟؟
فاطمه وهي تتوعد بشوق صار لهم قريب الساعه جالسين ولا شرفت
ولما ترسل لها تقول الحين تنزل وما نزلت
ابتسمت بمجامله : الحين تنزل
ام صقر بنغزه : يمكن مو قد المقام او مغصوبه ؟؟
الجده : لا وش مغصوبه
الحين تنزل
وطالعت فاطمه واعطتها نظره تروح تشوفها
همت توقف فاطمه تروح تشوفها وهي تتوعد فيها
بس عدلت جلستها لما شافتها داخله ورافعه خشومها
للسماء كتمت غيضها فاطمه من لبسها نبهت عليها
ما تلبس كذا
سلمت على الموجودين برؤوس اصابعها
وجلست جنب امها بهدوء
فاطمه نغزتها بفخذتها بدون ما احد ينتبه
طنشت شوق وهي ترجع خصله من شعرها خلف اذنها
بغرور
ام صقر وهي تناظرها لابسه بنطلون برمودا جينز اسود
وعليه بلوزه حفر لونها فوشي وشعرها سايح على ظهرها
وجهها خالي من المكياج
اسراء وهي تناظرها وتبغى تقطع الصمت : اخبارك يا شوق ؟
شوق وهي رافعه خشومها : بخير
اسراء تضايقت من طريقتها بس طنشت : يمكن ما تعرفينا
انا اسراء زوجة محمد وهذي اختي سميه خطيبه ساري وهذي ياسمين عمة خطيبك
وهذي ابنتي شمس
وخالتي ام صقر اكيد تعرفينها
شوق بنفسها وهل يخفى القمر
حست اسراء بالفشيله بعد التعريف ولا رحبت فيهم
ولا قالت كلمه
تداركت فاطمه الموقف : الله يحييكم
شوق وهي تغلي بداخلها من الغيره
من جمال اسراء واختها سميه
وابنتها شمس يجننون مين يصدق انها اسراء عندها بنت بهذا العمر مو باين عليها
وندمت ما تكشخت علشان ما يكونوا احلى منها
مدت البوز وهي تحس نفسها مخنوقه من هالجلسه

xxxx
xxxx
xxxx
xxxx
xxxx
xxxx
xxxx
تكلم محمد بعد ما اشر له نايف انه يتكلم
تنحنح محمد : بعد اذنك تفتح مجال لنايف يدخل يجلس مع خطيبته
ناصر بهدوء : والله السموحه منكم بس الحين
ما اقدر بعد الحفله ان شاء الله يجلس معها
نايف ناظره ووجهه صار احمر من القهر
مسك نفسه ما يدري لمتى يمسك نفسه
من هالناصر
محمد ناظر نايف وعرف انه متضايق تكلم بهدوء : وش الفرق الحين او بعد الحفله دامه ملك عليها
حرك شفايفه ناصر يعترض
تابع محمد كلامه : وهذا شرع الله ومن حقه يجلس معها
طلبتك تخليه يجلس معها
انحرج ناصر من محمد وتكلم وهو موعاجبه : ان شاء الله
واشر لياسر يروح يفتح طريق له
للحين نايف مخنوق من ناصر ما يضمن نفسه لو
صمم ناصر انه ما يجلس معها
ما يقدر يمسك نفسه اكثر لانه زودها هالناصر ما صارت
هذي السالفه
وقف بعد ما دخل ياسر وهو يبتسم : تفضل يا النسيب
ناصر قبل ما يطلع ياسر ؛ اجلس معهم يمكن اختك تستحي
اخذ نفس نايف وهو ماسك نفسه ليهجم على ناصر
ويطلع حرته فيه
كمل طريقه وهو ما يشوف قدامه
كان يكلمه ياسر بس ما يدري وش يتكلم من العصبيه
xxxx
xxxx
xxxx
xxxx
xxxx
xxxx
سكرت معه من العصبيه صار له ربع ساعه ينتظرها .تطلع وللحين ما شرفت
سدوا نفسه عن كل شيء
حشى وكأنه يشحد منهم
رفع راسه لما شاف ياسر داخل : السموحه منك
تأخرت عليك
معدتي توجعني وتأخرت بدوره المياه
نايف مثل البالون بينفجر بأي لحظه : عادي
كان خليتها تدخل بالاول وبعدها تروح
ياسر بابتسامة : لا لازم حارس شخصي لها
سكت نايف وهو يبغى يشوف اخرتها معهم
ياسر ويطالع لجهة الباب : ادخلي يا شوق
كانت عيونه مسلطه على الباب ينتظر دخولها
بس ارتخت ملامحه لما شاف حرمه داخله عليهم
وهي تبتسم له
اخذ نفس وهو خايف تكون هذي خطيبته
ياسر وهو عند الباب : هذي امي تبغى تسلم عليك وتبارك لك
تنهد براحه وقف وسلم عليها بهدوء
باركت له فاطمه واستأذنت وطلعت
رجع جلس مكانه وهو يهز رجله بقهر ما صارت
لاطعينه كل هذا الوقت
خلاص نفسه عافتها ما يبغى يشوفها
وخلي ابوها يخللها عنده
نهض نفسه علشان يطلع
بس سرعان ما جلس لما شافها داخله
ووجهها احمر
ياسر مسك يدها وتوجه لكنبه بعيده عن نايف حسب التعليمات
نايف وصل حده من هذي الحركه بس مشاها
وما علق وهو يناظر شوق للي منزله راسها ومستحيه
تكلم بهدوء : اخبارك يا شوق ؟؟
رد ياسر عنها : الحمد لله بخير ما تشكي بأس
بلع نايف قهره وما علق
رن جوال ياسر طالع الرقم وفتح
الخط ورد بهدوء الو ......ان شاء الله دقيقه ونكون عندكم بالمجلس ......سلام
وقف نايف قبل ما يتكلم ياسر ويقول له انتهى الوقت ناظر ياسر وعلامات الزعل واضحه عليه : افتح لي طريق يا ياسر
رفعت نظرها شوق وهي تحس انه زعلان
وقف ياسر بهدوء واشر له : تفضل
وطلع نايف مثل ما دخل ما يشوف من العصبيه

xxxx
xxxx
xxxx
xxxx
xxxx
xxxx
شوق بقهر وهي تطالع ياسر : والله ما صارت
عاملين حراسه وكأنه رح يخطفني
ياسر وهو عاقد حواجبه ويناظر امه : هذي نفسها للي كانت صاجه راسنا بالرفض ؟؟
الجده : جيل اليوم اعوذ بالله منه
شوق بتبرير : ليه تفهمون السالفه بالعكس ؟
يعني الرجال طلع زعلان من اسلوبكم معه
فاطمه وهي رافعه حاجب : ليه لحق عريس الغفله
يشكي لك
شوق وهي تجلس وماده البوز : لا
بس كل شيء واضح بدون ما يتكلم
ياسر يطالع امه : انا رح انبه على ابوي يشددون الحراسه عليها
باين انها مو قليله هالبنت
شوق رمقته باستصغار : سخيف
ياسر بابتسامة جانبيه : خلاص الحين لما ييجي ابوي
قولي له هالكلام
وقفت شوق وهي ماده البوز : اصلا الكلام معكم ضايع
ضحك ياسر على شكلها
خالد دخل الصاله : وش فيك تضحك ؟؟
حرك شفتيه يتكلم اعطته شوق نظره انه ما يتكلم
هز راسه بتفهم وهو يبتسم لها : ما في شيء
وين اخوانك ما اشوف احد فيهم ؟؟
يعني عندنا رجال اليوم المفروض تتواجدون
خالد : ترى عندنا اشغال مو فاضيين
ياسر رفع حواجبه : يا سلام
عموما ابوي متحلف فيكم
الجده : ترى ناصر ناوي عليكم وكان معصب
ما في احد عنده الا ياسر
ولو كان ياسر عنده دوام كان توهق لوحده
وانتم تتصكعون هنا وهناك
خالد لف حاله : انا طالع مع السلامه
السالفه فيها حسابات افر بجلدي احسن لي
فاطمه : وين رح تهرب اخريتك تقابل ابوك
خالد : اقابله وانا مع اخواني
الموت مع الجماعه ارحم
وتركهم وطلع

xxxx
xxxx
xxxx
xxxx
xxxx
xxxx
xxxx
xxxx.
ام صقر باستغراب : وش فيك ؟؟
طالعها نايف وبدون نفس : ولا شيء
ام صقر : انا اعرفك لما تكون متضايق وش فيك ؟؟
نايف ببرود ؛ ما في شيء
ياسمين بتحقيق : غريب من لما رجعنا وانت ساكت
وماد البوز !!
ام صقر : اسمع انا متأكده انه ما عجبتك العروس
ومتورط مو عارف كيف تطلقها
لا تهتم بعدكم عالبر طلقها ويا دار ما دخلك شر
طالعها وهو يكلم نفسه ليه انا شفتها مثل العالم والناس
بسبب ابوها واخوها
طول بسكوته تابعت ام صقر كلامها : شفت كلامي
صحيح واكبر دليل سكوتك
تنهد وهو يمسح على وجهه : يمه الله يهداك وش
هالسوالف
انا تعبان بس مجرد ارهاق
وبعدين البنت حتى لو كانت جوكر انا قابل فيها
انقهرت ام صقر من رده : انت لو خاطبين لك حماره
الا توافق على طول ما تدري مشفوح على الخطبات
شوف عمك ساري طق عمره 35 وحنا فوق راسه
علشان يتزوج
وانت بعدك 24 وذبحتنا وانت تقول ابغى اتزوج
عفس ملامحه بضيق : يمه ترى راسي يوجعني
تبغين تزيدين وجع راسي بالكلام هذا ؟؟
ام صقر : خلاص سكتت بس لا تلومني يمه
من قهري عليك اتكلم
ابتسم لها مجامله واستأذن وطلع لغرفته
ياسمين تناظر امها بعد ما طلع : وش رايك بالعروس ؟؟
ام صقر : خذيها قاعده مني اذا كرهتي شخص لو كان
القمر بذاته رح تشوفينه مو حلو
ياسمين : كلامك صحيح
بس مغروره وشايفه نفسها
ام صقر لوت بوزها بعد ما وقفت : بيطلعلها ست الحسن والدلال
باكر علشان نبدأ بالتجهيزات ما في وقت لموعد
الحفله
ياسمين وهي توقف : ان شاء الله