رواية بديت أنساك يالون السعادة~للكاتبة ضاقت انفاسي الفصل السابع والعشرون 27 - بقلم BlackButterfly002

السلام عليكم ...يسلمووووو على الردود والمتابعه

بسم الله

بارت 26.1

بعدالعشاء
ركبت القهوه على الغاز سمعت صوت طرق
باب الجناح
توجهت للباب وبهدوء : مين ؟؟
شمس من خلف الباب: جدتي تقول لك تعالي انزلي
ردت بنفس الهدوء،: ان شاء الله
لوت بوزها ما تبغى تنزل توصي لها تنزل
ولما تنزل تسم بدنها بفلسفتها
تذكرت القهوة وركضت للمطبخ بسرعه
واول ما دخلت شهقت وهي تشوف
جود على الطاوله الملاصقة للغاز
وماسكه ابريق القهوه وتبغى تصب
فوق راس جواد للي جالس تحت الغاز بالضبط
صرخت بدون وعي : جود
رفع جواد راسه وركض لجهة امه بضحكه : ماما
تنهدت براحه وتوجهت لجود بعصبيه تبغى
تأخذ منها الابريق
هزت جود راسها بالرفض
مدت شوق يدها تأخذه
رمته جود من يدها بسرعه
نفضت شوق رجلها لما حست بالحراره على رجلها
تحاملت على نفسها
ومسكت جود ونزلتها عن الطاوله
ومن حراره الوجع ضربتها وبعصبيه ودموعها تنزل من الالم : كم مره
قلت لك ما تقربين من الغاز
ونفضتها بقوه من حراره الوجع : كم مره قلت لك ؟!
كان بكاء جود يعم بالمكان
طنشتها وتوجهت تبحث عن شيء يخفف
وجع حرقها
مع دخول ساري وهو يشوف وجه جود احمر
من البكاء : وش فيها ؟؟
جود وهي تشاهق : ضلبتني
ساري وكأنه لقى شيء عليها يطلع حرته فيها. : وليه تضربيها ؟؟؟
ردت وهي مغمضه عيونها بألم واشرت على رجلها : حرقت رجلي
قاطعها بعدم اهتمام : يا ليتها حرقتك كلك
ومت وارتحنا منك
وحمل جود واخذ جواد بيده وطلع من الجناح
بعد ما طلع انهارت بكاء من وجع الحرق ومن وجع
قلبها للي تزيد كل يوم بعد يوم طعونه
تتمنى تكون بحلم وتستيقظ منه
وينتهي كل شيء
**
**
**
**
**
**
في اليوم الثاني ما نامت الليل من الحرق
ناظرت قدمها وهي تشوف كيف احمر مكانه
حطت زيت خروع
وبعدها طلعت من المطبخ وشافت عيالها
بالصاله يضربون بعض
تنهدت بعجز ما في حل جننوها بحياتها ما شافت بشطانتهم
زفرت بقرف من هالحياة
لمتى تتحمل ؟!!
وبدون وعي صرخت صرخه عاليه تطلع
كل الكبت للي بقلبها
وناظرتهم والشرار يطلع من عيونها : وقسم بالله للي يقوم من مكانه
قاطعها وهو واقف خلفها : وش رايك تربطينهم
علشان حضرتك تبقين جالسه
وبعدين ليه صوتك طالع ؟
وقبل ما ترد كمل : وقسم بالله لو اسمع حسك
ادفنك هنا فاهمه
ورمقها بنظرات ناريه
ناظرته باشمئزاز كل يوم بخلقتها حتى لو ما كان دورها لازم يمر على جناحها ويتفقد العيال
عفست ملامحها لما مسك شعرها بقوه : انت قد هالنظره ؟!
ما ردت وهي تناظر جواد ماسك جود من
شعرها ويقلد ساري: قد النظره؟!
مدت يدها وبعدت يده عن شعرها وبقرف : يا ليت ما تعلم العيال وحشانيتك
وتقدمت من جود وحملتها بعد ما ابعدت جواد عنها
وتركتهم متوجه للغرفه
وشهقات جود تخف
جلست على السرير ومسحت على راسها
وحضنتها علشان تنام
وهي تناظر جوري نايمه بسلام
اغلب النهار نايمه وتصحى بالليل
متى ترتاح من هالتعب
جسمها مو قادر يتحمل أكثر
**
**
**
**
**
في اليوم الثاني بالمطبخ تجهز الغداء
قاطعها دخول ساري :،شوق خذي
ومد لها الجوال
ناظرت الجوال باستغراب من رح يكلمها الحين
وبسرعه تناولت الجوال لما شافت نظرات ساري
المعصبه
اخذت الجوال وردت بجهل لهويه المتصل : الو
رد بصوت حنون : هلا
عقدت حواجبها : ياسر!
ياسر بهدوء : ايه ياسر
اخبارك ؟!
ناظرت ساري وردت بهدوء : بخير
ياسر : ابغى رقم جوالك علشان اتواصل معك
قاطعته شوق : ما له داعي
ياسر بنرفزه :،شوق وبعدين معك ؟!
تراها واصله معي لهنا !
زفرت شوق بهدوء : انت وينك الحين ؟!
ياسر بضيق : راجع لبيتي
شوق باستفسار : زرت عيال شريفه ؟!
ياسر بغضب مكبوت : يخسون
قاطعته باستغراب: وش صاير ؟!
ياسر بقهر وشوي يبكي :،تخيلي
بعد ما طلعت من عندك رحت ازورهم
ولما وصلت دخلوني مجلس الرجال
وما سمحوا لي ادخل البيت !!
شوق طلعت من برودها : والله ؟!
على كيفهم ؟!
ياسر بقهر: ايه على كيفهم !
تخيلي لما قلت لفارس تراه هذا البيت لنا وما يطلع لك تمنعني
ضحك باستهزاء علي وقال انه البيت ابوي سجله بإسم عيال شريفه
شهقت شوق وفتحت عيونها باستنكار : وش تقول ؟!
عدلت ملامحها لما شافت ساري يناظرها باستغراب
من شهقتها
لوت بوزها قاعد لها مراقب
طلعت من المطبخ مطنشه اشارته لها تتكلم قدامه
كملت شوق بعدم تصديق : تلقاه كذاب
ياسر بخيبه : انا قلت له كذا
بس قدم لي كل الاوراق الرسميه
تخيلي القهر ؟!
وش يفرقون عيال شريفه عنا ؟!
حتى السياره وكل شيء مسجل بأسماء
عيال شريفه
وحنا ولا فلس احمر طلع لنا !!
مقهور قهرني هالفارس الله يأخذه
شوق ومن داخلها تغلي من فارس
ما همتها الفلوس بس شيء يقهر : وليد وش قال ؟!
ياسر بغيض : لو شفتيه ما تعرفينه رافع خشومه للسماء
لابس جينز وهالنظارات والسياره اخر مديل
تخيلي سلم علي برؤوس اصابعه ؟!
والا شريفه لو تشوفينها ما تعرفينها !!
متكشخه على الموضه وصابغه هالشعر
اخخخخ قهروني حسبي الله عليهم
ضاق صدرها شوق من كلامه وتمنت تروح تمسح فيهم الارض
وتعرفهم قدرهم
ياسر بغبن : الله يلعن الفلوس كيف تغير النفوس !!
شوق : ابوي كان معه فلوس بس ما تغير
ياسر تنهد : مو كل الناس واحد
شوفيهم مسكوا كم فلس شافوا حالهم وتكبروا
شوق ما تبغى تحرجه : كيف وضعك المادي ؟!
ياسر تنهد بهم : الحمد لله
شوق : ما يكفيك الراتب؟!
ياسر بقهر : انسي ولا تسألي
الحمد لله
الا انت اخبارك ؟!
شوق بعناد : جاوبني بالاول انت ؟!
وكيف زوجتك ؟!
وعندك عيال او لا ؟!
قاطعها ساري دخل الغرفه بغضب :،ابغى الجوال عندي
مشوار ضروري !
شوق بهدوء : اكلمك بعدين ياسر لانه ساري
يبغى الجوال !
وقفلت قبل ما تسمع صوته
ومدته له بهدوء
سحبه من يدها بقوه : انت وين جوالك ؟!
تراني مو حاط هنا مقسم للاتصالات فاهمه
وطلع من الجناح
طنشت كلامه وطريقه تعامله لانها تعودت على هالحال
بس مقهورة من فارس وشريفه كيف يعاملون
ياسر كذا ؟!
**
**
**
في اليوم الثاني
جالسه بالصاله مع ام صقر وهي تفكر كيف
ابوها فضل عيال شريفه عليهم ؟!
أم صقر تقطع افكارها : وش رايك تروحين معي صديقتي عازميتني وعزمتكم معي ؟!
شوق ناظرتها بضيق خلق : لا ما لي خلق
ام صقر : لمتى ساجنه نفسك ما تطلعين من هالبيت ؟!
اطلعي وغيري جو !،
ناظرتها شوق وهي رافعه حاجب من متى الحنيه
بس ردت بهدوء : مرتاحه كذا
ام صقر بقهر من عنادها : على الاقل خلي العيال يغيرون جو حاكريتهم بالبيت
شوق مطت شفتها بسخريه : قولي تبغين العيال
يطلعون ويغيرون جو !
خلاص خذيهم معك
قاطعتها ام صقر بعصبية من سخريتها : وبعدين معك ؟!
انت ليه تفسرين الكلام على كيفك ؟!
عقلك هذا مريض ومتخلف
الواحد يكلمك بطيب نيه وانت تفسرين على مزاجك
دخل ساري وجلس عند امه وهو يناظر التوأم جالسين يلعبون : وش فيك معصبه ؟!
ام صقر زفرت بضيق : انا الحين ابغاها تروح على العزيمه وهي تفسر الكلام على كيفها
قاطعها ساري بهدوء،: هدي اعصابك وما رح يصير الا للي بخاطرك
ورح تروح معك ورجلها فوق راسها
ام صقر بزعل : خلاص عمرها ما طلعت
ساري بتصميم على رأيه : قلت لك رح تروح يعني رح تروح
قاطعته شوق باعتراض :،بس انا ما ابغى اروح
قاطعها بحزم : كلمتي ما اثنيها
وناظر امه : متى العزيمه ؟!،
ام صقر وعيونها تنتقل بين ساري وشوق : اليوم
بعد المغرب ان شاء الله
طالع شوق بأمر : المغرب كوني جاهزه
انت والعيال
تكره نبرته المتحكمه فيها
لمتى يتحكم فيها كذا ؟!
ما تبغى تروح على العزيمه كل شيء غصب !!
ام صقر بهدوء : سميه تنتظرك فوق
ابتسم ساري : تأخرت عليها
ووقف : تأمرين على شيء يمه ؟!
ام صقر بحنيه : سلامتك يمه
طلع من الصاله
ناظرت ام صقر شوق تناظر الارض وشاده على العبايه نطقت بتردد : خلاص اذا ما تبغين لا تروحين
زفرت شوق بضيق ورفعت نظرها لام صقر والدموع تلمع بعيونها ما تكلمت حست اذا
نطقت بحرف رح تدخل بنوبه بكاء
قررت الانسحاب
اخذت عيالها وطلعت لجناحها وهي تحس نفسها
مخنوقة
من ساري وتحكمه فيها
**
**
**
**
بعد المغرب
طلعت اسراء مع ام صقر للعزيمه
توجهوا للسياره
ركبت ام صقر بالكرسي الامامي وردت السلام
رد السلام وناظر بالمرايه اسراء لوحدها
رفع حاجب وناظر امه :وينها ؟!
ام صقر ندمت انها قالت له عن السالفه وبهدوء: حرك انا قلت لها ما تروح
فتح باب السياره وهو يتكلم وضاغط على اسنانه : انتظروا شوي وراجع
وتركهم بدون ما يسمع اعتراضهن
ام صقر ما تبغى تتأخر عن العزيمة رددت بضيق:- لا حول ولا قوة الا بالله
اسراء مدت بوزها : ضروري تقولين لها تروح ؟
ام صقر : انت تعرفين الحريم كثير يسألوني عنها
وصرت انحرج من أسئلتهم ما تحضر اي مناسبه
اسراء هزت راسه وهي مو حابه شوق تروح معهم
**
**
**
**
**
شوق بنفاذ صبر : جواد اعطيني الجوال
جواد وهو يبتسم ويلعب بحواجبه : لا لا
جود بضحكه طفوليه : اركض اركض
جواد بابتسامه شيطانيه ناظر شوق وبعدها
صار يركض بارجاء الجناح وشوق خلفه
تركض
حاصرته بزاويه الصاله وبعصبيه : هات الزفت
جواد والجوال خلف ظهره : ما معي زفته
شوق بنفاذ صبر سحبت يده واخذت الجوال
منه
ومسكت اذنه : ليه ما تسمع الكلام ؟!
ساري من خلفها : علمي نفسك ليه ما تسمعين الكلام ؟
نقزت وبخاطرها هذا جني ما تحس فيه لما يدخل
رجعت خطوتين للخلف وناظرت جواد
للي صار يبكي لما شاف ساري
ساري مسح على رأسه وناظر شوق : انا وش قلت لك ؟!
خمس دقائق تكونين جاهزه فاهمه
مو انت للي تكسرين كلمتي
شوق بهدوء ظاهري : خالتي قالت لي ما اتجهز
قاطعها بصرخه : ولا كلمه
انا لما اقول شيء يتنفذ ورجلك فوق راسك
فاهمه
طالعته بنظره بارده بليده ما تدري كيف تتعامل معه
للحظات رجعت خطوه والتصقت بالجدار وهي
تتحسس خدها
تكلم والشرار يطلع من عيونه : كم مره قلت لك هالنظرات ما ابغى اشوفها ؟!
وقع نظرها على عيالها يناظرون بصمت
يحز بخاطرها تنضرب قدام عيالها
لما ما شاف منها رد فعل تقدم منها وهزها من
كتفها : اكلم جدار انا انقلعي اجهزي بسرعه
مشت بدون ما ترفع راسها
واخذت التوأم وتوجهت للغرفه
وين تروح عند فارس ؟!
والا ياسر ما عنده مكان لها ؟!
تحس الدنيا ضاقت فيها
جهزت التوأم وهي ماسكه دموعها بالغصب
مجروحه حيل وما حد حاس فيها
لبست العبايه وتغطت وطلعت وهي حامله جوري
ناظرها حامله الجوري بحضنها والتوأم يمشون قدامها ومستانسين انه في طلعه
ناظرها بقرف ومشى قدامها وهو ماسك التوأم دخلت السياره بهدوء بعد ما ردت السلام بهمس
ام صقر بتأفف : كذا اخرتونا عن العزيمه!
ساري وهو يحرك السياره :حصل خير
اسندت راسها على الشباك والهموم جبال على صدرها
ساري بهدوء : لا عادي اتصلي فيني لما تكملين
انا تحت امرك يالغاليه
ام صقر : ليتك سالم
اسراء بضحكه : سميه انبط كبدها تبغى تروح معنا
بس النفاس حصرها
ساري ابتسم : خليها تخلص فتره النفاس وإن شاء الله نعوضها عن ايام الحشره كلها
اسراء : ما تقصر
وقفت السياره وقبل ما تنزل أم صقر : بيننا اتصال
ساري : ان شاء الله
نزلت شوق وهي تحس الغصه بحلقها
وقفت وهي تعدل جوري بحضنها
قلبها طار على صرخه ساري
وهو ماسك جواد من يده ووقف قدامها وبصراخ : وينك عنه يركض بطرف الشارع
انت ما عندك دم ؟!
حرام تكونين ام لانك مو قد المسؤولية
حست بالاحراج وهو يصرخ عليها بالشارع
تدخلت ام صقر وهي تمسك جواد : حصل خير
خلاص اسكت فضحتنا
ساري زفر بضيق : وقسم بالله ابغى اكسر رأسها
على اهمالها
كانت تشوف نظرات الشماته والفرح بعيون اسراء
اخذت نفس ومسكت يد جود وتوجهت للداخل
تاركه ساري وام صقر واسراء
وساري يتوعد فيها على هذي الحركه
بعد لحظات حست بحركتهن خلفها
اسراء بشماته : تلقي وعدك تراه متحلف فيك
كيف تتركينه وهو قاعد يكلمك
قاطعتها ام صقر : خلاص يا اسراء
ترى وصلنا عند الجماعه ما نبغى فضايح
اسراء وهي تعدل شيلتها : يصير خير
**
**
**
**
**
جلسوا بمجلس الحريم
وحطت جوري على الكنبه جنبها وسحبت جود
حطتها جنبها على الكنبه
ام خالدصديقه ام صقر : عادي خليهم يلعبون
خذوا راحتكم
وطلعت من المجلس
ام صقر بانتقاد : ليه لابسه العبايه ؟!
نزليها تبغين تفضحينا ؟!
شوق وهي تناظر كشخة اسراء وبهمس : مرتاحه
ام صقر : على الاقل شيلي الطرحه والنقاب
زفرت بضيق وما ردت لانها بكل بساطه ما تبغى تفشل نفسها
خليها كذا احسن
دخلت ام خالد ناظرت شوق : ليه لابسه حبيبتي العبايه :
هاتيها عنك
شوق ناظرتها وبهمس : مرتاحه فيها
ام خالد ابتسمت : لا تخافين ما في رجال
هنا خذي راحتك
واعطيني عبايتك
ام صقر بنظره حاده : اعطيها عبايتك
ناظرتها شوق وابتسمت بسخريه بخاطرها
جنت على نفسها براقش
ام صقر هي للي جابته لنفسها هي رفضت تشيل العبايه
بما انها مصره ام صقر تتحمل نتائج الفشيله
وقفت شوق ونزلت العبايه والشاله والنقاب
وابتسمت ببرود وهي تشوف علامات الاستنكار
بملامحهن
ما تدري سبب الاستنكار هل شكلها ام لبسها
ام شعرها للي فوق حد اذنها
ام خالد مدت يدها تأخذ العبايه وهي منصدمه للحين
شوق بهدوء اشرت بالرفض وخلت العبايه جنبها
ناظرتها ام خالد مو عاجبها و طلعت من المجلس
ام صقر ووجهها احمر من الفشيله والقهر : انت وش لابسه؟
بيجاما ؟!
ويا ليت جديده !!
كم سنه لها عندك ؟ فشلتينا !
وش تقول ام خالد الحين ؟!
اسراء منحرجه منها همست لام صقر بكلمات
ام صقر هزت راسها بالرفض
ابتسمت اسراء بخبث وهمست : خلاص نقول لها هذي الشغاله
ام صقر تكلمت بسرعه : لا لا انسي
وطالعت شوق بقهر : حسبي الله فشلتينا
شوق وهي تتظاهر بالبرود مسكت جواد وجلسته
جنبها مطنشه كلامهم
وداخلها سكاكين تنغرس بداخلها
دخلت ام خالد وهي ترحب بأم صقر واسراء
وتسألهم عن الحال والاحوال
وشوق مثل الجدار ما حد معبرها
ام خالد بغرور : ايه رحنا نخطب له بس ما عجبتني البنت
سمراء
انا اذا ما كانت زوجة عيالي مزيونه مستحيل تدخل هالبيت
والله دوم اقول يا بختك يا ام صقر
عندها سميه واسراء ملكات جمال يا بخت عيالك فيهم
ورمقت شوق بقرف
ام صقر نافشه ريشها بسميه واسراء : تسلمين
اسراء بغرور : والله ساري يقول اكيد امي
دعت لي بالكعبه ورزقني سميه
وطالعت شوق بطرف عينها
ام خالد بوقاحه : كيف قدر يتزوج على سميه ؟!
ويا ليت اخذ شيء يستاهل
اسراء : عيال نايف خلوه يتنازل ويتزوج
ام خالد : ليه ما اخذتوهم بدون زواج ؟!
ام صقر بهدوء : النصيب
ام خالد تناظر شوق بفوقيه : وش مكمله دراسه ؟!
طنشتها شوق وهي ماسكه يد جود وتلعب باصابعها
حست ام خالد بالفشيله
اسراء تستدرك الموقف : ما وصلت الثانوي
ام خالد لوت بوزها بقرف : كيف ساري تزوجها
؟!
انا زوجة ولدي اذا ما كانت شهادتها هالقد
ما تدخل البيت
ابيها مثقفه حلوه مؤدبه خلوقه
ام صقر : ان شاء الله ربنا يرزقه الزوجه للي تسعده
ام خالد : امين
قدموا الضيافات ورفضت شوق تحط شيء بفمها
تحس نفسها جالسه على نار تبغى ترجع لغرفتها
غثوها بالكلام
مسكت نفسها وطنشتهم بلعت ريقها وهي تحس
بالغصه بحلقها
تحس الوقت يمر ببطئ
ما غاب عنها نظرات ام صقر الحاده والمنحرجه
بنفس الوقت
دخلت أم خالد وهي ترحب بحرمه واول
ما دخلت عرفتها على ام صقر : هذي ام صقر
وهذي كنتها الحلوه اسراء
وذول احفادها لام صقر
وهذي اشرت على شوق : شغالتهم
فتحت شوق عيونها باستنكار وهي تناظر الحرمه للي دخلت
وشكلها من الطبقه المخمليه
ناظرت اسراء للي ابتسمت وراق لها الكلام
ناظرت ام صقر للي سكتت وجلست
ولا كأنه الموضوع يهمها
من البدايه وهي جالسه وساكته لهن
ومطنشيتهن وهن يرمن النغزات
بس توصل فيها هذي توصفها كذا
كرامتها انهدرت بما فيه الكفايه
وبدون سابق انذار
كانوا اصابع يدها على خد ام خالد وتكلمت والشرار يطلع من عيونها : ما احد شغاله الا انت والحثاله للي جالسه معهن
روحي شيلي الطبقات للي على وجهك المخرع
ام خالد فتحت عيونها بصدمه والشرار يطلع من عيونها : انت قد هالحركه ؟!
ام صقر بفشيله وهي تناظر شوق: انت ما تستحين على وجهك
الحين اعتذري لام خالد بسرعه
طالعتها شوق بكره : ان شاء الله
الحين اعتذر لها
وتقدمت من ام خالد وطبعت اصابعها على خدها مره ثانيه : اعتذر لاني من بدايه الجلسه ما وقفتك عند حدك
ام خالد والشرار يطلع من عيونها : والله الحين لاشتكي عليك واوقفك يا وقحه
ام صقر تظرب على جبهتها من هالفضيحه : امسحيها بوجهي يا ام خالد
ام خالد وهي مو ناويه على خير : انت لك الحشيمه يا ام صقر بس ذي لازم تتربى
ام زيد بانتقاد : ليه ما تسفروها يا ام صقر
دامها شرسه كذا ؟!
اعطت شوق للحرمه نظره قويه ومسكت عباتها
ولبستها والنقاب
وحملت جوري وبصوت غاضب : ذيك طريق المحكمه روحي اشتكي علي
ام صقر والشياطين تنط فوق رأسها : بالله عليك يا ام خالد تمسحيها بوجهي
شوق وفاض فيها الكبت خلاص سكتت بما فيه الكفايه : ليه وجهك ممسحه ؟!
اسراء فتحت عيونها باستنكار : تدرين انك وقحه ؟!
شوق ببرود : انا انتظركم برا لما تكملون سهرتكم
السخيفه
للتذكير فقط ترى ملابسي المتفشله منهن
قولي لولدك ساري البخيل ما ينفق علي
تزوجته وفلس واحد ما اعطاني
اذا تبغين اشحد علشان أشتري ملابس ما عندي مانع
وابتسمت بسخريه من تحت النقاب وطلعت
والتوأم معها
اسراء بتوعد : وقسم بالله لتندم هالحقيره
ومسكت الجوال تتصل على ساري
زمت شفايفها بقهر لا يمكن الاتصال فيه حاليا
ام خالد وهي مولعه : انا نفسي افهم كيف زوجتيها هالهمجيه لولدك ؟!
ام زيد تفتح عيونها باستنكار : هذي زوجه ولدك ؟
ليه ولدك ما يصرف عليها ؟!
ام صقر احمر وجهها بالفشيله وبترقيع : هذي كذابه
اتعمدت تلبس كذا علشان تفشلني
وبخاطرها يا فضيحتي ام زيد رح تنشر وتبهر على كيفها

ساري بعصبيه بعد ما خبرته اسراء بالسالفه : وليه ما اتصلتي فيني من اول ؟!
اسراء بقهر : لي نص ساعه اتصل فيك لا يمكن الاتصال
ساري بتوعد : انا قريب من البيت اطلعوا دقيقه واكون عندكم
قفلت اسراء وناظرت ام خالد : لا تهتمي
ساري رح يأخذ حقك اضعاف ويجيبها مثل الكلبه
لهنا وتعتذر
ام خالد : و هذا انا انتظر
ام صقر اعتذرت مره ثانية وطلعت ووجها مخطوف من الفشيله
اسراء تناظر بالخارج باستغراب

توجهت للسياره وفتحت الباب وعقدت حواجبها : وينها ؟!
ساري وهو عافس ملامحه : مين ؟!
اسراء باستغراب : شوق مو برا !
ساري نزل من السياره وقفل الباب بقوه :،شوفيها داخل
ام صقر عقدت حواجبها بخوف : لا قبل نص ساعه طلعت برا تنتظرنا
ساري غمض عيونه وضرب على جبهته بقوه : الحيوانه هربت
شهقت ام صقر ووجهها انخطف
اسراء : وين رح تروح بالليل ؟
يمكن رجعت عالبيت
ساري زفر بعصبيه : اركبوا الحين
والله لاكسر راسها
يصير خير
حرك السياره وعيونه على اطراف الشارع
يبحث عنها
وين يلاقيها بهذا الوقت ؟!
معقول تواصلت مع اخوها ياسر واخذها ؟!
عض بقهر على شفته كان مغفل لما كلمت ياسر اكيد اتفقت على الهروب
وناظر امه ووجهه احمر من العصبيه :، وش صار بالضبط ؟
ام صقر : حسبي الله عليها فشلتني
لابسه بيجاما
قاطعها ساري بنفاذ صبر : انا اسألك عن المشكله
ما سألتك عن لبسها !
اسراء بقرف : هنا المشكله لبسها
ام صقر : فشلتني لابسه بيجاما رايح لونها من الغسيل
وسيعه حيل
ناظر امه ومن داخله مولع وش يبغى بذي التفاصيل بس سكت احترام لها
ام صقر تكمل : ليه ما تشتري لها ملابس ؟!
ساري ارتخت ملامحه من السؤال
اسراء : فشلتنا تقول قدام الحريم انك بخيل وما تصرف عليها
ساري بنبره غريبه : وليه قالت كذا ؟
ام صقر : دخلت صديقه ام خالد وعرفتنا عليها
ولما جاء دور شوق قالت عنها انها شغالتنا
ساري رفع حاجب : وليه تقول عنها كذا ؟!
اسراء : لانه شكل شوق يفشل وما حبت تفشلنا قدام ام زيد
قاطعها ساري بعصبيه : والله!
إسراء : وهي صادقه مثل الشغالات ما في فرق
وام زيد من الطبقه المخملية تبغى تعرف
انها كنتنا
قاطعها ساري بصرخه : خلاص
ما ابغى اسمع صوت
زفر بضيق باستغراب اغلب الوقت لابسه هالبيجاما ما يدري وش السبب ؟!
حس بالتقصير معها
عمره ما فكر يعرض عليها تروح تشتري شيء
او سألها اذا ناقصها شيء او نفسها بشيء
مسح على وجهه بغبن وين رح يلاقيها الحين ؟!!
ام صقر لفت لجهة الشباك ومرتاحه لانها متأكده
انها رجعت للبيت
**
**
**
**
طلع من الجناح ما يشوف من العصبيه وين راحت
: والله لاذبحها بيديني
محمد واقف عند اول الدرج ووجهه اسود : هدي خلينا نفكر برواق
ساري ينزل لعنده : اي رواق ؟!
شردت بعيال نايف الله يأخذها
ام صقر وهي تبكي : حرام عليها سرقت منا نايف
والحين سرقت العيال
اسراء تهديها : لا تخافي يا خالتي
ان شاء الله يلاقونها ويطلعون هالحركه من عيونها
ساري : والله ما تدخل هالبيت لانها مو قد هالثقه
ورح ارجع عيال نايف وتحلم تشوف خيالهم
اسراء بتفكير : يمكن رجعت لاهلها
محمد : وين اهلها ؟!
ترانا ساكنين بمنطقه ثانيه
ساري : يمكن مخططه معهم واخذوها
وقف ساري وهو مولع ومسك الجوال وبحث بالاسماء وسرعان ما ضغط زر الاتصال
بعد ثواني وصله صوته تكلم وهو يحاول يهدي نفسه :السلام عليكم ......الله يسلمك ....اخباركم....الحمد لله بخير ......بصراحه اتصلت ابغى ابلغك حتى تكون بالصوره
ترى شوق طلعت من البيت واخذت العيال معها
......دقيقه خلني اكمل ......صارت مشكله مع وحده بالعزيمه وطلعت لبرا ولما جيت اخذهم
ما كانت موجوده ..... والله مشكلتكم .....لا والله !!......اسمع وقسم بالله لارفع عليها قضيه واخذ العيال غصب عنها .....يعني وين راحت ؟!
....تسألني انا ؟!
يا عمي شوفوا ابنتكم وين راحت وبعدين تكلم ....ايه وما عندي غير هالكلام ....عيال نايف يرجعون وهي بستين داهيه ......والله محترم نفسي قبل ما اشوفكم والا حرمه محترمه تطلع بالليل ....لا تهدد ....والله
سكت بقهر وهو يناظر الجوال تقفل بوجهه
محمد كان يستمع بانصات ناظره : مين كلمت؟!
ساري وهو يجلس وهو مولع : مع عمها الزفت قفل بوجهي
يهدد يبغى يشتكي علي
يروح يشوف سواد وجه ابنة اخوه طالعه
قاطعه محمد : خلاص اسكت
وقوم بلغ الشرطه وشوف المستشفيات
بلاه صار فيها حادث
ام صقر جحظت عيونها برعب : يا حسرتي على عيال نايف
ساري يوقف : اخخخ لو انها قدامي الا اشرب من دمها
وين ذلفت ؟!
اسراء : اتصل بأخوها يمكن اخذها
ساري وهو يمشي للخارج : انا بلغت عمها
وهم يبلغون بعض
للي يهمني عيال نايف يرجعون غصب عنهم
**
**
**
**
ابو احمد ووجهه اسود : يقول طلعت من البيت
ابو فهد باستغراب : كيف ؟ وش للي حدها تطلع بذا الوقت ؟!
وين راحت ؟!
ابو احمد بضيقه : والله ما ادري وش اعمل ؟!
اتصلت بياسر ما معه علم عنها
ابو فهد : وش قلت له ؟!
ابو احمد : سألته عن رقم شوق وقلت له نبغى نزورها
واعطاني وصف بيت اهل زوجها
والظاهر ما عنده علم عنها
ابو فهد مسح على وجهه بضيق : وش السواه الحين ؟!
وش هالفضيحه ؟!
ابو احمد :ان شاء الله ما يصيبها مكروه
ونلاقيها
بس انتبه يطلع هالكلام مو ناقصنا كلام
**
**
**
**
فهد ناظر ابوه بصدمه : وش تقول ؟!
ابو فهد بقهر جلس : هذا للي جاك !
يا ليتني زوجتها واحد من عيالي احسن من هالغريب
وتبقى تحت عيوني
فهد وهو عاقد حواجبه : اذا كلامهم صحيح وهربت
ما ظنيت هربت من قليل اكيد ذاقت المر
قاطعه ابو فهد بهم : مهما كان ما يسوغ لها تطلع بالليل
فهد شبك يدينه بتوتر وضيق : والحل ؟!
ابو فهد هز راسه بقلة حيله : حتى رقم جوال ما احد معه رقمها
فهد بتذكر : مو قال زوجها انهم مسافرين لثلاث سنوات ؟!
ابو فهد وقف بضيق : والله ما ادري عن زوجها
هذا !!
**
**
**
جالسه بمصلى المستشفى ودموعها
ينزلون بغزاره
خطوه مجنونه منها
بس خلاص ما تتحمل اكثر لمتى تبلع اهانتها
وتسكت !!
ما تدري كيف تقدمت هالخطوه الجريئه وطلعت بتاكسي
وما معها فلس واحد
وطلع راعي التاكسي طيب وسامحها بالاجره
ناظرت التوأم نايمين جنبها
وش تعمل الحين بعد هالخطوه ؟!
بعد هالخطوه تحس عقلها سكر مو قادره
تتخذ خطوه جديده
اسندت راسها للجدار بحيره
وتسمع لحرمتين بالمصلى يتكلمن
شدها حديثهم وانصتت تسمع الكلام
_ ايه سمعت عن الوظيفه ليه ما قدمتي عليها ؟!
_هنا بالمستشفى اشتغل افضل
_ أقول خلينا نروح نكمل شغلنا افضل قبل ما ييجي
قاطعتها زميلتها وهي توقف :،صادقه
ناظرت زولهن طالعات توجهت مكانهن ومسكت الجريدة بيدينها النحيله ووقع نظرها
على الوظائف
قرأت الوظيفه بتردد وصعوبة بالقراءه
ناظرت الشروط والمنطقه
متردده تخطو الخطوه الثانيه
اخذت نفس وناظرت حرمه داخله للمصلى
شجعت نفسها وتقدمت بهدوء وهي تسأل عن المنطقه بتردد
**
**
**
**
في اليوم الثاني
حاط الجوال على اذنه ويهز رجله بتوتر بعد ما وصلته رساله مضمونها حيره بعد اتصال عمه ابو احمد
تكلم باندفاع اول ما انفتح الخط : الو
رد الطرف الثاني باستغراب : نعم
ياسر باستنكار للصوت : عفوا هذا الرقم أرسل لي رساله
رد الصوت الانثوي: ما ادري
ياسر قاطعها : انا متأكد
قاطعته بتذكر : ايه صح اليوم حرمه طلبت مني
جوالي وارسلت رساله وبعدها راحت
ياسر بلهفه : وينها الحين ؟!
ردت ببرود : والله ما ادري
يلا استأذن
قاطعها بسرعه : طيب وين التقيت فيها ؟!
ردت بهدوء : بمستشفى ......ولا تسألني عن شيء لانها طلبت جوالي
وبعدها طلعت من المستشفى
يلا استأذن مع السلامة
قفلت الخط بدون ما يرد
ورجع يفتح الرساله وهو ما يدري يصدقها او يكذبها
تندم لو انه يوم زارها اخذها
عض على شفته بقلة حيله وين يروح فيها ؟!
**
**
**
**
ام صقر وقلبها نار : روح اشتكي عليها ؟!
حسبي الله عليها
ساري وهو يمد نفسه على الكنبه : خليني ألاقيها بالاول وبعدها يصير خير
ام صقر تلوم فيه : ما هجت الا من معاملتك معها
خلتها تهج
ساري اسند نفسه وناظر امه : يعني انا السبب؟!
ام صقر : لو عاملتها بالطيب كان جلست
ساري قاطعها بغضب : وقسم بالله
قاطعه محمد وهو يدخل : والله مو شايف الا توعدات
ساري بنفاذ صبر : يعني وش الحل ؟!
بس خليني الاقيها والله
قاطعه محمد بضجر : خلاص شغل تهديد
اسراء دخلت وهي ماسكه الجوال وعافسه ملامحها : هذي ام خالد تقول وينها شوق تيجي تعتذر
ساري وقف بعصبيه : قولي لها تأكل تبن !
يا ثقل طينتها هالحرمه
بسببها صار كل شيء
**
**
**
**
نزل للمكان المحدد مشى وهو يبحث بنظره
شافها جالسه على طاوله وعيالها حولها
تقدم بهدوء وحط يده على كتفها
تفاجئ برد فعلها لما شهقت بخوف
ابتسم بتعب على خوفها
وقفت وبحضنها الجوري مدت يدها تسلم
مد يده سلم وبراسه الف سؤال يدور براسه
بعد ما سلم مسح على رأس التوأم وابتسم لهم
ورجع ناظرها واشر لها تجلس يبغى يفهم السالفه
تكلمت وهي تمسك بيد جود : خلينا نطلع من هنا بسرعه
ناظرها باستغراب : خلينا نتكلم وبعدها
قاطعته بسرعه : لا لا نتكلم بالسياره
هز راسه باستسلام ومسك يد جواد وطلع متوجه لسيارته
حرك السياره وناظرها ينتظرها تتكلم
بس كانت تناظر للامام بصمت
قرر يقطع الصمت : أخبارك ؟!
ناظرته بانكسار: مثل ما انت شايف !
طالعها : وش صاير ساري متصل انك هاربه من البيت ؟!
شوق وبدأ جسمها يهتز من البكاء
ناظرها وهو محتار مو فاهم شيء : تكلمي
فضفضي رح ترتاحين
شوق بصوت متقطع : خلاص انا ما اقدر اتحمل اكثر من كذا
وكملت وصوتها يهتز : انا داخله عليك يا عمي
ما ترجعني له
طالعها ما يدري ليه حزن عليها : ارتاحي الحين
وبعدين نتكلم
ومد لها علبه المويه
اخذتها ويدها ترجف ....
مر وقت والصمت يعم السياره وارتاحت لما شافت عمها طلع من المنطقه للي كانت ساكنه فيها
بعد مرور وقت وقف السياره
ناظرها بهدوء: انزلي خلينا نرتاح ونتغدى
هزت راسها وهي حاسه فمها علقم ما لها
نفس بشيء
**
**
**
**
ياسر بعصبية : وقسم بالله لادفنك بمكانك
ساري بسخريه : تدري خفت
ياسر وهو مولع : وقسم بالله لتندم تفكر السالفه
سايبه عندك ؟!
تفكر انها ما عندها اهل ؟!
سافرت سنه ولعبت على كيفك
ساري قاطعها بقرف : اسمع مو فاضي اسمع
سخافتك
كلمتين ورد غطاهن
معك اسبوع عيال نايف يكونون عندي
والا بيننا المحاكم
ياسر بغضب : خذها على بلاطه
تحلم تشوف عيال نايف وورقة اختي توصلني
وقفل الخط
ساري شد على الجوال بعصبيه
كيف يقفل الخط بوجهه ؟!
وبصوت عالي غاضب : والله لاخليها تشوف نجوم الليل بعز الظهر
ام صقر : مين للي كلمك ؟!
ساري وهو يزفر بعصبيه :،اخوها الكلب
متصل يهدد
ام صقر بخوف : يعني شوق عند اهلها
ساري جلس : الحيوانه متفقه مع أهلها وراجعه لهم
محمد بارتياح وناظر ساري : خلاص اسكت انت
بما انها عند اهلها اتركها اسبوع يهدأ الوضع وبعدها يصير
خير
ساري بتصميم : رح اطلقها وارجع عيال نايف هنا
والله لاحرق قلبها عليهم
وما اكون ساري
زفر محمد بضيق وجلس وعقله بدوامه من المشاكل للي ما رح تخلص
واهلها مو ناويين على خير
ام صقر بغضب : الحين تروح وتجيب عيال نايف
ساري مقهور : وين اروح ادورها
عند اخوها للي ساكن بأخر الدنيا والا
عند اعمامها ؟
اصبري كم يوم ووقتها يصير خير
**
**
**
بعد الغداء ناظرها بهدوء : وش صاير ؟!
وين كنت ليله البارحه ؟!
شوق ناظرت وكل هموم الدنيا فوق راسها : بالمستشفى
قاطعها بقلق انه يكون ساري ضاربها بس سأل بشكل عام : مريضه ؟!
العيال فيهم شيء ؟!
شوق هزت راسها بهدوء وحست بالغصه بحلقها : ضاقت علي الدنيا وما لقيت مكان يحتويني الا المصلى
ناظرها باستغراب : لذي الدرجه مو مرتاحه
قاطعته شوق وشوي وتبكي : لو مرتاحه ما طلعت بالليل
خلاص انا ما اقدر اتحمله أكثر
تنهد وهو يناظرها كيف متغيره ونحفانه تكلم بهدوء: طيب اذا مشكله يوم ويعدي
كل الازواج تصير بينهم مشاكل
شوق بقهر ودموعها نازله :،اقولك ما ابغاه خير شر
خلاص انا قرفت الحياه معه
رد بحيره : طيب ليه ما تكلمتي من اول الزواج؟ !
شوق بضيق خلق : انا صبرت بالبدايه علشان العيال
بس الحين خلاص انا ما اقدر اتحمل
ابغى اهج بعيالي واختفي من هالدنيا
كلها
اخذ نفس بتفكير : وتفكري ساري رح يسكت ؟!
شوق بكره : ما له علاقه ذول عيالي
قاطعها : هذا كلام لازم تفكرين
احب احطك بالصوره ترى اتصل يهدد يبغى عيال نايف
واكيد رح يشتكي للمحكمه
انا اليوم رح اشوف محامي ونشوف وش رح يطلع بيدنا
قاطعهم رنين جواله طالع الاسم ورد بهدوء الو ......هلا .......الحمد لله بخير ........ايه معي الحين ......وبعدين معك يا ياسر ......ما نبغى مشاكل .....لا تتكلم معه انا اتكفل بالموضوع .....وين تأخذها عندك ؟ ......لا لا اصبر شوي ....وان شاء الله يحصل خير .....خلاص بعدين تكلمها ....والله ما فيها شيء بس الحين طالعين خلاص بعدين
تكلمها ...ان شاء الله مع السلامة
قفل الخط وزفر بضيق ما يدري كيف يتصرف ناظرها بهدوء،: اسمعي الحين رح نروح لبيتي وما احد يدري بالسالفه
لا تتكلمين بشيء على اساس انك جايه زياره
قاطعته : بس انا ما رح ارجع
تكلم بنرفزه : وبعدين معك؟!
مثل ما قلت لك بس لفتره مؤقته وانا بتصرف
سكتت غلب ومو مقتنعة بكلامه بس رح تسكت وتشوف نهايتها معه
قاطع افكارها جواد :ماما الوح حمام
ناظرها بهدوء على ايدك اليمين روحي تلقين
الحمام وخلي الصغار هنا
هزت راسها وهمت تروح بس وقفت لما شافت
جود تبغى تبكي
مسكت يدها : تعالي معنا
اخذت عيالها وراحت بعد ما كملت توجهت للطاوله للي جالس عليها
كان معطيها
ظهره ويتكلم حست الدم نشف بعروقها وهي تسمعه يقول: الحين اجيبها لك .....ان شاء الله .......عند الاشاره انتظرني ...مع السلامه
رجعت خطوه للخلف تبغى تهرب وتختفي
عن وجه الارض