رواية بديت أنساك يالون السعادة~للكاتبة ضاقت انفاسي الفصل الثالث والعشرون 23 - بقلم BlackButterfly002

بسم الله

بارت 23.1

ام صقر تحط رجل على رجل : والله جالسه عند حفيدي الامر بيدي وانا اشور مثل ما ابغى
شوق بقهر : انا ما ابغى حد يجلس عندي
صحتي مثل الحصان واحسن
اقدر اخدم زوجي وعيالي
بس فارقي
ام صقر لما حست بدخول نايف وبصوت عالي : تطرديني ؟!
هذي اخرتها تطرديني ؟!
شوق حست بدخول نايف وكيف ام صقر رح تقلب السالفه عليها وبسرعه ردت : الحين علشان اقول لك روحي ارتاحي تحسبينها طرده؟!
دخل نايف وناظرهم بهدوء
ام صقر ناظرته بزعل : انا حرمتك تطردني من هنا ؟!
شوق رفعت حاجب بتبرير : الحق علي ابغى راحتك
طول الأسبوع جالسه هنا تعبوك التوأم
ابغى راحتك
نايف بتأييد : صحيح يمه ارتاحي طول الأسبوع
وانت متوقفه للعيال اكيد تعبتي
فتحت ام صقر عيونها بدهشه من كذب شوق وناظرت نايف : صد..
قاطعتها شوق بنظره انتصار : هذا نايف رح يساعدني على العيال لا تخافي
ام صقر بقهر : والله ما اطلع من هالجناح ورح اجلس على قلبك تبغين تطرديني !
نايف عقد حواجبه :،يمه ليه تفسرين الكلام كذا
وشوق ما تبغى الا راحتك
قاطعته ام صقر بعصبية:والله ما اطلع
وجلست على الكنبه وهي تتربع
ناظرتها شوق والضغط عندها الف ماسكه
لسانها ما تطردها لأنها عارفه
لو تعملها رح تنام في بيت اهلها
زفرت بضيق ولفت وجهها وهي تشوف ام صقر تلعب بحواجبها
مستغله الفرصه نايف وهو يلاعب بجود
**
**
**
**
**
**
**
**
**
فاطمه بقهر : هذي ابنتك ما يصير ما تزورها كم صار لها والده وانت ما زرتها
ناصر بضجر من هالسالفه : زرتها بالمستشفى
قاطعته فاطمه بغيض من تفكيره : كثر الله خيرك
زرتها لما كانت بالمستشفى كم صار لها طالعه
وانت ما دخلت بيتها الا مره وحده لما تزوجت
ناصر زفر بعصبيه : وبعدين معك ؟!
قلت لك مستحيل ادخل بيتها دامه هالخسيس زوجها
فاطمه بقهر : لا تخلي الشغل يتدخل بعلاقتك الاجتماعيه افصل بين الشغل
قاطعها بعصبيه اكبر : انت ما تفهمين ؟!
اففف من هالسالفه
وتركها وطلع
فاطمه بضيق : حسبي الله ونعم الوكيل
ومسكت الجوال واتصلت بخالد
للي سافر للدراسه بالخارج
زفرت بضيق ما رد عليها
قررت تطلع تشوف سامي وين طالع ...
**
***
**
***
***
**
***
**
**
ام صقر وتغلي غلي من العصبيه : اعوذ بالله
الولد يبكي وهي ما معها خبر بالمطبخ تكلم بالجوال
هذي مو قد المسؤوليه
سميه وهي تمسح على شعر ولدها : باكر تتعود على المسؤوليه
قاطعتها ام صقر : صار لها والده اكثر من شهرين
مو قد المسؤوليه
طول الوقت هالجوال بإذنها
لا وللي طق كبدي منها
اقول لها شوفي العيال تقول اففف انا مليت
ما خلوني انام طول الليل
اسراء بانتقاد : صدق انها مو قد المسؤولية
وين نايف عنها يكسر الجوال على راسها وتنتبه
لعيالها
ام صقر حطت يدها على صدرها : يا حسرتي
طول الوقت هو للي يكلمها بالجوال
محمد : يا يمه نايف الصبح والظهر بشغله من وين يكلمها ؟!
ام صقر رفعت حاجب : مو مصدقني ؟!
ساري ناظر محمد : ما تشوفه لما نطلع مع بعض
طول الوقت يكلمها
ولا كأنه طالع معنا
ام صقر : الصبح اذا ما كلمته تكلم امها او اختها
او بنات عمها
24ساعه تكلم بالجوال
اعوذ بالله
ورفعت نظرها لفوق واشرت : اسمعوا صوت
العيال يبكون
والحين تلاقيها
حاطه الجوال بإذنها وفاتحه فمها مثل مصيده
الذبان
يا حسرتي عليهم
والحين طالعه بسالفه تعبانه احتمال تكون حامل
اذا اثنين مو قايمه فيهم
كيف تقدر تقوم بالثالث
اسراء عفست ملامحها : ما ادري مستعجلين
عيالهم بعدهم اشهر
ام صقر تقلد نايف بغيض : ابغى اخو لجواد
من زين الام علشان تكثر نسلها
محمد ما تعجبه هالسوالف : الله يبارك لهم
ام صقر هزت راسها : انا ادري فيه يكثر بعياله
علشان
يكون طلاقها مستحيل وعنده منها درزن عيال
محمد فتح عيونه باستنكار : للحين تبغينه يطلقها ؟!
ام صقر بجديه : ايه للحين لو تجيب 20 ولد ابغى يطلقها
او يتزوج عليها ويبرد حرتي فيها
مط شفته محمد مو عاجبه كلام امه
ساري بثقه : لا تحاولي يمه تراها معجنه بقلبه
والف حرمه ما تغيره عليها
وكأنها
سكت ما كمل

ام صقر : وش فيك كمل !
محمد بضيق : الله يوفقه وش فيكم كذا ؟؟!
ام صقر لوت بوزها : انا انقهر لما اشوفه خروف
عندها
محمد ينهي الموضوع : تغيرون الموضوع والا اطلع
ساري مسك يده : اجلس يا رجال
الا ما قلت لي وبدأ يكلمه بمواضيع الشغل
وام صقر تحوس من القهر والغيره
دخل نايف وهو يتكلم بالجوال ويضحك : حرام
عليك ميت من الجوع
وش اجيب من المطعم ؟!
رجع ضحك مره ثانيه : خلاص الحين اروح
حك شعر راسه وابتسم : لا تخافين حار
حافظ وش تحبين
ان شاء الله مع السلامه
وطلع من البيت قبل ما يدخل الصاله
ام صقر للي صارت تغلى بزياده وهي تسمع صوته
يكلمها بالجوال
وقفت علشان توقف هالمهزله
بس محمد منعها : وش تبغين فيهم؟!
ام صقر بعصبية : حسبي الله عليها كل يوم
من المطعم
حضرتها مو فاضيه تطبخ ؟!
قاعده لطق الحنك
و العيال وزوجها اخر اهتمامها
سميه : يمكن تعبانه او انشغلت ما فيها شيء
لو طلبت من المطعم
ساري بعصبية مكبوته : هذي انت قلتيها
انشغلت او تعبانه مو كل يوم من المطعم
محمد :يا اخي وش لك فيهم ؟!
ان شاء الله يتغدون زفت وش علينا ؟!
لازم تنكدون عليه حياته ؟!
اسراء بغيره : يبغون مصلحته ويعيش سعيد
اعطاها محمد نظرات ناريه : انت وش لك دخل ؟ !
ما احد طلب رأيك !
ام صقر بدفاع عنها : صادقه اسراء نبغى سعادته
عقد حواجبه محمد باستنكار : يعني الحين لما طلبت الغداء كان يبكي
مو كأنه صوت ضحكته واصله لهنا !
بالله عليكم اتركوا هالرجال بحاله
مبسوط مع زوجته وعياله ولا تنكدون عليه
ام صقر فتحت عيونها بزعل : انا الحين انكد عليه ؟!!
مشكور يا محمد ما قصرت كل هذا علشان ما تزعل حرم نايف
ولفت وجهها زعلانه
محمد ضاق خلقه منهم ومن تفكيرهم : الله اكبر
ليه عقولكم ضيقه كذا ؟!
ام صقر وهي تسقط دموعها : عقلنا صغير وما نفهم
تركنا الفهم لك يا ...
وسكتت ما كملت
تقدم منها محمد وهو يعتذر منها وبصعوبه
حتى رضيت عليه
**
**
**
**
**
**
**
طول الايام للي مرت ما في تغير
ما تخلو من النغزات بين ام صقر وشوق
ونايف بالوسط ما يدري مع مين الحق
والتوأم تعبوها بشقاوتهم وطلباتهم
وللي قاهرها بزياده علاقه نايف باهلها متدمره
ومقطوعه وابوها نفس الشيء وهي بالوسط ما تدري مع مين توقف
طلعت من الصاله وبحده : جواد اجلس مكانك
تابع جواد زحفه عالارض بدون ما يلتفت لها
حطت جود على الارض
ومسكت جواد بيدها للي صار يرافس برجليه : افففف منك
وبدت صفارات الانذار
دخل نايف وابتسم : وش فيها صفارات الانذار ؟!
شوق بتعب من الحمل لها 3 اشهر حامل: يبغى يحوس على كيفه وانا تأخرت على زياره اهلي
حمله نايف وهو يمسح على راسه وجواد يرافس ويبكي نايف بضحكه : هالولد عصبي
شوق وهي تحمل جود : هذا الشاطر فيه الصراخ
للي بعمره يمشون وهو بعده يزحف
نايف وهو متوجه للباب : مو قادرين له وهو بعده يزحف
كيف لما يمشي
شوق طلعت خلفه وقفلت الباب : رح يحوسني
هالولد
نايف ينزل على الدرج : لو كانت جود هاديه
كان اخف
المشكله انها مثله اعوذ بالله
شوق زفرت بضيق : متى يمشون علشان اطلع واروح بكيفي
مو انتظرك علشان توديني
قاطعتها ام صقر وهي طالعه الدرج : تبغين
تحومين على راحتك
لكن دواء لك هالتوأم ربطوك بالبيت
نايف تضايق من كلامها : تبغين شيء يمه ؟!
ام صقر ناظرته بقهر : ما ابغى الا شيء واحد انت تعرفه
وقتها تبرد حرتي ببعض ناس
نايف فهم كلامها مد البوز واستأذن وطلع
ناظرت ام صقر زولهم : ايه خلك خروف تسيرك
يمين شمال
عضت على شفتها بقهر اذا ما طلقها
ما ترتاح
وعياله الحين كملوا السنه وبعده لاصق فيها
**
**
**
**
**
بالسياره شوق تمثل الزعل :،شفت امك وش تقول ؟!
نايف مسح على وجهه بيده : طنشي علشاني
وسألها يغير الموضوع : متى امرك ؟!
شوق بتفكير وتردد : ابغى انام
قاطعها : نعم ؟!
لا مستحيل
زفرت بضيق مستحيل يقبل انها تنام في بيت اهلها
تكلم بهدوء : بيننا اتصال أوكي
هزت راسها وما ردت
ولما قربت توصل اتصلت بأمها
علشان سامي يلاقيها ويحمل معها التوأم
وقف نايف السياره و نزل يساعدها
شوق بهمس : ادخل
قاطعها بحزم : مستحيل ادخل بيت اهلك
خلينا كذا أحسن
لوت بوزها وقبل ما تكمل طلع لها وليد
توجه لها وسلم عليها وحمل جود وباسها بقوه
انزعجت جود وعفست ملامحها وشدت شعر وليد
ضحك وليد : يمه منك
شوق : اذكر الله لا تصكها عين
وليد ابتسم : لا تخافي عيني بارد
وتوجه لنايف وسلم ببرود وبكلمه رخوه : تفضل
نايف ببرود : مشكور
واعطى جواد لشوق وتوجه للسياره وحركها
وليد ناظر شوق للي دخلت وتنهد مستحيل تتغير
يحاول يظهر قدام زوجها انهم علاقتهم قويه
حتى يحسب انه لها اهل وعزوه وسند
دخلت شوق الصاله وسلمت على جدتها
وامها ورمت الحجاب وهي حامله جواد : اففف حر
حملت فاطمه جواد وابتسمت على شكله : علامه
معصب ؟!
شوق وهي ترتمي على الكنبه : يا ثقل دمه
يبغى يحوس الدنيا
دخل وليد وهو يضحك ويحاول يفك شعره
من يد جود : اتركي شعري
الجده : قومي خذي ابنتك قطعت شعر وليد
شوق بلامبالاه : يستاهل ليه يخلي شعره طويل
مر من الصاله عبود وعفس ملامحه : اعوذ بالله
القرود عندنا
شوق رفعت نفسها : ما أحد قرد غيرك
عبود وهو يفك يد جود من شعر وليد وحملها
وهو يخوف فيها بعيونه
ناظرته وهي ماده شفتها بطفوله وعافسه ملامحها وصارت تضرب فيه على وجهه : دده دده
مسك يدها الصغيره عبود وهو يناظر شوق : الله اكبر الحقد وراثه
شوق طنشته ورجعت مدت نفسها على الكنبه
جواد وهو يصرخ يبغى ينزل من حضن
فاطمه ويضرب فيها
فاطمه نزلته : اعوذ بالله وش هالولد
صار يزحف ويحوس بالصاله
وليد يجلس مقابل لها : لما تدخلين مع عيالك
احس نفسي بالحسبه
عبود حط جود على الارض : اعوذ بالله مو بني ادميه
اشك انها قطوه
ضحكت شوق لما شافت وجهه نازل دم خفيف
مكان اظافر شوق
فاطمه بانتقاد : وليه اظافر ابنتك طويله ؟!
شوق وهي تثاوب : اذا تقدرين عليها
قصيهم
الجده : اذا الحين مو قادره عليها
لما تكبر وش رح تعملين ؟؟
حركت يدها بعدم مبالاه وغمضت عيونها
للنوم
فاطمه زفرت بضيق : الحين تنام وتتركهم يحوسون
شريفه جلست : الله يكون بعونها
برقبتها توأم وحامل
ما الومها تلاقينها ما نامت الليل
اليوم اتصلت فيني خلود ومسكينه تشكي ما تنام الليل
ولدها طول الليل يبكي
فاطمه وهي تبعد جود عن الطاوله : صادقه
جود ترجع عند الطاوله
فاطمه ابعدتها وبدت صفارات الانذار
حملتها تسكتها ما في فايده : وش هالعيال اعوذ بالله
جواد يزحف ويصرخ بصوت عالي
كانت الصاله تضج بالازعاج
الجده حطت يدينها على اذنها : ما ادري كيف نايمه
هالخبله ؟!
شريفه: تلاقينها متعوده
فاطمه ضاق خلقها هزت شوق : قومي شوفي عيالك
رجعت هزت بقوه لما ما شافت منها رد ؛ قومي شوفي عيالك
شوق بصوت ناعس : ابغى انام
فاطمه تناظر الجده وشريفه : صارت نايمه ما ادري كيف تنام
تركت فاطمه جود عالارض يمكن تسكت
وانشغلوا بالسوالف وعيال شوق يحوسون بالصاله
فجأة التفتوا كلهم بعد ما سمعوا صوت الكسر
وصراخ طفل
فزت فاطمه والكل خلفها
وشهقوا لما شافوا
جواد عالارض والدم حوله والقزاز على الارض
ركضت فاطمه بس كانت شوق قبلها
لما سمعت صراخ ولدها فزت على حيلها
حملته بسرعه بحضنها وهي تتحسسه
ما يتحرك وصرخت : يممممممه
دخل ناصر وهو مفجوع من الصراخ
وانفجع بزياده لما شاف جواد
وبسرعه ركض حمله من شوق وتوجه باسرع وقت للمستشفى
وشوق خلفه تصرخ : ولدي ولدي
وقفت بسرعه ولبست شيلتها بعشوائيه ومسكت يد وليد
وهي تبكي : خذني عنده
وقبل ما تكمل سحب يدها وليد
وتوجه فيها للسياره
وحرك بسرعه للمستشفى
**
**
**
**
**
**
الدكتور بهدوء : ما فيه شيء ضربه خفيفه
شوق قاطعته بصوت باكي : يعني ما فيه شيء ؟!
الدكتور هز راسه :- ما فيه شيء اتمنى انكم تنتبهون له بالايام الجايه ولا تهملوه
هزت راسها وصارت تمسح عليه وهي تشوفه نايم
ورأسه ملفوف بالشاش
مسحت دمعه نزلت غصب عنها
وسرعان ما رفعت راسها وهي تسمع صوت نايف
يرعد بالخارج
دخل بعصبيه : وين جواد ؟!
وقفت شوق وهي تشوف نظراته ما تبشر بخير
اقترب من جواد وانجن جنونه لما شاف الشاش على راسه وبصوت عالي : مين للي وقعه ؟!
فتحت عيونها باستنكار لسؤاله
ناصر وهو رافع حاجب مو عاجبه اسلوب نايف نهائيا : تقصد انه حنا للي وقعناه ؟!
نايف بعصبيه وهو يناظر ناصر نظرات ناريه : ما في غيركم
والله لاقدم الحين فيكم شكوى ذبحتم ولدي
ناصر عفس ملامحه بقرف : شوفه ما فيه شيء
نايف ناظر جواد وراسه ملفوف ونايم بسلام
هز راسه بتوعد وطلع وهو يردد : رح تندمون
ناصر ناظر شوق : هذا من جده يتكلم ؟!!
شوق مسحت دموعها مو قادره تبرر موقف
نايف ولا قادره تقول شيء
**
**
**
**
**
سميه بحزن : مسكين بعده صغير
اسراء حطت رجل على رجل : يا اختي امهم مهمله
كثير
وينها عن عيالها ؟!
شمس : ان شاء الله يعصب نايف ويطلقها
سميه استعفرت بصوت عالي : حرام عليك
شمس بشماته : تستاهل خله يطلقها ويفكنا منها
سميه : فكري بعيالهم يتشتتون ؟!
اسراء : اسكتي يا سميه تراك خبله وما تعرفين الناس على حقيقتهم
**
**
**
**
**
شريفه بقهر تتكلم بالجوال : للحين ما رجعوا نايف
مشتكي عليهم انهم متعمدين ضرب ولده
ام فهد شهقت : حسبي الله عليهم
والحين وش السواه ؟!
شريفه : والله ما ادري راكب راسه و مصمم على الشكوى
ام فهد : وشوق وش موقفها ؟!
ليه ما تروح لزوجها وتخليه يتنازل والا عاجبها
الوضع؟!
شريفه : قلت لوليد يقول لها تتدخل
يقول مو راد على حد وحتى ام صقر تدخلت
وبعده راكب راسه
ام فهد : طيب فاطمه يمكن يرد عليها !
شريفه زفرت بضيق : والله هالنايف شايف نفسه
والله فارس عصب لما سمع السالفه واكل نفسه
لو انه موجود كان عرف يتصرف معه
ويوقفه عند حده
ام فهد : الحين أشوف فهد يتصرف معه
يلا سلام
**
**
**
**
**
ناظرته وهو معاند على رايه
وبنبره باكيه : نايف
علشاني خلاص كافي فضايح
ناظرها وللحين معصب ..

بسم الله

ناظرته وهو معاند على رايه
وبنبره باكيه : نايف
علشاني خلاص كافي فضايح
ناظرها وللحين معصب ....
**
**
**
**
جالسه بالصاله
ام صقر زفرت بقهر وبداخلها نار تولع من القهر : اخخخخخ يالقهر انا طلبت منه يتنازل وما
اخذ شأن لي
ومحمد وساري ما عبرهم ولا رد عليهم
ولما طلبت منه الحيه يتنازل وينهي الموضوع
وكأنه مسحور
على طول تنازل !!
عضت على شفتها ولو يطلع بيدها تأكل شوق
باسنانها
اسراء انقهرت والغيره ذبحتها : طيب نايف وين الحين ؟؟
ام صقر والقهر واضح على اوتار صوتها : يبغى يفسحها ست الحسن والجمال تغير جو
ورفعت يدينها بغل جعلها بالخنقه للي تخنقها
اسراء :،امين
على وش يركض خلفها ؟!
فعلا الدنيا حظوظ ؟!
سميه : وجواد كيف وضعه ؟
ام صقر ما لها نفس بالكلام من القهر للي فيها : ما في شيء
ضربه سطحيه
زفرت بضيق" حسبي الله عليك يا شوق مثل ما خطفتيه منا "
**
**
**
**
**
قاعدين بالحديقه وجواد بحضنها وساكته
ناظرها وسألها : علامك ساكته ؟!
هزت كتوفها بمعنى ما في شيء
حط جود بحضنه : زعلانه علشان اهلك ؟!
شوق طالعته بقهر وضيق : هذا انت قلتها اهلي
كيف تبغى تشتكي على اهلي ؟!!
وانا ساكته ؟!!
هذا ابوي ما اسمح لاحد يهينه او يتكلم عليه
بكلمه
وقسم بالله لولا العيال ما جلست عندك دقيقه
بهدلت اهلي وحالتك حاله
قاطعها بعد ما زفر بضيق: خلاص انسي
وللي صار صار
شوق عفست ملامحها وهي تتغلى : كل شيء عندك بسرعه
دوبك مبهدل ابوي تبغى انسى بسرعه
واسامحك
تنرفز منها :،افففففف عمرك ما رضيت
ووقف وجود بحضنه وراح جلس على مقعد ثاني
زفرت بضيق بعد ما قام مقهوره من تصرفه
كيف يعمل كذا بآهلها ؟!
وين عينها منهم ؟!
عضت على شفتها ما تدري وش تعمل ؟!
متأكده انه جالس ينتظرها تيجي تعتذر كالعاده
بس
ما لها خلق للحين مقهوره منه
انتظر نايف ربع ساعه وهي على نفس
جلستها
وقف بعصبيه وبصوت حاول يكون طبيعي : يلا يا شوق
ناظرته والقهر باين بعيونها ووقفت وتوجهت للسياره بدون اي كلمه
انقهر من تصرفها ما يحب يشوفها زعلانه
وبنفس الوقت يشعر بداخله بسعاده انه قهر ناصر
حرك السياره وناظرها وهو متنرفز من تطنيشها
صاده لجهة الشباك وبصرخه : وبعدين ؟!
نقزت على صراخه وناظرته
كمل بعصبيه : لمتى يعني وانت ماده البوز ؟!!
اخذت نفس وتكلمت بهدوء : اعتذر من ابوي
وقف السياره وناظرها باستنكار : نعم ؟!
وش قلت ؟
عيدي الظاهر اني ما سمعت ؟!
ناظرته وهي تعيد كلامها ببطئ: اعتذر من ابوي
ناظرها باستصغار : الظاهر انه عقلك ضارب
وبعصبيه اقول لك خليك زعلانه وطقي راسك باقرب جدار
وحرك السياره وهو يعيد كلامها بسخريه: اعتذر من ابوي
قاطعته بحده : لا تتمسخر فاهم
نايف بعصبيه: تدري انك ما تنعطي وجه ؟!
لكن دواك عندي
يصير خير
ناظرته بزعل ولفت وجهها
**
**
**
**
**ناصر وهو قابض على يده بقهر : وقسم بالله ليندم
وناظر فاطمه : الحين تتصلين بشوق وقولي لها اذا دخلت هالبيت
قاطعته فاطمه. باستنكار : تبغى تمنعها تدخل هالبيت
وش دخل شوق بزوجها ؟!
ناصر بنبره حاده: هذا انت قلتيها زوجها
فاطمه بعصبيه : والله ما اقول لها
وإذا منعت شوق من دخول البيت
ما لي قعده هنا
قاطعها ناصر : انت ليه تحشرين نفسك بالسالفه ؟!
خلاص لا تكلميها انا اكلمها بنفسي
فاطمه بنبره حزينه : حرام عليك تزيد همها
يرضيك تيجي زعلانه ويطلقها وبرقبتها عيال ؟
وقسم بالله لو تسمع كلامك هذا
الا تترك نايف وتتطلب الطلاق
بالله عليك لا تخرب بيتها
قاطعها وهو يردد : لا اله إلا الله
قهرني زوجها بحركته
وبعدها وقف : خلاص لا تجيبين لها سيره

**
**
**
**
**
**
ام صقر بزعل : لا تكلمني فاهم
نايف جالس عند رجلينها : يمه
قاطعته : انا تنزل كلمتي للارض
وحرمك المصون كلمتها مسموعه
ليه يا نايف ؟!
نايف بتبرير : مو كذا قصدي
ام صقر ابعدت يده عنها : خلاص روح اعمل للي تبغى
وانسى اهلك
نايف بضيق : اطلبي للي تبغينه وانا انفذ
وقبل ما تتكلم كمل
الا الطلاق ما اقدر عليه
ام صقر : وليه ما تقدر على الطلاق ؟!،
نايف بنبره هاديه : يمه روحي معلقه فيها
ما اقدر
ساري لف وجهه بقرف وداخله نار كيف
خلى نايف كلمتهم بالارض
وما عبر الا شوق
أم صقر : لا تتطلقها بس ممنوع تروح لاهلها
نايف بضيق ونبره رجاء : يا يمه كيف تبغيني
امنعها من اهلها ؟!
ساري بحقد : يا اخي لا تمنعها
بس مو شرط كل اسبوع عندهم
وبخبث
يعني كل شهرين مره
ام صقر ابتسمت عجبها كلام ساري : ايوه بالضبط
كل 3 اشهر مره تزور اهلها
ناظرهم نايف وكآنه حمل ثقيل على ظهره
كيف يمنعها كل هالفتره عن اهلها
صحيح زياراتها مو ذاك الزود لأهلها
بس بالاسبوع تزورهم مره
اما يمنعها بالاشهر صعبه صعبه
ام صقر ناظرته وهي رافعه حاجب : قول انك ما تمون عليها وانتهينا
ساري بخبث : ليه هو.حرمه ما يمون على زوجته
اكيد كلمته بتمشي
واعطى نايف نظره تحدي انك ما تقدر
انقهر نايف من كلامهم واسلوبهم
ووقف بعصبيه : قول للي تبغى تقوله
قول خروف قول رخمه قول للي تبغى
زوجتي ما رح امنعها عن اهلها
وما احد له كلمه عليها غيري انا
وناظر ام صقر بعتب على هالطلب : يمه انت ياسمين مسافره لو يطلع بيدك كل يوم عندك
وقلبك
نار حتى تشوفيها
كيف تبغيني احرمها من امها
ما اقدر انفذ هالكلام
ساري بقهر: لانك رخمه
طالعه نايف بنظرات ناريه
وتركهم وطلع
ام صقر وهي تغلي : شفت مثل الخروف حاطيته
خاتم بإصبعها
ساري بقهر : قبل ما يخطب دوم يقول ما احب الحرمه طالعه نازله واشوف حرمه
المصون اسبوعيا عند اهلها
غير كل يوم طالع معها
وما اشوفها تنزل عندكم !
ام صقر بقرف : يا ليته يطلقها ويخلصنا
ساري : يا يمه مو شرط الطلاق
المفروض يكون له كلمه
مو هي للي تمشيه على كيفها
**
**
**
**
**
شوق اعصابها تلفانه مسكت جود بإذنها : وبعدين معك ؟
ومسكتها من يدها وجلستها على الكنبه : اجلسي مكانك احسن ما اكسرك تكسير
دخل على كلامها وابتسم : اعصابك يا حلوه !!
ناظرته ولفت وجهها
نايف اقترب منهم وحمل جود : ليه يا بابا تتعبين ماما ؟!
جود وهي تحاول تفلت من حضن أبوها
نايف احكم مسكتها : تدرين يا شوق
خلاص انا قررت اسافر سنه واتركك هنا
قاطعته بفجعه : نعم ؟!
والله ما تطلع رجلي على رجلك
ضحك بصوت عالي : مو كأنك من يومين
مقاطعيتني وما تكلميني
ليه رازه وجهك بالسفر ؟!
ناظرته بنص عين : العيال ما اقدر عليهم !
نايف جلس وهو يبوس جود : خلاص هونت عن السفر
بس اذا بعض ناس تبقى ماده البوز
الا اسافر وما اخلي احد يدري عني
ابتسمت شوق : خلاص رضينا
نايف وهو يلاعب جود : يلا البسي خلينا نطلع نغير جو
شوق هزت راسها وراحت وهي ناويه تنسى السالفه ما تبغى تخرب حياتها
ومهما عملت ما رح تصلح الوضع بين ابوها ونايف
**
**
**
**
**
**
مرت الايام واستقرت حياه شوق
دخلت بيت اهلها وهي تردد : حر حر
يا لطيف يا لطيف
رمت نفسها على الكنبه
فاطمه وهي تبتسم لها : للي يشوفك يقول انك جايه مشي
شوق وبطنها بارز كثير : تعبت افففففف
وليد بهدوء : الله يرحمك يا جدتي
طلعت من الدنيا وهي تقول اعوذ بالله من هالعيال
خزته شوق وبعدها تنهدت بحنين : الله يرحمها
وناظرت امها : بعده ابوي مثل ما هو ؟!
فاطمه بهدوء : وزياده من بعد ما ماتت ما يتكلم الا بالقطاره
ومكشر طول الوقت
شريفه وهي تكمل : قولي للي يشوفه طول الوقت
بالشغل
ما ادري عنه للي مات الله يرحمه
فاطمه غمضت عيونها بانزعاج : اعوذ بالله
شوفي عيالك كيف يصرخون
شوق بملل : يمه انا قرفت زهقوني
يا ليتني بعدني بنت
ما يسمعون كلامي
مريم وهي طالعه من المطبخ متوجه لهم بابتسامه : الحمد لله لين راحت مع ابوها
والا كان الحين مذبحه
شوق : الحمد ابنتك ام لسان مو هنا
كان عفستنا
عفست ملامحها بانزعاج من صراخ عيالها وصرخت : جواد يا زفته اسكت
ناظرها ورجع يصرخ ويركض
ولا كأنها تكلمه
شوق : شفتي يمه ولا كأني اكلمه
قاطعهم صرخه عمت الصاله : بس
ناظرت شوق ابوها ووقفت سلمت عليه
وهو عابس
طالع عيالها وناظرها بحزم : امسكي عيالك
وإلا البيت يتعذرك
استنكرت بداخلها كلام ابوها ولهجته معها
شوق بزعل : خلاص الحين راجعه البيت
وناظرت وليد وشوي وتبكي : وليد تعال ارجعني
ومشت حتى تجهز اغراضها
بس مسكها ابوها من يدها : لا تفهمي كلامي
غلط
مو ناقصنا فضايح مع زوجك
انتبهي لعيالك
مو تجلسين وتتركينهم مثل القرود
فاهمه
زفرت بضيق : ان شاء الله
تركها وطلع لجناحه
ناظرت شوق زوله و بعدها ناظرت امها
بزعل
فاطمه بهدوء : لا تهتمي يمه تراه من بعد وفاه جدتك
وهو كذا يتكلم من رؤوس خشومه
مريم ابتسمت تواسيها : عادي البارحه
قال لي خذي عيالك صدعتي راسي
وغمزت لشوق طرده محترمه
هزت شوق راسها وهي ماده البوز والتفتت على عيالها بتوعد : وقسم بالله للي يقوم من مكانه
جواد ناظرها ومده لسانه : ديس
وصار يركض ويصرخ
وجود تقلده وتركض خلفه
شوق : لا بالله اليوم رح ننطرد من هالبيت
وليد بابتسامه وقف : شكلك مطروده
تعالي اوصلك بطريقي
شوق وهي تجلس على الكنبه : بعد الطرده نفكر نروح
وليد وهو طالع : براحتك
*•
**
**
**
**
**
ام صقر وهي رايح وجايه : يا رب يا رب لطفك يا رب
وصارت تمسح دموعها
ساري حضن امه ودموعه تنزل : توكلي على الله
ان شاء يطلع منها سالم
ام صقر ما ردت وجسمها يهتز من شده البكاء
محمد جالس وحاضن راسه بيدينه
وينتظر على نار
دخلت المستشفى مثل المجنونه
وهي تركض وتشاهق وقفت عندهم وبصراخ : وينه ؟! وينه ؟!
ناصر من خلفها مسكها وقلبه يتقطع عليها : هدي يا شوق
شوق تهز راسها بدون وعي
فاطمه وهي مقطعه نفسها بكاء : لا تخافي يمه
ان شاء الله يكون بخير
ناصر مسح على راسها : ش
سكت لما شاف الدكتور طلع
كل الانظار تسلطت عليه والقلوب تدق بقوه
محمد تقدم من الدكتور وبلع ريقه بخوف : بشر يا دكتور