رواية بحر العطر الفصل السادس 6 - بقلم فاطمة خميس هارون

بحر: اهلا، شرفتي. ما لسه بدري يا شيخة. عطر: والله المشوار عطلني والسكة زحمة. بحر: أيوه، ما أنا عارف. الوقت مع الحبايب كده يعدي بسرعة. عطر: حبايب مين؟ بحر: أنا لما جيت أحاسبك قولتيلي إني ليا بعد الجواز. وقلت ماشي. اقترب منه، وفي لحظة كانت يده تقبض على حجابها ومن أسفله شعرها. لكن تمشي على حل شعرك ده. عطر: اااه، سيب شعري! انت اتجننت؟ بحر: الجنان ده لسه هتشوفيه لو فكرتي إنك تقابلي حبيب القلب تاني.

دفعها بعيدًا عنه وجلس مكانه. طب استني، خلصي هنا وروحي له. بلاش. عطر: إيه الهبل اللي انت بتقوله ده؟ حبيب قلب مين؟ أنا كنت بودي السلسلة زي ما قلت. بحر: مع مين؟ عطر: إيه؟ بحر وهو يضرب سطح المكتب بيده: روحتي مع مين؟ عطر بتلقائية: مع محمد. بحر: لا والله، طيب مش تقولي كده من الأول. الحمد لله مع محمد. انتي هتستعبطي يعني؟ محمد ده كان أخوكي. عطر: أيوه. بحر: ولما هو أخوكي، ماشية معاه ليه؟ واااه. إيه؟

عطر: أيوه، محمد أخويا في الرضاعة. بحر: أخوكي! حتى لو أخوكي، مينفعش تحضنيه كده. عطر: إزاي يعني؟ رامي: بحر باشا. بحر: تعال يا رامي. رامي: ازيك يا عطر؟ عطر: الحمد لله. عن إذنكوا. نظر رامي لها وهي تغادر بغضب. بحر: مالها دي؟ بحر: ما علينا، قولي عملت إيه في ورق الصفقة. *** في مكان آخر. محمد: أيوه يا فندم، أنا واقف قدام. تمام، أنا مستني حضرتك. بسس بسسس. التفت محمد لمصدر الصوت. محمد بصدمة: انتي! لمار: إيه ده، هو انت المندوب؟

مكنتش أعرف، خلاص. محمد: لا، أنا مش المندوب، أنا صاحب المشروع. بس حضرتك أصرتي إن التسليم يكون النهارده عشان كده نزلت بنفسي. المندوب إجازة. لمار: لو كنت أعرف كده مكنتش نزلتك. محمد: لا، ما أنا قولتلك فعلاً. بس برضه أصرتي. لمار: احم، أقصد لو أعرف إنك انت هو. ده كفاية إنك حبيب عطر. حرك رأسه مع ابتسامة بسيطة. محمد: اتفضلي، الأوردر. يا رب يعجبك. لمار وهي تلتقطه منه: يعني انت خطيبها؟ محمد: خطيب مين؟ لمار: عطر.

محمد: لا، أنا أخوها. عن إذنك. كانت تحرك يدها في الهواء بحركات راقصة، فهي تخلصت الآن من شكوكها. التفت محمد سريعًا. محمد: ااا. تصنمت بموضعها، يديها في الهواء وتميل بجسدها. لمار: اااه، هيي! الأوردر جه. أنا فرحانة. محمد باستغراب: اتفضلي، ده إيصال عشان لو حبيتي تبدلي. حركت رأسها وظلت ترقبه حتى غاب عن نظرها، فدخلت سريعا تنفذ خطتها. *** ميرنا: إيه يا بيبي، اتأخرت عليا في النادي ليه؟

بحر: مشغول يا ميرنا. أخلص وأحصلك. روحي انتي. ميرنا: لا، أنا هقعد هنا معاك لحد ما تخلص. عطر: مستر بحر، الورق ده... ميرنا: هو لسه الطبع ده فيكي؟ اتعلمي تخبطي بقى. لم ترد عليها عطر، ووضعت الورق على سطح المكتب لتأخذ توقيع بحر. ميرنا: هو انتوا هتخلفوا امتى يا بيبي؟ توسعت عين عطر واحمر وجهها خجلاً من السؤال، خاصة منها هي. نظرت لبحر الذي لم يهتز قيد أنملة، وأجاب وهو يوقع على آخر ورقة. بحر: بعد تسع شهور بإذن الله.

فتحت عطر فمها. ما هذا التصالح النفسي لديهم. أخذت الورق من يده ورحلت بسرعة. نظر بحر لها وهي تغادر وابتسم. ميرنا: بس المدة دي طويلة قوي. بحر: نعمل إيه يعني. ميرنا: مينفعش ٥ شهور. بحر: ينفع لو هتلاقيه في كيس قلبظ. قومي شوفي وراكي إيه. كفاية عليا الشغل. ميرنا: أوكي، بس متتأخرش عليا. *** فضل: السلام عليكم. ازيك يا عطر؟ عطر: وعليكم السلام. الحمد لله بخير. ثواني هبلغ مستر بحر بوجودك.

فضل: لا، أنا كنت عايزك في موضوع كده الأول. بحر: خير يا فضل. فضل: بحر ابن حلال، كنت لسه بسأل عليك. ضيق بحر عينيه بشك. بحر: طب تعال جوه. فضل: لا، أنا كده كده ماشي على طول. أنا بس عايز أفكرك بمعاد العشاء مع مدير شركة. بحر: اممم، وهيوصل امتى؟ فضل: هيكون في بيتك ٧ بالظبط. بحر: تمام. فضل وهو يغادر: طب عن إذنك بقى. بحر وهو يوجه نظره لعطر: إذنك معاكِ. عطر: بتبصلي كده ليه؟ بحر: مش عارف أقولك إيه. عطر: إيه؟

بحر: فضل كان بيقولك إيه؟ عطر: معرفش. كان بيقول عاوزك في حاجة، وبعد كده انت طلعت وسكت. بحر: يعني مكنتيش عاوزاني أطلع؟ عطر: مقلتش كده. بحر: حاجة إيه اللي عاوزك فيها؟ عطر: وأنا أعرف منين؟ بحر وهو يقترب منها ويقبض على يدها: عطر، بلاش تختبري صبري. متتكلميش مع حد تاني. فاااهمة؟ عطر: اااه، فاااهمة. ترك يدها وهو يهتف: روحي دلوقتي اجهزي للعشاء وأنا هعدي عليكي أخده.

حركت عطر رأسها بنعم وخرجت من الشركة إلى المشفى. جلست قليل مع والدتها وغادرت. *** ورد: يا نهار أبوها أسود، ضربك! وضعت عطر يدها على فم ورد بسرعة: اكتمي يا خرابة، محمد بره. هو مسك إيدي جامد شوية بس. وشَدّني من شعري وزعقلي. بس. ورد: بس؟ تؤ، ملهوش حق. المرة الجاية يضربك بالسكينة في جنبك. عطر

وهي تمسك الفستان بيدها: يوووه بقى يا ورد. أنا مش ناقصة. ربنا وحده عالم أنا متحملة إيه. بكرة ماما تطلع بالسلامة وبعد كده أغور من وشه. أنا تعبت بجد. ورد: خلاص يا حبيبتي، حقك عليا. أنا قصدي عليكي. عطر: أنا عارفة يا ورد. بس أنا مش مهم، المهم ماما تقوم بالسلامة. وإذا كان لك عند الكلب حاجة، قوليله يا سيدي. ورد: طيب يا سيدي. عطر بابتسامة: وواطية. ورد: أيوه كده، فكي. هتلبسي ده. عطر: أيوه.

ورد: ليه ما تلبسي الأسود ده، مناسب أكتر. عطر: أي حاجة. ورد: طيب، خدي البسيه. وبالفعل ارتدته عطر، وكانت كالقمر به، فستان أسود ضيق من الصدر للخصر ثم متسع لأسفل به لؤلؤ أبيض على كل جانب. ومعه خمار من نفس اللون. ارتدت حذائها والتقطت حقيبتها وهي تنزل بسرعة لذلك الذي لا يمل من الاتصال. عطر وهي تصعد للسيارة: خلاص جيت أهو. بحر: كل ده؟ عطر: إيه؟ بحر: إيه انتي؟ عطر: مالي؟ بحر: احم، برضه نفس الفستان الواسع والطرحة الطويلة.

عطر: آه، امال الصبح بخمار وبليل على حل شعري. بحر بسخرية: محترمة. ابتلعت سخريته ونظرت من النافذة بشرود. بحر: يلا، وصلنا. نزلت عطر لتصدم بشكل بيته. بحر: عجبك؟ عطر: هاا، أه كويس. بحر: كويس! طيب يا اختي، ادخلي. دخلت عطر، وعلى أول الغرفة لفت نظرها مجموعة فتيات بملابس لا يقال عنها إلا أنها للأطفال. عطر لنفسها: إيه ده، هما لابسين كده ليه؟ بحر: عشان بنات رقيقة. نظرت له عطر، فعلاً هل يقرأ أفكارها. تداركت نفسها سريعًا.

عطر: ااممم، أصل إحنا عندنا بنتربى على عيب وحرام، فتلقينا في السفالة، أقصد في الرقة، مش كده. ابتسمت له ببرود واتجهت لفضل الذي ما إن رآها حتى هرع إليها. فضل: ازيك يا آنسة عطر؟ بحر: في إيه يا فضل؟ دي خامس مرة نفس السؤال. تجاهلته عطر: الحمد لله بخير، وانت؟ قبض بحر على يده بغضب، فهي ضربت بكلامه عرض الحائط. ميرنا: بيبي، اتأخرت ليه؟ نظرت ميرنا لعطر باستحقار. ميرنا: إيه اللي انتي لابساه ده؟ بيبي، ابقي اديها فلوس تعمل شوبينج.

بحر: فكرة حلوة، هي محتاجة ده فعلاً. نظرت له عطر بصدمة، ثم وزعت نظرها بين فضل وميرنا. فضل: اااه، تعالوا أعرفكوا على المدير. فضل: علي بيه. التفت علي لهم، وأول ما التقطته عينه هي تلك الأعين الزائغة الشاردة في شيء ما. فضل: أقدم لك بحر بيه، صاحب شركات. مد يده ليصافحه، وعينه مازالت عليها. فضل: مدام ميرنا، مراته. كادت ميرنا أن تمد يدها لولا حركة رأسه التي تشير للتحية بدل اليد، وعينه لم تحيد عنها. نظر بحر لفكرها الشارد بغيظ.

بحر في خاطره: هي تتعمد ذلك. تلفت النظر حتى لو بطبيعتها البسيطة. علي: والآنسة؟ فضل: دي عطر، السكرتيرة بتاعت بحر. مد يده والتقط يدها يقبلها برقة. صدمت هي من فعلته وسحبت يدها منه بسرعة. علي بابتسامة خلابة: اسمك جميل. هزت رأسها وهي تحضن يده. نظر علي لفعلتها واتسعت ابتسامته. قبض بحر على يد فضل بقوة. فضل: ااااااه. نظر علي له باستغراب. فضل: آه، الأكل. نسينا الأكل. بحر: لو مأكلناش حالا، هياكل دراعي.

لم تستطع عطر إمساك ضحكتها. التفت لها علي بسرعة وهو ينظر لها بإعجاب. بحر وهو يقف بينهم: اتفضل يا أستاذ. وبالفعل توجهوا إلى المائدة المرصوصة بدقة. أشار علي للسكرتيرة خاصته أن تبدأ يشرح الشروط وبنود العقود، وكانت عطر تقف بجانبها لتأخذ دورها في الشرح. علي: ما تيجي يا آنسة عطر تقعدي جنبي هنا لحد ما نانسي تخلص. نظرت عطر لبحر الذي احمر وجهه من الغضب. عطر: هااه، لا، أنا مستريحة كده، شكراً. علي: وأنا هستريح أكتر لو جيتي هنا.

بحر: ما تبدأي يا نانسي. نانسي بدلال زائف: أوكي، مستر بحر. نظرت لها عطر باستغراب بسبب نبرة صوتها، ولكنها سريعًا ما نفضت الأمر من عقلها. انقضى العشاء وجاء وقت الرحيل. نانسي وهي تسلم على ميرنا: تشرفت، يا مدام ميرنا. ثم اقتربت من بحر، بل التصقت به وهي تقبله من وجنته وتودعه، وكأنها أقرب قريب له. كانت تنظر لهم بدهشة، ولكنها فزعت على صوت علي. علي: عطر. عطر: اعااا. علي: أنا آسف. عطر: ولا يهمك يا مستر علي، أنا كنت سرحانة بس.

علي وهو يضع يده على كتفه: أنا سعيد جداً إني اتعرفت على قمر زيك. انكمشت عطر على نفسها ونفضت يده بسرعة. رفع علي يده في الهواء وهتف: أنا آسف. التفتت وغادرت دون رد. ابتسم وهو ينظر لها بجرأة. قبض على يده بقوة. ميرنا: حبيبي، أنا همشي مع أصحابي نسهر شوية. حرك بحر رأسه وهو يضع نظره على بحر. التقطت ميرنا حقيبتها وغادرت مسرعة. علي: آنسة عطر. علي: ثانية واحدة. وقف بحر بينهم. بحر: خير يا أستاذ علي.

علي: هااه، لا أبداً، مفيش. كنت عايز أشكر الأستاذة على العرض الجميل بتاعها. بحر: العفو، شرفتنا. هز علي رأسه وغادر هو ونانسي. فضل: تعالي أوصلك معايا يا عطر. عطر: ثواني، أجيب الشنطة. بحر: اطلعي هاتيلي الورق من فوق الأول. حركت رأسها بنعم وصعدت. بحر: روح يا فضل. فضل: بس عطر ااا. بحر: قولتلك روح يا فضل. روووح. وبالفعل خرج فضل وأغلق الباب خلفه. وصعد بحر لها. كانت تخرج من المكتب وبيدها الورق. عطر: الورق أهو. بحر: ......

عطر: هو أستاذ فضل مشي؟ بحر: ...... عطر: مستر بحر. بحر: .... عطر: هو انت ساكت ليه كده؟ اقترب بحر منها وصفعها بقوة. بحر: انتي ليه مصره تصعبي المسألة على نفسك؟ أنا مش قولت متتكلميش مع فضل ولا غيره؟ جذبها من يدها بعنف. بحر: قولت ولا مقولتش؟ ردي. عطر بخوف: ق قولت. بحر: امال الكلام متسمعش ليه؟ مش عارفة تبطلي؟ عطر: والله هو اللي كلمني قدامك. بحر وهو يضغط على يدها: انت هتستهبلي يا بت؟

ما كله قدامي. بتسبلي للراجل وتخليه يحط إيده عليكي؟ ما كان حضنك بالمرة. عطر: أنا زقيت إيده، أعمل إيه يعني؟ وبعدين ما انت موجود، مدخلتش ليه؟ ولا فالح تعمل راجل عليا أنا بس. صفعها وهو يصيح بها: أنا راجل على أي حد يا روح أمك. عطر: كفاية بقى، حرام عليك. بحر: هو انتي لسه شوفتي حاجة. انتحبت بين يديه بشدة. تأثر بها في البداية ثم هتف. بحر: لا تمثيل، مش عاوز. كفايا لحد كده. دفعها على الأرض ودخل للغرفة.

رن هاتفها فأجابت لتستقبل أبشع خبر في حياتها. وقع الهاتف من على أذنها وظلت متجمدة مكانها لفترة، ثم عادت لوعيها. نهضت من مكانها وتوجهت له، وجدته في حالة صدّمت منها لوهلة، فهو سكير. ابتسمت بسخرية، فماذا تنتظر منه. عطر: الصفقة انتهت. ضيق عينيه. بحر: مش فاهم قصدك إيه. عطر: يعني تطلقني. قبض يده بغضب وهي تكمل: اللي كنت بعمل عشانها كده خلاص، ماتت. أعطته

ظهرها وهي تقول بصوت خافت: ماتت ومن غير ما تعرف. أنقذتني من اللي كنت هعمله في نفسي أنا. قبل أن تكمل، جذبها له وهو يهتف: تعملي إيه؟ بحر: انتي تطولي إنك تتجوزيني؟ وبعدين يا ستي، هاتي العيل وغوري في ستين داهية. صاحت بعنف وهي تحاول التملص من يده: لاااا، مش عايزة أطول. أنا مش هسيبلك ابني. مش هقدر. ضغط على يدها بعنف. بحر: اااااخرررسي. عطر: لا مش هخرس. طلقني. دفعها بعيداً ومسح على وجهه وهو يترنح بسكره.

كانت تبكي بقوة وهي تجلس على طرف السرير. بحر: لو قولتي طلاق تاني، هتندمي. مش حتت بنت زيك اللي ترفضني. عطر: انت معندكش دم واستغلالي. خليك راجل ولو مرة واحدة في حياتك وطلقني. قبل أن تكمل، صفعها لتسقط على السرير بعنف. اقترب منها وهو يهمس من بين أسنانه: الظاهر إنك عايزة تقدمي معاد الفرح، لأنهاردة. اقترب منها أكثر وهو يهمس بجانب أذنها: وأنا موافق.