رواية بحر العطر الفصل السادس عشر 16 - بقلم فاطمة خميس هارون

اقترب بحر منها سريعا وهو يهمس في أذنها: "إيه اللي انتي عاملاه ده؟ عطر وهي تبتعد عنه: "إيه يا أستاذ بحر مش حضرتك اللي قولت اهتمي بمنظرك شوية؟ رامي: "هو إحنا 15 في الشهر ولا إيه؟ عطر: "لا! رامي وهو يستند على بحر: "أما أنا شايف بدر منور قدامي ليه؟ نظرت له عطر بضيق. عطر: "مرسي." بحر: "رامي شوف فضل هييجي ولا إيه." رامي: "تمام، عن إذنك." وبحر وهو يضغط على يد عطر:

"مرسي، ما تاخديه بالحضن أحسن. وبعدين إيه اللي انتي لابساه ده؟ نظرت عطر لنفسها. كانت ترتدي فستان ضيق قليلا طويل الأكمام لونه أسود مع لؤلؤ عند الأكمام والصدر مع حجاب من اللون الأسود. عطر: "إيه حلو؟ بحر: "جدا." عطر: "إيه؟ بحر: "إيه؟ عطر: "إيه أنت؟ بحر: "أقصد وحش جدا. واحدة محجبة تلبس كده؟ عطر: "مالي كده، فستاني واسع وحجابي طويل. وبعدين حضرتك ملكش دخل باللبس." بحر: "إيه؟ إزاي يعني؟ عطر:

"أيوه حضرتك هتدخل ليه في حياتي ولبسي بصفتك إيه؟ بحر: "نعم يا روح أمك. أما عايشة معايا في بيت واحد ليه؟ بنلعب استغماية؟ عطر: "وطي صوتك يا أستاذ بحر. هنا أنا مجرد سكرتيرة." نظرت لميرنا: "كلمي مراتك، وأنا هروح أقف مع زميلي. سلااام." بحر: "خدي هنا يااا." ميرنا: "بحر." التفت بحر لميرنا. ميرنا: "بطل تجري وراها، أنت ناسي الصحافة." بحر: "فيها إيه يعني دي السكرتيرة ووـ" ميرنا بعيد:

"وهو طبيعي إنك تغير على السكرتيرة وتجري وراها؟ راعي منظري قدام الناس حتى." لمار: "اجمدي يا عطر." عطر: "منك لله يا خرابة. ياريتني ما سمعت كلامك. هينفخني أنا عارفة." لمار: "بقولك إيه لو قالك أي حاجة قوليله أشمعنا ميرنا، إنتي مش شايفة لابسة إيه." عطر: "تقصدي مش لابسة إيه؟ هو ده فستان؟ ماله مقطع كده؟ لمار: "هي الموضة كده." عطر: "طب خليكي جنبي عشان أنااااـ" بحر: "عطـــــــــرررررر." التفتت عطر لبحر:

"أهو جه. يلا بقي خليكي جنبي." والتفتت لتري طيف لمار وهي تغادر سريعا. عطر: "أصيلة يا أم رحاب." نظرت لبحر وأسرعت مبتعدة. نظرت خلفها لتصطدم بشخص. كريم: "عطر." عطر: "كريم إزيك؟ كريم: "زي ما انتي شايفة، أحسن كتير من غيرك. إنتي بقي وصلتي لفين؟ عطر: "أنااا." كريم: "أيوه صح، أيمن قالي شغالة سكرتيرة. يعني زي ما انتي، مفيش خطوة قدام. اقترب منها. بس شكلك بتكسفي الجهود عشان توقعي صاحب الشركة المرادي؟

ولا اتعقدتي وبطلتي بعد الدرس بتاعي؟ نظر لها نظرة شاملة وهو يبتسم بخبث. كريم: "بص أنا ممكن أنقذك من العنوسة، بس مضمنش هزهق منك امتى." كان بحر يراقب المحادثة من بعيد، ولكنه اقترب عندما سمع تلك الجملة. عطر: "ليه يعني؟ هو عشان أنت مش راجل يبقى كله زيك؟ وبعدين تتجوزني إزاي يا كريم؟ هو في ست بتتجوز ست؟ قبض كريم على يدها وجذبها له. بحر وهو يفصل بينهم: "إيه اللي بيحصل هنا؟! نظر كريم لأعلى بسبب فرق الطول. كريم:

"لا أبداً، أنا كنت بكلم الآنسة عطر." بحر: "مدام." كريم بعدم فهم: "نعم؟ بحر وهو يحاوط عطر بيده: "مدام عطر. مراتي." نظرت له بفم فارغ كالبلهاء. كريم: "إزاي؟ بحر: "إيه اللي إزاي يا كيمو؟ مش كل الناس زيك. إحنا ناس طبيعية وبنتجوز اللي بنحبه." كريم: "يعني جواز في السر؟ بحر: "لا، جواز بخصوصية. مش عايزين ناس ملهاش لازمة زيك تعرف." كريم: "بس محدش قال واااـ" بحر:

"ولا حد هيقول يا كيمو. عشان اللي هيقول هيتعاقب وهو في غنى عن العقاب. يعني مثلاً واحد لسه واخد شحنة من عندي وعليه شيكات بمبلغ وقدره. ها؟ ربنا يرحمه بقي مات في السجن." نظر له بخوف ثم حرك رأسه بنعم وهو يهتف: "ألف مبروك يا بحر باشا ويا عطر." بحر: "هااا؟ كريم: "ويا مدام عطر. ومتقلقش أنا مسمعتش حاجة." بحر وهو يقرص وجهه: "برافو عليك يا كيمو." شبك يده في يد عطر وابتعد عنهم. بحر: "اقفلي بوقك، شكلك زي الهبل."

عطر وهي تنظر ليدهم: "هااا." ابتسم بحر. عطر: "يلهوز يلهوز." بحر: "عطر." عطر: "أنا مركزة." بحر: "آه ما أنا واخد بالي." بحر وهو يترك يدها ويقف أمامها: "احكي يا عطر." عطر: "أحكي إيه؟ بحر: "كل حاجة. مين العيل ده وإيه علاقتك بيه؟ عطر: "مفيش حاجة والله ااـ" بحر: "عطـــــــــرررررر." "هتحكي ولا أتصرف بطريقتي؟ عطر: "مش من حقك تعرف عني حاجة." بحر وهو يقترب منها ويهمس من بين أسنانه:

"قدامك عشر دقايق يا تحكي لوحدك، يا هروح أتصرف مع كيمو وهعرف وساعتها حسابك هيزيد." عطر: "ولا حاجة. أنا كنت شغالة عنده سكرتيرة. وبعدين حبينا بعض، وهو كله مش كويس فسبته. وهو طبعاً سوء سمعتي قبل ما يكرشني من الشركة. وكان عاوز يلبسني تهمة سرقة. جه البيت عشان يعرض عليا جواز في السر بعد ما طردني عشان مكنتش لاقية شغل. بس اشتغلت في محل. وبعديها بشوية قابلتك." بحر: "حبيتوا بعض؟ عطر بسخرية: "هو ده اللي لفت نظرك من كل اللي فوق؟

طب وسائل التعذيب اللي عملها عادي؟ بحر: "يعني كنتوا بتحبوا بعض؟ عطر: "لا، مهو طلع كذاب أهو." بحر: "طب وإنتي؟ عطر: "آه." بحر: "نعمممـ؟ عطر: "كان إعجاب يعني، بيهتم وبيتعامل بحنية." بحر: "وإيه كمان؟ عطر: "ومتفهم وـ" بحر: "بسسس؟ طب وبعد عنك." عطر: "ما هو فضل ورايا حتى في المحل، بس خلصت منه." بحر: "إزاي؟ عطر: "صوت. وقولت متحرررررش! نظر بعض الحضور نحوهم. بحر وهو يبتسم باحراج لهم: "بتهزر." عطر: "وربنا أبداً. متحرش." بحر:

"بس يخربيتك! اكتمي! ابتسم وحرك رأسه وهو يحبها بعيداً. بحر: "إنتي عبيطة يا بت انتي؟ اتكلمي بصوت واطي." عطر: "ما خلاص كده، قولت متحرش." وضع بحر يده على فمها. بصوت واااطي: "عطر: متحـرش. مسكوه وخد علقة سخنة، بس كده." بحر: "وليه محكتيش المرة اللي فاتت؟ عطر: "عادي. ما أنا مكنتش عاوزة آجي أصلاً. وشكراً." بحر: "إيه؟ عطر: "شكراً ليك." بحر: "على إيه؟

إنتي مراتي فعلاً، أنا مكذبتش. بس خدي بالك مش معني اللي عملته إنك هتفلتى من حسابك بالفستان ده." عطر وهي تتخطاه: "يا لمار... ورد: "بسـ" نظرت عطر حولها. ورد: "بس بس." عطر: "مين؟ ورد من ورا شجرة: "أنا هنا يا عطر." عطر: "بسم الله. عفريت ده ولا إيه؟ ورد: "عفريت لما ينططك. تعالي ورا الشجرة." عطر: "لااااا." ورد: "أنا ورد يا داهية." عطر: "ورد مالك واقفة كده؟ وإيه اللي جابك؟ ورد: "فضل الزفت جابني. وأنا مستخبية من البومة دي."

عطر وهي تنظر لتلك السيدة التي تسير بغضب وعينها تبحث عن شيء: "ليه يعني؟ ورد: "كبيت عليها كوبايتين عصير." عطر: "كوبايتين؟ ده انتي قاصدة بقي." ورد: "لا والله. كله من فضل الزفت." فضل: "سمعتك." ورد: "اعااا." لمار: "في إيه يا جماعة؟ عطر: "أهلاً بالواطية." لمار: "معلش يا عطر، العمر غالي." ورد: "الحقوااا شااااافتني. شافتني والله." فضل: "اهدي بس. قولي آسفة وخلاص." ورد: "عشان حضرتك تستريح." فضل: "وأنا مالي." نظرت له ورد بغضب.

عطر: "هو عمل إيه؟ ورد بهمس: "ياستي كنت واقفة في أمان الله. وجه واحد اداني كوباية عصير ووقف. أنا قولت ممكن الجرسون، بس هو طول. وبعد كده في حاجة كانت على خماري باين. فاداني كوبيته. وجه يعدلها. أستاذ فضل مسك إيده وزقني بعيد عنه ووقعوا عليها." فضل: "يبقى مين الغلطان يا عطر؟ ينفع يعدلها خمارها وهو غريب عنها؟ ورد: "ما تسيبه يعدلها بدل ما هتعدلني أهي." فضل بغضب: "نعمممـ؟ ...

"اتفضل بقي يا أستاذ كريم، شوف الناس اللي عزمهم أنا يحصل فيا كده." ورد: "احم. والله أنا آسفة جداً، بس ااـ" ... "ولا آسفة ولا زفت. إنتي مهملة وأسفك مش كفاية." عطر: "ما خلاص قالت آسفة، هتعمل إيه أكتر من كده؟ حادثة غير مقصودة." ... "ولو لو مش بتعرف تتصرف تقعد في بيتها." لمار: "وإنتي لو مش عارفة تتعاملي مع الناس باحترام، اقعدي في بيتكم." ... "إنتي مالك إنتي كمان؟ إيه العصابة دي؟ كريم:

"خلاص بقي يا مدام. أنا آسفة بالنيابة عنه. الآنسة اااـ" ورد بابتسامة: "ورد." فضل بهمس: "ما تقوليله سنك بالمرة." نظرت له ورد بغضب. ... "ماشي عشان خاطرك إنت بس، وإلا كنت اتصرفت مع الأشكال دي." عطر: "أشكال إيه يا طنط؟ مالك في إيه؟ لمار بهمس: "تيتا." ... "لاااا، إنتوا زودتوها أوي." كريم وهو يقترب من عطر: "خلاص يا عطر عشانـ" بحر: "وإنت مين يعني؟ مش فاهم." ... "بحر بيه ااـ" بحر مقاطعاً:

"يلا كلكوا قدامي. مش عايزين نقعد عند الأشكال دي." عطر: "سيبني بس اااـ" بحر: "بقول يلااااا يا عطر." فضل: "يلا يا أساس المصايب." ورد: "كله منك. حسبي الله." كريم: "عطر. أنا آسف جداً. أتمنى تسامحيني." ابتسمت عطر وحركت رأسها ليبادله كريم الابتسامة. بحر وهو يجذب ميرنا خلفه: "يلااااا يا عطررررر." عطر: "أعااا. يلا، أهو." ورد: "شنطتي فين؟ شنطتي." فضل: "الصبر." ... "يا آنسة."

نظرت ورد له، هو نفس ذلك الشاب الذي حدث كل شيء بسببه. ... "الشنطة بتاعتك." ورد: "شنطتي! ربنا يخليك ليا يا رب." ابتسم الشاب وصدمت ورد من ردها، ولكنها ابتسمت باحراج. فضل وهو يجذب الحقيبة من يده: "شكراً. اتفضل." نظر له الشاب بغيظ وغادر. ورد بهمس: "عديم الذوق." فضل: "سمعتك يا مرهفة المشاعر." ... لمار: "أيوة يا محمد." محمد: "إنتوا فين؟ لمار: "خلاص جايه أهو." محمد: "جايه لوحدك؟ لمار: "لا، فضل بيوصلني أنا وـ" محمد بغضب:

"مييين؟ ليه فين بحر؟ إزاي يا هانم تركبي مع واحد غريب في الوقت ده؟ إنتي فاكرة الدنيا سايبة زي عندك ولا إيه؟ لاااا، أنا لا يمكن أقبل إني أبـان مش راجل بسببك. واعملي حسابك مفيش نزول تاني." لمار: "ماشي. سلام." أغلقت الخط قبل سماع رده ونظرت من النافذة بشرود. ورد: "لمار في حاجة؟ لمار: "هااا؟ لا أبداً. بس محمد كان قلقان. وأنا تعبانة هنام لحد ما نوصل." ورد: "تمام يا قلبي." فضل: "يا بختها." ورد: "مين؟ فضل: "لمار." ورد:

"ليه يعني؟ فضل: "ليه؟ إممم عشان هتنام. نامي إنتي كمان بقي." ورد وهي تعبث بحقيبتها: "لا، أنا هكلمك وعطر وـ" توقفت عندما التقطت يدها ورقة مطوية بعناية. رفعتها أمام عينها وفتحتها وما لبثت أن ابتسمت. فضل: "إيه ده يا ورد؟ ها؟ إيه ده؟ ورد: "ووررررد." فضل: "ورد؟ ورد: "آبي يقرأ لسه." أخذها فضل من يدها وقرأها. "عرفت اسمك من البطاقة. وإنتي أكتر حد اسمه لايق عليه بجد. ورد. وإنتي ورد فعلاً." نظر لها فضل بغضب:

"فرحانة بالخيابة دي؟ مزق الورقة وألقاها خارج السيارة. ورد: "إيه ده؟ فضل: "انزلي." ورد: "نعم؟ فضل: "شكل الأستاذة مبقتش مركزة من الفرحة. وصلتوا ولا عاوزة تكملي السكة معايا؟ ورد: "لا، أنا سهيت بس." فضل: "لااااااااه. قلبي الصغير لا يتحمل." ورد بابتسامة: "شكراً." فضل: "ياااا، أشرقت دنياي يا شمسي." ورد: "هاااايلا. يلا يا لمار، محمد بيرن." لمار: "يلا." لمار وهي تغلق باب السيارة: "باي يا فضل." فضل: "سلام." ... رامي:

"يلا أنا هنزل هنا أنا وعطر وهوصلها." بحر: "لااااا." رامي: "لا ليه؟ بحر: "أنا هوصلها. انزل إنت." رامي: "تمام. سلام يا عطر. وآه، الفستان ده خطيررر." عطر لنفسها: "يااااختي ياختي ياختي." فكرته ليه يلمفعصبحر وهو يضغط على أسنانه: "مش كده بردوا؟ نزل رامي وأكمل بحر طريقه. ميرنا: "بحر حبيبي اااـ" بحر: "اطلعي يا ميرنا. أنا هبات عند عطر." ميرنا: "بس." بحر: "ميرنااااا." صعدت ميرنا بغضب. صعدت عطر سريعا وخلفها بحر. عطر:

"والله حرام. شكلها زعلانة. بص روح، أنا مسامحة." بحر: "لا يا شيخة." عطر: "من قلبي وربي." بحر: "ولو ده حقك لازم تاخديه." عطر: "مصمم يعني؟ قال الولا عادل قوي." بحر: "اااااي." عطر: "بقول اللي تشوفه طبعاً." بحر وهو يقترب منها: "الفستان ده." عطر: "ماله؟ بحر: "مين اللي جابه؟ عطر: "أنا وولمار وورد." بحر: "يعني مطبخينها سوا؟ عطر: "مش انت اللي قولت؟ بحر: "وإنتي مطيعة أوي." عطر: "إنت لا عاجبك كده ولا كده." بحر:

"أنا قولتلك حطي ميكب." عطر: "ده روج خفيف." بحر: "ولو. دلوقتي بقي عقابك إيه؟ عطر: "مين أنا؟ بحر: "أيوه." عطر: "لاااا. أنا تعبانة وووـ" نظرت له وهو يقترب منها. عطر: "لا استني، أفهم بس." القي جاكت بدلته وهو يهمس: "وماله، فهميني." حل أزرار قميصه وأمسك الحزام بيده. عطر: "إيه ده؟ "اااه ااااه بطني." نظرت له بطرف عينها. لم يتحرك قيد أنملة. عطر: "اااه تعبانة. مفيش شهامة؟ مفيش رجولة؟ بحر: "مفيش فايدة." اقترب منها أكثر. عطر:

"بحر إنت هتعمل إيه؟ ااااـ" "اااه وقعت على الأرض مغشي عليها." نظر لها بحر بشك. بحر: "عطر." لم ترد، ولكنها نظرت له بطرف عينها له. ابتسم عندما أغمضت عينيها سريعا. تخطاها وهو يذهب الخزانة: "هي أغمي عليها ليه؟ أنا كنت هغير بس." عطر بسرعة: "يعني مش هتضربني؟ بحر وهو يلتفت لها: "دلوقتي هضربك." عطر وهي تركض: "اعاااااا. ياااانااااس." أمسك بها بحر. بحر: "مسكتك. دلوقتي هحاسبك على الكذب، وعلى الفستان، وعلى كريم." عطر:

"الحقيني يا ميررررنا." ضحك بحر ضحكته الرجولية الجذابة. عطر: "هو فيه كده؟ نظر لها بحر وهو ما زال مبتسم. "أيوة فيه. أنا." عطر: "عاوزة أدخل الحمام." بحر: "لاعـ" عطر: "بالله." بحر: "طيب. أنا هدخل آخد شور، وإنتي غيري." عطر: "يا ريت." بعد فترة خرج بحر ومرت من جانبه عطر التي بدلت ملابسها لمنامة أطفاليه. بحر: "إيه ده؟ عطر: "إيه دي؟ كوكي." بحر: "كوكـي؟ عطر: "آه. دي بتاعتي من ثانوي." بحر: "وإنتي نموك واقف من ثانوي؟ يلا ادخلي."

عطر: "رزل." بحر: "كده الحساب زاد." دخلت عطر بسرعة وأغلقت الباب. وبعد فترة خرجت لتجد قطع سوداء في كل الغرفة. أمسكت أكمام الفستان. عطر بصدمة: "إيه ده؟ بحر: "هو ده اللي مفروض يحصل من زمان. بس صبرت لحد ما نروح." عطر: "حرام عليك. ده مرتب شهر." بحر: "تستاهلي." عطر: "يا بارد يا مفتري." اقترب منها بحر. عطر: "إيه؟ عاوز إيه؟ بحر وهو يبتسم بشر: "هنتحاسب بقي." عطر: "إيه ده؟ إنت بتعمل كده؟ ياما." ضحك بحر على هيئتها ليضمها له.

تصنمت عطر من الصدمة. بحر: "تصدقي كوكي حلوة فعلاً، مريحة." عطر: "هااا." بحر: "ادهالي لفة." عطر: "هااا." بحر: "تعالي بس، أنا هشرحلك." .... لمار: "بطل هبل يا محمد." محمد: "هبل؟ والي إنتي بتعمليه ده إيه عقل؟ لمار: "محمد، أنا معرفش لحد دلوقتي إنت بتعمل كده ليه." محمد: "ده فستان يتلبس يا هانم." لمار: "ما إنت شوفتني وأنا نازلة." محمد: "كنت لسه صاحي من النوم. بعد كده مفيش نزول من غيري، فاهمة؟ لمار: "يوووه. أنا هنام." محمد:

"لمار أنا بكلمك." تجـهلتـه وتوجهت السرير ونامت. محمد: "ماشي يا لمار." ... في صباح اليوم التالي. بحر: "اصحي يا هانم." عطر: "في إيه؟ بحر: "تقدري تفهميني إيه ده؟ نظرت عطر لصورة محمد ولمار. عطر: "أنا كنت هقولك بس اااـ" بحر: "محمد تتخطى حدوده. أنا هوريه." قام من على السرير ليستعد للنزول. عطر وهي تقوم خلفه سريعا: "استني بس يا بحر. أنا كنت هناك." نظر لها بحر بغضب غائم العينين، ثم تحولت عينه للصفاء مجددا. بحر:

"قميصي أحلى من كوكي." نظرت عطر لنفسها، ثم له، ثم ركضت للحمام. عطر وهي ترتدي حجابها: "إنسان متخلف. عنده انفصام شخصية." بحر: "هتفضلي تكلمي نفسك كتير؟ يلا عشان نشوف أخوكي." عطر: "زمانه في الشغل. الساعة 2." بحر: "لا، أنا كلمته. إجازة عشان جيلهم ضيوف وعايزينك." عطر: "طب يلا." ..... وصلوا إلى بيت محمد. محمد: "تعالي يا بحر." بحر وهو يقبض على ياقته: "إنت إزاي تعمل كده؟ إنت فاكر إنها ملهاش حد؟ محمد:

"والله مظنش إني عملت حاجة غلط. الغلط إن إني أسيب الناس تقول عليا بعيش على قفا ست." بحر: "ولما تجبرها تعيش عندك يبقي ده إيه؟ محمد: "لا، أنا مأجبرتهاش. بس ده الصح. ما أنا مش أريل عشان أقبل إن مراتي تعيش لوحدها والصحافة كل يوم تقول إنها على علاقة بواحد شكل." بحر بصوت مرتفع: "إنت اتجننت؟ إزاي تقول عليها كده؟ وبعدين جوازكوا على الورق وبس، فاااهم؟ يعني أوعى تنسى نفسك." محمد: "طب ما أنا عارف. وأنا ملمستهاش. تقدر تسألها."

نظرت له لمار بإحراج. محمد: "أنا أجبرتك على حاجة يا بنتي؟ لمار: "لا." محمد: "أهو. بس فيه فرق بين الرجولة وبين ال****. أظن تعرفها، ولا إيه؟ لكمة بحر في وجهه. بحر: "إنت شكلك عاوز تتأدب." محمد: "وهو يرد له اللكمة." "لا والله. وانت بقي اللي هتعلمني الأدب." عطر: "بس يا محمد. سيبه." بحر: "ملكيش فيه. إنتي ارجعي." لمار: "كفايا بقي. حرام عليكوا. أنا هروح أعيش عند ماما." بحر:

"لا يمكن أسيبك تروحي هناك تاني بعد اللي حصل. إنتي هتفضلي هنا. والحيوان ده هيطلقك." محمد: "تصدق بقي بالعند فيك مش هطلق." عطر وهي تحشر نفسها بينهم: "كفايا بقي." نظر بحر له بغضب في ملتصقـه بمحمد. جذبها وابتعد عنه. نظر له محمد يغيظ. لمار: "بطلوا هبل بقي. ده كان لازم يحصل يا بحر عشان الصحافة اااـ" عطر: "أيوه يا فاطمة. إيه؟ خلاص إحنا جايين أهو." عطر: "يلا لازم نروح القسم." لمار وهي تنظر لمحمد: "بس إحنا جاييلنا ضيوف."

ابتسم محمد لا إراديا من اهتمامها. محمد: "تعالي نروح وهنرجع قبله. متقلقيش. يلا تعالي اجهزي." بحر: "الي الي بيحصل هنا." عطر: "شكلهم قمر." بحر وهو يضغط على يدها: "في حد يتحشر كده بين اتنين رجالة؟ عطر: "إيه الهبل ده؟ هو أخويا وانت اـ" بحر: "أنا إيه؟ عطر: "جوزي." بحر: "وإيه تاني؟ عطر: "بس." "هروح أشرب." نظر بحر لأثرها بابتسامة وقال لنفسه: "إيه ده يا بحر؟ إيه اللي بيحصل ده؟ فوووق. دي جوازة لفترة. إنت مراتك ميرنا." ....

كامل: "بس يا ستي، وهي دي قصة حياتي." فاطمة: "ياااه. ربنا يعينك." كامل: "على إيه؟ فاطمة: "على المهلبية اللي في دماغك." كامل: "نعمممـ؟ فاطمة: "مش قصدي يا باشا، بس الصراحة انت بتحط نفسك في مواقف باااايخة." كامل: "آه ما أنا باخد بالي. بس جدع وصاحب صاحبي وطيب." فاطمة: "مين يشهد للعروسة." كامل: "بتقولي إيه؟ فاطمة: "بقول فاضلك عروسة." كامل: "لاااا. ما أنا لقيتها. إلا إنتي لسه متجوزتيش ليه يا فاطمة؟ فاطمة:

"عشان لسه صغيرة. وإنت." كامل: "عشان إنتي لسه صغيرة." فاطمة: "إيه؟ كامل: "إيه؟ فاطمة: "مش فاهمة." كامل: "إزاي؟ مفروض التلاعب بالكلام ده حتتك." فاطمة: "لا، أنا مش بحب التلاعب. أنا بحب الوضوح." كامل: "يا بخته." فاطمة: "هو مين؟ كامل: "لااااا. كده كتير. ااااادخل." بحر: "إزيك يا كامل." كامل: "الحمد لله. اتفضلوا." فاطمة: "بصوا الحكاية باختصار."

"إن في حد مكلف جريدة **** بحالها إنها تراقب لمار ومحمد وكل تحركاتهم وحياتهم عاملة إزاي. غير جريدة *""" اللي بتنشر الشائعات عشان هي جريدة مش معروفة بس منتشرة." محمد: "يعني إيه؟ فاطمة: "يعني الحكاية اللي حصلت دي مش بالصدفة. دي مترتبة." لمار: "مين هيعمل كده؟ كامل: "أكيد حد عاوز يأذي محمد أو لمار." فاطمة: "أو بحر." نظر لها الجميع بصدمة. لمار: "وبحر ماله ومال الحكاية دي؟ فاطمة:

"كل الوسط عارف إن بحر متعلق بيكي كأنك أخته. وأظن أكتر من حد حاول يستغل ده." بحر: "طب والعمل؟ كامل: "إنتوا أكيد مراقبين. خدوا بالكوا. ومش هنتقابل هنا تاني. وإنتي يا فاطمة خدي رقمي عشان لو في أي جديد تكلميني والعكس." فاطمة: "هاا. ما أنا بكلم عطر وبآجي هنا." كامل: "لا عشان أطمن عليكي. أقصد على الأخبار." فاطمة: "تمام." محمد: "يلا يا لمار. وإنتي يا عطر تعالي عشان في موضوع عاوزك فيه." بحر: "أنا هاجي معاكوا." محمد:

"لا اااـ" نظر لعطر التي وكزته: "تعال اتفضل." ....... "أنا جاي أطلب إيد الآنسة ورد." محمد: "طيب. مش كان أولى حد من أهلك يجي معاك؟ ... "المرة دي تعارف بس. المرة الجاية بإذن الله." بحر: "اتكلم عن نفسك." ... "أنا شغال في شركة **** في منصب إداري. بيتي جاهز من كله. لو حصل نصيب، فترة الخطوبة تكون سنة." بعد فترة: محمد: "تمام. ادينا فرصة وهنرد عليك بإذن الله." ... "تمام. عن إذنكوا." نظر محمد لورد: "إيه رأيك يا ورد؟ ورد:

"اللي تشوفه يا محمد." محمد بابتسامة: "يبقى على بركة الله." عطر: "صلي استخارة يا ورد." ورد: "حاضر." لمار: "ربنا يسعدك يا قلبي." بحر بغضب: "يلا بينا يا عطر." عطر: "طب ااـ" بحر: "يلا قولت." نزلوا وصعدت بجواره في السيارة. عطر: "يعني مش عارف تستنى لحد ما أتكلم مع ورد شوية؟ لاحظت تجهم وجهه. "مالك يا بحر؟ بحر: "ربنا يستر عليك يا صاحبي." ... فضل: "مفيش إجازات." ورد: "مش هينفع. لازم آخد إجازة." فضل: "ليه يعني؟ ورد: "خطوبتي."

فضل: ".... "المرة الجاية بجي :)"