رواية بحر العطر الفصل الثالث عشر 13 - بقلم فاطمة خميس هارون

محمد: مفيش مرة تيجي غير بمصيبة. نظر للمار التي بدأت تعي ما حولها. لمار: أي ده أنا فين؟ نظرت للعسكري أمامها: أنت مين؟ محمد: لا أبداً، ده عمو الضابط هيوديكي لماما. حسبي الله فيكي يا بعيدة. لمار: في إيه يا محمد أنا مش فاهمة حاجة. محمد: في إن جنابك لبستيني تهمة خطف، ولسه ما خفي كان أعظم. لمار: أنا؟ محمد: لا أمي. لمار: خطفتي أمك؟ محمد: بتـ... اقعدي ساكتة بدل وربّي اقتلك وأخلص. ما تقول حاجة يا عم انت.

العسكري: العبوا مع بعض بجي. ههه. محمد بسخرية: ههه. لمار بهمس: محمد هو سنانه عاملة كده ليه؟ محمد: يااااارب عدي اليوم اللي مش فايت ده. بحر: ابن ال***** إزاي يعمل كده؟ عطر بحده: احترم نفسك، إزاي تقول كده؟ محمد: أكيد اتقدم منها. وفي ثانية كان يقبض على شعرها. بحر بحده: انتي اخرسي خالص، ما كله من وراكي. انتي فاكراها ملهاش أهل زيك؟ ده أنا هخليه يتعفن في السجن، مش هيشوف النور تاني. دفعته عطر عنها بكل قوتها.

عطر: محمد أحسن منك وأنضف مليون مرة. على الأقل مش بيستقوي على واحدة ملهاش أهل زيي. جهزت سريعا وحملت حقيبتها وهي تهرول للخارج. بحر وهو يلحق بها: استني عندك. لم تجب عليه وخرجت مسرعة. مرفت: في إيه يا ولاد؟ بحر: لما أرجع هفهمك يا أمي. أوقفت سيارة الأجرة وكادت أن تصعد، لولا صوت بحر. بحر: استني عندك، انتي رايحة فين؟ عطر: رايحة أشوف محمد. بحر: هو انتي فاكرة إنك رايحة الملاهي؟ ده قسم يا ماما.

عطر: بقولك إيه، أنا مش فاضيلك، ابعد كده. بحر: طب تعالي هوصلك. عطر: وتركب مع واحدة ملهاش أهل؟ ميصحش. بحر: لا أنا أقبل عادي، يلا اركبي. عطر: حيث كده أنا مقبلش أركب مع واحد استغلالي وواطي زيك. هااا. أغلق بحر باب السيارة بعنف وأشار للسائق ليذهب. بحر وهو يقترب من عطر: قولتيلي أنا إيه بقي؟ عطر: اااا... إيه ده لو سمحت ملكش دعوة بيا. أنا هركب لوحدي وانت لوحدك. وبحر: قسمًا بالله يا عطر لو مركبتيش من سكات لهركبك بالعافية.

عطر: بس مترجعش تقول نينيتيني، انت اللي بتلزق اهو. بحر: عطررررر. في أقل من ثانية كانت تصعد للسيارة، تنظر للخارج وتتجنب أي مشاحنة معه، فمن الظاهر أنه اكتفى وهي لا تود المخاطرة. بحر: مين بلغك؟ عطر: الجيران قالوا إن البوليس جه واخدوهم. مش عارفة ليه. بحر: أنا بقى عرفت أخوكي المصون كان خاطف لمار. عطر: ومحمد هيخطفها ليه؟ بحر: وإني أعرف منين بس؟ أنا مكنتش مستريحله من الأول ال***** عطر: بحر لو سمحت احترم نفسك.

بحر: وحياة أمي لو طلع اللي سمعته صح، لاخليكي تلبسي أسود عليه عشان يتجرأ ويبص ليها حتى. عطر: ده من ربنا عشان كما تدين تدان. أوقف بحر السيارة أمام مركز الشرطة. بحر: اتكلمي براحتك والحساب في الآخر. عشان تجيبي آخرك. بحر وهو يحمل هاتفه: خليكي هنا بقى عشان ااا... نظر لمكان عطر الخالي، ثم وزع نظره للخارج ليجدها تتوجه لداخل القسم. بحر: عطرررر. انتي فاكرة نفسك رايحة فين؟ عطر: داخلة. بحر: لا والله، داخلة مسجد حضرتك؟

ده قسم يعني فيه متهمين ومسجلين خطر. عطر: يعني هيكون أنيل منك. بحر: بتقولي إيه؟ عطر: متقلقش عليا، اتفضل بقى. بحر: ادخلي. يا رب يقبضوا عليكي انتي كمان وأخلص. نظرت حولها بتعجب وخوف. أشكال مريبة تبث الرعب في قلبها دون أدنى مجهود. وبلا وعي منها تشبثت بيد بحر عندما اقترب منهم بعض المجرمين برفقة العسكري. ابتسم بحر: إيه يا أم قلب حديد، فين الشجاعة؟ عطر: هااا... لا ما أنا ااا... انت... يعني... أمحمد فين؟

بحر: بلاش بقى تكذبي تاني يا جبانة. عطر: أنا مش كذابة، بس أول مرة أشوف المناظر دي. هما اتعوروا كده إمتى؟ ده إحنا لسه الصبح. .... : لا يا عسل، ما إحنا هنا من امبارح. عطر: اعاااا... .... : اسم الله عليكي يا سكرة. بحر: ااااي يا عم الحلويات دي كلها. اهدي شوية كده هااا، اهدي. .... : الصراحة... نظر لعطر ثم غمز لبحر: هي الحلويات كلها. جذب بحر عطر للخلف ثم اقترب منه. لااااا ده انت دماغك سايحة صحيح. ....

: اهه، هي كده سايحة ورايحة. بحر وهو يلكمه: ده أنا هريحك خالص. كامل: في إيه هنا؟ بس منك ليه. التفت له بحر. .... : بااااشا الحقني يا باشا، ضربني وكان هيموتني. كامل: بحر. بحر: كموله. كامل بهمس: لااا... كموله منتفعش هنا خالص. تعالي نقعد في المكتب ده، انت وحشني يا راجل. جذب بحر عطر من يدها وسار بها خلف صديقه. .... : طب وعيني يا باشا. باشا: طب أنا بقبل العوض عادي. ..... ورد: اتفضل الحسابات اللي حضرتك طلبتها. فضل: فين وائل؟

ورد: هو تعبان فإحنا بنعمل الشغل بداله. فضل: وهو طلب منك انتي تعملي الشغل بداله ليه؟ ورد: مطلبش، إحنا اللي عملنا كده لأنه تعبان. فضل: وانتي عرفتي منين إنه تعبان، وليه تعرضي عليه ده؟ ورد: إيه انتي انتي، ما قولتللك إحناااا... جمع كل المحاسبين. للاسف محدش كان فاضي غيري، عشان كده أنا اللي جبت الورق ده. فضل: وللأسف، كنتي عاوزة تقعدي هناك يعني. امممم، طب الورق ده مش متراجع كويس. راجعيه.

ورد: بس أنا لسه مراجعة الورق كله ومفيش غلطة، وحضرتك مش بصيت حتى. فضل: وأنا بقولك مش متراجع، اتفضلي راجعي من غير كلام. ورد وهي تحمل الورق: حاضر. فضل: على فين؟ ورد: هروح أراجعه تاني. فضل: لا مفيش نزول. ورد: افندم؟؟ فضل: اقعدي هنا وراجعيه براحتك. وعلى مهلك. ورد: إزاي يعني؟ فضل: زي الناس. يلا اتفضلي.

قال جملته الأخيرة بحده، لتمتثل لطلبه بغضب. وظل يتابعها وهي تقلب الورق بغضب وتتمتم بكلام مؤكد أنه سباب له. ابتسم وانغمس هو الآخر بعمله. محمد: يا باشا وربي كل ده ما حصل، مش عارف انت مصمم تلبسني تهمة ليه. ... : وأنا هلبسك ليه يا **** كنت أمك؟ يلاااا. محمد: انت بتتكلم كده ليه؟ أنا مش متهم، وحتى لو ملكش إنك تكلمني كده. ... : انت هتعلمني أتكلم إزاي كمان؟ محمد: المفروض إنك متعلم، بس الظاهر عكس كده. ...

: أنا هوريك دلوقتي الكلام ااا... كامل: إيه الدوشة دي يابني؟ ... : باشا، قضية خطف ومحاولة اغتصاب. بحر وهو ينقض على محمد: يا*****، عملت فيها إيه؟ عطر: استني بس يا بحر نفهم. بحر: هو ده اللي بتدافعي عنه؟ نفهم إيه؟ انتي مسمعتيش قال إيه؟ محمد: اسمع بس يا بحر، انت فاهم غلط. كامل: اهدي يا بحر. عطر وهي تتعلق بذراعه: سيبه بقى يا أخي وافهم. دفعها بحر ليمسك بها كامل قبل أن تقع. نظر لها بحر بغضب وأفلت محمد، وتوجه لكامل.

(بلاها سوسو خد نادية😂) جذب عطر من يده. بحر وهو يدفع كامل: اقعد يا عم انت كمان. وانت يا سيدي اتفضل اتنيل فهمنا. وانتي اتنيلي اقعدي هناك. وانت روح هات لمار. الكل نفذ ما قال، حتى العسكري. ... شارداً هو كعادته المكتسبة منذ أن رآها، فهي لم تكن من شيمه أن يطيل النظر للصنف الآخر، ولكن هي تصنف وحدها، يراها منفردة عن العالم. لا يمل من مراقبة تعابير وجهها المنزعج. أمسكت قلمها لتعدل بالملف الذي بيدها. فضل بصوت هامس:

ياليتني قلمك وأكون بين يديك ما أقساه قلبك لا يحنو علي عيني تطيل النظر إليك فيشتكي قلبي ويقول لعيني هيلا اكتفيت فهي ملكي ولكن عندما يأذن رب البيت. ورد: بتقول حاجة حضرتك؟ فضل: احم، لا كملي كملي. حركت رأسها ورجعت لعملها، ولكن قاطعها صوت هاتفها. ورد: بتقولي إيه يا لمار؟ وأمته ده حصل؟ وازاي؟ لمار: مش وقته، أنا بتصل على عطر بس مش بترد. تعالي بسرعة. ورد: حاضر حاضر. سلام. فضل: في إيه؟

ورد: محمد ولمار في قسم ****. لازم أروح لهم. فضل: استني هاجي معاكي. خرجت ورد مسرعة يتبعها فضل. ... : هو في إيه؟ كانت كل ده جوه ودلوقتي طالعة بتحري، وهو وراها. لازم أعرف إيه الحكاية. بحر: الكلام ده حصل يا لمار؟ لمار: أيوة يا بحر، أنا فعلاً اللي روحتله لما جاتلي مسج منه. بحر: طب إيه العمل يا كامل؟ كامل: هشوف القضية ينفع تتقفل ولا لا، وبعد كده نشوف موضوع التليفون والبلاغ الكاذب ده. ...

: مينفعش يا باشا لأن القضية اتسجلت، وفي شهود. كامل: مين الشهود؟ ... : الولا صابر يا باشا. محمد: يا ابن ال****، صبرك عليا لما أطلعلك. لمار: لا ده صابر هو اللي ااا... محمد: استني بس يا لمار دلوقتي. نظر بحر له بشك. أكمل محمد: يا باشا أنا وصابر متعاركين، أكيد ده بلاغ كيدي. كامل: هجيبه وأحقق معاه، بس القضية مش هينفع تتقفل. بحر: طب ينفع يروحوا معانا؟

كامل: لو نفذت لمار الاتهام، الاتنين هيباتوا في الحجز. بس لو القضية ماشية زي ما هي، تمام. بحر: يعني لمار هتبات في ااا... محمد: خلاص يا باشا خلي القضية زي ما هي. لمار: بس أنا... محمد: خلاص يا لمار اسمعي الكلام وروحي. كامل: خده يا عسكري. عطر وهي تحتضن محمد: متخافش يا محمد. أنا مش هسيبك يا حبيبي. قبض بحر يده بغضب. رحل محمد ولكنه قابل ورد وفضل في طريقه. ورد: محممممد انت كويس؟

محمد: اه يا ورد، متخافيش. باتي مع عطر ها، متروحيش لوحدك. ورد: حاضر يا حبيبي. دخل فضل وورد للداخل. ورد: عطر. ركضت عطر لها تضمها وتهون عليها. ووقف فضل بجانب بحر. كامل: بحر، هي دي أختك صح؟ بحر: زي أختي. كامل: بسم الله ما شاء الله، باين عليها ملتزمة من لبسها. نظر بحر لفضل بصدمة، ثم أعادوا النظر ل لمار. بحر: هي مين دي؟ مؤاخذة؟ ضيق عينه وهمس من بين أسنانه بضيق: تقصد عطر. كامل: الله، اسمها حلو كمان. عطر. حاجة عظمة كده.

بحر: وربّي أنا اللي هكسرلك عظمك عظمية عظمايه. كامل: ليه بس يا بحر؟ أنا ناوي خير والله. هدخل البيت من بابه، ده انت صاحبي يا جدع. بحر: ولاااا ركز كده معايا. البت اللي لابسة أسود دي اللي قاصدك عليها. كامل: لااا مش دي. التانية. هي حلوة ووو... بحر وهو يربت على كتفه بعنف: بسس يا بابا. فضل: احم، أستاذ كامل مين التانية اللي تقصدها حضرتك؟ كامل: اللي لابسة خمار. فضل: نععععم يا أخويا؟ يعني دون بنات الدنيا ملقتش غير دي. قرب

وجهه منه وهو يشير له بيده: انسسسسي ها، انسي دي. لا. بحر: تقصد ورد. كامل: الاه، هي إيه حكاية العطور دي النهاردة؟ ههه. فضل ببرود: هه. كامل: بس اسم جميل فعلاً وأحلى كمان. ورد وهي وردة فعلاً. فضل: عيب يا أخ، اتق الله. كامل: في إيه بس بقول هتجوزها. فضل: عييب بقولك اتتتتق الللله. كامل: سبحان الله، ورد ولابسة لون السما. نظر فضل لورد التي ترتدي كحلي. فضل: إيه ده؟ انتي عمياء ولا إيه؟ كامل وهو ينظر لها: أنا فتحت دلوقتي.

فضل بهمس: ده شكله عبيط. نظر بحر في اتجاه عين كامل. بحر: مين دي؟ فضل: انتي مين؟ كامل: إيه ده؟ هي مش معاكوا؟ فاطمة: السلام عليكم ورحمة الله وبركاته (بصوت عادل شكل 😂ملحوظة دي مش فاطمه أنا دي فاطمه صاحبتشي 😉😂منورة يا بطبط) بحر: انتي بتعملي إيه هنا؟ فاطمة: أنا لقيتكوا متلغبطين، قولت أدخل أساعد. بحر: نعممم؟ فاطمة: بلاش امشي. حاضر. سلام عليكوا بقى. بحر: خدي يا بت انتي هنا، انتي إيه اللي دخلك ولا تبع إيه؟

فاطمة: أنا الصحفية المشهورة قوي فاطمه. كامل لفضل: الحمد لله، خوفت تكون نحلة. ههه. فضل: بص متهزرش تاني. بحر: مشهورة؟ غريب، مسمعتش اسمك قبل كده. فاطمة: معلش، لما تتشهر أكتر هتسمع عني. بحر: إيه؟ فاطمة: المهم، هنعمل إيه دلوقتي؟ الولا هيروح منا والبت هتتسجن. كامل: صح، القضية كده هتاخد وضعها الطبيعي. بحر: أنا هتصرف، هكلم معارفي ونلم الدنيا. فاطمة: ده كان ممكن، بس قبل ده... بحر: إيه ده؟

فاطمة: كل الأخبار منزلة صورة لمار وهي احم، يعني ااا احم حاضنة محمد. كامل لفضل: خجولة كمان. فضل: بجد؟ ألف مبروك، استنى نشوف المصيبة. بحر: إيه؟ حضناه إزاي؟ وريني. ده يوم ااا... نظر لعطر بلوم. عطر: إيه؟ في إيه؟ بحر: تعالي بصي. نظرت عطر وفهمت أنه يوم زفافهم. عطر: مش عارفة حاجة، ولا مممكن نسأل اااا... بحر: اسكتي دلوقتي. فاطمة: أنا ممكن أتابع حكاية الصور دي. وانت اتصرف في القضية. كامل لفضل: أقولها بحبك ولا أتقل ساعة؟

فضل: أنا ماشي من جنبك خالص. كامل: الاه، هو أنا قولت إيه؟ بحر: طب إيه الحل؟ كامل: في حل. بحر: إي هو؟ كامل: كان فيه قضية زي دي مع فهد باشا وطلع منها بأنه غير تواريخ وكده. بحر: إزاي يعني يا كامل؟ انجز. كامل: يتجوزوا. بحر: .... المرة الجاية بقى 🙂