رواية بلوتي القمر الفصل الخامس 5 - بقلم لؤلؤة محمد

ياااااه ياض ياحُس الأجازه خلصت والواحد هيرجع للشغل والمرمطه من تاني. وأحمد ابن عمك اللي بيدي أوامر مبتنتهيش، روحي وتعالي واعملي وسوي، وفين ورق صفقة مش عارف مين؟ أنا أصلاً طالبه ومليش أشتغل دلوقتي، قعدوني في البيت تاني 🥺 عاوزه أصحى براحتي، مش اصحى من الساعة 6 الصبح واجي تعبانه مفرهده، أنام من الساعة 8 المغرب شبه الفراخ البيضه، مش الفراخ البلدي. ده الفراخ البلدي بتسهر عني والله ياجدع. يااااه قصه قصيره حزينه.

ماكلنا قعدنا نتحايل على سيادتك تقعدي في البيت، وانتي أبدا لازم أعمل لنفسي كرير. كرير 🙂 ده أنا بقى حلم حياتي أقعد على السرير تاني. لأ لأ مش قادره أنسى شكلك لما بتخلصي شغل وترجعي شبه رغيف العيش اللي مدغه كلب ورجعه 😂😂😂😂 اه والله برجع كتع كسح كسل، عاوزه حد يشيلني يحميني ويغيرلي ويأكلني وينيميني. منه لله ابن عمك اللي بيمرمطني في الشغل ويكأني دُرته والا مرات أبوه. صدق اللي قال كل أحمد توكسيك وليس كل توكسيك أحمد.

ياسلام بقى لو سمعك وانتي بتقولي كده عليه. هيعمل منك فراخ شاورما. أقسم بالله ياحُش اوي مابغلط في حاجه في الشغل، بتحسه بيتحول وفجأه بيبقى عامل زي مرات أبو سندريلا ويبدأ يزعق ويعمل كده. استنى والله لهقلدهولك. وقفت هناء ولبست بليزر حسام اللي زي بليزر أحمد، ورفعت حواجبها وبرقت ورفعت كتافها عشان تبان بطول وعرض أحمد، وحاولت تتخن صوتها وبان منظرها كوميدي جدا.

"يعني ايه ورق صفقة مهمه زي دي تزودي حرف في اسم العميل ده تسيب ده استهتار؟ هو انا مشغل معايا عيال والا ايه؟ أقوله حضرتك ده مجرد حرف بس وهصلحه يقولي وليه الغلط من الأول يا انسه هناء؟ التسيب ده مينفعش في شركه كبيره زي شركة الحناوي. قال شركة الحناوي قال كركر الحناوي سيادتك. يعني ده حتى كركر دمه خفيف وانت دمك سم يا توكسيك." يخرب عقلك قلدتيه بالظبط وربنا.

بس والله دمه خفيف برا الشغل، هو بس في الشغل بيحب الجد والعمليه مش بيحب الهزار. وانتي وقتك كله هزار يانؤه. على نفسه يا حبيبي. انا هدخل أنام بقى عشان أستعد للبهدله والمرمطه على ايد ابن عمك اللي يارب يجيله شفص في معاميعه معموع معموع. (بتبرطم هناء وهي ماشيه) قال جد قال ومش بيحب الهزار ده عند أمه يا اده. عند حسام بيفضل قاعد يفكر مع نفسه. طيب ازاي هتجوز واحده مبحبهاش…..؟