رواية بلوتي القمر الفصل السادس 6 - بقلم لؤلؤة محمد

به على هم ايه ده بس ياربي والا هو كده القلب يسيب خلق الله ويروح يحب اللي بيهزأه القلب ده تحسه عدو الكرامه اه وربنا اه والله …….. راحت هناء على مكتب أحمد لقيت صوته طالع وبيزعق بطريقه مفزعه جداً مع المحاسب خبطت على باب المكتبأحمد بصلها بجنب عينه ورجع بص للمحاسب وهو بيتكلم / انت لو منتبهتش لشغلك أكتر من كده يا مصطفى انا هضطر أفصلك عشان الإهمال ده مينفعش وميرضيش ربنا ده مش لعب عيال ده شغل ومهم جدا كمان يبقى. لما ألاقي

سيادتك ملغبطلي في الحسابات ومش مزود ألف والا منقص ألف وبس لأ دي ملايين يا أستاذ هي حاجه من اتنين يا اما سيادتك كنت نايم وانت بتشتغل يا اما قابض انك تبوظ الشغل وفي الحالتين هيكون ملكش مكان في الشركه بتاعتي اخرك معايا الشهر ده لو متظبطش وشغل اتظبط أنا هضطر أفصلك ودي حاجه أكيد هتزعلني لأنك بتضطرني أقطع عيشك اتفضل على شغلك وافتكر قوله سبحانه وتعالى

( وقل اعملوا فسيرى الله عملكم ورسوله والمؤمنون )

صدق الله العظيم اتفضل خرج مصطفى وأحمد اتحرك من مكانه وراح وقف قدام هناء واتكلم بهدوء / الساعه في ايدك كام يانؤهاستغربت هناء جدا من هدوءه واستغربت أكتر لما قالها يا نؤه لأول مره / الساعه 9 و10هناء واستغرابها بيزيد / كمان خمس دقايقولسه محتفظ بهدوءه / جهزتي ورق الصفقه يانؤههناء وهي بتبص للأرض / لأ/ ليه/لسه واصله حضرتك رفعت عيونها لاقيتها مثبت نظره عليها ببرود أنا أسفه والله مش هتتكرر/هي فعلاً مش هتتكرر يانؤهبصتله هناء

باستغراب من طريقته وغموضه في الكلمه اللي قالها ولاحظ هو استغرابها وعدم فهمها رد وكمل جملته ارجعي بيتكوا نامي يا هناء واحده مهمله ومستهتره زيك ماتلزمنيش في شركتياتعصبت هناء جدا من أخر جمله قالها وردت وهي بتبصله بتحدي وغضب أنا اللي ميشرفنيش اني أشتغل في شركتك اصلا يا أستاذ أحمد خليهالك بلها واشرب مايتها تولع انت وهي في يوم جمعهبص أحمد في عيونها جامد ولأول مره يلاحظ لونهم العسلي الفاتح / اشمعنى الجمعه يا نؤههناء/ عشان

أجازه متلاقيش مطافي تطفيك انت والغرزه بتاعتك اللي مخلياك بتدوس على خلق الله كده ومن غير سلامو عليكو مشيت هناء وهي بتحاول تكتم دموعها وركبت عربيتها وروحت