رواية بلوتي القمر الفصل السابع 7 - بقلم لؤلؤة محمد

بيت عبد المجيد ملك: الرسول -صلى الله عليه وسلم -لما ربنا أمره يجهر بالدعوة الإسلامية، ذهب وصعد جبل الصفا وقال بصوت عالي: "يا صاحباه! " فاجتمعوا إليه قريش. فقال لهم: "أرأيتم لو أخبرتكم أن العدو يصبحكم أو يمسيكم، كنتم تصدقوني؟ قالوا: "نعم، ماشهدنا عليك كذب قط." قال: "فإني نذير لكم بين يدي عذاب شديد." قال أبو لهب: "تَبّاً لك سائر اليوم، أمحمد ألهذا جمعتنا؟ " فأنزل

الله عز وجل سورة المسد: "تَبَّتْ يَدَا أَبِي لَهَبٍ وَتَبَّ." وللعلم يا حبايبي، أن أبو لهب كان عم النبي -صلى الله عليه وسلم طفل: مس، على فكرة انتي مبتفهميش حاجة وفاشلة. ملك: ليه؟ عملتلك إيه؟ الطفل: إزاي عم النبي كان كافر؟ انتي عبيطة؟ ملك: أنا اللي عبيطة وفاشلة يافاشل يابن الفاشلة! وخرجت رأسها من الشباك: يا أم مروان، يا أم مروان، تعالي خدي ابنك يا وليه، بدل ما أعلملك في وشه بالقطر. ابنك الفاشل أبو عقل طخين ده.

أم مروان: فيه إيه بس يا مس ملك؟ أم مروان أخدت ابنها ومشيت. وملك كملت الدرس. وفجأة لقت فونها بيرن. ملك: يلا ياعيال، روحوا. خلصنا الدرس كده النهارده. وردت على الفون: إيه يا صرصار البلاعة؟ انتي في أي بلاعة دلوقتي؟ هناء: فيه إيه؟ انتي بتعيطي؟ ملك: طب اهدي طيب واتكلمي. فيه إيه يا نؤه؟ بلاش تقلقيني عليكي. هناء بدموع: أخوكي المهزأ، معدوم الدم والمشاعر! آآآآآآآآآآآآآآآآآآآآآآآآآآآآآآآآآآآآه! ملك: طبلة ودن أمي اتخرمت!

يخربيت حنجرتك يا شيخة. ماله أخويا؟ عمل إيه؟ هناء: طردني! قال إيه: ملكيش مكان في شركتي! أبو شركتك يا جدع! ملك: طب خلاص، اهدي. وبعدين انتي اللي على طول تروحي متأخر، وهو محذرك من ده يانؤه. وكذا مرة يقولك: لو منتظمتيش هطردك. هناء: تصدقي انتي كمان مهزأة! اه صحيح، ما انتي أخته، نفس الدم المعفن. تفوووووووووووه عليكي انتي واخوكي. وقلبت في وشه. ملك: آآآآه يابنت المقعبرة، بتقفلي على وداني!

من الله يا أحمد انت وهناء. في ثانية واحدة صدعتوني. عند هناء، ركنت جنب المسجد وكان مفتوح عشان وقت الصلاة قرب. نزلت ودخلت مسجد النساء. اتوضت وصّلت ركعتين تحية المسجد. وبعدين صلت أربع ركعات عشان تحس براحة. وقعدت تقرأ سورة البقرة ومستنية الصلاة. خلصت قراءة والظهر أذن. شوية وقامت الصلاة. وصلاة الجماعة بدأت.