رواية بنا اتفاق الفصل السادس 6 - بقلم نبض القلب

حسام بفرحة: أمي... اتكلمت يا ريحانة. ريحانه: خلي بالك من مامتك يا حسام. ثم تابعت حديثها: أنا في بيت أبويا مستنية ورقة طلاقي. في منزل كريم: أماني: ريحانة قاعدة في بيت أبوها. حسام قالها إنه هيبعت لها ورقة الطلاق بكرة. ثم تابعت حديثها: قولي بقى مين العريس؟ كريم: أنا العريس اللي هيتجوز ريحانة. تمر أيام. حسام: فكري تاني عشان خاطري. أنا خلاص ندمت وعرفت قيمتك. ريحانة أنا آسف. ريحانه: أنا هتخطب لمهندس كريم أخو زميلتي.

حسام: خلاص دي نهاية. مفيش أمل ترجعي لي؟ ريحانه: أرجوك يا حسام... فين ورقة الطلاق؟ حسام: حاضر... يومين وهتكون عندك. بعد يومين بعت لها ورقة الطلاق. بعدها بخمس شهور ريحانة كان فرحها في القاعة. ريحانة اتجوزت كريم. حسام كان واقف بعيد ينظر لهم ودموع في عيونه. ثم مشى من القاعة. التفت وشاف سارة. سارة: إيه اللي جايبك هنا؟ حسام أخد نفس وتكلم: سارة، أنتِ مش زوجة صالحة اللي كنت بتمناها. سارة: قصدك إيه؟

حسام: قصدي إن ورقة طلاقك هتوصلك. سابها ومشى. ظل يمشى في طريق ولا يعرف أين يذهب. فجأة فاق على صوت مامته. مامت حسام: إيه يا ابني كل ده نوم؟ حسام: في إيه؟ مامت حسام: قوم يلا عشان تروح للعروسة. حسام: عروسة مين؟ مامت حسام: ريحانة. حسام: ريحانة... ثم تابع حديثه بفرحة: هو كان حلم... هو كان حلم. عند ريحانة: منى: إيه هتوافقي؟ رحاب: أكيد لازم توافق، دي عندها 30 سنة. ريحانه جابت المخدة اللي على ركنة ضربتها في دماغها.

ريحانه: أنا هاخد المناسب واللي من نصيبي. رحاب: بهزر معاكي... ربنا يكتب لك الخير. منى: أنتِ سألتي عنه يا ريحانة؟ ريحانه: هو بابا سأل عليه لقى إنه شاب كويس ومحترم، أهله محترمين، ومامته ست طيبة جداً. هو هييجي النهارده عشان يشوفني ويتكلم معايا. خيم الليل. حسام ذهب إلى منزل ريحانة. حسام: أنا اسمي حسام. ريحانه: أنا اسمي ريحانة. حسام ظل يتحدث مع ريحانة. حسام: أنا كنت بحب واحدة اسمها سارة. كانت هي في سنة أولى...

أنا في آخر سنة في هندسة. روحت وقتها اتقدمت لها، قولت أعمل اللي عليا يمكن تكون من نصيبي. بس بابها رفض. ريحانه: ليه؟ حسام: يعني عشان مستوى مادي كان قليل، كنا وقتها عايشين في شقة بالإيجار. رفض... وبعدها سمعت إن جوزها لواحد غني جداً. ريحانه: زعلت؟ حسام: بصراحة آه. مرت سنين، فضل قلبي مشغول بيها. بعدها عرفت إني كنت غبي جداً، إنها مش من نصيبي، ولي من نصيبي أكيد أحسن بكتير من سارة. ريحانه: لسه بتحبها؟ حسام: خلاص قلبي نساها.

ريحانه: متأكد؟ حسام: أيوه متأكد. ريحانة، أنا قلبي ارتاح لك، بتمنى إنك توافقي... تكملي معايا حياتي. ريحانه: موافقة. مرت شهور. ريحانة اتجوزت حسام وعاشوا أجمل قصة حب. في يوم جديد: فارس: فاكر سارة؟ مامت حسام: أنت جايب سيرة دي ليه؟ فارس: عاوز أقولك إن سارة اتطلقت من جوزها. مامت حسام: طب إحنا مالنا؟ حسام: سارة مين؟ فارس: اللي كنت بتحبها. حسام: أنا عمري ما حبيت حد غير ريحانة مراتي. فارس: يارجال. حسام: حب عمري هي ريحانة.

فارس: سارة كانت متجوزة...

هشام ابن عم مراتى. اللي عرفته إن سارة كانت ست بيت غير شاطرة ومهملة في بيتها ومش بتعرف تطبخ. هشام استحمل وقال تتعلم، برغم من معاملتها وتصرفاتها السيئة مع أهل هشام، لكن هشام استحمل. الفلوس اللي كانت بتاخدها منه تديها لأهلها وأخوها، "معلش أخويا مسافر محتاج فلوس"، "معلش أصل بابا محتاج الفلوس دي"، ولا أخوها سافر ولا بابها محتاج فلوس. بس هشام طيب جداً كان بيديها فلوس كتير، لغاية لما هشام عمل حادثة وقعد على كرسي متحرك. ست هانم من غير ما تسأل هو حصله إيه، طب حالته هتحسن إمتى؟

طلبت الطلاق. هي أصلاً كانت واخدة عشان هو غني. مامت حسام: هي وأهلها كده ناس مادية. إن شاء الله ربنا هيعوض هشام أحسن منها. ثم تابعت حديثها: وهشام أخباره إيه دلوقتي؟ فارس: هو مش هيقعد على كرسي متحرك على طول، دكاترة قالوا إنه هيعمل عملية هيبقى كويس. مامت حسام: ربنا يقومه بسلامة ويشفي كل مريض. ثم التفتت لحسام اللي كان سرحان في كلامهم. مامت حسام: حسام. حسام: ها. مامت حسام: سرحان في إيه؟

حسام: لو حاجة مش من نصيبنا يبقى كانت شر لنا. ربنا بعدها عنا... ربنا دايماً يكتب لنا الخير. قال كلمته جرى طلع شقته. حسام تحدث بفرحة: أنا فرحان أوي إنك كنتي مراتي. ريحانه بفرحة: نصيبي إني أكون معاك. حسام: الحمد لله إنك كنتي من نصيبي يا حبيبتي.