رواية بنا اتفاق الفصل الأول 1 - بقلم نبض القلب

حسام: مش هروح أخطب، أنا مش عاوز أتجوّز. مامت حسام: يا ابني انسها، هي عاشت حياتها واتجوّزت، عيش أنت حياتك أنت كمان وفرحني بيك. حسام: قولت لك يا أمي مش هتجوّز، مش متخيل أعيش مع واحدة غيرها. مامت حسام: يعني هتفضل كده من غير جواز؟ حسام: أيوه. مامت حسام تحدثت بنفاذ صبر: تعالى يا ابني معايا أشوف العروسة، يمكن تعجبك شكلها وكلامها. حسام: لا. مامت حسام: أنت عاوز تموتني. حسام: بعد الشر عنك.

مامت حسام: طب عشان خاطري تعالى معايا. حسام: لا، ومتزعليش. مامت حسام تحدثت بغضب: خلاص مش هتسمع كلام أمك. حسام: خلاص جاى. راح بالفعل تلات بنات، كل مرة يقول: "أصلها مش عجباني". مامت حسام: المرة دي هتاخد العروسة اللي إحنا رايحين لها. كلها مميزات. يعني لو روحت وقولت مش عجباني، هتاخدها. حسام: غصب عني. مامت حسام: يا ابني انسى سارة عشان تعرف تشوف غيرها.

حسام: حاضر، هروح معاكي يا أمي وهوافق، بس لو العروسة رفضتني، متزعليش بقى وتقولي أنا السبب. مامت حسام: هي هترفضك ليه؟ حسام: ممكن. مامت حسام: مش هترفضك يا حسام، ويلا. ذهب حسام إلى منزل شروق العروسة. حسام قاعد مع شروق. حسام: بصي، أنا هقول لك الحقيقة عشان نكون فاهمين بعض من الأول. يا ريت تفهمي كلامي. شروق: اتفضل اتكلم.

حسام: أنا هعمل معاكي اتفاق، أنا لو اتجوّزتك هجيب لك كل اللي أنتِ عاوزاه، بس مش هحبك، ولا تعتبريني إني جوزك. هتعيشي معايا زي أختي. شروق: أنت بتهزر. حسام: بكلم بجد، لأني بحب واحدة تانية وعمري ما هحب غيرها. شروق: ليه ما روحتش اتجوّزتها؟ حسام: هي اتجوّزت. شروق: ولسه بتحبها؟ حسام: غصب عني، مش قادر أنسى حبها. شروق: آه، وأنت عاوزني إني أقبل؟

حسام: براحتك، بس نصيحة مني، ارفضي طبعًا وشوفي حياتك مع شخص يحبك تعيشي معاه أجمل قصة حب. ثم تابع حديثه: قولي موافقة عليه ونفذ الاتفاق. شروق: لا طبعًا مش موافقة. حسام: هو ده اللي أنا عاوزه. شروق بخنقة: بتقول إيه؟ حسام: طيب أستأذن أنا بقى. في منزل حسام. حسام: شوفتي، هي اللي رفضت. مامت حسام: أنت قلت لها إيه؟ حسام: كلمتها عادي. مامت حسام: طيب نروح لواحدة تانية. حسام: يالهوي. مامت حسام: يلا. في منزل العروسة صفاء.

حسام قال نفس الكلام. حسام: براحتك، بس نصيحة مني، ارفضي طبعًا وشوفي حياتك مع شخص يحبك تعيشي معاه أجمل قصة حب. ثم تابع حديثه: قولي موافقة عليه ونفذ الاتفاق. صفاء: لا طبعًا مش موافقة. حسام: حلو قوي. صفاء: بتقول إيه؟ حسام: طيب أستأذن أنا بقى. في منزل حسام. مامت حسام: ريحانة. حسام: مين؟ مامت حسام: هنروح للعروسة اسمها ريحانة. حسام: كفاية كده بقى يا أمي. مامت حسام: آخر واحدة.

حسام: كل مرة تقول لي آخر واحدة. أنتِ عاجبك إن ابنك بيترفض؟ مامت حسام: عادي، لسه النصيب. يلا. حسام: مش جاى. مامت حسام: هروح أتصل بأعمامك. حسام: خلاص رايح. بس لو اترفضت، بلاش تجيبي سيرة الجواز دي تاني. مامت حسام: حاضر. في منزل ريحانة. حسام: براحتك، بس نصيحة مني، ارفضي طبعًا وشوفي حياتك مع شخص يحبك وتعيشي معاه أجمل قصة حب. ثم تابع حديثه: قولي موافقة عليه ونفذ الاتفاق. فجأة ريحانة سرحت بتفكيرها.

ريحانه: أنا تعبت من كلام اللي حواليا، اللي يقول لي انتي كبرتي، اللي يقول لي مع عرسان هتجيلك، أمي اللي قلبها موجوع عشاني، اللي قالت لكل قرايبي إنهم يجيبوا لي عريس، وأنا متأكدة لو فيه عريس مناسب لي هيبعدوا عني. منال: هتعملي إيه؟ أمك نفسها تفرح بيكي. ريحانه: عشان كده لو جالي عريس، لوه يكرهني ومش هيحبني، هوافق عليه. فاقت من تفكيرها على صوت حسام. حسام: آنسة ريحانة. أنتِ مش موافقة طبعًا على اللي قلته لكِ. ريحانه: موافقة.

حسام: موافقة على إيه؟ ريحانه: على الاتفاق. حسام: أنتِ بتهزري صح؟ ريحانه: مش بهزر، بقول لك موافقة إنك ما تحبنيش وموافقة على شروطك. حسام نظر لها بصدمة. ريحانه: يا ماما ويا طنط، أنا موافقة على حسام. مامت حسام تحدثت بفرحة: مبروك يا حبيبي. حسام حط إيده على دماغه. حسام في صمت: يانهار أسود، هخرج من وقعة دي إزاي.