رواية بنات الخالة الفصل السابع عشر 17 - بقلم شروق حجازي

زين: يلا انت اتهبلت ولا أي؟ من هنا ورايح تحرمني انت سامع؟ أسر: وده ليه إن شاء الله؟ زين: عشان هتتجوز أختي مثلاً، وأني ممكن أوقف الجوازة دي. أسر: هههههههه، تصدق ضحكتني. كلها بكره وهتبقي مراتي رسمي. زين: ماشي. أسر: ماأنت قاعد. زين: يخربيت خفة الدم. مش عارف أختي هتستحملك إزاي. شكلها عملت حاجة في حياتها عشان ربنا يبتليها البلوة دي. أسر: لا، وانت الصادق دا ربنا بيحبها.

زين: طب يلا ياخويا انت وهو روحوا اتخمدوا عشان بكرة اليوم طويل. أسر: ماشي يا أبو نسب. زين: صبرني يارب. هنبتديها أهوه. زين: إحنا نروح نكلم جدك ونلغي الجوازة دي. أسر: لا والنبي، أنا رايح أنام أهوه. تصبحوا على خير. زين: مهزء بس بيحبها. يزن: معاك حق. حمزة: يلا بينا ننام إحنا كمان. يزن: يلا. بكرة هيكون يوم صعب. في صباح يوم جديد. في أوضة أينور. نور: أي ده! كل ده نوم؟ اصحي ياعروسة. أينور: اقفلي الباب واطلعي برة.

نور: أطلع برة إيه؟ اصحي وفوقي كده، لسه ورانا حاجات كتير. أينور بنوم: حاجات إيه؟ نور: هنروح نشتري فساتين لينا، وانت ومريم لازم ليكوا فساتين مميزة كده، ونشوف ميك أب أرتيست عشان كتب الكتاب، واخده بالك انتي ولا أنا بكلم نفسي؟ أينور: بالظبط كده، بتكلمي نفسك. اطلعي بقا وسيبيني أنام. نور: يوه بقا! الظاهر مفيش فايدة معاكي. أنا عارفه مين اللي هيعرف يصحيكي. اصطبري عليا بس. طلعت نور وسابتها.

عند فهد كان صحي من بدري ومتابع مع العمال عشان تجهيزات الفرح. نور: بقا أنا عمالة أتحايل عليكي عشان تصحي وانتي مش راضية تقومي؟ ذنبك على جنبك بقا. يزن: انتي ماشية تكلمي نفسك؟ نور: ها! يزن: ها إيه بس؟ نور: انت بتطلع منين؟ يزن: من تحت الباب. نور: خفة. يزن: المهم... نور: إيه؟ يزن: مش فرح فهد وأسر على أينور ومريم النهارده؟ نور: عقبالك. يزن: عقبالنا. نور: إيه؟ يزن بضحك: بقول عقبالنا. نور: أنا ماشيه. يزن: تعالي بس.

نور مشيت وفضلت تضحك وتقول: واحد قليل الأدب. مريم من وراها: هو مين ده؟ نور بخضة: يخربيتك! انتوا ناويين تجيبوا أجلي؟ أنا هلاقيها منك ولا من أخوكي. مريم بضحك: بقا أنا أخويا قليل الأدب؟ أنهي واحد؟ نور بإحراج: مهو مهو. مريم: خلاص خلاص. وشك قلب أحمر كده ليه؟ نور: سيبك مني أنا دلوقتي. أنا عمالة أحاول أصحي أينور مش راضية تصحي. والوقت بيعدي بسرعة ولسه مجهزناش ولا اشترينا الفساتين ولا أي حاجة، ولسه الميك أب.

مريم: متقلقيش. بالنسبة للميكب أسيل كلمت أخت واحدة صاحبتها ميك أب أرتيست وشاطرة جداً. نور: كده فاضل الفساتين. مريم: نحاول بس نصحي أينور وناخد الشباب ونطلع علي المول. بس هنصحي الغيبوبة دي إزاي؟ أينور بضحك: مفيش غير شخص واحد اللي هيعرف يصحيها. مريم: ومين هو؟ نور: فهد. مريم بضحك: أينور هتنفخنا. نور: مهي اللي مش راضية تصحي. نعملها إيه؟ مريم: طب يلا نروح لفهد. نور: يلا. عند فهد. مريم: فهد! فهد! فهد! فهد! فهد: في إيه؟

الاسم عجبك؟ مريم: أينور مش راضية تصحي. فهد: إزاي يعني؟ نور: أنا روحت عشان أصحيها عشان لسه ورانا حاجات كتير، مش راضية تصحي وقالتلي إنها عاوزة تنام. فهد: ومطلوب مني إيه دلوقتي؟ نور: تروح تصحيها عشان لسه عاوزين نشتري الفساتين والميك أب. فهد: خلاص. إيه ده كله؟ خليكوا هنا وخمس دقايق وتكون قدامكم. مريم: ماشي. في أوضة أينور. فهد دخل عليها بعد ما خبط كتير، بس أينور مردتش عشان كانت فاكراها نور رجعت وبترخم عليها.

فهد: أينور اصحي. أينور بنوم: ياربي! يعني أنا سايباه في الحقيقة جاي ورايا في الحلم كمان. فهد: لا والله. أينور: امشي بقا عاوزة أكمل الحلم اللي كنت بحلمه. دايماً بتيجي في الوقت الغلط، حتى في الحلم. فصيل كده. فهد جاب مايه ورماها عليها. أينور: إيه ده؟ في إيه؟ فهد: قومي يختي غيبوبة نايمة. خمس دقايق وتكوني لابسة ونازلة تحت. وبالنسبة لكلامك مش هحاسبك عليه دلوقتي. أينور: كلام إيه؟ فهد: أنا هنزل وتنزلي ورايا.

فهد طلع وقفل الباب. أينور: منك لله ياشيخ. مش عارفة عملت إيه في حياتي عشان ربنا يبتليني بيك. فهد رجع وفتح الباب تاني. فهد: سمعتك على فكرة. أينور: وإيه يعني؟ فهد: يعني مش خايفة؟ أينور: وأنا هخاف من إيه؟ فهد بغمزة: طب هنشوف بليل. أينور بشهقة: واحد قليل الأدب. فهد ضحك وسابها وطلع، وأينور لبست ونزلت وراه. نور: أخيراً غيبوبة هانم صحيت. أينور: مش وقتك خالص. سيبوني في حالي دلوقتي، سامعين كلكم. مريم: كل ده عشان فهد صحاكي؟

هو اللي يعمله فيكي تطلعيه علينا. أينور بشر: وانتي عرفتي منين إن هو اللي صحاني؟ مريم: مهو أصل أصل... أينور: هتهتهي ولا إيه؟ أسر من وراها: براحة عليها، في إيه؟ أينور: يحنين. أسر: مش مراتي. زين: لسه يا حبيبي. أسر: دا انت رخيم بشكل. زين: بتقول حاجة؟ أسر بغيظ: بقول كلها ساعات يا أبو نسب. زين: ارحمني يارب. بقولك إيه يبني، إحنا معندناش بنات للجواز. أسر: انت بتقول إيه؟ إحنا هنهزر ولا إيه؟ مريم والكل فضلوا يضحكوا.

أسر: عجبتك أوي ياختي. مريم: مش أخويا حبيبي. أسر: حبيبك. زين: قلب أخوكي. هاتي حضن. مريم راحت عشان تحضن زين. أسر: انتي راحة فين؟ زين حضن مريم وفضل يغيظ أسر. هناء: بطل رخامة يازين على أسر. أسر: قوليله يامرات عمي. هناء بضحك: كلها كام ساعة وهتكون مراتك خلاص، وساعتها غيظه انت. أسر: أنا مش عارف الوقت مش راضي يعدي ليه؟ ماحد يستعجل المأذون ده. كل فضل يضحك على أسر. أسيل: بقولكوا إيه؟ الوقت بيعدي واحنا لسه ماجبناش الفساتين.

مريم: معاكي حق. سيلين: تيجوا نطلب أون لاين وخلاص. سيليا: وهيوصلنا امتى إن شاء الله؟ والحاجة خامتها مش بتكون حلوة زي ما هي معروضة. نور: الأون لاين مستحيل يوصل النهارده. يزن: ملهوش لازمة تطلبوا حاجة. أنا كلمت صاحبة أتيليه وهي زمانها على وصول وجايبة معاها فساتين كتيرة تختاروا منه. مريم: الشق في المواقف الصعبة. أسر: بيئة أوي انتي. متقعديش تاني مع زين. زين: وماله؟ زين إن شاء الله. أسر: إيه الكلام اللي انت بتعلمه لأختك ده؟

زين بضحك: عجبك كده؟ إحنا نلغي الجوازة دي من أولها. مريم: أنا بقول كده. أسر: أنا طالع ألبس عشان مرتكبش جريمة ويقولوا عريس قتل أخو مراته ومراته. زين: نسيت تقول قبل كتب الكتاب. أسر: محدش يمسكني. محدش يمسكني. حمزة: محدش جيه جنبك. انت هتستعبط؟ أسر: مسمعتش عن التطبيل قبل كده؟ أمال لو مكنتش أخويا. هناء: أنا بقول تطلعوا تجهزوا يلا عشان الوقت بيعدي والمأذون قريب يجي، وعاوزين نلحق نكتب الكتاب قبل المعازيم ما تيجي.

بعد وقت قليل وصلت صاحبة الأتيليه ومعاها مساعديها، وكل بنت اختارت فستان ليها. سيلين لبست فستان جولد صك. وسيليا لبست نفس فستان سيلين بس لونه سيلڤر. وأمندا لبست فستان أحمر صك لحد الركبة. ونور لبست فستان أسود طويل. وأسيل لبست فستان زهري رقيق جداً. ومريم اختارت فستان أبيض منفوش من عند الوسط وكان هادي. لسه أينور هتختار فستان، وقفتها صاحبة الأتيليه وقالت:

صاحبة الأتيليه: الفستان ده لآنسة أينور. أستاذ فهد جه إمبارح واختاروا لحضرتك وقالي أديه ليكي. سيلين: جوز أختي ده مش سهل. سيليا بضحك: معاكي حق. أينور بإحراج: شكراً لحضرتك. أنا هدخل وأقيسه. وبعد وقت خرجت أينور وكانت لابسة فستان أبيض رقيق جداً اكستينشن. البنات أول ما شافوها اتصدموا من جمالها. سيلين: إيه الجمال ده! سيليا: قمر ما شاء الله. نور بضحك: أبو نسب ذوقه جامد. أينور: الفستان حلو أوي صح؟ مريم: ما شاء الله عليكي.

أينور: وانتي يامريم فستان جميل جداً. مريم: إحنا كلنا قمر. أمندا: يعني هنطلع بعرسان؟ مريم بضحك: ده كل اللي همك. أسيل: بقولكوا إيه؟ يلا عشان صحبتي وأختها جم عشان نعمل الميك أب. وبعد وقت البنات خلصوا وعملوا ميك أب سيمبل جداً. هناء وفاطمة دخلوا وفضلوا يزغرطوا. هناء: ما شاء الله قمر يابنات. فاطمة: ربنا يحرسكوا ويحميكم. هناء: المأذون وصل. أسيل: هو إحنا هننزل تحت دلوقتي؟

هناء: لا هتمضوا هنا وبعدين تبقوا تنزلوا. هنزل أنا عشان أحضر العصير. يلا يافاطمة عشان تساعديني. وبعد وقت أنهى المأذون كتب كتاب فهد على أينور وأسر على مريم بجملته الشهيرة "بارك الله لكما وبارك عليكما وجمع بينكما في خير". زين طلع عشان يخلي أينور ومريم يمضوا. زين: انتوا ناويين تفتحوا امتى يعني؟ سيلين من ورا الباب: مش هفتح. خلي مرات عمي هي اللي تجيب الدفتر عشان مريم وأينور يمضوا. زين: منا وأمي واحد ياقمر. افتحي بقا.

هناء من وراه: لا اتنين ياروح أمك. زين بإحراج: انتي جيتي امتى ياماما؟ هناء: من أول. أنا وانتي واحد ياقمر. زين: احم. طب أنا هنزل بقا وانتي خليهم يمضوا وينزلوا على طول. هناء: ماشي. يلا انزل. زين: بذمتك انتي أمي؟ هناء: لا مرات أبوك. زين: أنا بقول كده من الأول. هناء: طب يلا على تحت ياابن الهبلة. زين: وليه الغلط؟ أنا نازل أهوه. دخلت هناء ومضت أينور ومريم، وبقت أينور مرات فهد رسمياً. ومريم مرات أسر رسمياً.

وبعد وقت نزلوا البنات إلا أينور ومريم. زين: إيه الجمال ده! حمزة: مين المزز دول؟ ياسين بضحك: احترم نفسك انت وهو، دول أكيد صاحبات بنات عمنا. يزن: لا ياخفيف انت وهو، دول بنات عمنا. أسر: أمال فين مريم؟ زين: مستعجل على إيه؟ عمك بيجيبها. وبعد وقت نزلت مريم وهي ماسكة إيد باباها. محمد: خلي بالك منها. أسر: انت بتوصيني على روحي ياعمي. أسر: سلم على عمه ومسك إيد مريم وقام حضنها. زين: ابعد عن أختي ياض.

أسر: بقت مراتي خلاص. وفضل يغيظ زين. فهد: خلاص انت وهو بقا. حمزة: طب قابل يعريس. كانت أينور نازلة على السلم وهي ماسكة إيد عمها عامر (أبو فهد) عامر: خلي بالك منها. لو في يوم زعلتها أنا اللي هقفلك، فاهم؟ فهد ضحك وقال: فاهم. فهد راح لأينور وباس رأسها. أينور بإحراج: إيه اللي انت عملته ده؟ فهد: إيه؟ مش مراتي. وفي وسط كلام فهد وأينور دخل شخص وقال: مش عيب تكتبوا الكتاب من غير معرفتي؟ أينور بصدمة: انت إيه اللي جابك هنا؟