رواية بنات الخالة الفصل الثامن عشر 18 - بقلم شروق حجازي

كانت أينور نازلة على السلم وهي ماسكة إيد عمها عامر (أبو فهد) عامر: خلي بالك منها، لو في يوم زعلتها أنا اللي هقفلك، فاهم؟ فهد ضحك وقال: فاهم. فهد راح لأينور وباس راسها. أينور بإحراج: إيه اللي انت عملته ده؟ فهد: أي مش مراتي. وفي وسط كلام فهد وأينور دخل شخص وقال: مش عيب تكتبوا الكتاب من غير معرفتي؟ أينور بصدمة: أنت إيه اللي جابك هنا؟ خال أينور: إيه، مكنتيش عاوزة خالك يحضر كتب كتابك ولا إيه؟ بقا تتجوزي من ورايا؟

أينور: أنا مليش خال، سامع؟ أنا كنت بحترمك بس عشان خاطر ماما الله يرحمها. وهي دلوقتي ماتت، وكفاية أوي اللي انت عملته، جاي عاوز إيه تاني؟ خال أينور: بقا بتهربوا من البيت وتجيبولي العار بعمايلتكم دي، وكل ده عشان كنت عاوز أستركم وأجوزكم جوازة محترمة. نور بضحك: هو انت بتضحك على نفسك؟ جوازة محترمة مين؟ كلمي يا أينور، بيقولك جوازة محترمة. أينور: أصل دلوقتي تجار المخدرات بقوا محترمين اليومين دول.

فهد سمع من هنا موضوع الجواز وشاط على الآخر. فهد: جواز مين؟ امشي اطلع بره بالذوق أحسنلك. عماد (خال أينور والبنات) : أطلع بره مين؟ أنا جاي آخد بنات أخواتي. فهد: بنات أخواتك قاعدين في بيت أبوهم الله يرحمه. خد بعضك بقا واطلع بره، بس قبل ما تطلع بارك لبنت أختك بقت مراتي، يعني قاعدة مع جوزها.

عماد بضيق: أنا جاي آخد نور وأمندا بنات أختي، ده مش بيتهم زي ما بتقول. وبالنسبة لأينور وأخواتها، هم في بيتهم زي ما بتقول، يعني مبقوش يخصوني. أينور بصت لنور لقتها متوترة، راحت ومسكت إيدها عشان تطمنها. والبنات راحوا وقفوا معاهم. أينور: زي ما جيت هنا لوحدك، برضه هترجع لوحدك من هنا. ونور وأمندا مش هيبعدوا عننا، ومحدش هيفرقنا. إحنا الخمسة، إنت سامع. عماد لسه هيتكلم، قاطعه الجد. الجد: بطل كلام كتير وتعالى ورايا على المكتب.

الكل استغرب. عماد: لما أشوف آخرتها معاكم. أمندا: هو جدكوا هيكون عاوز خاله في إيه؟ أينور: معرفش، بس اللي أعرفه إن جدي هيحل الموضوع وخالكوا هيمشي ومش هنشوف وشه تاني. سيلين: وإيه اللي فكره بينا دلوقتي بعد الوقت ده كله؟ أينور: هتلاقي الفلوس اللي معاه خلصت، وقال يدور علينا عشان يطلعله مصلحة من ورانا. سيليا: طب عرف مكاننا منين؟ أينور: ماهو عارف إننا منعرفش حد، وإن مالناش حد غير جدك وعيلتنا. في المكتب.

الجد: بقولك إيه، أنا عارف انت جاي ليه، فمن غير لف ودوران. عاوز أقولك إن يزن ابن ابني كاتب كتابه هو كمان على نور. بس هديك اللي انت جاي عشانه عشان مش عاوز أشوف وشك تاني، ولا تتعرض لأي واحدة من البنات، وتنسى إن عندك بنات أخوات من الأساس. عماد: انت بتقول إيه؟ الجد: زي ما سمعت كده. شوف انت عاوز كام عشان نخلص. عماد بضحكة خبيثة: هتفضل طول عمرك فاهم. الجد بقرف: هات من الآخر وقول كام، ومش عاوز أشوف خلقتك دي هنا تاني.

عماد: انت وتقديرك يا حاج. الجد: تقدير. الجد طلع شيك وكتبه وأداه لعماد. الجد: حلو كده؟ عماد مسك الشيك وفضل مبلم. عماد: دا حلو بشكل. الجد: تمام، مش عاوز أشوف وشك نهائي، تاخد بعضك وتطلع من هنا ومتجيش تاني، ومش عاوزك تفكر تقرب من البنات، انت سامع. عماد: سامع يا حاج، بس بنات مين؟ أنا معنديش إخوات أصلاً. الجد بإشمئزاز: أنا مش عارف أقولك إيه. عماد: أنا ماشي أنا بقا. الجد: في داهية. عماد: مقبولة منك يا حاج.

سيلين: الحقوا، باب المكتب اتفتح أهوه. عماد بص للبنات وهو خارج ومتكلمش. سيليا: ماله ده هو كمان؟ أينور: سيبك منه، المهم إنه غار في ستين داهية. نور: ياترى جدك قاله إيه عشان يمشي كده هو ساكت؟ أينور: لما جدي يطلع هنعرف. زين: إيه ده، دا مشي. حمزة: يعني انت عاوز جدك يكلمه وميمشيش؟ زين بغمزة لحمزة: معاك حق ياحمزة والله. جدك لو مكنش اتدخل، كان زمانه لسه مصمم ياخد نور وأمندا. حمزة فهم زين وضحك.

حمزة: أيوه، وكان في ناس هتزعل أوي لو مشيوا. وبالذات يزن: انت بتوشوشه تقوله إيه؟ وبعدين أنا هزعل ليه؟ حمزة وزين بصوا لبعض وفضلوا يضحكوا على يزن. حمزة بضحك: البس. يزن: تصدقوا إنكم انتوا الاتنين مهزأين. زين: وأنا مالي بس. حمزة بضحك: إحنا مقولناش حاجة، انت اللي قولت. أنا كنت بقوله أينور هتزعل لو نور مشيت، والليلة شكلها هتبوظ على فهد. فهد من وراه: لا والله. يزن بضحك: البس انت بقا ياحلو. حمزة بصوت واطي: منا لبست فعلاً.

فهد: سمعني بقا، كنت بتقول إيه؟ حمزة: مفيش يا كبير، كنت بقول شكل يزن هيحصل فهد ويعملها ويتجوز قريب. يزن: اصبر عليا بس. فهد بضحك: هم عملوها فيك؟ يزن بإستغراب: عملوا إيه؟ فهد: مفيش ياسيدي، كنت معدي وسمعتهم وهم بيتفقوا عليك عشان تعترف إنك بتحب نور. يزن: تمام أوي، حسابكوا تقل معايا أوي. زين: طب بس بس، جدكم طلع أهوه. أينور: إيه حصل يا جدي؟ وحضرتك قولت لخالي إيه عشان يمشي من غير ما يعمل حاجة؟

الجد: متقلقيش يابنتي، هو خلاص مشي ومش هيرجع تاني ولا يضايقك. نور: طب حضرتك قولتله إيه؟ الجد: كان مصمم ياخدك، وبهددني إنه يطلب الشرطة عشان ياخدك انتي وأختك. أينور: وإيه حصل؟ الجد: قولته اطلب الشرطة، بس هتيجي تاخدك انت عشان عاوز تاخد واحدة غصب عنها وهي متجوزة أصلاً. نور: متجوزة؟ الجد: منا قولتهالك إنك متجوزة عشان يسيبك. وقولتله إن أختك قاعدة معاكي، وبكده مش هيقدر ياخدكوا. معلش يبنتي، ده كان الحل الوحيد.

نور: طب ومتجوزة مين إن شاء الله؟ الجد بضحك: يزن. نور بإحراج: إيه؟ يزن ضحك وغمز لنور. الجد: ده الحل اللي كان قدامي. وطلب يشوف قسيمة الجواز، قولتله لسه مطلعتش، وانتوا لازم تتجوزا. نور: أتجوز إيه بس؟ أينور بصوت واطي: متأفوريش أوي كده، دا انتي هتموتي عليه أصلاً. نور بصوت واطي: باين عليا أوي كده؟ أينور: أه يختي، باين أوي. وكل اللي في البيت عارف دا، كفاية نظرتكوا لبعض. نور: الواحد مفضوح أوي كده.

أينور بضحك: ألف مبروك يروحي. نور: الله يبارك فيكي، وعقبالك. أينور: عقبالي إمال مين اللي لسه مكتوب كتابها دلوقتي دي؟ انتي هبلة؟ نور بضحك: تصدقي أه، دا أنا نسيت. أينور: منه لله خالك، قلب الفرح لأكشن. أنا حاسة إننا في مسلسل. نور بضحك: انتي بتقولي فيها. أينور بضحك: استعنا على الشقا بالله. نور: انتي ناوية على إيه؟ أينور: أنا معاك يا جدي، إن ده الحل الوحيد عشان خالي ما ياخدش نور ولا أمندا. نور بصوت واطي: منك لله.

فهد: والمأذون هنا أهوه، لسه مامشيش يكتب كتابهم وخلاص. نور بنفس الصوت الواطي: أنا هلاقيها منك ولا من مراتك ياشيخ. الجد: بس قبل أي حاجة، انتوا موافقين؟ يزن: موافق يا جدي. الجد: وانتي يابنتي موافقة؟ نور بإحراج: موافقة. الجد: خلاص يازين، نادي على الشيخ يكتب كتابهم. زين: حاضر يا جدي. وبعد وقت، جه المأذون وكتب كتاب يزن على نور. يزن: كده بقيتي مراتي، أنا مش مصدق.

نور بإحراج: لا صدق، بس اللي أنا مش فاهماه، ليه جدك قال إنك متجوزني؟ إشمعنا انت، ليه مش أي حد تاني؟

يزن: هحكيلك. امبارح لقيت جدي بيندهلي ويقولي إنه عاوزني أتجوزك عشان ممكن في أي وقت خالك يجي وياخدكم، وساعتها جدي مش هيعرف يعمل حاجة عشان هو خالكم. فأنا ساعتها فرحت بجد، وبيني وبينك ما صدقت. بس استغربت ليه جدي طلب مني أنا كده. لقيت جدي بيقولي متستغربش، أنا كان ممكن أطلب من حمزة أو زين، بس أنا عارف إنك بتحبها وهتحافظ عليها، عشان كده طلبت منك انت. واتصدمت أكتر إن جدي عارف إني بحبك، ومش بس كده، دا الكل كمان عارف، وانت ولا هنا.

نور ضحكت: ومين قالك إني مكنتش أعرف؟ يزن: يعني انتي كنتي عارفة؟ نور: أيوه. يزن: طب إيه؟ نور: إيه؟ يزن: مش هتقوليها بقا؟ نور: يزن، في حاجة مهمة عاوزه أقولهالك. يزن: إيه؟ نور: ........................... يزن بصدمة: بتقولي إيه؟